ரூ.800 கட்டணம் செலுத்தவில்லை... தேர்வில் பங்கேற்க தடை... உ.பி.-யில் உயிரை மாய்த்துக்கொண்ட 17 வயது மாணவி!

 

31 3 25 

வழக்குப் பதிவு செய்யப்பட்டு விசாரணை நடைபெற்று வருவதாக போலீசார் தெரிவித்தனர். (Source: File/ Representational)

உத்தரப் பிரதேச மாநிலம், பிரதாப்கர் மாவட்டத்தில் 9-ம் வகுப்பு மாணவி ஒருவர் தனது ஆண்டுத் தேர்வு எழுத அனுமதி மறுக்கப்பட்டதாகவும், கட்டணம் செலுத்தாததால் கல்லூரி நிர்வாகம் அவமானப்படுத்தியதாகவும் கூறப்பட்டதால், அவரது அறையில் தூக்கில் தொங்கிய நிலையில் காணப்பட்டதாக போலீசார் சனிக்கிழமை தெரிவித்தனர்.

கமலா ஷரன் யாதவ் இன்டர் கல்லூரியில் படிக்கும் மாணவி ரியா பிரஜாபதி (17) என்பவரின் தாயார் பூனம் தேவி அளித்த புகாரின்படி, கமலா ஷரன் யாதவ் இன்டர் கல்லூரியில் படிக்கும் மாணவிக்கு ரூ.800 கட்டணம் செலுத்த வேண்டியிருந்ததால், அவருக்கு தேர்வு எழுத நுழைவுச் சீட்டு வழங்கப்படவில்லை என்று தெரிவித்தனர்.

சனிக்கிழமை தேர்வு எழுதச் சென்றபோது, ​​கல்லூரி மேலாளர் சந்தோஷ் குமார் யாதவ், முதல்வர் ராஜ்குமார் யாதவ், ஊழியர் தீபக் சரோஜ், பியூன் தனிராம் மற்றும் இன்னும் அடையாளம் காணப்படாத ஒரு ஆசிரியர் ஆகியோரால் தனது மகள் அவமானப்படுத்தப்பட்டதாக அவர் குற்றம் சாட்டினார் என்று ஒரு போலீஸ் அதிகாரி கூறினார்.

அந்தப் பெண் தேர்வு எழுத அனுமதிக்கப்படவில்லை, வீட்டுக்கு திரும்பிப்போ என்று கேட்டுக் கொள்ளப்பட்டதாக, கூடுதல் காவல் கண்காணிப்பாளர் (கிழக்கு) துர்கேஷ் குமார் சிங் புகாரை மேற்கோள் காட்டி கூறினார்.

அவமானத்தால் மனமுடைந்த ரியா வீடு திரும்பியதும், ஒரு அறையில் தூக்கிட்டு இறந்ததாக போலீசார் தெரிவித்தனர்.

மேலும், கல்லூரி ஊழியர்கள் தனது மகளின் எதிர்காலத்தை நாசமாக்கிவிடுவதாக மிரட்டியதாகவும், இதனால் தற்கொலை செய்து கொண்டதாகவும் புகார்தாரர் குற்றம் சாட்டியுள்ளனர்.

வழக்கு பதிவு செய்யப்பட்டு விசாரணை நடைபெற்று வருகிறது. உடல் பிரேத பரிசோதனைக்காக அனுப்பப்பட்டுள்ளதாக போலீசார் தெரிவித்தனர்.

source https://tamil.indianexpress.com/india/barred-from-annual-exam-over-rs-800-unpaid-fees-17-year-old-up-student-kills-self-8908258

Read More

எதிர்க்கட்சித் தலைவர் ராகுல் காந்தியின் அழைப்பு

 எதிர்க்கட்சித் தலைவர் ராகுல் காந்தியின் அழைப்பு 

30/03/2025

ஆவாஸ் பாரத் கி என்பது இந்திய மக்கள் தங்கள் எண்ணங்கள், ஆலோசனைகள் மற்றும் கவலைகளை நேரடியாக தனது அலுவலகத்துடன் பகிர்ந்து கொள்ள ஒரு தளத்தை வழங்குவதற்காக எதிர்க்கட்சித் தலைவர் ராகுல் காந்தியின் முயற்சியாகும்.

ஒவ்வொரு செய்தியையும் நாங்கள் மதிக்கிறோம், முடிந்தவரை பலருக்கு பதிலளிக்க முயற்சிப்போம். பலதரப்பட்ட சமூகங்களிடமிருந்து கேட்கும் நோக்கத்தில், பெரிய குழுக்களை பிரதிநிதித்துவப்படுத்தும் நிறுவனங்களை அணுகுமாறு நாங்கள் ஊக்குவிக்கிறோம்.

உங்கள் எண்ணங்களைப் பகிர்ந்து கொள்ள, கீழே உள்ள படிவத்தைப் பூர்த்தி செய்யவும்.

https://rahulgandhi.in/awaazbharatki

Read More

இந்தியாவின் வங்கித் துறையை நெருக்கடியில் தள்ளியுள்ளது என மக்களவை எதிர்கட்சித் தலைவர் ராகுல் காந்தி கூறியுள்ளார்.

 

பாஜக-வின் குரோனிசம் (நண்பர்களின் தகுதிகளைப் பொருட்படுத்தாமல், அரசியல் அல்லது வணிக சூழலில், அவர்களுக்கு சிறப்பு சலுகை அளிக்கும் நடைமுறையை) மற்றும் தவறான ஒழுங்குமுறை நிர்வாகம் காரணமாக இந்தியாவின் வங்கித் துறையை நெருக்கடியில் தள்ளிவிடப்பட்டதாகவும்  இளம் ஊழியர்கள்  மன அழுத்தம்  அடைவதாகவும்  மக்களவை எதிர்க்கட்சித் தலைவர் ராகுல் காந்தி குற்றம் சாட்டியுள்ளார்.

இது தொடர்பாக அவர் எக்ஸ் வலைத்தளத்தில் முன்னாள் வங்கி ஊழியர்கள் சந்திப்பு குறித்த வீடியோவை வெளியிட்டுள்ளார். மேலும் அந்த பதிவில், “பாஜக அரசு தனது பில்லியனர் நண்பர்களுக்கான ரூ.16 லட்சம் கோடி கடன்களை தள்ளுபடி செய்துள்ளது.

29 3 25

பாஜக-வின் குரோனிசம், தவறான நிர்வாகன்  இந்தியாவின் வங்கித் துறையை நெருக்கடியில் தள்ளியுள்ளது. இந்தச் சுமையால் ஜூனியர் ஊழியர்கள் மன அழுத்தம் அடைகிறார்கள். 782 முன்னாள் ஐசிஐசிஐ வங்கி ஊழியர்களின் சார்பாக, ஒரு குழு நேற்று நாடாளுமன்றத்தில் என்னைச் சந்தித்தது. அவர்களின் கதைகள் ஒரு தொந்தரவான வடிவத்தை வெளிப்படுத்துகின்றன.

பணியில் துன்புறுத்தல், கட்டாய இடமாற்றங்கள், NPA மீறுபவர்களுக்கு நெறிமுறையற்ற கடன்களை அம்பலப்படுத்தியதற்காக பழிவாங்கல் மற்றும் உரிய நடைமுறை இல்லாமல் பணிநீக்கம் போன்றவை தற்கொலைக்கு வழிவகுக்கிறது. பாஜக அரசின் பொருளாதார தவறான மேலாண்மை மனித இழப்பைக் கொண்டுள்ளது.

The BJP government has written off ₹16 lakh crore in loans for their billionaire friends. Cronyism, coupled with regulatory mismanagement has pushed India’s banking sector into crisis. This burden is ultimately borne by junior employees, who endure stress and toxic work… pic.twitter.com/v9BoxDgQVY

— Rahul Gandhi (@RahulGandhi) March 29, 2025

இது நாடு முழுவதும் உள்ள ஆயிரக்கணக்கான நேர்மையான பணிபுரியும் நிபுணர்களைப் பாதிக்கும். இது மிகவும் கவலைக்குரிய விஷயம். இந்த தொழிலாள வர்க்க நிபுணர்களுக்கு நீதி கிடைக்கவும், இதுபோன்ற பணியிட துன்புறுத்தல் மற்றும் சுரண்டலை முடிவுக்குக் கொண்டுவரவும் காங்கிரஸ் கட்சி இந்த பிரச்சினையை முழுமையாக எடுத்துக் கொள்ளும். இதேபோன்ற அநீதியை நீங்கள் சந்துக்கும் வங்கி ஊழியர்கள், https://rahulgandhi.in/awaazbharatki என்ற இணைதளத்தில் புகாரை பதிவிடுங்கள்”

இவ்வாறு மக்களவை எதிர்கட்சித் தலைவர் ராகுல் காந்தி தெரிவித்துள்ளார்.

source https://news7tamil.live/bjp-has-put-indias-banking-sector-in-crisis-rahul-gandhi-mp-alleges.html

Read More

தமிழ்நாட்டில் 2-ஆம் இடத்திற்கு தான் போட்டி நிலவுகிறது": ஸ்டாலின் விமர்சனம்

 29 3 25 

தமிழ்நாட்டில் தி.மு.க தான் ஆளுங்கட்சியாக இருக்கும் என்றும், இரண்டாம் இடத்திற்கு தான் தற்போதைய போட்டி நிலவுகிறது என்றும் முதலமைச்சர் ஸ்டாலின் விமர்சனம் செய்துள்ளார்.

சென்னை, கொளத்தூரில் இன்றைய தினம் (மார்ச் 29) இஃப்தார் நோன்பு திறக்கும் நிகழ்வு நடைபெற்றது. இதில் முதலமைச்சர் ஸ்டாலின் கலந்து கொண்டார். மேலும், ரமலான் பண்டிகையை முன்னிட்டு ஏராளமான இஸ்லாமியர்களுக்கு அவர் பரிசு பொருட்கள் வழங்கினார்.

இதைத் தொடர்ந்து நடைபெற்ற கூட்டத்தில் முதலமைச்சர் ஸ்டாலின் உரையாற்றினார். அவர் பேசும் போது, "அடுத்ததாக அ.தி.மு.க தான் ஆளுங்கட்சியாக இருக்கும் என்று அக்கட்சி பொதுச் செயலாளர் எடப்பாடி பழனிசாமி கூறிக் கொண்டிருந்தார். இன்றைய தினம் ஒரு நபருக்கு பதில் கூறுவதற்காக எடப்பாடி பழனிசாமி பேட்டி அளித்திருக்கிறார். அதில், தாங்கள் தான் அடுத்த எதிர்க் கட்சி என்று எடப்பாடி பழனிசாமி தெரிவித்துள்ளார்.

அந்த வகையில் அடுத்த ஆளுங்கட்சி என்று கூறிக் கொண்டிருந்த நபர், அடுத்த எதிர்க் கட்சி என்று சொல்லக் கூடிய நிலைக்கு தள்ளப்பட்டுள்ளார். இது தமிழ்நாட்டின் இன்றைய நிலை. இரண்டாம் இடத்தை யார் அடைவது என்பது தான் தமிழ்நாட்டில் தற்போது போட்டியாக உள்ளது.

நம்மை பொறுத்தவரை தி.மு.க தான் எப்போது முதல் இடத்திற்கு வரும். தி.மு.க தான் ஆளுங்கட்சியாக இருக்கும். இதனை மமதை கொண்டு நான் கூறவில்லை. அகங்காரத்தினால் இதனை நான் கூறவில்லை. மக்களின் ஆதரவு மற்றும் அவர்களின் வரவேற்பை வைத்து தான் இவ்வாறு நான் கூறுகிறேன்.

இரவோடு இரவாக திட்டம் தீட்டி யாருக்கும் தெரியாமல் விடியற்காலை நேரத்தில் விமானத்தில் டெல்லி சென்றார் எடப்பாடி பழனிசாமி. அங்கு நான்கு கார்கள் மாறி அமித்ஷாவை சென்று சந்தித்திருக்கிறார். இது அனைத்து பத்திரிகைகளிலும் தெளிவாக வந்துள்ளது. 

இருமொழிக் கொள்கை குறித்து வலியுறுத்தி பேசுமாறு எடப்பாடி பழனிசாமிக்கு வேண்டுகோள் விடுத்தேன். இருமொழிக் கொள்கை குறித்து அழுத்தமாக அமித்ஷாவிடம் பேசியதாக செய்தியாளர்களிடம் எடப்பாடி பழனிசாமி கூறினார். அதற்கு தமிழ்நாட்டு மக்கள் சார்பில் அவருக்கு நன்றி தெரிவித்துக் கொள்கிறேன். அதேபோல், வக்ஃபு வாரிய பிரச்சனை குறித்து பேச வேண்டும் என்றும் எடப்பாடி பழனிசாமியை வலியுறுத்தியுள்ளேன்" எனக் கூறினார்.

source https://tamil.indianexpress.com/tamilnadu/stalin-says-dmk-will-continue-as-ruling-party-in-tamilnadu-8904681

Read More

பணமில்லையா? மனமில்லையா? - மத்திய அரசுக்கு கேள்வி எழுப்பி ஸ்டாலின் எக்ஸ் பதிவு

 3- 3 25

புகைப்படம்: ஸ்டாலின் எக்ஸ் பதிவு

மத்திய அரசு கடந்த 4 மாதங்களுக்கும் மேலாக தமிழ்நாட்டிற்கு தரவேண்டிய ரூ.4,034 கோடி அளவுக்கு மகாத்மா காந்தி தேசிய ஊரக வேலை உறுதி திட்ட நிதி வழங்கவில்லை என முதலமைச்சர் மு.க.ஸ்டாலின் தெரிவித்திருந்தார். அதுமட்டுமின்றி தமிழ்நாட்டில் 100 நாள் வேலை உறுதி திட்டத்துக்கு ரூ.4,034 கோடி நிதியை வழங்காத மத்திய அரசை கண்டித்து திமுக சார்பில் தமிழகம் முழுவதும் நேற்று ஆர்ப்பாட்டம் நடந்தது. 

இந்நிலையில் தமிழ்நாடு முதலமைச்சர் மு.க.ஸ்டாலின் தனது எக்ஸ் பக்கத்தில், “ காந்தியை பிடிக்காதவர்களுக்கு அவர் பெயரிலான நூறு நாள் வேலைத் திட்டத்தையும் பிடிக்கவில்லை. இந்தியக் கிராமப்புறப் பொருளாதாரத்தின் முதுகெலும்பாக இரத்த ஓட்டமாக ஐக்கிய முற்போக்க கூட்டணி அரசால் வளர்த்தெடுக்கப்பட்ட மகாத்மா காந்தி தேசிய ஊரக வேலை உறுதித்திட்டம் மீது சம்மட்டி கொண்டு அடித்து ஒரேயடியாக ஒழித்துக்கட்டும் வேலையில் இறங்கியிருக்கிறது இரக்கமற்ற பாஜக அரசு.

உங்களுக்கு வேண்டப்பட்ட கார்ப்பரேட்டுகள் என்றால் பல லட்சம் கோடி ரூபாய் கடனை கூட ஒரே கையெழுத்தில் தள்ளுபடி செய்கிறீர்களே? வேகாத வெயிலில் உடலை வருத்தி, வியர்வை சிந்தி உழைத்த ஏழைகளின் சம்பளப் பணத்தை விடுவிக்க மட்டும் ஏன் பணமில்லை? பணமில்லையா அல்லது மனமில்லையா?தமிழ்நாடெங்கும் இன்றைய ஆர்ப்பாட்டத்தில் கழக உடன்பிறப்புகளும் ஏழை மக்களும் எழுப்பும் குரல் டெல்லியை எட்டட்டும்! அரசின் மனம் இரங்கட்டும்” எனப் பதிவிட்டுள்ளார்.

source https://tamil.indianexpress.com/tamilnadu/stalin-x-page-post-about-mahatma-gandhi-100-days-work-salary-pending-8905580

Read More

மியான்மர், தாய்லாந்தில் ஏற்பட்ட சக்திவாய்ந்த நிலநடுக்கம்.. உருக்குலைந்த கட்டிடங்கள்; ஆயிரக்கணக்கானோர் பலி?

 29 3 25 

மியான்மர், தாய்லாந்து ஆகிய நாடுகளில் நேற்று அடுத்தடுத்து பயங்கர நிலநடுக்கம் ஏற்பட்டது. இந்தியாவுக்கு மிகவும் நெருக்கமான நாடான மியான்மரை வெள்ளிக்கிழமை பகல் 12.50 மணிக்கு மிக சக்தி வாய்ந்த நிலநடுக்கங்கள் உலுக்கின. 7.7 மற்றும் 6.4 என்ற ரிக்டர் அளவில் பூமிக்கு அடியில் 10 கி.மீ. ஆழத்தில் சக்தி வாய்ந்த நிலநடுக்கங்கள் ஏற்பட்டன. மியான்மரின் 2-வது பெரிய நகரமான மண்டலேயில் இருந்து 17.2 கி.மீ. தொலைவில் நிலநடுக்கம் ஏற்பட்டதாக அமெரிக்க புவியியல் ஆய்வு மையம் (USGS) தெரிவித்தது. 

நிலநடுக்கத்தால் மாண்டலே மற்றும் தலைநகர் நைபியிதோவில் கடுமையான பாதிப்பு பதிவானது. இதனால் மாண்டலே விமான நிலையத்தில் கூடியிருந்த பயணிகள் அச்சத்தில் உறைந்தனர். கட்டங்கள் குலுங்கியதால் மக்கள் அலறியடித்து அங்கும், இங்குமாக ஓடினர். சக்தி வாய்ந்த நில நடுக்கத்தால் மாட மாளிகைகள் நொடிப்பொழுதில் கட்டடக் குவியலாக மாறின.

மியான்மரில் ஏற்பட்ட நிலநடுக்கத்தில் ஆயிரக்கணக்கானோர் உயிரிழந்திருக்கலாம் என்று அமெரிக்க புவியியல் ஆய்வு மையம் தெரிவித்து உள்ளது. மியான்மரில் ஏற்பட்ட நிலநடுக்கம் அதன் அண்டை நாடான தாய்லாந்திலும் உணரப்பட்டது. அங்கு கட்டப்பட்டு வந்த 30 மாடி கட்டடம் சீட்டுக்கட்டுகள் போல சரிந்து விழுந்தன.பாங்காக்கில் உள்ள ஒரு அடுக்குமாடி கட்டடத்தில் இருந்த நீச்சல் குளத்தில் இருந்து தண்ணீர் ததும்பி, செயற்கை அருவிபோல் கொட்டியது.

கட்டட இடிபாடுகளில் இரும்புக்கம்பிகள் சூழ்ந்திருக்க அதில் சிக்கிக் கொண்ட தொழிலாளர் ஒருவர் உதவிக்கரம் கேட்டு அலறியது மனதை மிகவும் உருக்கியது. நிலநடுக்கத்தால் பாங்காக்கில் மெட்ரோ மற்றும் ரயில் சேவைகள் பாதிக்கப்பட்ட நிலையில் சுரங்கப்பாதையில் நிறுத்தப்பட்டிருந்த மெட்ரோ ரயில் குலுங்கிய காட்சிகளும் வெளியாகின.

நிலநடுக்கத்தைத் தொடர்ந்து மியான்மரின் மண்டலே மற்றும் யாங்கோன் ஆகிய இடங்களில் மின்சாரம் துண்டிக்கப்பட்டுள்ளதால், அங்கு வசிக்கும் மக்கள் மின்சாரம் இல்லாமல் தவித்து வருவதாகவும், தகவல் தொடர்பு துண்டிக்கப்பட்டுள்ளதாகவும் தகவல்கள் தெரிவிக்கின்றன. மியான்மர் மற்றும் தாய்லாந்தில் நிலநடுக்க எச்சரிக்கை ஒலி ஒலித்ததும் பலர் பாதுகாப்பான பகுதிகளுக்கு வெளியேறியது உயிரிழப்புகளை தடுக்க உதவியது. மியான்மரில் அவசர நிலை பிறப்பிக்கப்பட்ட நிலையில், காயமடைந்தவர்களுக்கு ரத்தம் அளிக்கவும், இடிபாடுகளில் சிக்கி இருப்போருக்கு மனிதாபிமான உதவிகள் அளிக்கவும் அந்நாட்டு அரசு கேட்டுக் கொண்டுள்ளது.

பாலங்கள், கட்டுமானங்கள், குடியிருப்புகள் இடிந்து விழுந்ததில் மியான்மரில் உயிரிழந்தோர் எண்ணிக்கை 255-ஆக அதிகரித்துள்ளது. சரிந்து விழுந்த ட்டட இடிபாடுகளில் சிக்கி 700-க்கும் மேற்பட்டோர் காயமடைந்துள்ளனர். 2-வது நாளாக மீட்புப் பணிகள் தீவிரப்படுத்தப்பட்டுள்ளன. மீட்பு மற்றும் முன்னெச்சரிக்கை நடவடிக்கையாக சுரங்கப்பாதை மற்றும் பாலங்கள் மூடப்பட்டன. தலைநகர் பாங்காக்கில் கட்டடங்கள் இடியும் அபாயம் இருப்பதால் காயமடைந்தவர்களுக்கு சாலையிலேயே சிகிச்சை அளிக்கப்பட்டது.

நிலநடுக்கத்தால் பல கட்டிடங்கள் இடிந்த நிலையில், இடிபாடுகளுக்குள் பலர் சிக்கியுள்ளனர். இதனால், உயிரிழப்பு மேலும் அதிகாரிக்கும் என எதிர்பார்க்கப்படுகிறது. அதேவேளை, மீட்புப்பணிகளும் துரிதமாக நடைபெற்று வருகிறது.மேலும் மலேசியா, வங்கதேசம், லாவோஸ், சீனா மட்டுமன்றி இந்தியாவின் வடகிழக்கு மாநிலங்களிலும் லேசான நில அதிர்வு உணரப்பட்டது.

இந்நிலையில், நிலநடுக்கத்தால் பாதிக்கப்பட்டுள்ள மியான்மருக்கு நிவாரண பொருட்களை இந்தியா அனுப்பி வைத்துள்ளது. தற்காலிக கூடாரம், போர்வை, உணவு, சுத்திகரிக்கப்பட்ட குடிநீர், சூரிய ஒளி மின் விளக்கு, ஜெனரேட்டர், அடிப்படை மருந்துகள் உள்பட 15 டன் நிவாரண பொருட்கள் ராணுவ விமானம் மூலம் மியான்மருக்கு அனுப்பி வைக்கப்பட்டுள்ளன.

source https://tamil.indianexpress.com/international/thousands-of-people-have-been-killed-in-an-earthquake-in-myanmar-us-geological-survey-center-8902390

Read More

மே 1 முதல் உயர்த்தப்படும் கட்டணம்!

 28 3 25

மே மாதம் ஒன்றாம் தேதி முதல் ஏ.டி.எம் பணப்பரிவர்த்தனைகளுக்கான கட்டணத்தை உயர்த்தி ரிசர்வ் வங்கி உத்தரவிட்டுள்ளது. அதன்படி, ரூ. 21-ல் இருந்து ரூ. 23-ஆக இதன் கட்டணம் உயர்த்தப்பட்டுள்ளது.

இன்று (மார்ச் 28) வெளியிடப்பட்ட அறிக்கையில் இது குறித்த தகவல்கள் குறிப்பிடப்பட்டுள்ளன. அதனடிப்படையில், ஒரு ஏ.டி.எம் கார்டை பயன்படுத்தி அதே வங்கி ஏ.டி.எம் மையத்தில் இருந்து 5 முறை இலவசமாக பணம் எடுத்துக் கொள்ள முடியும். 

இது தவிர மற்ற வங்கி மெட்ரோ ஏ.டி.எம் மையத்தில் மூன்று முறையும், மெட்ரோ அல்லாத ஏ.டி.எம் மையத்தில் இருந்து ஐந்து முறையும் இலவசமாக பணம் எடுத்துக் கொள்ளலாம். ஆனால், இந்த இலவச பணப்பரிவர்த்தனை எண்ணிக்கை தாண்டும் போது, ஒரு முறை பணம் எடுத்தால் ரூ. 23 கட்டணமாக வசூலிக்கப்படும்.

இந்த நடைமுறை மே மாதம் ஒன்றாம் தேதி முதல் அமலுக்கு வருகிறது. எனவே, இதற்கு ஏற்றார் போல் வாடிக்கையாளர்கள் தங்கள் பணப்பரிவர்த்தனைகளை திட்டமிட்டுக் கொள்ளுமாறு அறிவுறுத்தப்பட்டுள்ளனர்.

source https://tamil.indianexpress.com/business/banking-finance-rbi-announces-increase-in-atm-fee-effective-from-may-1-2025-8901794

Read More

100 நாள் வேலை நிதி: பணமில்லையா? மனமில்லையா? -ஸ்டாலின் கேள்வி

 

28 3 25

காந்தியைப் பிடிக்காதவர்களுக்கு அவர் பெயரிலான நூறு நாள் வேலைத் திட்டத்தையும் பிடிக்கவில்லை என தமிழக முதல்வர் முக ஸ்டாலின் மத்திய அரசை குற்றஞ்சாட்டி உள்ளார். இதுகுறித்து அவர் தனது எக்ஸ் பக்கத்தில் கூறியிருப்பதாவது:

இந்தியக் கிராமப்புறப் பொருளாதாரத்தின் முதுகெலும்பாக, இரத்த ஓட்டமாக #UPA அரசால் வளர்த்தெடுக்கப்பட்ட #MGNREGA மீது சம்மட்டி கொண்டு அடித்து ஒரேயடியாக ஒழித்துக்கட்டும் வேலையில் இறங்கியிருக்கிறது இரக்கமற்ற பா.ஜ.க. அரசு

உங்களுக்கு 'வேண்டப்பட்ட' கார்ப்பரேட்டுகள் என்றால் பல லட்சம் கோடி ரூபாய்க் கடனைக் கூட ஒரே கையெழுத்தில் தள்ளுபடி செய்கிறீர்களே? வேகாத வெயிலில் உடலை வருத்தி, வியர்வை சிந்தி உழைத்த ஏழைகளின் சம்பளப் பணத்தை விடுவிக்க மட்டும் ஏன் பணமில்லை? பணமில்லையா அல்லது மனமில்லையா? என்று ஸ்டாலின் கேள்வி எழுப்பி உள்ளார்.

தமிழ்நாடெங்கும் இன்றைய ஆர்ப்பாட்டத்தில் கழக உடன்பிறப்புகளும் ஏழை மக்களும் எழுப்பும் குரல் டெல்லியை எட்டட்டும்! #SadistBJP அரசின் மனம் இரங்கட்டும் என்றும் தனது பதிவில் குறிப்பிட்டுள்ளார்

source https://tamil.indianexpress.com/tamilnadu/bjp-is-trying-to-abolish-the-100-day-work-program-cm-stalin-accuses-8902529

Read More

இஸ்லாம் என்பதன் அர்த்தம் என்ன?

இஸ்லாம் என்பதன் அர்த்தம் என்ன? இஸ்லாம் ஓர் இனிய மார்க்கம் S .A முஹம்மது ஒலி M.I.Sc மாநிலச் செயலாளர் TNTJ 02 -02 -2025 அதிரை - 2 தஞ்சை தெற்கு மாவட்டம்

Read More

முஸ்லிம்கள் பெயருக்கு முதலில் முஹம்மத் என்ற பெயரை ஏன் வைக்கிறார்கள் ?

முஸ்லிம்கள் பெயருக்கு முதலில் முஹம்மத் என்ற பெயரை ஏன் வைக்கிறார்கள் ? இஸ்லாம் ஓர் இனிய மார்க்கம் S .A முஹம்மது ஒலி M.I.Sc மாநிலச் செயலாளர் TNTJ 02 -02 -2025 அதிரை - 2 தஞ்சை தெற்கு மாவட்டம்

Read More

முஸ்லிம்கள் ஏன் அதிகாலையில் நோன்பை ஆரம்பிக்கிறீர்கள்?

முஸ்லிம்கள் ஏன் அதிகாலையில் நோன்பை ஆரம்பிக்கிறீர்கள்? இஸ்லாம் ஓர் இனிய மார்க்கம் S .A முஹம்மது ஒலி M.I.Sc மாநிலச் செயலாளர் TNTJ 02 -02 -2025 அதிரை - 2 தஞ்சை தெற்கு மாவட்டம்

Read More

சுன்னத்தான நோன்புகளுக்கு சலுகை உள்ளதா ?

சுன்னத்தான நோன்புகளுக்கு சலுகை உள்ளதா ? இஸ்லாம் ஓர் எளிய மார்க்கம் ஆர். அப்துல் கரீம் M.I.Sc (மாநிலத் தலைவர், TNTJ) பெரியமேடு - வடசென்னை (07-09-2024)

Read More

இஸ்லாம் ஓர் எளிய மார்க்கம்

முன்னுரை இஸ்லாம் ஓர் எளிய மார்க்கம் ஆர். அப்துல் கரீம் M.I.Sc (மாநிலத் தலைவர், TNTJ) பெரியமேடு - வடசென்னை (07-09-2024)

Read More

நன்மையான காரியங்கள் செய்ய கணவனின் அனுமதி அவசியமா ?

நன்மையான காரியங்கள் செய்ய கணவனின் அனுமதி அவசியமா ? இஸ்லாம் ஓர் எளிய மார்க்கம் ஆர். அப்துல் கரீம் M.I.Sc (மாநிலத் தலைவர், TNTJ) பெரியமேடு - வடசென்னை (07-09-2024)

Read More

செலவுகள் போக மிதமுள்ளவற்றில் தான் ஜகாத் கொடுக்க வேண்டுமா ?

செலவுகள் போக மிதமுள்ளவற்றில் தான் ஜகாத் கொடுக்க வேண்டுமா ? இஸ்லாம் ஓர் எளிய மார்க்கம் ஆர். அப்துல் கரீம் M.I.Sc (மாநிலத் தலைவர், TNTJ) பெரியமேடு - வடசென்னை (07-09-2024)

Read More

செவியுறுவோம்! கட்டுப்படுவோம்!

செவியுறுவோம்! கட்டுப்படுவோம்! S.அப்துர் ரஹ்மான் M.I.Sc பேச்சாளர்,TNTJ அமைந்தகரை ஜுமுஆ - 21.03.2025

Read More

கவாரிஜ்களின் அடிப்படை கொள்கை! - தொடர்ச்சி...

வரலாற்றுச் சுவடுகளில் வழிதவறிய பிரிவுகள்! கவாரிஜ்களின் அடிப்படை கொள்கை! - தொடர்ச்சி... A.சபீர் அலி M.I.Sc (மாநிலச் செயலாளர்,TNTJ ) ரமலான் - 22.03.2025

Read More

ஈருலகிலும் லாபம் வேண்டுமா?

ஈருலகிலும் லாபம் வேண்டுமா? சுஜா அலி M.I.Sc பேச்சாளர், TNTJ மார்க்க விளக்க பொதுக்கூட்டம் முத்துப்பேட்டை-3 (26-01-2025)

Read More

முஸ்லீம் என்றால் யார் ?

முஸ்லீம் என்றால் யார் ? ரமலான் 2025 - சஹர் நேர சிறப்பு நிகழ்ச்சி பாகம் - 2 18-03-2025 A.K அப்துர் ரஹீம் (மாநிலத் துணைப் பொதுச் செயலாளர் , TNTJ )

Read More

கவாரிஜ்களின் அடிப்படை கொள்கை! வரலாற்றுச் சுவடுகளில் வழிதவறிய பிரிவுகள்!

வரலாற்றுச் சுவடுகளில் வழிதவறிய பிரிவுகள்! கவாரிஜ்களின் அடிப்படை கொள்கை! A.சபீர் அலி M.I.Sc (மாநிலச் செயலாளர்,TNTJ ) ரமலான் - 22.03.2025

Read More

நபிவழியில் நடப்போம் !

நபிவழியில் நடப்போம் ! ஆர் அப்துல் கரீம் M.I.Sc (மாநிலத் தலைவர், TNTJ) மார்க்க விளக்க பொதுக்கூட்டம் 31-01-2025 கிருஷ்ணாஜிப்பட்டினம்

Read More

எது நேர்வழி! - கவாரிஜ்களின் வரலாற்று சுருக்கம் வரலாற்றுச் சுவடுகளில் வழிதவறிய பிரிவுகள்!

வரலாற்றுச் சுவடுகளில் வழிதவறிய பிரிவுகள்! எது நேர்வழி! - கவாரிஜ்களின் வரலாற்று சுருக்கம் A.சபீர் அலி M.I.Sc (மாநிலச் செயலாளர்,TNTJ ) ரமலான் - 22.03.2025

Read More

எது நேர்வழி! வரலாற்றுச் சுவடுகளில் வழிதவறிய பிரிவுகள்!

வரலாற்றுச் சுவடுகளில் வழிதவறிய பிரிவுகள்! எது நேர்வழி! A.சபீர் அலி M.I.Sc (மாநிலச் செயலாளர்,TNTJ ) தொடர் 1 - பிறை 22 ரமலான் - 22.03.2025

Read More

பெருமானார் போதித்த பொருளியல்

பெருமானார் போதித்த பொருளியல் நபிகளார் ஏற்படுத்திய சமூக மாற்றங்கள்! கே.தாவூத் கைஸர் M.I.Sc மாநிலத் துணைத்தலைவர்,TNTJ

Read More

ஐயத்தை விட்டு விலகுவோம்! அறிந்து கொள்ளவேண்டிய அடிப்படை சட்டங்கள்!

அறிந்து கொள்ளவேண்டிய அடிப்படை சட்டங்கள்! ஐயத்தை விட்டு விலகுவோம்! S.A முஹம்மது ஒலி M.I.Sc மாநிலச் செயலாளர், TNTJ ரமலான் 2025

Read More

அகீதாவை அறிந்து கொள்வதின் அவசியம்! தொடர் 1 - பிறை 22

வரலாற்றுச் சுவடுகளில் வழிதவறிய பிரிவுகள்! அகீதாவை அறிந்து கொள்வதின் அவசியம்! A.சபீர் அலி M.I.Sc (மாநிலச் செயலாளர்,TNTJ ) தொடர் 1 - பிறை 22 ரமலான் - 22.03.2025

Read More

வக்ஃப் திருத்த மசோதாவுக்கு எதிராக மாபெரும் கண்டன ஆர்ப்பாட்டம்

வக்ஃப் திருத்த மசோதாவுக்கு எதிராக மாபெரும் கண்டன ஆர்ப்பாட்டம் - பத்திரிக்கையாளர்கள் சந்திப்பு - 27.03.2025 கண்டன உரை : ஏ.முஜிபுர் ரஹ்மான் (மாநில பொதுச் செயலாளர்,TNTJ) சென்னை மாவட்ட ஆட்சியர் அலுவலகம் அருகில் - 27.03.2025

Read More

இஃப்தார் நோன்பு திறக்கும் நிகழ்ச்சியில் முதலமைச்சர் மு.க.ஸ்டாலின் பேச்சு 26 03 2025

இஃப்தார் நோன்பு திறக்கும் நிகழ்ச்சியில் முதலமைச்சர் மு.க.ஸ்டாலின் பேச்சு 26 03 2025

Credit YT Times Now Seithi

Read More

WAQF வாரிய திருத்தச் சட்டம் அமலுக்கு வந்தால் இவையெல்லாம் பாதிக்கும்

WAQF வாரிய திருத்தச் சட்டம் அமலுக்கு வந்தால் இவையெல்லாம் பாதிக்கும்

Credit Sun News 27 3 2025

Read More

ஆன்லைன் சூதாட்டத்துக்கு தடை செய்ய மாநில அரசுக்கு அதிகாரம்

ஆன்லைன் சூதாட்டத்துக்கு தடை செய்ய மாநில அரசுக்கு அதிகாரம்

Credit Sun News 27 3 2025

Read More

நாடாளுமன்றத்தில் முக்கிய பிரச்னைகளை எழுப்பிய தமிழ்நாடு எம்.பி.க்கள்

நாடாளுமன்றத்தில் முக்கிய பிரச்னைகளை எழுப்பிய தமிழ்நாடு எம்.பி.க்கள்

Credit Sun News 27 3 2025

Read More

 

வக்ஃப் மசோதாவுக்கு எதிரான தீர்மானம்.

Credit Neerthirai 26 3 2025

Read More

தீண்டத்தகாதவர்களா? காங்கிரஸ் கேள்வி

 

கன்னையா குமார் கிராமத்தை விட்டு வெளியேறிய சிறிது நேரத்திலேயே சிலர் கோவிலைக் கழுவியதாகக் கூறப்படும் ஒரு வீடியோ வைரலாகி வருகிறது. (எக்ஸ்பிரஸ் புகைப்படம்: சஷி கோஷ்)

காங்கிரஸ் தலைவர் கன்னையா குமாரின் வருகைக்குப் பிறகு பீகாரின் சஹர்சா மாவட்டத்தில் உள்ள ஒரு கோவிலை கழுவியதாகக் கூறப்படும் சம்பவம் வியாழக்கிழமை சர்ச்சையை ஏற்படுத்தியுள்ளது. பா.ஜ.க அல்லாத கட்சிகளின் ஆதரவாளர்கள் "தீண்டத்தகாதவர்களாக நடத்தப்படுவார்களா" என்று காங்கிரஸ் கேள்வி எழுப்பியுள்ளது. மேலும், இந்த சம்பவம் கன்னையா குமாரின் அரசியலை "நிராகரிப்பதை" காட்டுகிறது என்று பா.ஜ.க கூறியுள்ளது.

இந்த சம்பவம் பங்கான் கிராமத்தில் உள்ள துர்கா தேவி கோவிலில் நடந்தது, கன்னையா குமார் தனது பாளையன் ரோகோ, நௌக்ரி டோ (புலம்பெயர்வை நிறுத்து, வேலை வழங்கு) யாத்திரையின் போது அங்கு சென்றார். கன்னையா குமார் கோவில் வளாகத்திலிருந்து ஒரு உரையை நிகழ்த்தினார்.

கன்னையா குமார் கிராமத்தை விட்டு வெளியேறிய சிறிது நேரத்திலேயே சிலர் கோவிலைக் கழுவியதாகக் கூறப்படும் ஒரு காணொளி வைரலாகி வருகிறது.

இந்த விவகாரம் குறித்து கன்னையா குமார் கருத்து தெரிவிக்காமல் இருந்த நிலையில், காங்கிரஸ் செய்தித் தொடர்பாளர் கியான் ரஞ்சன் குப்தா தி இந்தியன் எக்ஸ்பிரஸ்ஸிடம் கூறியதாவது: “ஆர்.எஸ்.எஸ் மற்றும் பா.ஜ.க ஆதரவாளர்கள் மட்டுமே பக்தியுள்ளவர்களா, மீதமுள்ளவர்கள் தீண்டத்தகாதவர்களா என்பதை நாங்கள் அறிய விரும்புகிறோம். இந்தச் செயல் பரசுராமரின் சந்ததியினரை அவமதித்துள்ளது. பா.ஜ.க அல்லாத கட்சிகள் மற்றும் ஆதரவாளர்கள் தீண்டத்தகாதவர்களாகக் கருதப்படும் ஒரு புதிய தீவிர சமஸ்கிருதமயமாக்கல் கட்டத்தில் நாம் நுழைந்துவிட்டோமா?” என்று கேள்வி எழுப்பினார்.

இருப்பினும், பா.ஜ.க செய்தித் தொடர்பாளர் அசித் நாத் திவாரி கூறுகையில், “முதலில், கன்னையா குமாரின் வருகைக்குப் பிறகு கோயிலைக் கழுவியவர்களின் அடையாளத்தை நாம் முதலில் சரிபார்க்க வேண்டும். காங்கிரஸ் தலைவரின் வருகைக்குப் பிறகு ஒரு கோயில் கழுவப்பட்டால், அது கன்னையா குமாரின் அரசியல் பிராண்டை நிராகரிப்பதைக் காட்டுகிறது.” என்று கூறினார்.

பொதுவாக, அனைத்து சாதிக் குழுக்கள் மற்றும் பின்னணிகளைச் சேர்ந்தவர்கள் கோயிலுக்குள் அனுமதிக்கப்படுவார்கள் என்று பங்கான் கிராமவாசி ஒருவர் கூறினார். “இது (குமாரின் வருகைக்குப் பிறகு கோயிலைக் கழுவுவது) சில குற்றவாளிகளின் செயலாக இருக்கலாம்” என்று அந்த வயதான கிராமவாசி கூறினார். கன்னையா குமார் உயர் சாதி பூமிஹார் சமூகத்தைச் சேர்ந்தவர்.

மார்ச் 16-ம் தேதி மேற்கு சம்பரானில் தொடங்கிய கன்னையா குமாரின் யாத்திரையின் முதல் கட்டம் மார்ச் 31-ம் தேதி கிஷன்கஞ்சில் முடிவடைகிறது.

source https://tamil.indianexpress.com/india/bihar-temple-washed-after-kanhaiya-visit-congress-non-bjp-supporters-untouchables-8898541

Read More

ஆன்லைன் விளையாட்டுக்கு மத்திய அரசு தடை விதிக்காதது ஏன்? தயாநிதி மாறன் கேள்விக்கு அமைச்சர் அஸ்வினி பதில்

 27 3 25 

தி.மு.க எம்.பி தயாநிதி மாறன் மக்களவையில் எழுப்பிய கேள்விக்கு, மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ் பதில் அளித்தார்.

ஆன்லைன் விளையாட்டுக்கு தடைவிதிக்கும் தார்மீக கடமையிலிருந்து மத்திய அரசு விலகி செல்கிறதா? என்று தி.மு.க எம்.பி தயாநிதி மாறன் மக்களவையில் எழுப்பிய கேள்விக்கு, மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ் பதில் அளித்துள்ளார்.

மக்களவையில் கேள்வி நேரத்தின் போது, தி.மு.க எம்.பி. தயாநிதி மாறன் பேசுகையில், “ஆன்லைன் விளையாட்டுக்கு தடைவிதிக்கும் தார்மீக கடமையிலிருந்து மத்திய அரசு விலகி செல்கிறதா? அனைத்து ஆன்லைன் விளையாட்டுகளுக்கும் தடை விதிக்க தகவல் தொழில்நுட்ப அமைச்சகத்துக்கு எவ்வளவு காலம் ஆகும்? ஆன்லைன் விளையாட்டுக்கு தமிழகம் தடைவிதித்துள்ளது” என்று கூறினார்.

இதற்கு பதில் அளித்துப் பேசிய மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ், “மத்திய அரசின் தார்மீக உரிமை குறித்து கேள்வி எழுப்ப தயாநிதி மாறனுக்கு உரிமை இல்லை. அரசியல்சாசனத்தில் உள்ள கூட்டாட்சி தத்துவத்தின்படி நாடு செயல்படுகிறது. ஆன்லைன் விளையாட்டு, பந்தயம் போன்றவற்றுக்கு தடை விதிப்பது மாநில அரசு சம்பந்தப்பட்ட விஷயங்களின் கீழ் வருகிறது. இவற்றுக்கு தடை விதிக்க மாநிலங்கள் சட்டம் இயற்றலாம். புகார்கள் அடிப்படையில் 1,410 ஆன்லைன் விளையாட்டு இணையதளங்களுக்கு ஏற்கெனவே தடை விதிக்கப்பட்டுள்ளது. இவற்றின் மீது பாரதிய நியாய சன்ஹிதா சட்டத்தின் 112-வது பிரிவின் கீழ் நடவடிக்கை எடுக்க முடியும்.” என்று மத்திய அமைச்சர் அஸ்வினி வைஷ்ணவ் கூறினார்.

மேலும், ஆன்லைன் விளையாட்டு, பந்தயம் ஆகியவற்றுக்கு தடை விதிக்க மாநில அரசுகளே சட்ட இயற்றலாம் என மக்களவையில் மத்திய தகவல் தொழில்நுட்பத்துறை அமைச்சர் அஸ்வினி வைஷ்ணவ் தெரிவித்தார்.

source https://tamil.indianexpress.com/tamilnadu/dayanidhi-maran-question-at-lok-sabha-union-government-why-not-ban-online-games-minister-ashwini-vaishnav-explains-8898551

Read More

புல்டோசர் பாபா 'முன்னேற்றம் தரும் மனிதராக மாற முயற்சி

 27 3 25

உத்தரப் பிரதேச மாநிலத்தில் பா.ஜ.க. 8 ஆண்டு ஆட்சியை நிறைவு செய்துள்ளது. மாநிலத்தின் நீண்ட கால முதலமைச்சராக பணியாற்றியவர் என்ற பெருமையைப் பெற்றுள்ளார் யோகி ஆதித்யநாத்.

பா.ஜ.க-வின் மிக முக்கியமான முகமான யோகியின் ஆட்சி, சட்டம் ஒழுங்கு, இந்துத்துவா, மக்கள் நலன்சார்ந்த திட்டங்கள் மற்றும் வளர்ச்சி மற்றும் பொருளாதார முன்னேற்றத்திற்கான உத்வேகம் ஆகியவற்றில் கவனம் செலுத்துகிறது. பதவியேற்றதில் இருந்தே யோகி அரசு, மாநிலம் முழுவதும் உள்ள குற்றவாளிகளை ஒடுக்குவதன் மூலம் பாதுகாப்பை வலுப்படுத்தவும் சட்டம்-ஒழுங்கை நிலைநாட்டவும் முன்னுரிமை அளித்தது. இது தொடர்பாக சில நடவடிக்கைகள் சர்ச்சைகளைத் தூண்டின. மேலும் குற்றச் செயல்களில் ஈடுபட்டவர்களின் சொத்துக்கள் மீது புல்டோசர் மூலம் நடவடிக்கை எடுத்தல், குற்றவாளிகளை என்கவுன்டர் செய்தல் உள்ளிட்ட நடைமுறை குற்றச்சாட்டுகளுக்காக நீதிமன்றங்கள் விசாரணை வரை சென்றது.

2022 சட்டமன்றத் தேர்தலில் பா.ஜ.கவை மீண்டும் ஆட்சிக்குக்கொண்டு வந்ததிலிருந்து, யோகி ஆதித்யநாத் தற்போது சட்டம்-ஒழுங்கு மீதான நெருக்கடிகளை நிறுத்திவிட்டு, "விகாஸ்" (வளர்ச்சி) மற்றும் பொருளாதார வளர்ச்சியில் தனது கவனத்தைத் திருப்பினார். நாட்டின் பின்தங்கிய மாநிலங்களில் ஒன்றான உ.பி.யில் 1 டிரில்லியன் டாலர் இலக்கை அவர் நிர்ணயித்துள்ளார், முதலீட்டு உச்சிமாநாடுகளை நடத்தியுள்ளார். மேலும் முதலீட்டை ஈர்க்க கொள்கை மாற்றங்களைச் செய்துள்ளார்.

யோகி அரசு 1.0

2017 சட்டமன்றத் தேர்தலுக்கான பா.ஜ.க.-வின் 23 பக்க தேர்தல் அறிக்கையில் விவசாயிகள், இளைஞர்கள், மீனவர்கள் மற்றும் பெண்கள் உள்ளிட்ட பல்வேறு பிரிவினருக்கு வாக்குறுதிகள் வழங்கப்பட்டன. மார்ச் 19, 2017 அன்று ஆட்சிப் பொறுப்பேற்ற பிறகு ஆதித்யநாத் அரசாங்கத்தின் முதல் முடிவு, மாநிலத்தில் உள்ள 80 லட்சத்திற்கும் மேற்பட்ட விளிம்புநிலை விவசாயிகளின் சுமார் ரூ.36,000 கோடி மதிப்புள்ள கடன் தள்ளுபடி செய்வதாகும். பின்னர், "ஈவ்-டீசிங்கைத் தடுத்தல்" மற்றும் "பெண்களின் பாதுகாப்பை உறுதி செய்தல்" என்ற கட்டளையுடன், காவல்துறையினரைக் கொண்ட 'ரோமியோ எதிர்ப்புப் படைகள்' அமைக்கப்பட்டன.

பிப்.2018-ல், ஆதித்யநாத் அரசாங்கம் தனது முதல் முதலீட்டாளர்கள் உச்சி மாநாட்டை நடத்தியது. இதில் பிரதமர் மோடி மற்றும் நாட்டின் உயர்மட்ட தொழிலதிபர்கள் கலந்து கொண்டனர். இது மாநிலத்தின் பிம்பத்தை மாற்றுவதற்கான யோகியின் முயற்சியை ஊக்குவித்தது.

2019 கும்பமேளா மற்றும் 2025 மகா கும்பமேளாவுக்கு முன்பு, பிரயாக்ராஜ் மேளா ஆணைய அலகாபாத் சட்டம், 2017 மற்றும் ஸ்ரீ காசி விஸ்வநாத் விசேஷ க்ஷேத்ர விகாஸ் பரிஷத் வாரணாசி சட்டம், 2018 ஆகியவற்றை நிறைவேற்றியது. இது குறிப்பாக காசி விஸ்வநாத் வழித்தடத்தின் மேம்பாட்டிற்காகவே நோக்கமாகக் கொண்டது. சட்டம்-ஒழுங்கில் உத்தரபிரதேசத்தை "முன்மாதிரி மாநிலமாக" முன்னிறுத்தும் முயற்சியில், யோகி அரசு பல்வேறு சட்டங்களைக் கொண்டு வந்தது. அவற்றில் உத்தரபிரதேச பசு வதை தடுப்பு சட்டம், 2020 அடங்கும். சட்டவிரோதமாக பசுவை கொண்டு செல்வோருக்கு கடுமையான தண்டனை விதிக்கப்படும். 

உத்தரபிரதேச பொது மற்றும் தனியார் சொத்துக்களுக்கு சேதம் மீட்புச் சட்டம் 2020-ல் குடியுரிமை திருத்தச் சட்டம் (CAA), முன்மொழியப்பட்ட தேசிய குடிமக்கள் பதிவேடு (NRC) எதிரான போராட்டங்களின் போது வன்முறையில் ஈடுபட்டதாகக் கூறப்படும் நபர்களின் சுவரொட்டிகளை பொது இடங்களில் ஒட்டவும் , சேத மீட்பு அறிவிப்புகளை வழங்கியது. பின்னர் மத மாற்ற வழக்குகளைத் தடுக்க, உத்தரப் பிரதேச சட்டவிரோத மத மாற்றத் தடைச் சட்டம், 2021-ஐ கொண்டு வந்தது.

"என்கவுன்டர்களில்" கொல்லப்பட்ட குற்றவாளிகளின் எண்ணிக்கை குறித்து ஆதித்யநாத் அரசாங்கம் சர்ச்சையை எதிர்கொண்டது. முதல் 10 மாதங்களில், மாநில காவல்துறையால் 900க்கும் மேற்பட்ட என்கவுன்டர்கள் நடத்தப்பட்டன. இதில் 30 பேர் கொல்லப்பட்டனர். தேசிய மனித உரிமைகள் ஆணையமும் பல்வேறு நீதிமன்றங்களும் இதைக் கவனத்தில் கொண்டன. குற்றம் சாட்டப்பட்டவர்களின் சட்டவிரோத மற்றும் அங்கீகரிக்கப்படாத சொத்துக்களை இடிக்க அரசாங்கம் புல்டோசர்களை அனுப்பியது. இதன் மூலம் ஆதித்யநாத்துக்கு "புல்டோசர் பாபா" என்ற பட்டப்பெயர் கிடைத்தது. இந்த வலிமையான பிம்பத்தை பா.ஜ.க. சரியாக பயன்படுத்தியது. நாடு முழுவதும் நடந்த தேர்தல்களில் யோகி ஆதித்யநாத்தை நட்சத்திர பேச்சாளராக களமிறக்கியது.

உத்தரப் பிரதேச அதிகாரிகள் சொத்துக்களை இடித்ததற்கு கடந்த ஆண்டு நவம்பரில் உச்ச நீதிமன்றம் ஒரு உத்தரவைப் பிறப்பித்தது. குடிமக்களின் சொத்துக்களை இடிப்பதில் வழிகாட்டுதல்களை பின்பற்றப்படுவதை நீதிமன்றம் ஆணையிட்டது.

யோகி அரசு 2.0

மார்ச் 25, 2022 அன்று யோகி 2-வது முறையாக உ.பி. முதல்வராக பதவியேற்றார். அப்போது அவர் எடுத்த அதிரடியான முடிவு பா.ஜ.க.வின் வெற்றிக்குப் பின் உள்ள முக்கிய காரணிகளில் ஒன்றான இலவச ரேஷன் திட்டத்தை நீட்டிப்பதாகும்.

உத்திரப்பிரதேசத்தை பொருளாதார ரீதியாக முன்னேறிய மாநிலமாக வளர்ப்பதில் கவனம் செலுத்தியது. 2029-க்குள் $1 டிரில்லியன் பொருளாதார இலக்கை நிர்ணயித்தது. இது ஒவ்வொரு துறைக்கும் பல கொள்கைகளைத் திருத்தி வெளியிட்டது. வணிகம் செய்வதை எளிதாக்குவதற்கான சலுகைகளை வழங்கியது. இதில் முத்திரை வரி விலக்குகள் மற்றும் மானிய விலையில் நிலம், கடன்களுக்கான வட்டி திருப்பிச் செலுத்துதல், மூலதன மானியம் ஆகியவை அடங்கும்.

முதலீட்டாளர்களைச் சென்றடைய நாடு முழுவதும் மற்றும் வெளிநாடுகளுக்கு அமைச்சர்கள் மற்றும் அதிகாரிகள் குழுக்கள் அனுப்பப்பட்டன. பிப்ரவரி 2023 உலகளாவிய முதலீட்டாளர்கள் உச்சி மாநாட்டில், அரசாங்கம் ரூ.40 லட்சம் கோடி மதிப்புள்ள முதலீட்டு திட்டங்களை ஈர்த்ததாகக் கூறியது. 

ஜனவரி 22, 2024 அன்று கும்பாபிஷேகம் செய்யப்பட்ட அயோத்தியில் ராமர் கோயிலின் கட்டுமானத்தை முடிப்பதில் அரசாங்கத்தின் கவனம் திரும்பியது. யோகி அரசு மத சுற்றுலாவை மேம்படுத்த பல நடவடிக்கைகளை எடுத்தது, சாலைகளை மேம்படுத்துதல் மற்றும் பல்வேறு மதத் தலங்களுக்கான மேம்பாட்டு அதிகாரிகளை அமைத்தல் ஆகியவற்றிற்கு அதிக நிதி ஒதுக்கீடு செய்தது. 2024 மக்களவைத் தேர்தலில், உ.பி.யில் பா.ஜ.க.-வுக்கு பின்னடைவு ஏற்பட்டது. மொத்தமுள்ள 80 இடங்களில் 33 இடங்களை மட்டுமே பெற்றது. சமாஜ்வாடி கட்சி (SP) 37 இடங்களைப் பெற்றது. அயோத்தி (ஃபைசாபாத்) தொகுதியையும் சமாஜ்வாடி கட்சியிடம் இழந்தது யோகி அரசு. 

2024 இறுதிக்குள், உலகின் மிகப்பெரிய மதக் நிகழ்வான மகா கும்பமேளாவை நடத்துவதில் ஆதித்யநாத் அரசு தனது கவனத்தைத் திருப்பியது. 45 நாள் விழாவை ஏற்பாடு செய்து பிரபலப்படுத்த அனைத்து முயற்சிகளையும் மேற்கொண்டது. ஜனவரி பிப்ரவரி 2025-ல் நடந்த மகா கும்பமேளாவில் 66 கோடிக்கும் அதிகமானோர் பங்கேற்றனர். இது பொருளாதாரத்திற்கும் ஒரு உத்வேகத்தை அளித்தது. இருப்பினும், ஜனவரி 29 அன்று, விழாவில் ஏற்பட்ட கூட்டநெரிசலில் 30 பேர் மூச்சுத் திணறி உயிரிழந்தனர்.

பா.ஜ.க.-வின் 2022 தேர்தல் அறிக்கையில் இதுவரை நிறைவேற்றப்படாத வாக்குறுதிகளில் ஒன்று, தகுதிவாய்ந்த மாணவிகளுக்கு ஸ்கூட்டி விநியோகம். இந்த ஆண்டு பட்ஜெட்டில் இதற்காக ஒதுக்கீடு செய்யப்பட்டுள்ளது. அதன் பயனாளிகள் இன்னும் தேர்வு செய்யப்படவில்லை எனத் தெரிகிறது.

source https://tamil.indianexpress.com/india/bulldozer-baba-yogi-adityanath-vikas-purush-8895873

Read More

தொகுதி மறுசீரமைப்பு விவகாரம்; தெலங்கானா சட்டமன்றத்தில் தீர்மானம் கொண்டு வந்த ரேவந்த் ரெட்டி

 27 3 25

தெலங்கானா முதல்வர் ஏ. ரேவந்த் ரெட்டி வியாழக்கிழமை சட்டமன்றத்தில் தொகுதி மறுசீரமைப்புக்கு எதிரான தீர்மானத்தை முன்மொழிந்தார். "சம்பந்தப்பட்டவர்களுடன் வெளிப்படையான ஆலோசனைகள் இல்லாமல், வரவிருக்கும் தொகுதி மறுசீரமைப்பு பயிற்சி திட்டமிடப்பட்ட விதம் குறித்து சட்டப்பேரவை தனது ஆழ்ந்த கவலையை வெளிப்படுத்துகிறது" என்று அதில் கூறப்பட்டுள்ளது.

மார்ச் 22 அன்று சென்னையில் தமிழ்நாடு முதல்வர் மு.க. ஸ்டாலின் நடத்திய கூட்டு நடவடிக்கைக் குழு கூட்டத்தில் முன்வைத்த ரேவந்த் ரெட்டியின் அறிக்கையுடன் இந்த தீர்மானம் ஒத்துப்போகிறது. தெலங்கானா சட்டமன்றத்தில் தொகுதி மறுசீரமைப்புக்கு எதிராக தீர்மானத்தை முன்மொழிவதாக உறுதியளித்த ரேவந்த் ரெட்டி, மற்ற தென் மாநிலங்களைச் சேர்ந்த முதல்வர்கள் தங்கள் சட்டமன்றங்களிலும் இதே போன்ற தீர்மானங்களை நிறைவேற்றுமாறு கேட்டுக் கொண்டார்.

"தொகுதி மறுசீரமைப்பு பயிற்சியானது அனைத்து மாநில அரசுகள், அனைத்து அரசியல் கட்சிகள் மற்றும் அனைத்து பங்குதாரர்களுடனும், விரிவான ஆலோசனைகளுக்குப் பிறகு வெளிப்படையாகவும் மேற்கொள்ளப்பட வேண்டும் என்று அவை வலியுறுத்துகிறது. மத்திய அரசு முன்வைத்த மக்கள்தொகை கட்டுப்பாட்டுத் திட்டத்தை திறம்பட செயல்படுத்திய மாநிலங்கள், அதன் விளைவாக மக்கள்தொகை பங்கு குறைந்துள்ளதால், தண்டிக்கப்படக்கூடாது, மேலும் மக்கள்தொகை மட்டுமே தொகுதி மறுசீரமைப்புக்கான அளவுகோலாக இருக்கக்கூடாது" என்று தீர்மானம் கூறுகிறது.

"தேசிய மக்கள்தொகை நிலைப்படுத்தலை நோக்கமாகக் கொண்ட 2வது, 84வது மற்றும் 87வது அரசியலமைப்புத் திருத்தங்களுக்குப் பின்னால் உள்ள நோக்கமும் இலக்கும் இன்னும் அடையப்படவில்லை" என்று தீர்மானம் குறிப்பிட்டது.

"எனவே, நாடாளுமன்ற இடங்களின் எண்ணிக்கையில் முடக்கம் தொடரும் அதே வேளையில், மாநிலத்தை ஒரு அலகாகக் கொண்டு, நாடாளுமன்றத் தொகுதிகளின் எல்லைகளை மறுவரையறை செய்யலாம், சமீபத்திய மக்கள்தொகையின்படி எஸ்.சி மற்றும் எஸ்.டி இடங்களை முறையாக அதிகரிக்கலாம் மற்றும் பெண்களுக்கு இடஒதுக்கீடு வழங்கலாம்" என்று தீர்மானம் கூறுகிறது.

ஆந்திரப் பிரதேச மறுசீரமைப்புச் சட்டம், 2014 இல் வாக்குறுதியளிக்கப்பட்டபடி, மாநில சட்டமன்றத்தில் இடங்களை 119 இலிருந்து 153 ஆக அதிகரிக்கவும் தீர்மானம் கோரியது. 2011 மக்கள் தொகை கணக்கெடுப்பின் அடிப்படையில் ஜம்மு-காஷ்மீர் மற்றும் சிக்கிம் சட்டமன்றத்தில் இடங்களின் எண்ணிக்கையில் அதிகரிப்பு காணப்பட்டதாக ரேவந்த் ரெட்டி குறிப்பிட்டார். "மத்திய அரசின் முரண்பாடான கொள்கைகளை அம்பலப்படுத்த சபை இந்த சட்டத்தை முன்வைக்கிறது," என்று ரேவந்த் ரெட்டி கூறினார்.

தெலங்கானா சட்டமன்றத்தில் பிரதிநிதித்துவப்படுத்தப்படும் கட்சிகள் தீர்மானத்தை நிறைவேற்றுவதில் "ஒற்றுமையாக" இருக்க வேண்டும் என்று முதல்வர் கூறினார். "தொகுதி வரையறையைப் பயன்படுத்தி மாநிலங்களை கட்டுப்படுத்த மத்திய அரசு விரும்புகிறது. மக்கள்தொகை அடிப்படையில் தொகுதி மறுசீரமைப்பு பயிற்சி மேற்கொள்ளப்பட்டால், தேசிய அளவில் தென் மாநிலங்களின் பங்கு 24 சதவீதத்திலிருந்து 19 சதவீதமாகக் குறையும்," என்று ரேவந்த் ரெட்டி கூறினார்.

சென்னையில் நடைபெற்ற கூட்டத்தில், அடுத்த கூட்டு நடவடிக்கைக் குழு கூட்டம் ஹைதராபாத்தில் நடத்துவது என்று முடிவு செய்யப்பட்டது. தெலங்கானாவின் எதிர்க்கட்சியான பாரத ராஷ்டிர சமிதி (பி.ஆர்.எஸ்) இந்த நடவடிக்கையை ஆதரித்தது. மாநிலத்தில் எதிர்க்கட்சியாக இருக்கும் பாரதிய ஜனதா கட்சி கூட்டத்திலிருந்து விலகி இருந்தது.

source https://tamil.indianexpress.com/india/revanth-reddy-moves-resolution-against-delimitation-in-telangana-assembly-8897042

Read More

மகளிர் உரிமைத் திட்டம்: ரூ.1000 பெற தேவையான தகுதிகள் என்னென்ன? -வெளியான அறிவிப்பு

 27 3 25

மகளிர் உரிமைத் திட்டத்தின் கீழ் இலங்கை தமிழர் குடும்பங்களைச் சேர்ந்த 14,246 மகளிர் உட்பட தமிழ்நாடு முழுவதும் சுமார் 1.15 கோடி மகளிர் பயனடைந்து வருகின்றனர் என்றும், இத்திட்டத்திற்கு இந்த 2025-26ம் ஆண்டில் 13,087 கோடி ரூபாய் நிதி ஒதுக்கீடு செய்யப்பட்டு உள்ளதாக சிறப்பு திட்ட செயலாக்கத் துறை கொள்கை விளக்கக் குறிப்பில் தெரிவிக்கப்பட்டுள்ளது. மேலும், அந்தக் கொள்கை விளக்கக் குறிப்பில் கலைஞர் மகளிர் உரிமைத் திட்டத்தின் கீழ் பயன்பெறத் தேவையான தகுதிகளும், பொருளாதாரத் தகுதிகளும் குறிப்பிடப்பட்டுள்ளது

கலைஞர் மகளிர் உரிமைத் திட்டத்தின் கீழ் பயன்பெறத் தேவையான தகுதிகள்:

1. குடும்பத் தலைவிகளுக்கான கலைஞர் மகளிர் உரிமைத் திட்டத்தில் பயன் பெற, கீழ்க்கண்ட தகுதிகளைப் பெற்ற குடும்பங்களில், 21 வயது நிரம்பிய பெண் ஒருவர் விண்ணப்பிக்கலாம். அதாவது, செப்டம்பர் 15, 2002 ஆம் தேதிக்கு முன்னர் பிறந்தவர்கள் விண்ணப்பிக்கலாம்.

2. இத்திட்டத்தின் கீழ் ஒரு குடும்ப அட்டைக்கு ஒரு பயனாளி மட்டுமே விண்ணப்பிக்கத் தகுதியானவர்.

குடும்பத் தலைவிக்கான வரையறை:

1. குடும்ப அட்டையில் பெயர் இடம் பெற்றுள்ளவர்கள் அனைவரும் ஒரு குடும்பமாகக் கருதப்படுவர்.

2. ஒவ்வொரு தகுதி வாய்ந்த குடும்பத்திலும் உள்ள குடும்பத் தலைவி கலைஞர் மகளிர் உரிமைத் திட்டத்தில் பயன் பெற விண்ணப்பிக்கலாம்.

3. குடும்ப அட்டையில் குடும்பத் தலைவர் எனக் குறிப்பிடப்பட்டுள்ள பெண் குடும்பத் தலைவியாகக் கருதப்படுவார்.

4. குடும்ப அட்டையில் ஆண் குடும்பத் தலைவராகக் குறிப்பிடப்பட்டிருந்தால், அக்குடும்பத் தலைவரின் மனைவி குடும்பத் தலைவியாகக் கருதப்படுவார்.

5. குடும்ப அட்டையில் ஆண் குடும்பத் தலைவரின் மனைவியின் பெயர் ஏதேனும் காரணத்தினால் இல்லாத பட்சத்தில், குடும்பத்திலுள்ள இதர பெண்களில் ஒருவர் குடும்பத் தலைவியாகக் கருதப்படுவார். ஒரு குடும்பத்தில் ஒன்றுக்கும் மேற்பட்ட 21 வயது நிரம்பிய பெண்கள் இருந்தால், இத்திட்டத்தின் கீழ் பயன் பெற, ஒரு நபரைக் குடும்ப உறுப்பினர்கள் தேர்வு செய்து விண்ணப்பிக்கச் செய்யலாம்.

6. திருமணமாகாத தனித்த பெண்கள், கைம்பெண்கள் மற்றும் திருநங்கைகள் தலைமையில் குடும்பங்கள் இருந்தால் அவர்களும் குடும்பத் தலைவிகளாகக் கருதப்படுவர்.

பொருளாதாரத் தகுதிகள்:

1. ஆண்டுக்கு ரூ.2.5 லட்சத்திற்கு கீழ் வருமானம் ஈட்டும் குடும்பங்கள்.

2. 5 ஏக்கருக்குக் குறைவாக நன்செய் நிலம் அல்லது 10 ஏக்கருக்குக் குறைவாகப் புன்செய் நிலம் வைத்துள்ள குடும்பங்கள்.

3. ஆண்டிற்கு விட்டு உபயோகத்திற்கு 3000 யூனிட்டிற்கும் குறைவாக மின்சாரம் பயன்படுத்தும் குடும்பங்கள் ஆகியவர்கள் கலைஞர் மகளிர் உரிமைத்தொகை பெறத் தகுதியானவர்களாகக் கருதப்படுவார்.

source https://tamil.indianexpress.com/tamilnadu/who-are-all-eligible-to-get-kalaignar-magalir-urimai-thogai-details-8896274

Read More

தரமணி பாலிடெக்னிக் கல்லூரிக்குள் நடந்தது என்ன?

 25 3  25

சென்னை, தரமணியில் உள்ள தருமாம்பாள் அரசு பாலிடெக்னிக் கல்லூரியில் விடுதியில் தங்கி படித்து வரும் மாணவி ஒருவர் அவரது தோழியுடன் கடந்த 16-ம் தேதி விடுதியில் இருந்து வெளியே சென்றுள்ளார். பின்னர், அன்றிரவு உடன் சென்ற தோழி மட்டும் விடுதிக்கு வந்துள்ளார். ஆனால், அந்த மாணவி வரவில்லை. மறுநாள் காலை அந்த மாணவி கை, கால், முகம் உள்ளிட்ட இடங்களில் காயங்களுடன் கல்லூரிக்கு வந்துள்ளார். இதுகுறித்து கல்லூரி நிர்வாகத்தினர் மாணவியிடம் விசாரணை நடத்தியபோது தனது ஆண் நண்பருடன் வெளியே சென்றதாக தெரிவித்துள்ளார்.

இது குறித்து எந்த விசாரணையும் நடத்தாமலும், மாணவியின் பெற்றோருக்கும் தெரிவிக்காமலும், காவல்துறைக்கும் தெரிவிக்காமலும் பாலிடெக்னிக் கல்லூரி நிர்வாகம் இருந்துள்ளது. 

இதையடுத்து, மார்ச் 18-ம் தேதி அந்த மாணவியின் பெற்றோரை கல்லூரிக்கு அழைத்து அவர்களிடம்,  “உங்கள் மகளின் நடவடிக்கை சரியில்லை. இனி உங்கள் மகளை கல்லூரிக்கு அனுப்ப வேண்டாம்” எனக் கூறி அனுப்பி உள்ளனர். 

மேலும், இந்த விவகாரம் வெளியில் யாருக்கும் தெரியக்கூடாது என்பதால் மற்ற மாணவிகளின் செல்ஃபோன்களையும் கல்லூரி நிர்வாகத்தினர் வாங்கி வைத்துக் கொண்டுள்ளனர்.

இந்த விவகாரம் குறித்து தகவல் அறிந்த இந்திய மாணவர் சங்கத்தின் காயங்களுடன் கல்லூரிக்கு வந்த மாணவியிடம் முறையான விசாரணை ஏன் நடத்தவில்லை? குழந்தைகள் நல அமைப்பிற்கும், காவல்துறைக்கும் தகவல் தெரிவிக்காதது ஏன்? பாதிக்கப்பட்ட மாணவியை மருத்துவ கவுன்சிலிங் கூட அழைத்து செல்லப்படாதது ஏன் என்று கேள்வி எழுப்பிய இந்திய மாணவர் சங்கத்தினர் 50-க்கும் மேற்பட்டோர் கல்லூரி வாயில் முன்பாக அமர்ந்து செவ்வாய்க்கிழமை போராட்டத்தில் ஈடுபட்டனர். 

இந்திய மாணவர் சங்கத்தினரின் கேள்விகளுக்கும் போராட்டத்துக்கும் பாலிடெக்னிக் கல்லூரி நிர்வாகம் முறையான பதில் அளிக்க மறுத்ததால், இந்திய மாணவர் சங்கத்தினர் கல்லூரி கேட்டுக்கு முன்பாக இருந்த போலீசாரை மீறி கல்லூரி வளாகத்திற்குள் நுழைந்து ஆர்ப்பாட்டத்தில் ஈடுபட்டனர்.

அப்போது இந்திய மாணவர் சங்கத்தினரை போலீசார் தடுக்க முற்பட்டபோது இருதரப்பினருக்கும் இடையே வாக்குவாதம் முற்றி தள்ளுமுள்ளு ஏற்பட்டது. ஒருகட்டத்தில் தள்ளுமுள்ளு கைகலப்பாக மாறியதாக தெரிகிறது. தகவலறிந்து சம்பவ இடத்திற்கு வந்த காவல்துறை உயர் அதிகாரிகள் மாணவர் அமைப்புடன் பேச்சுவார்த்தை நடத்தினர். 

கல்லூரியில் இருந்து கலைந்து செல்லவில்லை என்றால் கைது செய்யப்படுவீர்கள் என்று காவல்துறையினர் எச்சரிக்கை விடுத்தனர். பாலிடெக்னிக் கல்லூரிக்குள் உள்ளே அமர்ந்து போராட்டத்தில் ஈடுபட்ட மாணவர்கள் மாணவிக்கு நீதி கிடைக்க வேண்டும் என்றும் உடனடியாக மேல் நடவடிக்கை எடுக்க வேண்டும் எனவும் வலியுறுத்தினர்.

மேலும், பாதிக்கப்பட்ட மாணவிக்கு கவுன்சிலிங் கொடுத்து, ஆதாரங்களை வைத்து அவருக்கு என்ன நடந்தது? பாலியல் வன்கொடுமை ஏதாவது நடந்ததா? என்ற கோணத்தில் போலீசார் விசாரணை நடத்தி குற்றவாளி யாராக இருந்தாலும் அவர்களை தண்டிக்க வேண்டும் என இந்திய மாணவர் சங்கத்தினர் வலியுறுத்தினர்.

விசாரணை செய்து உரிய நடவடிக்கை எடுக்கப்படும் என காவல்துறையினர் உறுதி அளித்ததைத் தொடர்ந்து, இந்திய மாணவர் சங்கத்தினர் கலைந்து சென்றனர். இதனால், பாலிடெக்னிக் கல்லூரி வளாகம் பரபரப்புடன் காணப்பட்டது. 

இந்திய மாணவர் சங்கத்தினரின் போராட்டத்தைத் தொடர்ந்து, கல்லூரி நிர்வாகத்திடம் அனைத்து மகளிர் காவல் நிலைய போலீசார் விசாரணை நடத்தி வருகின்றனர்.

source https://tamil.indianexpress.com/tamilnadu/sfi-students-attack-on-police-in-tharamani-govt-polytechnic-college-what-happened-in-college-8890448

Read More

குற்றவுணர்ச்சியே இல்லாமல் இஃப்தார் விழாவில்

 

25 3 25

“குடியுரிமைத் திருத்தச் சட்டத்தால் ஒரு முஸ்லீம் கூட பாதிக்கப்பட மாட்டார், யாருக்கு குடியுரிமை பறிபோனது? என்று கேட்ட எடப்பாடி பழனிசாமியை சிறுபான்மையின மக்கள் மறக்கவோ மன்னிக்கவோ மாட்டார்கள்” என்று முதலமைச்சர் மு.க. ஸ்டாலின் எடப்பாடி பழனிசாமியை சாடினார்.

மேலும்,  “எடப்பாடி பழனிசாமி இப்போது , எந்தக் கூச்சமும் இல்லாமல் இசுலாமியர் விழாவில் கலந்துக்கொள்கிறார். ஆபத்து வரும்போது இஸ்லாமியர்களுக்கு எதிராக செயல்பட்டுவிட்டு அந்த குற்றவுணர்ச்சியே இல்லாமல் இப்படி சிலர் இப்தார் விழாவில் கலந்துகொள்கிறார்கள்” என்று மு.க. ஸ்டாலின் சாடியுள்ளார். 

 

சென்னையில் தி.மு.க. சிறுபான்மையினர் நல உரிமைப்பிரிவின் சார்பில் இப்தார் நோன்பு திறக்கும் நிகழ்ச்சி திங்கள்கிழமை (24.03.2025) நடைபெற்றது. இந்த நிகழ்ச்சியில் தமிழக முதல்-அமைச்சர் மு.க.ஸ்டாலின், அமைச்சர் மா.சுப்பிரமணியன் ஆகியோர் கலந்து கொண்டனர்.

தி.மு.க தலைவரும், முதலமைச்சருமான மு.க.ஸ்டாலின் திங்கள் கிழமை (24.3.2025) சென்னை, திருவான்மியூரில் திராவிட முன்னேற்றக் கழகத்தின் சிறுபான்மையினர் நல உரிமைப் பிரிவின் சார்பில் நடைபெற்ற இஃப்தார் புனித ரமலான் நோன்பு திறப்பு நிகழ்ச்சியில் பங்கேறுப் பேசினார். அப்போது மு.க. ஸ்டாலின்,  “தலைவர் கலைஞருக்குள் சிந்தனை மாற்றத்தை உருவாக்கியதில் ‘தாருல் இஸ்லாம்’இதழுக்கும், தாவூத் ஷாவுக்கும் பெரிய பங்கு இருக்கிறது! இன்னும் சொல்ல வேண்டும் என்றால், பேரறிஞர் அண்ணாவையும் தலைவர் கலைஞரையும் இணைக்க பாலமாக இருந்ததே, இஸ்லாமிய சமுதாயம்தான்! திருவாரூரில் நடந்த மிலாதுநபி விழாவில்தான் பேரறிஞர் அண்ணா அவர்களும், தலைவர் கலைஞர் அவர்களும் முதன்முதலில் சந்தித்துக்கொண்டார்கள்”  என்று மு.க. ஸ்டலின் பேசினார்.

 “1967-இல் பேரறிஞர் அண்ணா தமிழ்நாட்டில் மிகப்பெரிய அரசியல் மாற்றத்தை ஏற்படுத்த, அதற்கு தோள் கொடுத்து நின்றவர் கண்ணியத்துக்குரிய காயிதே மில்லத். “முஸ்லீம் சமுதாயத்துக்கு நீங்கள் செய்த உதவிக்கெல்லாம் என்னுடைய நன்றி" என்று காயிதேமில்லத் அவர்கள் கடைசி நேரத்தில் அவர் மறைவதற்கு முன்னால் தலைவர் கலைஞர் அவருடைய கையைப் பிடித்துக்கொண்டு சொன்னார். காயிதேமில்லத் அவர்கள் நன்றி சொன்னது, அதுவரை செய்த நன்மைகளுக்காக; அதைவிட அதிகமான நன்மைகளைத் தொடர்ந்து முதலமைச்சர் பொறுப்புக்கு வந்தபோதெல்லாம் கலைஞர் செய்தார். தலைவர் கலைஞர் அவர்களுடைய செய்த சாதனைகளை பட்டியலிடவேண்டும் என்றால், நேரமில்லை. அதனால், சுருக்கமாக சொல்கிறேன்.” மு.க. ஸ்டாலின் பட்டியலிட்டுப் பேசினார்.

தலைவர் கலைஞரைப் பொறுத்தவரைக்கும் - ‘இஸ்லாமியர்கள் வேறு; தான் வேறு’ என்று எப்போதும் நினைத்ததில்லை. ‘எனக்கு நன்றி சொல்லி உங்களிடமிருந்து என்னைப் பிரித்துவிடாதீர்கள்’ என்றுதான் அவர் அடிக்கடி சொல்லியிருக்கிறார். அவரின் வழித்தடத்தில்தான், நம்முடைய இன்றைய திராவிட மாடல் ஆட்சியும் செயல்பட்டு வருகிறது.” என்று மு.க. ஸ்டாலின் பேசினார்.

மேலும், “சிறுபான்மையினர்களின் சமூக, பொருளாதார, கல்வி நிலைகளை மேம்படுத்த, பல்வேறு திட்டங்களை கடந்த 4 ஆண்டு ஆட்சியில் சிறப்பாக செயல்படுத்தி வருகிறது. அண்மையில்கூட, தமிழ்நாடு ஹஜ் இல்லம் கட்டப்படும் என்று அறிவித்திருக்கிறோம்.

இஸ்லாமிய மக்களுக்கான நம்முடைய திராவிட மாடல் அரசின் முத்தாய்ப்பான சில சாதனைகளைப் பட்டியலிடவேண்டும் என்றால், தமிழ்நாடு மாநில ஹஜ் குழுவுக்கு ஆண்டு நிர்வாக மானியம் 80 இலட்சம் ரூபாயாக உயர்த்தி வழங்கப்பட்டு வருகிறது.

ஹஜ் பயனாளிகளுக்கு தலா 25 ஆயிரம் ரூபாய் வீதம் ஹஜ் மானியம் வழங்க ஆணை வெளியிடப்பட்டிருக்கிறது. கடந்த 4 ஆண்டுகளில் தமிழ்நாட்டிலிருந்து 11 ஆயிரத்து 364 ஹஜ் பயனாளிகள் புனிதப் பயணம் மேற்கொண்டிருக்கிறார்கள். இதற்காக 24 கோடியே 56 இலட்சம் ரூபாயை மானியமாக அரசு வழங்கியிருக்கிறது. தமிழ்நாடு சிறுபான்மையினர் பொருளாதார மேம்பாட்டுக் கழகம் மூலம் கடந்த 4 ஆண்டுகளில் 31 ஆயிரத்து 625 பயனாளிகளுக்கு 207 கோடி ரூபாய்க்கு கடன்கள் வழங்கப்பட்டிருக்கிறது.

சிறுபான்மையின மக்கள் பயன் பெற, பல்வேறு நலத் திட்டங்களுக்கு கடந்த 4 ஆண்டுகளில் 405 கோடி ரூபாய் அளவில் அரசு நிதி தரப்பட்டிருக்கிறது. சிறுபான்மையின கிராமப்புற பெண் குழந்தைகளின் கல்வியை ஊக்குவிக்க 76 ஆயிரத்து 663 மாணவியருக்கு 4 கோடியே 82 இலட்சம் ரூபாய் ஊக்கத்தொகை வழங்கப்பட்டிருக்கிறது. ஒன்றிய அரசு, சிறுபான்மையின மாணவ மாணவியருக்கு வழங்கி வந்த கல்வி உதவித்தொகையை நிறுத்திவிட்டது. எனவே, மாநில அரசு, இந்த ஆண்டு, 1 முதல் 8-ஆம் வகுப்பு வரை அரசு மற்றும் அரசு உதவி பெறும் பள்ளிகளில் பயிலும் முஸ்லிம் மாணவிகளுக்கு ஆயிரம் ரூபாய் கல்வி உதவித்தொகை வழங்கியிருக்கிறது. வக்பு வாரியம் மூலம் வழங்க 12 கோடியே 17 இலட்சம் ரூபாய் ஒதுக்கீடு செய்திருக்கிறோம். இந்தத் திட்டத்தின்கீழ் ஒரு இலட்சத்து ஆயிரத்து 159 மாணவிகள் பயன் பெறுவார்கள்.

தொன்மையான பள்ளிவாசல்கள், தர்காக்களை புனரமைக்கும் பணிகளுக்கு இதுவரை பத்து கோடி ரூபாய் நிதி ஒதுக்கீடு செய்யப்பட்டு, 10 தர்காக்களுக்கு வழங்கப்பட்டிருக்கிறது. பள்ளி வாசல்கள், தர்காக்கள், வக்பு நிறுவனங்களை, புனரமைக்கும் பணிகளுக்கு இதுவரை 23 கோடி ரூபாய் நிதி ஒதுக்கீடு செய்யப்பட்டு, 308 வக்பு நிறுவனங்களுக்கு வழங்கப்பட்டிருக்கிறது. கடந்த நான்கு ஆண்டுகளில் முஸ்லிம் மகளிர் உதவும் சங்கங்களுக்கு அரசின் நிதி உதவியாக 15 கோடியே 47 இலட்சம் ரூபாய் வழங்கப்பட்டிருக்கிறது.

”குற்றவுணர்ச்சியே இல்லாமல் இஃப்தார் விழாவில் பங்கேற்கும் பழனிசாமி” : முதலமைச்சர் மு.க.ஸ்டாலின் தாக்கு!
உலமாக்கள் மற்றும் இதரப் பணியாளர்கள் நலவாரியம் மூலமாக, 5,818 பயனாளிகளுக்கு பல்வேறு நலத்திட்ட உதவிகள் வழங்கப்பட்டிருக்கிறது. தமிழ்நாடு வக்பு வாரியத்துக்கு ஆண்டுதோறும் 2 கோடியே 50 இலட்சம் ரூபாய் நிர்வாக மானியம் வழங்கப்பட்டு வருகிறது.

இப்படி இசுலாமிய பெருமக்களின் சமூகப் பொருளாதார வாழ்வியல் சூழலை மேம்படுத்தும் அரசாக நம்முடைய திராவிட மாடல் அரசு செயல்பட்டு வருகிறது. அரசியல் ரீதியாக அச்சுறுத்தல் வரும்போதெல்லாம் இசுலாமியர்களைக் காக்கும் காவல் அரணாக இருப்பது திராவிட முன்னேற்றக் கழகம் செயல்பட்டுக்கொண்டிருக்கின்றது. மற்ற மாநிலங்களில் வருந்தத்தக்க சூழல் இருந்தாலும், நம்முடைய தமிழ்நாட்டில் மத ரீதியான வன்முறைகள் ஏற்படாமல், காத்து வரும் அரசாக நம்முடைய தி.மு.க அரசு எப்போதும் இருந்து வந்திருக்கிறது.

குடியுரிமைத் திருத்தச் சட்டம் மூலமாக அச்சுறுத்தல் ஏற்பட்டபோது அதற்கு எதிரான மக்கள் இயக்கத்தை நடத்தி, ஒரு கோடி மக்களிடம் கையெழுத்து பெற்று குடியரசுத் தலைவருக்கு அனுப்பி வைத்தோம்.

ஆனால், இந்த குடியுரிமை திருச்சத் சட்டத்தை ஆதரித்து வாக்களித்த கட்சிதான் அ.தி.மு.க.! குடியுரிமைத் திருத்த சட்டத்தை மாநிலங்களவையில் அ.தி.மு.க. உறுப்பினர்கள் எதிர்த்து வாக்களித்திருந்தால் அந்த சட்டமே நிறைவேறி இருக்காது. ஆனால், தி.மு.க.வும் - கூட்டணிக் கட்சிகளும் நாடாளுமன்றத்தில் எதிர்த்து வாக்களித்தோம். மக்கள் மன்றத்திலும் போராடினோம்.

ஆனால், அன்றைக்கு முதலமைச்சராக இருந்த பழனிசாமி என்ன கேட்டார்?  “குடியுரிமைத் திருத்தச் சட்டத்தால் ஒரு முஸ்லீம் கூட பாதிக்கப்பட மாட்டார், யாருக்கு குடியுரிமை பறிபோனது? என்று கேட்டார். இதை சிறுபான்மையின மக்கள் மறக்கவோ மன்னிக்கவோ மாட்டார்கள். இப்போது அவர், எந்தக் கூச்சமும் இல்லாமல் இசுலாமியர் விழாவில் கலந்துக்கொள்கிறார். ஆபத்து வரும்போது இஸ்லாமியர்களுக்கு எதிராக செயல்பட்டுவிட்டு அந்த குற்றவுணர்ச்சியே இல்லாமல் இப்படி சிலர் இப்தார் விழாவில் கலந்துகொள்கிறார்கள்.

பொது சிவில் சட்டத்துக்கு எதிராகவும், இது தனிமனித உரிமையை பறிப்பது என்று மத்திய சட்ட ஆணையத்துக்கு கடிதம் அனுப்பியது தி.மு.க.தான்! இப்போது கூட வக்பு வாரிய சட்ட திருத்த மசோதா இந்திய அளவில் பேசுபொருள் ஆகியிருக்கிறது. சிறுபான்மையின மக்களின் உரிமையை பறிக்கும் நோக்கத்தோடு பா.ஜ.க. இதை கொண்டு வரப் பார்க்கிறார்கள். அதையும் நாடாளுமன்றத்தில் மிக கடுமையாக எதிர்த்து குரல் எழுப்பிக்கொண்டிருக்கிறது தி.மு.க.-வும் அதன் கூட்டணிக்கட்சிகளும். ஒருவேளை அது சட்டமானால், அதை ரத்து செய்ய உச்சநீதிமன்றத்தில் தி.மு.க. சார்பில் வழக்கு தொடரப்படும் என்று ஏற்கனவே அறிவித்திருக்கிறோம். பா.ஜ.க. அரசின் சதித் திட்டங்கள் நிறைவேற தி.மு.க. ஒருபோதும் அனுமதிக்காது. உறுதியாக போராடுவோம்! உங்களுக்குத் துணையாக எப்போதும் இருப்போம்!

இப்படி இஸ்லாமியர் உரிமையை காப்பாற்றுகின்றவர்களாக செயல்படுபவர்கள் நாங்கள். இஸ்லாமியர் உரிமைக்கு போராடுகின்றவர்கள், வாதாடுகின்றவர்கள்தான் இப்படியான விழாக்களில் கலந்துக்கொள்ள தகுதி படைத்தவர்கள். அந்த தகுதியோடு உள்ளார்ந்த அன்போடு சகோதர உணர்வோடு நாங்கள் இதுபோன்ற விழாக்களை நடத்துகிறோம், பங்கெடுக்கிறோம். சிறுபான்மை மக்களின் சமூக பொருளாதார மேம்பாட்டுக்கான நலத் திட்டங்களை அரசின் மூலமாக தொடர்ந்து நிறைவேற்றுவோம்! அதே நேரத்தில், இசுலாமியரின் அரசியல் உரிமைகளை நிலைநிறுத்தி அவர்களுக்கு காவல் அரணாக விளங்கும் இயக்கமாக திராவிட முன்னேற்றக் கழகம் எந்நாளும் இருக்கும்! இசுலாமிய சகோதரர்கள் அனைவருக்கும் எனது புனித ரமலான் வாழ்த்துகளை இப்போதே தெரிவித்துக்கொள்கிறேன்.: என்று முதலமைச்சர் மு.க.ஸ்டாலின் பேசினார்.

source https://tamil.indianexpress.com/tamilnadu/cm-mk-stalin-attack-on-edappadi-k-palaniswami-iftar-feast-islam-ramzan-fasting-8886992

Read More