இந்திய மாணவர்கள் படிப்பதற்கு ஏற்ற டாப் நாடுகள்

 

மாணவர் தங்குமிடம் முன்பதிவு தளமான 'Amber', ஜனவரி 2026-ல் நடத்திய ஆய்வின்படி, வெளிநாடுகளில் உயர்கல்வி பயிலும் மாணவர்களில் 14% பேர் சர்வதேச மாணவர்கள் ஆவர். டியூஷன் கட்டணம் மற்றும் வாழ்க்கைச் செலவுகளை அடிப்படையாகக் கொண்டு, சர்வதேச மாணவர்களுக்கு மிகவும் சிக்கனமாக திகழும் நாடுகள் குறித்து பார்க்கலாம்.

பிரான்ஸ் 

ஐரோப்பாவில் மிகக் குறைந்த டியூஷன் கட்டணத்தில் உயர்தர கல்வியை வழங்கும் முன்னணி நாடு பிரான்ஸ்,

பரிசீலிக்கப்பட்ட படிப்பு கட்டணம் (ஆண்டுக்கு)

இளங்கலை (Bachelor's): 4,000 டாலர் வரை.

முதுகலை (Master's): 5,000 டாலர் வரை.

சராசரி மாத வாழ்க்கைச் செலவு: 1,194 டாலர் (சுமார் ரூ.1,00,000).

சிறந்த பல்கலைக்கழகங்கள்: பிஎஸ்எல் பல்கலைக்கழகம், எகோல் பாலிடெக்னிக், சோர்போன் பல்கலைக்கழகம் (PSL University, École Polytechnique, Sorbonne University).

நியூசிலாந்து 

பாதுகாப்பான சூழல் மற்றும் தரமான கல்விக்காக சர்வதேச மாணவர்களிடையே அதிக வரவேற்பைப் பெற்றுள்ளது நியூசிலாந்து.

பரிசீலிக்கப்பட்ட படிப்பு கட்டணம் (ஆண்டுக்கு)

இளங்கலை (Bachelor's): 25,000 டாலர் வரை.

முதுகலை (Master's): 35,000 டாலர் வரை.

சராசரி மாத வாழ்க்கைச் செலவு: 800 - 1,200 டாலர் (சுமார் ரூ.67,000 - ரூ.1,00,000).

சிறந்த பல்கலைக்கழகங்கள்: ஆக்லாந்து பல்கலைக்கழகம், ஒடாகோ பல்கலைக்கழகம், விக்டோரியா வெலிங்டன் பல்கலைக்கழகம் (University of Auckland, University of Otago, Victoria University of Wellington).

ஐக்கிய இராச்சியம் / இங்கிலாந்து (UK)

வாழ்க்கைச் செலவு சற்று அதிகமாக இருந்தாலும், பகுதி நேர வேலை வாய்ப்புகள் மற்றும் நிகிழ்வுத்தன்மை (Fiscal flexibility) காரணமாக மாணவர்கள் அதிகம் தேர்ந்தெடுக்கும் இடமாக இது உள்ளது.

பரிசீலிக்கப்பட்ட படிப்பு கட்டணம் (ஆண்டுக்கு)

இளங்கலை (Bachelor's): 40,000 டாலர் வரை.

முதுகலை (Master's): 45,000 டாலர் வரை.

சராசரி மாத வாழ்க்கைச் செலவு: 812 - 1,624 டாலர் (சுமார் ரூ.68,000 - ரூ.1,36,000).

சிறந்த பல்கலைக்கழகங்கள்: கேம்பிரிட்ஜ் பல்கலைக்கழகம், ஆக்ஸ்போர்டு பல்கலைக்கழகம், இம்பீரியல் கல்லூரி லண்டன் (University of Cambridge, University of Oxford, Imperial College London)

ஆஸ்திரேலியா 

வாழ்க்கைச் செலவு அதிகம் என்றாலும், உலகின் முன்னணி பல்கலைக்கழகங்கள் மற்றும் பகுதி நேர வேலை வாய்ப்புகளால் மாணவர்களின் விருப்பமான தேர்வாக ஆஸ்திரேலியா உள்ளது.

பரிசீலிக்கப்பட்ட படிப்பு கட்டணம் (ஆண்டுக்கு)

இளங்கலை (Bachelor's): 33,000 டாலர் வரை செலவாகும்.

முதுகலை (Master's): 40,000 டாலர் வரை செலவாகும்.

சராசரி மாத வாழ்க்கைச் செலவு: 1,500 - 2,500 டாலர் (சுமார் ரூ.1,25,000 - ரூ.2,10,000).

சிறந்த பல்கலைக்கழகங்கள்: ஆஸ்திரேலிய தேசியப் பல்கலைக்கழகம், மெல்போர்ன் பல்கலைக்கழகம், சிட்னி பல்கலைக்கழகம் (Australian National University, University of Melbourne, University of Sydney)

அமெரிக்கா 

கட்டணம் அதிகம் என்றாலும், உலகளாவிய வேலை வாய்ப்பு மற்றும் கல்வித் தரத்திற்காக உலகளவில் மாணவர்கள் விரும்பும் முதன்மை நாடாக உள்ளது.   

பரிசீலிக்கப்பட்ட படிப்பு கட்டணம் (ஆண்டுக்கு)

இளங்கலை (Bachelor's): 50,000 டாலர் வரை.

முதுகலை (Master's): 60,000 டாலர் வரை.

சராசரி மாத வாழ்க்கைச் செலவு: 1,000 - 1,500 டாலர் (சுமார் ரூ.84,000 - ரூ.1,25,000).

சிறந்த பல்கலைக்கழகங்கள்: எம்.ஐ.டி, ஸ்டான்போர்ட் பல்கலைக்கழகம், ஹார்வர்ட் பல்கலைக்கழகம் (MIT, Stanford University, Harvard University)

siurce https://tamil.indianexpress.com/international/cheapest-countries-for-international-students-to-study-read-full-story-12618925

Read More