வார்த்தையை விட்ட கவுன்சிலர்; மேடையிலேயே கண்டித்த கனிமொழி; போலீசார் வழக்குப் பதிவு

 

கடந்த 7-ஆம் தேதி சென்னை ராஜா அண்ணாமலை மன்றத்தில் தி.மு.க 95-வது வார்டு கவுன்சிலர் சுதா தீனதயாளன் தலைமையில் தி.மு.க முப்பெரும் விழா நடைபெற்றது. இந்த நிகழ்ச்சியில் தி.மு.க எம்.பி கனிமொழி, முன்னாள் அமைச்சர் சேகர் பாபு, சென்னை மேயர் பிரியா உள்ளிட்ட பலர் கலந்து கொண்டனர். அப்போது  சுதா தீனதயாளன் முதலமைச்சர் விஜய் குறித்து இழிவாக பேசியிருந்ததாக கூறப்படுகிறது.

இதனால், அதிச்சியடைந்த எம்.பி கனிமொழி விழா மேடையிலேயே இதுபோன்று பேசக் கூடாது என்று கண்டித்தார். அதாவது, ”எதிராளிகள் யாராக இருக்கிறார்கள் என்பதை வைத்து நாம் நம்மை உருவாக்கக் கூடாது. அவர்கள் பேசட்டும், அவர்களுடைய தரம் அவ்வளவு தான். நாம் முப்பெரும் விழா கொண்டாடக் கூடிய தி.மு.க வழியில் வந்த தந்தை பெரியார், பேரறிஞர் அண்ணா, தலைவர் கருணாநிதி வழியில் வந்திருக்கக் கூடியவர்கள் என்பதை நினைவிலே வைத்துக் கொண்டு பேச வேண்டும்” என்றார்.

சுதா தீனதயாளன் பேச்சுக்கு  அமைச்சர் கீர்த்தனா, கனிமொழி சந்தோஷ் எம்.எல்.ஏ கண்டனம் தெரிவித்துள்ளனர். இந்தநிலையில் த.வெ.க துறைமுக பகுதி செயலாளர் உதயகுமார், பி-2 எஸ். பிளனேடு காவல் நிலையத்தில் சுதா தீனதயாளன் மற்றும் நிகழ்ச்சி ஏற்பாட்டாளர் முரளி ஆகியோர் மீது  புகார் அளித்தார். இதையடுத்து, புகாரைப் பெற்ற காவல்துறையினர் வழக்குப் பதிவு செய்து விசாரணையைத் தொடங்கியுள்ளனர்.

source https://tamil.indianexpress.com/tamilnadu/case-registered-against-dmk-woman-councillor-for-remark-vijay-12691312

Read More