ஆடையும் பற்றி அறிய வேண்டிய விசயங்கள்
ஃபிக்ஹ் மஸாயீல் - பாகம் - 16
A.அஷ்ரஃப்தீன் பிர்தவ்ஸி (பேச்சாளர்,TNTJ)
இஸ்லாமிய கல்வி களஞ்சியம் - 30-09-2021
வியாழன், 30 செப்டம்பர், 2021
அல்லாஹ்விற்காக செயல்படுவோம்..!
அல்லாஹ்விற்காக செயல்படுவோம்..!
பெண்கள் பயான் - மாநிலத் தலைமையகம் - 13-03-2018
உரை : எஸ். முஹம்மது யாஸிர்
(மாநிலச் செயலாளர், TNTJ)
இறைநேசமும் இறுதி வெற்றியும்
இறைநேசமும் இறுதி வெற்றியும்
A.முபாரக் - பேச்சாளர்
ஜுமுஆ - துறைமுகம் - 24-09-2021
அழைப்பு பணியும் பெண்களின் பங்களிப்பும்
அழைப்பு பணியும் பெண்களின் பங்களிப்பும்
பெண்கள் பயான் - மாநிலத் தலைமையகம் - 27-02-2018
உரை : ஏ.கே. அப்துர்ரஹீம்
(மாநிலப் பொருளாளர், TNTJ)
திருமண நிலைபாடும் தடுமாறும் இளைஞர்களும்..!
திருமண நிலைபாடும் தடுமாறும் இளைஞர்களும்..!
எம்.ஷம்சுல்லுஹா ரஹ்மானி (மாநிலத்தலைவர் - TNTJ)
மேலப்பாளையம் ஜுமுஆ - 24.09.2021
உயிர் பிரியும் நேரத்தில்..!
உயிர் பிரியும் நேரத்தில்..!
பயான் மிஷ்ரிப் - குவைத் மண்டலம் - 01-06-2018
உரை : A. சபீர் அலி M.I.Sc
மாநபி வழியா? முன்னோர்கள் வழியா?
மாநபி வழியா? முன்னோர்கள் வழியா?
எம்.ஐ.சுலைமான் (பேச்சாளர்,TNTJ)
மாநிலத் தலைமையக ஜுமுஆ - 24.09.2021
மூடநம்பிக்கையை தகர்தெறிந்த இஸ்லாம்
மூடநம்பிக்கையை தகர்தெறிந்த இஸ்லாம்
ஜாவித் அஷ்ரஃப்
துறைமுகம் ஜுமுஆ - 24-09-2021
நபிவழியும் மீலாதும்! - 15.03.2015
நபிவழியும் மீலாதும்! - 15.03.2015
உரை:- கே.எஸ்.அப்துர் ரஹ்மான் பிர்தவ்சி (பேச்சாளர்)
கிழக்கு தெரு கிளை மேட்டுப்பாளையம் - கோவை வடக்கு மாவட்டம்
கல்வி தரத்தை மேற்கோள் காட்டி, அரசு உதவிப்பெறும் பள்ளி, கல்லூரிகளை கையப்படுத்துகிறது ஆந்திர அரசு
ஆந்திராவில் அரசு உதவி பெறும் தனியார் கல்வி நிறுவனங்களுக்கான சாலையின் முடிவு இது. 90 சதவீதத்துக்கும் அதிகமான உதவி பெறும் பட்டப்படிப்புக் கல்லூரிகள் அரசால் கையகப்படுத்தப்பட்டு, இனி அரசு நிறுவனங்களாக நடத்தப்படும்.
உதவித்தொகை பெறும் நிறுவனங்கள் மற்றும் அவர்களின் ஊழியர்களை இணைக்கும் செயல்முறை கல்லூரி கல்வி ஆணையர் மற்றும் பள்ளிக் கல்வி இயக்குநரால் திங்கள்கிழமை தொடங்கப்பட்டது.
கல்வி அமைச்சர் ஆதிமூலபு சுரேஷ், உதவித்தொகை பெறும் நிறுவனங்களால் ஒப்பந்த அடிப்படையில் பணியமர்த்தப்பட்ட பணியாளர்கள் மீண்டும் தேவைக்கேற்ப கல்லூரிகள் மற்றும் பள்ளிகளில் பணியமர்த்தப்படுவார்கள் என்று கூறினார்.
உதவித்தொகையில் இருந்து தானாக முன்வந்து திரும்பப் பெறுதல்; அவர்களின் சொத்துக்களை அரசாங்கத்திடம் ஒப்படைத்தல்; அல்லது நிறுவனங்களை தனியார் அமைப்புகளாக நடத்துதல் என இந்த நிறுவனங்களுக்கு அரசாங்கம் மூன்று விருப்பங்களை அளித்தது என்று அமைச்சர் சுரேஷ் தி இந்தியன் எக்ஸ்பிரஸிடம் தெரிவித்தார்.
பல நிறுவனங்கள் தங்கள் உதவித்தொகை நிலையை கைவிட்டு தங்கள் ஊழியர்களை ஒப்படைத்துள்ளன, அதே நேரத்தில் ஒரு சிலர் தங்கள் சொத்துகளையும் விட்டுக்கொடுக்க ஒப்புக்கொண்டனர், இந்த விருப்பங்களில் எதையும் ஏற்காத நிறுவனங்கள் தங்கள் அங்கீகாரத்தை இழக்கும் என அமைச்சர் கூறினார்.
“மாணவர்களின் குடும்பத்திற்கு சுமை இல்லாமல் தரமான கல்வியை வழங்குவதே அரசின் நோக்கம். அம்மா வோடி (Amma Vodi), வித்யா தீவேனா (Vidya Deevena), மற்றும் வசதி தீவேனா (Vasati Deevena ) போன்ற நலத்திட்டங்கள் மானிய உதவி நிறுவனங்களில் படிக்கும் மாணவர்களுக்கும் வழங்கப்பட்டாலும் கூட, சேர்க்கை அதிகரிக்கவில்லை. பலர் அரசு சலுகைகளைப் பெறுகிறார்கள், ஆனால் நல்ல கற்பித்தல் தரத்தை பராமரிக்கவில்லை, ”என்று அமைச்சர் சுரேஷ் கூறினார்.
அரசாங்கத்தால் அமைக்கப்பட்ட குழு அனைத்து உதவித்தொகை கல்வி நிறுவனங்களையும் கையகப்படுத்த பரிந்துரைத்தது. 133 பட்டப்படிப்புக் கல்லூரிகளில், 125 கல்லூரிகள் கிட்டத்தட்ட 93 சதவிகித கல்லூரிகள், இதுவரை தங்கள் உதவித்தொகை அந்தஸ்தை ஒப்படைத்துவிட்டன, மேலும் அதன் ஊழியர்களை அரசாங்கத்திற்கு ஒதுக்கியுள்ளதாக அதிகாரிகள் தெரிவித்தனர். குறைந்தது ஏழு நிறுவனங்கள் தங்கள் சொத்துக்களை அரசாங்கத்திடம் ஒப்படைக்க ஒப்புக்கொண்டன.
இதேபோல், 122 இளநிலை கல்லூரிகளில் 103 கல்லூரிகள் அதாவது 84 சதவீத கல்லூரிகள் உதவித்தொகை வழங்கும் நிலையை விட்டுவிட்டன; ஐந்து கல்லூரிகள் தங்கள் சொத்துக்களை தங்கள் ஊழியர்களுடன் தானாக முன்வந்து அரசிடம் கொடுத்துள்ளனர்.
மேலும் 1,276 உதவி பெறும் பள்ளிகள் தங்கள் அந்தஸ்தை விட்டுக்கொடுக்க ஒப்புக்கொண்டன; 100 பள்ளிகள் தங்கள் சொத்துக்களை அரசுக்கு கொடுக்கின்றன. கல்வித் துறை அவற்றை அரசுப் பள்ளிகளாக நடத்தும், அவை எதுவும் மூடப்படாது என்று அமைச்சர் உறுதியளித்தார்.
ஒப்பந்தத்தில் பணியமர்த்தப்பட்ட ஆசிரியர்களின் பிரச்சனைகளும் பரிசீலிக்கப்படுவதாகவும், அவர்களின் வேலைகளைப் பாதுகாக்க அரசு நடவடிக்கை எடுக்கும் என்றும் அமைச்சர் சுரேஷ் கூறினார். சாத்தியக்கூறுகளை ஆய்வு செய்ய ஒரு குழு அமைக்கப்பட்டுள்ளது, அதனால் ஒப்பந்த ஆசிரியர்கள் கவலைப்பட தேவையில்லை, ஏனெனில் இந்த நிறுவனங்களை வலுப்படுத்துவதில் அரசு உறுதியாக உள்ளது, என்றும் அமைச்சர் கூறினார்.
எவ்வாறாயினும், பல கல்வியாளர்கள் மற்றும் ஆசிரியர்கள், அரசு மற்றும் தனியார் பள்ளிகள் மற்றும் கல்லூரிகளுக்கு இடையே தேர்வு செய்வதற்கான விருப்பத்தை அரசாங்கம் எடுத்துக்கொள்வதாக உணர்கிறார்கள்.
“பெற்றோர்கள் மற்றும் ஆசிரியர்கள் இந்த விருப்பத்தை அரசு எடுத்துக்கொள்வதால் ஏமாற்றம் அடைந்துள்ளனர். அரசு உதவி பெறும் தனியார் கல்வி நிறுவனங்களுக்கு நல்ல பெயரும் அங்கீகாரமும் உண்டு; அவர்களில் பலர் மிகவும் புகழ் பெற்றவர்கள். முற்றிலும் லாபம் ஈட்டும் நிறுவனங்களுக்கான மானியங்களை அரசாங்கம் நிறுத்தலாம், ஆனால் நல்ல தரத்தை பராமரிக்கும் புகழ்பெற்ற நிறுவனங்களை அனுமதிக்கலாம்,” என்று ஆசிரியர் தொகுதி சட்டமேலவை உறுப்பினர் கே.நரசிம்ம ரெட்டி கூறினார்.
ஆந்திராவின் தனியார் ஆசிரியர் சங்கத்தைச் சேர்ந்த முகமது நசீர் கூறுகையில், அரசாங்கத்தின் உத்தரவாதங்கள் இருக்கின்றபோதிலும், நூற்றுக்கணக்கான ஆசிரியர்கள் வேலை இழக்க நேரிடும் என்றார்.
source https://tamil.indianexpress.com/india/andhra-govt-aided-schools-colleges-quality-education-348551/
‘போதைப்பொருள் சப்ளை’ சிங்கம் பட நடிகர் பெங்களூருவில் கைது
போதைப்பொருள் விற்பனை செய்த குற்றத்திற்காக நைஜீரிய நடிகரை பெங்களூரு காவல்துறையினர் இன்று கைது செய்துள்ளனர். பாலிவுட், கன்னடா, தமிழ் என பல்வேறு மொழி திரைப்படங்களில் நடித்தவர் செக்யூம் மால்வின் Chekwume Malvin.இவர் தமிழில் நடிகர் சூர்யாவின் சிங்கம் 2 படத்திலும், கமலின் விஸ்வரூபம் படத்திலும் நடித்துள்ளார்.
பெங்களூரு கிழக்கு பிரிவு போலீசார் கூற்றுப்படி, மல்வின் மருத்துவ விசாவில் இந்தியாவில் இருந்ததாகவும், மும்பையில் உள்ள நியூயார்க் திரைப்பட அகாடமியில் இரண்டு மாத பயிற்சி பெற்றதாகவும் கூறப்படுகிறது. போலீசாருக்கு கிடைத்த ரகசியத் தகவலின் அடிப்படையில், பெங்களூருவில் எச்.பி.ஆர் லேஅவுட்டில் தங்கியிருந்து மல்வினை கைது செய்தனர். கைதான நபர் கல்லூரி மாணவர்களுக்கும், தொழிலாளர்களுக்கும் போதைப் பொருள் விநியோகித்து வந்ததாகக் கிழக்கு பிரிவு டிசிபி எஸ்டி சரணப்பா கூறியுள்ளார்.
போதைப்பொருள் விற்பனை செய்த குற்றத்திற்காக நைஜீரிய நடிகரை பெங்களூரு காவல்துறையினர் இன்று கைது செய்துள்ளனர். பாலிவுட், கன்னடா, தமிழ் என பல்வேறு மொழி திரைப்படங்களில் நடித்தவர் செக்யூம் மால்வின் Chekwume Malvin.இவர் தமிழில் நடிகர் சூர்யாவின் சிங்கம் 2 படத்திலும், கமலின் விஸ்வரூபம் படத்திலும் நடித்துள்ளார்.
பெங்களூரு கிழக்கு பிரிவு போலீசார் கூற்றுப்படி, மல்வின் மருத்துவ விசாவில் இந்தியாவில் இருந்ததாகவும், மும்பையில் உள்ள நியூயார்க் திரைப்பட அகாடமியில் இரண்டு மாத பயிற்சி பெற்றதாகவும் கூறப்படுகிறது. போலீசாருக்கு கிடைத்த ரகசியத் தகவலின் அடிப்படையில், பெங்களூருவில் எச்.பி.ஆர் லேஅவுட்டில் தங்கியிருந்து மல்வினை கைது செய்தனர். கைதான நபர் கல்லூரி மாணவர்களுக்கும், தொழிலாளர்களுக்கும் போதைப் பொருள் விநியோகித்து வந்ததாகக் கிழக்கு பிரிவு டிசிபி எஸ்டி சரணப்பா கூறியுள்ளார்.
மல்வின் விஸ்வரூபம், சிங்கம், அண்ணா பாண்ட், தில்வாலே, ஜம்பூ சவரி , பரமாத்மா போன்ற படங்களில் நடித்துள்ளார். அவர் மூன்று நோலிவுட் திரைப்படங்களிலும் முக்கிய கதாபாத்திரங்களில் நடித்துள்ளார்.
அவரிடமிருந்து 15 கிராமுக்கு மேற்பட்ட எம்டிஎம்ஏ, 7 லட்சம் ரூபாய் மதிப்புள்ள 250 மிலி ஹாஷ் ஆயில், செல்போன், ரூ. 2,500 ரொக்க பணம் மற்றும் 8 லட்சம் ரூபாய் மதிப்பிலான போதைப்பொருட்கள் பறிமுதல் செய்த காவல் துறையினர், பல்வேறு பிரிவுகளின் கீழ் வழக்குப்பதிவு செய்துள்ளனர்.
source https://tamil.indianexpress.com/india/nigerian-actor-arrested-for-drug-peddling/
2,990 கிலோ ஹெராயின் பறிமுதல்: ‘அதானி துறைமுகம் பலனடைந்ததா?’ விசாரணைக்கு கோர்ட் உத்தரவு
வருவாய் புலனாய்வு இயக்குனரகம் ஹெராயின் பறிமுதல் செய்திருப்பது, இந்த போதைப் பொருள் சரக்கு, ஏன் ஆந்திராவின் விஜயவாடாவில் இருந்து அருகே உள்ள சென்னை துறைமுகம் போன்ற பிற துறைமுகங்களை விடுத்து தொலைவில் உள்ள குஜராத்தின் முந்திரா அதானி துறைமுகத்தில் பதிவு செய்யப்பட்டு இறக்கப்பட்டது என்பது உள்பட பல சிக்கல்களை எழுப்பியுள்ளதாகவும் நீதிபதி கூறினார்.
குஜராத்தில் உள்ள போதை மருந்து மற்றும் மனநல மருத்துவப் பொருட்களுக்கான சிறப்பு நீதிமன்றம், 2,990 கிலோ ஹெராயின் இறக்குமதி மூலம் “முந்திரா அதானி துறைமுகம், அதன் நிர்வாகம் மற்றும் அதன் அதிகாரிகள் ஏதேனும் பலனடைந்துள்ளனரா என்பதை விசாரிக்க வருவாய் புலனாய்வு இயக்குநரகத்திற்கு (DRI) நீதிமன்றம் உத்தரவிட்டுள்ளது. ஆந்திராவின் விஜயவாடாவில் உள்ள ஆஷி டிரேடிங் கம்பெனி என்ற பெயரில் ஆப்கானிஸ்தானில் இருந்து ஈரான் வழியாக முந்திரா துறைமுகத்தில் தரையிறங்கிய இரண்டு கண்டெய்னர்களில் வருவாய் புலனாய்வு இயக்குநரகம் செப்டம்பர் 16ம் தேதி தி இந்தியன் எக்ஸ்பிரஸுக்கு கிடைத்த நீதிமன்ற உத்தரவுகள் தெரிவிக்கிறது.
இந்தியன் எக்ஸ்பிரஸ் தரப்பில் இருந்து முந்திரா அதானி துறைமுகத்தின் தலைமை நிர்வாக அதிகாரிக்கு அனுப்பப்பட்ட மின்னஞ்சல் கேள்விக்கு பதிலளிக்கப்படவில்லை.
இதில் முக்கிய குற்றவாளிகளில் ஒருவரான கோயம்புத்தூரைச் சேர்ந்த ராஜ்குமார் பி மற்றும் இந்திய நிறுவனத்திற்கும் ஈரானிய ஏற்றுமதியாளருக்கும் இடையிலான தரகு ஒப்பந்தத்திற்கு வாட்ஸ்அப்பைப் பயன்படுத்திய முக்கிய குற்றவாளியின் மறுசீராய்வு மனுவை விசாரித்த கூடுதல் மாவட்ட நீதிபதி சிஎம் பவார் செப்டம்பர் 26 ஆம் தேதி இந்த உத்தரவை பிறப்பித்தார். முந்திரா அதானி துறைமுகத்தின் அதிகாரிகள் மற்றும் அதிகாரிகளின் பங்கு என்ன என்பதை விசாரிக்க வேண்டும். அதே நேரத்தில் சரக்கு / கண்டெய்னர் வெளிநாட்டிலிருந்து இந்தியாவிற்கு அனுப்பப்பட்டது/இறக்குமதி செய்யப்பட்டது. முந்திரா அதானி துறைமுகத்தில் இறங்கியது. மேலாண்மை, அதிகாரிகள் மற்றும் முந்த்ரா அதானி துறைமுகத்தின் அதிகாரி முந்திரா அதானி துறைமுகத்தில் சுமார் 2,990 கிலோ எடையுள்ள கடத்தல் ஹெராயின் கண்டுபிடிக்கப்பட்டது. முந்திரா அதானி துறைமுகம், அதன் நிர்வாகம் மற்றும் அதன் அதிகாரம் போன்றவை இந்தியாவில் போதைப் பொருட்கள் மற்றும் மனநல மருந்துப் பொருட்களின் சரக்குகளை இறக்குமதி செய்வதால் ஏதேனும் நன்மைகள் கிடைத்ததா என்பது முற்றிலும் மர்மமாக உள்ளது.” நீதிமன்றம் வெளிநாடு மற்றும் முந்திரா துறைமுகத்தில் வெளிநாடுகளில் இருந்து இந்தியாவிற்கு அனுப்பப்பட்ட/இறக்குமதி செய்யப்பட்ட சரக்கு முந்திரா அதானி துறைமுகத்தில் இறக்கப்பட்ட போது அந்த கண்டெய்னர் மற்றும் சரக்குகளை ஸ்கேன் செய்து சோதனை செய்வதற்கான வழிமுறைகள் மற்றும் செயல்முறையை விசாரிக்குமாறு வருவாய் புலனாய்வு இயக்குனரகத்திடம் கேட்டுள்ளது.
வெளிநாடு மற்றும் முந்திரா துறைமுகத்தில் வெளிநாடுகளில் இருந்து இந்தியாவிற்கு அனுப்பப்பட்ட / இறக்குமதி செய்யப்பட்ட சரக்கு முந்திரா அதானி துறைமுகத்தில் தரையிறங்கிய போது அந்த கண்டெய்னர் மற்றும் சரக்குகளை ஸ்கேன் செய்து சோதனை செய்வதற்கான வழிமுறைகள் மற்றும் செயல்முறையை விசாரிக்குமாறு வருவாய் புலனாய்வு இயக்குனரகத்திடம் நீதிமன்றம் கேட்டுள்ளது.
வருவாய் புலனாய்வு இயக்குனரகம் ஹெராயின் பறிமுதல் செய்திருப்பது, அந்த சரக்கு ஏன் அருகே உள்ள சென்னை துறைமுகம் போன்ற பிற துறைமுகங்களை விடுத்து ஆந்திராவின் விஜயவாடாவில் இருந்து தொலைவில் உள்ள குஜராத்தின் முந்திரா அதானி துறைமுகத்தில் பதிவு செய்யப்பட்டு தரையிறக்கப்பட்டது என்பது உள்பட பல சிக்கல்களை எழுப்பியுள்ளது என்று நீதிபதி கூறியுள்ளார்.
அகமதாபாத் வருவாய் புலனாய்வு இயக்குனரகத்தால் செப்டம்பர் 16ம் தேதி முந்திரா துறைமுகத்தில் இரண்டு கண்டெய்னர்களில் இருந்து ஹெராயின் கைப்பற்றப்பட்டது. அவை ஆப்கானிஸ்தானில் இருந்து அனுப்பப்பட்ட முகத்திற்கு பூசும் பவுடர் அல்லது அரை பதப்படுத்தப்பட்ட முகத்திற்கு பூசும் பவுடர் கற்கள் இருப்பதாக தெரிவிக்கப்பட்டன. அவை ஈரானின் பந்தர் அப்பாஸ் துறைமுகத்தில் உள்ள கண்டெய்னர்களில் ஏற்றப்பட்டன. அவைஆந்திராவின் விஜயவாடாவில் பதிவுசெய்யப்பட்ட ஆஷி டிரேடிங் நிறுவனம், ஹசன் ஹுசைன் லிமிடெட் என்ற நிறுவனத்தில் இருந்து இறக்குமதி செய்யப்பட்டது.
கடந்த இரண்டு ஆண்டுகளில், குஜராத்தில் உள்ள கடல், குறிப்பாக கச்ச் மாவட்டத்தின் கடல் பகுதியில் பாகிஸ்தான் மற்றும் ஆப்கானிஸ்தான் போன்ற வெளிநாடுகளில் இருந்து அதிக அளவில் கடத்தல் இறக்குமதி/ பொருட்களை கடத்துவதற்கான மையமாக மாறியுள்ளது என்று செப்டம்பர் 26ம் தேதி வழங்கப்பட்ட நீதிமன்ற உத்தரவு கூறுகிறது. அதில் கோடிக் கணக்கான பணம் புரள்கிறது.
ஆஷி டிரேடிங்கிற்கு எதிராக பதிவு செய்யப்பட்ட வழக்கின் அனைத்து அம்சங்களையும் வருவாய் புலனாய்வு இயக்குனரகம் விசாரிக்க வேண்டும் என்று நீதிமன்றம் வலியுறுத்தியது. முந்திரா அதானி துறைமுகத்தின் மேலாண்மை மற்றும் அதிகாரிகள் மீதான விசாரணை உட்பட, மற்ற நிறுவனங்கள் இந்த வழக்கை விசாரித்தாலும் கூட வழக்கின் பெரிய அம்சங்களை மற்ற ஏஜென்சிகள் விசாரிக்கின்றன என்ற அரசு வழக்கறிஞரின் கருத்துக்கு பதில் இந்த உத்தரவு உள்ளது.
“எந்தவொரு விஷயத்திலும் சரியான விசாரணை செய்து வழக்கின் அனைத்து அம்சங்களிலும் உண்மையைக் கண்டறிவது வருவாய் புலனாய்வு இயக்குனரகத்தின் கடமையாகும்” என்று நீதிமன்ற உத்தரவில் கூறப்பட்டுள்ளது.
முன்னதாக, அதானி குழுமம் அதானி துறைமுகங்கள் மற்றும் சிறப்பு பொருளாதார மண்டலம் (APSEZ) சார்பாக ஒரு அறிக்கையை வெளியிட்டது. துறைமுக ஆபரேட்டரின் பங்கு துறைமுகத்தை இயக்குவதற்கு மட்டுமே என்று கூறியது. “APSEZ என்பது ஒரு போர்ட் ஆபரேட்டர், கப்பல் வரிகளுக்கு சேவைகளை வழங்குகிறது. முந்திராவில் உள்ள சரக்கு இறக்கும் இடங்களில் அல்லது எங்கள் துறைமுகங்கள் வழியாக செல்லும் கண்டெய்னர்கள் அல்லது மில்லியன் கணக்கான டன் சரக்குகள் மீது எங்களுக்கு காவல் அதிகாரம் இல்லை என்று அது கூறியுள்ளது.
source https://tamil.indianexpress.com/india/did-mundra-adani-port-gain-ndps-court-orders-to-probe-into-2990-kg-heroin-seizure-348831/
போலீஸ் கமிஷனரிடம் சுப.வீரபாண்டியன் புகார்
Suba Veerapandian Complaint Against H.Raja : தன்னைப்பற்றி அவதூறு கருத்துக்களை கூறிய பாஜக தேசியச் செயலாளர் ஹெச்.ராஜா மீது நடவடிக்கை எடுக்க வேண்டும் என்று திராவிட இயக்க தமிழர் பேரவைத் தலைவர் சுப.வீரபாண்டியன் காவல் ஆணையரிடம் புகார் அளித்துள்ளது பெரும் பரபரப்பை ஏற்படுத்தியுள்ளது.
சமீபத்தில் செய்தியாளர்களை சந்தித்த எச்ராஜா, சுப.வீரபாண்டியன் மூளை குப்பை தொட்டி என்றும், அவர் அறிவாலைய வாசலில் அமர்ந்து பிச்சை எடுக்கிறான் என்றும் ஒருமையில் கடுமையாக விமர்சனம் செய்திருந்தார். இது தொடர்பான வீடியோ பதிவு சமூக வலைதளங்களில் வைரலாக பரவிய நிலையில், தன் மீதான விமர்சனம் குறித்து சுப.வீரபாண்டியன் சென்னை காவல் ஆணையரிடம் புகார் மனு அளித்துள்ளார்.
இது தொடர்பாக அவர் அளித்துள்ள புகார் மனுவில்,
கடந்த செப்டம்பர் 27்-ந் தேதி அன்று சமூக வலைத்தளங்களில் பிஜேபியைச் சேர்ந்த எச். ராஜா, ஒரு பத்திரிகையாளர் சந்திப்பில் பேசிய காணொளி வெளியாகி உள்ளது. அதில் என்னைப் பெயர் சொல்லிக் குறிப்பிட்டு, ஆரியர்கள் இந்தியாவிற்குள் வந்தது தொடர்பாகப் பொய் பேசுவதால், சுப.வீரபாண்டியனின் மூளை குப்பைத் தொட்டியாக உள்ளது என்றும், திராவிட முன்னேற்றக் கழகத் தலைமை நிலையமான அறிவாலயத்தில் உட்கார்ந்துகொண்டு சுப.வீரபாண்டியன் பிச்சை எடுக்கிறான் என்றும் ஒருமையில் என்னை அவதூறாகப் பேசியுள்ளார்.
மேலும், பத்திரிகையாளர்கள் அனைவரையும் நோக்கி எல்லா பத்திரிகையாளர்களும் பிரஸ்ட்டிடியூட்ஸ் (Presstitutes) என்று கூறியுள்ளார். அந்தச் சொல்லின் மூலச் சொல்லாக, Prostitutes என்பது உள்ளது என்று அதற்கான விளக்கங்களை இணையங்களில் காணமுடிகிறது. இவ்வாறாகப் பத்திரிகையாளர்கள் அனைவரையும் கேவலப்படுத்தி, எச்.ராஜா பேசியுள்ளது எனது நற்பெயரைக் கெடுக்கும் விதமாக பொதுமக்கள் மத்தியில், அவப்பெயர் உண்டாக்கத் திட்டமிட்டு கெட்ட நோக்கத்துடன் உள்ளது. இதனால் எச்.ராஜா மீது நடவடிக்கை எடுக்க வேண்டும் என்று கூறியுள்ளார்.
இந்த புகார் தமிழகம் முழுவதும் பெரும் பரபரப்பை ஏற்படுத்தியுள்ள நிலையில், இந்த நிகழ்வை தான் கடந்து போய்விடலாம் என்று நினைத்த்தாகவும், ஆனால் தான் இருக்கும் திராவிட இயக்க தமிழர் பேரவையின் தோழர்கள் இது தொடர்பான புகார்மனு ஒன்றையாவது கொடுக்கலாம் என்று கூறியதால் புகார் அளித்தாகவும் சுப.வீரபாண்டியன் வீடியோ பதிவில் குறிப்பிட்டுள்ளார்.
இதனிடையே ஹெச்.ராஜா மீது நடவடிக்கை எடுக்க கோரி எஸ்.டி.பி.ஐ, தமிழக வாழ்வுரிமைக் கட்சி, உள்ளிட்ட அரசியல் கட்சியினரும் பல்வேறு அமைப்பினரும் குரல் கொடுத்து வரும் நிலையில, இந்த விவகாரத்தில் காவல்துறை என்ன நடவடிக்கை எடுக்கப் போகிறது என்பதை ஊடகத்தினர் எதிர்பார்த்து காத்துக்கொண்டிருக்கின்றனர். இதனால் தமிழத்தில் பெரும் அரசியல் பரபரப்பு ஏற்பட்டுள்ளது.
source https://tamil.indianexpress.com/tamilnadu/tamilnadu-suba-veerapandian-complaint-against-h-raja-348834/
மிரட்டும் நாம் தமிழர் கட்சி… வைகோ, திருமா, இடதுசாரிகள் கடும் கண்டனம்
Vaiko Thirumavalavan and other Social activists condemn Naam Tamilar on Prof Jeyaraman : மீத்தேன் உள்ளிட்ட மக்கள் நலனுக்குத் தீங்கு விளைவிக்கும் திட்டங்களுக்கு எதிரான போராட்டங்களை நடத்தியவர் பேராசிரியர் ஜெயராமன். இவருக்கு, நாம் தமிழர் கட்சியினர் கொலை மிரட்டல் விடுத்துள்ளதை அடுத்து மதிமுக பொதுச்செயலாளர் வைகோ, விசிக தலைவர் தொல். திருமாவளவன் உள்ளிட்ட பலர் கடும் கண்டனம் தெரிவித்துள்ளனர்.
இது சம்பந்தமாக வைகோ, தொல் திருமாவளவன், பாலகிருட்டிணன், முத்தரசன் உள்ளிட்ட இடதுசாரி தலைவர்கள், தமிழக வாழ்வுரிமைக் கட்சித் தலைவர் வேல்முருகன், திராவிடர் விடுதலைக் கழகத் தலைவர் கொளத்தூர் மணி உள்ளிட்டோர் கூட்டறிக்கை ஒன்றை வெளியிட்டுள்ளனர்.
அதில், “கடந்த ஞாயிற்றுக்கிழமை மாலை ‘தமிழ்த்தேசத்தின் எதிரி யார்?’ என்ற தலைப்பில் சென்னையில் தமிழ்த்தேசிய நடுவம் என்ற அமைப்பு நடத்திய கருத்தரங்கம் ஒன்றில் மீத்தேன் திட்ட எதிர்ப்பு கூட்டமைப்பின் ஒருங்கிணைப்பாளர் பேராசிரியர் ஜெயராமன் உரையாற்றினார். அப்போது, கிட்டத்தட்ட ஒரு மணி நேரம் தமிழ் தேசியம் குறித்த விரிவான உரையை ஜெயராமன் பேசியிருக்கிறார். அந்த உரை நாம் தமிழர் கட்சிக்கு ஏற்புடையதாக இல்லை என்றும், அவர்களுடைய அரசியலை அவை பாதிக்கக் கூடியதாக இருப்பதாக அவர்கள் கருதுவதாகவும் நாம் தமிழர் கட்சியினர் தெரிவித்துள்ளனர். இதனைத் தொடர்ந்து தமிழ்த் தேசியப் பேரியக்கத்தின் தலைவர் பெ மணியரசன், நாம் தமிழர் கட்சியின் ஒருங்கிணைப்பாளர் சீமான் ஆகியோரின் உரைகளுக்கு விடையளித்தும் மேலும் தேவையான விளக்கங்கள் கொடுத்ததும் ஜெயராமன் உரையாற்றினார்.
வட இந்தியாவில் சங்கிகள் நடத்தையை அப்படியே மறு உருவமாகப் பின்பற்றுபவர்கள்தான் நாம் தமிழர் கட்சியினர் என்பது அனைவரும் அறிந்ததே. இந்நிலையில் அவர்கள், பேராசிரியர் ஜெயராமன் அவர்களையும் அவருடைய குடும்பத்தையும் மிக மிகக் கீழ்த்தரமானச் சொற்கள் பயன்படுத்தி சமூக வலைதளங்களில் பதிவிட்டு வந்துள்ளனர். அதன் இறுதிக் கட்டமாக, நாம் தமிழர் கட்சியினை சேர்ந்த 8 பேர், மீத்தேன் திட்ட எதிர்ப்பு கூட்டமைப்பின் மாணவர் இளைஞர் பிரிவு ஒருங்கிணைப்பாளரான மயிலாடுதுறையில் வசிக்கும் செல்வராசன் கடைக்குச் சென்று ‘ஆபாசமாக’த் திட்டியது மட்டுமல்லாமல் கொலை மிரட்டலும் விடுத்துள்ளனர். அதுமட்டுமின்றி, மயிலாடுதுறையில் இருக்கும் பேராசிரியர் வீட்டுக்குப்போய் ‘என்ன செய்கிறோம் பார்! ‘ என்று மிரட்டி விட்டுச் சென்றுள்ளனர். அப்போது, வெளியூர் சென்றிருந்த பேராசிரியர் ஜெயராமன் ஊர் திரும்பிக் கொண்டு இருந்திருக்கிறார் என்பது குறிப்பிடத்தக்கது.
இவ்வாறு நடந்தவற்றைக் கேள்விப்பட்ட திராவிடர் விடுதலைக் கழகத் தோழர்களும் எஸ்டிபிஐ கட்சியினரும் இணைந்து, மிரட்டல் விடுத்த கடைக்குச் சென்று அங்கு நடந்தவற்றைக் கேட்டறிந்துகொண்டு, பிறகு காவல் நிலையம் சென்றிருக்கின்றனர். குற்றச்செயலில் ஈடுபட்ட நாம் தமிழர் கட்சியின் மாவட்டச் செயலாளர் மற்றும் உடன் வந்தவர்களின் பெயர்களைக் குறிப்பிட்டுக் காவல் நிலையத்தில் புகார் மனு அளித்துள்ளனர்.
இதனை அடுத்து, தங்கள் மீது புகார் அளித்ததைக் கேள்விப்பட்ட நாம் தமிழர் கட்சியினர், அதே காவல் நிலையம் சென்று பேராசிரியர் ஜெயராமன் மற்றும் அவருக்கு ஆதரவாக இருக்கும் மற்றவர்கள் மீதும் புகார் அளித்துள்ளனர். இந்நிலையில், ஏற்கெனவே குற்றச் செயலில் ஈடுபட்டதாகப் புகார் அளித்தவர்கள் மீது எந்தவித விசாரணையும் மேற்கொள்ளாமல், அவர்கள் அளித்த புகாரையும் காவல் துறையினர் வாங்கிப் பதிவு செய்து கொண்டனர். காவல்துறையினரின் இதுபோன்ற செயல், ஒரு சார்பு போக்கையே காட்டுகிறது.
அரசு ஊழியர் ஒருவர் தனது சொந்த சார்பு நிலையை அரசுப்பணியில் உட்செலுத்துவது ஏற்றுக்கொள்ள முடியாத ஒரு பெரும் குற்றம். இதேபோன்ற செயல்பாடு சேலம் மாவட்டம் மோரூர் என்ற ஊரில் விடுதலைச் சிறுத்தைகள் கட்சிக் கொடியைப் பொது இடத்தில் எல்லா கட்சிக் கொடிகளும் உள்ள இடத்தில் நாட்டும்போதும் அதை எதிர்த்துச் சாதியப் போக்குடையோரால் சிக்கல் நடந்திருக்கிறது. காவல்துறை முன்னிலையிலேயே கற்கள், பாட்டில்களை வீசித் தாக்குதல் நடத்தியதைக் காவல்துறையினர் தங்கள் கண்களால் பார்த்த பின்னரும், பாதிக்கப்பட்டவர்கள் அளித்த புகாரோடு, கற்கள் பாட்டில்கள் வீசியவர்களிடம் இருந்து ஒரு புகாரினைப் பெற்று, கற்கள் வீசிய தரப்பில் 18 பேர்கள் மீதும், காயம்பட்டோர் தரப்பில் 27 பேர்கள் மீதும் வழக்குப்பதிவு செய்து தளைப்படுத்தியிருக்கிறார்கள். இப்படிப்பட்ட வன்முறை போக்குகளையும் சாதியப் போக்குகளையும் கட்டுக்குள் கொண்டு வருவதற்குக் காவல் துறையினரின் கவனமற்ற, குற்றமிழைப்போருக்குச் சார்பான நடவடிக்கைகளைக் கண்டிக்கிறோம்.
பேராசிரியர் ஜெயராமன் அவர்கள் பணி நிறைவு பெற்ற பேராசிரியர் மட்டுமல்ல, காவிரி கடைமடைப் பகுதிகளுக்காகத் தன்னுடைய முழு உழைப்பையும் செலுத்தி வருபவர். மேலும், மீத்தேன் எதிர்ப்புக் கூட்டமைப்பின் ஒருங்கிணைப்பாளராகச் செயற்பட்டு வருபவர். மக்களிடம் செல்வாக்கு மிக்கவர். அவரையே இப்படி மிரட்டவும் இழித்துப் பேசவும் செய்த நாம் தமிழர் கட்சியினரின் போக்கு வடநாட்டில் அடாவடித்தனமாய்ச் செயற்படும் ஆர் எஸ் எஸ் குண்டர்களின் தன்மையை ஒத்தது.. இது முற்றிலும் குடி நாயக முறைக்கு எதிரானது. எனவே, இப்போக்குகள் எதிர்காலத்தில் தமிழ்நாட்டில் நடைபெறக்கூடாத வகையில் அந்நிகழ்வை வன்மையாகக் கண்டிப்பதுடன் அவர்கள் மீது உரிய நடவடிக்கை எடுக்க வேண்டும் என்று தமிழ்நாடு அரசினையும், காவல்துறை தலைமையினையும் கேட்டுக்கொள்கிறோம்” என்று அவர்கள் வெளியிட்ட கூட்டறிக்கையில் குறிப்பிட்டிருந்தது.
source https://tamil.indianexpress.com/tamilnadu/vaiko-thirumavalavan-and-other-social-activists-condemn-naam-tamilar-on-prof-jeyaraman-348613/
வானிலை அறிக்கை: நீலகிரி, கோவையில் அடுத்த 4 நாட்களுக்கு கனமழை
தமிழகத்தில் அடுத்த நான்கு நாட்களுக்கு இடியுடன் கூடிய கனமழை பல்வேறு பகுதிகளில் பெய்வதற்கான வாய்ப்புகள் இருப்பதாக சென்னை மண்டல வானிலை ஆய்வு மையத்தின் அறிக்கை தெரிவிக்கிறது.
Chennai weather : சென்னையைப் பொறுத்தவரையில் வானம் மேகமூட்டத்துடன் காணப்படும். லேசானது முதல் மிதமான மழை பல்வேறு இடங்களில் பெய்யக் கூடும் என்று அறிவிக்கப்பட்டுள்ளது. அதிகபட்ச வெப்பநிலை 34 டிகிரி செல்சியஸாக நிலவக்கூடும். குறைந்தபட்சமாக 26 டிகிசி செல்சியஸ் வெப்பம் பதிவாகும்.
30/09/2021 மற்றும் 01/10/2021 தேதிகளில் மழை எங்கே?
இடியுடன் கூடிய கனமழை நீலகிரி, கோவை, சேலம், தருமபுரி, நாமக்கல், கிருஷ்ணகிரி, திருப்பத்தூர், திருவண்ணாமலை, திருச்சிராப்பள்ளி, புதுக்கோட்டை, திண்டுக்கல் மாவட்டங்களில் இடியுடன் கூடிய கனமழைக்கு வாய்ப்பு இருப்பதாக கூறப்பட்டுள்ளது.
02/10/2021 தேதிகளில் மழைக்கான வாய்ப்பு எங்கே உள்ளது?
மதுரை, விருதுநகர், திண்டுக்கல், மற்றும் குமரி போன்ற தென் தமிழக மாவட்டங்களில் கனமழை முதல் மிகக்கனமழை பெய்வதற்கான வாய்ப்புகள் உள்ளது. நீலகிரி, கோவை, திருப்பூர், ஈரோடு, சேலம், நாமக்கல், திருப்பத்தூர், திருவண்ணாமலை போன்ற மாவட்டங்களில் கனமழை பெய்யும் என்றும் அறிவிக்கப்பட்டுள்ளது.
03/10/2021 தேதிகளில் மழைக்கான வாய்ப்பு எங்கே உள்ளது?
நீலகிரி, கோவை, திருப்பூர், ஈரோடு, திண்டுக்கல், கன்னியாகுமரி ஆகிய மாவட்டங்களுடன் ராமநாதபுரம், தூத்துக்குடி, மதுரை, விருதுநகர், தென்காசி, நாமக்கல், சேலம் ஆகிய மாவட்டங்களில் கனமழைக்கு வாய்ப்பு உள்ளதாக அறிவிக்கப்பட்டுள்ளது.
மீனவர்களுக்கு எச்சரிக்கை
அடுத்த நான்கு நாட்களுக்கு வடமேற்கு வங்கக் கடல் மற்றும் தெற்கு அந்தமான் கடலில் காற்று பலமாக வீசும் என்பதால் அப்பகுதிகளுக்கு மீனவர்கள் செல்ல வேண்டாம் என்று கேட்டுக் கொள்ளப்பட்டுள்ளது.
கடந்த 24 மணி நேரத்தில் பதிவான மழைப் பொழிவு
நீலகிரி மாவட்டம் பந்தலூரில் அதிகபட்சமாக கடந்த 24 மணி நேரத்தில் 5 செ.மீ மழை பதிவானது. கோவை சின்னக்கல்லார், வால்பாறை, சோலையாறு, சின்கோனா, குமரியின் மயிலாடி, இரேனியல், நாகர்கோவில், பேச்சிப்பாறை, குளித்துறை, சேலம் மாவட்டம் ஏற்காடு போன்ற இடங்களில் 2 செ.மீ மழை பதிவாகியுள்ளது.
source https://tamil.indianexpress.com/tamilnadu/chennai-weather-updates-imd-latest-news-heavy-rain-alert-for-next-4-days-348888/
புதன், 29 செப்டம்பர், 2021
காங்கிரஸில் இணைந்த கன்யா
காங்கிரஸ் இந்திய கம்யூனிஸ்ட் கட்சியின் இளம் தலைவரும், முன்னாள் ஜேஎன்யூ மாணவர் சங்க தலைவருமான கன்யா குமார், எம்.பி ராகுல் காந்தி முன்னிலையில் காங்கிரஸ் கட்சியில் இணைந்தார்.
குஜராத்தின் தலித் தலைவரும் சுயேச்சை எம்எல்ஏவுமான ஜிக்னேஷ் மேவானியும் காங்கிரஸ் கட்சிக்கு தனது ஆதரவை வழங்கினார். ஆனால் “தொழில்நுட்ப காரணத்தால்” கட்சியில் முறையாக சேர முடியவில்லை என கூறினார்.
இதுகுறித்து அவர் ஏஎன்ஐ செய்தி நிறுவனத்திடம் பேசுகையில், ” தொழில்நுட்ப காரணங்களால் என்னால் காங்கிரஸ் கட்சியில் முறையாக சேர முடியவில்லை. நான் ஒரு சுயேச்சை எம்எல்ஏ. ஏதேனும் கட்சியில் சேர்ந்தால், என்னால் எம்எல்ஏவாக தொடர முடியாது. காங்கிரஸ் கட்சியில் கொள்கை ரீதியாக சேர்ந்துள்ளேன். வரவிருக்கும் குஜராத் தேர்தலில் காங்கிரஸ் கட்சியின் சின்னத்தில் போட்டியிட உள்ளேன்” என தெரிவித்தார்.
முன்னதாக , டெல்லியில் உள்ள ஷஹீத்-இ-ஆஸம் பகத் சிங் பூங்காவில் ராகுல் காந்தி தலைமையில் நடைபெற்ற நிகழ்ச்சியில் கன்யா குமார் மற்றும் ஜிக்னேஷ் மேவானி ஆகிய இருவரும் பங்கேற்றனர் என்பது குறிப்பிடத்தக்கது.
காங்கிரஸில் கட்சியில் இணைந்தது குறித்து பேசிய கன்யா குமார், ” நான் காங்கிரஸ் கட்சியில் சேருகிறேன். ஏனெனில் அது கட்சி அல்ல ஒரு கருத்தாக்கம். நாட்டின் பழமையான மிகவும் ஜனநாயக பூர்வமான கட்சியாக அது உள்ளது. ஜனநாயகம் என்பதை மேற்கோள் காட்டி கூறுகிறேன். காங்கிரஸ் கட்சி இல்லாமல் நாடு உயிர்ப்போடு இருக்காது. இது என்னுடைய கருத்து மட்டும் அல்ல பெரும்பான்மையானோரின் கருத்தும் இதுதான்” என்றார்.
தலித் சமூகத்தை சேர்ந்த மேவானி(41), குஜராத் வட்கம் தொகுதியிலிருந்து சட்டப்பேரவை உறுப்பினராக தேர்ந்தெடுக்கப்பட்டுள்ளார். அவர் ஹர்திக் மற்றும் அல்பேஷ் தாகூர் ஆகியோருடன் இணைந்து இளம் கூட்டணியாக கடந்த 2017 சட்டப்பேரவை தேர்தலில் பாஜக கோட்டையான குஜராத்தில் தனித்து நின்றவர்கள் என்பது குறிப்பிடத்தக்கது.
அதே போல, 34 வயதான கன்யா, மோடி அரசுக்கு எதிரான உரைகளால் தேசிய கவனத்தை ஈர்த்த முன்னாள் ஜேஎன்யு மாணவர் சங்கத் தலைவர் ஆவார். பின்னர் சிபிஐ வேட்பாளராகக் களமிறங்கித் தேர்தலில் தோல்வியைத் தழுவினார்.
காங்கிரஸின் வட்டாரங்களின் கூற்றுப்படி, கடந்த இரண்டு ஆண்டுகளில் ஜோதிராதித்ய சிந்தியா, சுஷ்மிதா தேவ், ஜிதின் பிரசாதா, பிரியங்கா சதுர்வேதி மற்றும் லலிதேஷ்பதி திரிபாதி போன்ற பல இளம் தலைவர்கள் காங்கிரஸ் கட்சியிலிருந்து விலகிய நிலையில், கன்யா, மேவானி வருகை நிச்சயம் காங்கிரஸூக்கு புதிய உத்வேகத்தை அளிக்கும் என நம்புவதாக தெரிவிக்கின்றனர்.
source https://tamil.indianexpress.com/india/kanhaiya-kumar-joins-congress-officially-infront-of-rahul-gandhi/
புதிய புயலை உருவாக்கிச் சென்றதா குலாப் புயல்?
28 09 2021 Cyclone Gulab : செப்டம்பரில், பருவமழை நீடித்து வந்த அதே சூழலில் குலாப் புயல் உருவானது. இந்த புயல் காரணமாக கடலோர ஆந்திராவில் பலத்த மழை பெய்து வந்தது. புயலின் தாக்கம் இன்னும் நீடிக்கின்ற நிலையில் தெலுங்கானா, மகாராஷ்ட்ரா மற்றும் குஜராத் போன்ற மாநிலங்களில் செப்டம்பர் 30 வரை மழைப்பொழிவு இருக்கும் என்று கூறப்பட்டுள்ளது.
இந்தியாவில் புயல் காலம் மிகவும் முன்பே துவங்கிவிட்டதா?
இந்தியாவில் ஆண்டுக்கு இருமுறை புயல் காலம் ஏற்படுகிறது. மார்ச் முதல் மே வரையிலும் பிறகு அக்டோபர் முதல் டிசம்பர் காலங்களில் புயல்கள் ஏற்படுகின்றன. சில அரிதான காலங்களில் புயல்கள் ஜூன் முதல் செப்டம்பர் காலங்களில் ஏற்படுகின்றன.
ஜூன் முதல் செப்டம்பர் காலங்களில் புயல்கள் என்பது மிகவும் அரிதாக ஏற்படும் காலமாகும். ஏனெனில் வலுவான பருவமழை நீரோட்டங்கள் காரணமாக சைக்ளோஜெனீசிஸுக்கு மட்டுப்படுத்தப்பட்ட அல்லது கிட்டத்தட்ட சாதகமான சூழ்நிலைகள் உருவாவதில்லை. இந்த கால கட்டம் தான் விண்ட் ஷியர் என்று அழைக்கப்படுகிறது. கீழ் மற்றும் மேல் வளிமண்டல மட்டங்களில் காற்றின் வேகத்தில் ஏற்படும் வித்தியாசம் விண்ட் ஷியர் என்று கூறப்படுகிறது. இந்த காலங்களில் இது மிகவும் அதிகமாக இருக்கும். இதன் விளைவாக மேகங்கள் செங்குத்தாக வளராது மற்றும் பருவமழை காற்றழுத்த தாழ்வு மண்டலம் புயலாக உருமாற்றம் அடையாது.
ஆனாலும் இந்த ஆண்டு குலாப் புயல் 25ம் தேதி அன்று வங்கக் கடலில் உருவாகி ஞாயிற்றுக்கிழமை அன்று ஆந்திராவில் உள்ள கலிங்கப்பட்டணம் பகுதியில் புயல் கரையை கடந்தது. எனவே இந்த ஆண்டு, சூறாவளி சீசன் வழக்கத்தை விட முன்னதாகவே தொடங்கியது என்று கூறலாம். செப்டம்பர் மாதம் 2018ம் ஆண்டின் புயல் தினத்தில் தான் 2018ம் ஆண்டின் புயல் தினத்தில் தான் கடைசியாக வங்காள விரிகுடாவில் செப்டம்பர் மாதம் ஏற்பட்ட புயலாகும்.
1950 முதல் 2021 வரையில் செப்டம்பர் மாதங்களில் வங்கக் கடலில் உருவான புயல்களின் எண்ணிக்கை
| ஆண்டு | புயல்களின் எண்ணிக்கை | ஆண்டு | புயல்களின் எண்ணிக்கை |
| 2018 | 1 | 1968 | 2 |
| 2005 | 1 | 1966 | 1 |
| 1997 | 1 | 1961 | 1 |
| 1985 | 1 | 1959 | 1 |
| 1981 | 1 | 1955 | 2 |
| 1976 | 1 | 1954 | 1 |
| 1974 | 1 | 1950 | 1 |
| 1972 | 1 | ||
| 1971 | 1 | மொத்தம் | 18 |
குலாப் உருவாக சாதகமாக அமைந்த காலநிலைகள் என்ன?
மேடன் ஜூலியன் ஊசலாட்டத்தின் (MJO) ஒத்திசைவு கட்டம், வங்காள விரிகுடாவில் சூடான கடல் மேற்பரப்பு வெப்பநிலை மற்றும் குறைந்த அட்சரேகைகளில் செப்டம்பர் 24 அன்று குறைந்த அழுத்தநிலை உருவாக்கம் ஆகிய மூன்று காரணங்களில் சைக்ளோஜெனெசிஸிற்கு உதவி செய்தது என்று இந்திய வானிலை ஆராய்ச்சி துறையின் இயக்குநர் ம்ருத்துன்ஜெய் மொஹபத்ரா கூறினார்.
குறைந்த அழுத்தம் , நன்றாக குறிக்கப்பட்ட குறைந்த அழுத்தம், தாழ்வுநிலை, தீவிரமான காற்றழுத்த தாழ்வு நிலை உருவாகி பிறகு குலாப் புயல் உருவெடுத்தது. இந்த அமைப்பு தெற்கு ஒடிசாவை நோக்கி சென்றாலும் இறுதியாக அது வடக்கு ஆந்திர கடலோரப் பகுதியில் கரையை கடந்தது.
ஒவ்வொரு மழைக்கால முடிவிலும் புயல்.. இந்த ஆண்டின் மழை நிலவரம்!
குலாப் புயலின் தாக்கம் நிலப்பகுதியில் எவ்வாறு உள்ளது?
கரையை கடந்ததும் புயல்கள் வலுவிழந்துவிடும். வடமேற்கு பகுதிகளில் இருக்கும் வறண்ட பகுதிகளில் இருந்து செப்டம்பர் மாதங்களில் பருவமழை விரைவாக வெளியேறும். ஆனால் இந்த ஆண்டு அந்த பகுதிகளில் ஈரப்பதம் இன்னும் இருக்கிறது. இது குலாப் புயல் கரையை கடந்த போதும் வலுவாக முன்னேற உறுதுணையாக செயல்படுகிறது.
செப்டம்பர் மாதங்களில் ஏற்படும் புயல்களுக்கே உள்ள அம்சம் இதுவாகும். தென்மேற்கு பருவமழை தொடர்ந்து தீவிரமாக செயல்படும் போது ஈரப்பதம் இருக்கும். கூடுதலாக விண்ட் ஷூர் பலவீனமாக இருக்கும். எனவே தற்போது கரையை கடந்துள்ள குலாப் புயலை வலுவிலக்க வைக்க போதுமான காரணிகள் இல்லை என்றூ தேசிய காலநிலை முன்னறிவிப்பு மையத்தின் மூத்த வானிலை முன்னறிவிப்பாளர் ஆர்.கே. ஜேனாமணி கூறினார்.
திங்கள்கிழமை காலையில், புயல் ஆழ்ந்த காற்றழுத்த தாழ்வு மண்டலமாக வலுவிழந்தது மற்றும் மாலையில் மேலும் காற்றழுத்த தாழ்வு மண்டலமாக மாறியது. திங்கள் கிழமை மாலை 07:30 மணிக்கு கிடைத்த அறிவிப்பின் படி காற்றழுத்த தாழ்வு மண்டலம் தெலுங்கானா, தெற்கு சத்தீஸ்கர் மற்றும் விதர்பா பகுதியில் நிலவி வருகிறது. வடக்கு மகாராஷ்டிரா-குஜராத் கடற்கரையை நோக்கி நகர்ந்து அடுத்த 24 மணி நேரத்தில் நன்கு குறிக்கப்பட்ட குறைந்த அழுத்த அமைப்புக்கு பலவீனமடையும் என்று எதிர்பார்க்கப்படுகிறது.
புயல்கள் மீண்டும் உருவாவது எவ்வளவு பொதுவானது?
காலநிலை ரீதியாக, புயல்கள் மீண்டும் தோன்றுவதற்கான அதிர்வெண் குறைவாக இருக்கலாம் ஆனால் இவை அரிதான நிகழ்வுகள் அல்ல என்று மொஹாபத்ரா கூறினார். சமீபத்திய காலங்களில் கஜா புயல் வங்காள விரிகுடாவில் உருவானது. தமிழகத்தில் 2018ம் ஆண்டு அது கரையை கடந்த பிறகு, மேற்காக நகர்ந்து மத்திய கேரளா கடற்கரையில் இருந்து கடலை தாண்டிய புயல் அரபிக் கடலில் புதிய புயலாக உருவானது.
வடக்கு அரபிக் கடலில் தற்போது நிலவும் வெப்பமான சூழல் காரணமாக குலாக் புயல் வரும் நாட்களில் மீண்டும் வலுப்பெறலாம் என்று கூறப்பட்டுள்ளது. காற்றின் வேகத்தை (68 முதல் 87 கிமீ/மணி) புயல் அடைந்தவுடன், ஐஎம்டி அதற்கு ஒரு புதிய பெயரை வழங்கும். வளிமண்டல மற்றும் பெருங்கடல் நிலைமைகள் சைக்ளோஜெனீசிஸுக்கு சாதகமாக இருப்பதால், இந்த அமைப்பு குஜராத் கடற்கரைக்கு அருகில் உள்ள வடக்கு அரபிக் கடலில் மீண்டும் தோன்றுவதற்கான வலுவான வாய்ப்பாக உள்ளது என்று இந்திய வெப்ப மண்டல வானிலை ஆய்வு மையத்தில் பணியாற்றும் ராக்ஸி மேத்யூ கோல் கூறினார்.
தீவிரம் மற்றும் மேலும் மேற்கு நோக்கி நகர்வதற்கான இந்த நிகழ்தகவை உறுதிப்படுத்தும் வகையில், மற்றொரு சூறாவளி உருவாகும் வாய்ப்புகள் மிதமாக உள்ளது அதாவது 51 முதல் 75% வரை உள்ளது என்று ஜெனாமணி கூறினார். “மீண்டும் எழும் அமைப்பு இந்தியாவை பாதிக்காது, ஆனால் ஏற்கனவே கடலுக்குள் இருக்கும் மீனவர்களுக்கு எச்சரிக்கை முக்கியம் என்பதால் இந்திய பெருங்கடல் பகுதிகளில் இருக்கும் நாடுகளுக்கு ஐ.எம்.டி. எச்சரிக்கை விடுத்துள்ளது.
source https://tamil.indianexpress.com/explained/why-cyclone-gulab-could-give-rise-to-another-cyclone-347732/