ஒலித்த ‘திராவிட நாடு வாழ்க’ பாடல்

 மகாத்மா காந்தியின் 75ஆவது நினைவு தினத்தை முன்னிட்டு, சென்னை மெரினா கடற்கரையில் அமைந்துள்ள மகாத்மா காந்தியின் திருவுருவச் சிலைக்கு கீழே வைக்கப்பட்டுள்ள அவரது திருவுருவப் படத்திற்கு தமிழக ஆளுநர் ஆர்.என்.ரவி, தமிழக முதலமைச்சர் மு.க.ஸ்டாலின் ஆகியோர் மலர்த்தூவி மரியாதைச் செலுத்தினர்.

இந்நிகழ்வில் கலந்துகொள்வதற்காக வந்த ஆர் என் ரவி, காரிலிருந்து இறங்கும் போது, “வாழ்க வாழ்க திராவிடர்; வாழ்க திராவிட நாடு; வாழ்க!” என்ற பாடல் பாடப்பட்டது. இந்தப் பாடலை சர்வதேச இசை சங்கம் குழுவினரும், பள்ளி மாணவிகளும் பாடினர்.

அதே சமயம், முதல்வர் ஸ்டாலின் அங்கு வருகையில் `மகாத்மா காந்தி வாழ்க; பாரத நாடு வாழ்க’ என்ற பாடல் ஒலிக்கப்பட்டது.

இதனை சுட்டிக்காட்டி, ஆளுநர் வருகையின் போது திராவிட நாட்டு பாடல் பாடப்பட்டது ஏன் என்ற சர்ச்சை தற்போது எழுந்துள்ளது. இந்த காணொலியை சமூக வலைதளத்தில் ஷேர் செய்யும் இணையவாசிகள், தங்களது கருத்துகளை பதிவிட்டு வருகின்றனர்.

source https://tamil.indianexpress.com/tamilnadu/dravidian-song-sing-at-the-time-of-governor-entry-gets-controversial-404214/

Read More

கிரிமினல் வழக்கு இருந்தால் கவுன்சிலர் சீட் இல்லை: ஸ்டாலின் கறார் உத்தரவு

 31 1 2022 நகர்ப்புற உள்ளாட்சித் தேர்தலில் போட்டியிட எந்தக் கட்சியினருக்கும், கிரிமினல் குற்றச்சாட்டு பின்னனி உள்ள பெண்கள் உள்ளிட்ட கட்சியினர் யாருக்கும் சீட்டு வழங்கப்பட மாட்டாது என்றும், அதை நிர்வாகிகள் உறுதி செய்ய வேண்டும் என்றும் முதல்வரும், திமுக தலைவருமான மு.க.ஸ்டாலின் தெரிவித்துள்ளார்.

நேற்று (ஜனவரி 30) கட்சித் தொண்டர்களுக்கு மு.க.ஸ்டாலின் எழுதிய ஒரு திறந்த கடிதத்தில், கூட்டணிக் கட்சியின் உள்ளூர் நிர்வாகிகளுக்கு நெருடல் ஏற்படாத வகையில் கழகத்தினரின் அணுகுமுறை அவசியம் அமையவேண்டும் என்பதும் வெறும் தேர்தல் கூட்டணியாக இல்லாமல், கொள்கைக் கூட்டணியாக உள்ள மதச்சார்பற்ற முற்போக்குக் கூட்டணியின் தூய தோழமை தொடர்ந்திட வேண்டும் என்பதும் உங்களில் ஒருவனான என் வேண்டுகோளாகும்.

கூட்டணிக் கட்சியினருக்கு ஒதுக்கீடு செய்தபிறகு, தி.மு.க போட்டியிட உள்ள இடங்களுக்கான வேட்பாளர்கள் தேர்வு என்பது, ராணுவ வீரர்களைத் தேர்வு செய்வது போன்ற நெறிமுறைகளுடன் கண்டிப்பானதாகவும் கட்டுக்கோப்பானதாகவும் இருக்க வேண்டும். சுயநலம் தவிர்த்து, பொதுநலச் சிந்தனையும் கொள்கைப் பற்றும் கொண்டு, இயக்கத்தின் வளர்ச்சிக்குத் தன்னை முழுமையாகவும் முழுநேரமும் அர்ப்பணித்துக் கொண்டவர்களுக்கு வேட்பாளர் தேர்வுகளில் முன்னுரிமை வழங்கப்பட வேண்டும். குற்றப் பின்னணி ஏதேனும் இருந்தால், அவை தொடர்பான வழக்குகளில் தன்னை நிரபராதி என்று சட்டப்பூர்வமாக நிரூபிக்கும் வரையில் அவர்களை வேட்பாளராகத் தேர்வு செய்திடல் நிச்சயமாகக் கூடாது என்பதை திமுக நிர்வாகிகள் தவறாமல் மனதில் கொள்ள வேண்டும் என்று ஸ்டாலின் கூறினார்.

மேலும், தேர்தல் முன்னேற்பாடுகள் குறித்து மாவட்ட செயலாளர்கள், எம்பிக்கள், எம்எல்ஏக்களுடன் ஏற்கனவே ஆலோசனை நடத்தியதாக கூறிய ஸ்டாலின், வேட்பாளர்களைத் தேர்ந்தெடுப்பது, இடங்களைப் பகிர்வது, வாக்கு கேட்பது போன்றவற்றை ஒருங்கிணைத்து, வெற்றியை ஒரே இலக்காகக் கொண்டு செயல்பட வேண்டும். திமுக அரசின் அனைத்து ஆக்கபூர்வமான நடவடிக்கைகளுக்கும் கூட்டணி தலைவர்கள் ஆதரவு அளிப்பதாக உறுதி அளித்துள்ளனர். “நமது கூட்டணி வெறும் தேர்தல் கூட்டணியாக இருக்கக் கூடாது; அது மதச்சார்பற்ற கூட்டணியாக இருக்க வேண்டும், இது கொள்கை மற்றும் வளர்ச்சி சார்ந்ததாக இருக்க வேண்டும்,” என்று முதல்வர் கூறினார்.

“உள்ளாட்சி நிர்வாகம்தான் நல்ல ஜனநாயகத்தின் அடிப்படை. அவைதான் அரசின் திட்டங்கள் இறுதிவரை மக்களை சென்றடைய வழி வகுக்கும். மக்கள் தங்கள் தேவைகளையும் பூர்த்தி செய்து கொள்ளலாம். உள்ளாட்சி அமைப்பு பலப்படுத்தப்பட வேண்டும் என்பதை எப்போதும் உறுதி செய்யும் இயக்கம் திமுக. எனவே, மாநிலம் முழுவதும் திமுக தலைமையிலான கூட்டணியின் வெற்றிக்காக பாடுபடவும், நல்லாட்சியை உறுதிப்படுத்தவும் தொண்டர்களிடம் ஸ்டாலின் வலியுறுத்தியுள்ளார்.

மேலும், “பாஜகவின் சீரழிவு அரசியலை” அம்பலப்படுத்துமாறும், “மத வெறுப்பை விதைக்கும்” அதன் முயற்சிகளை தமிழ் நாட்டில் நல்லிணக்கத்துடன் வாழும் மக்களிடையே அம்பலப்படுத்த வேண்டும் என்றும் ஸ்டாலின் கேட்டுக் கொண்டார். மேலும், “மக்கள் நலனுக்கு எதிரான இரு கட்சிகளையும் அம்பலப்படுத்துங்கள், மேலும் மதச்சார்பற்ற சக்தியை மாநிலத்தில் காலூன்ற அனுமதிக்காது என்று அவர்களிடம் சொல்லுங்கள்,” என்றும் ஸ்டாலின் கூறினார்.

source https://tamil.indianexpress.com/tamilnadu/stalin-assures-no-seat-for-cadres-with-criminal-cases-404238/

Read More

குறைய துவங்கிய பாசிட்டிவ் விகிதம்; இந்தியாவில் மூன்றாம் தொற்று முடிவுக்கு வருகிறதா?

 31 1 2022 declining Covid-19 positivity rate : கொரோனா தொற்று பரவல் கடந்த 10 நாட்களாக குறைந்து வந்த நிலையில் தற்போது பாசிட்டிவிட்டி ரேட்டும் குறைந்துள்ளது, இந்தியாவில் கொரோனா தொற்று மூன்றாம் அலை முடிவுக்கு வருவதை உறுதி செய்கிறது.

கடந்த இரண்டு நாட்களில் வாரத்திற்கான கொரோனா பாசிட்டிவிட்டி ரேட் வியாழக்கிழமை 16.48%-ல் இருந்து சனிக்கிழமை 15.63% ஆக குறைந்துள்ளது. கடந்த ஒரு மாதத்திற்கும் மேலாக அதிகமாக இருந்த பாசிட்டிவிட்டி விகிதம் தற்போது குறைய துவங்கியுள்ளது. மொத்தமாக சோதனை மேற்கொள்ளும் மக்கள் எண்ணிக்கையில் கொரோனா தொற்று உறுதி செய்யப்படும் எண்ணிக்கை விகிதத்தையே நாம் கோவிட்19 பாசிட்டிவிட்டி ரேட் என்று அழைக்கின்றோம். இந்த நோய் மக்கள்தொகையில் எவ்வளவு விரைவாக பரவுகிறது அல்லது எவ்வளவு பரவலாக உள்ளது என்பதை விளக்கும் முக்கியமான வழிகாட்டியாக உள்ளது.

கொரோனா மூன்றாம் தொற்றில் கொரோனா தொற்றால் பாதிக்கும் நபர்களைக் காட்டிலும் பாசிட்டிவ் விகிதத்திற்கு அதிக முக்கியத்துவம் தரப்பட்டது. ஏன் என்றால் பெரும்பாலான நேரங்களில் கொரோனா தொற்று ஏற்பட்டாலும் குறைவான அறிகுறியே இருந்ததால் பலரும் தங்களை கொரோனா பரிசோதனைக்கு உட்படுத்திக் கொள்ளவில்லை. மேலும் மக்கள் தங்கள் வீடுகளிலேயே கொரோனா சோதனை மேற்கொண்டதால் அதனை அதிகாரப்பூர்வ பதிவுகளில் பதிவு செய்ய முடியவில்லை.

இந்தியாவில் நான்கில் 3 பேர் இரண்டு டோஸ் தடுப்பூசி பெற்றுள்ளனர் – சுகாதாரத்துறை

இந்தியாவில் கொரோனா தொற்று பாசிட்டிவ் விகிதம் அரை சதவிகிதத்திற்கும் குறைவாக டிசம்பர் மூன்றாவது வாரத்தில் மூன்றாவது அலை ஆரம்பமாவதற்கு முன்பு நிலவியது. அதன் பின்னர் ஒமிக்ரான் மாறுபாட்டால் தொடர்ந்து கொரோனா தொற்றால் பாதிக்கப்படும் மக்களின் எண்ணிக்கை அதிகரிக்க துவங்கிய நிலையில் கடந்த வெள்ளிக்கிழமை முதன்முறையாக இந்த தொற்று பாசிட்டிவ் விகிதம் குறைந்துள்ளது.

குறைவு ஏற்பட்டாலும் 15% என்பது இன்னும் அதிகமான ஒன்று தான். கொரோனா தொற்று காலத்தை நாம் ஒட்டுமொத்தமாக கணக்கில் கொண்டால், சோதனை மேற்கொண்டவர்கள் மற்றும் தொற்று உறுதியானவர்களின் எண்ணிக்கை அடிப்படையில் மொத்தமாக பாசிட்டிவ் விகிதம் 6%க்கும் குறைவாகவே உள்ளது. இரண்டாம் அலையின் போது மட்டும் ஒரு வாரத்திற்கான பாசிட்டிவ் விகிதம் மிக அதிகபட்சமாக 22% இருந்தது குறிப்பிடத்தக்கது.

இந்தியாவில் உள்ள 734 மாவட்டங்களில் 388 மாவட்டங்களில் தொடர்ந்து பாசிட்டிவ் விகிதம் 10%க்கும் அதிகமாக உள்ளது. 144 மாவட்டங்களில் பாசிட்டிவ் விகிதம் 5 – 10% என்ற நிலையில் உள்ளது. 202 மாவட்டங்கலில் பாசிட்டிவ் விகிதம் 5%க்கும் குறைவாக உள்ளது என்பதை மத்திய அரசின் சுகாதாரத்துறை தரவுகள் கூறுகின்றனர்.

தொடர்ந்து கேரளா கோவிட்19 பாசிட்டிவ் விகிதத்தில் முன்னிலை வகித்து வருகிறது. அதன் பெரும்பாலான மாவட்டங்களில் பாசிட்டிவ் விகிதம் 40% ஆக உள்ளது. எர்ணாக்குளம், கோட்டயம், இடுக்கி மற்றும் திருவனந்தபுரம் ஆகிய மாவட்டங்களில் பாசிட்டிவ் விகிதமானது 50%க்கும் அதிகமாக உள்ளது. ஹிமாச்சல் பிரதேசம், அசாம், ஹரியானா மாநிலங்களில் தலா ஒரு மாவட்டமும், அருணாச்சல் பிரதேசத்தில் மூன்றூ மாவட்டங்களும் 50%க்கும் மேலாக பாசிட்டிவ் விகிதங்களைக் கொண்டுள்ளன.

கடந்த ஐந்து நாட்களில் கேரளா 50 ஆயிரத்திற்கும் மேற்பட்டவர்களுக்கு கொரோனா தொற்று இருப்பதை உறுதி செய்து வருகிறது. இதர பெரிய மாநிலங்களில் கொரோனா தொற்று குறைவதற்கான அறிகுறிகள் ஏதும் தெரியவில்லை. ஆந்திராவில் தொற்று குறையவில்லை. நாள் ஒன்றுக்கு 12 ஆயிரம் பேர் தொற்றினால் பாதிப்படைகின்றனர். அதே போன்று கர்நாடகா மற்றும் தமிழகத்தில் நாள் ஒன்றுக்கு 25 ஆயிரம் நபர்களுக்கு மேல் தொற்று ஏற்படுகிறது. ஆனால் மூன்றாம் அலையின் உச்சத்தை இம்மாநிலங்கள் சந்தித்துவிட்டது போல் தான் இருக்கிறது. தற்போது தொற்று குறைந்து வருவதற்கான அறிகுறிகள் தென்பட துவங்கியுள்ளன.

source https://tamil.indianexpress.com/explained/why-declining-covid-19-positivity-rate-could-indicate-ebb-of-third-wave-404267/

Read More

கேரளாவின் சில்வர்லைன் திட்டத்திற்கு எதிராக வலுக்கும் போராட்டங்கள்; காரணம் என்ன?

 30 1 2022 Protests against Kerala SilverLine grow; in village after village, concern over ‘secrecy’: கேரளாவின் ஆலப்புழா மாவட்டத்தில் உள்ள நூரநாடு கிராமத்தில், சாலையின் ஓரத்தில், ஒரு பெரிய உள்கட்டமைப்பு திட்டத்தின் அடையாளமாக செவ்வக தடுப்புக் கல் நடப்பட்டுள்ளது. இது 2019 ஆம் ஆண்டில், இரவு நேரத்தில் நடப்பட்டதாக உள்ளூர்வாசிகள் கூறுகிறார்கள்.

தடுப்பு எதற்காக என்று அவர்களிடம் கேட்டபோது, ​​சாலையை அகலப்படுத்துவதற்காக என்று சொன்னார்கள். அவர்கள் சில மண் மாதிரிகளையும் பரிசோதனைக்காக எடுத்துச் சென்றனர்,” ஆனால் இது “கேரள ரயில் திட்டத்தின் கணக்கெடுப்புக்காக இது நிறுவப்பட்டது என்பதை நாங்கள் பின்னர் கண்டுபிடித்தோம். இது அனைவருக்கும் பயன் தரும் நேர்மையான திட்டம் என்றால், பொய் சொல்வது ஏன்? ஏன் இவ்வளவு ரகசியமாக இருக்க வேண்டும்?” என்று சாலையோரத்தில் குடியிருக்கும் மஞ்சுஷா கூறுகிறார்.

இரண்டு ஆண்டுகளுக்குப் பிறகு, கேரளா முழுவதும், பினராயி விஜயன் அரசின், அரை-அதிவேக ரயில் வழித்தடத்தை அமைக்கும் திட்டமான ‘சில்வர்லைன்’ மீது நம்பிக்கையின்மை மட்டுமே வளர்ந்துள்ளது.

கேரள இரயில் மேம்பாட்டுக் கழகம் நிறுவனத்தால் மேற்கொள்ளப்பட்ட இந்த திட்டம், மாநிலத் தலைநகரான தெற்கே திருவனந்தபுரத்திலிருந்து வடக்கில் உள்ள ஒரு நகரமான காசர்கோடு வரை ரயில்கள் மணிக்கு 200 கிமீ வேகத்தில் செல்லும் வழிப்பாதையை வழங்குவதாகும். இது 530-கிமீ தூரத்தை கடக்க எடுக்கும் நேரத்தை 12 மணி நேரத்திலிருந்து நான்கிற்குள் குறைக்கிறது. கேரளாவின் சாலைகளின் நெரிசலைக் குறைக்கவும், நிலையான பயண விருப்பத்தை வழங்கவும், மேலும், உள்கட்டமைப்பு முன்னேற்றத்தை செயல்படுத்தும் சுற்றுச்சூழல் அமைப்புகளை உருவாக்கவும் இது உதவும் என்று அரசாங்கம் கூறுகிறது.

ஆனால், மாநிலத்தின் பெரிய பிரிவினருக்கு, 63,940 கோடி ரூபாய் மதிப்பிலான இந்தத் திட்டம் உருவாக்கப்படுவதில் பேரிழப்பாகும். இதில் கேட்கப்படும் கேள்விகள்: கடனில் மூழ்கியிருக்கும் மாநிலம் எப்படி திட்டத்தை நிறைவேற்ற முடியும்; காலநிலை மாற்றத்தைச் சமாளிக்கும் மாநிலத்தின் சுற்றுச்சூழல் செலவு என்னவாக இருக்கும்; ரயில் சேவையை கட்டுவதற்கு ஆகும் செலவுக்கு டிக்கெட் விலை கட்டுப்படியாகுமா; மற்றும் இடம்பெயர்ந்தவர்களுக்கு மறுவாழ்வு அளிக்கும் திட்டங்கள் என்ன. இது குறித்தான ஆலோசனை இல்லாததுதான் பெரிய கவலை.

“2020 ஆம் ஆண்டில், உத்ராடம் நாளில் (ஓணம் பண்டிகையின் முக்கிய நாளுக்கு முன்பு), கே-ரயில் பாதை சீரமைப்பின் ஒரு பகுதியாக வெளியிடப்பட்ட நில சர்வே எண்களைக் கண்டறிய உள்ளூர் செய்தித்தாள்களைத் திறந்தோம். அதனால்தான் எங்கள் வீடுகள் இடிக்கப்படும் என்பதை நாங்கள் கண்டுபிடித்தோம், ”என்று பெயின்டிங் வேலைகளைச் செய்யும் சுபேஷ் கூறுகிறார். கட்டி 2 ஆண்டுகளே ஆகியுள்ள அவரது வீடு ரயில் வழித்தடத்திற்குள் வருகிறது. சுபேஷ் உள்ளூர் அதிகாரிகளை தொடர்பு கொண்டபோது, அவர்களுக்கு இது பற்றி தெரியவில்லை.

தன் வீடு இடிக்கப்படும் என்பதை அறிந்த மஞ்சுஷா, தன் குழந்தைகளிடம், “நான் தற்கொலை செய்து கொள்ளலாம், ஆனால் வீடற்ற உங்களுடன் தெருவில் இருப்பதை என்னால் தாங்கிக்கொள்ள முடியவில்லை” என்று கூறினார்.

மாநிலம் முழுவதும் போராட்டங்களை முன்னெடுத்து வரும் ‘சம்ஸ்தானா கே-ரயில் சில்வர்லைன் விருத்த ஜானகிய சமிதி’யின் ஆலப்புழா மாவட்டத் தலைவரான சந்தோஷிடம் இவரை போன்றவர்கள் முறையிட்டுள்ளனர். கடந்த ஆண்டு டிசம்பர் 1ம் தேதி கணக்கெடுப்புக்கு வந்த அதிகாரிகளுக்கு எதிராக சமிதி நடத்திய போராட்டம் வன்முறையாக மாறியது. சந்தோஷ் உட்பட குறைந்தது 20 சமிதி உறுப்பினர்கள், கொரோனா நெறிமுறைகளை மீறிய மற்றும் அரசாங்கப் பணிகளுக்கு இடையூறு விளைவித்த குற்றச்சாட்டின் கீழ் தாக்கப்பட்டனர், தடுத்து வைக்கப்பட்டனர் மற்றும் அவர்கள் மீது வழக்கு பதிவு செய்யப்பட்டது.

நாட்டிலேயே மூன்றாவது அதிக மக்கள்தொகை கொண்ட மாநிலமான கேரளாவில் (2011 மக்கள்தொகை கணக்கெடுப்பின்படி), நிலம் கையகப்படுத்துதல் என்பது உள்கட்டமைப்பு திட்டங்களில் மிகப்பெரிய பிரச்சனைகளில் ஒன்றாகும். பெரிய தொகையில் நிலம் இருப்பதால், குடும்பங்கள் வீடுகள் கட்ட பெரிய கடன்களை வாங்குகின்றன. கடந்த ஆண்டு, உள்நாட்டு ஏஜென்சியான இந்தியா ரேட்டிங்ஸ், அகில இந்திய கடன் மற்றும் முதலீட்டு ஆய்வை மேற்கோள் காட்டி, 47.8% என்ற அளவில், நகர்ப்புற குடும்பங்களிலேயே கேரளாவில்தான் அதிக அளவில் கடன் உள்ளது என்று கூறியது.

நூரநாட்டில் உள்ள மூத்த எதிர்ப்பாளர்களில் ஒருவரான இந்திரா பாய், இது பணத்தைப் பற்றியது அல்ல என்று கூறுகிறார். மேலும், “அவர்கள் கோடி கொடுத்தாலும் எங்களுக்கு அது வேண்டாம்.” என்கிறார்

கொச்சியை மையமாகக் கொண்ட ஒரு சிந்தனைக் குழுவின் (CPPR), பொதுக் கொள்கை ஆராய்ச்சி மையத்தின் (CPPR) நிறுவனர்-உறுப்பினரான தனுராஜ், பொது மக்கள் தங்கள் கனவை “விற்க” வேண்டும் என அரசாங்கம் நினைக்க முடியாது என்கிறார். மேலும்,  “இன்றைய நாட்களில் பொதுமக்கள் அதிக தகவல் பெற்றுள்ளனர் மற்றும் கேள்விகளைக் கேட்கிறார்கள்,” என்றும் அவர் கூறினார்.

CPPR க்கான ஒரு கட்டுரையில், தனுராஜ் மற்றும் மூத்த அசோசியேட் நிஸ்ஸி சாலமன், கேரளாவின் ‘அதிக நகரமயமாக்கப்பட்ட சுற்றுச்சூழல் அமைப்பில்’, மொத்த உள்நாட்டு உற்பத்தியில் 70% சேவைத் துறையில் இருந்து வருகிறது, நகர்ப்புற மற்றும் கிராமப்புற அமைப்புகள் முன்னெப்போதையும் விட நெருக்கமாக உள்ளன. இந்த காரணிகள் “வழக்கமான அடிப்படையில் வெகுஜன பயணத்தின் தேவையை குறைத்துள்ளன” என்று வாதிட்டனர்.

இதை மறுத்து, கேரளாவின் முன்னாள் நிதியமைச்சரும், சிபிஎம் மூத்த தலைவருமான டி எம் தாமஸ் ஐசக், அதிக வருமானம் கொண்ட கேரளாவில் வாகனங்களின் எண்ணிக்கை வேகமாக வளர்ந்து வருவதாக சுட்டிக்காட்டுகிறார். “எங்களிடம் உள்ள எந்த சாலைகளையும், ஆறு வழிச்சாலையாக விரிவுபடுத்தினாலும், அடுத்த ஐந்து ஆண்டுகளில் நெரிசல் இருக்கும். இதற்கான பதில் சில்வர்லைன் என்றார்.

சிபிஎம் ராஜ்யசபா எம்பி எளமரம் கரீம், நிதி சாத்தியமற்றது என்ற வாதம் தவறானது. “அத்தகைய திட்டத்தின் செலவு மாநில பட்ஜெட்டில் இருந்து வரவில்லை. வெளிநாட்டு நிதி நிறுவனங்கள் குறைந்த வட்டியில் நீண்ட கால கடன்களை வழங்க தயாராக உள்ளன. நிலம் கையகப்படுத்துவதைப் பொறுத்தவரை, அதில் ஒரு பங்கு ரயில்வேக்கு சொந்தமான நிலம். இது கேரள அரசு மற்றும் இந்திய ரயில்வேயின் கூட்டு முயற்சியாகும். மேலும், ஆரம்பத்தில் எல்லாப் பணமும் தேவையில்லை… மேலும், செயல்பாடுகள் தொடங்கும் போது, ​​ஐந்து ஆண்டுகளுக்குப் பிறகு கடனைச் செலுத்த வருவாயைப் பயன்படுத்தலாம் என்று விரிவான திட்ட அறிக்கை கூறுகிறது என்றார்.

சுற்றுச்சூழல் ஆர்வலர்கள் மத்தியில் உள்ள “அடிப்படைவாதிகள்” அனைத்து வளர்ச்சித் திட்டங்களையும் எதிர்ப்பதாக கரீம் குற்றம் சாட்டினார். “இங்கே, இரயில் பாதை ஈரநிலங்கள் மற்றும் நெல் வயல்களின் வழியாகச் சென்றால், அங்கு ஒரு உயரமான பாதை அமைக்கப்படும். ஒவ்வொரு 500 மீட்டருக்கும், சுரங்கப்பாதைகள் அல்லது மேல்நிலைச் சாலைகள் இருக்கும்… சுற்றுச்சூழலுக்கு எந்த பாதிப்பும் ஏற்படாது,” என்றார்.

சுற்றுச்சூழலுக்கு ஏற்படும் அபாயங்கள் மீதான போராட்டங்கள் கேரளாவில் பல பெரிய-டிக்கெட் திட்டங்களுக்கு முன்பே வழிவகுத்தன. விழிஞ்சம் துறைமுகம் மற்றும் எல்பிஜி கொண்டு செல்லும் கெயில் குழாய் போன்ற சில திட்டங்கள் எதிர்ப்புகளை மீறி அரசாங்கங்களால் செயல்படுத்தப்பட்டாலும், மற்றவை பிளாச்சிமடாவில் உள்ள கோகோ கோலா பாட்டில் ஆலை, ஆரன்முலாவில் ஒரு விமான நிலையம் மற்றும் சைலண்ட் வேலி காடுகளுக்குள் ஆழமான அணை போன்றவை செயல்படுத்தப்படாமல் உள்ளது.

வளர்ச்சிப் பொருளாதார நிபுணர் கே.பி.கண்ணன், மாற்றுப் போக்குவரத்து மாதிரிகளை அரசாங்கம் தேடியிருக்கலாம் என்கிறார். “எங்களிடம் ஏற்கனவே நான்கு விமான நிலையங்கள் (மாநிலத்திற்குள்) மற்றும் இரண்டு எல்லைகளில் (மங்களூர் மற்றும் கோயம்புத்தூர்) உள்ளன. கன்னியாகுமரியில் இருந்து மங்களூர் மற்றும் அதற்கு அப்பால் ரயில் பாதை உள்ளது. உள்நாட்டு நீர் அமைப்பு உள்ளது… அரசு அதில் அக்கறை காட்டவில்லை. பெரிய சரக்குகளுக்கு கடலோரக் கப்பல் போக்குவரத்துக்கு வாய்ப்பு உள்ளது,” என்றார்.

சில்வர்லைனுக்கான ஜப்பானின் நிலையான பாதை தொழில்நுட்பம் அதை ஒரு “தனிப்பட்ட ரயில் அமைப்பாக” மாற்றக்கூடும் என்றும் கண்ணன் அஞ்சுகிறார். மேலும், “எங்கள் முக்கிய ரயில் நெட்வொர்க்குடன் இதற்கு எந்த தொடர்பும் இருக்காது.” என்கிறார்.

இந்தியாவின் மிகப் பெரிய ரயில்வே உள்கட்டமைப்புத் திட்டங்களில் சிலவற்றில் வெற்றி பெற்றதற்காக மெட்ரோ மேன் என்று அழைக்கப்படும் இ ஸ்ரீதரன், இந்தத் திட்டத்தை “தவறான கருத்தாக்கம்” மற்றும் “தொழில்நுட்ப முழுமை இல்லாதது” என்று அழைக்கிறார். கடந்த ஆண்டு கேரள சட்டமன்றத் தேர்தலில் பாஜக வேட்பாளராகப் போட்டியிட்ட ஸ்ரீதரன், ஸ்டாண்டர்ட் கேஜ் தொழில்நுட்பத்திற்குப் பதிலாக அகலப்பாதையைப் பயன்படுத்த வேண்டும் என்று சமீபத்தில் கூறினார். மேலும், முதல்வர் “உண்மைகளை மறைத்து” மற்றும் “செலவுகளை குறைத்து மதிப்பிடுகிறார்” என்றும் அவர் குற்றம் சாட்டினார்.

இருப்பினும், முதல்வர் விஜயன் மறுபரிசீலனை செய்வதில் விருப்பம் காட்டவில்லை, உண்மையில் ரயில் திட்டத்தின் பலன்களை விவரிக்கும் விளக்க கூட்டங்களை நடத்தினார். “வளர்ச்சித் திட்டங்களில், சில எதிர்ப்புகள் இருக்கும். முக்கியமான விஷயம் என்னவென்றால், மாநிலத்தின் நலன்கள் பாதுகாக்கப்பட வேண்டும், ”என்று முதல்வர் ஒரு கூட்டத்தில் கூறினார்.

இந்தக் கூட்டங்களில் சாதாரண குடிமக்கள் கலந்துகொள்வதில்லை, மாறாக இடதுசாரிகளுடன் இணைந்த செல்வாக்குமிக்க பதவிகளில் இருப்பவர்கள் கலந்துகொள்வதாக விமர்சகர்கள் கூறுகின்றனர். முதல்வர் கூட்டங்களில் கேள்விகளை எடுத்துக் கொள்வதில்லை, மேலும் குறிப்பிட்ட விஷயங்களைக் காட்டிலும் பொதுவான அம்சங்களைப் பற்றி பேசுகிறார்.

ஆலோசனையில் ஈடுபட்டுள்ள ஒரு வட்டாரம், “அமைச்சர்களே தங்களுக்கு இந்தத் திட்டம் வேண்டாம் என்று கூறுகிறார்கள். ஆனால், முதல்வரை எப்படி சமாதானப்படுத்துவது? அவர்களுக்கு தைரியம் இல்லை.” என்று கூறினார்.

நூரநாட்டைப் போலவே சிபிஎம் தொண்டர்களும் தலைவர்களும் இத்திட்டத்தைப் பற்றி பேச மறுக்கின்றனர்.

ஆனால் இது மஞ்சுஷாவுக்கு ஆறுதலாக இல்லை. “எனது பெற்றோர் இருவரும் இடதுசாரிகளின் தீவிர ஆதரவாளர்கள். அந்த இலட்சியங்களை நம்பித்தான் நான் வளர்ந்தேன். ஆனால் இன்று நான் ஏமாந்து போனதாக உணர்கிறேன். என்று மஞ்சுஷா கூறுகிறார்.

source https://tamil.indianexpress.com/india/protests-against-kerala-silverline-grow-in-village-404083/

Read More

தீவிரமடையும் உக்ரைன் – ரஷ்யா விவகாரம்: இந்தியாவின் நிலைப்பாடு என்ன?

 31 1 2022 உக்ரைன் எல்லையில் படைகள் குவிக்கப்பட்டுள்ளதால், ரஷ்யாவிற்கும், அமெரிக்காவுக்கும் இடையே போர் உருவாகும் சூழல் ஏற்பட்டுள்ளது. ஒன்றரை மாதங்களாக பதற்றமான சூழ்நிலை நிலவி வருகிறது. இவ்விவகாரம் குறித்து இந்தியா தனது கருத்துகளை தெரிவிக்காமல் இருந்த நிலையில், தற்போது முதன்முறையாக அதிகாரப்பூர்வ அறிக்கையை வெளியிட்டுள்ளது.

என்ன பிரச்சினை?

உக்ரைன் எல்லையில் ரஷ்யா தனது படைகளை குவித்துள்ளது. அதே சமயம், தனது அண்டை நாடு மீது ரஷ்யா தாக்குதல் நடத்தினால், எதிர்த்து போராட தயார் நிலையில் நேட்டோ படைகள் உள்ளன. ரஷ்யாவிற்கும் உக்ரைனின் தலைநகரான கியேவிற்கும் இடையிலான குறுகிய பாதையில் வரும் உக்ரைனில் உள்ள செர்னோபில் உட்பட கிழக்கு மற்றும் வடக்கில் உக்ரேனியப் படைகள் எல்லையில் ரோந்துப் பணியில் ஈடுபட்டுள்ளன.

ஆரம்பித்தது எப்போது?

நேட்டோவின் கிழக்கு நோக்கிய விரிவாக்கம், போலந்து மற்றும் பால்டிக் நாடுகளில் இருந்து நேட்டோ துருப்புக்கள் அகற்றப்படுதல், ஐரோப்பாவில் இருந்து அமெரிக்க அணுவாயுதங்களை வாபஸ் பெறுதல் ஆகியவற்றை நிறுத்துவதற்கு எழுத்து வடிவிலான உத்தரவாதத்தை ரஷ்யா கோரியுள்ளது. அதில் முக்கியமானது, உக்ரைன் நேட்டோவில் சேர ஒருபோதும் அனுமதிக்கபடக்கூடாது என்பது தான். இதற்கு அமெரிக்காவும், மேற்கு நாடுகளும் எதிர்ப்பு தெரிவித்துள்ளன. இதுதொடர்பான பேச்சுவார்த்தை பிரான்ஸ், ஜெர்மனி, அமெரிக்கா மற்றும் ரஷ்யா ஆகிய நாடுகளின் பிரதிநிதிகள் முன்னிலையில் இரு தரப்பினரும் பாரிஸில் பேச்சுவார்த்தை நடத்தி வருகின்றனர். பிரான்ஸ் அதிபர் இம்மானுவேல் மக்ரோன், ரஷ்ய அதிபர் விளாடிமிர் புட்டினிடம் பேசி நெருக்கடிக்கு தீர்வு காணும் முயற்சியில் ஈடுபட்டுள்ளார். அமெரிக்க அதிபர் ஜோ பிடனும், புதினுடன் வீடியோ அழைப்பில் பேசியுள்ளார்.

ரஷ்யா இதை செய்வது ஏன்?

1987 மற்றும் 1991 க்கு இடையில் ரஷ்யாவில் வாஷிங்டன் போஸ்ட் நிருபராக இருந்த நியூ யார்க்கரின் ஆசிரியர் டேவிட் ரெம்னிக், விளாடிமிர் லெனின் கூறியதை தனது புத்தகத்தில் குறிப்பிட்டுள்ளார். உக்ரைனை இழப்பது, எங்கள் தலையை இழப்பதாக கருதுவோம் என்றார். அன்று முதல் தற்போதைய அதிபர் புதின் வரை, இந்த அணுகுமுறையை பின்பற்றி வருகின்றனர்.

புதின் சோவியத் யூனியனின் பிரிவு கடந்த நூற்றாண்டின் மிகப்பெரிய புவிசார் அரசியல் பேரழிவாக கருதுகிறார். இதுவரையிலான தனது 22 ஆண்டுகால ஆட்சியில் முன்னாள் சோவியத் ஒன்றியத்தின் ஒரு பகுதியாக இருந்த நாடுகளில் ரஷ்யாவின் செல்வாக்கை மீட்டெடுக்க முயன்றார்.

1991 இல் சோவியத் யூனியன் வீழ்ந்தபோது ரஷ்யாவின் கட்டுப்பாட்டை இழந்த 14 குடியரசுகளில் உக்ரைன் மிக முக்கியமான ஒன்றாகும், ஏனெனில் அது இரண்டாவது பெரிய பொருளாதாரம் மற்றும் இரண்டாவது அதிக மக்கள்தொகை கொண்ட நாடாகும்.

வரலாற்றுத் தொடர்புகள் என்ன?

லெனின் தலைமையிலான புரட்சிக்குப் பிறகு ஜார் பேரரசு சரிந்தபோது, ​​உக்ரேனியர்கள் தங்களுக்கென ஒரு அரசை உருவாக்கி, ஜனவரி 1918 இல் சுதந்திரத்தை அறிவித்தனர். 1920 இல் போல்ஷிவிக் ரஷ்ய உக்ரைனின் பெரும்பகுதியைக் கைப்பற்றியதால், இரண்டு ஆண்டு சுதந்திரம் முடிவுக்கு வந்தாலும், அதற்கான விதையை விதைத்துவிட்டது.

போல்ஷிவிக்குகள் உக்ரைனை ஒரு தனி நாடாக அங்கீகரிக்க நிர்பந்திக்கப்பட்டனர். அதேபோல், உக்ரேனிய சோவியத் குடியரசிற்கு ஒரு சார்பு சுதந்திரத்தையும் கூட வழங்கினர்

பின்னர், டிசம்பர் 1, 1991 இல் நடந்த உக்ரேனிய வாக்கெடுப்பில், 90% பங்கேற்பாளர்கள் சோவியத் ஒன்றியத்தை விட்டு வெளியேற வாக்களித்தனர், மேலும், ரஷ்யாவின் இரண்டாவது பெரிய பொருளாதாரமான உக்ரைன் இல்லாமல் யூனியனால் மொத்தையும் கட்டுப்படுத்திட முடியவில்லை.

உக்ரைன் புவியியல் சொல்வது என்ன?

ரஷ்யாவிற்கு அடுத்தபடியாக, ஐரோப்பாவில் உக்ரைன் இரண்டாவது பெரிய நாடாகும். கருங்கடலில் முக்கிய துறைமுகங்களை கொண்டுள்ளது. நான்கு நேட்டோ நாடுகளுடன் எல்லைகளைப் பகிர்ந்து கொள்கிறது. ஐரோப்பா அதன் இயற்கை எரிவாயுவில் மூன்றில் ஒரு பங்கிற்கு ரஷ்யாவைச் சார்ந்துள்ளது. இதன் காரணமாக புதினுக்கு மிகப்பெரிய செல்வாக்கு உள்ளது. ஆனால், அந்த முக்கிய குழாய்களில் ஒன்று உக்ரைன் வழியாக செல்கிறது. எனவே, உக்ரைனை கட்டுபடுத்தினால், ரஷ்யாவின் குழாய் பாதுகாப்பை மேம்படுத்த முடியும்.

மேற்கு நாடுகள் வந்தது எப்படி?

1990களின் முற்பகுதியில் பனிப்போர் முடிவடைந்ததில் இருந்து, நேட்டோ 14 புதிய நாடுகளை எடுத்துக்கொண்டு கிழக்கு நோக்கி விரிவடைந்தது. இதில் சோவியத் யூனியனின் சில பகுதிகளும் அடங்கும்.ரஷ்யா இதை ஒரு அச்சுறுத்தலாகக் கருதுகிறது,

உக்ரைன் நேட்டோ உறுப்பினராக இல்லை, ஆனால் 2008 இல் சேருவதாக உறுதியளிக்கப்பட்டது. பின்னர், 2014இல் ரஷ்ய சார்பு அதிபர் வெளியேறிய பின்னர், உக்ரைன் அரசியல் ரீதியாக மேற்கு நாடுகளுடன் நெருங்கி வருகிறது. நேட்டோவுடன் கூட்டு ராணுவப் பயிற்சிகளை மேற்கொண்டது. அமெரிக்க டாங்கி எதிர்ப்பு ஏவுகணைகள் உள்ளிட்ட ஆயுதங்களை வழங்கியது. 2014 இல் ரஷ்யா கிரிமியா பகுதியை இணைத்து, கிழக்கு உக்ரைனில் உள்ள பிரிவினைவாதிகளுக்கு ஆதரவை வழங்கியதை அடுத்து, உக்ரைனின் பாதுகாப்பை அதிகரிக்க இது செய்யப்பட்டுள்ளது

ரஷ்யாவை குறிவைக்கும் ஏவுகணைகளுக்கான ஏவுதளமாக உக்ரைனை நேட்டோ பயன்படுத்தக்கூடும் என்று புதின் கூறுகிறார். உக்ரைன் மீதான அதன் மேலாதிக்கத்தை மீண்டும் நிறுவுவதில் வெற்றிபெறாவிட்டால், ‘இராணுவ-தொழில்நுட்ப நடவடிக்கைகள்’ குறித்து ரஷ்யா எச்சரித்துள்ளது.

இந்தியா நிலைப்பாடு என்ன?

வெள்ளிக்கிழமை வாராந்திர மாநாட்டில் பேசிய வெளியுறவு அமைச்சகத்தின் செய்தித் தொடர்பாளர் அரிந்தம் பாக்சி, ரஷ்யாவிற்கும் அமெரிக்காவிற்கும் இடையில் நடந்து வரும் உயர்மட்ட விவாதங்கள் உட்பட உக்ரைன் தொடர்பான முன்னேற்றங்களை நாங்கள் உன்னிப்பாகக் கவனித்து வருகிறோம்கியேவில் உள்ள எங்கள் தூதரகம் உள்ளூர் முன்னேற்றங்களையும் கண்காணித்து வருகிறது. பிராந்தியத்திலும் அதற்கு அப்பாலும் நீண்டகால அமைதி மற்றும் ஸ்திரத்தன்மைக்கான நீடித்த இராஜதந்திர முயற்சிகள் மூலம் நிலைமையை தீர்க்க நாங்கள் அழைப்பு விடுக்கிறோம் என்றார்.

ஏன் திடீர் அறிக்கை

ஜனவரி 19 அன்று, அமெரிக்க வெளியுறவுத் துறை துணைச் செயலர் வெண்டி ஷெர்மன், வெளியுறவுச் செயலர் ஹர்ஷ் வர்தன் ஷ்ரிங்லாவை அழைத்து, “உக்ரைனின் எல்லைகளில் ரஷ்யாவின் இராணுவக் கட்டமைப்பைப் பற்றி” விவாதித்தார்.ஆனால், அப்போது அதிகாரப்பூர்வ அறிக்கை எதுவும் வெளியிடவில்லை. நிலைமை தீவிரமாக கவனித்து, இந்தியா தனது நிலைப்பாட்டை தெரிவித்துள்ளது.

இரு தரப்பிலும் முக்கிய மூலோபாய கூட்டாளிகள் இருப்பதால், அதன் முக்கிய பங்குகளை பாதிக்கும் எந்த அவசர நடவடிக்கைகளையும் இந்தியாவால் எடுத்திட முடியாது. ரஷ்யாவின் நடவடிக்கைகள் குறித்து கவலை இருந்தாலும், மாஸ்கோவுடனான அதன் நெருக்கமான இராணுவ உறவுகளை, குறிப்பாக கிழக்கு எல்லையில் சீனாவுடனான பதற்றத்துக்கு மத்தியில், அதனை முறித்துக்கொள்ள இருந்தா தயாராக இல்லை.

இந்தியாவின் பங்கு என்ன?

வரலாற்று உறவு ஏழு தசாப்தங்களுக்கு முந்தையது ஆகும். டெல்லி தனது புதிய கொள்முதல்களை மற்ற நாடுகளில் இருந்து பன்முகப்படுத்தியிருந்தாலும், அதன் பாதுகாப்பு உபகரணங்களில் பெரும்பகுதி ரஷ்யாவிடமிருந்து வந்தவை ஆகும். மதிப்பீடுகளில் 60-70 சதவீதம் விநியோகங்கள் அங்கிருந்து வந்ததாகக் கூறுகின்றன.

புதின் மற்றும் சீனாவின் ஜி ஜின்பிங் ஆகிய இரு நாடுகளின் தலைவர்களுடன் மட்டுமே பிரதமர் நரேந்திர மோடி முறைசாரா உச்சி மாநாடுகளை நடத்தினார். இந்தியாவிற்கும் சீனாவிற்கும் இடையிலான பதட்டத்திற்கு மத்தியில் ரஷ்யா முக்கிய ராஜதந்திர பகுதியாக உருவெடுத்துள்ளது.

இந்தியாவின் வெளியுறவு மற்றும் பாதுகாப்பு அமைச்சர்கள் கடந்த ஒன்றரை ஆண்டுகளில் ரஷ்யாவில் உள்ள சீன சகாக்களுடன் பேச்சுவார்த்தை நடத்தினர். காபூல் தலிபான்களிடம் வீழ்ந்த பிறகு, ஆப்கானிஸ்தானில் இந்தியாவின் ஈடுபாடுகளில் ரஷ்யாவும் முக்கியமானது.

மேற்கு நாடுகளுடனான உறவுகள் பற்றி என்ன?

இவையும் முக்கியமானவை ஆகும். . அமெரிக்காவும் ஐரோப்பாவும் இந்தியாவின் மூலோபாய கணக்கீட்டில் உள்ள முக்கியமான கூட்டாளிகள் ஆகும். இந்தியா-சீனா எல்லையில் உளவு மற்றும் கண்காணிப்புக்காக பல அமெரிக்க தளங்கள் பயன்படுத்தப்பட்டுள்ளன. 50,000 துருப்புக்களுக்கான குளிர்கால ஆடைகள் மேற்கத்திய பங்காளிகளிடமிருந்து பெறப்பட்டுள்ளன.

சீனா பக்கமாக ரஷ்யா.. இந்தியா கவலை?

மேற்கு நாடுகளுக்கும் ரஷ்யாவிற்கும் இடையிலான விவாதம், மாஸ்கோவை பெய்ஜிங்கின் திசையில் தள்ளக்கூடும் என்பதை இந்தியா உணர்ந்துள்ளது.

2014 இல் கிரிமியாவை இணைத்த பிறகு ரஷ்யாவை நோக்கி மேற்கு நாடுகளின் அணுகுமுறை மாஸ்கோவை சீனாவுடன் மிகவும் நெருக்கமாக கொண்டு வந்தது. மேற்கத்திய ஆய்வாளர்கள் இதை வலிமையானவர்கள் தலைமையிலான இரு நாடுகளுக்கு இடையிலான “வசதிக்கான நட்பு” என்று பார்க்கிறார்கள்.

இருப்பினும், பெய்ஜிங்கும் மாஸ்கோவும் ஒருபோது ஒருவரையொருவர் நேருக்கு நேர் சந்திப்பது இல்லை. ரஷ்யாவின் ஒரு பகுதியாக கிரிமியாவை சீனா அங்கீகரிக்கவில்லை,.

இந்தியா அறிக்கையின் வெளிப்பாடு என்ன?

ரஷ்யா கிரிமியாவை இணைத்த போது, இந்தியா “கவலை” தெரிவித்தது ஆனால் “சட்டபூர்வமான ரஷ்ய நலன்கள்” பற்றி பேசி தகுதி பெற்றது. “கட்டுப்படுத்தப்பட்ட மற்றும் புறநிலை” நிலைப்பாட்டை எடுத்ததற்காக இந்தியாவிற்கு நன்றி தெரிவித்த புடின், பிரதமர் மன்மோகன் சிங்கிற்கு தனது நன்றியை தெரிவிக்க அழைப்பு விடுத்தார்.

ரஷ்யாவுடனான அதன் உறவை மனதில் வைத்து, மேற்கத்திய நாடுகள் செய்வது போல் இந்தியா எந்த கண்டன அறிக்கையையும் வெளியிடவில்லை என்று வட்டாரங்கள் தெரிவித்தன. தற்போதைக்கு, ப்போதைக்கு, இரு தரப்பிலும் திறமையான பேச்சுவார்த்தை மூலம் நிலைமை தீர்க்கப்படும் என்று டெல்லி நம்புகிறது.

CIA தலைவர் வில்லியம் பர்ன்ஸ் தனது முந்தைய ராஜதந்திர பாத்திரங்களில் இதுபோன்ற பல கடினமான பேச்சுக்களை கையாண்டுள்ளார். மறுபுறம் ரஷ்ய வெளியுறவு அமைச்சர் செர்ஜி லாவ்ரோவ் உள்ளார்.

source https://tamil.indianexpress.com/explained/india-stakes-in-its-ties-with-ukraine-and-russia-404340/

Read More

பட்ஜெட் கூட்டத்தொடர்; குடியரசுத் தலைவர் உரையுடன் இன்று தொடக்கம்

 31 1 2022 Budget 2022 Tamil News: நாடாளுமன்ற பட்ஜெட் கூட்டத்தொடர் இன்று தொடங்குகிறது. குடியரசுத் தலைவர் ராம்நாத் கோவிந்த் உரையுடன் தொடங்கும் இந்த பட்ஜெட் கூட்டத்தொடரில் நிதியமைச்சர் நிர்மலா சீதாராமன் 2021-22 ஆண்டுக்கான பொருளாதார ஆய்வறிக்கையை சமர்ப்பிக்கிறார். மேலும், 2022-23 நிதியாண்டுக்கான (ஏப்ரல் 2022 முதல் மார்ச் 2023 வரை) நிதிநிலை அறிக்கையை நாளை (செவ்வாய்க்கிழமை) தாக்கல் செய்கிறார்.

இன்று முதல் தொடங்க உள்ள இந்த பட்ஜெட் கூட்டத்தொடரின் முதல் பகுதி வருகிற 11ம் தேதியுடன் நிறைவடைகிறது. இரண்டாம் கட்ட பட்ஜெட் கூட்டத்தொடர் வருகிற மார்ச் 14ம் தேதி தொடங்கி ஏப்ரல் 8ம் தேதி வரை நடக்கிறது.

உத்தரபிரதேசம், உத்தரகாண்ட் உள்ளிட்ட 5 மாநில சட்டசபை தேர்தல் களம் சூடுபிடித்திருக்கும் இந்த நேரத்தில் நடைபெறும் பட்ஜெட் கூட்டத்தொடர் பெரும் எதிர்பார்ப்பை கிளப்பி இருக்கிறது. அதே வேளையில், விவசாயிகள் பிரச்சினை, சீன ஊடுருவல், பெகாசஸ் மென் பொருள் மூலமான செல்போன் ஒட்டுகேட்பு விவகாரம் போன்ற பிரச்சினைகளை இந்த கூட்டத்தொடரில் எதிர்க்கட்சிகள் எழுப்பி அரசுக்கு குடைச்சல் கொடுக்க திட்டமிட்டுள்ளன. எனவே, இந்த பிரச்சினைகள் எழுப்பப்படும் போது விவாதங்கள் தொடரில் பெரும் புயலை கிளப்பும் என எதிர்பார்க்கப்படுகிறது.

இதைப்போல விலைவாசி உயர்வு, வேலையில்லா திண்டாட்டம் உள்ளிட்ட பல்வேறு பிரச்சினைகளை நாடாளுமன்றத்தில் எழுப்ப மேலும் பல கட்சிகள் திட்டமிட்டும் உள்ளன.

இந்தியாவில் நிலவி வரும் கொரோனா அச்சுறுத்தல் காரணமாக மாநிலங்களவை காலை 10 முதல் பிற்பகல் 3 மணி வரையும், மக்களவை மாலை 4 மணி முதல் இரவு 9 மணி வரையும் நடைபெறும் என அறிவிக்கப்பட்டுள்ளது.

நாடாளுமன்ற விவகாரங்கள் துறை அமைச்சர் பிரகலாத் ஜோஷி மற்றும் ராஜ்யசபா தலைவர் எம்.வெங்கையா நாயுடு ஆகியோர், அமர்வின் போது அவைகள் சுமூகமாக செயல்படுவதை உறுதி செய்வதற்காக, அரசியல் கட்சிகளின் தலைவர்களுடன் தனித்தனியாக கூட்டங்களை நடத்துகின்றனர்.

source https://tamil.indianexpress.com/india/budget-2022-tamil-news-parliament-session-begins-today-with-president-speech-404247/

Read More