Muckanamalaipatti

சனி, 31 அக்டோபர், 2026

எதிர்க் கட்சிகளுக்குச் செக் வைக்குமா?

source https://tamil.indianexpress.com/tamilnadu/cm-vijay-ambasamudram-bypoll-childrens-day-cake-scheme-november-14-tamilnadu-12770118

வரவிருக்கும் இடைத் தேர்தல்களை எதிர்கொள்ளும் வகையில் அரசியல் கட்சிகள் தீவிர பிரச்சார வியூகங்களை வகுத்து வரும் நிலையில், முதலமைச்சர் விஜய் புதிய அரசியல் திட்டத்தோடு களமிறங்கவுள்ளதாக தகவல்கள் வெளியாகியுள்ளன.

குறிப்பாக, இடைத்தேர்தல் நடைபெறவுள்ள அம்பாசமுத்திரம் தொகுதியில் தனது பயணத்தை அவர் தீவிரப்படுத்தத் திட்டமிட்டுள்ளார்.

வரும் நவம்பர் 14-ஆம் தேதி தேசிய குழந்தைகள் தின விழாவை முன்னிட்டு, தமிழ்நாடு அரசு சார்பில் அரசு மற்றும் அரசு உதவி பெறும் பள்ளிகளில் பயிலும் மாணவ-மாணவிகளுக்குப் பல்வேறு சிறப்பான திட்டங்கள் செயல்படுத்தப்பட உள்ளன. இதன்படி, பள்ளிகளில் பயிலும் சுமார் 62 லட்சம் மாணவர்களுக்கு கேக் வழங்கும் புதிய திட்டம் தொடங்கப்படவுள்ளது. மிக்சட் ஃப்ரூட்ஸ், டூட்டி ஃரூட்டி, வெண்ணிலா, பட்டர் மற்றும் சாக்லேட் உள்ளிட்ட பல்வேறு சுவைகளில் இந்த கேக்குகள் மாணவர்களுக்கு வழங்கப்படவுள்ளன. இதற்காக பல கோடி ரூபாய் மதிப்பில் டெண்டர்கள் கோரப்பட்டு, கேக் கொள்முதல் செய்யும் பணிகள் தற்போது தீவிரமாக நடைபெற்று வருகின்றன.

இந்தச் சிறப்பு வாய்ந்த திட்டத்தை இடைத்தேர்தல் களம் காணும் அம்பாசமுத்திரம் தொகுதியிலேயே விஜய் நேரில் தொடங்கி வைக்கவுள்ளார். அன்றைய தினம் அம்பாசமுத்திரத்தில் உள்ள அரசுப் பள்ளிக்குச் சென்று, மாணவர்களுடன் இணைந்து குழந்தைகள் தின விழாவையும் கொண்டாட அவர் திட்டமிட்டுள்ளார்.

இதற்கிடையே, நவம்பர் மாதத்தின் முதல் வாரத்திலேயே பெருந்துறை மற்றும் புதுக்கோட்டை போன்ற தொகுதிகளுக்கும் முதலமைச்சர் நேரில் சென்று பல்வேறு அரசு நலத்திட்டங்களைத் தொடங்கி வைக்க உள்ளார்.

தேர்தல் நடைபெறவுள்ள அனைத்துத் தொகுதிகளுக்கும் இந்த மாதத்திற்குள்ளாகவே விஜய் பயணம் மேற்கொண்டு, அரசின் சாதனைகளையும் திட்டங்களையும் மக்களிடம் கொண்டு சேர்க்கத் திட்டமிட்டுள்ளதாக முதலமைச்சருக்கு நெருங்கிய வட்டாரங்கள் தெரிவிக்கின்றன.

இடைத்தேர்தல் பின்னணி

அதிமுக சார்பில் அம்பாசமுத்திரம் தொகுதியில் வெற்றிபெற்றிருந்த இசக்கி சுப்பையா, தனது சட்டமன்ற உறுப்பினர் பதவியை ராஜினாமா செய்துவிட்டு, ஆளும் கட்சியான தமிழக வெற்றிக் கழகத்தில் இணைந்தார். இதன் காரணமாக அந்தத் தொகுதி காலியானதாக அறிவிக்கப்பட்டு, இடைத்தேர்தல் களமானது உருவாகியுள்ளது.

அம்பாசமுத்திரம் இடைத்தேர்தலில் த.வெ.க.வின் வெற்றியைத் தடுத்து நிறுத்த, எதிர்க்கட்சிகள் சீமானை ஒரு 'பொது வேட்பாளராக' முன்னிறுத்தக்கூடும் என்ற விவாதங்கள் அரசியல் அரங்கில் எழுந்துள்ளன. இது குறித்த மதுரையில் நேற்று செய்தியாளர்களின் கேள்விக்கு பதிலளித்த மு.க. ஸ்டாலின், "முதலில் தேர்தல் ஆணையம் இடைத்தேர்தல் தேதியை அதிகாரப்பூர்வமாக அறிவிக்கட்டும், அதன்பிறகு அதுகுறித்து பரிசீலித்து முடிவெடுப்போம்" என்று தெரிவித்துள்ளார்.

இந்நிலையில், நெல்லையில் நேற்று செய்தியாளர்களைச் சந்தித்துப் பேசிய நாம் தமிழர் கட்சி ஒருங்கிணைப்பாளர் சீமான், அம்பாசமுத்திரம் இடைத்தேர்தலில் தான் நேரடியாகப் போட்டியிடப் போவதாக அறிவித்தார்.

தவெகவின் தொடர் வெற்றிகளுக்கு முட்டுக்கட்டை போடவும், சட்டசபையில் தனது கட்சியின் கணக்கைத் தொடங்கவும் சீமான் கையில் எடுத்துள்ள இந்த வியூகம் அம்பாசமுத்திரம் தொகுதியை மாநிலத்தின் முக்கிய பேசுபொருளாக மாற்றியுள்ளது.

வாரணாசியில் தோல்வி:

By Muckanamalaipatti 10:08 AM

source https://tamil.indianexpress.com/india/varanasi-mlc-election-results-samajwadi-party-win-pm-narendra-modi-constituency-12766588

லால்மணி வர்மா, மால்ஸ்ரீ சேத்

உத்தரப் பிரதேச சட்டமன்றத் தேர்தலுக்கு இன்னும் சில மாதங்களே உள்ள நிலையில், மாநில சட்ட மேலவைக்கான 11 இடங்களுக்கு (ஆசிரியர்கள் மற்றும் பட்டதாரிகள் தொகுதிகள்) தேர்தல் நடைபெற்றது. இதில் 6 இடங்களில் பாஜக வெற்றி பெற்றிருந்தாலும், முதன்மை எதிர்க்கட்சியான சமாஜ்வாதி கட்சி (SP) 5 இடங்களைக் கைப்பற்றி வலுவான முன்னேற்றத்தைப் பதிவு செய்துள்ளது.

கடந்த முறை இந்த 11 இடங்களில் 2 இடங்களை மட்டுமே வென்றிருந்த சமாஜ்வாதி கட்சிக்கு, சட்டமன்றத் தேர்தலுக்குச் சில மாதங்களுக்கு முன் கிடைத்துள்ள இந்த வெற்றி மிகப்பெரிய முன்னேற்றமாகும்.

குறிப்பாக, பிரதமர் நரேந்திர மோடியின் மக்களவைத் தொகுதியான வாரணாசியில், ஆசிரியர் தொகுதி மற்றும் பட்டதாரி தொகுதி ஆகிய இரண்டையுமே சமாஜ்வாதி கட்சி மீண்டும் தக்கவைத்து பாஜகவுக்கு அதிர்ச்சி அளித்துள்ளது.

இந்தத் தேர்தல் அனைத்துத் தரப்பு மக்களின் ஒட்டுமொத்தப் பிரதிபலிப்பாக இல்லாவிட்டாலும், படித்த வாக்காளர்கள், ஆசிரியர்கள் மற்றும் இளைஞர்களின் மனநிலையை வெளிப்படுத்துவதாக அமைந்தது. சமீபகாலமாக அதிகரித்து வரும் வேலைவாய்ப்பின்மை மற்றும் போட்டித் தேர்வு வினாத்தாள் கசிவு தொடர்பான போராட்டங்களின் பின்னணியில் இந்த முடிவு முக்கியத்துவம் பெறுகிறது.

வாரணாசி வாக்கு விவரங்கள்:

ஆசிரியர் தொகுதி:

சமாஜ்வாதி கட்சியின் லால் பிஹாரி யாதவ் 5,015 வாக்குகள் வித்தியாசத்தில் பாஜகவின் பிரமோத் குமார் மிஸ்ராவை தோற்கடித்தார். 2020 தேர்தலில் இவர் 936 வாக்குகள் வித்தியாசத்திலேயே வெற்றி பெற்றிருந்த நிலையில், இந்த முறை வெற்றி வித்தியாசம் பல மடங்கு அதிகரித்துள்ளது.

பட்டதாரி தொகுதி:

சமாஜ்வாதி கட்சியின் அசுதோஷ் சின்கா 18,459 வாக்குகள் வித்தியாசத்தில் அமோக வெற்றி பெற்றார். பாஜகவின் கேதார் நாத் சிங் இரண்டாம் இடத்தைப் பிடித்தார். 2020 தேர்தலில் அசுதோஷ் சின்காவின் வெற்றி வித்தியாசம் 3,850 ஆக மட்டுமே இருந்தது குறிப்பிடத்தக்கது.

வாரணாசி பட்டதாரி தொகுதிக்கான வாக்கு எண்ணிக்கை சுமார் 50 மணி நேரத்திற்கும் மேலாக நடைபெற்றது. இதனால் அங்கு பெரும் பரபரப்பு நிலவியது. சமாஜ்வாதி தலைவர் அகிலேஷ் யாதவ், வாக்கு எண்ணிக்கையில் முறைகேடு நடக்க வாய்ப்பிருப்பதாகக் குற்றம் சாட்டினார். மேலும், வெற்றிச் சான்றிதழைப் பெறாமல் மையத்தை விட்டு வெளியேற வேண்டாம் என்றும், அங்குள்ள தொண்டர்களுக்கு உணவு, தண்ணீர் மற்றும் குடைகளை ஏற்பாடு செய்யுமாறும் கட்சியினருக்கு வேண்டுகோள் விடுத்தார்.

மறுபுறம், வாக்கு எண்ணிக்கையில் முறைகேடு நடந்துள்ளதாகக் கூறி பாஜக வேட்பாளர் கேதர்நாத் மறுவாக்கு எண்ணிக்கையைக் கோரினார்.

இந்த முடிவுகள் ஏன் முக்கியமானது?

வாரணாசி மண்டலத்தின் பட்டதாரி மற்றும் ஆசிரியர் தொகுதிகள் பலியா, காசிப்பூர், ஜாம்பூர், வாரணாசி, சந்தௌலி, பதோஹி, மிர்சாபூர் மற்றும் சோன்பத்ரா ஆகிய 8 மாவட்டங்களை உள்ளடக்கியவை. இந்த 8 மாவட்டங்களில் மொத்தம் 47 சட்டமன்றத் தொகுதிகள் உள்ளன. 2022 மாநிலச் சட்டமன்றத் தேர்தலில், பாஜக தலைமையிலான தேசிய ஜனநாயகக் கூட்டணி இதில் 28 இடங்களை வென்றது (பாஜக 22, அப்னா தளம் (எஸ்) மற்றும் நிஷாத் கட்சி தலா 3 இடங்கள்).

சமாஜ்வாதி கட்சி 14 இடங்களை வென்றது. அதன் அன்றைய கூட்டணிக் கட்சியான ஓம் பிரகாஷ் ராஜ்பாரின் சுஹேல்தேவ் பாரதிய சமாஜ் கட்சி 4 இடங்களைக் கைப்பற்றியது. பி.எஸ்.பி எஞ்சிய 1 இடத்தை வென்றது. தற்போது ராஜ்பார் கட்சி பாஜக கூட்டணியில் இணைந்து, அவர் மாநில அமைச்சராகவும் உள்ளார்.

பாஜக அரசு இந்த 8 மாவட்டங்களுக்கு அமைச்சரவையில் கணிசமான பிரதிநிதித்துவத்தை வழங்கி உள்ளது; மாநிலத்தின் 9 கேபினட் அமைச்சர்கள் இந்த மாவட்டங்களைச் சேர்ந்தவர்களாவர்.

சட்ட மேலவைத் தேர்தலுக்கு முன்னதாக பாஜக தன் மூத்த தலைவர்களைப் பிரச்சாரத்தில் களமிறக்கியது. முதலமைச்சர் யோகி ஆதித்யநாத் அக்டோபர் 14 அன்று பாஜக பிரச்சாரத்தின் ஒரு பகுதியாக 'ஆசிரியர்கள்-பட்டதாரிகள்' கூட்டத்தில் உரையாற்றினார். அப்போது சமாஜ்வாதி கட்சியை "கல்விக்கு எதிரானது" என்று விமர்சித்த அவர், அவர்களின் முந்தைய ஆட்சிக் காலத்தில் அரசு வேலை நியமனங்களில் ஊழல் நடந்ததாகக் குற்றம் சாட்டினார். அகிலேஷ் யாதவ் தலைமையிலான கட்சியை நம்ப வேண்டாம் என்றும் அவர் வாக்காளர்களுக்குக் கோரிக்கை விடுத்தார்.

தோல்வி குறித்துப் பேசிய பாஜக மூத்த தலைவர்கள், "அதிகப்படியான தன்னம்பிக்கையும், அலட்சியமுமே தோல்விக்கு முக்கியக் காரணம். பதிவான வாக்குகள் குறித்து மாவட்ட வாரியாக ஆய்வு செய்யப்படும். பிரதமர் நரேந்திர மோடி மற்றும் முதலமைச்சர் யோகி ஆதித்யநாத் ஆகியோரின் பிரபலத்தை மட்டுமே நம்பி களப்பணியைக் குறைத்துக் கொண்டோம்" என்று ஒப்புக் கொண்டுள்ளனர்.

மேலும், வாக்காளர்களைப் பதிவு செய்வதில் சமாஜ்வாதி தொண்டர்கள் பாஜகவை விட அதிதீவிரமாகச் செயல்பட்டதும் சுட்டிக்காட்டப்பட்டுள்ளது.

ரூ 5000 கோடி மக்கள் பணம் கொள்ளை;

By Muckanamalaipatti 9:24 AM

Udhayanidhi Stalin on 5000 crore fraud news channel director r premkumar arrested chennai Tamil News

பிரபல தனியார் தமிழ் செய்தி சேனல் ஒன்றின் இயக்குநரும், பாரத் லஜ்னா மல்டி-ஸ்டேட் ஹவுசிங் கோ-ஆபரேட்டிவ் சொசைட்டியின் (BLM) நிறுவனத் தலைவருமான ஆர். பிரேம்குமார், சுமார் ரூ. 5,000 கோடி நிதி மோசடி வழக்கில் கேரள மாநிலக் காவல்துறையினரால் சென்னையில் கைது செய்யப்பட்டுள்ளார்.

பிரேம் குமாருக்கும் விஜய்க்கும் தொடர்பா? உதயநிதி கேள்வி

இது தொடர்பாக தமிழ்நாடு எதிர்க் கட்சித் தலைவர் உதயநிதி ஸ்டாலின் தனது சமூக வலைதள பக்கத்தில், "5 ஆயிரம் கோடி ரூபாய் மக்கள் பணத்தைக் கொள்ளை அடித்த பி.எல்.எம் (BLM) பிரேம்குமாருக்கும் தூய சக்தி முதலமைச்சருக்கும் என்ன தொடர்பு? தனியார் கூட்டுறவு நிதி நிறுவனம் ஒன்றை நடத்தி மக்கள் முதலீடு செய்த பணத்தை தன்னுடைய சொந்தக் கணக்கிற்கு வரவு வைத்துக் கொண்டதாக பிரேம்குமார் என்பவரை கேரள காவல்துறை கைது செய்துள்ளது.

இந்த பிரேம்குமார் கடந்த ஜூலை மாதம் தான் இங்கிருக்கும் டம்மி சி.எம்-ஐ சந்தித்து புகைப்படம் எடுத்துக் கொண்டிருக்கிறார். மேலும், த.வெ.க-வின் பல்வேறு நிகழ்ச்சிகளுக்கு பிரேம்குமாருக்கு சொந்தமான பேருந்துகள் தான் பயன்படுத்தப்பட்டு இருக்கின்றன. முக்கியமாக சட்டப்பேரவைத் தேர்தல் முடிந்து, நம்பிக்கை வாக்கெடுப்பு நடப்பதற்கு முன்பாக ஆளுங்கட்சி எம்.எல்.ஏ.க்கள் அனைவரும் பிரேம்குமாரின் பேருந்துகளிலேயே அழைத்து வரப்பட்டனர்.

பிரேம்குமாருக்கும் முதலமைச்சருக்கும் இருக்கும் நெருக்கத்தைப் பார்க்கும் போது, அந்த நபருக்கும் - ஆளுங்கட்சிக்கும் இடையே இருக்கும் தொடர்பு என்ன? அப்படி எந்த “விவகாரமான”தொடர்பும் இல்லை எனில், ஏன் அவசர அவசரமாக, முதலமைச்சரும் - கைது செய்யப்பட்டுள்ள நபரும் எடுத்துக்கொண்ட புகைப்படங்களை தமிழ்நாடு காவல்துறை உதவியோடு சமூக வலைத்தள பக்கத்தில் இருந்து அகற்ற வேண்டும்?

எம்.எல்.ஏ-க்களை வாங்குவது செய்வது, சோஃபா அனுப்புவது, இடைத்தேர்தல்களில் வாரி இறைத்தது என்று த.வெ.க.வின் முறைகேடான அரசியல் செயல்பாடுகளுக்கும் இவருக்கும் தொடர்பு இருக்கிறதா? இதையெல்லாம் சி.பி.ஐ, எஸ்.எஃப்.ஐ.ஓ, இடி (CBI, SFIO, ED) போன்ற ஒன்றிய அரசின் தன்னாட்சி அதிகாரம் கொண்ட விசாரணை அமைப்புகள் தலையிட்டு விசாரிக்க வேண்டும் - கைதான பிரேம்குமாருக்கும், த.வெ.க தலைமை முதல் முக்கிய நிர்வாகிகள் வரைக்கும் இருக்கும் தொடர்பை கண்டறிய வேண்டும் என்று வலியுறுத்துகிறேன்." என்று அவர் கூயிருக்கிறார்.

source https://tamil.indianexpress.com/tamilnadu/udhayanidhi-stalin-on-5000-crore-fraud-news-channel-director-r-premkumar-arrested-chennai-tamil-news-12765976

வாக்காளர் சேர்க்கை காலக்கெடு நீட்டிப்பு

By Muckanamalaipatti 9:23 AM

SIR Electoral Roll Deadline Supreme Court Voter List Extension — உச்ச நீதிமன்ற அறிவுறுத்தலின் மறுநாள் நடவடிக்கை: 6 மாநிலங்களில் இறுதி வாக்காளர் பட்டியல் வெளியீடு மற்றும் விண்ணப்ப காலக்கெடு நீட்டிப்பு

தாமினி நாத்

நாட்டில் நடைபெற்று வரும் சிறப்பு தீவிர வாக்காளர் பட்டியல் திருத்தப் பணிகளின் (SIR) கீழ், புதிய வாக்காளர் சேர்க்கை மற்றும் பெயர் நீக்கல் விண்ணப்பங்களைச் சமர்ப்பிப்பதற்கான காலக்கெடுவை இந்திய தேர்தல் ஆணையம் நீட்டித்துள்ளது. டெல்லி மற்றும் ஏற்கனவே விண்ணப்ப கால அவகாசம் முடிவடைந்த நாகாலாந்து, தெலங்கானா, மகாராட்டிரம், ஆந்திரப் பிரதேசம், அரியானா ஆகிய ஐந்து மாநிலங்கள் உட்பட மொத்தம் ஆறு மாநிலங்களில் இந்த அவகாசம் நீட்டிக்கப்பட்டுள்ளது.

முன்னதாக, டெல்லியில் நடைபெற்று வரும் வாக்காளர் பட்டியல் திருத்த நடைமுறைகள் தொடர்பான வழக்கை விசாரித்த உச்ச நீதிமன்றம், அக்டோபர் 30-ஆம் தேதியுடன் முடிவடையும் காலக்கெடுவை மேலும் நீட்டிப்பது குறித்து பரிசீலிக்குமாறு தேர்தல் ஆணையத்தைக் கேட்டுக்கொண்டது. இந்த உச்ச நீதிமன்ற அறிவுறுத்தலின் அடுத்த நாளே தேர்தல் ஆணையம் இந்த முக்கிய முடிவை எடுத்துள்ளது.

விண்ணப்பங்கள் மற்றும் ஆட்சேபனைகள் தாக்கல் செய்ய மீண்டும் வழங்கப்பட்டுள்ள புதிய காலக்கெடு விவரங்கள்:

மகாராஷ்டிரா: நவம்பர் 13

ஆந்திரப் பிரதேசம் மற்றும் அரியானா: நவம்பர் 20

நாகாலாந்து: நவம்பர் 25

தெலங்கானா: நவம்பர் 26

டெல்லி: வெள்ளிக்கிழமையுடன் முடிவடைவதாக இருந்த கால அவகாசம் தற்போது நவம்பர் 25 வரை நீட்டிக்கப்பட்டுள்ளது.

இதனைத் தொடர்ந்து, அந்தந்த மாநில தலைமை தேர்தல் அதிகாரிகளுக்கு தேர்தல் ஆணையம் அனுப்பியுள்ள கடிதத்தில் இறுதி வாக்காளர் பட்டியல் வெளியீட்டு தேதியும் மாற்றியமைக்கப்பட்டுள்ளது. அதன்படி நாகாலாந்து, ஆந்திரப் பிரதேசம், தெலங்கானா, மகாராட்டிரம் மற்றும் அரியானா ஆகிய மாநிலங்களில் நவம்பர் 30-ஆம் தேதியும், டெல்லியில் டிசம்பர் 22-ஆம் தேதியும் இறுதி வாக்காளர் பட்டியல் வெளியிடப்படும்.

கடந்த மே 14 அன்று 19 மாநிலங்கள் மற்றும் யூனியன் பிரதேசங்களில் இந்த வாக்காளர் பட்டியல் திருத்தத்தின் மூன்றாம் கட்டப் பணிகள் தொடங்கப்பட்டன. இதுவரை நாடு முழுவதும் 24 மாநிலங்கள் மற்றும் யூனியன் பிரதேசங்களில் இப்பணிகள் முழுமையாக நிறைவடைந்துள்ளன.

இந்த சிறப்பு தீவிர திருத்த நடைமுறையின்படி, அனைத்து வாக்காளர்களும் வரைவுப் பட்டியலில் இடம்பெற முதல்கட்ட கணக்கெடுப்பு படிவத்தைச் சமர்ப்பிக்க வேண்டும். அதில் விடுபட்டவர்கள் வரைவுப் பட்டியலில் இருந்து நீக்கப்பட்டாலும், அவர்களுக்கு மீண்டும் இறுதிப் பட்டியலில் இடம் பெற படிவம் 6 (புதிய சேர்க்கை) மூலமாகவும், பெயர் நீக்கம் செய்ய படிவம் 7 (ஆட்சேபனை) மூலமாகவும் விண்ணப்பிக்க வாய்ப்பளிக்கும் வகையில் இந்த கூடுதல் கால அவகாசம் வழங்கப்பட்டுள்ளது.

source https://tamil.indianexpress.com/india/sir-electoral-roll-deadline-supreme-court-voter-list-extension-12766505

வாக்கு எண்ணிக்கை நாடகம்: வாரணாசி தொகுதியில் பலத்த அடி: உ.பி தேர்தலுக்கு முன் வெளியான அதிரடி முடிவு

By Muckanamalaipatti 9:22 AM

லால்மணி வர்மா, மால்ஸ்ரீ சேத்

வாரணாசி வாக்கு விவரங்கள்:

ஆசிரியர் தொகுதி:

பட்டதாரி தொகுதி:

இந்த முடிவுகள் ஏன் முக்கியமானது?

source https://tamil.indianexpress.com/india/varanasi-mlc-election-results-samajwadi-party-win-pm-narendra-modi-constituency-12766588

லஞ்ச ஒழிப்புத்துறை கைப்பற்றியது என்ன?

By Muckanamalaipatti 9:20 AM

DVAC 170 documents 13 electronic devices were seized search premises former DMK Minister KN Nehru Tamil News

கடந்த தி.மு.க ஆட்சி காலத்தில் நகராட்சி நிர்வாக துறையில், 2,538 உதவி பொறியாளர்கள் மற்றும் இளநிலை பொறியாளர்கள் உள்ளிட்ட அதிகாரிகள் நியமனத்துக்கு 634 கோடி ரூபாய் லஞ்சம் பெறப்பட்டுள்ளதாக கூறி, இது சம்பந்தமாக வழக்குப்பதிவு செய்யும்படி, தமிழக டி.ஜி.பி-க்கு, அமலாக்கத்துறை கடிதம் அனுப்பியிருந்தது.

இந்த கடிதத்தின் அடிப்படையில், வழக்குப்பதிவு செய்ய லஞ்ச ஒழிப்புத் துறைக்கு உத்தரவிடக் கோரி அ.தி.மு.க எம்.பி. ஐ.எஸ்.இன்பதுரை சென்னை உயர் நீதிமன்றத்தில் வழக்கு தாக்கல் செய்திருந்தார். இந்த வழக்கை விசாரித்த உயர் நீதிமன்றம், அமலாக்கத் துறை கடிதத்தின் அடிப்படையில் உடனடியாக வழக்குப் பதிவு செய்ய கடந்த பிப்ரவரி மாதம் லஞ்ச ஒழிப்புத் துறைக்கு உத்தரவிட்டது.

இதையடுத்து, கே.என்.நேரு வழக்குப் பதிவு செய்த லஞ்ச ஒழிப்புத்துறை, அவருக்கு சொந்தமான இடங்களில் கடந்த செப்டம்பர் மாதம் அதிரடி சோதனை நடத்தினர். இந்நிலையில், லஞ்ச ஒழிப்புத்துறை அதிகாரிகள், சென்னை, திருச்சி, கோவை, நாமக்கல் உள்ளிட்ட மாவட்டங்களில் மீண்டும் சோதனை நடத்தினர்

திருச்சியில் கே.என்.நேரு வீட்டில் 8 மணிநேரத்திற்கு மேலாக சோதனை நடைபெற்றது. சென்னை ராஜா அண்ணாமலைபுரத்தில் உள்ள நேருவின் சகோதரர் ரவிச்சந்திரன் இல்லத்தில் 6 மணி நேரம் சோதனை நடைபெற்றது. இதில் சில ஆவணங்களை அதிகாரிகள் எடுத்துச் சென்றனர்.

இதேபோல், திருச்சி மாவட்டம் துறையூர் தி.மு.க நகர செயலாளரும் நகர் மன்ற துணைத் தலைவருமான மெடிக்கல் முரளி வீட்டில் லஞ்ச ஒழிப்புத்துறை அதிகாரிகள் சோதனை நடத்தப்பட்டது. நாமக்கல்லில் தி.மு.க முன்னாள் எம்.எல்.ஏ ராமலிங்கம் வீட்டிலும் லஞ்ச ஒழிப்புத்துறையினர் சோதனையில் ஈடுபட்டனர்.

மோகனூர் சாலையில் உள்ள கே.என்.நேருவின் உறவினரும், ஒப்பந்ததாரருமான துரை என்பவரது வீட்டில் இருந்து சில ஆவணங்களை அதிகாரிகள் எடுத்துச் சென்றனர். இதேபோல், வேலூர் மாவட்டம், காட்பாடியில் உள்ள அணைக்கட்டு முன்னாள் எம்.எல்.ஏ. நந்தகுமாரின் வீட்டிலும் சோதனை நடத்தப்பட்டது. அவரது வீட்டு மாடியில் உள்ள தண்ணீர் டேங்கிலும் சோதனை நடத்தினர்.

விளக்கம்

இந்த நிலையில், இந்தச் சோதனையின்போது, வழக்கு விசாரணைக்குத் தொடர்புடையதாகக் கருதப்படும் 170 ஆவணங்களும், 13 மின்னணு சாதனங்களும் பறிமுதல் செய்யப்பட்டுள்ளதாக லஞ்ச ஒழிப்புத்துறை தெரிவித்துள்ளது. இது தொடர்பாக வெளியிடப்பட்டுள்ள அறிக்கையில், நகராட்சி நிர்வாகம் மற்றும் குடிநீர் வழங்கல் துறையின் முன்னாள் அமைச்சர் திரு. கே.என். நேரு மற்றும் பிற 7 பேர் மீது, ஊழல் மற்றும் முறைகேடு புகாரின் அடிப்படையில், ஊழல் தடுப்பு மற்றும் கண்காணிப்பு இயக்குநரகத்தின் (DVAC) தலைமையகத்தில் வழக்கு (குற்ற எண்: 02/2026) பதிவு செய்யப்பட்டுள்ளது.

சென்னை அமலாக்க இயக்குநரகம் அளித்த புகாரின் பேரில் இந்த வழக்கு பதியப்பட்டுள்ளது. நகராட்சி நிர்வாகம் மற்றும் குடிநீர் வழங்கல் துறையின் பல்வேறு பிரிவுகளில் 2538 பணியிடங்களுக்கு ஆட்களைத் தேர்வு செய்ததில் முறைகேடுகள் நடந்ததாகக் குற்றம் சாட்டப்பட்டுள்ளது. தகுதியற்ற நபர்களிடமிருந்து பணம் பெறப்பட்டு, அவர்கள் உதவிப் பொறியாளர் (AE), இளநிலைப் பொறியாளர் (JE), சுகாதார ஆய்வாளர், வரைவாளர் போன்ற பதவிகளில் நியமிக்கப்பட்டுள்ளனர். இதற்காகப் பெறப்பட்ட பணம், 2024-25 ஆம் ஆண்டில் 'ஹவாலா' (Hawala) பரிவர்த்தனை முறையைப் பயன்படுத்திப் பரிமாற்றம் செய்யப்பட்டுள்ளது.

இந்த வழக்கின் விசாரணையின் ஒரு பகுதியாக, இன்று சென்னை, திருச்சி, கோயம்புத்தூர், நாமக்கல், திருநெல்வேலி உள்ளிட்ட 25 இடங்களில் ஊழல் தடுப்பு மற்றும் கண்காணிப்புத் துறையினர் சோதனை நடத்தினர். இந்தச் சோதனையின்போது, வழக்கிற்குத் தொடர்புடைய 170 முக்கிய ஆவணங்களும், 13 மின்னணு சாதனங்களும் கைப்பற்றப்பட்டன. விசாரணை தொடர்ந்து நடைபெற்று வருகிறது." என்று தெரிவித்துள்ளது.

source https://tamil.indianexpress.com/tamilnadu/dvac-170-documents-13-electronic-devices-were-seized-search-premises-former-dmk-minister-kn-nehru-tamil-news-12766176

அர்னாப்' புயல் தாண்டவம்

By Muckanamalaipatti 8:40 AM

source https://tamil.indianexpress.com/puducherry/yanam-arnab-cyclone-damage-report-puducherry-collector-12762286

yenam 2 — புதுச்சேரி பிராந்தியமான ஏனாமில் அர்னாப் புயல் பாதிப்பால் ஏற்பட்ட முதற்கட்ட சேத மதிப்பு குறித்து ஏனாம் மண்டல நிர்வாகி சிவராஜ் மீனா, புதுச்சேரி ஆட்சியருக்கு கடிதம் அனுப்பியுள்ளார்.

கடலோர ஆந்திரா மற்றும் புதுச்சேரியின் ஏனாம் பிராந்தியத்தைத் தாக்கிய 'அர்னாப்' அதிதீவிர புயலால் ஏற்பட்டுள்ள முதற்கட்ட சேதங்கள் குறித்த அறிக்கையை ஏனாம் மண்டல நிர்வாகி சிவராஜ் மீனா, புதுச்சேரி மாவட்ட ஆட்சியருக்கு அனுப்பியுள்ளார். மணிக்கு 150 கி.மீ. வேகத்தில் வீசிய பலத்த காற்றால் உயிரிழப்புகள் ஏதும் ஏற்படவில்லை என்றாலும், 100% பயிர் சேதம், மின்கம்பங்கள் மற்றும் வீடுகள் சேதமடைந்து பெரும் பாதிப்பு ஏற்பட்டுள்ளது

அந்தக் கடிதத்தில்: மண்டல நிர்வாகி, யானம் - அர்னாப் புயல் - முதற்கட்ட சேத மதிப்பீட்டு அறிக்கை சமர்ப்பிக்கப்பட்டது.

yenam arnab cyclone

நான் சமர்ப்பிப்பது என்னவென்றால், "அர்னாப்" என்ற கடுமையான புயல், 27-10-2026 அன்று கடலோர ஆந்திரப் பிரதேசம் மற்றும் யானத்தைத் தாக்கியுள்ளது. புயலின் போது மணிக்கு 125 கி.மீ. வரை பலத்த காற்று வீசியதாகவும், அதன் வேகம் மணிக்கு 150 கி.மீ. வரை அதிகரித்ததாகவும் தெரிவிக்கப்பட்டுள்ளது. மனித உயிரிழப்பு எதுவும் பதிவாகவில்லை, கால்நடைகள் இறப்பு எதுவும் பதிவாகவில்லை. பல பெரிய மரங்கள் மின்சாரப் பாதைகளின் மீது விழுந்து, உள்கட்டமைப்பிற்கு கணிசமான சேதத்தை ஏற்படுத்தியுள்ளன. மரங்கள் மற்றும் மின் கம்பங்கள் விழுந்ததால் பெரும்பாலான சாலைகள் தடைபட்டுள்ளன. தீயணைப்புத் துறை, தேசிய பேரிடர் மீட்புப் படை (NDRF), பொதுப்பணித்துறை (PWD) பணியாளர்கள் மற்றும் மின்சாரத் துறை ஆகியோர் தடைபட்ட பாதைகளைச் சீரமைக்க தங்களால் இயன்றவரை முயற்சி செய்து வருகின்றனர். இதுவரை பெரும்பாலான பாதைகள் சீரமைக்கப்பட்டுள்ளன.

இதுவரை மேற்கொள்ளப்பட்ட முதற்கட்ட சேத மதிப்பீடு பின்வருமாறு:

வேளாண்மைத் துறை: 100% (101 ஹெக்டேர்) நெற்பயிர் சேதமடைந்துள்ளது. 20க்கும் மேற்பட்ட தென்னை மரங்கள் விழுந்துள்ளன.

கால்நடை வளர்ப்புத் துறை: சுமார் 25 மாட்டுக்கொட்டகைகள் (முழுமையாக/பகுதியாக) சேதமடைந்ததாகத் தெரிவிக்கப்பட்டுள்ளது.

மின்சாரத் துறை: 35க்கும் மேற்பட்ட உயர் மின்னழுத்த (HT) மற்றும் 25க்கும் மேற்பட்ட குறைந்த மின்னழுத்த (LT) கம்பங்கள் விழுந்துள்ளதாகவும், மேலும் 02 கம்பங்கள் சேதமடைந்துள்ளதாகவும் மதிப்பிடப்பட்டுள்ளது. கிரியம்பேட்டா, சாவித்திரி நகர், தரியலத்திப்பா ஆகிய பகுதிகளைத் தவிர்த்து, ஏனாம் மண்டலத்தின் பிற பகுதிகளில் 15 கி.மீ. தூரத்திற்கு மின்மாற்றிகள் மற்றும் கடத்திகள் சேதமடைந்துள்ளன. 27.10.2026 அன்று மாலை 4.00 மணிக்கு மின் விநியோகம் நிறுத்தப்பட்டது, இன்னும் அது மீண்டும் வழங்கப்படவில்லை.

வருவாய்த் துறை: சுமார் 60 தற்காலிக வீடுகள் இடிந்து விழுந்தன/சேதமடைந்தன (முழுமையாக/பகுதியாக) அறிக்கை செய்யப்பட்டுள்ளது. மேலும், 500-க்கும் மேற்பட்ட பெரிய மரங்கள் கீழே விழுந்துள்ளன. மரங்களின் கிளைகள் வேரோடு சாய்ந்ததாலும்/விழுந்ததாலும் கணிசமான எண்ணிக்கையிலான அரசு கட்டிடங்கள் (சுற்றுச்சுவர், கட்டிடங்களின் சில பகுதிகள் போன்றவை) சேதமடைந்துள்ளதாக மதிப்பிடப்பட்டுள்ளது.

yenam arnab cyclone

பல படகுகள் சேதமடைந்துள்ளதாகத் தெரிவிக்கப்பட்டுள்ளது. இருப்பினும், பலத்த காற்று காரணமாக, சேதமடைந்த படகுகளின் எண்ணிக்கையை சம்பந்தப்பட்ட துறை அதிகாரிகளால் மதிப்பிட முடியவில்லை.

கனமழை காரணமாக, சில சாலை உள்கட்டமைப்புகளும் பாதிக்கப்பட்டுள்ளன. தகவல் தொடர்பு அமைப்பான அலைபேசி இணைப்பு பகுதியளவு பாதிக்கப்பட்டுள்ளது மற்றும் இணைய இணைப்பு முற்றிலும் பாதிக்கப்பட்டுள்ளது, அது இன்னும் சீரமைக்கப்படவில்லை.

yenam arnab cyclone

இது தொடர்பாக, மீண்டும் பலத்த காற்றும் மழையும் தீவிரமடைந்துள்ளதாகவும், இந்திய வானிலை ஆய்வு மையத்தின் (IMD) அறிக்கைகளின்படி, இன்று அதாவது 28.10.2026, மாலை 4 மணி வரை இது தொடரும் என எதிர்பார்க்கப்படுவதாகவும் தெரிவித்துக் கொள்கிறேன்.” என்று ஏனாம் மண்டல நிர்வாகி சிவராஜ் மீனா தெரிவித்துள்ளார்.

செய்தி: பாபு ராஜேந்திரன் - புதுச்சேரி

வாக்காளர் பெயர் நீக்கத்திற்கு எதிரான மனு: தரவுப் பிழைகள் அடிப்படையில் நீக்கம் சரியா? உச்ச நீதிமன்றம் கேள்வி

By Muckanamalaipatti 8:39 AM

டெல்லியில் வாக்காளர் பட்டியலின் சிறப்பு தீவிர திருத்தத்தை (எஸ்.ஐ.ஆர்) எதிர்த்துத் தொடரப்பட்ட மனுக்களை விசாரித்த உச்ச நீதிமன்றம், வாக்காளர் பட்டியலிலிருந்து வாக்காளர்களை நீக்குவதற்கு தரவு பிழைகளை (Logical Discrepancy) ஒரு காரணமாகப் பயன்படுத்துவதன் அரசியலமைப்புச் செல்லுபடியாகும் தன்மை குறித்து இன்னும் முடிவு செய்யவில்லை என்றும், பீகார் சிறப்பு தீவிர திருத்தத்தின் சட்டபூர்வ தன்மையை உறுதிசெய்தபோது இது நீதிமன்றத்தின் முன் ஒரு பிரச்சினையாக இருக்கவில்லை என்றும் புதன்கிழமை தெரிவித்தது.

தலைமை நீதிபதி சூர்யா காந்த், நீதிபதி ஜோய்மால்யா பாக்சி மற்றும் நீதிபதி வி. மோகனா ஆகியோர் அடங்கிய மூன்று நீதிபதிகள் கொண்ட அமர்வு, டெல்லியில் வரைவு வாக்காளர் பட்டியலிலிருந்து பெயர் நீக்கம் செய்யப்பட்ட, கணிப்பு படிவங்களை (Enumeration Forms) நிரப்ப முடியாத வாக்காளர்களுக்கு, அப்படிவங்களைச் சமர்ப்பிக்க அனுமதிப்பது குறித்துப் பரிசீலிக்குமாறு இந்தியத் தேர்தல் ஆணையத்தைக் கேட்டுக் கொண்டது. இந்த கணிப்பு படிவங்களைச் சமர்ப்பிப்பதற்கான கடைசி நாள் ஆகஸ்ட் 17 ஆகும்.

அலுவலகச் பணி அல்லது சொந்த வேலை காரணமாகத் தற்காலிகமாக டெல்லிக்கு வெளியே சென்றவர்கள் தொடர்ந்து கணிப்பு படிவத்தைச் சமர்ப்பிக்க அனுமதிக்கப்பட வேண்டும் என்றும், டெல்லிக்குள்ளேயே வேறு முகவரிக்கு மாறியிருந்தால் படிவம் 8-ஐச் சமர்ப்பிக்க அனுமதிக்கப்பட வேண்டும் என்றும் நீதிமன்ற அமர்வு கூறியது.

நீதிமன்றத்தின் இந்த ஆலோசனையைப் பரிசீலிப்பதாகக் கூறிய இந்தியத் தேர்தல் ஆணையம், உரிமை கோரல்கள் மற்றும் ஆட்சேபனைகளுக்கான படிவங்களைச் சமர்ப்பிப்பதற்கான அக்டோபர் 30 ஆம் தேதி காலக்கெடுவை நீட்டிப்பதாக வாய்மொழியாக உறுதியளித்தது.

'தர்க்கரீதியான முரண்பாடு' அறிமுகப்படுத்தப்பட்ட விதம்

ஜூன் 24, 2025 அன்று பீகாரில் தொடங்கப்பட்ட சிறப்பு தீவிர திருத்த உத்தரவுகளிலோ அல்லது அக்டோபர் 27, 2025 மற்றும் மே 14, 2026 ஆகிய தேதிகளில் பிற மாநிலங்களுக்கு விரிவாக்கப்பட்ட உத்தரவுகளிலோ தரவு பிழை என்ற வார்த்தையைத் தேர்தல் ஆணையம் குறிப்பிடவில்லை. ஆனால், இந்தத் திருத்தப் பணி நடைபெற்றபோது, வாக்காளர் பட்டியல் மற்றும் வாக்காளர்கள் சமர்ப்பித்த ஆவணங்களின் அடிப்படையில் உள்ள முரண்பாடுகளைச் சுட்டிக்காட்டத் தேர்தல் ஆணையம் ஒரு மத்திய மென்பொருளைப் பயன்படுத்தியது.

இந்த செய்தியை ஆங்கிலத்தில் படிக்க இங்கே க்ளிக் செய்யவும்.

மேற்கு வங்கம் உள்ளிட்ட ஒன்பது மாநிலங்கள் மற்றும் மூன்று யூனியன் பிரதேசங்களில் நடைபெற்ற இரண்டாம் கட்ட சிறப்பு தீவிர திருத்தத்தில், ஆறு அல்லது அதற்கு மேற்பட்ட உடன்பிறந்தவர்கள் இருப்பது, ஆவணங்களில் சொந்தப் பெயர் அல்லது பெற்றோர் பெயரில் எழுத்துப் பிழை இருப்பது, வாக்காளருக்கும் பெற்றோர் ஒருவருக்கும் இடையே 15 ஆண்டுகளுக்கும் குறைவான அல்லது 50 ஆண்டுகளுக்கு மேற்பட்ட வயது இடைவெளி இருப்பது என ஆறு பிரிவுகள் உள்ளதாக முதன்மைத் தேர்தல் அதிகாரி அலுவலகப் பதிவுகள் காட்டியது. இந்த ஆண்டு மே மாதம் தொடங்கப்பட்ட மூன்றாம் கட்டத்தில், இந்தப் பிரிவுகள் 11 ஆக விரிவாக்கப்பட்டன.

சமூக ஆர்வலர்கள் அஞ்சலி பரத்வாஜ் மற்றும் அம்ரிதா ஜோஹ்ரி ஆகியோர் தாக்கல் செய்த மனுவை விசாரித்தபோது, தேர்தல் ஆணையத்தின் சார்பில் ஆஜரான மூத்த வழக்கறிஞர் டி.எஸ். நாயுடு பீகார் சிறப்பு தீவிர திருத்தைக் குறிப்பிட்டதைச் சுட்டிக்காட்டிய நீதிபதி பாக்சி, பீகார் திருத்தத்தில் தேர்தல் ஆணையத்திற்கு சில எஞ்சிய அதிகாரங்கள் உள்ளன என்றும், குறிப்பாகச் சிறப்பு தீவிர திருத்தத்தைத் தொடங்குவதில் அந்த அதிகாரங்கள் உள்ளன என்றும் தாங்கள் கூறியதாகத் தெரிவித்தார். படிவம் 6, 7, 8 ஆகியவற்றை மாற்ற முடியாது என்றும், ஆனால் அந்தப் படிவங்களுடன் கூடுதல் தகவல்களைச் சேர்க்கலாம் என்றும் அவர் கூறினார்.

டெல்லி சூழலில், ஆணையம் ஒரு படிவத்தைக் கேட்பதற்குப் பதிலாக, அந்த நபர் ஏன் கணிப்பு படிவத்திற்குப் பதிலளிக்கவில்லை என்பதற்கான ஒரு உறுதிமொழி அறிக்கையைக் கேட்டிருக்கலாம் என்று அவர் கூறினார். பீகார் தீர்ப்பு ஒரு கட்டுப்படுத்தும் முன்னுதாரணமாக இருக்க முடியாது, ஏனெனில் பீகாரில் தேர்தல் ஆணையம் தர்க்கரீதியான முரண்பாட்டை ஒரு பிரிவாக எடுத்துக்கொள்ளவில்லை என்று நீதிபதி பாக்சி கூறினார். மேற்கு வங்கத்தில் ஒரு இடைக்கால ஏற்பாடாக மட்டுமே தாங்கள் அனுமதித்ததாகவும், தர்க்கரீதியான முரண்பாட்டின் சட்டபூர்வ தன்மை குறித்து தாங்கள் இன்னும் இறுதித் தீர்ப்பு வழங்கவில்லை என்றும் அவர் தெளிவுபடுத்தினார்.

உணர்ச்சிப்பூர்வமான விஷயங்களில் நீதிமன்ற நடவடிக்கைகளின் கருத்துகள் சூழலுக்குப் புறம்பாக வெளியாவதால் தேவையற்ற சர்ச்சைகள் உருவாவதாகக் கூறிய அவர், தாங்கள் தெரிவிக்கும் இந்தக் கருத்துகள் இறுதியானவை அல்ல என்றும் குறிப்பிட்டார்.

பழைய வாக்காளர் பட்டியல்களைத் திறப்பது குறித்து உச்ச நீதிமன்றம் கேள்வி

2003 ஆம் ஆண்டு சிறப்பு தீவிர திருத்தத்திற்குப் பிறகு தயாரிக்கப்பட்ட பட்டியலில் உள்ள ஒரு பதிவை, தர்க்கரீதியான முரண்பாட்டைக் சுட்டிக்காட்டி எவ்வாறு மீண்டும் திறக்க முடியும் என்று நீதிபதி பாக்சி கேள்வி எழுப்பினார். 2003 ஆம் ஆண்டின் சிறப்பு தீவிர திருத்தத்தில் அனைத்தும் பரிசீலிக்கப்பட்ட நிலையில், 2003 முதல் 2026 வரை சுருக்கமான திருத்தங்கள் மட்டுமே நடந்துள்ளன என்றும், அப்படியிருக்க 2003 பட்டியலில் உள்ள ஒரு நபரின் பதிவை தர்க்கரீதியான முரண்பாட்டைக் காரணம் காட்டி இந்தச் சிறப்பு தீவிர திருத்தம் எவ்வாறு மீண்டும் திறக்க முடியும் என்றும் அவர் வினவினார்.

பீகார் தீர்ப்பில் பரிசீலிக்கப்படாத ஒரு கேள்வியைத்தான் தாங்கள் இப்போது எழுப்புவதாகவும், ஆனால் அனைவரும் பீகார் தீர்ப்பைக் காட்டி அனைத்தும் முடிவு செய்யப்பட்டுவிட்டதாக வாதிடுவதாகவும் நீதிபதி கூறினார். அதற்கு வழக்கறிஞர் நாயுடு, பீகாருக்குப் பிறகு சிறப்பு தீவிர திருத்தம் முன்னேறியபோது, ஒவ்வொரு மாநிலமும் வெவ்வேறு சவால்களைச் சந்தித்ததாகவும், அதை எதிர்கொள்ளத் தேர்தல் ஆணையம் புதிய வழிகளைக் கண்டறிந்ததாகவும் விளக்கமளித்தார்.

மனுதாரர்கள் சார்பில் ஆஜரான வழக்கறிஞர் பிரசாந்த் பூஷன், தேர்தல் ஆணையம் வெளியிட்ட செய்திக் குறிப்பைச் சுட்டிக்காட்டினார். தேசியத் தலைநகர் டெல்லியில் சிறப்பு தீவிர திருத்தத்தின் தொடக்கத்தில் 1,45,10,299 வாக்காளர்கள் பதிவு செய்யப்பட்டிருந்தனர் என்றும், ஜூன் 30, 2026 முதல் ஆகஸ்ட் 17, 2026 வரையிலான காலத்தில் 100 சதவீதம் கணிப்பு படிவங்கள் விநியோகிக்கப்பட்டதாகவும் அதில் கூறப்பட்டிருந்தது. ஆகஸ்ட் 17, 2026 நிலவரப்படி மொத்தம் 97,53,577 வாக்காளர்கள் தங்கள் கணிப்பு படிவங்களைச் சமர்ப்பித்துள்ளனர் என்றும், 47,56,722 வாக்காளர்கள் அங்கு இல்லை, முகவரி மாறிவிட்டனர், இறந்துவிட்டனர் அல்லது இரட்டைப் பதிவாக உள்ளனர் என்பதால் படிவங்களைத் திருப்பிக் கொடுக்கவில்லை என்றும் தெரிவிக்கப்பட்டது.

வரைவு வாக்காளர் பட்டியலில் உள்ள 97,53,577 வாக்காளர்களில், கணினியால் கண்டறியப்பட்ட தர்க்கரீதியான முரண்பாட்டின் அடிப்படையில் 19,34,243 வாக்காளர்களுக்கு அறிவிப்பு அனுப்பப்பட்டுள்ளதாகக் கூறிய பிரசாந்த் பூஷன், ஆனால் தர்க்கரீதியான முரண்பாடு என்றால் என்ன என்பதைத் தேர்தல் ஆணையம் எந்தவொரு ஆவணத்திலும் வரைவிலக்கணம் செய்யவில்லை என்று குற்றம் சாட்டினார். இதற்குப் பதிலளித்த நாயுடு, இது ஏற்கனவே மேற்கு வங்கத்தில் செய்யப்பட்டுள்ளதாகத் தெரிவித்தார்.

மேற்கு வங்கத்தில் அனுமதிக்கப்பட்டது இறுதி முடிவல்ல

தேர்தல் ஆணையத்தின் வழக்கறிஞரிடம் நீதிபதி பாக்சி கூறுகையில், ஆணையம் சில மாதிரிகளை உருவாக்கியுள்ளதாகவும், அந்த மாதிரிகளை உருவாக்குவதில் மனிதக் காரணியின் மனப் பயன்பாடு உள்ளதா என்பதைத் தாங்கள் பரிசீலிக்க வேண்டும் என்றும் கூறினார். அங்கு மனிதக் காரணியின் மனப் பயன்பாடு எதுவும் இருக்கவில்லை என்றும், இது குறித்து இப்போது தாங்கள் கருத்து தெரிவிக்க விரும்பவில்லை என்றாலும் இந்த விவகாரத்தைப் பரிசீலிக்க விரும்புவதாகவும் அவர் கூறினார். பீகார் திருத்தத்தில் தர்க்கரீதியான முரண்பாடு பரிசீலிக்கப்படவில்லை என்றும், அது முதன்முறையாக மேற்கு வங்கத்தில்தான் செய்யப்பட்டது என்றும் அவர் சுட்டிக்காட்டினார். ஏற்கனவே பரிசீலிக்கப்பட்ட சில விஷயங்கள் இருந்ததால் தாங்கள் அதற்கு அனுமதி அளித்ததாகவும், ஆனால் அதற்கு தாங்கள் இறுதி முடிவெடுத்துவிட்டதாகப் பொருளில்லை என்றும் அவர் தெளிவுபடுத்தினார்.

டெல்லி சிறப்பு தீவிர திருத்தம் குறித்துத் தலைமை நீதிபதி கூறுகையில், டெல்லி போன்ற பெரிய நகரங்களில் வாழ்வாதாரத்திற்காக வேலை செய்யும் இடங்களை மாற்றி அமைத்துக் கொண்டே இருக்கும் மிதக்கும் மக்கள் தொகை உள்ளது என்று சுட்டிக்காட்டினார். அவர்களை அதிகாரிகளை அணுக வைப்பதற்குப் பதிலாக, அதிகாரிகளே அவர்களை அணுக வேண்டும் என்று அவர் கூறினார்.

வாக்காளர்களுக்குக் கணிப்பு படிவம் வழங்கப்பட்டுவிட்டதாகக் கூறும்போது, கடந்த முறை குறிப்பிடப்பட்ட முகவரியில்தான் அவர்கள் இன்னும் வசிக்கிறார்கள் என்று ஆணையம் ஊகம் செய்வதாகக் கூறிய தலைமை நீதிபதி, ஆனால் நடைமுறையில் அவர்கள் அங்கிருப்பதில்லை என்றார். ஒருவர் முகவரி மாறினால், பட்டியலைப் புதுப்பிக்கும் வகையில் அது குறித்து அதிகாரிகளுக்குத் தெரிவிக்க வேண்டியது அவர்களின் கடமை என்றும், அப்படித் தெரிவிக்காத பட்சத்தில் பழைய முகவரியே பதிவேடுகளில் இருக்கும் என்றும் நாயுடு கூறினார்.

தேர்தல் நேரத்தில் மக்கள் சுறுசுறுப்பாகி தங்கள் வாக்கு எங்குள்ளது என்பதைக் கண்டறிய முயல்வார்கள் என்று கூறிய தலைமை நீதிபதி, ஆனால் இப்போது தேர்தல் இல்லாத நேரத்தில் மக்கள் தங்கள் பணிகளில் பிஸியாக இருக்கும்போது, தாங்கள் முகவரி மாறியதை அதிகாரிகளுக்குத் தெரிவிப்பார்கள் என்று எதிர்பார்க்க முடியாது என்றார்.

டெல்லியில் முதல்முறை வாக்காளராகப் பதிவு செய்ய விரும்புபவர்கள் மட்டுமே படிவம் 6-ஐ நிரப்ப வேண்டும் என்பதையும், 2026 பட்டியலில் இருந்து இப்போது நிரந்தரமாகவோ அல்லது தற்காலிகமாகவோ முகவரி மாறியவர்கள் அல்லது டெல்லிக்கு வெளியே இருந்ததால் படிவத்தை நிரப்ப முடியாதவர்கள் படிவம் 6-ஐ நிரப்பத் தேவையில்லை என்பதையும் எளிய மொழியிலும் ஆங்கிலத்திலும் ஒரு அறிவிப்பு அல்லது சுற்றறிக்கை மூலம் தெளிவுபடுத்த முடியும் என்று தலைமை நீதிபதி தெரிவித்தார்.

முன்பு வாக்காளர் பட்டியலில் இருந்து நீக்கப்பட்ட ஒரு வாக்காளரை மீண்டும் அழைப்பது ஒரு தவறு என்று நீதிபதி பாக்சி கூறினார். வாக்காளர் பட்டியலில் பெயர் இல்லை என்று அறிவித்து படிவம் 6-ஐ நிரப்புமாறு ஒருவரைக் கேட்பது தவறானது என்று கூறிய அவர், பிறந்த தேதி, தந்தை விவரம், தொடர்பு போன்ற கூடுதல் தகவல்களைக் கேட்பதைச் சுட்டிக்காட்டினார். 2003 ஆம் ஆண்டின் பட்டியலை மட்டுமே அடிப்படையாகக் கொண்டால் இந்த விசாரணை புரிந்துகொள்ளத்தக்கது, ஏனெனில் 2003 க்குப் பிந்தைய அனைத்துப் பட்டியல்களையும் அழித்துவிட்டதால் அனைவரும் புதிய வாக்காளர்களாகி விடுவார்கள். அப்போது படிவம் 6 அல்லது எதுவாக இருந்தாலும் 2003 வாக்காளர் பட்டியலில் பெயர் சேர்க்கப்படவில்லை என்று கூற வேண்டும். ஆனால் 2026 ஆம் ஆண்டை தகுதியான ஆண்டாக எடுத்துக்கொண்டு ஒருவர் முகவரி மாறியிருந்தால், அவருக்கு படிவம் 8 சமர்ப்பிக்க அனுமதி அளிக்க வேண்டும் என்று அவர் கூறினார்.

இந்த வழக்கின் விசாரணையை இரண்டு வாரங்களுக்கு ஒத்திவைத்த நீதிபதி அமர்வு, அக்டோபர் 30 காலக்கெடுவை நீட்டிக்க எந்த உத்தரவும் பிறப்பிக்கவில்லை என்றும், தேர்தல் ஆணையமே தானாக முன்வந்து செயல்படும் என்று எதிர்பார்ப்பதாகவும் கூறியது.

அதிகாரிகளுடன் கலந்து பேசி, படிவம் 6 மற்றும் படிவம் 8 ஆகிய இரண்டையும் தொடர்ந்து பெறுவதை உறுதி செய்யுமாறு தலைமை நீதிபதி அறிவுறுத்தினார். இப்போது எந்தக் காலக்கெடுவையும் பின்பற்ற வேண்டாம் என்றும், டெல்லியில் இப்போது எதுவும் நடக்கவில்லை என்பதால் தொடர்ந்து படிவங்களைப் பெறுமாறு கூறினார். இது ஒரு தொடர்ச்சியான செயல்முறை என்றும், குறிப்பிட்ட காலக்கெடு எதுவும் இல்லை என்றும், மக்கள் எப்போது வேண்டுமானாலும் படிவம் 6 அல்லது படிவம் 8-ஐச் சமர்ப்பிக்கலாம் என்றும் செய்தித்தாள்கள் மற்றும் இணையதளம் வழியாகப் பொது அறிவிப்பு வெளியிடுமாறு அவர் கூறினார். படிவம் 6 இல் இணைக்கப்படும் ஆவணங்களையும், படிவம் 8 இல் உள்ள ஆவணங்களையும் அதிகாரிகள் சரிபார்க்கலாம் என்றும் தலைமை நீதிபதி கூறினார்.

இதற்குப் பதிலளித்த நாயுடு, இரண்டு வாரங்களில் எடுக்கப்படும் நடவடிக்கைகள் குறித்து நீதிமன்றத்தில் தெரிவிப்பதாகவும், அதற்குள் காலக்கெடுவும் நீட்டிக்கப்படும் என்றும், அதைத் தாங்கள் உறுதிசெய்வதாகவும் தெரிவித்தார்.

source https://tamil.indianexpress.com/india/supreme-court-questions-logical-discrepancy-rule-in-electoral-rolls-asks-eci-to-allow-voters-deleted-in-delhi-sir-to-submit-forms-12762795