தொகுதி மறுவரையறை தொடர்பான மத்திய உள்துறை உறுதியளிப்பு நம்பகத் தன்மையற்றது” – கர்நாடக முதலமைச்சர் சித்தராமையா!

 28 2 25

தென்னிந்தியாவில் தொகுதி மறுவரையறை பெரும் விவாதத்தை எழுப்பியுள்ள நிலையில், தொகுதி மறுவரையறையில் தென் மாநிலங்கள் ஒரு தொகுதியைக் கூட இழக்காது என மத்திய உள்துறை அமைச்சர் அமித்ஷா உறுதி அளித்துள்ளார்.

இந்நிலையில், “அமித்ஷாவின் பேச்சு நம்பத்தகுந்ததாக இல்லை எனவும், பாஜகவின் அநீதிகளுக்கு எதிராக குரல் எழுப்பும் தென் மாநிலங்களின் குரலை ஓடுக்கும் நோக்கில், மத்திய பாஜக அரசு இப்போது தொகுதி மறுவரையறை என்ற புதிய ஆயுதத்தை கையில் எடுத்துள்ளது” எனவும் கர்நாடக முதலமைச்சர் சித்தராமையா தெரிவித்துள்ளார்.

இதுதொடர்பாக தனது எக்ஸ் தளப் பதிவில் அவர் பதிவிட்டுள்ளதாவது;

“தொகுதி மறுவரையறையின் போது தென் மாநிலங்களுக்கு அநீதி இழைக்க பாஜக மத்திய அரசு அனுமதிக்காது என உள்துறை அமைச்சர் அமித்ஷா பேசியது நம்பத்தகுந்ததல்ல. மத்திய உள்துறை அமைச்சரின் பேச்சைப் பார்க்கும்போது, ​​குழப்பமாக உள்ளது. இதில் கர்நாடகா மற்றும் தெலங்கானா, தமிழ்நாடு, கேரளா மற்றும் ஆந்திரா ஆகிய தென் மாநிலங்களுக்கு அநீதி இழைக்கும், தீங்கிழைக்கும் நோக்கம் உள்ளது என்பதைப் புரிந்து கொள்ளலாம்.

வரி பகிர்வு, ஜிஎஸ்டி மற்றும் இயற்கை பேரிடர் நிவாரணம், புதிய கல்விக் கொள்கை மற்றும் யுஜிசி விதிமுறைகளில் திருத்தம் உள்ளிட்ட மத்திய அரசின் ஒவ்வொரு நடவடிக்கையும் மாநிலத்தைத் தண்டிக்கும் தீங்கிழைக்கும் நோக்கத்துடன் உள்ளது என்பது தெளிவாக தெரிகிறது.

தேசிய அளவில் பாஜக செய்யும் அநீதிகளுக்கு எதிராக தென் மாநிலங்கள் குரல் எழுப்புவதைத் தடுக்க, நாடாளுமன்றத்தில் அவர்களின் குரலை மேலும் பலவீனப்படுத்தும் தீங்கிழைக்கும் நோக்கத்துடன், மத்திய பாஜக அரசு இப்போது தொகுதி மறுவரையறை என்ற புதிய ஆயுதத்தை கையில் எடுத்துள்ளது.

தென் மாநிலங்களுக்கு அநீதி இழைக்கக்கூடாது என்ற நல்ல எண்ணம் மத்திய அரசுக்கு இருந்தால், மக்கள்தொகை விகிதத்தின் அடிப்படையில் தொகுதிகளை மறுபகிர்வு செய்ய வேண்டுமா அல்லது தற்போதைய மக்களவை உறுப்பினர்களின் எண்ணிக்கையின் விகிதத்தில் செய்ய வேண்டுமா? என்ற முக்கிய கேள்விக்கு உள்துறை அமைச்சர் அமித்ஷா பதிலளிக்க வேண்டும்.

தொகுதி மறுசீரமைப்பு கர்நாடகா உள்ளிட்ட தென் மாநிலங்களுக்கு அநீதியை ஏற்படுத்தவில்லை என்றால், 1971 மக்கள் தொகை கணக்கெடுப்பை அடிப்படையாக பயன்படுத்த வேண்டும். இல்லையெனில், மக்கள் தொகை அளவுகோலைக் கைவிட்டு, தற்போதைய மக்களவைத் தொகுதிகளின் எண்ணிக்கையை விகிதாசார அடிப்படையில் அதிகரிக்க வேண்டும்.

கர்நாடக பாஜக தலைவர்கள் தெரு சண்டைகளில் மும்முரமாக ஈடுபட்டுள்ளனர்.  ஒருவர் மீது ஒருவர் சேற்றை வாரி இறைக்கின்றனர். இத்தகைய சூழ்நிலையில், அனைத்து கன்னடர்களும், சாதி, மதம், கட்சி வேறுபாடுகளை மறந்து, மத்திய அரசால் மாநிலத்திற்கு இழைக்கப்படும் அநீதிக்கு எதிராக குரல் எழுப்ப வேண்டும்.

அநீதிக்கு எதிராக மிகப்பெரிய போராட்டத்தை நடத்த தென் மாநிலங்களுடன் பேச்சுவார்த்தை நடைபெற்று வருகிறது. வரும் நாட்களில், அநீதியை எதிர்கொள்ளும் அனைத்து மாநிலங்களுடனும் ஒருங்கிணைந்து போராட்டம் நடத்தப்படும்” என பதிவிட்டுள்ளார்.

source https://news7tamil.live/amit-shahs-assurance-regarding-constituency-redelineation-is-unreliable-karnataka-chief-minister-siddaramaiah.html#google_vignette

Read More

தொகுதி மறுசீரமைப்பு செய்து, 10 மாநிலங்களில் கவனம் செலுத்தி ஆட்சி அமைக்கும்”

 

தொகுதி மறுசீரமைப்பு குறித்து சட்டத் துறை அமைச்சர் ரகுபதி  விளக்கம் கொடுத்துள்ளார்.

இது தொடர்பாக செய்தியாளர்களை சந்தித்து பேசிய அவர்,  “1951, 1961, 1971 ஆகிய ஆண்டுகளில் மக்கள் தொகை கணக்கெடுப்பின்படி தொகுதிகள் மறுசீரமைக்கப்பட்டன. இதில் 1951ஆம் ஆண்டு கணக்கெடுக்கப்பட்ட மக்கள் தொகை அடிப்படையில் 7.3 லட்சம் மக்கள் தொகை கொண்ட நாடாளுமன்றத்திற்கு 494 தொகுதிகள் மறுசீரமைக்கப்பட்டன. அதேபோல் 1961ல் 8.4 லட்சம் மக்கள் கொண்ட தொகை நாடாளுமன்றத்திற்கு 522 தொகுதிகளாக மறுசீரமைக்கப்பட்டது. 1971ஆம் ஆண்டு 10.1 மக்கள் கொண்ட தொகை நாடாளுமன்றத்திற்கு 543 தொகுதிகள் கொண்டு வரப்பட்டன.

தென் மாநிலங்களில் குடும்ப கட்டுப்பாடு சிறப்பாக அமலபடுத்தியதன் விளைவாக மக்கள் தொகைகணக்கெடுப்பில் விகிதாச்சார எண்ணிக்கை குறைந்துவிட்டது. அதன் அடிப்படையில் 1976ஆம் ஆண்டு இந்திரா காந்தி தலைமையிலான மத்திய அரசு, குடும்ப கட்டுபாடுகளை சிறப்பாக சில மாநிலங்கள் கையாண்டது. எனினும் அந்த மாநிலங்களின் பிரதிநிதித்துவம் குறைக்கூடாது என்பதற்காக அடுத்த 25 ஆண்டுகளுக்கு அதாவது 2001ஆம் ஆண்டு வரை நாடளுமன்ற தொகுகள் இருந்தபடியே இருக்க வேண்டும் என அரசியல் திருத்தம் கொண்டு வந்தார். அதன் அடிப்படையில் அந்த 543 தொகுதிகள் நீடித்தது.

அதன்பிறகு பாஜக கூட்டணியில் திமுக அங்கம் வகித்தபோது, மறைந்த முன்னாள் முதலமைச்சர் கருணாநிதி கேட்டுக்கொண்டதன் பேரில் மக்களவை தொகுதிகள் அடுத்த 25 ஆண்டுக்கு நீட்டிக்கப்பட்டது. இதன்படி  543  நாடாளுமன்ற தொகுதிகளில் எண்ணிக்கை  2026ஆம் ஆண்டு வரை நீட்டிக்கப்பட்டது.  கடந்தாண்டு மகளிருக்கான இடஒதுக்கீடு மசோதாவை நிறைவேற்றும்போது உள்துறை அமைச்சர் அமித் ஷா, மக்கள்தொகை கணக்கெடுப்பு நடத்தப்பட்டு தொகுதி மறுசீரமைக்கப்பட்டு 2031ல் பெண்களுக்கான இடஒதுக்கீடு அமலுக்கு வரும் என்றார். அதன்படி பார்த்தால் தமிழ்நாட்டுக்கு பிரதிநிதித்துவ அடிப்படையில் பாதிப்பு வரும் என்ற கண்ணோட்டத்தை முன் வைக்கிறோம்.

தற்போது நாடளுமன்றத்தில் தென் மாநிலங்கங்களின் பிரதிநிதித்துவம் 23.7 % இருக்கிறது. ஆனால் மக்கள் தொகை கணக்கெடுத்து தொகுதி மறுசீரமைப்பு செய்தால்  தென் மாநில பிரதிநிதித்ததும் 18.97 % ஆக குறையும். மக்கள் தொகை கணக்கெடுப்பு நடத்தினால் மொத்தம் 848 நாடளுமன்றத் தொகுதிகள் வரும். அதன்படி தமிழ்நாட்டிற்கு தொகுதிகள் அதிகம் கிடைத்தாலும் கூட  தென் மாநில பிரதிநிதித்துவம் 19.34% தான் இருக்கும்.

அதனால் தென் மாநிலங்களின் பிரதிநிதித்துவம் குறைய கூடாது என்பதுதான் எங்களின் தலையாகிய கோரிக்கை. இன்றைக்கு உத்திரப் பிரதேசத்தில் 80 பேர் நாடாளுமன்ற உறுப்பினர்கள் இருக்கிறார்கள். நாடாளுமன்றத் தொகுதிகள் 848 ஆக உயர்ந்தால், உத்திரப் பிரதேசத்தில் நாடாளுமன்ற உறுப்பினர்கள் எண்ணிக்கை 143 ஆக அதிகரிக்கும். 14.7 % இருக்கும் அம்மாநில பிரநிதித்துவம் 16.86 %-மாக உயரும். அதே போல் பீகாரில் உள்ள 40 நாடாளுமன்ற உறுப்பினர்களின் எண்ணிக்கை 79 ஆக உயரும். அதாவது 7.36 % பிரநிதித்துவம் 9.31ஆக உயரும். மேலும் மத்திய பிரதேசத்தில் 29 நாடாளுமன்ற உறுப்பினர்கள் உள்ளனர். அங்கு 5.34 என்ற  பிரநிதித்துவம் 6.13 ஆக உயரும்.

சதவிகித அடிப்படையில் பார்த்தால் தென் மாநிலங்களின் பிரதிநிதித்துவம் குறைக்கிறது. வட மாநிலங்களுக்கு அதிகரிக்கிறது. இதன் அடிப்படையில் பார்த்தால் இந்தி மொழி பேசுகிற மாநிலங்களை வைத்துக்கொண்டு பாஜக ஆட்சிக்கு வரும். இதுதான் அவர்களின் வியூகம். மக்கள் தொகை கணக்கெடுப்பு நடத்தி, தொகுதி மறுசீரமைப்பு செய்து 10 மாநிலங்களில் மட்டும் கவனம் செலுத்துவார்கள். மற்ற மாநிலங்களில் 0 தொகுதிகளை வாங்கினால் கூட அவர்கள் ஆட்சியமைக்க முடியும்”

இவ்வாறு சட்டத்துறை அமைச்சர் ரகுபதி தெரிவித்துள்ளார். 

27 2 25 

source https://news7tamil.live/bjp-will-form-government-by-reorganizing-constituencies-and-focusing-on-10-states-minister-raghupathi-explains.html

Read More

அரசு பேருந்து கட்டணம் உயர்வு? – பயணிகள் கடும் அதிருப்தி

 

மதுரை மண்டல அரசு போக்குவரத்து கழக பேருந்துகளில் பயணக் கட்டணம் திடீரென உயர்த்தப்பட்டுள்ளதாக பயணிகள் குற்றச்சாட்டி உள்ளனர். 

அரசு போக்குவரத்துக் கழகத்தின் நெல்லை மற்றும் மதுரை மண்டலங்களில் இயங்கும் பல்வேறு கோட்டங்களில் பேருந்து கட்டணம் அறிவிப்பின்றி உயர்த்தப்பட்டிருப்பது பொதுமக்களுக்கு மிகுந்த சிரமத்தை ஏற்படுத்தியுள்ளது.

மதுரை மண்டலத்திற்குட்பட்ட பகுதிகளில் இருந்து தினமும் ஆயிரக்கணக்கான மக்கள் மதுரை, தூத்துக்குடி மற்றும் திருச்செந்தூர் ஆகிய இடங்களுக்கு பயணிக்கின்றனர். தற்போது, திருச்செந்தூர்-மதுரை இடையே ரூ.172, தூத்துக்குடி-மதுரை இடையே ரூ.133 என பயணக் கட்டணம் நிர்ணயிக்கப்பட்டுள்ளது.

இந்நிலையில், கடந்த 15 நாட்களாக இடைப்பட்ட நிறுத்தங்களில் பயணக் கட்டணம் உயர்த்தப்பட்டுள்ளதாக மக்கள் குற்றம்சாட்டுகின்றனர். சில வழித்தடங்களில் ரூ.5 முதல் ரூ.10 வரை கட்டணம் அதிகரிக்கப்பட்டுள்ளதாகவும், இது ஏழை, நடுத்தர வர்க்க மக்களுக்கு மிகுந்த சிரமத்தை ஏற்படுத்துவதாகவும் பயணிகள் தெரிவிக்கின்றனர்.

பயணிகள் வெளிப்படுத்திய முக்கிய புகார்கள்:

திருச்செந்தூர் – ஆத்தூர்: ₹17 → ₹20

ஆறுமுகநேரி – ஸ்பிக் நகர்: ₹20 → ₹25

ஆத்தூர் – ஸ்பிக் நகர்: ₹15 → ₹20

தூத்துக்குடி – எப்போதும்வென்றான்: ₹23 → ₹30

தூத்துக்குடி – எட்டயபுரம்: ₹41 → ₹50

மேலக்கரந்தை – மண்டேலா நகர்: ₹61 → ₹65

மேலக்கரந்தை – மாட்டுத்தாவணி: ₹75 → ₹80

அரசு போக்குவரத்துக் கழகம் பராமரிப்பு செலவுகள் காரணமாக கட்டண உயர்வு அவசியம் எனக் கூறினாலும், பொதுமக்களின் வாழ்வாதாரத்தையும் கருத்தில் கொண்டு, பழைய கட்டண நிலையை மீண்டும் அமல்படுத்த நடவடிக்கை எடுக்க வேண்டும் என பொதுமக்கள் கோரிக்கை விடுத்துள்ளனர்.

source https://tamil.indianexpress.com/tamilnadu/madurai-to-thoothukudi-tiruchendur-tnstc-bus-fare-hike-passenger-concerns-8762306

Read More

தொகுதி மறுவரையறை சிக்கல்கள் என்ன?

 தொகுதி மறுவரையறை தொடர்பாக விவாதிக்க மார்ச் 5-ஆம் தேதி அனைத்துக் கட்சிக் கூட்டம் நடைபெறும் என்று தமிழக முதல்வர் மு.க.ஸ்டாலின் செவ்வாய்க்கிழமை அறிவித்துள்ளார், தொகுதி மறுவரையறை தென் மாநிலங்கள் மீது கத்தி போல் தொங்குவதாக ஸ்டாலின் குறிப்பிட்டுள்ளார். குடும்பக்கட்டுப்பாட்டு நடவடிக்கைகளால் தமிழகத்திற்கு நாடாளுமன்ற இடங்கள் குறைய வாய்ப்புள்ளதாகக் கூறிய இரண்டு நாட்களுக்குப் பிறகு ஸ்டாலினின் அறிவிப்பு வெளியாகியுள்ளது.

தொகுதிகளின் எல்லைகளை வரையறுத்து அதன் எண்ணிக்கையை தீர்மானிக்கும் மறுவரையறை, புதிய மக்கள் தொகை கணக்கெடுப்பு நடவடிக்கைக்குப் பிறகு நடைபெறும் என்று எதிர்பார்க்கப்படுகிறது, இந்த நடவடிக்கை மிகவும் தாமதமானது. முன்னதாக நிர்ணயிக்கப்பட்ட எல்லை நிர்ணய நாட்காட்டியின்படி, தமிழகம் சட்டமன்றத் தேர்தலை எதிர்கொள்ளும் அதே ஆண்டில் 2026-க்குள் இது நடக்கும்.

அக்டோபர் 2023 இல், தெலங்கானா சட்டமன்றத் தேர்தலின் போது ஒரு பேரணியில் உரையாற்றியபோது, காங்கிரஸின் "ஜித்னி ஆபாதி, உத்னா ஹக்" முழக்கத்தைத் தாக்க பிரதமர் நரேந்திர மோடி தொகுதி மறுவரையறையைப் பயன்படுத்தினார். “நாடு இப்போது அடுத்த எல்லை நிர்ணயம் பற்றி பேசுகிறது. மக்கள்தொகை குறைவாக இருக்கும் இடங்களில் லோக்சபா இடங்கள் குறையும், மக்கள் தொகை அதிகமாக இருக்கும் இடங்களில் உயரும்... தென் மாநிலங்கள் மக்கள் தொகைக் கட்டுப்பாட்டில் குறிப்பிடத்தக்க முன்னேற்றம் அடைந்துள்ளன, ஆனால் மக்கள் தொகை விகிதாச்சாரம் அடிப்படையில் உரிமைகள் என்ற காங்கிரஸின் புதிய யோசனை செயல்படுத்தப்பட்டால், தென்னிந்தியா 100 லோக்சபா இடங்களை இழக்க நேரிடும்,” என்று மோடி கூறினார்.

2024 மக்களவைத் தேர்தலின் போது தி இந்தியன் எக்ஸ்பிரஸ்ஸுக்கு அளித்த பேட்டியில், மத்திய உள்துறை அமைச்சர் அமித் ஷா, தெற்கின் கவலைகளை மோடி அரசாங்கம் அறிந்திருப்பதாக வலியுறுத்தினார். தொகுதி மறுவரையறைக்கு பின்னர் தென்னிந்தியாவில் அநீதி இழைக்கப்பட மாட்டாது என நாங்கள் ஏற்கனவே கூறியுள்ளோம் என அமித் ஷா தெரிவித்துள்ளார்.

சுதந்திர இந்தியாவின் வரலாற்றில், தொகுதி மறுவரையறை நான்கு முறை நடந்துள்ளது - 1952, 1963, 1973 மற்றும் 2002. இவை எப்படி அரசியல் நிலப்பரப்பை மாற்றியது என்பதைப் பாருங்கள்.

தொகுதி மறுவரையறை என்றால் என்ன?

மிக சமீபத்திய மக்கள்தொகை கணக்கெடுப்பில் மக்கள்தொகை அடிப்படையில் தேர்ந்தெடுக்கப்பட்ட அமைப்புகளுக்கான தொகுதிகளின் எல்லைகளை வரைவதற்கான செயல்முறையாக தேர்தல் ஆணையம் தொகுதி மறுவரையறையை வரையறுக்கிறது.

ஒவ்வொரு மக்கள் தொகை கணக்கெடுப்பு முடிந்த பிறகும், மக்கள் தொகை மாற்றத்தின் அடிப்படையில் ஒவ்வொரு மாநிலத்துக்கும் மக்களவை இடங்கள் ஒதுக்கீடு செய்யப்பட வேண்டும் என்று அரசியலமைப்பின் 82வது பிரிவு கூறுகிறது.

அதே நேரத்தில், லோக்சபாவில் 550 உறுப்பினர்களுக்கு மேல் இருக்கக் கூடாது என்று 81வது பிரிவு கூறுகிறது - 530 உறுப்பினர்கள் மாநிலங்களிலிருந்தும் 20 உறுப்பினர் யூனியன் பிரதேசங்களிலிருந்தும் தேர்வு செய்யப்பட வேண்டும். "(இடங்களின் எண்ணிக்கை) மற்றும் மாநிலத்தின் மக்கள்தொகை ஆகியவற்றுக்கு இடையேயான விகிதம், நடைமுறைக்குக் கூடியவரை, அனைத்து மாநிலங்களுக்கும் ஒரே மாதிரியாக உள்ளது" என்றும் சட்டப்பிரிவு கூறுகிறது. எனவே, நாடு முழுவதும் உள்ள ஒவ்வொரு தொகுதியிலும் ஒரே மக்கள் தொகை இருக்க வேண்டும்.

இந்த விதிகளின்படி, குடியரசுத் தலைவரால் ஒரு சுதந்திரமான எல்லை நிர்ணய ஆணையம் நியமிக்கப்படுகிறது மற்றும் இந்த ஆணையம் உச்ச நீதிமன்றம் அல்லது உயர் நீதிமன்றத்தின் ஓய்வு பெற்ற நீதிபதி, தலைமைத் தேர்தல் ஆணையர் மற்றும் மாநிலத் தேர்தல் ஆணையர் ஆகியோரைக் கொண்டிருக்கும்.

தொகுதிகளை மீண்டும் வரைய அல்லது புதியவற்றை உருவாக்க மக்கள் தொகையில் ஏற்படும் மாற்றங்களை ஆணையம் ஆய்வு செய்கிறது. பொதுமக்களின் கருத்துகளைப் பெற்ற பிறகு, ஆணையம் தனது இறுதி அறிக்கையை வெளியிடுகிறது.

தொகுதி மறுவரையறையின் வரலாறு

சுதந்திரத்திற்குப் பிறகு முதல் மக்கள் தொகை கணக்கெடுப்பு நடந்த 1951 முதல், ஒவ்வொரு பத்தாண்டுகளுக்கு ஒருமுறை கணக்கெடுப்பு மேற்கொள்ளப்படுகிறது. இருப்பினும், 2021 இல், மக்கள் தொகை கணக்கெடுப்பு திட்டமிடப்பட்டபோது, கோவிட் நெருக்கடி உச்சத்தில் இருந்ததால் மோடி அரசாங்கம் அதைத் தள்ளி வைத்தது. எவ்வாறாயினும், அதன் பின்னர், முன்னோடியில்லாத தாமதத்தில், மக்கள்தொகை கணக்கெடுப்பு தொடர்ந்து ஒத்திவைக்கப்பட்டது, தற்போது வரை எப்போது நடைபெறும் என திட்டமிடப்படவில்லை.

இதன்படி, சுதந்திரம் பெற்றதில் இருந்து இதுவரை நான்கு முறை எல்லை நிர்ணய ஆணைக்குழு அமைக்கப்பட்டுள்ளது – 1952, 1963, 1973 மற்றும் 2002.

1952 ஆம் ஆண்டு எல்லை நிர்ணயப் பணியானது 500 மக்களவைத் தொகுதிகளை அதிகபட்சமாக நிர்ணயித்தது. 1952 ஆம் ஆண்டு மக்களவைத் தேர்தலில் 489 இடங்களுக்கு தேர்தல் நடைபெற்றது. 1957ல் 494 இடங்களுக்கு தேர்தல் நடந்தது.

1963 ஆம் ஆண்டில், எல்லை நிர்ணய ஆணையம் மக்களவையின் அமைப்பில் அதன் முதல் மாற்றங்களைச் செய்தது. ஒரு தொகுதிக்கு சராசரி மக்கள் தொகை 7.3 லட்சத்தில் இருந்து 8.9 லட்சமாக உயர்ந்துள்ளது என்பதைக் குறிப்பிட்டு, இறுதி ஆணை மொத்த மக்களவைத் தொகுதிகளை 522 ஆக உயர்த்தியது. இந்தச் செயல்பாட்டில், உத்தரப் பிரதேசம் ஒரு இடத்தையும், ஆந்திரப் பிரதேசம் மற்றும் பழைய மெட்ராஸ் தலா இரண்டு இடங்களையும் இழந்தன. அஸ்ஸாம், குஜராத், கர்நாடகா, கேரளா, மத்தியப் பிரதேசம், பஞ்சாப், ராஜஸ்தான், மேற்கு வங்கம் ஆகிய மாநிலங்களில் இடங்கள் அதிகரித்துள்ளன.

1973 ஆம் ஆண்டு ஆணையம், மக்கள்தொகை வளர்ச்சி மற்றும் புதிய மாநிலங்கள் உருவாக்கம் ஆகியவற்றைக் கணக்கிடுவதற்காக அதிகபட்ச மக்களவை உறுப்பினர்களின் எண்ணிக்கையை 545 ஆக உயர்த்தியது. ஆங்கிலோ-இந்திய சமூகத்தினருக்கான இரண்டு நியமனப் பதவிகள் 2019 இல் நீக்கப்பட்டாலும், அதன்பிறகும், உறுப்பினர்களின் எண்ணிக்கை மாறாமல் உள்ளது. எனவே மக்களவையின் பலம் இப்போது 543 ஆக உள்ளது.

1976ல், அவசரநிலையின் போது, அரசியலமைப்பின் 42வது திருத்தம், லோக்சபா தொகுதிகளின் எண்ணிக்கையை முடக்கியது மற்றும் 2001 மக்கள் தொகைக் கணக்கெடுப்பு வரை 25 ஆண்டுகளுக்கு தடை செய்தது. இந்திரா காந்தி தலைமையிலான காங்கிரஸ் அரசாங்கம், "குடும்பக்கட்டுப்பாட்டு கொள்கைகளை" இந்த தடைக்கு காரணம் என்று கூறியது, மேலும் பயனுள்ள மக்கள்தொகை கட்டுப்பாட்டு நடவடிக்கைகளை எடுத்த மாநிலங்களை தண்டிக்க விரும்பவில்லை என்றும் கூறியது. கருவுறுதல் விகிதங்களைக் குறைக்கவும், நாடு முழுவதும் சமநிலையை உறுதிப்படுத்தவும் மாநிலங்களுக்கு அவகாசம் வழங்க வேண்டும் என்பதே இதன் யோசனை.

ஆனால் 2001ல், அடல் பிஹாரி வாஜ்பாய் தலைமையிலான பா.ஜ.க அரசாங்கத்தின் கீழ் 84வது திருத்தம் கொண்டு வரப்பட்டு எல்லை நிர்ணயம் மேலும் 25 ஆண்டுகள் தாமதமானது. 2001 மக்கள் தொகைக் கணக்கெடுப்பின்படி மக்கள்தொகையில் ஏற்பட்ட மாற்றங்களைக் கணக்கிடுவதற்காக தொகுதி எல்லைகள் மறுவரையறை செய்யப்பட்டாலும், மொத்த மக்களவைத் தொகுதிகளும் ஒவ்வொரு மாநிலத்துக்கும் ஒதுக்கப்பட்ட இடங்களின் எண்ணிக்கையும் மாறாமல் இருந்தது. "2026 ஆம் ஆண்டிற்குப் பிறகு எடுக்கப்பட்ட முதல் மக்கள்தொகைக் கணக்கெடுப்புக்கான தொடர்புடைய புள்ளிவிவரங்கள் வெளியிடப்படும் வரை" 82வது பிரிவில் இட ஒதுக்கீட்டை இந்த திருத்தம் முடக்கியது.

2026 தொகுதி மறுவரையறை எப்படி இருக்கும்?

84வது திருத்தத்தின்படி, அடுத்த தொகுதி மறுவரையறை 2031 மக்கள் தொகை கணக்கெடுப்பின் பின்னர் நடந்திருக்கும். ஆனால் 2021 மக்கள் தொகை கணக்கெடுப்பு தாமதமாகிவிட்டதால், அது எப்போது நடக்கும் என்பது தெளிவாகத் தெரியவில்லை.

மக்கள் தொகை கணக்கெடுப்பு தொடங்கும் முன், நிர்வாக எல்லைகள் முடக்கப்பட வேண்டும். இதற்கான காலக்கெடு ஜனவரி 2024 ஆகும். நாடாளுமன்றத்தின் சிறப்பு அமர்வில் மகளிர் இடஒதுக்கீடு மசோதா மீதான விவாதத்தின் போது, 2024 மக்களவைத் தேர்தலுக்குப் பிறகு மக்கள் தொகை கணக்கெடுப்பு பணிகள் விரைவில் தொடங்கப்படும் என்று அரசாங்கம் கூறியது. இருப்பினும், இது தொடங்கப்படவில்லை, முழு மக்கள்தொகை கணக்கெடுப்பு பணியை முடிக்க இரண்டு ஆண்டுகள் வரை ஆகும்.

எந்தவொரு எல்லை நிர்ணய நடவடிக்கையும், ஒவ்வொரு பாராளுமன்றத் தொகுதியிலும் ஏறக்குறைய ஒரே மக்கள் தொகையைக் கொண்டிருக்கும் வகையில் இடங்களை ஒதுக்க முயல்கிறது. நடைமுறையில் இது அதிக மக்கள் தொகை கொண்ட மாநிலங்களில் இடங்கள் அதிகரிப்பதைக் குறிக்கிறது.

உதாரணத்திற்கு உத்தரபிரதேசத்தை எடுத்துக் கொள்ளுங்கள். 1971 மக்கள்தொகை கணக்கெடுப்பில், தற்போதைய இருக்கை ஒதுக்கீட்டின் அடிப்படையில், உத்திரபிரதேச மக்கள் தொகை 8.8 கோடி (உத்தரகாண்ட் உட்பட). சுகாதாரம் மற்றும் குடும்ப நல அமைச்சகத்தின் மக்கள்தொகைக் கணிப்புகளின்படி, உ.பி.யின் மக்கள்தொகை 2021ல் 23.1 கோடியாகவும், 2026ல் 24.3 கோடியாகவும், 2031ல் 25.1 கோடியாகவும் இருக்கும். அடுத்த மக்கள்தொகைத் தரவு அடுத்த எல்லை நிர்ணயப் பணிக்கு அடிப்படையாக அமைந்தால், மொத்த லோக்சபா தொகுதி எண்ணிக்கையில் மாற்றம் இல்லாமல், உ.பி., 14 தொகுதிகளை கைப்பற்றும் என மதிப்பிடப்பட்டுள்ளது.

மொத்த லோக்சபா இருக்கை எண்ணிக்கையில் எந்த மாற்றமும் இல்லாமல், 2026 ஆம் ஆண்டுக்கான திட்டமிடப்பட்ட மக்கள்தொகை புள்ளிவிவரங்களின்படி, ஒவ்வொரு மாநிலமும் யூனியன் பிரதேசமும் ஒரே மாதிரியாக ஒதுக்கப்பட்டால், எத்தனை மக்களவை இடங்களைப் பெறும் என்பதை கீழே உள்ள வரைபடம் காட்டுகிறது.

[வரைபடம்: 2026 மக்கள்தொகையின் அடிப்படையில் மக்களவை இடங்கள்]

மொத்த தொகுதிகளின் எண்ணிக்கை அதிகரிக்கப்படாவிட்டால், எந்தெந்த மாநிலங்கள் தங்கள் இருக்கைகளின் எண்ணிக்கையில் மிகப்பெரிய அதிகரிப்பையும் குறைவையும் காணக்கூடும் என்பதை கீழே உள்ள விளக்கப்படங்கள் காட்டுகின்றன. எட்டு மாநிலங்கள் மற்றும் யூனியன் பிரதேசங்களில் அதிக லோக்சபா இடங்கள் இருக்கும், 16 இடங்களில் குறைவான இடங்கள் இருக்கும், மேலும் 12 மாநிலங்களுக்கு இடங்களின் எண்ணிக்கை மாறாமல் இருக்கும். மக்கள்தொகை அடிப்படையில் இடங்களை மறுஒதுக்கீடு செய்வதால் வடமாநிலங்கள் அதிக பலன் பெறும் அதே வேளையில், இதுபோன்ற சூழ்நிலையில் இடங்களை இழக்கும் மாநிலங்கள் பெரும்பாலும் தெற்கில் குவிந்துள்ளன. இதில் தமிழகம் அதிகம் இழக்கலாம்.

[விளக்கப்படம்: மக்களவைத் தொகுதிகளில் மிகப்பெரிய அதிகரிப்பு]

[விளக்கப்படம்: மக்களவைத் தொகுதிகளில் மிகப்பெரிய குறைப்பு]

2019 ஆம் ஆண்டு அரசியல் விஞ்ஞானி மிலன் வைஷ்ணவ் சர்வதேச அமைதிக்கான கார்னகி எண்டோவ்மென்ட் நடத்திய ஆய்வில், 2026 ஆம் ஆண்டிற்கான மக்கள்தொகை கணிப்புகளின் அடிப்படையில் விகிதாசார பிரதிநிதித்துவத்தை உறுதிப்படுத்த, மக்களவை 848 உறுப்பினர்களாக விரிவாக்கப்பட வேண்டும், அதனால் எந்த மாநிலமும் இடங்களை இழக்காது.

source https://tamil.indianexpress.com/india/stalin-says-sword-hanging-over-south-states-what-are-the-delimitation-stakes-8758721

Read More

புகழ்ந்து பேசிய என்.ஐ.டி பேராசிரியை டீன்-ஆக நியமனம்;

 

காலிகட் தேசிய தொழில்நுட்ப நிறுவனத்தின் பேராசிரியரான டாக்டர் ஏ. ஷைஜா, கடந்த ஆண்டு மகாத்மா காந்தியின் நினைவு நாளில் நாதுராம் கோட்சேவைப் புகழ்ந்தார். (Photo/ NIT Calicut website)

கடந்த ஆண்டு மகாத்மா காந்தியின் நினைவு நாளில் நாதுராம் கோட்சேவைப் புகழ்ந்து பேசிய காலிகட் தேசிய தொழில்நுட்ப நிறுவனத்தின் பேராசிரியர் டாக்டர் ஏ. ஷைஜாவை நிறுவனத்தின் டீனாக நியமித்தது வளாகத்தில் சர்ச்சையை ஏற்படுத்தியுள்ளது

டாக்டர் ஷைஜாவை டீனாக (திட்டமிடல் மற்றும் மேம்பாடு) நியமித்த முடிவை ஏப்ரல் மாதம் முதல் திரும்பப் பெறக் கோரி நிறுவனத்தில் போராட்டம் நடத்தப்போவதாக காங்கிரஸ் தெரிவித்துள்ளது.

டாக்டர் ஷைஜா தற்போது காலிகட் என்ஐடியில் இயந்திர பொறியியல் துறையில் பேராசிரியராக உள்ளார். 2024-ம் ஆண்டு காந்தியின் நினைவு நாளில், அவர் பேஸ்புக்கில், “இந்தியாவைக் காப்பாற்றியதற்காக கோட்சேவைப் பற்றி பெருமைப்படுகிறேன்” என்று பதிவிட்டார். “இந்தியாவில் பலரின் நாயகன் இந்து மகாசபை ஆர்வலர் நாதுராம் கோட்சே” என்று ஒரு வழக்கறிஞர் எழுதிய பதிவில் அவர் கருத்து தெரிவித்தார்.

பின்னர் ஷைஜா அந்தக் கருத்தை நீக்கினார், ஆனால் அந்த ஸ்கிரீன் ஷாட்கள் பரவலாகப் பரப்பப்பட்டன. அவர் மீதான புகார்களின் பேரில், கோழிக்கோடு நகர போலீசார் ஷைஜா மீது ஐ.பி.சி பிரிவு 153 (கலவரத்தை ஏற்படுத்தும் நோக்கத்துடன் வேண்டுமென்றே தூண்டுதல்) கீழ் வழக்குப் பதிவு செய்தனர்.

பல்வேறு இடதுசாரி மற்றும் காங்கிரஸ் அமைப்புகளும் அவரை நிறுவனத்திலிருந்து நீக்க வேண்டும் என்று கோரிக்கை விடுத்தன.

அப்போது, ​​அவர், “காந்திஜியின் கொலையைப் பாராட்டுவதற்காக நான் கருத்து தெரிவிக்கவில்லை. நான் ஒருபோதும் அவ்வாறு செய்ய விரும்பவில்லை. கோட்சேவின் “நான் காந்தியைக் கொன்றது ஏன்” என்ற புத்தகத்தைப் படித்திருந்தேன். கோட்சே ஒரு சுதந்திரப் போராட்ட வீரரும் கூட. அவரது புத்தகத்தில் சாமானிய மக்களுக்குத் தெரியாத பல தகவல்களும் வெளிப்பாடுகளும் உள்ளன. கோட்சே தனது புத்தகத்தில் நமக்கு அறிவூட்டியுள்ளார். இந்தப் பின்னணியில், வழக்கறிஞரின் பேஸ்புக் பதிவில் நான் கருத்து தெரிவித்திருந்தேன். மக்கள் எனது கருத்தைத் திரித்துக் கூறத் தொடங்கியுள்ளதை உணர்ந்தபோது, ​​அதை நீக்கிவிட்டேன்” என்று கூறியிருந்தார்.

அவரை புதன்கிழமை தொடர்பு கொண்டபோது, ​​டாக்டர் ஷைஜா சமீபத்திய முன்னேற்றம் குறித்து கருத்து தெரிவிக்க விரும்பவில்லை என்று கூறினார்.

காங்கிரஸ் கோழிக்கோடு மாவட்டக் குழுத் தலைவர் பிரவீன் குமார், அவரது டீன் நியமனத்தை ரத்து செய்ய வேண்டும் என்றார். “மத்திய அரசின் கீழ் உள்ள நிறுவனங்களில் ஆர்.எஸ்.எஸ் நிகழ்ச்சி நிரல் செயல்படுத்தப்படுவதை இது காட்டுகிறது. காந்திஜியை அவமதித்த ஒரு பேராசிரியருக்கு பதவி உயர்வு வழங்கப்படுகிறது. அவரது நியமனம் திரும்பப் பெறப்படும் வரை நாங்கள் போராட்டத்தைத் தொடங்குவோம்” என்று அவர் கூறினார்.

source https://tamil.indianexpress.com/india/professor-nit-calicut-appointed-dean-nathuram-godse-congress-8759363

Read More

தொகுதி மறுசீரமைப்பு: வடமாநிலங்களில் தொகுதிகளை அதிகரிப்பது தமிழ்நாட்டிற்கு அநீதி - ஆ. ராசா

 

சென்னை அண்ணா அறிவாலயத்தில் தி.மு.க துணைப் பொதுச்செயலாளர் ஆ.ராசா, என்.ஆர்.இளங்கோ கூட்டாக செய்தியாளர்களைச் சந்தித்து பேசினர்.

தொகுதி மறுசீரமைப்பு என்பது மக்கள் தொகையின் அடிப்படையில் இருக்கக்கூடாது என்றும் வடமாநிலங்களில் தொகுதிகளின் எண்ணிக்கையை அதிகரிப்பது என்பது தமிழ்நாட்டிற்கு இழைக்கப்படும் அநீதி என்றும் தி.மு.க துணைப் பொதுச்செயலாளர் ஆ.ராசா கூறியுள்ளார்.

மேலும், மக்களவை தொகுதி மறுசீரமைப்பு செய்தால் நாடாளுமன்றத்தில் தென்மாநிலங்கள் பிரதிநிதித்துவத்தை இழக்கும் என்று ஆ. ராசா கூறினார். தற்போதைய மக்கள் தொகை அடிப்படையில் தொகுதி உயருமா அல்லது விகிதாச்சார அடிப்படையில் உயருமா? என்று கேள்வி எழுப்பிய ஆ.ராசா, மக்கள் தொகை அடிப்படையில் மட்டுமே தொகுதி மறுசீரமைப்பு செய்யக் கூடாது எனவும் தெரிவித்துள்ளார்.

சென்னை அண்ணா அறிவாலயத்தில் தி.மு.க துணைப் பொதுச்செயலாளர் ஆ.ராசா, என்.ஆர்.இளங்கோ கூட்டாக செய்தியாளர்களைச் சந்தித்து பேசினர்.

அப்போது, மக்களவைத் தொகுதிகள் மறுசீரமைப்பு தொடர்பாக ஆ. ராசா கூறியதாவது:

தொகுதி மறுசீரமைப்பு என்பது மக்கள் தொகையின் அடிப்படையில் இருக்கக்கூடாது. தொகுதி விகிதாச்சாரமா ? மக்கள் தொகை விகிதாச்சாரமா ? குழப்பமாக உள்ளது.

தொகுதி மறுசீரமைப்பு குறித்து மத்திய உள்துறை அமைச்சர் அமித்ஷா கூறியுள்ள பதில் குழப்பமாக உள்ளது. அவர் தெளிவான பதிலை அளிக்கவில்லை.

வடமாநிலங்களில் தொகுதிகளின் எண்ணிக்கையை அதிகரிப்பது என்பது தமிழ்நாட்டிற்கு இழைக்கப்படும் அநீதி. எங்களுடைய மக்களவை தொகுதி எண்ணிக்கை குறையக் கூடாது என்பது மட்டுமல்ல, எங்களுக்கு அதே எண்ணிக்கையை வைத்துவிட்டு வடமாநிலங்களுக்கு மட்டும் அதிக எண்ணிக்கையில் கொடுத்தாலும் அநீதிதான்.” என்று ஆ.ராசா கூறினார். 

“மத்திய அரசு கூறியதை ஏற்று மக்கள் தொகை எண்ணிக்கையை குறைத்த தமிழ்நாட்டிற்கு தரும் தண்டனையா இது. மக்கள் தொகை அதிகமுள்ள மாநிலங்களுக்கு அதிக எம்.பி சீட்டுகள் கிடைக்கும். நாடாளுமன்றத்தில் வடமாநிலங்களுக்கு மட்டுமே அதிக பிரதிநிதித்துவம் கிடைக்கும். மக்கள் தொகையை கட்டுப்படுத்தி இருக்கிறோம். அதனால் வளர்ச்சிப் பணிகளில் முன்னேறி இருக்கிறோம். பல்துறைகளில் தமிழ்நாடு நம்பர் ஒன் இடத்தில் இருக்கிறது. இப்படி முன்னேறி இருக்கும்போது சட்டப்படி எங்களை தண்டிப்பது ஜனநாயகத்திற்கு உகந்தது அல்ல.” என்று ஆ. ராசா கூறினார்.

source https://tamil.indianexpress.com/tamilnadu/dmk-mp-a-raja-delimitation-and-increasing-seats-northern-states-injustice-to-tamil-nadu-8759661

Read More

NEET PG 2024; முதுகலை நீட் தேர்வு கட் ஆஃப் சதவீதம் மீண்டும் குறைப்பு

 

மருத்துவ கவுன்சலிங் கமிட்டி (MCC) தேசிய தகுதி மற்றும் நுழைவுத் தேர்வு முதுகலை (NEET PG) 2024க்கான தகுதி சதவீதத்தை மீண்டும் குறைத்துள்ளது. நீட் பி.ஜி தேர்வு தகுதிச் சதவீதம் அனைத்துப் பிரிவுகளுக்கும் ஐந்தாவது சதவீதமாகக் குறைக்கப்பட்டுள்ளது.

இது தொடர்பாக வெளியிடப்பட்ட மருத்துவ கவுன்சலிங் கமிட்டி அறிக்கை கூறியது: “06.01.2025 தேதியிட்ட தேசிய மருத்துவ அறிவியல் தேர்வு வாரிய (NBEMS) அறிவிப்பின் தொடர்ச்சியாகவும், சுகாதாரம் மற்றும் குடும்ப நல அமைச்சகத்தின் வழிகாட்டுதலின்படியும், 2025 பிப்ரவரி 20 தேதியிட்ட கடிதம் எண். U. 12021/05/2024-MEC என்ற கடிதத்தில் நீட் பி.ஜி 2024 தேர்வுக்கான குறைந்தபட்ச தகுதி சதவீதம் பின்வருமாறு குறைக்கப்பட்டுள்ளது..”

பொது/ இ.டபுள்யூ.எஸ், பொது/மாற்றுத்திறனாளி மற்றும் எஸ்.சி/ எஸ்.டி/ ஓ.பி.சி (SC/ST/OBC) (மாற்றுத்திறனாளி உட்பட) ஆகியவற்றில் உள்ள விண்ணப்பதாரர்களுக்கான குறைந்தபட்ச தகுதி சதவீதம் 5வது சதவீதமாகும். இருப்பினும், ஆகஸ்ட் 23, 2024 அன்று வெளியிடப்பட்ட நீட்-பி.ஜி 2024 தரவரிசை மற்றும் சதவீத மதிப்பெண்ணில் எந்த மாற்றமும் இல்லை என்று தேசிய மருத்துவ அறிவியல் தேர்வு வாரியம் தெரிவித்துள்ளது.

இந்த ஆண்டின் தொடக்கத்தில், தேசிய மருத்துவ கவுன்சில் அனைத்து பிரிவுகளுக்கும் கட்-ஆஃப் சதவீதத்தைக் குறைத்தது. பொது மற்றும் இ.டபுள்யூ.எஸ் பிரிவு மாணவர்கள் 15 சதவீதம் மற்றும் அதற்கு மேல் மதிப்பெண் பெற்றவர்கள் கவுன்சிலிங்கில் பங்கேற்க தகுதி பெற்றனர். எஸ்.சி, எஸ்.டி, ஓ.பி.சி மற்றும் மாற்றுத்திறனாளி பிரிவைச் சேர்ந்த மாணவர்களுக்கு ஜனவரியில் அறிவிக்கப்பட்ட நீட் முதுகலை கவுன்சிலிங்கிற்குத் தகுதி பெறுவதற்குத் தேவையான திருத்தப்பட்ட கட்-ஆஃப் 10 சதவிகிதம் மற்றும் அதற்கு மேல் இருக்க வேண்டும்.

நீட் முதுகலை கட்-ஆஃப் சதவீதம் பொதுப் பிரிவினருக்கு 50 சதவீதமாகவும், மாற்றுத்திறனாளி பிரிவினருக்கு 45 சதவீதமாகவும், இடஒதுக்கீட்டு பிரிவு மாணவர்களுக்கு 40 சதவீதமாகவும் இருந்தது.

கடந்த ஆண்டு, அனைத்து பிரிவுகளிலும் நீட் முதுகலை தகுதி சதவீதம் பூஜ்ஜியமாகக் குறைக்கப்பட்டது. பொதுப் பிரிவினருக்கான நீட் பி.ஜி கட்-ஆஃப் 2022ல் 50வது சதவீதத்தில் இருந்து 35வது சதவீதமாக குறைக்கப்பட்டது. பொதுப் பிரிவு மாற்றுத்திறனாளிகளுக்கான கட்-ஆஃப் 45 சதவீதத்திலிருந்து 20 சதவீதமாகவும், எஸ்.சி, எஸ்.டி மற்றும் ஓ.பி.சி.,யின் (மாற்றுத்திறனாளிகள் உட்பட) கீழ் உள்ள மாணவர்களுக்கான கட்-ஆஃப் 40 சதவீதமாக குறைக்கப்பட்டது.

source https://tamil.indianexpress.com/education-jobs/neet-pg-2024-minimum-qualifying-percentile-reduced-again-8759240

Read More

பாவ மீட்சி தரும் ரமலான்

பாவ மீட்சி தரும் ரமலான் மசூத் உஸ்மானி பேச்சாளர்,TNTJ TNTJ,தலைமையக ஜுமுஆ - 21.02.2025

Read More

ஈடேற்றம் தரும் இறையில்ல தொடர்பு..

ஈடேற்றம் தரும் இறையில்ல தொடர்பு.. ஆர்.அப்துல் கரீம் M.I.Sc மாநிலத்தலைவர்,TNTJ ஆவடி ஜுமுஆ - 21.02.2025 திருவள்ளூர் மேற்கு மாவட்டம்

Read More

இறைச்செய்தியை இறுகப்பற்றுவோம்!

இறைச்செய்தியை இறுகப்பற்றுவோம்! அ.சபீர் அலி மாநிலச் செயலாளர் சத்திய முழக்க மாநாடு - 09 .02 .2025 திருவள்ளூர் மேற்கு மாவட்டம் - பூந்தமல்லி

Read More

கல்வி நிதி எங்கே? -

கல்வி நிதி எங்கே? - மாணவர்களின் எதிர்காலத்தை பாழாக்கும் பாஜக! ஆர்.அப்துல் கரீம் M.I.Sc மாநிலத்தலைவர்,TNTJ ஆவடி ஜுமுஆ - 21.02.2025 திருவள்ளூர் மேற்கு மாவட்டம்

Read More

கண்ணேறு தொடர்பான செய்தியை தவ்ஹீத் ஜமாஅத் ஏற்றுக் கொண்டதா?

கண்ணேறு தொடர்பான செய்தியை தவ்ஹீத் ஜமாஅத் ஏற்றுக் கொண்டதா? M.A.அப்துர் ரஹ்மான்M.I.Sc (TNTJ, பேச்சாளர்) 25.02.2025

Read More

ரமலானுக்கு அடுத்து நன்மைகள் செய்வதற்குரிய சிறப்புமிக்க மாதம் ஷஅபான் மாதமா?

ரமலானுக்கு அடுத்து நன்மைகள் செய்வதற்குரிய சிறப்புமிக்க மாதம் ஷஅபான் மாதமா? எம்.எஸ்.சுலைமான் தணிக்கைக்குழுத்தலைவர்,TNTJ இஸ்லாம் ஓர் எளிய மார்க்கம் - 28.01.2024 பஹ்ரைன் மண்டலம்

Read More

முஸ்லிம்கள் ரஜப், ஷஅபான் மாதங்களில் கூடுதல் அமல்கள் செய்கிறார்களே இது மார்கத்தில் உள்ளதா?

முஸ்லிம்கள் ரஜப், ஷஅபான் மாதங்களில் கூடுதல் அமல்கள் செய்கிறார்களே இது மார்கத்தில் உள்ளதா? எம்.எஸ்.சுலைமான் தணிக்கைக்குழுத்தலைவர்,TNTJ இஸ்லாம் ஓர் எளிய மார்க்கம் - 28.01.2024 பஹ்ரைன் மண்டலம்

Read More

மனிதனை வழிகெடுக்கும் ஷைத்தானை அல்லாஹ் படைக்காமல் இருந்திருக்கலாமே?

மனிதனை வழிகெடுக்கும் ஷைத்தானை அல்லாஹ் படைக்காமல் இருந்திருக்கலாமே? எம்.எஸ்.சுலைமான் தணிக்கைக்குழுத்தலைவர்,TNTJ இஸ்லாம் ஓர் எளிய மார்க்கம் - 28.01.2024 பஹ்ரைன் மண்டலம்

Read More

அநீதிக்கு உள்ளாக்கப்படும் முஸ்லிம் சமூகம்

அநீதிக்கு உள்ளாக்கப்படும் முஸ்லிம் சமூகம் ஏ.முஜீபுர்ரஹ்மான் மாநிலப்பொதுச் செயலாளர்,TNTJ ஓரிறைக்கொள்கை விளக்க மாநாடு - 15.02.2025 திருவாரூர் மாவட்டம் - அடியக்கமங்களம்

Read More

இஸ்லாம் மனைவியை அடிக்க சொல்கிறதா?

இஸ்லாம் மனைவியை அடிக்க சொல்கிறதா? ஏ.கே.அப்துர்ரஹீம் மாநிலத் துணைப் பொதுச் செயலாளர் ,TNTJ 22-02.2025

Read More

மும்மொழி திணிப்பு என்பது திட்டமிட்ட கலாச்சார அழிப்பு முயற்சி

மும்மொழி திணிப்பு என்பது திட்டமிட்ட கலாச்சார அழிப்பு முயற்சி K.ரஃபீக் முஹம்மது மாநிலச் செயலாளர்,TNTJ செய்தியும் சிந்தனையும் - 25.02.2025

Read More

தேசிய கல்விக் கொள்கையை ஏற்றுக் கொண்டால்தான் நிதி தருவோம் என்று சொல்வதற்கு என்ன உரிமை இருக்கிறது?” – சிபிஐ(எம்) மாநில செயலாளர் சண்முகம் கேள்வி!

 

25 2 25

தமிழ்நாடு விவசாயிகள் சங்கத்தின் மாநில குழு கூட்டம் கடலூர் சூரப்பநாயக்கன்
சாவடியில் உள்ள மார்க்சிஸ்ட் கம்யூனிஸ்ட் கட்சி அலுவலகத்தில் நடைபெற்றது. இந்த மாநில குழு கூட்டத்தில், கடலூர் மாவட்டத்தை பேரிடர் மாவட்டமாக அறிவித்து, சிறப்பு நிதி ஒதுக்கீடு செய்து, விவசாயிகளுக்கு நிவாரணம் வழங்க வேண்டும்.

வெள்ளக்கரை ஊராட்சிக்கு உள்ளிட்ட மலையடிக்குப்பம்,பெத்தான் குப்பம்,கொடுக்கன்பாளையம் ஆகிய கிராமங்களில் 5 தலைமுறைகளாக வாழ்ந்து வரும் விவசாயிகளை சட்டவிரோதமாக மிரட்டி, நிலங்களை விட்டு வெளியேற்ற நினைக்கும் கடலூர் மாவட்ட நிர்வாகத்தின் நடவடிக்கைகளை தடுத்திட வேண்டும் போன்ற கோரிக்கைகளை முன்னிறுத்தி தீர்மானம் நிறைவேற்றப்பட்டது.

தொடர்ந்து செய்தியாளர்களை சந்தித்த மார்க்சிஸ்ட் கம்யூனிஸ்ட் கட்சியின் மாநில செயலாளரும், தமிழ்நாடு விவசாயிகள் சங்கத்தின் மாநிலத் தலைவருமான சண்முகம்,

“கல்விக் கொள்கையை ஏற்றுக் கொண்டால்தான் நிதி தருவோம் என்று சொல்வதற்கு என்ன உரிமை இருக்கிறது?. அரசியல் சாசனம் சொல்வது
படி அவரவர்கள் எல்லைக்குள் நடந்து கொண்டால் நல்லது. மீறி நடந்து கொண்டால் மோதல் போராட்டம் நடக்கும்” என தெரிவித்தார்.

மேலும் கடலூரில் அரசு கையகப்படுத்தும் நிலத்தில் தோல் தொழிற்சாலை கொண்டு வந்தால் அதை முற்றிலுமாக மார்க்சிஸ்ட் கம்யூனிஸ்ட் கட்சி எதிர்க்கும் என அவர் திட்டவட்டமாக தெரிவித்தார்.

source https://news7tamil.live/what-right-do-we-have-to-say-that-we-will-provide-funds-only-if-the-national-education-policy-is-accepted-cpim-state-secretary-shanmugam-questions.html

Read More

எம்.எல்.ஏ வீட்டில் லஞ்ச ஒழிப்பு துறை ரெய்டு; செங்கோட்டையன் - எஸ்.பி வேலுமணி சந்திப்பு

 

கோவை மாநகர் மாவட்ட செயலாளரும் வடக்கு சட்டமன்ற உறுப்பினருமான அம்மன் கே அர்ச்சுனன் வீட்டில் லஞ்ச ஒழிப்பு துறை அதிகாரிகள் சோதனை மேற்கொண்டு வரும் நிலையில், எஸ்.பி வேலுமணி, மற்றும் செங்கோட்டையன் ஆகியோர் நேரில் சந்தித்து அம்மன் அர்ச்சுணனிடம் சோதனை குறித்த விவரங்களை கேட்டறிந்தார்.

கோவை மாநகர மாவட்ட செயலாளரும் வடக்கு சட்டமன்ற உறுப்பினருமான அம்மன் கே. அர்ச்சுனன் வீட்டில் இன்று லஞ்ச ஒழிப்பு துறை சோதனை நடத்தி வருகிறது. 

இந்த நிலையில் முன்னாள் அமைச்சரும் அ.தி.மு.க தலைமை நிலைய செயலாளருமான எஸ்.பி வேலுமணி மற்றும் முன்னாள் அமைச்சர் செங்கோட்டையன் ஆகியோர் அம்மன் கே அர்ச்சுணனை நேரில் சந்தித்து சோதனை குறித்த விவரங்களை கேட்டறிந்தனர். மேலும், அங்கு கூடியிருந்த கழக தொண்டர்களையும் சந்தித்து நீண்டநேரம் உரையாடினார்.

25 2 25 

மேலும் சட்டமன்ற உறுப்பினர்கள் பொள்ளாச்சி வ.ஜெயராமன், செ.தாமோதரன், பி.ஆர்.ஜி.அருண்குமார், ஏ.கே செல்வராஜ், கே.ஆர்.ஜெயராம், வி.பி.கந்தசாமி ஆகியோரும் அம்மன் அர்சுணனை சந்தித்து பேசினார்கள்.

source https://tamil.indianexpress.com/tamilnadu/sengottaiyan-and-sp-velumani-met-admk-mla-house-amid-dvac-raid-8756183

Read More

இந்திய பஞ்சாயத்துகளின் நிலை; அரசாங்க ஆய்வு கூறும் முக்கிய தகவல்கள்

 

இந்தியாவில் உள்ள பஞ்சாயத்துகளின் நிலை

புலேரா என்ற கற்பனை கிராமம் அமைக்கப்பட்டு, நகரத்தில் பிறந்து வளர்ந்த கதாநாயகன், பஞ்சாயத்தை நடத்த அங்கு சென்று அதனுடன் வரும் தடைகளை எதிர்கொள்வது போல் கதை ஒன்று நடத்தப்பட்டது. 

ஒரு வட இந்திய கிராமத்தின் வாழ்க்கையையும், உள்ளாட்சி அமைப்பை நடத்துவதில் உள்ள சிரமங்களையும் நகைச்சுவையுடன் பஞ்சாயத்து பதிவு செய்கிறது. இந்த மாதம் வெளியிடப்பட்ட ஒரு அரசாங்க அறிக்கை, இந்தியாவில் பஞ்சாயத்துகள் எதிர்கொள்ளும் சவால்களை வெளிப்படுத்துகிறது மற்றும் இந்த அமைப்புகளுக்கு அதிகாரங்களையும் பொறுப்புகளையும் பகிர்ந்தளிக்கும்போது ஒவ்வொரு மாநிலமும் எவ்வாறு செயல்பட்டன என்பதை பகுப்பாய்வு செய்தது.

இந்திய பொது நிர்வாக நிறுவனம் (IIPA) நடத்திய ஆய்வின் அடிப்படையில் மத்திய பஞ்சாயத்து ராஜ் அமைச்சகம் வெளியிட்ட 2024 குறியீட்டில், கர்நாடகா, கேரளா மற்றும் தமிழ்நாடு முதலிடத்திலும், உத்தரபிரதேசம் மற்றும் பீகார் மிகப்பெரிய முன்னேற்றத்தையும் பதிவு செய்துள்ளன.

கட்டமைப்பு, செயல்பாடுகள், நிதி, செயல்பாட்டாளர்கள், திறன் மேம்பாடு மற்றும் பொறுப்புக்கூறல் ஆகிய ஆறு அளவுருக்களில் பஞ்சாயத்து அமைப்பின் செயல்திறனை அளவிட இந்தியா முழுவதும் 68 மாவட்டங்களில் உள்ள 172 பஞ்சாயத்துகளை ஐ.ஐ.பி.ஏ ஆய்வு செய்தது.

இவற்றைப் பயன்படுத்தி, ஐஐபிஏ பஞ்சாயத்து அதிகாரப் பகிர்வு குறியீட்டை (பி.டி.ஐ) உருவாக்கியது, இது மாநிலங்களை 0 முதல் 100 வரையிலான அளவில் மதிப்பெண் பெற்றது. இந்த குறியீடு கடைசியாக 2014 இல் வெளியிடப்பட்டது, கடந்த தசாப்தத்தில், தேசிய சராசரி மதிப்பெண் 39.92 இலிருந்து 43.89 ஆக உயர்ந்தது.

2013-14 ஆம் ஆண்டில் மகாராஷ்டிரா, கேரளா, கர்நாடகா, தமிழ்நாடு, சத்தீஸ்கர் ஆகிய மாநிலங்கள் அதிக மதிப்பெண் பெற்றன. அப்போதிருந்து, 18 மாநிலங்கள் மற்றும் யூனியன் பிரதேசங்கள் தங்கள் மதிப்பெண்களை மேம்படுத்தியுள்ளன, 11 சரிவுகளைப் பதிவு செய்துள்ளன.

சமீபத்திய குறியீட்டில், மணிப்பூர், அருணாச்சல பிரதேசம் மற்றும் ஜார்க்கண்ட் ஆகியவை குறைந்த மதிப்பெண் பெற்ற மாநிலங்களாக உள்ளன. அதே நேரத்தில் மணிப்பூர், அருணாச்சல பிரதேசம் மற்றும் ஹரியானா ஆகியவை கடந்த தசாப்தத்தில் மிகப்பெரிய சரிவைக் கண்டுள்ளன. முதல் 10 மாநிலங்களில், மகாராஷ்டிரா மட்டுமே ஒட்டுமொத்தமாக நான்காவது இடத்தில் இருந்தாலும் சரிவைக் கண்டது.

இந்தச் செய்தியை ஆங்கிலத்தில் படிக்க கிளிக் செய்யவும்...

2024 ஆம் ஆண்டு நிலவரப்படி, இந்தியாவில் 2.62 லட்சம் பஞ்சாயத்துகள் உள்ளன, இது 2013-14 இல் 2.48 லட்சமாக இருந்தது. 2013-14 மற்றும் 2024 ஆம் ஆண்டுகளில், உத்தரபிரதேசம், மகாராஷ்டிரா மற்றும் மத்தியப் பிரதேசம் ஆகியவை அதிக பஞ்சாயத்துகளைப் பதிவு செய்தன.

ஆனால் ஒரு பஞ்சாயத்துக்கு சராசரி கிராமப்புற மக்கள்தொகை அடிப்படையில், 2024 ஆம் ஆண்டில் தேசிய சராசரி 4,669 ஆக இருந்தது (2013-14 ல் 3,087 ஆக இருந்தது), மேற்கு வங்கம், அசாம் மற்றும் பீகார் ஆகியவை அதிக மக்கள் தொகை கொண்ட பஞ்சாயத்துகளைக் கொண்டிருந்தன. 2013-14 ஆம் ஆண்டில், கேரளாவில் நாட்டிலேயே அதிக மக்கள் தொகை கொண்ட பஞ்சாயத்துகள் இருந்தன.

பெரும்பாலான மாநிலங்களில் உள்ள பஞ்சாயத்துகளில் பெண்களுக்கு 50% ஒதுக்கீடு இருந்தாலும், ஏழு மாநிலங்கள் மற்றும் யூனியன் பிரதேசங்கள் அந்தந்த இட ஒதுக்கீட்டு வரம்பிற்குக் கீழே உள்ளன. அவற்றில் மத்தியப் பிரதேசம், ஹரியானா, பஞ்சாப் மற்றும் திரிபுரா ஆகியவை அடங்கும்.

இருப்பினும், 21 மாநிலங்கள் மற்றும் யூனியன் பிரதேசங்கள் இடஒதுக்கீடு வரம்பில் அல்லது அதற்கு மேல் உள்ளன. பஞ்சாயத்து பிரதிநிதிகளில் பெண்களின் அதிக விகிதம் ஒடிசாவில் 61.51%, இமாச்சலப் பிரதேசத்தில் 57.5%, தமிழ்நாடு 57.32% ஆக உள்ளது.

மாநிலங்களில், உ.பி.யில் பெண் பிரதிநிதிகளின் மிகக் குறைந்த விகிதம் 33.33% ஆகும், ஆனால் மாநில விதிகள் பெண்களுக்கு மூன்றில் ஒரு பங்கு இட ஒதுக்கீட்டை மட்டுமே வழங்குகின்றன.

பெண் பிரதிநிதிகளின் தேசிய சராசரி விகிதம் 46.44% ஆகும், இது 2013-14 ல் 45.9% ஆக இருந்தது. 2013-14 ஆம் ஆண்டில் 50% அல்லது அதற்கு மேற்பட்ட பெண் பிரதிநிதிகளைக் கொண்ட 11 மாநிலங்கள் இருந்தன, 2024 இல் இதுபோன்ற 16 மாநிலங்கள் இருந்தன.

பட்டியல் சாதியினர் (எஸ்சி), பட்டியல் பழங்குடியினர் (எஸ்டி) மற்றும் பிற பிற்படுத்தப்பட்ட வகுப்பினருக்கு (ஓபிசி) வரையறுக்கப்பட்ட இடஒதுக்கீடு இல்லை என்றாலும், பஞ்சாயத்துகளில் எஸ்சி பிரதிநிதிகளின் அதிக விகிதம் பஞ்சாபில் 36.34 சதவீதமாகவும், சத்தீஸ்கரில் அதிக எஸ்டி பிரதிநிதிகளின் பங்கு 41.04% ஆகவும், பீகார் அதிக ஓபிசி பிரதிநிதித்துவம் 39.02% ஆகவும் உள்ளது என்று ஐஐபிஏ ஆய்வு தெரிவித்துள்ளது. இந்த குழுக்களுக்கான தேசிய சராசரி பிரதிநிதித்துவம் எஸ்சிக்கு 18.03%, எஸ்டிகளுக்கு 16.22% மற்றும் ஓபிசிகளுக்கு 19.15% ஆகும்.

2013-14 ஆம் ஆண்டிலும், பஞ்சாபில் அதிகபட்சமாக எஸ்சி பிரதிநிதித்துவம் 32.02% ஆக இருந்தது. ஓபிசி பிரதிநிதித்துவத்தில், 2013-14 ல் ஆந்திரா 34% உடன் முதலிடத்தில் இருந்தது. அருணாச்சல பிரதேசம் 2024 ஆம் ஆண்டிற்கான புள்ளிவிவரங்களை தெரிவிக்கவில்லை என்றாலும், அதன் பஞ்சாயத்து பிரதிநிதிகள் அனைவரும் 2013-14 ஆம் ஆண்டில் எஸ்.டி.க்கள்.

நிலையான நிதி மற்றும் உள்கட்டமைப்பு ஆகியவை பஞ்சாயத்துகள் எதிர்கொள்ளும் மிகப்பெரிய சவால்களில் ஒன்றாகும் என்று சுயாதீன ஆய்வுகள் கண்டறிந்துள்ளன.

2023-24 ஆம் ஆண்டில், மாநில அரசுகள் பஞ்சாயத்துகளுக்கு ரூ .47,018 கோடியை ஒதுக்கியுள்ளன, ஆனால் நவம்பர் 2023 நிலவரப்படி ரூ .10,761 கோடி மட்டுமே விடுவிக்கப்பட்டுள்ளது. 2022-21 ஆம் ஆண்டில், மாநிலங்கள் ரூ .46,513 கோடியை ஒதுக்கின, அதில் ரூ .43,233 கோடி விடுவிக்கப்பட்டது.

சில மாநிலங்களில் உள்ள பஞ்சாயத்துகளில் அடிப்படை உள்கட்டமைப்பு இல்லை. ஏழு மாநிலங்கள் மற்றும் யூனியன் பிரதேசங்கள் மட்டுமே தங்கள் பஞ்சாயத்து அலுவலகங்களில் 100% பக்கா கட்டிடங்கள் என்று தெரிவித்தன.

அதே நேரத்தில் 21 மாநிலங்கள் மற்றும் யூனியன் பிரதேசங்களில், குறைந்தது நான்கில் மூன்று பங்கு பஞ்சாயத்து அலுவலகங்கள் பக்கா கட்டிடங்களாக இருந்தன. அருணாச்சல பிரதேசத்தில் மிகக் குறைந்த பக்கா கட்டிடங்கள் 5% ஆகவும், ஒடிசாவில் 12% ஆகவும் இருந்தன.

12 மாநிலங்கள் மற்றும் யூனியன் பிரதேசங்கள் தங்கள் பஞ்சாயத்துகளில் 100% கணினிகள் வைத்திருப்பதாக தெரிவித்தன, ஆனால் அருணாச்சலத்தில் எந்த பஞ்சாயத்திலும் கணினிகள் இல்லை, ஒடிசாவில் 13% மட்டுமே உள்ளது. 14 மாநிலங்கள் மற்றும் யூனியன் பிரதேசங்கள் பஞ்சாயத்துகளில் 100% இணைய அணுகலைப் புகாரளித்துள்ள நிலையில், ஹரியானாவில் எந்த பஞ்சாயத்தும் இணைய அணுகலைப் புகாரளிக்கவில்லை என்று அறிக்கை தெரிவிக்கிறது.

source https://tamil.indianexpress.com/india/panchayats-states-india-government-study-data-8750787

Read More

மதுரையில் பத்திரப்பதிவில் லஞ்சம்: திருமங்கலம் சார் பதிவாளர் கைது

 

மதுரை மாவட்டம், திருமங்கலம் ஜவஹர் தெருவைச் சேர்ந்த செந்தில்குமார். ஒரு சாப்ட்வேர் பொறியாளரான இவர் கிழவநேரியில் 3.18 ஏக்கர் நிலம் வாங்கினார். இந்த நிலத்தை பதிவு செய்ய திருமங்கலம் பத்திரப்பதிவு அலுவலகம் சார் பதிவாளர் (பொறுப்பு) பாண்டியராஜனை அணுகினார். ஆனால், நிலத்தின் மூலப்பத்திரம் காணாமல் போனதாக தேனி தென்கரை ஸ்டேஷனில் வழக்குப் பதிவு செய்யப்பட்டிருந்தது.

இதன் உண்மை தன்மை குறித்து விசாரணை செய்யாமல், நிலப் பதிவு செய்ய ரூ.1 லட்சம் லஞ்சம் கேட்டதாக புகார் எழுந்தது. செந்தில்குமார் லஞ்சம் வழங்க மறுத்தபோதிலும், "ரூ.1 லட்சம் வழங்கினால் மட்டுமே பதிவு செய்யலாம்" என பதிவாளர் தெரிவித்ததாக கூறப்படுகிறது. பின்னர் பேச்சுவார்த்தையில், இந்த தொகை ரூ.70 ஆயிரமாக குறைக்கப்பட்டது. இதனை பத்திர எழுத்தர் பாலமணிகண்டனின் வங்கி கணக்கில் செலுத்துமாறு கூறினார்.

செந்தில்குமார் இதனை செலுத்தியதை அறிந்த லஞ்ச ஒழிப்பு போலீசார் நடவடிக்கை மேற்கொண்டு, சார் பதிவாளர் பாண்டியராஜன் மற்றும் பாலமணிகண்டனை கைது  செய்தனர்.

source https://tamil.indianexpress.com/tamilnadu/madurai-thirumangalam-register-arrest-for-bribery-complaint-8753592

Read More

ஜாக்டோ- ஜியோ போராட்டம் நடத்த தடை: மதுரை ஐகோர்ட் அதிரடி உத்தரவு

 

24 2 25 

ஜாக்டோ-ஜியோ அமைப்பினரின் சாலை மறியல் போராட்டத்துக்கு தடை கோரி வழக்கு தொடரப்பட்ட நிலையில், போராட்டத்துக்கு இடைக்காலத் தடை விதித்து உயர்நீதிமன்ற மதுரை கிளை உத்தரவிட்டுள்ளது.

தூத்துக்குடி மாவட்டம் திருச்செந்தூரைச் சேர்ந்த ராம்குமார் ஆதித்தன், உயர் நீதிமன்ற மதுரை அமர்வில் தாக்கல் செய்த மனுவில், “திருச்சியில் பிப்.4-ல் அரசு ஊழியர்கள் மற்றும் ஆசிரியர்கள் கூட்டமைப்பான ஜாக்டோ - ஜியோ மாநில அளவிலான கூட்டத்தில் கோரிக்கைகைளை வலியுறுத்தி அனைத்து தாலுகா தலைநகரங்களிலும் நாளை (பிப்.25) வேலை நிறுத்தம் மற்றும் சாலை மறியல் போராட்டம் நடத்தப்படும் என அறிவிக்கப்பட்டுள்ளது. அரசு ஊழியர்களின் வேலை நிறுத்தம் சட்டவிரோதம் என ஏற்கெனவே உயர் நீதிமன்றம் மற்றும் உச்ச நீதிமன்றம் பல வழக்குகளில் உத்தரவிட்டதுடன், வேலை நிறுத்தப் போராட்டங்களுக்கு தடையும் விதித்துள்ளது.

அதன் அடிப்படையில் ஜாக்டோ - ஜியோ அறிவித்துள்ள வேலை நிறுத்தம் மற்றும் சாலை மறியல் போராட்டம் சட்ட விரோதமானது. அரசு ஊழியர்களின் கோரிக்கைகள் நியாயமாக இருந்தாலும் அது அரசு ஊழியர்களுக்கும், அரசுக்கும் இடையிலான பிரச்சினை. சாலை மறியல் நடத்தினால் பொதுமக்கள், பள்ளி, கல்லூரி மாணவ, மாணவிகள், மருத்துவமனைகளுக்கு செல்வோர் என வேலை நிறுத்தத்தில் பங்கேற்காத அனைத்து தரப்பினருக்கும் பாதிப்பு ஏற்படும். சாலை மறியலில் ஈடுபடுபவர்கள் கைது செய்யப்பட்டு திருமண மண்டபங்களில் தங்க வைக்கும் போது அவர்களுக்கு உணவு, குடிநீர் வசதிகள் செய்து தர வேண்டும். இதனால் அரசுக்கு தேவையற்ற செலவு ஏற்படும்.

எனவே, பொது மக்கள் நலனை கருத்தில் கொண்டு ஜாக்டோ - ஜியோ அமைப்பின் நாளை வேலை நிறுத்தம் மற்றும் சாலை மறியல் போராட்டங்களுக்கு தடை விதித்தும், போராட்டத்தில் ஈடுபடும் ஜாக்டோ - ஜியோ கூட்டமைப்பினர் மீது குற்ற வழக்கு பதிவு செய்யவும், தற்காலிக பணி நீக்கம் செய்து விசாரணை நடத்தி நிரந்தர பணி நீக்கம் செய்யவும் உத்தரவிட வேண்டும்,” என்று மனுவில் கூறப்பட்டிருந்தது.

இந்நிலையில், இந்த மனு நீதிபதிகள் ஜெ.நிஷாபானு, எஸ்.ஸ்ரீமதி அமர்வில் விசாரணைக்கு வந்தது. அப்போது,  நீதிபதிகள் ஒரு நாள் அடையாள போராட்டம் தானே, பொதுமக்களுக்கு இடையூறு இல்லாமல் வளாகத்தில் ஆர்ப்பாட்டம், போராட்டம் நடத்தினால் என்ன? என நீதிபதிகள் கேள்வி எழுப்பினர்.

அரசு தரப்பில், அரசு ஊழியர்கள் கோரிக்கை தொடர்பாக பேச்சுவார்த்தைக்கு நான்கு அமைச்சர்கள் கொண்ட குழு அமைக்கப்பட்டு பேச்சுவார்த்தை தொடங்கியுள்ளது எனத் தெரிவிக்கப்பட்டது. இதையடுத்து நீதிபதிகள், பேச்சுவார்த்தை முடியும் வரை எவ்விதமான போராட்டங்களையும் நடத்தக் கூடாது. மனு தொடர்பாக அரசு தரப்பில் பதிலளிக்க வேண்டும். விசாரணை 4 வாரங்களுக்கு ஒத்திவைக்கப்படுகிறது என உத்தரவிட்டனர்.

source https://tamil.indianexpress.com/tamilnadu/madras-high-court-of-madurai-bench-order-jacto-geo-not-to-protest-tomorrow-8752309

Read More