கல்லூரி மாணவி கொலை வழக்கு – குற்றவாளிக்கு மரண தண்டனை விதிப்பு!

 

பரங்கிமலை ரயில் நிலையத்தில் கல்லூரி மாணவியை ரயில் முன்பு தள்ளி கொலை செய்த வழக்கில் குற்றவாளி சதீஷுக்கு மரண தண்டனை விதித்து நீதிமன்றம் உத்தரவிட்டுள்ளது.

கடந்த 2022-ம் ஆண்டு அக்.13ம்தேதி, கல்லூரிக்கு செல்வதற்காக சத்யபிரியா என்ற மாணவி சென்னை பரங்கிமலை ரயில் நிலையத்தில் ரயிலுக்காக காத்துக்கொண்டிருந்தார். அப்போது, சதீஷ் என்ற இளைஞர் சத்யபிரியாவை ரயில் முன்பு தள்ளி கொலை செய்தார். மகள் இறந்த துக்கத்தில் சத்யபிரியாவின் தந்தையும் மரணமடைந்தார். ஒருதலைக் காதல் விவகாரத்தால் இந்த கொலை சம்பவம் அரங்கேறியதாக தகவல் வெளியானது.

இச்சம்பவம் தொடர்பாக சி.பி.சி.ஐ.டி. போலீசார் வழக்குப்பதிவு செய்து விசாரணை நடத்தினர். இந்த வழக்கை சென்னை மகளிர் சிறப்பு நீதிமன்றம் விசாரித்து வந்தது. இந்த வழக்கு தொடர்பான வாதங்கள் முடிவடைந்த நிலையில், கடந்த 27ம் தேதி சதீஷை குற்றவாளி என நீதிமன்றம் கூறியது. தொடர்ந்து, இந்த வழக்கின் தீர்ப்பு வரும் 30ம் தேதி (இன்று) வழங்கப்படும் என தெரிவிக்கப்பட்டு இருந்தது.

அதன்படி, கல்லூரி மாணவியை ரயில் முன்பு தள்ளி கொலை செய்த சதீஷுக்கு மரண தண்டனை விதித்து நீதிமன்றம் தீர்ப்பளித்துள்ளது. மேலும், மாணவியை பின் தொடர்ந்து தொல்லை கொடுத்தற்காக 3 ஆண்டுகள் சிறை தண்டனை மற்றும் 15 ஆயிரம் ரூபாய் அபராதம் விதிக்கப்பட்டுள்ளது. 3 ஆண்டுகள் சிறை தண்டனையை நிறைவு செய்த பின் தூக்கு தண்டனையை நிறைவேற்ற வேண்டும் எனவும் நீதிமன்றம் உத்தரவு பிறப்பித்துள்ளது.

source https://news7tamil.live/chennai-death-sentence-given-to-the-culprit-in-the-case-of-pushing-a-student-in-front-of-a-train-and-killing-him.html

Read More

இந்திய முதலமைச்சர்களில் பணக்காரர் யார்?

 இந்திய முதலமைச்சர்களின் சொத்து மதிப்பு பட்டியல் வெளியாகி உள்ளது.

ஜனநாயக சீர்திருத்த சங்கம் இந்திய முதலமைச்சர்களின் சொத்து மதிப்பு பட்டியலை வெளியிட்டுள்ளது. அதன் அறிக்கையின்படி இந்தியாவின் 31 முதலமைச்சர்களின் மொத்த சொத்து மதிப்பு ரூ.1,630 கோடி ஆகும். இதில் அதிகபட்சமாக ரூ.931 கோடி சொத்து மதிப்புடன் ஆந்திர முதலமைச்சர் சந்திரபாபு நாயுடு பணக்கார முதலமைச்சராக முதலிடத்தில் உள்ளார்.

அவருக்கு அடுத்தபடியாக அருணாச்சல பிரதேச முதலமைச்சர் பெமா காண்டு ரூ.332 கோடி சொத்து மதிப்புடன் இரண்டாம் இடத்தில் உள்ளார். கர்நாடக முதலமைச்சர் சித்தராமையா ரூ.51 கோடி சொத்து மதிப்புடன் மூன்றாம் இடத்தில் உள்ளார். இவர்கள்தான் இந்தியாவின் முதல் மூன்று பணக்கார முதலமைச்சர்கள் ஆவர்.

ரூ.15 லட்சம்  சொத்து மதிப்புடன், இந்தியாவின் ஏழ்மை முதலமைச்சராக மேற்கு வங்க முதலமைச்சர் மம்தா பானர்ஜி உள்ளார். அவருக்கு அடுத்தப்படியாக உமர் அப்துல்லா ரூ.55 லட்சத்துடன் இரண்டாம் இடத்தில் உள்ளார். மூன்றாவதாக ரூ.1 கோடி சொத்துக்களுடன் கேரள முதலமைச்சர் பினராயி விஜயன் உள்ளார்.

31 முதலமைச்சர்களில் மேற்கு வங்கத்தின் மம்தா பானர்ஜி, டெல்லியின் அதிஷி மட்டுமே பெண் முதலமைச்சர்கள். மேலும் இந்திய முதலமைச்சர்களில் 13 பேர் குற்றவியல் வழக்குகள் உள்ளன. நாட்டில் மொத்தமுள்ள முதல்வர்களில் 13 பேர் மீது குற்றவியல் வழக்குகள் உள்ளன. அதில் 10 பேர் மீது கொலை, கடத்தல், ஊழல் போன்ற தீவிர குற்றச் செயல்களில் ஈடுபட்டதற்கான வழக்குகள் உள்ளன.

2023- 2024 இல் இந்தியாவின் தனிநபர் வருமானம் தோராயமாக ரூ.1,85,854 ஆக இருந்த நிலையில், ஒரு முதலமைச்சரின் சராசரி சுய வருமானம் ரூ.13,64,310 ஆகும். இது இந்தியாவின் சராசரி தனிநபர் வருமானத்தை விட 7.3 மடங்கு அதிகம்.

source https://news7tamil.live/from-chandrababu-naidu-to-mamata-banerjee-who-is-the-richest-indian-chief-minister.html

Read More

தூத்துக்குடியில் மினி டைடல் பூங்கா

 

தூத்துக்குடியில் மினி டைடல் பூங்காவை முதலமைச்சர் மு.க.ஸ்டாலின் திறந்து வைத்தார். 30/12/24

முதலமைச்சர் மு.க.ஸ்டாலின் பல்வேறு மாவட்டங்களுக்கு சென்று முடிவுற்ற பல்வேறு வளர்ச்சி திட்டப்பணிகளை திறந்து வைத்தும், புதிய திட்டங்களுக்கு அடிக்கல் நாட்டியும் வருகிறார். மேலும் 2026-ம் ஆண்டு சட்டமன்ற தேர்தல் தொடர்பாக கட்சி நிர்வாகிகளுக்கு ஆலோசனை கூட்டத்திலும் பங்கேற்று வருகிறார்.

அந்த வகையில் புதுமைப்பெண் திட்டம் விரிவாக்கம் தொடக்கம், மினி டைடல் பூங்கா திறப்பு, ஆலோசனை கூட்டம் ஆகிய நிகழ்ச்சிகளில் கலந்து கொள்வதற்காக முதலமைச்சர் மு.க.ஸ்டாலின் இன்று (டிச.29) தூத்துக்குடிக்கு வருகை தந்தார். சென்னையில் இருந்து விமானம் மூலம் இன்று மதியம் தூத்துக்குடி வந்த முதலமைச்சர் விமான நிலையத்தில் இருந்து சத்யா ரிசார்ட் சென்று அங்கு சிறிது நேரம் ஓய்வெடுத்தார்.

பின்னர் இன்று மாலை தூத்துக்குடியில் புதிதாக கட்டப்பட்டுள்ள மினி டைடல் பூங்காவை முதலமைச்சர் மு.க.ஸ்டாலின் திறந்து வைத்தார். இந்த மினி டைடல் பூங்கா தூத்துக்குடி-திருச்செந்தூர் சாலையில் முத்தையாபுரம் ரவுண்டானாவில் 63 ஆயிரம் சதுர அடி பரப்பில் தரைத் தளம் மற்றும் 4 தளங்களுடன் கட்டப்பட்டுள்ளது.

இப்பூங்காவானது வாகனம் நிறுத்துமிடம், பல்வகை உணவுக்கூடம், உடற்பயிற்சிக்கூடம், கலையரங்கம், தடையற்ற மின் வசதி ஆகிய வசதிகளைக் கொண்டுள்ளது. சுமார் ரூ.32 கோடியே 50 லட்சம் மதிப்பீட்டில் கட்டப்பட்டுள்ள இந்த மினி டைடல் பூங்கா மூலம் ஆயிரக்கணக்கான இளைஞர்களுக்கு வேலை வாய்ப்பு வழங்கப்பட உள்ளதாக கூறப்படுகிறது.

source https://news7tamil.live/chief-minister-mkstalin-inaugurated-the-mini-tidal-park-in-thoothukudi.html

Read More

களைகட்டியது கன்னியாகுமரி – இன்று புதுப்பிக்கப்பட்ட கண்ணாடி பாலத்தை திறந்து வைக்கிறார் முதலமைச்சர்

 

கன்னியாகுமரியில் கடலின் நடுவே உள்ள கண்ணாடி பாலத்தை முதலமைச்சர் மு.க.ஸ்டாலின் இன்று திறந்து வைக்கிறார்.

கன்னியாகுமரி கடலின் நடுவே அமைந்துள்ள 133 அடி உயரமுள்ள திருவள்ளுவரின் சிலை கடந்த 2000-ம் ஆண்டு நிறுவப்பட்டது. பல்வேறு புகழ்களை பாடும் இச்சிலை ஆனது அப்போதைய முதலமைச்சரான கருணாநிதி திறந்து வைத்தார். இந்நிலையில் இச்சிலையின் 25வது ஆண்டு வெள்ளி விழா இன்று , நாளை மற்றும் ஜன. 1 ஆகிய 3 தினங்களிலும் கன்னியாகுமரியில் கொண்டாடப்பட உள்ளன. இந்நிலையில், கன்னியாகுமரியில் 3 நாட்கள் நடைபெற இருந்த திருவள்ளுவர் சிலை வெள்ளி விழா நிகழ்ச்சிகள் 2 நாட்களாக குறைக்கப்பட்டுள்ளது.

அதேபோன்று நடுக்கடலில் உள்ள சுவாமி விவேகானந்தரின் நினைவு மண்டபமும் மற்றும் 133 அடி உயரமுள்ள கொண்ட திருவள்ளுவரின் சிலையும் இணைக்கும் வகையில் கண்ணாடி கூண்டு பாலமும் அமைக்கப்பட்டு வந்தது. இந்த நிலையில், கண்ணாடி பாலம் அமைக்கும் பணி நிறைவடைந்து, திறப்புக்கு தயாராக உள்ளது. இக்கண்ணாடி கூண்டு பாலத்தை முதலமைச்சர் மு.க.ஸ்டாலின் இன்று திறந்து வைக்கவுள்ளார்.

திருவள்ளுவர் சிலை வெள்ளி விழா கொண்டாட்டத்திற்காக கன்னியாகுமரி முழுவதும் களைகட்டியுள்ளது. கடல் நடுவே திருவள்ளுவரின் சிலை இரவு நேரத்தில் ஒளிரும் வகையில் லேசர் மின்விளக்கு வசதி ஏற்படுத்தப்பட்டுள்ளது. லேசர் ஒளி வெள்ளத்தில் திருவள்ளுவர் சிலை இரவில் வண்ணமயமாக ஜொலிக்கின்றன. கன்னியாகுமரி சுற்றுவட்டாரம் முழுவதும் மின்னொளிகளால் வெள்ளி விழாவை நினைவு கூறும் வகையில், வண்ண வண்ண விளக்குகளால் அலங்கரிக்கப்பட்டுள்ளன.

source https://news7tamil.live/kanyakumari-is-full-of-weeds-chief-minister-to-inaugurate-the-renovated-glass-bridge-today-mkstalin.html

Read More

கருப்பை நீக்கம் செய்யும் 4.8% இந்திய பெண்கள்: ஆய்வு முடிவுகளில் தகவல்

 

இந்திய பெண்களில் குழந்தை பெற்றுக் கொள்ளும் வயதுடையவர்களில் ஏறத்தாழ 4.8 சதவீதம் பேர் கருப்பை நீக்கம் அறுவை சிகிச்சை செய்து கொள்வதாக கூறப்படுகிறது. இதில் விவசாயம் செய்பவர்களின் எண்ணிக்கை அதிகரித்துள்ளதாக கண்டறியப்பட்டுள்ளது. பல பெண்கள் தேவையற்ற கருப்பை நீக்க அறுவை சிகிச்சைக்கு அரசு காப்பீடு திட்டங்களை பயன்படுத்துவதும் தெரிய வந்துள்ளது.

இந்த ஆய்வு முடிவுகள் தொழில்சார் ஆபத்துகள் மற்றும் சமூக பொருளாதார காரணிகளால் ஏற்படும் மருத்துவ வேறுபாடுகளை எடுத்துக்காட்டுகின்றன. இதில் ஏராளமான பெண்களுக்கு ஹார்மோன் ஏற்றத்தாழ்வுகள், மாதவிடாய் பிரச்சனைகள் உருவாவதை தெரிவிக்கின்றன.

கருப்பை நீக்கம் என்பது இந்தியாவில் ஒரு குறிப்பிடத்தக்க பொது சுகாதார கவலையாக மாறியுள்ளது. மருத்துவ சான்றுகள் இதழில் வெளியிடப்பட்ட இந்த ஆய்வானது, மும்பையில் உள்ள சர்வதேச மக்கள்தொகை அறிவியல் கழகத்தின் கௌரவ் சுரேஷ் குனால் மற்றும் புது டெல்லியின் தேசிய சுகாதார மற்றும் குடும்ப நல நிறுவனத்தின் மருத்துவர் சுதேஷ்னா ராய் ஆகியோரால் நடத்தப்பட்டது. இது 25 முதல் 49 வயதுக்குட்பட்ட இந்தியப் பெண்களிடையே கருப்பை நீக்கத்தின் பரவல் மற்றும் வடிவங்களை எடுத்துக்காட்டுகிறது.

இந்த ஆய்வில், விவசாயத் தொழிலாளர்கள் இடையே அதிகளவில் கருப்பை நீக்கம் அறுவை சிகிச்சை நடைபெறுவதாக கூறப்படுகிறது. கடுமையான வேலை மற்றும் பூச்சிக் கொல்லிகள் பயன்படுத்துதல் ஆகியவை இந்த பெண்களுக்கு அதிக மாதவிடாய் இரத்தப்போக்கு, கருப்பை கோளாறுகள் போன்றவற்றை ஏற்படுத்துவதாக கூறுகிறது.

பல விவசாயத் தொழிலாளர்கள் கருப்பை நீக்கம் அறுவை சிகிச்சையை, தேவைகளை நிர்வகிப்பதற்கான ஒரு தீர்வாகக் கருதுகின்றனர் என குனால் தெரிவித்துள்ளார். தேவையற்ற அறுவை சிகிச்சைகளைக் குறைப்பதற்கு அதிக விழிப்புணர்வு மற்றும் பராமரிப்பு உள்ளிட்டவை தேவை என்பதை இது வெளிப்படுத்துவதாகவும் அவர் குறிப்பிட்டுள்ளார்.

மருத்துவ காப்பீட்டை தவறாக பயன்படுத்துதல்:

மருத்துவ காப்பீடுகள் எடுத்துக் கொண்ட பெண்களில் 10 சதவீதம் பேர் கருப்பை நீக்கம் அறுவை சிகிச்சை செய்து கொள்வதாக கூறப்படுகிறது. குறிப்பாக, பீகார் மற்றும் சத்தீஸ்கர் பகுதிகளில் இவை அதிகமாக நடப்பதாக கூறப்படுகிறது. 

புவியியல் ரீதியாக இந்த ஆய்வு குறிப்பிடத்தக்க பிராந்திய மாறுபாடுகளை வெளிப்படுத்தியது. தென் மாநிலங்களான ஆந்திரப் பிரதேசம் மற்றும் தெலங்கானாவில் முறையே 12.6 சதவீதம் மற்றும் 11.1 சதவீதம் என்ற அளவில் கருப்பை அறுவை சிகிச்சையின் பாதிப்பு அதிகமாக உள்ளது. இது அசாமில் வெறும் 1.4 சதவீதம் மற்றும் மிசோரமில் 1.5 சதவீதம் ஆகும். இந்த அறுவை சிகிச்சைகளில் பெரும்பாலானவை, அதாவது 67.5 சதவீதம் தனியார் சுகாதார மையங்களில் செய்யப்படுகிறது. இது பெண்களின் இனப்பெருக்க ஆரோக்கியத்தின் வணிகமயமாக்கல் பற்றிய கவலையை எழுப்புகிறது என மருத்துவர் ராய் குறிப்பிட்டார், 

கருப்பை நீக்க அறுவை சிகிச்சையில் சமூகப் பொருளாதார காரணிகளும் முக்கிய பங்கு வகிக்கின்றன. நகர்ப்புற பெண்களை விட கிராமப் புறங்களில் உள்ள பெண்கள் இந்த செயல்முறைக்கு 30 சதவீதம் அதிகமாக உள்ளவதாக கண்டறியப்பட்டது. இதில், கல்வியறிவு ஒரு முக்கிய காரணியாக வெளிப்பட்டது. கல்வி அறிவு இல்லாத பெண்கள் மற்றும் ஆரம்பக் கல்வி மட்டுமே உள்ளவர்கள் இதில் அதிகமாக பாதிக்கப்படுகின்றனர். மேலும், ஏழ்மை நிலையில் இருக்கும் பெண்களை விட, வசதி வாய்ப்பு அதிகமாக இருக்கும் பெண்கள் இந்த அறுவை சிகிச்சையை அதிகமாக செய்வதாக கூறப்படுகிறது. 

தொடர் பிரசவங்கள்:

கருப்பை நீக்கத்தில் வயதும் ஒரு முக்கிய காரணியாக செயல்படுகிறது. 40 முதல் 49 வயதான பெண்கள் அதிகளவில் இந்த அறுவை சிகிச்சையை செய்கின்றனர். மேலும், 3 அல்லது அதற்கு மேற்பட்ட குழந்தைகள் இருக்கும் பெண்களும் கருப்பை நீக்கம் அறுவை சிகிச்சை செய்து கொள்கின்றனர். இதேபோல், உடல் எடை அதிகமாக இருக்கும் பெண்களும் சுமார் 9.2 சதவீதம் பேர் இந்த அறுவை சிகிச்சை செய்கின்றனர்.

கருப்பை நீக்க அறுவை சிகிச்சைக்கு மேற்கோள் காட்டப்பட்ட முதன்மையான காரணம், அதிகப்படியான மாதவிடாய் இரத்தப்போக்கு ஆகும். இந்த வகையில் சுமார் 55.4 சதவீதம் அறுவை சிகிச்சைகள் நடக்கின்றன. நீர்க்கட்டிகள் போன்ற பிரச்சனையால் பாதிக்கப்படுபவர்கள் 19.6 சதவீதம் இந்த அறுவை சிகிச்சை செய்கின்றனர். கருப்பை கோளாறுகள் உள்ளவர்கள் 13.9 சதவீதம் பேர் கருப்பை நீக்கம் செய்கின்றனர். புற்றுநோய் இருப்பவர்களும் கணிசமானோர் இந்த அறுவை சிகிச்சை செய்கின்றனர். மெனோபாஸ், ஆஸ்டியோபோரோசிஸ் மற்றும் இருதய நோய் அபாயங்கள் போன்ற புரிதல் இல்லாமல் ஏராளமானோர் கருப்பை நீக்கம் அறுவை சிகிச்சை செய்வதாக தெரிய வருகிறது.

விழிப்புணர்வின் அவசியம்:

இதனால் ஏற்படும் உடல்நல பாதிப்புகள் குறித்து பெண்களிடையே விழிப்புணர்வு ஏற்படுத்துவது அவசியம் எனத் தெரிவிக்கப்பட்டுள்ளது. அப்போது தான் கருப்பை நீக்கம் குறித்து பெண்களுக்கு புரிதல் ஏற்படும் என வல்லுநர்கள் கூறுகின்றனர்.

source https://tamil.indianexpress.com/india/4-8-of-indian-women-undergo-hysterectomy-many-use-government-insurance-schemes-study-8575561

Read More

யார் அந்த சார்?

 

சென்னை அண்ணா பல்கலைக்கழக வளாகத்தில் மாணவி ஒருவர் அண்மையில் பாலியல் வன்கொடுமை செய்யப்பட்டார். இது தொடர்பாக மாணவி அளித்த புகாரின்பேரில் பிரியாணி கடை வைத்திருந்த ஞானசேரன் என்பவர் கைது செய்யப்பட்டார். 

ஞானசேகரன் செல்போனில் பேசிய போது சார் (sir) என்ற வார்த்தையை பயன்படுத்தியிருந்ததாக கூறப்படுகிறது. ஆனால் போலீஸார் அது திசை திருப்புவதற்காக சும்மா பயன்படுத்தியுள்ளார் என தெரிவித்தனர். ஆனால் அதிமுக தலைவர்கள் யார் அந்த சார்? என கேள்வி எழுப்பி வருகின்றனர். 

இந்நிலையில் கரூர் மாவட்டத்தில் மாயனூர், புலியூர் உள்ளிட்ட பல்வேறு பகுதிகளில் கரூர் மாவட்ட அதிமுக தகவல் தொழில்நுட்பப் பிரிவு சார்பில் நேற்று (டிச. 29ம் தேதி) சுவரொட்டிகள் ஒட்டப்பட்டுள்ளன.

அதில், அண்ணா பல்கலைக்கழக வளாகத்தில் மாணவி பாலியல் வன்கொடுமை செய்யப்பட்ட விவகாரத்தில் யார் அந்த சார் (SIR)?, ஹேஸ்டேக் குறியீடுடன் சேவ் அவர் டாட்டர்ஸ் (# Save Our Daughters) என ஆங்கிலத்தில் அச்சிடப்பட்டுள்ளன.

மாவட்டம் முழுவதும் சுவரொட்டிகள் ஒட்டப்பட்டுள்ள நிலையில் கரூர் மற்றும் சுற்றுவட்டாரப் பகுதியில் ஒட்டப்பட்டிருந்த சுவரொட்டிகள் கிழித்து அகற்றப்பட்டு விட்டதாக கூறப்படுகிறது.

செய்தி: க.சண்முகவடிவேல்

source https://tamil.indianexpress.com/tamilnadu/karur-admk-poster-on-anna-univ-sexual-assault-case-8576526

Read More

இணைய வேகத்தை விட மெதுவாக செயல்படும் மனித மூளை; புதிய ஆய்வு கூறுவது என்ன?

 

மனித மூளை (பிரதிநிதித்துவ படம்/ பிக்ஸபே)

ஒரு புதிய ஆய்வின்படி, இணையத்தில் அனுப்பப்படும் தகவல்களின் வேக விகிதத்தை விட மனித மூளை சிந்தனை செயல்முறைகள் மிகவும் மெதுவான விகிதத்தில் உள்ளன.

மனித மூளையில் தகவல் ஓட்டத்தின் வேகம் வினாடிக்கு 10 பிட்கள் (bps), ஆனால் ஒரு பொதுவான வைஃபை இணைப்பு 50 பி.பி.எஸ் வேகத்தில் செயலாக்குகிறது. ஒரு பிட் என்பது கணினியால் செயலாக்க மற்றும் சேமிக்கக்கூடிய தரவுகளின் மிகச்சிறிய அலகு ஆகும்.

இந்த மாத தொடக்கத்தில் நியூரான் இதழால் வெளியிடப்பட்ட ஆய்வில், ‘இருப்பின் தாங்க முடியாத மந்தநிலை: ஏன் நாம் 10 பிட்களில் வாழ்கிறோம்?’. பகுப்பாய்வை மேற்கொள்ள, ஆராய்ச்சியாளர்கள் மனித நடத்தைகளான வாசிப்பு, எழுதுதல் போன்ற தரவுகளை ஆய்வு செய்தனர்.

ஆய்வின் முடிவுகள் என்ன?

கலிபோர்னியா இன்ஸ்டிடியூட் ஆப் டெக்னாலஜியின் நரம்பியல் விஞ்ஞானியும், ஆய்வின் ஆசிரியருமான மார்கஸ் மீஸ்டர், தி நியூயார்க் டைம்ஸிடம் கூறினார், "மனித மூளை எவ்வளவு நம்பமுடியாத சிக்கலான மற்றும் சக்திவாய்ந்தது என்பது பற்றிய முடிவற்ற மிகைப்படுத்தலுக்கு இது ஒரு எதிர் வாதமாகும். நீங்கள் எண்களை வைத்து முயற்சிக்கும்போது, நாம் நம்பமுடியாத அளவிற்கு மெதுவாக இருக்கிறோம்.”

மனித மூளையானது பார்வை, வாசனை மற்றும் ஒலி ஆகியவற்றிலிருந்து உணர்ச்சிகரமான தகவல்களை மிக விரைவாக செயலாக்குகிறது என்று ஆராய்ச்சியாளர்கள் குறிப்பிட்டுள்ளனர் - அறிவாற்றல் விகிதத்தை விட சுமார் 100,000,000 மடங்கு. வேறு வார்த்தைகளில் கூறுவதானால், மனிதர்கள் ஒரு நேரத்தில் ஒரு சிந்தனையைச் செயலாக்க முடியும், அவர்களின் உணர்ச்சி அமைப்புகள் - மற்றும் கணினிகள் - ஒரே நேரத்தில் ஆயிரக்கணக்கான பிட் தகவல்களை செயலாக்குகின்றன. "உளவியல் விஞ்ஞானம் இந்த பெரிய மோதலை ஒப்புக் கொள்ளவில்லை," என்று மார்கஸ் மீஸ்டர் நியூயார்க் டைம்ஸிடம் கூறினார்.

நனவான சிந்தனையின் மெதுவான வேகம் மனித மூளை எவ்வாறு உருவாகியுள்ளது என்பதன் விளைவாக இருக்கலாம். "நமது முன்னோர்கள் ஒரு சூழலியல் இடத்தைத் தேர்ந்தெடுத்துள்ளனர், அங்கு உயிர்வாழ்வதை சாத்தியமாக்கும் அளவுக்கு உலகம் மெதுவாக உள்ளது" என்று ஆய்வு கூறுகிறது. "உண்மையில், வினாடிக்கு 10 பிட்கள் மோசமான சூழ்நிலைகளில் மட்டுமே தேவைப்படுகின்றன, மேலும் பெரும்பாலான நேரங்களில் நமது சூழல் மிகவும் நிதானமான வேகத்தில் மாறுகிறது."

சில ஆராய்ச்சியாளர்கள் புதிய ஆய்வின் கண்டுபிடிப்புகளை முழுமையாக நம்பவில்லை. கேஸ் வெஸ்டர்ன் ரிசர்வ் பல்கலைக்கழகத்தின் நரம்பியல் விஞ்ஞானியான பிரிட்டன் சௌர்ப்ரீ, தி நியூயார்க் டைம்ஸிடம், மனித நரம்பு மண்டலத்தில் உள்ள தகவல்களின் ஓட்டத்தை ஆய்வு முழுமையாக கருதாமல் இருக்கலாம் என்று கூறினார். அவை சேர்க்கப்பட்டால், "நீங்கள் அதிக பிட் வீதத்துடன் முடிவடையப் போகிறீர்கள்," என்று விஞ்ஞானி கூறினார்.

source https://tamil.indianexpress.com/explained/speed-of-human-thought-lags-far-behind-internet-connection-what-does-a-new-study-say-8575013

Read More

புத்தாண்டு கொண்டாட்டம்: புதிய கட்டுப்பாடுகள் அமல் எதற்கெல்லாம் தடை, அனுமதி?

 

புத்தாண்டு கொண்டாட்டத்திற்கு கட்டுப்பாடுகள் விதிப்பு

2025 ஆம் ஆண்டு தொடங்க இன்னும் சில நாட்களே உள்ள நிலையில் சென்னையும் புத்தாண்டு கொண்டாட்டத்திற்கு தயாராகி வருகிறது. 

இந்நிலையில் சென்னையில் புத்தாண்டுக் கொண்டாட்டத்தை முன்னிட்டு, பொதுமக்கள் அதிகம் கூடும் கடற்கரை மற்றும் வழிபாட்டுத் தலங்களில் பாதுகாப்பை அதிகரிக்க பெருநகர காவல் ஆணையர் அருண் உத்தரவிட்டுள்ளார்.

புத்தாண்டு தினத்தை பொதுமக்கள் அமைதியாகவும், பாதுகாப்பாகவும் கொண்டாடுவது தொடர்பாக சென்னை பெருநகர காவல் ஆணையர் தலைமையில் கலந்தாய்வுக் கூட்டம் நடைபெற்றது.

காவல் துறை உயர் அதிகாரிகள் பங்கேற்ற இந்தக் கூட்டத்தில், பைக் ரேஸில் ஈடுபடுபவர்களை தடுத்து கண்காணிக்க, கண்காணிப்பு சோதனைக் குழுக்களை அமைத்து, விபத்தில்லா புத்தாண்டு கொண்டாட காவல் துறை சிறப்பாக பணியாற்ற வேண்டும் என்று பெருநகர காவல் ஆணையர் அருண் உத்தரவிட்டுள்ளார்.

அந்த வகையில் முக்கிய சாலைகளில் வாகன நெரிசலை தடுத்தல், அதிவேகமாக செல்லும் வாகனங்களையும், இருசக்கர வாகன வேக பந்தயத்தில் ஈடுபடுவர்களையும் தடுத்து கண்காணிக்கவும் உத்தரவிட்டுள்ளார்.

கண்காணிப்பு சோதனை குழுக்களை அமைத்து விபத்தில்லா புத்தாண்டு கொண்டாடுவதற்கு காவல் துறை பணி சிறப்பாக செய்ய வேண்டும் என கூறினார்.

மேலும் புத்தாண்டு கொண்டாட்டத்தின்போது மாமல்லபுரம், கிழக்கு கடற்கரை சாலை பகுதியில் 12 மணிக்கு மேல் கேளிக்கை நிகழ்ச்சிகள் நடத்த கூடாது என தனியார் நட்சத்திர ஓட்டல் பொது மேலாளர்கள் அழைத்து காவல் துறை ஏற்கனவே அறிவுறுத்தி உள்ளது.  

டிசம்பர் 31ம் தேதி மாலை 6 மணிக்கு மேல் நீச்சல் குளங்களில் குளிக்க பொதுமக்களுக்கு அனுமதி வழங்க கூடாது. ரிசார்ட்டுகளில் தங்கி உள்ளவர்கள் இரவு 12 மணிக்கு மேல், அறைகளைவிட்டு வெளியே வர கூடாது என்றும் கூறியுள்ளது.

மேலும் ஓட்டல்கள், கேளிக்கை விடுதிகளில் வரவேற்பு அறையில் உள்ள சிசிடிவி கேமராக்கள் கண்டிப்பாக இயங்க வேண்டும் மற்றும் அடையாள அட்டை வழங்காத நபர்களுக்கு அறைகள் கொடுக்க கூடாது உள்ளிட்ட முக்கிய அறிவிப்புகளை வழங்கியுள்ளது.

இப்படியாக இந்த புத்தாண்டு தினத்தை பொதுமக்கள் அமைதியாகவும், பாதுகாப்பாகவும் கொண்டாட சென்னை காவல் துறையினர் பணியாற்ற வேண்டும் என பெருநகர காவல் ஆணையர் அருண் உத்தரவிட்டுள்ளார்.

source https://tamil.indianexpress.com/tamilnadu/police-guidlines-for-new-year-celebrations-in-chennai-8574426

Read More

பொங்கல் பரிசு அறிவித்த தமிழக அரசு; ஜனவரி 9 முதல் டோக்கன் விநியோகம்!

 

பொங்கல் பண்டிகைக்காக மக்களுக்கு பரிசுத்தொகுப்பு வழங்குவது தொடர்பான அறிவித்துள்ள தமிழக அரசு, வரும் ஜனவரி 9-ந் தேதி இதற்கான டோக்கன் வழங்கப்படும் என்றும், பொங்கல் பண்டிகைக்கு முன்பே பரிசுத்தொகுப்பினை வழங்கும் வகையில், டோக்கனில் தேதி குறிப்பிட வேண்டும் என்றும் அறிவுறுத்தியுள்ளது,

ஒவ்வொரு ஆண்டும், தை மாதம் முதல் வாரம் பொங்கல் பண்டிகை தமிழ் மக்களால் கொண்டாடப்பட்டு வருகிறது. இந்த திருவிழாவை முன்னிட்டு அரசின் சார்பில் பொங்கல் பரிசுத்தொகுப்புகள் வழங்கப்பட்டு வருகிறது. அந்த வகையில், 2024-ம் ஆண்டுக்கான பொங்கல் பரிசுத்தொகுப்புக்கான அறிவிப்பை தமிழக அரசு வெளியிட்டுள்ளது. இந்த பரிசுத்தொகுப்பினை பெறுவதற்கான டோக்கன் வரும் ஜனவரி 9-ந் தேதி முதல் வழங்கப்பட உள்ளது.

ரேஷன் கடை ஊழியர்கள் மூலமாக வழங்கப்படும் இந்த டோக்கனில் குடும்ப அட்டைதாரர்கள் எப்போது ரேஷன் கடைக்கு வந்து பொருட்களை பெற்றுக்கொள்ளலாம் என்று நேரத்தை குறிப்பிட வேண்டும் என்று அறிவிக்கப்பட்டுள்ளது. மேலும் முதல் நாளில், முற்பகலில் 100 பேருக்கும், பிற்பகலில் 100 பேருக்கும், 2-வது நாளில் முற்பகலில் 200 பேருக்கும் பிற்பகலில் 200 பேருக்கும், டோக்கன் விநியோகம் செய்ய வேண்டும் என்றும் அரசின் சார்பில் அறிவுரை வழங்கப்பட்டுள்ளது.

பொங்கல் பரிசு தொகுப்பினை பெற்றுக்கொள்ள வேண்டிய தேதியை அதில் குறிப்பிட வேண்டும் என்றும், கூட்ட நெரிசல் அதிகம் உள்ள கடைகளில், போலீசார் பாதுகாப்பு பணியில் இருக்க வேண்டும் என்றும், ரேஷன் கடை பணியாளர்கள் குடும்ப அட்டைதாரர்களின் வீடுகளுக்கு சென்று டோக்கன்களை வழங்க வேண்டும் என்றும் அறிவுறுத்தப்பட்டுள்ளது. கடந்த ஆண்டு பொங்கல் பரிசுத்தொகுப்புடன் சேர்த்து ரூ1000 ரொக்கப்பரிசும் தமிழக அரசின் சார்பில் வழங்கப்பட்ட நிலையில், நடப்பு ஆண்டில் இதுவரை ரொக்க பரிசு தொடர்பான அறிவிப்பு வெளியாகவில்லை.

தற்போது வெளியாகியுள்ள அறிவிப்பில், பொங்கல் பரிசாக, அனைத்து குடும்ப அட்டைதாரர்களுக்கும், தலா ஒரு கிலோ பச்சரிசி, ஒரு கிலோ சர்க்கரை, முழு கரும்பு வழங்கப்படும் என்று முதல்வர் ஸ்டாலின் அறிவித்துள்ளார். இதில் ரொக்கப்பரிசு தொடர்பான அறிவிப்பு இல்லாத நிலையில், வரும் நாட்களில் இது குறித்து அறிவிப்பு வெளியாகுமா என்ற எதிர்பார்ப்பு எழுந்துள்ளது.

source https://tamil.indianexpress.com/tamilnadu/tamilnadu-govt-pongal-gift-announcement-update-in-tamil-8574053

Read More

காவல் உதவி’ ஆப்-ஐ பதிவிறக்கம் செய்து கொள்ளுங்கள்” – மாணவிகளுக்கு அமைச்சர் கோவி செழியன் அட்வைஸ்!

 மாணவிகள் அனைவரும் ஆபத்துக் காலங்களில் உடனடியாக காவல்துறையை தொடர்பு கொள்ள உதவும் ‘காவல் உதவி’ (Kaaval Uthavi) செயலியை பதிவிறக்கம் செய்து கொள்ள வேண்டும் என உயர்கல்வித்துறை அமைச்சர் கோவி.செழியன் அறிவுரை வழங்கியுள்ளார்.

அண்ணா பல்கலைக்கழகத்தில் பயிலும் மாணவி ஒருவர் பாலியல் துன்புறுத்தலுக்கு ஆளான சம்பவம் தமிழ்நாடு முழுவதும் பெரும் அதிர்வலைகளை ஏற்படுத்தியுள்ளது. இந்த சம்பவத்தை தொடர்ந்து அமைச்சர் கோவி.செழியன் மாணவிகளுக்கு அட்வைஸ் ஒன்றை கொடுத்துள்ளார். தனது எக்ஸ் தளப் பக்கத்தில் அவர் தெரிவித்துள்ளதாவது;

“பெண்கள் சுதந்திரமாகவும், பாதுகாப்பாகவும் இருப்பதற்கான அனைத்து நடவடிக்கைகளையும் அரசு மேற்கொண்டு வருகிறது. அந்த வகையில், ஆபத்துக் காலங்களில் உடனடியாக காவல்துறையை தொடர்பு கொள்ள உதவும் ‘காவல் உதவி’ (Kaaval Uthavi) செயலியை அனைத்துப் பெண்களும், குறிப்பாக மாணவிகள் தங்கள் செல்போன்களில் பதிவிறக்கம் செய்து கொள்ள வேண்டும்.

அவசர காலங்களில் சிவப்பு நிற `அவசரம்’ என்ற பொத்தானை அழுத்துவதன் மூலமாக, பயனாளர் விவரம், தற்போதைய இருப்பிட விவரம் மற்றும் வீடியோ, கட்டுப்பாட்டு அறையில் பெறப்பட்டு காவல்துறையின் அவசர சேவை வழங்கப்படும். மாணவிகள் காவல் உதவி செயலியை தங்கள் செல்போன்களில் பதிவிறக்கம் செய்வதை, அனைத்துக் கல்லூரிகளும் உறுதி செய்ய வேண்டும் எனக் கேட்டுக் கொள்கிறேன். இச்செயலியை Google Play Store, App Store-இல் இலவசமாகப் பதிவிறக்கம் செய்து கொள்ளலாம்” எனக் குறிப்பிட்டுள்ளார்.

link for play store https://play.google.com/store/apps/details?id=com.amtexsystems.kaavaluthavi 

credit https://eservices.tnpolice.gov.in/CCTNSNICSDC/KaavalUthavi 

source https://news7tamil.live/download-the-police-assistance-app-minister-govi-cheliyans-advice-to-female-students.html

Read More

நாட்டிற்கு மன்மோகன் சிங் ஆற்றிய கடமைகள்

 

மன்மோகன் சிங் மற்றும் அவரது அரசியல் முன்னோடி, முன்னாள் பிரதம மந்திரி பி.வி நரசிம்ம ராவ், 1990 ஆம் ஆண்டுக்குள் மாறிவரும் புதிய உலகில் ஏற்படும் விரைவான மாற்றங்கள் குறித்து பலரை விட அதிக கவனத்துடன் இருந்தனர்.

2016 ஆம் ஆண்டின் முற்பகுதியில், நாடு அதன் புகழ்பெற்ற பொருளாதார சீர்திருத்தங்களின் 25 ஆண்டுகளைக் குறிக்கும் சில மாதங்களுக்கு முன்பு, தாராளமயமாக்கலின் முக்கிய சிற்பிகளில் ஒருவரும், முன்னாள் பிரதமருமான மன்மோகன் சிங் தனது டெல்லி இல்லத்தில் செய்தியாளர்கள் சந்திப்பை மேற்கொண்டார்.

அப்போது, நாட்டின் தலைமைப் பொருளாதார ஆலோசகர், பொருளாதார விவகாரச் செயலர், ரிசர்வ் வங்கி ஆளுநர், திட்டக் கமிஷன் துணைத் தலைவர், நிதியமைச்சர், மற்றும் அரசுத் தலைவர் போன்ற முக்கியப் பதவிகளை வகித்து வருவதைக் கருத்தில் கொண்டு, நினைவுக் குறிப்பை எழுதாமல் இருப்பது ஏன் என்று கேட்டதற்கு, அவர் “உண்மை வலிக்கிறது. மேலும் நான் யாரையும் புண்படுத்த விரும்பவில்லை." என்று பதிலளித்தார்.  

யாரேனும் ஒருவர் தனது வாழ்க்கையைப் பற்றி கொஞ்சம் வெளிப்படையாகப் பேசுவதற்கு அவரை நெருங்கிவிட்டார் என்றால், அது அவருடைய மகள் தமன் சிங் தான்.அவர் தனது பெற்றோரைப் பற்றி ‘கண்டிப்பான தனிப்பட்ட: மன்மோகன் மற்றும் குர்ஷரன்’ என்கிற புத்தகத்தில்  எழுதியுள்ளார். ஒரு தசாப்தத்திற்குப் பிறகு பிரதமர் பதவியில் இருந்து விலகுவதற்கு முன், மன்மோகன் சிங் தனது கடைசி செய்தியாளர் சந்திப்பில் பிரபலமாக கூறியது போல், வரலாறு அவருக்கு கருணை காட்டக்கூடும்.

ஒரு நாடு ஒரு கொள்கை மற்றும் அரசியல் சாதகப் புள்ளியிலிருந்து, தடுமாறிக்கொண்டிருக்கும் பொருளாதாரம், உரிமம் பறிபோகும் நாட்கள் அல்லது தொழில்துறை அல்லது தொழில்முனைவோரைத் திணறடிக்கும் நாட்கள், நிர்வகிக்கப்படும் வட்டி விகிதங்களின் ஆட்சியை அகற்றுவதற்கான தயக்கமான முதல் படிகளை உள்நோக்கிப் பார்த்திருப்பவர்கள் சிலரே. சுகாமோய் சக்ரவர்த்தி கமிட்டியில் கையெழுத்திட்டதன் மூலம், பின்னர் நிதி அமைச்சகத்தில் ரூபாய் உட்பட பல சீர்திருத்தங்களை முன்வைத்தார் இந்திய ரிசர்வ் வங்கியுடன் இணைந்து பணமதிப்பு நீக்கம், மற்றும் பொருளாதாரத்தில் பரந்த மாற்றங்களுக்குப் பிறகு நிதித்துறை சீர்திருத்தங்களை வரிசைப்படுத்துதல் உள்ளிட்டவற்றை செய்தார். 

தொழில்முறை சகாக்களுடன் முரண்பட்ட அந்தக் காலத்திலும், மாற்றங்களின் திசை மற்றும் பின்பற்ற வேண்டிய முறைகளில் எல்லோரும் உடன்படாதபோது, ​​​​அவருடன் கருத்து வேறுபாடு கொண்டவர்கள் அவர் ஒரு நேர்மையான நபர் என்று ஒப்புக்கொண்டனர்.

மன்மோகன் சிங் மற்றும் அவரது அரசியல் முன்னோடி, முன்னாள் பிரதம மந்திரி பி.வி நரசிம்ம ராவ், 1990 ஆம் ஆண்டுக்குள் மாறிவரும் புதிய உலகில் ஏற்படும் விரைவான மாற்றங்கள் குறித்து பலரை விட அதிக கவனத்துடன் இருந்தனர். ஜெனிவாவில் சவுத் சவுத் கமிஷனில் பணிபுரிந்த பிறகு மன்மோகன் சிங் திரும்பியிருந்தார். முன்னாள் சோவியத் யூனியன் மற்றும் கிழக்கு ஐரோப்பிய முகாமின் சரிவுக்குப் பிறகு, வெளிவிவகார அமைச்சராக இருந்த ராவ் உலகளாவிய எழுச்சியை உணர முடிந்தது. கொள்கை வகுப்பாளராக இருந்து, அரசியல்வாதியாக இருந்து, நிதியமைச்சராக இருந்து, மன்மோகன் சிங்  நேரம் ஓடிக்கொண்டிருப்பதை உணர்ந்தார்.

1991 ஆம் ஆண்டின் அவரது புகழ்பெற்ற பட்ஜெட்டில் "விக்டர் ஹ்யூகோ" தருணத்தைப் பற்றி குறிப்பிடப்பட்டதையும் இது விளக்கலாம், இது மாற்றங்களைத் தூண்டியது, இது ஒரு பொருளாதார சக்தியாக நாடு உருவாக வழிவகுத்தது. "பூமியில் உள்ள எந்த சக்தியும் அதன் நேரம் வந்த ஒரு யோசனையைத் தடுக்க முடியாது. உலகின் ஒரு பெரிய பொருளாதார சக்தியாக இந்தியா உருவானது, அத்தகைய ஒரு யோசனையாகும், ”என்று அவர் கூறினார்.

இந்தியாவின் அரசியல் பொருளாதாரத்தை அங்கீகரிப்பதற்காக, 1991 சீர்திருத்தங்கள் நாட்டின் பலவீனங்களில் ஒன்றான பல ஆண்டுகளுக்குப் பிறகு அவர் விளக்கினார். "ஒரு நெருக்கடியில் நாங்கள் செயல்படுகிறோம். அதன் பிறகு, நாங்கள் தற்போதைய நிலைக்குத் திரும்புகிறோம், ”என்று சிங் ஜூலை 2016 இல் தி இந்தியன் எக்ஸ்பிரஸுக்கு அளித்த பேட்டியில் கூறினார்.

அவரது எதிரிகள் அவருடைய பலவீனமாக கருதுவதை விமர்சிக்க வேண்டிய கட்டாயத்தில் உள்ளனர் - அவர் நாட்டின் நிர்வாகத்தின் போது தீர்க்கமானதாக இல்லை, அமைச்சரவை சகாக்கள் மற்றும் கூட்டாளிகளை அவர் கையாண்டதில் பிரதிபலித்தது, அப்போதைய நிதியமைச்சர் பட்ஜெட்டில் வோடஃபோனுக்கு பிரபலமான பின்னோக்கி வரிவிதிப்பு. பிரணாப் முகர்ஜி, மற்றும் தேசிய ஆலோசனைக் குழுவை (என்ஏசி) “கூடுதல் அரசியலமைப்பு அதிகாரம்சட்டமாகச் செயல்பட "அனுமதித்தார். 

பல தசாப்தங்களுக்கு முன்னர் முகர்ஜியை தனது முன்னோடியாகக் கொண்டிருந்த மன்மோகன் சிங் போன்ற ஒருவருக்கு, கடைசி நிமிடத்தில் அவரை வீட்டோ செய்வது எளிதாக இருந்திருக்காது என்ற உண்மையை சிலர் ஒப்புக்கொண்டிருக்கலாம். முகர்ஜி நிதியமைச்சராக இருந்தபோது ரிசர்வ் வங்கியின் ஆளுநராகத் தொடர  மன்மோகன் சிங் வற்புறுத்த வேண்டியிருந்தது. வெளிநாட்டு வங்கியான பி.சி.சி.ஐ-க்கு உரிமம் வழங்குவதில் ஏற்பட்ட மோதலில் அது பின்னர் சரிந்தது.

அவரது பெருமைக்கு,  மன்மோகன் சிங் நிதியமைச்சகத்தின் பக்கவாட்டில் பல திறமையான பொருளாதார வல்லுனர்களைக் கொண்டு வர முடிந்தது - கடைசியாக ரகுராம் ராஜன், பிரதமரின் கௌரவ ஆலோசகராக அவர் முதலில் நியமித்தார். அவரது தொழில்முறை பின்னணியைக் கருத்தில் கொண்டு, சிங், 1991 இல் தொடங்கப்பட்ட இந்தியாவின் பொருளாதார சீர்திருத்தங்களை மறுபரிசீலனை செய்ய ஜகதீஷ் பகவதி மற்றும் டி என் சீனிவாசன் போன்ற சிலரை ஈடுபடுத்தினார். எந்த அரசாங்கமும் இதுபோன்ற முயற்சியை மேற்கொண்டதா என்பது சந்தேகமே.

முரண்பாடாக, அமெரிக்காவுடனான அணுசக்தி ஒப்பந்தம் மற்றும் பிற உள்நாட்டுப் பிரச்சினைகளுக்குப் பிறகு அவர் உள்நாட்டில் கணிசமான குறைகளை எதிர்கொண்டபோதும், பல உலகத் தலைவர்கள் 2008 உலகளாவிய நிதி நெருக்கடிக்குப் பிறகு ஆலோசனைக்காக அவர் மீது சாய்ந்தனர். அதில் பணக்கார நாடு கிளப்பின் ஒரு பகுதியாக இருந்த பெரும்பாலான தலைவர்களும் அடங்குவர் - ஜி8, உலகப் பேரழிவைக் கையாள்வதில் அவரது ஆலோசனையைப் பெற்றனர். முன்னாள் இங்கிலாந்து பிரதமர் டோனி பிளேயர் மற்றும் முன்னாள் பிரான்ஸ் ஜனாதிபதி நிக்கோலஸ் சார்கோசி உட்பட அவர்களில் சிலர் ஒப்புக்கொண்டுள்ளனர்.

பொருளாதார நிபுணர், மத்திய வங்கி ஆளுநர், நிதி அமைச்சர் மற்றும் அனைத்துக்கும் முடிசூட வேண்டிய பிரதமர். நிச்சயமாக, இது ஒரு கடினமான செயலாக இருக்கும்.

27/12/24 

source https://tamil.indianexpress.com/india/economist-rbi-governor-finance-minister-pm-manmohan-singh-tamil-news-8569628

Read More

இணையவழியில் பல கோடி மோசடி: மும்பையை சேர்ந்த 6 பேர் புதுச்சேரியில் கைது!

 

உங்களை டிஜிட்டல் அரஸ்ட் செய்யப் போகிறோம் என பொதுமக்களை மிரட்டி 66 கோடிகளைப் கொள்ளை அடித்த மும்பையைச் சேர்ந்தவர்களை புதுச்சேரி சைபர் கிரைம் போலீசார் சுற்றி வளைத்து பிடித்தார்

கடந்த 01.06.2024 அன்று முருங்கப்பாக்கத்தைச் சேர்ந்த அழகம்மை என்பவர் இணைய வழி காவல் நிலையம் வந்து, அறிமுகமில்லாத நபர்கள் வாட்ஸ்-ஆப் மூலமாக தங்களை மும்பை போலிஸ் என்று சொல்லி, உங்களுடைய ஆதார் மற்றும் செல்போன் எண்களை பயன்படுத்தி கம்போடியா மற்றும் தைவான் நாடுகளுக்கு மும்பையில் இருந்து தடை செய்யப்பட்ட போதைப்பொருள் மற்றும் போலி பாஸ்போர்ட்டுகள் கடத்தப்பட்டுள்ளது

இதன் காரணமாக உங்களை டிஜிட்டல் அரஸ்ட் செய்துள்ளதாக மிரட்டி  ரூ.27 லட்ச பணத்தை கொள்ளையடித்து விட்டதாக கொடுத்த புகார் கொடுத்தனர். இது தொடர்பாக புதுச்சேரி இணைய வழி காவல் ஆய்வாளர் தியாகராஜன்  குற்ற எண்: 95/24 வழக்கு பதிவு செய்து விசாரணை மேற்கொண்டார். இந்த விசாரணையில், பல்வேறு வங்கி கணக்குகள், ஸ்கைப் ஆன்லைன் வீடியோ கால் மற்றும் பணம் பரிவர்த்தனை செய்யப்பட்ட பல்வேறு வங்கிகளின் விவரங்கள் வாட்ஸ்அப்,  டெலிகிராம் ஆகியவற்றில் பேசிய விவரங்களை போன்ற பல கோணங்களில் விசாரணை நடத்தியுள்ளனர்.

இந்த விசாரணையில், கொல்கத்தாவை சேர்ந்த ஒரு நபரின் வங்கி கணக்கிற்கு ரூ. 27 லட்சம் பணம் சென்றது தெரியவந்தது. அது தொடர்பாக இணைய வழி காவல் கண்காணிப்பாளர் பாஸ்கரன் உத்தரவின்பேரில் சைபர் கிரைம் காவல் ஆய்வாளர் கீர்த்தி தலைமையில் கொல்கத்தா சென்று மேற்படி வழக்கில் தொடர்புடைய நபர்களுக்கு விசாரணைக்கு வருமாறு சம்மன் கொடுத்தனர். இதனைத் தொடர்ந்து அந்த நபர்கள் இணைய வழி காவல் நிலையம் வந்தனர்.

அப்போது, அவர்களுடைய வங்கி பரிவர்த்தனைகள் மற்றும் வாட்ஸ்-ஆப், டெலிகிராம் மற்றும் தொலைபேசி விவரங்களை ஆய்வு செய்தபோது மேற்படி வங்கி கணக்குகள் இந்தியா முழுவதும் பல வழக்குகளில் சம்மந்தப்பட்டிருப்பது தெரிய வருகிறது. இந்த வழக்கில் மோசடியான முறையில் பணம் பெறப்பட்ட குறிப்பிட்ட வங்கிக் கணக்கிற்கு, NCRP போர்டல் பல்வேறு மாநிலங்களில் பாதிக்கப்பட்ட பிறரிடமிருந்து மொத்தம் ரூ.66.11 கோடிக்கான புகாரை பெற்றுள்ளனர்.    

புதுச்சேரி சைபர் கிரைம் போலீசாரின் துரித நடவடிக்கையால், Mule வங்கி கணக்குகளை விற்ற, சைபர் மோசடியில் ஈடுபட்டவர்களை கைது செய்யப்பட்டுள்ளனர். இவர்கள் இணைய வழி குற்றவாளிகளுக்கு வங்கி கணக்குகளை வாங்கி தருவது பணத்தை அவர்கள் சொல்கின்ற வங்கி கணக்கிற்கு மாற்றுவது மற்றும் கிரிப்டோ கரண்சிகளை வாங்கி அவர்களுக்கு அனுப்புவது போன்ற குற்ற செயல்கள் செய்து தெரிய வந்தது. இதனையடுத்து கொல்கத்தாவைச் சேர்ந்த மிக முக்கியமான அந்த மூன்று குற்றவாளிகளையும் கைது செய்த இணைய வழி காவல் ஆய்வாளர் தியாகராஜன் இன்று நீதிமன்றத்தில் ஆஜர்படுத்தி சிறையில் அடைத்தனர்.

மேலும் இது சம்பந்தமாக அவர்களுடைய கைப்பேசிகளின் விவரங்கள் சேகரிக்கப்பட்டு வருகிறது. மேலும் பல கோடி ரூபாய் மோசடியில் இவர்களுக்கு தொடர்பு இருக்கும் என்று தெரிய வருகிறது. இந்த வழக்கில் தொடர்புடைய மூன்று நபர்கள் மும்பை, அசாம் மற்றும் இதர மாநிலங்களில் இருப்பது தெரியவந்துள்ளது. அவர்களையும் கைது செய்ய தனி படை அமைத்துள்ளது.

இது பற்றி இணைய வழி முதுநிலை காவல் கண்காணிப்பாளர் தநாரா சைதன்யா பொதுமக்களுக்கு விடுத்துள்ள செய்தியில், உங்களை டிஜிட்டல் அரஸ்ட் செய்துள்ளோம், மும்பை போலீஸ் பேசுகிறோம், உங்களுடைய செல்போன் எண்ணை பயன்படுத்தி வெளிநாடுகளுக்கு போதைப் பொருள் கடத்தப்பட்டுள்ளது, உங்களுடைய வங்கி கணக்கில் சட்டத்திற்கு விரோதமாக பண வருவாய் வந்துள்ளது, FedEx கொரியரில் உங்களுடைய மொபைல் எண்ணை பயன்படுத்தி போதைப்பொருள் கடத்தப்பட்டுள்ளது என்று இதுபோன்று எந்த இணைய வழி மோசடி மிரட்டல் அழைப்புகள் வந்தாலும் அதை நம்பி பணத்தை செலுத்த வேண்டாம்.

இது சம்மந்தமாக, உடனடியாக 1930 என்ற இணைய வழி காவல் நிலைய இலவச தொலைபேசி எண்ணை தொடர்பு கொள்ளுமாறு பொதுமக்களை கேட்டுக்கொள்கிறேன். மேலும், இதுபோன்று வங்கி கணக்குகள், சிம் கார்ட் பணத்திற்காக யார் கேட்டாலும் கொடுக்கவேண்டாம். மேற்படி வங்கி கணக்குகள், சிம் கார்ட்கள் இணையவழி மோசடிகாரர்களால் பயன்படுத்தப்பட்டு நீங்கள் சிறைக்கு செல்ல நேரிடும். இந்த வழக்கில் முக்கிய குற்றவாளிகள் கைது செய்யப்பட்டதற்கு இணைய வழி காவல்துறை ஆய்வாளர்கள் தியாகராஜன் மற்றும் கீர்த்தி, தலைமை காவலர் மணிமொழி, காவலர் பாலாஜி, வினோத் மற்றும் ரோஸ்லின் மேரி ஆகியோர் அடங்கிய சிறப்பு புலனாய்வு குழுவிற்கு பாராட்டுகளையும் தெரிவித்தார்.

source https://tamil.indianexpress.com/india/puducherry-police-arrested-6-persons-for-money-fraud-case-8571756

Read More

கொரோனா முடிந்தும் பி.எம் கேர்ஸ் நிதிக்கு வந்த நன்கொடை: 2022- 23 நிதியாண்டில் ரூ.912 கோடி பங்களிப்பு

 

பிஎம் கேர்ஸ் நிதிக்கு வந்த நன்கொடை பட்டியல்

கொரோனா காலத்தில் ஊரடங்கின் போது பி.எம் கேர்ஸ் நிதியை மத்திய அரசு உருவாக்கியது. இதன் மூலம் எந்தவொரு சுகாதார அவசர நிலையையும் சமாளிக்க அரசாங்கத்திற்கு ஒரு தனி நிதி இருக்கும். இந்நிலையில் கொரோனா முடிந்தும் பிஎம் கேர்ஸ் நிதிக்கு நிவாரணம் வந்தது. இதுகுறித்து பிஎம் கேர்ஸ் நிதி தகவல் தெரிவித்துள்ளது.

கோவிட் தொற்றுநோய்க்குப் பிறகும் நன்கொடைகள் தொடர்ந்து வந்து கொண்டிருந்ததால், பிரதமரின் குடிமக்கள் உதவி மற்றும் அவசரகால சூழ்நிலைகளில் நிவாரண நிதி (PM CARES Fund) 2022-23 நிதியாண்டில் ரூ .912 கோடி பங்களிப்பை பெற்றது. பிஎம் கேர்ஸ் நிதி 2022-23 ஆம் ஆண்டில் தன்னார்வ பங்களிப்பாக ரூ .909.64 கோடியையும், வெளிநாட்டு பங்களிப்பாக ரூ .2.57 கோடியையும் பெற்றது.

ரூ .912 கோடி நன்கொடைகளுக்கும் அதிகமாக, இந்த நிதியம் வட்டி வருமானமாக ரூ .170.38 கோடியைப் பெற்றது. இதில் ரூ .154 கோடி வழக்கமான கணக்குகளின் வட்டியிலிருந்தும், ரூ .16.07 கோடி வெளிநாட்டு பங்களிப்பு கணக்கிலிருந்தும் வந்தது.

மத்திய / மாநிலங்கள் / யூனியன் பிரதேசங்களால் நடத்தப்படும் அரசு மருத்துவமனைகளுக்கு 50,000 'மேட் இன் இந்தியா' வென்டிலேட்டர்கள் வாங்கியதில் இருந்து பணத்தைத் திரும்பப் பெறுவது (ரூ .202 கோடி) உட்பட பல்வேறு ஆதாரங்களில் இருந்து பணத்தைத் திரும்பப் பெறும் வடிவத்தில் சுமார் 225 கோடி ரூபாய் கிடைத்தது.

கொடுப்பனவுகள் மற்றும் பட்டுவாடாக்களைப் பொருத்தவரை, பிஎம் கேர்ஸ் நிதியம் 2022-23 நிதியாண்டில் மொத்தம் ரூ .439 கோடியை வழங்கியது. இதில் குழந்தைகளுக்கான பிஎம் கேர்ஸ் ரூ .346 கோடி,  ரூ .91.87 கோடியில் 99,986 ஆக்ஸிஜன் செறிவூட்டிகள், திருப்பித் தரப்பட்ட பங்களிப்புக்கு ரூ .1.51 கோடி, சட்ட கட்டணங்களுக்காக ரூ .24,000 மற்றும் வங்கி கட்டணங்கள் மற்றும் எஸ்எம்எஸ் கட்டணங்களுக்கு ரூ .278 செலவிடப்பட்டதாக கணக்கு காட்டப்பட்டுள்ளது.

ஆங்கிலத்தில் படிக்கவும்

PM CARES Fund received Rs 912 crore contribution in year after Covid pandemic

2022-23 நிதியாண்டின் இறுதியில், பி.எம் கேர்ஸ் நிதியில் இறுதி இருப்பு ரூ .6,284 கோடியாக இருந்தது, இது 2021-22 நிதியாண்டின் இறுதியில் ரூ .5,416 கோடியுடன் ஒப்பிடும்போது 16 சதவீதம் அதிகமாகும். 2020-21 ஆம் ஆண்டின் இறுதியில் ரூ .7,014 கோடியாகவும், 2019-20 ஆம் ஆண்டின் இறுதியில் ரூ .3,077 கோடியாகவும் இறுதி இருப்பு இருந்தது.

மொத்தத்தில், பிஎம் கேர்ஸ் நிதியம் 2019-20 முதல் 2022-23 வரையிலான நான்கு ஆண்டுகளில் தன்னார்வ பங்களிப்புகள் (ரூ .13,067 கோடி) மற்றும் வெளிநாட்டு பங்களிப்புகள் (ரூ .538 கோடி) மொத்தம் ரூ .13,605 கோடியைப் பெற்றது. இந்த காலகட்டத்தில் வட்டி வருமானமாக ரூ.565 கோடி கிடைத்துள்ளது.

கோவிட் -19 தொற்றுநோயை அடுத்து ஊரடங்கில் இருந்த நாட்களுக்குப் பிறகு, மார்ச் 27, 2020 அன்று புதுடெல்லியில் பதிவுச் சட்டம், 1908 இன் கீழ் பிஎம் கேர்ஸ் நிதி ஒரு பொது தொண்டு அறக்கட்டளையாக பதிவு செய்யப்பட்டது.

இது "கோவிட் -19 தொற்றுநோயால் முன்வைக்கப்பட்டதைப் போன்ற எந்தவொரு அவசர அல்லது துயர சூழ்நிலையையும் கையாள்வதற்கும், பாதிக்கப்பட்டவர்களுக்கு நிவாரணம் வழங்குவதற்கும் முதன்மை நோக்கத்துடன் ஒரு பிரத்யேக நிதியை வைத்திருப்பதன் அவசியத்தை மனதில் வைத்து" அமைக்கப்பட்டது.

பிரதமர், கேர்ஸ் நிதியத்தின் பதவி வழித் தலைவராக உள்ளார், அதே நேரத்தில் பாதுகாப்பு அமைச்சர், உள்துறை அமைச்சர் மற்றும் நிதி அமைச்சர் ஆகியோர் நிதியத்தின் பதவி வழி அறங்காவலர்களாக உள்ளனர். பிஎம் கேர்ஸ் நிதியத்தின் அறங்காவலர் குழுவின் தலைவராக, நீதிபதி கே.டி.தாமஸ் (ஓய்வு) மற்றும் கரியா முண்டா ஆகியோரை அறங்காவலர்களாக பிரதமர் நியமித்துள்ளார்.

நிதியத்தின் வலைத்தளம் கூறுகிறது: "பிஎம் கேர்ஸ் நிதிக்கு நன்கொடைகள் வருமான வரிச் சட்டம், 1961 இன் கீழ் 100% விலக்குக்கு 80 ஜி நன்மைகளுக்கு தகுதி பெறும். பி.எம் கேர்ஸ் நிதிக்கான நன்கொடைகள் நிறுவனங்கள் சட்டம், 2013 இன் கீழ் கார்ப்பரேட் சமூக பொறுப்பு (சி.எஸ்.ஆர்) செலவினங்களாக கணக்கிட தகுதி பெறும்.

source https://tamil.indianexpress.com/india/pm-cares-fund-received-912-crore-contribution-in-year-after-covid-pandemic-in-tamil-8572106

Read More

குளிரில் நடுங்கி அடுத்தடுத்து உயிரிழந்த குழந்தைகள்… காசாவில் தொடரும் சோகம்!

 

26 12 24 

காஸாவில் கடந்த 48 மணிநேரத்தில் 3 குழந்தைகள் குளிரால் நடுங்கி உயிரிழந்த சம்பவம் சோகத்தை ஏற்படுத்தியுள்ளது.

இஸ்ரேல் கடந்த 2023 ஆம் ஆண்டு அக்டோபர் மாதத்திலிருந்து காஸா பகுதிகளின் மீது போர் தொடுத்து வருகின்றது. இஸ்ரேலின் ராணுவத்தின் தொடர் தாக்குதலினால் ஏராளமான குடியிருப்பு பகுதிகள் தகர்க்கப்பட்டதுடன் 45,000க்கும் மேற்பட்டோர் கொல்லப்பட்டனர். மேலும், லட்சக்கணக்கான பாலஸ்தீனர்கள் இடமாற்றப்பட்டு காசா கூடார நிவாரண முகாம்களில் தங்கவைக்கப்பட்டுள்ளனர்.

தற்போது காஸாவில் குளிர்காலம் துவங்கியுள்ளதால் முகாம்களில் தங்கியுள்ள லட்சக்கணக்கான பாலஸ்தீனர்கள் குளிரிலிருந்து தங்களை பாதுகாத்துக்கொள்ள போதுமான குடியிருப்புகளும், சரியான போர்வைகளும் இன்றி குளிரலைகளினால் பாதிக்கப்பட்டு உயிரிழக்கும் அபாயத்தில் உள்ளனர். காஸாவில் கடந்த 2 நாள்களுக்குள் 3 குழந்தைகள் குளிரில் நடுங்கி உயிரிழந்துள்ளன. காஸாவின் கான் யூனுஸ் நகரின் முவாஸி பகுதியிலுள்ள முகாமின் கூடாரத்தில் குடும்பத்துடன் தங்கியிருந்த 3 வாரக் குழந்தையான சிலா தான் அந்த 3 குழந்தைகளில் கடைசியாக குளிரினால் உயிரிழந்தது.

இரவு முழுவதும் குளிரினால் அழுதுக்கொண்டே இருந்த குழந்தைக்கு அதன் பெற்றோர் போர்வைகளைப் போர்த்தியுள்ளனர். காலை எழுந்து பார்த்தப்போது குழந்தை அசைவின்றி இருந்துள்ளது. உடனடியாக, அதன் பெற்றோர் அந்த குழந்தையை அங்குள்ள மருத்துவமனைக்கு கொண்டுச் சென்றனர். அங்கு சிலாவை பரிசோதித்த மருத்துவர்கள் அந்த குழந்தை உயிரிழந்துவிட்டதாக தெரிவித்தனர்.

இதுகுறித்து கான் யூனுஸ் பகுதியிலுள்ள நாஸர் மருத்துவமனையின் குழந்தைகள் பிரிவு தலைமை மருத்துவர் அஹமது அல்-ஃபர்ரா கூறுகையில், கடந்த 48 மணிநேரத்தில் குளிரினால் பாதிக்கப்பட்டு சிலா உள்பட, 3 நாள்களே ஆன குழந்தை ஒன்றும், 1 மாதக் குழந்தை ஒன்றும் உயிரிழந்ததாக தெரிவித்துள்ளார். மேலும், உயிரிழந்த குழந்தைகள் அனைத்தும் குளிரினால் ஏற்படும் ஹைப்போதெர்மீயாவினால் பாதிப்பின் காரணமாக உயிரிளந்துள்ளதாக தெரிவித்துள்ளார்.

source https://news7tamil.live/children-shivering-in-the-cold-and-died-one-after-another-tragedy-continues-in-gaza.html

Read More