Election Commission | Sbi Bank | பாரத ஸ்டேட் வங்கியில் (எஸ்பிஐ) பெறப்பட்ட தேர்தல் பத்திரங்கள் குறித்த தகவல்களை இந்திய தேர்தல் ஆணையம் வியாழக்கிழமை தனது இணையதளத்தில் பதிவேற்றம் செய்துள்ளது.
தேர்தல் பத்திரங்கள் தொடர்பான தரவுகளை பாரத ஸ்டேட் வங்கி மார்ச் 12 ஆம் தேதி ஆணையத்திடம் வழங்கியதாக தேர்தல் ஒழுங்குமுறை அமைப்பு ஊடகங்களுக்கு அளித்துள்ள செய்தியில் தெரிவித்துள்ளது.
இது தொடர்பாக செய்திக் குறிப்பில், "இந்த விஷயத்தில், இந்திய தேர்தல் ஆணையம் வெளிப்படைத்தன்மைக்கு ஆதரவாக நடந்துள்ளது. இது உச்ச நீதிமன்றத்தின் நடவடிக்கைகளில் பிரதிபலிக்கிறது” தெரிவிக்கப்பட்டுள்ளது.
Electoral Bonds Data - Released by EC by Express Web on Scribd
electoral bond donors by Srishti Kapoor
electoral bond donors by Srishti Kapoor
முன்னதாக தேர்தல் பத்திர திட்டம் திட்டம், 2018ஐ ரத்து செய்யும் போது, மார்ச் 6 ஆம் தேதிக்குள் ECI க்கு தரவை வழங்குமாறு எஸ்பிஐக்கு உச்ச நீதிமன்றம் உத்தரவிட்டது. மார்ச் 13 ஆம் தேதிக்குள் தரவை வெளியிட இந்திய தேர்தல் ஆணையத்துக்கு அறிவுறுத்தப்பட்டது.
இருப்பினும், மார்ச் 4 அன்று, வங்கி ஜூன் 30 வரை கூடுதல் அவகாசம் கோரி நீதிமன்றத்தில் மனு தாக்கல் செய்தது, கட்சிக்கு ஒவ்வொரு நன்கொடையையும் பொருத்தும் பணி நேரத்தை எடுத்துக்கொள்வதாகக் கூறியது.
ஆனால் இதனை உச்ச நீதிமன்றம் ஏற்றுக்கொள்ளவில்லை. இந்த நிலையில், பத்திரத்தின் தேதி மற்றும் மதிப்பு, மற்றும் கட்சியின் பெயர், திரும்பப் பெற்ற தேதி ஆகியவை வெளியிடப்பட்டுள்ளன.
source https://tamil.indianexpress.com/india/electoral-bonds-data-released-ec-makes-public-donors-list-after-sc-order-4350635
