சுயநலம் பேணுவோம்!

சுயநலம் பேணுவோம்! கே.எம்.அப்துந்நாஸர் பேச்சாளர்,TNTJ தர்பியா - 14.12.2025 செங்கை கிழக்கு மாவட்டம் - கடப்பாக்கம்

Read More

மறுமை சிந்தனையை அதிகரிக்கும் மாமறை !

மறுமை சிந்தனையை அதிகரிக்கும் மாமறை ! ஐ.அன்சாரி TNTJ - மாநிலச் செயலாளர் ஜுமுஆ உரை - (26.12.2025) வரகனேரி கிளை , திருச்சி மாவட்டம்.

Read More

இறைத்தூதர் ஈஸா (அலை) !

இறைத்தூதர் ஈஸா (அலை) ! K.M.அப்துந் நாசிர் MISc (பேச்சாளர்,TNTJ) TNTJ தலைமையக ஜுமுஆ - 26.12.2025

Read More

மரணத்தை மறந்துவிடாதீர் !

மரணத்தை மறந்துவிடாதீர் ! காஞ்சி A.இப்ராஹீம் TNTJ - மாநிலப் பொருளாளர் ஜுமுஆ உரை - (26.12.2025) பீமநகர் கிளை,திருச்சி மாவட்டம்.

Read More

வெற்றிலை பாக்கு போடுவது பற்றி இஸ்லாத்தின் நிலைபாடு என்ன ?

வெற்றிலை பாக்கு போடுவது பற்றி இஸ்லாத்தின் நிலைபாடு என்ன ? வாராந்திர வாட்ஸ் அப் கேள்வி பதில் நிகழ்ச்சி - 24.12.2025 பதிலளிப்பவர் : - ஏ.ஹமீதுர்ரஹ்மான் M.I.Sc பேச்சாளர்,TNTJ

Read More

இசை அல்லாத நஷீத் என்ற அரபு பாடல்களை பயன்படுத்துவது கூடுமா ?

இசை அல்லாத நஷீத் என்ற அரபு பாடல்களை பயன்படுத்துவது கூடுமா ? வாராந்திர வாட்ஸ் அப் கேள்வி பதில் நிகழ்ச்சி - 24.12.2025 பதிலளிப்பவர் : - ஏ.ஹமீதுர்ரஹ்மான் M.I.Sc பேச்சாளர்,TNTJ

Read More

வங்கதேசத்தில் நடப்பது என்ன?

வங்கதேசத்தில் நடப்பது என்ன? E.J.முஹ்சின் மாநிலச் செயலாளர் TNTJ செய்தியும் சிந்தனையும் - 23.12.25

Read More

EPS ன் தொகுதி பங்கீடு , வெற்றியா ? தோல்வியா ?

EPS ன் தொகுதி பங்கீடு , வெற்றியா ? தோல்வியா ? S.முஹம்மது யாஸிர் மாநிலச் செயலாளர்,TNTJ செய்தியும் சிந்தனையும் - 24.12..25

Read More

மத்திய உள்துறை அமைச்சகத்தால் நடத்தப்படும் பல்கலைக்கழகங்கள்- பாகம்-4

National Institute of Pharmaceutical Education and Research(NIPER) மத்திய உள்துறை அமைச்சகத்தால் நடத்தப்படும் பல்கலைக்கழகங்கள்- பாகம்-4 கல்விச் சிந்தனைகள் 24.12.2025 எம்.ஆர்.ஜாவித் அஷ்ரஃப் (மாநில மாணவரணி ஒருங்கிணைப்பாளர், TNTJ )

Read More

கிறித்தவர்களை தாக்கும் சங்கிகள்

கிறித்தவர்களை தாக்கும் சங்கிகள் A. ஃபெரோஸ்கான் மாநிலச் செயலாளர்,TNTJ செய்தியும் சிந்தனையும் - 25.12.25

Read More

சிலைத்திருட்டு போலீஸ்காரரின் திருப்பரங்குன்றம் பல்டிகள்..

சிலைத்திருட்டு போலீஸ்காரரின் திருப்பரங்குன்றம் பல்டிகள்.. செய்தியும் சிந்தனையும் - 25.12.25 காஞ்சி A.இப்ராஹீம் (மாநிலப் பொருளாளர்,TNTJ)

Read More

வடமாநில இளைஞர் மீது கொடூர தாக்குதல் நடப்பது என்ன ?

வடமாநில இளைஞர் மீது கொடூர தாக்குதல் நடப்பது என்ன ? A.K.அப்துர் ரஹீம் (மாநில துணைப்பொதுச்செயலாளர்,TNTJ) செய்தியும் சிந்தனையும் - 30.12.25

Read More

ஜாக்டோ- ஜியோ போராட்டம் தொடங்குகிற அதே நாளில் அமைச்சரவை கூட்டம்: பழைய ஓய்வூதிய திட்டம் பற்றி தமிழக அரசு முக்கிய முடிவு?

 

தமிழக முதல்வர் மு.க. ஸ்டாலின் தலைமையில் வரும் ஜனவரி 6-ஆம் தேதி காலை 11 மணிக்கு சென்னை தலைமைச் செயலகத்தில் அமைச்சரவைக் கூட்டம் நடைபெற உள்ளது. 2026-ஆம் ஆண்டின் முதல் கூட்டத்தொடர் தொடங்க உள்ள நிலையில், இந்த ஆலோசனைக் கூட்டம் மிகுந்த எதிர்பார்ப்பை ஏற்படுத்தியுள்ளது

தமிழக சட்டப்பேரவையின் 2026 ஆம் ஆண்டிற்கான முதல் கூட்டத்தொடர் வரும் ஜனவரி 20-ஆம் தேதி ஆளுநர் உரையுடன் தொடங்குகிறது. அதற்கு முன்னதாக நடைபெறும் இந்த அமைச்சரவைக் கூட்டத்தில் சில முக்கியமான விஷயங்கள் குறித்து விவாதிக்கப்பட வாய்ப்புள்ளது. 

சட்டசபையில் ஆளுநர் வாசிக்க வேண்டிய உரையின் வரைவு அறிக்கைக்கு அமைச்சரவை ஒப்புதல், தேர்தல் நெருங்கும் சூழலில், அரசின் இடைக்கால வரவு-செலவுத் திட்டம் (Interim Budget) தொடர்பான ஆலோசனைகள், தமிழகத்தில் வேலைவாய்ப்பைப் பெருக்கும் நோக்கில், புதிய தொழில் திட்டங்கள் மற்றும் பெரும் முதலீடுகள் குறித்து விவாதிக்கப்படலாம். 

அமைச்சரவைக் கூட்டம் நடைபெறும் அதே ஜனவரி 6-ஆம் தேதி, தமிழக அரசு ஊழியர்கள் மற்றும் ஆசிரியர்களின் கூட்டமைப்பான ஜாக்டோ-ஜியோ (JACTTO-GEO) தங்களின் காலவரையற்ற வேலைநிறுத்தப் போராட்டத்தைத் தொடங்கப்போவதாக அறிவித்துள்ளது. 

அரசு ஊழியர்கள் போராட்டக்களத்தில் இறங்கும் அதே நாளில் அமைச்சரவை கூடுவதால், அவர்களின் கோரிக்கைகள் குறித்து முதல்வர் முக்கிய முடிவுகளை எடுக்கக்கூடும் என எதிர்பார்க்கப்படுகிறது. குறிப்பாக, நீண்ட கால கோரிக்கையான பழைய ஓய்வூதியத் திட்டம் தொடர்பாக ஏதேனும் சாதகமான அறிவிப்பு வெளியாகுமா என்பதே அரசு ஊழியர்களின் தற்போதைய எதிர்பார்ப்பாக உள்ளது.

சட்டமன்றக் கூட்டத்தொடர் மற்றும் அரசு ஊழியர்களின் போராட்டம் என இருமுனை அழுத்தங்களுக்கு மத்தியில் இந்த அமைச்சரவைக் கூட்டம் நடைபெறுகிறது. தமிழக அரசின் அடுத்தகட்ட நகர்வுகள் மற்றும் புதிய நலத்திட்டங்கள் குறித்த அதிகாரப்பூர்வ அறிவிப்புகள் ஜனவரி 6 மாலை தெரியவரும்.

source https://tamil.indianexpress.com/tamilnadu/tn-cabinet-meet-on-jan-6-expecting-crucial-decisions-on-jactto-geo-strike-10960474

Read More

JEE Advanced 2026: ஜே.இ.இ அட்வான்ஸ்டு தேர்வு எப்போது? அட்டவணை வெளியிட்ட என்.டி.ஏ

 

இந்திய தொழில்நுட்ப நிறுவனம் (IIT) ரூர்க்கி கூட்டு நுழைவுத் தேர்வு அட்வான்ஸ்டு (JEE Advanced) 2026 தேர்வுக்கான விரிவான அட்டவணையை வெளியிட்டுள்ளது.

அறிவிக்கப்பட்ட அட்டவணையின்படி, ஜே.இ.இ அட்வான்ஸ்டு 2026 தேர்வுக்கான ஆன்லைன் பதிவு ஜே.இ.இ மெயின் 2026 தேர்வில் தகுதி பெறும் விண்ணப்பதாரர்களுக்கு ஏப்ரல் 23 ஆம் தேதி தொடங்கி, மே 2 ஆம் தேதி முடிவடையும். பதிவு செயல்முறை jeeadv.ac.in என்ற அதிகாரப்பூர்வ வலைத்தளம் மூலம் மேற்கொள்ளப்படும். ஜே.இ.இ அட்வான்ஸ்டு 2026 தேர்வு மே 17 ஆம் தேதி நடைபெற உள்ளது, அதே நேரத்தில் இறுதி விடைக்குறிப்பு மற்றும் முடிவுகள் ஜூன் 1 ஆம் தேதி அறிவிக்கப்படும். அட்மிட் கார்டு வெளியீடு, விடைத்தாள் வெளியீடு, விடைக்குறிப்பு சவால் சாளரம் மற்றும் கட்டிடக்கலை திறன் தேர்வு (AAT) தொடர்பான முக்கிய தேதிகளும் அட்டவணையில் வெளியிடப்பட்டுள்ளது.

ஜே.இ.இ அட்வான்ஸ்டு 2026: முழுமையான அட்டவணை 

ஜே.இ.இ மெயின் தேர்வு 2026 (தேசிய தேர்வு முகமையால் (NTA) கணினி அடிப்படையிலான தேர்வாக நடத்தப்படும்) தேதிகள் – ஜே.இ.இ வலைதளத்தை பார்வையிடவும்

ஜே.இ.இ மெயின் தேர்வு முடிவுகள் – ஜே.இ.இ வலைதளத்தை பார்வையிடவும்

வெளிநாடு வாழ் மற்றும் OCI/PIO (F) மாணவர்களுக்கான ஜே.இ.இ அட்வான்ஸ்டு 2026 தேர்வுக்கான ஆன்லைன் நேரடி பதிவு - ஏப்ரல் 6, 2026, காலை 10 மணி முதல் மே 2, 2026, இரவு 11:59 மணி வரை

ஜே.இ.இ மெயின் 2026 தேர்வில் தகுதி பெற்ற மாணவர்களுக்கான ஜே.இ.இ அட்வான்ஸ்டு தேர்வுக்கான ஆன்லைன் பதிவு - ஏப்ரல் 23, 2026, காலை 10 மணி முதல் மே 2, 2026, இரவு 11:59 மணி வரை

கட்டணம் செலுத்துவதற்கான கடைசி தேதி - மே 4, 2026, இரவு 11:59 மணி வரை

அட்மிட் கார்டை பதிவிறக்கம் செய்யும் காலம் - மே 11, 2026, காலை 10 மணி முதல் மே 17, 2026 வரை (14:30 IST)

மாற்றுத்திறனாளி விண்ணப்பதாரர்கள் தங்களுக்கான உதவி எழுத்தர்களை தேர்வு செய்யும் தேதி - மே 16, 2026

ஜே.இ.இ அட்வான்ஸ்டு தேர்வு நடைபெறும் தேதி - மே 17, 2026

தாள் 1: காலை 9 மணி முதல் மதியம் 12 மணி வரை

தாள் 2: பிற்பகல் 2:30 மணி முதல் மாலை 5:30 மணி வரை

விடைத்தாள் ஆன்லைனில் வெளியிடும் தேதி - மே 21, 2026, மாலை 5 மணி வரை 

தற்காலிக விடைக்குறிப்புகள் வெளியிடும் தேதி - மே 25, 2026, காலை 10 மணி

தற்காலிக விடைக்குறிப்புகள் குறித்த கருத்துக்கள் சமர்பிக்கும் காலம் - மே 25, 2026, காலை 10 மணி முதல் மே 26, 2026, மாலை 5 மணி வரை

இறுதி விடைகுறிப்பு மற்றும் முடிவுகள் வெளியாகும் தேதி - ஜூன் 1, 2026, காலை 10 மணி வரை

AAT 2026 தேர்வுக்கான ஆன்லைன் பதிவு - ஜூன் 1, 2026, காலை 10 மணி முதல் ஜூன் 2, 2026, மாலை 5 மணி வரை

JoSAA 2026 கவுன்சிலிங்கின் தற்காலிக தொடக்கம் - ஜூன் 2, 2026, மாலை 5 மணி வரை

கட்டிடக்கலை திறன் தேர்வு (AAT) 2026 நடைபெறும் தேதி - ஜூன் 4, 2026 காலை 9 முதல் மதியம் 12 மணி வரை

AAT 2026 தேர்வு முடிவுகள் அறிவிக்கப்படும் தேதி - ஜூன் 7, 2026 மாலை 5 மணி

ஜே.இ.இ அட்வான்ஸ்டு தேர்வு என்பது இந்திய தொழில்நுட்ப நிறுவனங்களில் (IIT) இளங்கலை பொறியியல் படிப்புகளில் சேருவதற்கான தேசிய அளவிலான நுழைவுத் தேர்வாகும். தேசிய தேர்வு முகமை (NTA) நடத்தும் ஜே.இ.இ முதன்மைத் தேர்வு 2026 இல் தகுதி பெறுபவர்களுக்கு இந்தத் தேர்வு நடத்தப்படும்.

source https://tamil.indianexpress.com/education-jobs/jee-advanced-2026-schedule-out-iit-roorkee-to-begin-registration-from-april-23-results-by-june-10956493

Read More

இசபெல் வில்கர்சனின் அதிரவைக்கும் உண்மைகள்!

 

இசபெல் வில்கர்சனின் 'சாதி' புத்தகம் Photograph: (AI Generated Image)

Suvir Saran

சில புத்தகங்களை வாசித்து முடித்ததும் மறந்துவிடுவோம். ஆனால், வேறு சில புத்தகங்கள் நம்மை விட்டு விலகுவதே இல்லை. அவை நம் உடலுக்குள் அடக்கி வைக்கப்பட்ட மூச்சுக் காற்றைப் போலவும், யாரோ மென்மையாகத் தொடும்போதுதான் "இதுவும் என்னுள் ஒரு பகுதிதான்" என்று உணரவைக்கும் காயத்தைப் போலவும் தங்கிவிடுகின்றன. இசபெல் வில்கர்சனின் 'சாதி' அத்தகைய ஒரு புத்தகமாகும்.

இது கவனத்தை ஈர்க்கக் கூச்சலிடுவதில்லை; மாறாக அமைதியாகக் காத்திருந்து நம்மை விசாரணை செய்கிறது. இந்தப் புத்தகம் ஆத்திரத்தைப் பற்றியது அல்ல; இது சமூகத்தின் உடற்கூறியல் பற்றியது. வில்கர்சன் சமூகத்தை அடுக்கு அடுக்காகப் பிரித்து, நாம் நடக்கும் எலும்புகளைக் காட்டுகிறார் - அதாவது, யார் எளிதாக உயர்கிறார்கள், யார் முன்கூட்டியே வளைகிறார்கள், யார் இயல்பான மனிதர்களாகக் கருதப்படுகிறார்கள், யார் எப்போதும் தங்கள் தகுதியை நிரூபித்துக் கொண்டே இருக்க வேண்டும் என்பதைத் தீர்மானிக்கும் கண்ணுக்குத் தெரியாத படிநிலை கட்டமைப்பை அவர் தோலுரித்துக் காட்டுகிறார்.

சாதி என்பது இந்தியாவில் மட்டுமே இருக்கும் ஒன்றல்ல அல்லது வரலாற்றுக் காலப் பழம்பொருள் மட்டுமல்ல; அது ஒரு உலகளாவிய இயக்க முறைமை என்று அவர் வாதிடுகிறார். அது பழமையானது, ஆனால் காலத்திற்கேற்ப மாறக்கூடியது; கொடூரமானது, ஆனால் அன்றாட வழக்கமாகிப் போனது.

நம்முடைய கதை

'சாதி' புத்தகத்தை மிகவும் பாதிப்பை ஏற்படுத்துவதாக மாற்றுவது எதுவென்றால், அது நம்மை தூரத்திலிருந்து வேடிக்கை பார்க்க அனுமதிப்பதில்லை. இது வேறொருவருடைய கதை அல்ல; இது நம்முடைய கதை - நாம் வாழ்ந்து கொண்டிருக்கும், பரம்பரையாகப் பெற்ற, தினமும் பயின்று கொண்டிருக்கும் கதை. அடக்குமுறை அமைப்புகள் செயல்பட வில்லன்கள் தேவையில்லை; அதற்குப் பங்களிப்பு, மௌனம் மற்றும் பழக்கமே போதும் என்பதை இந்தப் புத்தகம் தெளிவுபடுத்துகிறது. ஒரு அடக்குமுறை அமைப்பு ஒழுங்குமுறையாகவோ, கலாச்சாரமாகவோ அல்லது பொது அறிவாகவோ தன்னை மறைத்துக் கொள்ளும் போதுதான் சிறப்பாகத் தப்பிப் பிழைக்கிறது.

வாசிக்கும்போது, நான் தொடர்ந்து சமையலறைகளைப் பற்றியே யோசித்துக் கொண்டிருந்தேன் - உருவகமாக அல்ல, நிஜமாகவே. யார் கேள்வி கேட்கப்படாமல் உள்ளே நுழைகிறார்கள்? யார் மீண்டும் கைகளைக் கழுவச் சொல்லிக் கேட்கப்படுகிறார்கள்? யார் பரிமாறுகிறார்கள், யார் அமர்கிறார்கள்? யார் முதலில் சாப்பிடுகிறார்கள்? யாருக்கு நன்றி சொல்லப்படுகிறது? யார் மறைந்து போகிறார்கள்? அதிகாரம் இத்தகைய சடங்குகளில்தான் வாழ்கிறது. சாதியும் அப்படித்தான். அது எப்போதும் அறிவிக்கப்படுவதில்லை; அது அனுமானிக்கப்படுகிறது. அது எப்போதும் கொடூரத்தால் திணிக்கப்படுவதில்லை; அது சௌகரியங்களால் நிலைநிறுத்தப்படுகிறது.

ஒப்பீட்டுத் துணிச்சல்

இந்தியாவின் சாதிப் படிநிலைகளுக்கும், அமெரிக்காவின் இனப் படிநிலைகளுக்கும் இடையே உள்ள ஒற்றுமைகளைச் சுட்டிக்காட்டுவதன் மூலம், இப்பிரச்சினையில் எந்த நாடும் விதிவிலக்கல்ல என்பதை வில்கர்சன் நிரூபிக்கிறார். இந்தியா தனது பாரம்பரியத்தின் பின்னால் ஒளிந்து கொள்ள முடியாது; அமெரிக்கா தனது அடிமைமுறை ஒழிப்பின் பின்னால் மறைந்து கொள்ள முடியாது. படிநிலை அமைப்புகள் இடம் பெயர்கின்றன, உருமாறுகின்றன, மறுப்பு மொழிகளைக் கற்றுக் கொண்டு உயிர்வாழ்கின்றன. அவை சட்டங்களை விட அதிக காலம் வாழ்கின்றன, ஏனென்றால் அவை உளவியலிலும், நடத்தையிலும், விருப்பங்களிலும் தஞ்சம் புகுந்து கொள்கின்றன.

சம்பாதிக்காமல் நீங்கள் எதன் மூலம் பயனடைந்தீர்கள்? என்ற அபாயகரமான, அவசியமான கேள்வியை இந்தப் புத்தகம் கேட்கிறது.

நீதி என்பது வெறும் வருத்தப்படுவதில் இல்லை

இந்தப்புத்தகத்தைப் படிப்பதால் ஏற்படும் அசௌகரியம் ஒரு பக்கவிளைவு அல்ல; அதுவே அதன் நோக்கம். நீதி என்பது வெறும் அனுதாபத்திலோ அல்லது மேலோட்டமான குற்ற உணர்ச்சியிலோ தொடங்குவதில்லை என்பதை 'சாதி' தெளிவுபடுத்துகிறது. அது ஒரு தொடர்ச்சியான, கட்டமைக்கப்பட்ட, சங்கடமான கணக்கெடுப்பிலிருந்து தொடங்குகிறது. அநீதியை வீழ்த்துவது என்பது ஒரு உணர்ச்சிகரமான நிகழ்வு அல்ல; அது ஒரு அறம் சார்ந்த பயிற்சி.

வில்கர்சன் ஒரு கட்டமைப்பை பெயர் சூட்டி அடையாளப்படுத்துகிறார். ஒருமுறை அடையாளம் காணப்பட்ட கட்டமைப்பு, அதன் பிறகு கண்ணுக்குத் தெரியாமல் மீண்டும் இருளுக்குள் சென்று மறைந்துவிட முடியாது.

வரலாறு நம்மைக் குற்ற உணர்ச்சியில் இருக்கச் சொல்லவில்லை; விழிப்புடன் இருக்கச் சொல்கிறது. நாம் எதற்கெல்லாம் இணங்குகிறோம், எதற்கெல்லாம் பயனடைகிறோம், நாம் எவ்வாறு மாற்றத்தைத் தேர்ந்தெடுக்க முடியும் என்பதில் விழிப்புடன் இருக்கச் சொல்கிறது.

வேகம், ஆத்திரம் மற்றும் எளிதான மன்னிப்பு ஆகியவற்றுக்கு அடிமையான இந்தக் காலத்தில், 'சாதி' புத்தகம் நீடித்த பொறுமையைத் தேர்ந்தெடுக்கிறது. இது வாசகர்களைப் புகழவில்லை அல்லது எளிதான வழிகளைக் காட்டவில்லை. மாறாக, ஆழமான அநீதிகள் எப்போதும் சத்தமாக இருப்பதில்லை; அவை மிகவும் ஒழுக்கமானவை, தினமும் பயிலப்படுபவை, நாகரீகமாகப் பாதுகாக்கப்படுபவை, இடைவிடாமல் மறுக்கப்படுபவை என்பதை ஏற்கச் சொல்கிறது.

இந்தப் புத்தகம் மேலோட்டமாக வாசிக்கப்பட வேண்டிய ஒன்றல்ல. இதனுடன் அமர்ந்து, விவாதித்து, மீண்டும் மீண்டும் அணுக வேண்டிய ஒரு புத்தகம். ஏனென்றால், ஒருமுறை நீங்கள் அந்தக் கட்டமைப்பைக் கண்டுவிட்டால், உங்களால் அதைப் பார்க்காமல் இருக்க முடியாது. ஒருமுறை விழித்துக்கொண்டால், மீண்டும் தூக்கத்திற்குத் திரும்ப நேர்மையான வழியே இல்லை.

source https://tamil.indianexpress.com/literature/caste-book-pulitzer-prizewinning-journalist-isabel-wilkerson-the-long-shadow-we-pretend-not-to-see-10956811

Read More

வெறுப்புவாத அமைப்பு

 

ஆர்.எஸ்.எஸ். வெறுப்புவாத அமைப்பு: அல்கொய்தாவுடன் ஒப்பிட்டு காங்கிரஸ் எம்.பி மாணிக்கம் தாகூர் சர்ச்சை பேச்சு

பா.ஜ.க -ஆர்.எஸ்.எஸ் அமைப்பின் தேர்தல் வியூகங்கள் மற்றும் கட்டமைப்பை காங்கிரஸ் மூத்த தலைவர் திக்விஜய சிங் பாராட்டிய நிலையில், அதற்கு அக்கட்சியின் மக்களவை கொறடா மாணிக்கம் தாகூர் கடும் எதிர்ப்பு தெரிவித்துள்ளார்.

டெல்லியில் நடைபெற்ற காங்கிரஸ் கட்சி நிறுவன தின விழாவில் பேசிய மாணிக்கம் தாகூர், ஆர்.எஸ்.எஸ் அமைப்பை பயங்கரவாத அமைப்பான அல்கொய்தாவுடன் ஒப்பிட்டுப் பேசினார். ஆர்எஸ்எஸ் என்பது வெறுப்பின் அடிப்படையில் உருவாக்கப்பட்ட அமைப்பு. அது வெறுப்பையே பரப்புகிறது. வெறுப்பிலிருந்து நாம் எதையும் கற்றுக்கொள்ள முடியாது. அல்கொய்தா போன்ற அமைப்புகளிடமிருந்து நாம் எதையாவது கற்க முடியுமா? அதுவும் வெறுப்பைத் தூண்டும் அமைப்புதான். எதாவது கற்க வேண்டும் என்றால் நல்லவர்களிடமிருந்து கற்க வேண்டும் என்றார்.

140 ஆண்டுகால வரலாறு கொண்ட காங்கிரஸ், மக்களை ஒன்றிணைக்கும் இயக்கம். மகாத்மா காந்தி இதனை ஒரு மக்கள் இயக்கமாக மாற்றினார். இத்தகைய இயக்கம் ஒரு வெறுப்புவாத அமைப்பைப் பார்த்து பாடம் கற்க வேண்டுமா?" என்று அவர் கேள்வி எழுப்பினார்.

மாணிக்கம் தாகூர் ஆர்.எஸ்.எஸ் அமைப்பை கடுமையாகச் சாடினாலும், திக்விஜய சிங்கின் கருத்துக்கு திருவனந்தபுரம் எம்.பி சசி தரூர் ஆதரவு தெரிவித்துள்ளார். கட்சியின் அமைப்பை வலுப்படுத்த வேண்டும் என்பதில் எந்த சந்தேகமும் இல்லை என்று அவர் கூறியுள்ளார். திக்விஜய சிங் முன்னதாக பேசுகையில், சாதாரண தொண்டராக இருந்து நரேந்திர மோடி பிரதமராக உயர்ந்ததற்கு அந்த அமைப்பின் கட்டமைப்பே காரணம் என்றும், காங்கிரஸிலும் அதிகாரப் பரவல் மற்றும் கட்டமைப்பு மாற்றம் தேவை என்றும் குறிப்பிட்டிருந்தார்.

காங்கிரஸ் தலைவர் மல்லிகார்ஜுன கார்கே, ராகுல் காந்தி ஆகியோர் திக்விஜய சிங்கின் கருத்து குறித்து இதுவரை எந்த எதிர்வினையும் ஆற்றவில்லை. இது கட்சியின் உள்விவகாரம் என்றும், இதனை ஊடகங்களும் பாஜகவும் பெரிதுபடுத்துவதாகவும் காங்கிரஸ் வட்டாரங்கள் தெரிவிக்கின்றன.

மாணிக்கம் தாகூரின் கருத்துக்கு பாஜக தேசிய செய்தித் தொடர்பாளர் பிரதீப் பண்டாரி கடும் கண்டனம் தெரிவித்துள்ளார். ஆர்.எஸ்.எஸ் அமைப்பு பல தசாப்தங்களாக கல்வி, பேரிடர் நிவாரணம், ரத்த தான முகாம்கள் மற்றும் பழங்குடியினர் நலனுக்காகப் பாடுபட்டு வருகிறது. தேசியவாத அமைப்புகளை இழிவுபடுத்துவது காங்கிரஸின் வாடிக்கையாகிவிட்டது. 26/11 மும்பை தாக்குதலை ஆர்.எஸ்.எஸ். சதி என்று சொன்னவர் திக்விஜய சிங். பாகிஸ்தானின் அஜெண்டாவும் காங்கிரஸின் அஜெண்டாவும் ஒன்றாகவே இருக்கிறது என்று அவர் சாடினார்.

source https://tamil.indianexpress.com/india/day-after-digvijaya-singh-manickam-tagore-fuels-row-rss-built-on-hatred-can-you-learn-anything-from-al-qaeda-10956732

Read More

சென்னைப் பல்கலை மசோதா: 3 ஆண்டுகள் நிலுவையில் வைத்து திருப்பி அனுப்பினார் ஜனாதிபதி

 

சென்னைப் பல்கலைக்கழகத்தின் துணைவேந்தரை நியமிக்கவும் நீக்கவும் தமிழ்நாடு அரசுக்கு அதிகாரம் அளிக்கும் சட்ட மசோதா 2022-ல் சட்டப்பேரவையில் நிறைவேற்றி ஆளுநருக்கு தமிழக அரசு அனுப்பி வைத்தது. ஆளுநர் அதை குடியரசுத் தலைவர் திரவுபதி முர்முவுக்கு அனுப்பி வைத்தார்.

தமிழக சட்டமன்றத்தில் கடந்த 2022, ஏப்ரல் மாதம் சென்னைப் பல்கலைக்கழக மசோதா நிறைவேற்றப்பட்டது. சென்னைப் பல்கலைக்கழகத்தில் துணைவேந்தரை நியமிக்கவும், நீக்கவும் அரசுக்கு அதிகாரம் அளிக்கும் வகையில் இந்த மசோதாவில் திருத்தம் செய்யப்பட்டது. அதேபோல், பல்கலைக்கழகத்தின் சிண்டிகேட் உறுப்பினராக நிதித்துறைச் செயலரை நியமிக்கவும் இந்த மசோதா வழிவகை செய்திருந்தது.

உயர் கல்வித்துறை சார்பில் கொண்டு வரப்பட்ட இந்த மசோதாவை ஆளுநருக்கு தமிழக அரசு அனுப்பி வைத்த நிலையில், ஆளுநர் அதை குடியரசுத் தலைவருக்கு அனுப்பி வைத்தார். மத்திய மாநில அரசுகளின் பொதுப்பட்டியலில் உள்ள விவகாரம் என்பதால், இந்த மசோதாவை குடியரசுத் தலைவருக்கு ஆளுநர் அனுப்பி வைத்ததாக தெரிவிக்கப்பட்டது. ஆளுநரால் குடியரசுத் தலைவருக்கு அனுப்பி வைக்கப்பட்ட சென்னைப் பல்கலைக்கழக மசோதா 3 ஆண்டுகளாக கிடப்பில் இருந்தது. 

இந்நிலையில், சென்னைப் பல்கலைக்கழகத்தின் துணைவேந்தரை நியமிக்கவும் நீக்கவும் அதிகாரமளிக்கும் மசோதாவை குடியரசுத் தலைவர் திரவுபதி முர்மு திருப்பி அனுப்பியுள்ளார். இந்த மசோதா, திருப்பி அனுப்பப்பட்ட விவரம் தமிழக சட்டத்துறையிடம் தெரிவிக்கப்பட்டுள்ளது.

தமிழக அரசின் இந்த மசோதா திருப்பி அனுப்பப்பட்டுள்ள நிலையில், மேலும் பல மசோதாக்கள் நிலுவையில் உள்ளன. அந்த மசோதாக்களின் நிலை என்ன என்பது தற்போது தெரியவில்லை. பாரதியார் பல்கலைக்கழகம், பெரியார் பல்கலைக்கழகம், பாரதிதாசன் பல்கலைக்கழகம் உள்ளிட்ட பல்கலைக்கழக மசோதாக்களின் நிலை ஓரிரு நாட்களில் தெரிய வரும் என்று எதிர்பார்க்கப்படுகிறது.

30 12 2025 

source https://tamil.indianexpress.com/tamilnadu/president-droupadi-murmu-sent-back-madras-university-bill-tamil-nadu-assembly-10956770

Read More

ரயில் பயணிகளே கவனிங்க; டிச. 29 முதல் டிக்கெட் முன்பதிவு நேரத்தில் அதிரடி மாற்றம்;

 

முன்பதிவு முறையின் பலன்கள் உண்மையான பயணிகளைச் சென்றடைவதை உறுதி செய்வதே இந்த நடவடிக்கையின் நோக்கமாகும். Photograph: (Image generated using AI)

Indian Railways reservation, IRCTC ticket: ஆதார் இணைக்கப்பட்ட ஐ.ஆர்.சி.டி.சி பயனர்களுக்கான டிக்கெட் முன்பதிவு காலம், டிசம்பர் 29, திங்கள்கிழமை முதல் முன்கூட்டிய முன்பதிவு காலம் (ஏ.ஆர்.பி) தொடங்கும் நாளில் மாறுகிறது. முன்பதிவு முறையின் பலன்கள் உண்மையான பயணிகளைச் சென்றடைவதை உறுதி செய்யவும், இடைத்தரகர்கள் அல்லது பிற நேர்மையற்ற கூறுகளால் ஏற்படும் முறைகேடுகளைத் தடுக்கவும் இந்த நடவடிக்கை எடுக்கப்பட்டுள்ளது.

ஐ.ஆர்.சி.டி.சி ரயில் முன்பதிவு, இந்திய ரயில்வே முன்பதிவு

முன்னதாக, பொது முன்பதிவு தொடங்கும் முதல் 15 நிமிடங்களில் ஐ.ஆர்.சி.டி.சி இணையதளம் அல்லது செயலி மூலம் முன்பதிவு செய்யப்பட்ட டிக்கெட்டுகளை பதிவு செய்ய ஆதார் அடிப்படையிலான சரிபார்ப்பை தேசிய போக்குவரத்து நிறுவனம் கட்டாயமாக்கியிருந்தது. பின்னர், முன்பதிவு தொடங்கும் முதல் நாளில் காலை 8 மணி முதல் காலை 10 மணி வரை ஆதார் சரிபார்ப்பு நீட்டிக்கப்பட்டது.

இந்திய ரயில்வே முன்பதிவு நேரம், இந்திய ரயில்வே ஆன்லைன் முன்பதிவு

இருப்பினும், முன்பதிவு தொடங்கும் நாளில் பொது முன்பதிவுக்கான ஆதார் சரிபார்க்கப்பட்ட முன்பதிவின் வரம்பை மேலும் விரிவுபடுத்த ரயில்வே இப்போது முடிவு செய்துள்ளது. அதன்படி டிசம்பர் 29 முதல் இந்த கால அவகாசம் மதியம் 12:00 மணி வரை நீட்டிக்கப்பட்டுள்ளது. மேலும், ஆதார் சரிபார்க்கப்பட்ட பயனர்களுக்கான டிக்கெட் முன்பதிவு காலத்தை நள்ளிரவு 12:00 மணி (00:00 மணி) வரை படிப்படியாக நீட்டிக்கவும் ரயில்வே திட்டமிட்டுள்ளது.

அனைத்து முதன்மை தலைமை வணிக மேலாளர்களுக்கும் (பி.சி.சி.எம்) டிசம்பர் 18, 2025 தேதியிட்ட கடிதத்தில், ரயில்வே வாரியம் கூறியுள்ளதாவது: "முன்கூட்டிய முன்பதிவு காலம் (ஏ.ஆர்.பி) தொடங்கும் நாளில் பொது முன்பதிவு டிக்கெட்டுகளை பதிவு செய்ய ஆதார் சரிபார்க்கப்பட்ட ஐ.ஆர்.சி.டி.சி கணக்கு தேவை என்பது குறித்த முந்தைய அறிவுறுத்தல்களின் தொடர்ச்சியாக, முன்பதிவு தொடங்கும் நாளில் பொது முன்பதிவுக்கான ஆதார் சரிபார்க்கப்பட்ட முன்பதிவின் வரம்பை அன்றைய தினத்தின் 00:00 மணி வரை படிப்படியாக விரிவுபடுத்த முடிவு செய்யப்பட்டுள்ளது."

ஆன்லைனில் முன்பதிவு செய்யப்பட்ட ரயில் டிக்கெட்டுகள்

முன்பதிவு தொடங்கும் நாளில் ஆதார் சரிபார்க்கப்பட்ட பயனர்கள் மட்டுமே ஆன்லைனில் டிக்கெட் முன்பதிவு செய்யக்கூடிய நேரம்:

முன்பதிவு நேர இடைவெளி    - அமலுக்கு வரும் தேதி

காலை 08:00 - மதியம் 12:00 மணி    29.12.2025
காலை 08:00 - மாலை 04:00 மணி    05.01.2026
காலை 08:00 - நள்ளிரவு 00:00 மணி    12.01.2026

ஆதாரம்: ரயில்வே அமைச்சகம்

இருப்பினும், கணினிமயமாக்கப்பட்ட பி.ஆர்.எஸ் கவுண்டர்கள் மூலம் டிக்கெட் முன்பதிவு செய்யும் நடைமுறையில் எந்த மாற்றமும் இருக்காது.

ரயில் புறப்படுவதற்கு முன் இந்திய ரயில்வே சார்ட் தயாரிக்கும் நேரம்

சார்ட் தயாரிக்கும் நேரம் குறித்து இந்திய ரயில்வே வெளியிட்டுள்ள சமீபத்திய வழிகாட்டுதல்களின்படி, பயணிகள் பின்வருவனவற்றைக் கவனிக்க வேண்டும்:

காலை 05:01 மணி முதல் மதியம் 14:00 மணிக்குள் புறப்படும் ரயில்களுக்கு, முதல் முன்பதிவு சார்ட் முன்னுரிமை அடிப்படையில் முந்தைய நாள் இரவு 20:00 மணிக்குள் தயார் செய்யப்படும்.

இதற்கிடையில், மதியம் 14:01 முதல் இரவு 23:59 மணி வரை புறப்படும் ரயில்கள் மற்றும் நள்ளிரவு 00:00 முதல் அதிகாலை 05:00 மணி வரை புறப்படும் ரயில்களுக்கு, முதல் முன்பதிவு சார்ட் முன்னுரிமை அடிப்படையில் குறைந்தது 10 மணி நேரத்திற்கு முன்பே தயார் செய்யப்படும்.

source https://tamil.indianexpress.com/india/indian-railways-ticket-booking-train-reservation-time-changes-for-aadhaar-authenticated-irctc-users-from-december-29th-10953445

Read More

அடக்குமுறை நடவடிக்கைகளுக்கு ஆதரவாக குரல் கொடுப்பது ஏன்?

 

“வன உரிமைக்காகவும், இயற்கை வளத்தையும் பாதுகாக்கவும் போராடுபவர்களை தேச விரோதிகள் என மாவோயிஸ்டுகளையும், நக்ஸலைட்டுகளையும் அடையாளப்படுத்தும் அமித்ஷாவும், மேனாள் உள்துறை அமைச்சர் ப. சிதம்பரமும் ஒரே குரலில் பேசுவது வியப்பாக இருக்கிறது” என்று மு. வீரபாண்டியன் தெரிவித்துள்ளார்.

மாவோயிஸ்டுகள், நக்ஸலைட்டுகள் வரும் 2026 மார்ச் 31-க்குள் முற்றாக அழித்தொழிக்கப்படுவார்கள் என உள்துறை அமைச்சர் அமித்ஷாவின், ஏதேச்சாதிகார அடக்குமுறை நடவடிக்கைகளுக்கு ஆதரவாக ப.சிதம்பரம் குரல் கொடுக்க வேண்டிய நிலை எதற்காக ஏற்பட்டது என்று இந்திய கம்யூனிஸ்ட் கட்சியின் மாநிலச் செயலாளர் மு.வீரபாண்டியன் கேள்வி எழுப்பியுள்ளார்.

மேலும், “வன உரிமைக்காகவும், இயற்கை வளத்தையும் பாதுகாக்கவும் போராடுபவர்களை தேச விரோதிகள் என மாவோயிஸ்டுகளையும், நக்ஸலைட்டுகளையும் அடையாளப்படுத்தும் அமித்ஷாவும், மேனாள் உள்துறை அமைச்சர் ப. சிதம்பரமும் ஒரே குரலில் பேசுவது வியப்பாக இருக்கிறது” என்று மு. வீரபாண்டியன் தெரிவித்துள்ளார். 

இந்தியக் கம்யூனிஸ்டு கட்சியின் தமிழ்நாடு மாநிலச் செயலாளர் மு.வீரபாண்டியன் வெளியிட்டுள்ள அறிக்கையில் கூறியிருப்பதாவது:

காங்கிரஸ் கட்சியின் மூத்த தலைவர், மத்திய அரசின் மேனாள் நிதித்துறை மற்றும் உள்துறை மந்திரி, ப.சிதம்பரம், சிவகங்கையில் நடந்த நிகழ்வொன்றில் மாவோயிஸ்டுகள், நக்ஸலைட்டுகள் எண்ணிக்கை குறைக்கப்பட்டது காங்கிரஸ் கட்சியின் ஆட்சியில் தான் என்று உரிமை கொண்டாடியுள்ளார். வரும் 2026 மார்ச் 31 க்குள் மாவோயிஸ்டுகள், நக்ஸலைட்டுகள் முற்றாக அழித்தொழிக்கப்படுவார்கள் உள்துறை மந்திரி அமித் ஷாவின், ஏதேச்சாதிகார அடக்குமுறை நடவடிக்கைகளுக்கு ஆதரவாக ப.சிதம்பரம் குரல் கொடுக்க வேண்டிய நிலை எதற்காக ஏற்பட்டது.?

ப.சிதம்பரம் மத்திய அரசின் உள்துறை மந்திரியாக இருந்த காலத்தில் மாவோயிஸ்டுகளை வேட்டையாட சால்வா ஜூடும் என்ற சட்டவிரோத படை அமைக்கப்பட்டது. இது தொடர்பாக உச்ச நீதிமன்றத்தில் பல வழக்குகள் தாக்கலானதை மேனாள் மந்திரி மறந்திருக்க முடியாது. இந்த வழக்கை விசாரித்த உச்ச நீதிமன்றத்தின் இரு நீதிபதிகள் அமர்வு விசாரித்து, சால்வா ஜூடும் அமைப்பு அரசியலமைப்பு சட்டத்திற்கு எதிரானது, அது அரசியலமைப்பு சட்டத்தின் பிரிவு 14 (சமத்துவம்) 21 (வாழும் உரிமை) ஆகியவற்றை அத்துமீறியுள்ளது. அது உடனடியாக கலைக்கப்பட வேண்டும் என உத்தரவிட்டது. ஆனால், அது கலைக்கப்படவில்லை.

தண்டகாரண்யா மலைப் பகுதிகளில் கணக்கு, வழக்கு இல்லாது குவிந்து கிடக்கும் இயற்கை வளங்களை பன்னாட்டு குழும நிறுவனங்களின் லாப வேட்டைக்கு, குறிப்பாக அதானி, அம்பானி வகையறாக்களுக்கு வழங்க பா.ஜ.க மத்திய அரசும், உள்துறை மந்திரியும் தீவிரமாக செயல்பட்டு வருகிறது. பா.ஜ.க-வின் மக்கள் விரோதக் கொள்கைக்கு எதிராக, அரிய வகை கனிமவளங்களும், இயற்கை வளங்களும் கார்ப்பரேட்டு நிறுவனங்களுக்கு பலியிடுவதை எதிர்த்தும், வழி, வழியாகவும், தலைமுறை, தலைமுறையாகவும் இயற்கையோடு இணைந்து வாழ்ந்து வரும் பழங்குடிகள், மலைவாழ் மக்கள் தங்கள் வாழ்வுரிமைக்காக, வன உரிமையை நிலைநாட்ட போராடும் சூழலில், அவர்களுக்கு ஆதரவாக நக்ஸலைட்டுகளும், மவோயிஸ்டுகளும் உருவாகிறார்கள்.

அவர்களது போராட்ட வழிமுறை ஜனநாயக முறைக்கு மாறாக இருப்பதால், அவர்களை ஜனநாயக மைய நீரோட்டத்துக்கு திரும்ப வேண்டும் என விழைகிறோம். வலியுறுத்தி வருகிறோம். அதற்கு மாறாக வன உரிமைக்காகவும், இயற்கை வளத்தையும் பாதுகாக்கவும் போராடுபவர்களை தேச விரோதிகள் என மாவோயிஸ்டுகளையும், நக்ஸலைட்டுகளையும் அடையாளப்படுத்தும் அமித்ஷாவும், மேனாள் உள்துறை அமைச்சர் ப. சிதம்பரமும் ஒரே குரலில் பேசுவது வியப்பாக இருக்கிறது என்பதை இந்தியக் கம்யூனிஸ்டு கட்சியின் தமிழ்நாடு மாநில செயற்குழு தெரிவித்துக் கொள்கிறது” என்று மு.வீரபாண்டியன் தெரிவித்துள்ளார்.

source https://tamil.indianexpress.com/tamilnadu/cpi-state-chief-m-veerapandian-why-is-p-chidambaram-supporting-amit-shahs-repressive-measures-10954169

Read More

இந்தியாவின் டாப் தொழில் மையம்

 

தமிழகத்தின் காஞ்சிபுரம் மாவட்டத்தில், சென்னைக்கு மிக அருகாமையில் அமைந்துள்ள ஸ்ரீபெரும்புதூர் - ஒரகடம் பகுதிகள் இந்தியாவின் மிக முக்கிய தொழில் முனையங்களாக விஸ்வரூபம் எடுத்து உள்ளன. 2000-ம் ஆண்டு முதல் தொடங்கி, கடந்த இரு தசாப்தங்களில் இப்பகுதி கண்ட வளர்ச்சி, உலக நாடுகளையே வியக்க வைத்துள்ளது.

ஸ்ரீபெரும்புதூரின் இந்த அசுர வளர்ச்சிக்கு தமிழ்நாடு மாநில தொழில் மேம்பாட்டுக் கழகமான (சிப்காட்) முக்கியக் காரணமாகும். இப்பகுதியில் உள்ள சிப்காட் உயர்தொழில்நுட்ப பூங்கா மற்றும் சிறப்புப் பொருளாதார மண்டலம் (SEZ), ஆண்டுதோறும் சுமார் 2 பில்லியன் டாலர் வருவாயை ஈட்டுகிறது. மின்னணுப் பொருட்கள் மற்றும் வன்பொருள் உற்பத்தியில் இது ஒரு உலகளாவிய மையமாகத் திகழ்கிறது.

தூதரக தொழில் பூங்கா (Embassy Industrial Park) சுமார் ரூ.5,250 கோடி மதிப்பிலான இந்த பூங்கா, விமானப் போக்குவரத்து, தளவாடத் துறையில் (Logistics) புரட்சியை ஏற்படுத்தி வருகிறது. ஒரகடம் & இருங்காட்டுக்கோட்டை: ஒரகடம் மின்னணு உற்பத்திக்கும், இருங்காட்டுக்கோட்டை காலணி உற்பத்திக்கும் புகழ்பெற்ற இடங்களாக திகழ்கின்றன. இங்கு மட்டும் 10-க்கும் மேற்பட்ட சர்வதேச காலணி நிறுவனங்கள் செயல்பட்டு வருகின்றன.

சென்னை மற்றும் பெங்களூரை விடவும் பன்னாட்டு நிறுவனங்கள் ஸ்ரீபெரும்புதூரைத் தேர்வு செய்வது அதன் உட்கட்டமைப்புக்குச் சான்றாகும். ஹூண்டாய் (Hyundai), பிஎம்டபிள்யூ (BMW), ஃபோர்டு, டெய்ம்லர் (Daimler), நிசான், மிட்சுபிஷி மற்றும் ரெனால்ட் (Renault). குறிப்பாக ஹூண்டாய் ஆலை ஆண்டுக்கு 3 லட்சம் வாகனங்களைத் தயாரிக்கும் அளவுக்கு உயர்ந்துள்ளது. சாம்சங் (Samsung), ஃபாக்ஸ்கான் (Foxconn), டெல் (Dell), மோட்டோரோலா (Motorola), மற்றும் ஃபிளெக்ஸ் (Flex). செயின்ட் கோபைன் (Saint Gobain) போன்ற கண்ணாடி உற்பத்தி நிறுவனங்களும் இங்கு வலுவாகத் தடம் பதித்துள்ளன.

இந்தத் தொழில் மண்டலம் ஆண்டுதோறும் 30 பில்லியன் டாலருக்கும் (ரூ.2.5 லட்சம் கோடி) அதிகமான மதிப்பிலான பொருட்களை ஏற்றுமதி செய்கிறது. லட்சக்கணக்கான மக்களுக்கு வேலைவாய்ப்பை வழங்குவதுடன், தமிழக அரசின் "ஒரு டிரில்லியன் டாலர் பொருளாதார" இலக்கை அடைவதில் ஸ்ரீபெரும்புதூர் - ஒரகடம் பெல்ட் ஒரு முக்கிய முதுகெலும்பாக விளங்குகிறது. அரசின் தொடர் திட்டங்களாலும், தொழில்நுட்ப முன்னேற்றத்தாலும் இப்பகுதி வரும் காலங்களில் இன்னும் பல புதிய முதலீடுகளை ஈர்க்கத் தயாராகி வருகிறது.

இந்தத் தொழில் மண்டலம் ஆண்டுதோறும் 30 பில்லியன் டாலருக்கும் (சுமார் ₹2.5 லட்சம் கோடி) அதிகமான மதிப்பிலான பொருட்களை உலக நாடுகளுக்கு ஏற்றுமதி செய்கிறது. லட்சக்கணக்கான மக்களுக்கு நேரடி மற்றும் மறைமுக வேலைவாய்ப்புகளை வழங்கி, தமிழகத்தின் வாழ்வாதாரத்தை உயர்த்துவதில் இப்பகுதி முன்னிலை வகிக்கிறது. தமிழகத்தின் "1 டிரில்லியன் டாலர் பொருளாதார இலக்கை" (#OneTrillion) அடைவதில் இந்த ஸ்ரீபெரும்புதூர் - ஒரகடம் தொழில் பெல்ட் ஒரு முதுகெலும்பாகத் திகழ்கிறது என்பதில் ஐயமில்லை.

source https://tamil.indianexpress.com/business/why-sriperumbudur-oragadam-is-indias-largest-industrial-hub-key-companies-economic-impact-10953456

Read More

30 ஆண்டில் இல்லாத பனிப் பொழிவு... குளிரில் நடுங்கும் சவுதி; ஐஸ்லாந்தின் நிலவரம் தெரியுமா?

 

30 ஆண்டில் இல்லாத பனிப் பொழிவு... குளிரில் நடுங்கும் சவுதி; ஐஸ்லாந்தின் நிலவரம் தெரியுமா? 27 12 2025 

சவுதி அரேபியா என்றாலே நமக்கு முதலில் நியாபகம் வருவது பாலை வனமும் அங்குள்ள கடுமையான வெயிலும் தான். ஆனால், சவுதி அரேபியாவில் தற்போது ஏற்பட்டுள்ள பனிப்பொழிவு அந்நாட்டு மக்களை நடுங்க வைத்துள்ளது.  டிசம்பர் 18-ம் தேதி தொடங்கிய இந்த மாற்றத்தால், அந்நாட்டின் வடக்கு மற்றும் மத்தியப் பகுதிகள் வெண்ணிறப் போர்வையால் மூடப்பட்டது போன்று காட்சியளித்துள்ளது. அதுமட்டுமல்லாமல், இந்த பனிப்பொழிவு கடந்த 30 ஆண்டுகளில் ஏற்படாத வானிலை மாற்றம் என்று கூறப்படுகிறது.

இது ஒருபுறம் இருக்க மறுபுறம் ஐஸ்லாந்தில் வெப்பநிலை அதிகரித்துள்ளது. அதாவது, டிசம்பர் 25-ஆம் தேதி நள்ளிரவில் 19.7 டிகிரி செல்சியஸ் வெப்பநிலை பதிவாகியது. இது அங்கு வழக்கமாக ஜூலை மாதத்தில் காணப்படும் சராசரி வெப்பநிலையை விட சுமார் 10 டிகிரி செல்சியஸ் அதிகமாகும்.

இது ஐஸ்லாந்து வரலாற்றில் பதிவான மிகக் கடுமையான மற்றும் விசித்திரமான காலநிலை நிகழ்வுகளில் ஒன்று என காலநிலை ஆய்வாளர்கள் தெரிவித்துள்ளனர். மேலும், ஐஸ்லாந்தின் வெப்பநிலை குறித்து பலர் சமூக வலைதளத்தில் பதிவுகள் வெளியிட்டுள்ளனர். அதில்,  அமெரிக்கா மற்றும் ஐஸ்லாந்தில் காணப்படும் இந்த வெப்பநிலை வித்தியாசம் உண்மையிலேயே அதிர்ச்சிகரமாக உள்ளது. கிறிஸ்துமஸ் தினத்திற்கும் டிசம்பர் மாதத்திற்குமான வெப்ப நிலை இது இல்லை என்று குறிப்பிட்டுள்ளனர்.

சவுதி அரேபியா குறித்து வெளியிட்டுள்ள பதிவில், கால நிலை மாற்றம். பாறைகள், பாலை வனங்கள் பனிகளால் சூழப்பட்டுள்ளது. இந்த பனிப்பொழிவை உள்ளூர் வாசிகள் மிக ஆச்சர்யமான ஒன்றாக பார்க்கின்றனர். ஏனென்றால் அவர்கள் முதன் முதலாக இந்த பனிப்பொழிவை பார்க்கிறார்கள். மேலும், மக்கள் இந்த பனிப்பொழிவை உற்சாகமாக என்ஜாய் செய்கிறார்கள் என குறிப்பிடப்பட்டுள்ளது.

source https://tamil.indianexpress.com/international/saudi-arabia-sees-first-snow-fall-iceland-records-20-degree-celsius-10951153

Read More

அழிந்துவிட்டதாக கருதப்பட்ட அபூர்வ காட்டு பூனை... 30 ஆண்டுகளுக்கு பின் மீண்டும் தென்பட்ட அதிசயம்!

 

(Image: DNP/Panthera Thailand)

இயற்கை அன்னை எப்போதும் தன் ரகசியங்களை எளிதில் வெளிப்படுத்துவதில்லை. சுமார் 30 ஆண்டுகளாக மனிதர்களின் கண்களில் படாமல், நான் இன்னும் இருக்கிறேன் என்று சொல்லாமல் மறைந்து வாழ்ந்த ஒரு விசித்திரமான இனம் இப்போது மீண்டும் உலகிற்குத் தன்னை வெளிப்படுத்தியுள்ளது. அதுதான் 'தட்டைத் தலைக் காட்டுப்பூனை' (Flat-headed cat).

27 12 2025 

சாதாரண பூனைகளைப் போலல்லாமல், தட்டையான தலை மற்றும் தண்ணீரில் மீன் பிடிக்கும் அசாத்திய திறமை கொண்ட இந்த பூனை இனம், 1990-களுக்குப் பிறகு தாய்லாந்தில் யாராலும் பார்க்கப்படவில்லை. "இனி இந்த இனம் அவ்வளவுதான், அழிந்துவிட்டது" என்று விஞ்ஞானிகள் கவலையில் இருந்தபோதுதான் அதிசயம் நிகழ்ந்தது. தாய்லாந்தின் தெற்குப் பகுதியில் உள்ள அடர்ந்த சதுப்பு நிலக் காடுகளில் வைக்கப்பட்டு இருந்த தானியங்கி கேமராக்களை விஞ்ஞானிகள் ஆய்வு செய்தபோது, அவர்களுக்கு இன்ப அதிர்ச்சி காத்திருந்தது. வெறும் ஒரு பூனை மட்டும் தென்படவில்லை; ஒரு தாய் பூனை தனது செல்லக் குட்டியுடன் வலம் வரும் காட்சி பதிவாகி இருந்தது.

இவை மறைந்து வாழவில்லை, மாறாக வெற்றிகரமாகத் தங்கள் வம்சத்தை அங்கு விருத்தி செய்து வருகின்றன. மற்ற பூனைகள் தண்ணீரைத் தவிர்க்கும், ஆனால் இது தண்ணீருக்குள் புகுந்து மீன்களை வேட்டையாடும் ஒரு 'டைவர்'. சதுப்புநிலங்கள் மற்றும் ஆற்றுப் பகுதிகள் தான் இதன் உலகம். மனித நடமாட்டம் கொஞ்சம் தெரிந்தாலும் உடனே மறைந்துவிடும் 'மிஸ்டர் இந்தியா' பாணி பூனை இது. காடுகள் அழிக்கப்பட்டாலும், சதுப்புநிலங்கள் பாதிக்கப்பட்டாலும், இயற்கை எவ்வளவு போராட்டங்களுக்கு மத்தியிலும் உயிர் பிழைக்கும் என்பதற்கு இதுவே பெரிய சாட்சி.

அழிந்துவிட்டதாகக் கருதப்பட்ட ஒரு இனம் மீண்டும் கிடைப்பது என்பது, வரலாற்றில் புதைந்து போன ஒரு புதையலை எடுப்பது போன்றது. இப்போது இந்த பூனைகளின் வாழ்க்கை முறை, அவை எப்படி இத்தனை ஆண்டுகள் தப்பித்தன என்பது குறித்த புதிய ஆய்வுகளைத் தொடங்க விஞ்ஞானிகள் தயாராகி வருகின்றனர். காடுகள் என்பது மரங்கள் மட்டுமல்ல, அவை சொல்லப்படாத பல்லாயிரக்கணக்கான கதைகளின் கருவூலம் என்பதை இந்தத் தட்டைத் தலைக் காட்டுப்பூனை மீண்டும் ஒருமுறை நிரூபித்துள்ளது.

source https://tamil.indianexpress.com/science/back-from-the-brink-rare-flat-headed-cat-rediscovered-in-thailand-after-30-years-10951375

Read More

'ஹூக்கான்' மீன்பிடி முறையால் ஆமைகள் உயிரிழப்பு: மீனவர்களுக்கு அரசு கடும் எச்சரிக்கை

 27 12 2025 

'ஹூக்கான்' மீன்பிடி முறையால் ஆமைகள் உயிரிழப்பு: மீனவர்களுக்கு அரசு கடும் எச்சரிக்கை

விழுப்புரம் மாவட்டம் வானூர் வட்டம் பிள்ளைச்சாவடி பகுதி மீனவர்கள் தடைசெய்யப்பட்ட ‘ஹூக்கான்’ மீன்பிடி முறையை பயன்படுத்துவதால் அழிவின் விளிம்பில் உள்ள கடல் ஆமைகள் அதிகளவில் உயிரிழந்து கரை ஒதுங்கி வருகின்றன. இதுதொடர்பாக மீன்வளத்துறை இயக்குனர் வெளியிட்டுள்ள செய்திக்குறிப்பில் மீனவர்களுக்குக் கடும் எச்சரிக்கை விடுக்கப்பட்டுள்ளது.

கடலூர் தாழங்குடா மற்றும் விழுப்புரம் பிள்ளைச்சாவடி கிராம மீனவர்கள், புதுச்சேரி கடல் பகுதிகளில் மீன்வளத்திற்கும் சுற்றுச்சூழலுக்கும் கேடு விளைவிக்கும் 'ஹூக்கான்' முறையைப் பயன்படுத்தி வருகின்றனர். இது பாரம்பரிய மீனவர்களின் வலைகளைச் சேதப்படுத்துவதுடன், கடல்வாழ் உயிரினங்களுக்கும் பெரும் அச்சுறுத்தலாக உள்ளது.

கடந்த 07.11.2025 அன்று நடந்த ஆலோசனைக் கூட்டத்தில், இந்த முறையை அறவே தவிர்க்க வேண்டும் என அறிவுறுத்தப்பட்டது. இதை மீறினால், தமிழக அரசு வழங்கும் அனைத்து நலத்திட்ட உதவிகளும் ரத்துசெய்யப்படும் என எச்சரிக்கப்பட்டிருந்தது. அரசின் எச்சரிக்கை-ஐ மீறி, பிள்ளை சாவடி மீனவர்கள் தொடர்ந்து ஹூக்கான் முறையில் மீன்பிடித்து வருகின்றனர். நவம்பர் முதல் பிப்ரவரி வரை கடல் ஆமைகளின் இனப் பெருக்க காலம் என்பதால், அவை கடற்கரையை நோக்கி வருகின்றன. இந்நிலையில், மீனவர்கள் பயன்படுத்தும் கயிறு, பிளாஸ்டிக் பாட்டில்கள் மற்றும் சவுக்கை கொண்டு கட்டப்படும் ஹூக்கான் கருவிகளில் சிக்கி ஆமைகள் உயிரிழக்கின்றன.

கடந்த 22.12.2025 அன்று இரவு 10 மணியளவில், சின்னகாலாப்பட்டு கடற்கரையில் ஆமை ஒன்று கழுத்துப் பகுதியில் கயிறு சிக்கி உயிரிழந்த நிலையில் கரை ஒதுங்கியது. இது குறித்த காணொளி ஆதாரங்களும் சமர்ப்பிக்கப்பட்டுள்ளன. இந்தியாவில் கடல் ஆமைகளைப் பாதுகாப்பது தொடர்பான வழக்கு உச்சநீதிமன்றத்தில் நிலுவையில் உள்ளது. இத்தகைய உயிரிழப்புகள் அரசுக்குப் பெரும் பின்னடைவை ஏற்படுத்தும் என்பதால், போர்க்கால அடிப்படையில் நடவடிக்கை எடுக்க உத்தரவிடப்பட்டுள்ளது.

வானூர் மற்றும் பிள்ளைச்சாவடி மீனவ கிராமங்களில் உடனடியாக விழிப்புணர்வு கூட்டங்கள் நடத்தப்பட வேண்டும். அழிவின் விளிம்பில் உள்ள கடல் ஆமைகளைப் பாதுகாப்பது மீனவர்களின் கடமை. தடையை மீறி ஹூக்கான் முறையைப் பயன்படுத்துவோர் மீது கடும் நடவடிக்கை எடுக்கப்படும். கடல் வளத்தையும், பாரம்பரிய மீனவர்களின் வாழ்வாதாரத்தையும் பாதுகாக்க மீனவர்கள் ஒத்துழைக்க வேண்டும் என மீன் வளத்துறை சார்பில் wகேட்டுக்கொள்ளப்பட்டுள்ளது.

செய்தி: பாபு ராஜேந்திரன், புதுச்சேரி

source https://tamil.indianexpress.com/tamilnadu/endangering-sea-turtles-illegal-hookah-fishing-gear-causes-mass-mortality-in-villupuram-coast-10952090

Read More

3 டன் வெடிபொருட்கள் மீட்பு, 40 கிலோ வெடித்தன'... செங்கோட்டை கார் குண்டுவெடிப்பு

 டெல்லி செங்கோட்டை அருகே நிகழ்ந்த கார் குண்டுவெடிப்புச் சம்பவத்தைத் தொடர்ந்து, நாட்டில் மிகப்பெரிய அசம்பாவிதத்தைத் தவிர்க்கும் வகையில் 3,000 கிலோ (3 டன்) வெடிபொருட்கள் பறிமுதல் செய்யப்பட்டுள்ளதாக உள்துறை அமைச்சர் அமித் ஷா தெரிவித்துள்ளார். டெல்லியில் தேசிய புலனாய்வு முகமை ஏற்பாடு செய்திருந்த ‘பயங்கரவாத எதிர்ப்பு மாநாடு-2025’ ஐத் தொடங்கி வைத்து பேசிய அவர், பயங்கரவாதத்திற்கு எதிராக இந்தியா மேற்கொண்டு வரும் அதிரடி நடவடிக்கைகள் குறித்து விளக்கினார்.

கடந்த நவம்பர் 10-ம் தேதி டெல்லி செங்கோட்டை அருகே நிகழ்ந்த கார் குண்டுவெடிப்பில் 40 கிலோ வெடிபொருட்கள் பயன்படுத்தப்பட்டன. இந்த சம்பவத்தில் 15 பேர் உயிரிழந்தனர். இதுகுறித்து பேசிய அமித்ஷா, டெல்லியில் 40 கிலோ வெடிபொருட்கள் வெடித்தன, ஆனால் பாதுகாப்பு படையினரின் துரித நடவடிக்கையால் 3 டன் வெடிபொருட்கள் வெடிப்பதற்கு முன்பே மீட்கப்பட்டன. இந்த சதித்திட்டத்தில் தொடர்புடைய ஒட்டுமொத்த நெட்வொர்க்கையும் நமது அதிகாரிகள் முன்னதாகவே கண்டறிந்து கைது செய்தனர் என்று பாராட்டினார்.

இந்த செய்தியை ஆங்கிலத்தில் படிக்க

காஷ்மீரின் சுற்றுலா வளர்ச்சியைச் சீர்குலைக்கத் திட்டமிட்ட பயங்கரவாதிகளுக்குப் பதிலடி கொடுக்கும் வகையில் 2 முக்கிய ஆபரேஷன்கள் வெற்றிகரமாக நடத்தப்பட்டதாக அவர் குறிப்பிட்டார். பயங்கரவாத தாக்குதலுக்குத் திட்டமிட்ட மூளையாக செயல்பட்டவர்களுக்கு ஆபரேஷன் சிந்துார் மூலம் பதிலடியும், ஆயுதங்களுடன் களத்தில் இறங்கிய பயங்கரவாதிகளுக்கு ஆபரேஷன் மகாதேவ் மூலம் பதிலடி கொடுக்கப்பட்டது. பஹல்காம் தாக்குதல் குறித்த விசாரணை உலக நாடுகளுக்கு ஒரு பாடமாக அமையும். இந்த விசாரணை முடிவுகள் சர்வதேச அரங்கில் பாகிஸ்தானைக் கூண்டில் நிறுத்தும் என்றும் அவர் எச்சரித்தார்.

இந்த மாநாட்டில் 3 முக்கியமான டிஜிட்டல் தளங்களை அமித் ஷா அறிமுகப்படுத்தினார். புலனாய்வு அதிகாரிகளுக்கான புதிய வழிகாட்டியான என்.ஐ.ஏ. குற்ற கையேடு, ஒருங்கிணைந்த குற்றக் கும்பல்களைக் கண்காணிக்க குற்ற நெட்வொர்க் டேட்டா தளம், காணாமல் போன மற்றும் மீட்கப்பட்ட ஆயுதங்களைத் துல்லியமாகக் கண்டறிய  ஆயுதத் தரவுத்தளம் ஆகியவற்றை அறிமுகப்படுத்தினார்.

வெளிநாடுகளுக்குத் தப்பியோடும் குற்றவாளிகளைக் குறிவைத்து "Trial-in-Absentia" (குற்றவாளி இல்லாத நிலையில் விசாரணை நடத்துதல்) முறையைத் தீவிரப்படுத்த மாநிலக் காவல்துறை தலைவர்களுக்கு (DGs) அமைச்சர் உத்தரவிட்டார். இதன் மூலம் அவர்கள் இந்தியா திரும்ப வேண்டிய கட்டாயம் ஏற்படும் என்று அவர் கூறினார்.

இந்தியா உலகின் 4-வது பெரிய பொருளாதாரமாக வளர்ந்து வரும் வேளையில், எல்லைத் பாதுகாப்பு மட்டுமின்றி சைபர் போர் (Cyber Warfare) மற்றும் ஹைப்ரிட் பயங்கரவாதம் போன்ற சவால்களை எதிர்கொள்ளப் பல அடுக்கு பாதுகாப்பு வலையமைப்பை உருவாக்க வேண்டியது அவசியம் என்று வலியுறுத்தினார்.

source https://tamil.indianexpress.com/india/40-kg-of-explosives-used-in-red-fort-blast-how-indian-agencies-foiled-a-massive-terror-plot-in-delhi-amit-shah-10949682

Read More

அளவுக்கு அதிகமாக மணல் அள்ளிய வழக்கு: தமிழக அரசு குற்றச்சாட்டை மறுத்த அமலாக்கதுறை

 

தமிழ்நாட்டில் மணல் கொள்ளை குறித்த நிபுணர்களின் அறிக்கை சட்டவிரோதமானது என்ற மாநில அரசின் குற்றச்சாட்டுகளை அமலாக்கதுறை மறுத்துள்ளது. மேலும், இச்சம்பவம் குறித்து அமலாக்கத் துறை மறுமொழி (rejoinder) ஒன்றை தாக்கல் செய்துள்ளது என்று கூறப்படுகிறது.

இது குறித்து தி இந்து வெளியிட்டுள்ள செய்தியில், தமிழகத்தில் ஆற்றுப் படுகைகளில் மணல் அள்ளுவதில் பெரும் முறைகேடுகள் நடந்துள்ளதாகவும், இதனால் அரசு கருவூலத்திற்கு பெரும் இழப்பு ஏற்பட்டுள்ளதாகவும் அமலாக்கத் துறை விசாரணை நடத்தி வருகிறது. இதன் ஒரு பகுதியாக, 2023-ம் ஆண்டு அக்டோபர்-நவம்பர்  காலகட்டத்தில் 28 குவாரிகளில் எடுக்கப்பட்ட மணலின் அளவை மதிப்பீடு செய்ய ஐஐடி-கான்பூரை அமலாக்கத் துறை நியமித்தது.

இந்த ஆய்வு அறிக்கையின் அடிப்படையில், அனுமதிக்கப்பட்ட அளவைத் தாண்டி மணல் அள்ளப்பட்டதால் கடந்த சில ஆண்டுகளில் ரூ4,730 கோடி மதிப்புள்ள மணல் சட்டவிரோதமாக எடுக்கப்பட்டுள்ளதாக அமலாக்கத் துறை தெரிவித்தது. ஆனால், தமிழக அரசின் கணக்கின்படி மணல் விற்பனை மூலம் ஈட்டப்பட்ட வருவாய் வெறும் ரூ36.45 கோடி மட்டுமே என்பது குறிப்பிடத்தக்கது.

இந்தக் குற்றச்சாட்டுகளை மறுத்துள்ள தமிழக நீர்வள ஆதாரத் துறையின் கூடுதல் தலைமைச் செயலாளர், ஐஐடி-கான்பூர் இயக்குநருக்கு கடிதம் ஒன்றை எழுதியுள்ளார். அதில், இந்த ஆய்வை முன்னின்று நடத்திய பேராசிரியர் ராஜீவ் சின்ஹாவுக்கு இதற்கான அதிகாரம் வழங்கப்பட்டதா என்பது குறித்து விளக்கம் கோரப்பட்டுள்ளது.

இதற்குப் பதிலளித்த ஐஐடி-கான்பூர் இயக்குநர், ஆய்வு நடந்ததாகக் கூறப்படும் 2023-ம் ஆண்டு அக்டோபர் 7 முதல் நவம்பர் 5, வரையிலான காலப்பகுதியில், பேராசிரியர் சின்ஹாவுக்கு விடுப்பு வழங்கப்படவில்லை என்று தெரிவித்துள்ளார். ஐஐடி விதிகளின்படி, விடுப்பில் இருக்கும்போது கூட, துறையின் முன் அனுமதி இன்றி ஒரு பணியாளர் தலைமை இடத்திலிருந்து வெளியேற அனுமதி இல்லை என்பது குறிப்பிடத்தக்கது.
‘
சென்னை உயர்நீதிமன்றத்தில் தாக்கல் செய்யப்பட்ட நிலை அறிக்கையில் தமிழக அரசு, சம்பந்தப்பட்ட பேராசிரியர் ஆய்விற்காகத் தமிழகத்திற்கு வரவே இல்லை என்பதும், அவர் காகிதத்தில் மட்டுமே அறிக்கையைத் தயார் செய்துள்ளார் என்பதும் உறுதியாகியுள்ளது. எனவே இந்த அறிக்கை சட்டப்படி செல்லாது என்று தங்களது கருத்துக்களை பதிவு செய்துள்ளது. இந்த ஆய்வை உண்மையில் நடத்தியது பேராசிரியர் சின்ஹா தொடங்கிய ‘டெராக்வா பிரைவேட் லிமிடெட்’ (Terraqua Private Limited) என்ற தனியார் நிறுவனம் ஆகும்.

ஐஐடி சட்டம் 1961, பிரிவு 6(1)(1A)-ன்படி, ஒவ்வொரு ஐஐடி நிறுவனமும் அதற்கு ஒதுக்கப்பட்ட மண்டலத்திற்குள் உள்ள மாநிலங்களுக்கு மட்டுமே தொழில்நுட்ப ஆலோசனைகளை வழங்க முடியும். கான்பூர் ஐஐடி தனது மண்டலத்தைத் தாண்டி தமிழகத்தில் ஆய்வு நடத்தியது சட்ட விதிமீறலாகும். தமிழகத்திலேயே ஐஐடி மெட்ராஸ் இருக்கும்போது, அமலாக்கத் துறை ஏன் கான்பூர் ஐஐடியின் கீழ் இயங்கும் ஒரு தனியார் நிறுவனத்தைத் தேர்ந்தெடுத்தது என்றும் அரசு கேள்வி எழுப்பியுள்ளது.

இந்த ஆய்வின்போது ட்ரோன்கள் (Drones) பயன்படுத்தப்பட்டதில் ‘ட்ரோன் விதிகள் 2021’ மற்றும் முறையான பாதுகாப்பு நடைமுறைகள் பின்பற்றப்படவில்லை. வான்வெளி பாதுகாப்பு விதிகளின்படி, ட்ரோன்களை இயக்குவதற்கு முன்னதாக சிவில் விமானப் போக்குவரத்து இயக்குநரகம் (DGCA), மாவட்ட ஆட்சியர் அல்லது காவல் கண்காணிப்பாளரிடம் எவ்வித முன் அனுமதியும் பெறப்படவில்லை என்றும் அரசு சுட்டிக்காட்டியுள்ளது.

ஐஐடி கான்பூர் தனது அதிகார வரம்பை மீறி செயல்பட்டதாக மாநில அரசு  கூறிய குற்றச்சாட்டுக்கு பதிலளித்த அமலாக்க துறை, அதிகார வரம்பு என்பது கல்வி நிறுவனத்துக்குரியது அல்ல விசாரணை அமைப்புக்குரியது என்றது. மேலும், தனது விசாரணைக்கு ஆதரவாக நாட்டின் எந்தப் பகுதியிலிருந்தும் நிபுணர்களின் சேவையை பயன்படுத்துவதற்கு அமலாக்கத் துறைக்கு அதிகாரம் உள்ளது என்றும் தெரிவித்துள்ளது.

மெட்ராஸ் ஐடி உதவ மறுப்பு

சட்டவிரோத மணல் கொள்ளை குற்றச்சாட்டில் மாநில அதிகாரிகள் ஈடுபட்டிருக்கலாம் என்ற சந்தேகத்தால் புகழ்பெற்ற நிபுணர்கள் அமைப்பை பயன்படுத்தியதாக அமலாக்க துறை தெரிவித்துள்ளது. மேலும், அமலாக்கத் துறை இச்சம்பவம் தொடர்பாக மெட்ராஸ் ஐஐடி-யிடம் உதவி கேட்டதாகவும் அந்நிறுவனம் உதவ மறுத்ததாகவும் கூறியுள்ளது. ஆய்வின் போது ட்ரோன்கள் பறக்கவிடப்பட்டதில் விதி மீறல்கள் நடந்ததாக கூறப்படும் குற்றச்சாட்டை மறுத்த அமலாக்கத் துறை  இதுவரை அந்த விதிமீறல்கள் தொடர்பாக எந்தப் புகாரும் பதிவு செய்யப்படவில்லை என்று தெரிவித்துள்ளது.

source https://tamil.indianexpress.com/tamilnadu/ed-dismiss-the-allegation-sand-mining-survey-is-illegal-10950195

Read More

சட்டசபை கூட்டத் தொடர் தேதி அறிவிப்பு: அரசு அறிக்கையை அப்படியே வாசிப்பாரா ஆளுநர் ரவி?

 

2026-ஆம் ஆண்டின் முதல் சட்ட சபை கூட்டத் தொடர் ஜனவரி 20-ஆம் தேதி தொடங்க உள்ளது.  இந்த கூட்டத்தில், ஆளுநர் ஆர்.என்.ரவி பங்கேற்று உரையாற்ற இருக்கிறார். இதுதொடர்பாக, சபாநாயகர் அப்பாவு  தலைமைச்செயலகத்தில் நிருபர்களிடம் கூறியதாவது, "2026-ம் ஆண்டு தமிழக சட்டசபையின் முதல் கூட்டம் ஜனவரி 20-ந் தேதி கூடுகிறது. அன்றைய தினம் காலை 9.30 மணிக்கு கூடும் கூட்டத்தில் ஆளுநர் ஆர்.என்.ரவி பங்கேற்று தமிழக அரசின் உரையை வாசிப்பார். 

அதனைத் தொடர்ந்து, கூட்டத் தொடரை எத்தனை நாட்கள் நடத்துவது என்பது குறித்து அலுவல் ஆய்வு குழு கூடி முடிவு எடுக்கும்” என்றார். ஆளுநர் உரைக்கு நன்றி தெரிவிக்கும் தீர்மானத்தின் மீதான விவாதம் ஜனவரி 21-ந் தேதி முதல் 24-ந் தேதி வரை 4 நாட்கள் நடைபெறும் என்று கூறப்படுகிறது. பிப்ரவரி மாதம் 2-வது வாரத்தில் இடைக்கால பட்ஜெட்டை தாக்கல் செய்வதற்காக தமிழக சட்டசபை மீண்டும் கூட உள்ளது.

இந்த கூட்டத்தில் திருவண்ணாமலை தீபம் உள்ளிட்ட பிரச்சனைகள் குறித்து எதிர்க்கட்சிகள் கேள்வி எழுப்ப வாய்ப்புள்ளது. இந்த சட்டசபை கூட்டத் தொடரிலாவது ஆளுநர் ஆர்.என்.ரவி தனது முழு உரையை வாசிப்பாரா என்ற கேள்வி எதிர்பார்ப்பு எழுந்துள்ளது. அதாவது, ஆளுநர் ஆர்.என்.ரவி கடந்த இரண்டு ஆண்டுகளாக  சட்டசபையின் போது தொடர்ந்து உரையை வாசிக்காமல் சென்றுள்ளார்.

விமர்சனத்திற்குள்ளான ஆர்.என்.ரவி செயல்

2024-ஆம் ஆண்டு சட்டசபையின் போது தமிழ்நாடு அரசு  தயாரித்து கொடுத்த ஆளுநர் உரையில் இருந்து ஒரு சில பகுதிகளை நீக்கிவிட்டு ஆளுநர் ஆர்.என்.ரவி உரையை வாசித்தார். இதையடுத்து, 2025-ஆம் ஆண்டு தேசிய கீதம் அவமதிக்கப்பட்டதாக கூறி சட்டசபைக்கு வந்த வேகத்தில் வெளிநடப்பு செய்தார். ஆளுநரின் இந்த செயல்கள் கடுமையாக விமர்சிக்கப்பட்டன. இந்நிலையில், 2026-ஆம் ஆண்டு சட்ட சபை கூட்டத் தொடரின் போது ஆளுநர் தன் உரையை முழுமையாக வாசிப்பாரா? என்ற எதிர்பார்ப்பு எழுந்துள்ளது.

26 12 2025 

source https://tamil.indianexpress.com/tamilnadu/tamilnadu-assembly-session-all-eyes-on-governor-rn-ravi-10950144

Read More

6-ம் தேதி முதல் ஸ்டிரைக்; மொத்த ஆசிரியர்களும் பங்கேற்போம்: முதுநிலை பட்டதாரி ஆசிரியர் கழகம் அறிவிப்பு

 

தமிழக அரசு, ஆசிரியர்கள் மற்றும் ஆசிரியரல்லாத அரசு ஊழியர்களுக்கு பழைய ஓய்வூதியத் திட்டத்தை மீண்டும் அமல்படுத்த வேண்டும் என வலியுறுத்தி, அரசு ஊழியர் மற்றும் ஆசிரியர் சங்கங்கள் தொடர்ந்து பல்வேறு போராட்டங்களில் ஈடுபட்டு வருகின்றன. 2004-ம் ஆண்டு ஏப்ரல் மாதம் முதல் அரசுப் பணியில் சேர்ந்தவர்களுக்கு பங்களிப்பு ஓய்வூதியத் திட்டம் (Contributory Pension Scheme) அமல்படுத்தப்பட்டதையடுத்து, ஓய்வுக்கால பாதுகாப்பு இல்லாத நிலை உருவாகியுள்ளதாகவும், இந்த திட்டம் ஊழியர்களின் எதிர்காலத்தை கேள்விக்குறியாக்கி இருப்பதாகவும் சங்கங்கள் குற்றம்சாட்டி வருகின்றன. குறிப்பாக, ஓய்வூதியம் மட்டுமின்றி, பணியாளர் மரணமடைந்தால் குடும்பத்தினருக்கு கிடைக்க வேண்டிய சமூக பாதுகாப்பு வசதிகளும் பாதிக்கப்படுவதாக அவர்கள் தெரிவித்து வருகின்றனர்.

இந்த நிலையில், தமிழக அரசு பங்களிப்பு ஓய்வூதியத் திட்டத்தை உடனடியாக ரத்து செய்து, பழைய ஓய்வூதியத் திட்டத்தை மீண்டும் கொண்டு வர வேண்டும் என்று தமிழ்நாடு முதுநிலை பட்டதாரி ஆசிரியர் கழகம் வலியுறுத்தியுள்ளது. இது தொடர்பாக கழகம் வெளியிட்டுள்ள அறிக்கையில், வருகிற 6-ந் தேதி ஜாக்டோ–ஜியோ (JACTO-GEO) அமைப்பு அறிவித்துள்ள காலவரையற்ற வேலை நிறுத்த போராட்டத்தில் அனைத்து ஆசிரியர்களும் முழுமையாக பங்கேற்க உள்ளதாக தெரிவிக்கப்பட்டுள்ளது. மேலும், இந்த கோரிக்கை நிறைவேறும் வரை தொடர் போராட்டங்கள், ஆர்ப்பாட்டங்கள் மற்றும் கவன ஈர்ப்பு நடவடிக்கைகள் மேற்கொள்ளப்படும் என்றும் அறிவிக்கப்பட்டுள்ளது.

பங்களிப்பு ஓய்வூதியத் திட்டத்தின் பாதிப்புகளை விளக்கும் வகையில், பேரையூர் பெண்கள் மேல்நிலைப் பள்ளியில் கணினி ஆசிரியையாக பணியாற்றிய ரோசன் கதீஜா பீவி கடந்த அக்டோபர் மாதம் திடீரென மரணமடைந்த சம்பவத்தையும் ஆசிரியர் கழகம் சுட்டிக்காட்டியுள்ளது. பங்களிப்பு ஓய்வூதியத் திட்டத்தின் கீழ் பணியாற்றி வந்ததால், அவரது மறைவுக்கு பின்னர் குடும்பத்தினருக்கு ஓய்வூதியம் வழங்கப்படவில்லை. அவருடைய இரண்டு மகன்களும் கல்லூரியில் பயின்று வரும் நிலையில், குடும்பத்தின் வாழ்வாதாரம் மற்றும் குழந்தைகளின் கல்வி கடுமையாக பாதிக்கப்படும் சூழ்நிலை உருவானது.

இந்த துயரமான சூழ்நிலையை கருத்தில் கொண்டு, பட்டதாரி ஆசிரியர் கழகம் மற்றும் பிற ஆசிரியர் சங்கங்களின் உதவியுடன் ஆசிரியர்கள் ஒன்றிணைந்து ரூ.3 லட்சத்து 45 ஆயிரத்து 700 தொகையை திரட்டி அவரது குடும்பத்தினருக்கு வழங்கியதாக அறிக்கையில் தெரிவிக்கப்பட்டுள்ளது. இது போன்ற சம்பவங்கள் இனிமேலும் நடைபெறாதிருக்கவும், அரசு ஊழியர்கள் மற்றும் ஆசிரியர்களின் குடும்பங்களுக்கு உரிய பாதுகாப்பு கிடைக்கவும், தமிழக அரசு பழைய ஓய்வூதியத் திட்டத்தை மீண்டும் கொண்டு வருவது அவசியம் என சங்கங்கள் வலியுறுத்தியுள்ளன. சமூக பாதுகாப்பு மற்றும் பணியாளர் நலனை உறுதி செய்ய அரசு விரைவான முடிவெடுக்க வேண்டும் என்றும் அவர்கள் கோரிக்கை விடுத்துள்ளனர்.

source https://tamil.indianexpress.com/tamilnadu/government-employees-and-teachers-intensify-protest-demanding-restoration-of-old-pension-scheme-in-tamil-nadu-10947489

Read More

சிறுபான்மையினர் மீதான தாக்குதலை இரும்புக்கரம் கொண்டு அடக்க வேண்டும்’ - ஸ்டாலின் கடும் கண்டனம்

 

“சிறுபான்மையினர் அச்சமின்றி வாழத் துணையிருப்பதில்தான் பெரும்பான்மையினரின் பலமும் குணமும் அடங்கியிருப்பதாகக் குறிப்பிட்டுள்ள அவர், நாட்டைப் பிளவுபடுத்தி அதன் மூலம் குளிர்காய நினைக்கும் வன்முறைக் கும்பல்களை இரும்புக்கரம் கொண்டு அடக்க வேண்டியது அனைவரின் கடமை” எனத் மு.க. ஸ்டாலின் வலியுறுத்தியுள்ளார்.

பா.ஜ.க ஆளும் சத்தீஸ்கர் மற்றும் அஸ்ஸாம் மாநிலங்களில் கிறிஸ்துமஸ் கொண்டாட்டங்களின் போது சிறுபான்மையினருக்கு எதிராக நடத்தப்பட்ட வன்முறைச் சம்பவங்களுக்குத் தமிழ்நாடு முதலமைச்சர் மு.க.ஸ்டாலின் கடும் கண்டனம் தெரிவித்துள்ளார். 

மேலும், “சிறுபான்மையினர் அச்சமின்றி வாழத் துணையிருப்பதில்தான் பெரும்பான்மையினரின் பலமும் குணமும் அடங்கியிருப்பதாகக் குறிப்பிட்டுள்ள அவர், நாட்டைப் பிளவுபடுத்தி அதன் மூலம் குளிர்காய நினைக்கும் வன்முறைக் கும்பல்களை இரும்புக்கரம் கொண்டு அடக்க வேண்டியது அனைவரின் கடமை” எனத் மு.க. ஸ்டாலின் வலியுறுத்தியுள்ளார்.

பா.ஜ.க ஆளும் சத்தீஸ்கர் மாநிலம் ராய்ப்பூரில் அமைந்துள்ள மெக்னடோ மாலில், கிறிஸ்துமஸ் கொண்டாட்டத்தை சிலர் தடுத்து நிறுத்தினர். அங்கே அமைக்கப்பட்டிருந்த அலங்கார பொருட்களையும் சரமாரியாக உடைத்து சேதப்படுத்தி கோஷம் எழுப்பினர்.

மேலும், பா.ஜ.க ஆளும் அஸ்ஸாம் மாநிலம், நல்பாரியில் உள்ள செயிண்ட் மேரிஸ் பள்ளியில் நுழைந்து, கிறிஸ்துமஸ் விழாவிற்கு உபயோகித்த பொருட்களை பஜ்ரங் தளத்தைச் சேர்ந்தவர்கள் தீயிட்டு எரித்தனர்.

கிறிஸ்துமஸ் நாளில் இப்படியான தாக்குதல்கள், அச்சுறுத்தல்கள் வீடியோக்கள் இணையத்தில் வைரலானதைத் தொடர்ந்து, பலரும் கண்டனங்களை எழுப்பி வரும் நிலையில், முதலமைச்சர் மு.க.ஸ்டாலின் கண்டனம் தெரிவித்துள்ளார்.

இது தொடர்பாக முதலமைச்சர் மு.க. ஸ்டாலின் தனது எக்ஸ் பக்கத்தில் பதிவிட்டிருப்பதாவது: “சிறுபான்மையினர் அச்சமின்றி வாழத் துணையிருப்பதில்தான் பெரும்பான்மையினரின் பலமும் இருக்கிறது; குணமும் இருக்கிறது.

பெரும்பான்மை என்ற பெயரில் சில வலதுசாரி  வன்முறைக் கும்பல்கள் தாக்குதல்களிலும் கலவரங்களிலும் ஈடுபடுவது, அதுவும் - பிரதமர் கிறிஸ்துமஸ் விழாவில் பங்கெடுக்கும்போதே ஈடுபடுவது, நாட்டு மக்களுக்குத் தவறான செய்தியையே கொண்டு சேர்க்கும்.

மணிப்பூர் கலவரங்களைத் தொடர்ந்து, இப்போது ஜபல்பூர் - ராய்பூர் மற்றும் பிற இடங்களிலும் சிறுபான்மையினர் மீது தாக்குதல் என்பதை நல்லிணக்கத்தை விரும்பும் நாட்டு மக்கள் எவராலும் ஏற்றுக்கொள்ள முடியாது. ஒன்றிய பா.ஜ.க. அரசு பொறுப்பேற்ற பிறகு, சிறுபான்மையினருக்கு எதிரான வெறுப்புப் பேச்சுகள் 74% அதிகரித்திருப்பதாகச் சொல்லப்படும் புள்ளிவிவரங்கள், எதிர்காலம் எதிர்நோக்கியுள்ள ஆபத்துகளை உணர்த்துகிறது. எனவே,  நாட்டுமக்களைப் பிளவுபடுத்திக் குளிர்காய நினைக்கும் கலவரக் கும்பல்களை இரும்புக்கரம் கொண்டு அடக்கிட வேண்டியது நம் அனைவரது பொறுப்பும் கடமையுமாகும்.” என்று தெரிவித்துள்ளார்.

source https://tamil.indianexpress.com/tamilnadu/cm-mk-stalin-condemns-attack-on-minority-people-in-jabalpur-raipur-christmas-day-10947235

Read More