நிதிச்சுமை கவலையளிக்கிறது... மாநிலத்தின் மீது சுமை கூடும்’

 

மத்தியிலும் ஆந்திராவிலும் பாரதிய ஜனதா கட்சியும் தெலுங்கு தேசம் கட்சியும் (டி.டி.பி) கூட்டணிக் கட்சிகளாக உள்ளன.

மத்திய அரசின் விக்சித் பாரத் – ரோஜ்கர் அவுர் ஆஜீவிகா மிஷன் (கிராமின்) (வி.பி-ஜி ராம்-ஜி - VB-G Ram G) மசோதா, புதிய திட்டத்திற்கு நிதியைப் பகிர்ந்துகொள்ள மாநிலங்களையும் கட்டாயப்படுத்துவதால், மாநிலங்களின் கருவூலத்தின் மீது அதிக நிதிச் சுமையை ஏற்படுத்தும் என எதிர்பார்க்கப்படுகிறது. 

இது குறித்து ஆந்திரப் பிரதேசத்தின் நிதி அமைச்சர், "மசோதாவை நாங்கள் ஆதரித்து நடைமுறைப்படுத்துவோம், ஆனால், நிதிப் பகிர்வு 'கவலையளிக்கிறது' மேலும் 'மாநிலத்தின் மீது சுமையை ஏற்படுத்தும்'" என்று தெரிவித்துள்ளார்.

மத்தியிலும் ஆந்திராவிலும் பாரதிய ஜனதா கட்சியும் தெலுங்கு தேசம் கட்சியும் (டி.டி.பி) கூட்டணிக் கட்சிகளாக உள்ளன.

புதிய திட்டத்தின் நிதிப் பகிர்வு முறையைப் பற்றி தி இந்தியன் எக்ஸ்பிரஸ் சுட்டிக்காட்டியபோது, ஆந்திரப் பிரதேசத்தின் நிதி, திட்டமிடல் மற்றும் சட்ட விவகார அமைச்சர் பய்யாவுலா கேசவ், “இந்த மசோதாவின் விதிகளை அரசு ஆராயும், நாங்கள் இதனை ஆதரித்து நடைமுறைப்படுத்துவோம். ஆனால், நிச்சயமாக, நிதிப் பகிர்வு கவலையளிக்கிறது. திட்டத்திற்காக எங்களுடைய பங்காக ஒரு பெரிய தொகையை நாங்கள் ஒதுக்க வேண்டியிருந்தால், அது மாநிலத்தின் மீது பெரும் சுமையை ஏற்படுத்தும். நாங்கள் இன்னும் திட்டத்தின் முழு விவரங்களையும் பார்க்கவில்லை” என்று கூறினார்.

நிதித் துறை அதிகாரிகள், நிதிப் பற்றாக்குறையில் இருக்கும் ஆந்திரப் பிரதேசம் போன்ற மாநிலத்திற்கு இது கவலைக்குரிய விஷயம் என்றாலும், பின்வரும் மற்ற விதிமுறைகள் ஊக்கமளிப்பதாகக் கூறினர்:

ஒரு நிதியாண்டில் 125 நாட்கள் வேலைவாய்ப்புக்கு உத்தரவாதம்.

வாராந்திர ஊதியப் பட்டுவாடா.

அதிகபட்ச விவசாய காலங்களில் இடைவெளி அளிப்பது, விவசாயத் துறைக்குத் தொழிலாளர்கள் கிடைப்பதை உறுதி செய்யும்.

நிதிப் பகிர்வு முறை: முன்னதாக இருந்த மகாத்மா காந்தி தேசிய ஊரக வேலை உறுதித் திட்டத்தில் (எம்.ஜி.என்.ஆர்.இ.ஜி.எஸ் - MGNREGS), முழு ஊதியச் செலவையும் மத்திய அரசே ஏற்றுக்கொண்டது. ஆனால், வி.பி-ஜி ராம்-ஜி-ன் கீழ், மாநிலங்களும் ஊதியச் செலவைப் பகிர்ந்து கொள்ள வேண்டும்.

மசோதாவின் பிரிவு 22 (2)-ன் படி, “இந்தச் சட்டத்தின் நோக்கங்களுக்காக, வடகிழக்கு மாநிலங்கள், இமயமலை மாநிலங்கள் மற்றும் யூனியன் பிரதேசங்களுக்கு (உத்தரகாண்ட், இமாச்சல பிரதேசம் மற்றும் ஜம்மு காஷ்மீர்) மத்திய-மாநில நிதியப் பகிர்வு விகிதம் 90:10 ஆக இருக்கும். சட்டமன்றம் கொண்ட மற்ற அனைத்து மாநிலங்கள் மற்றும் யூனியன் பிரதேசங்களுக்கு இந்த விகிதம் 60:40 ஆக இருக்கும்.”

source https://tamil.indianexpress.com/india/nda-ally-tdps-first-response-to-new-rural-employment-bill-g-ram-g-concerning-will-put-burden-on-state-10913361