மதுரை எய்ம்ஸ் மருத்துவமனை: ரூ.8.40 கோடியில் வைகை குடிநீர் திட்டத்திற்கு டெண்டர்

 

திருப்பரங்குன்றம் அருகே உள்ள தோப்பூரில் சுமார் 220 ஏக்கர் பரப்பளவில், ரூ. 2021 கோடி மதிப்பீட்டில் மதுரை எய்ம்ஸ் மருத்துவமனை கட்டுமானப் பணிகள் விறுவிறுப்பாக நடைபெற்று வருகின்றன. தற்போது இந்த வளாகத்திற்குத் தேவையான தடையற்ற குடிநீர் வசதியை உறுதி செய்ய புதிய நடவடிக்கை எடுக்கப்பட்டுள்ளது.

திட்டத்தின் முக்கிய அம்சங்கள்:

தமிழ்நாடு குடிநீர் மற்றும் வடிகால் வாரியம் சார்பில், வைகை ஆற்றுப் படுகையிலிருந்து மருத்துவமனைக்கு நீர் கொண்டு வர ரூ. 8.40 கோடி மதிப்பீட்டில் டெண்டர் கோரப்பட்டுள்ளது. வைகை படுகையிலிருந்து கரடிக்கல் பகுதி வழியாக பிரம்மாண்டமான ராட்சத குழாய்கள் மூலம் குடிநீர் கொண்டு வரப்பட உள்ளது.

இந்த ஒருங்கிணைந்த குடிநீர் திட்டத்தின் மூலம் எய்ம்ஸ் வளாகத்திற்கு நாளொன்றுக்கு சுமார் 2.61 மில்லியன் லிட்டர் தண்ணீர் வழங்க இலக்கு நிர்ணயிக்கப்பட்டுள்ளது. டெண்டர் விடப்பட்டுள்ள இந்தப் பணிகளை அடுத்த 9 மாதங்களுக்குள் முழுமையாக முடிக்கத் திட்டமிடப்பட்டுள்ளது.

மருத்துவமனையின் முதற்கட்ட கட்டிடப் பணிகள் இம்மாத இறுதிக்குள் நிறைவடையும் தருவாயில் உள்ளன. இதனைத் தொடர்ந்து, சுமார் 2.31 லட்சம் சதுர மீட்டர் பரப்பளவிலான இரண்டாம் கட்ட கட்டுமானப் பணிகளும் விரைவில் தொடங்கப்பட இருக்கின்றன.

source https://tamil.indianexpress.com/tamilnadu/madurai-aiims-hospital-drinking-water-project-10962702