முஸ்லிம்களின் வாழ்வியல் வழிகாட்டி தொடர் - 7 இளமை ஓர் அருட்கொடை
உஸாமா - இஸ்லாமியக்கல்லூரி மூன்றாம் ஆண்டு மாணவர்
ரமலான் ஸஹர் நேர சிறப்பு நிகழ்ச்சி - 31.03.2023
வெள்ளி, 31 மார்ச், 2023
குடும்ப மகிழ்ச்சிக்கு பெரிதும் காரணம்? பணமா? மனமா? 30 03 2023 TNTJ-வின் மக்கள் மேடை - ஸஹர் நேர சிறப்பு நிகழ்ச்சி பாகம் - 8
TNTJ-வின் மக்கள் மேடை - ஸஹர் நேர சிறப்பு நிகழ்ச்சி பாகம் - 8
விவாத தலைப்பு:
குடும்ப மகிழ்ச்சிக்கு பெரிதும் காரணம்? பணமா? மனமா?
சென்னை மண்டலம் - 30.03.2023
குடும்ப மகிழ்ச்சிக்கு பெரிதும் காரணம்? பணமா? மனமா? 30 03 2023 TNTJ-வின் மக்கள் மேடை - ஸஹர் நேர சிறப்பு நிகழ்ச்சி பாகம் - 7
TNTJ-வின் மக்கள் மேடை - ஸஹர் நேர சிறப்பு நிகழ்ச்சி பாகம் - 7
விவாத தலைப்பு:
குடும்ப மகிழ்ச்சிக்கு பெரிதும் காரணம்? பணமா? மனமா?
சென்னை மண்டலம் - 30.03.2023
நரகில் தள்ளும் பித்அத்
நரகில் தள்ளும் பித்அத்
உரை:- அபூபக்கர் சித்திக் ஸாஆதி
பண்டாரவடை - தஞ்சை வடக்கு மாவட்டம் - 05.11.2022
முஸ்லிம்களின் வாழ்வியல் வழிகாட்டி தொடர் - 6 உள்ளத்தை நெறிப்படுத்தும் இறைநினைவு அபூபக்கர் சித்தீக் 29 03 2023
முஸ்லிம்களின் வாழ்வியல் வழிகாட்டி தொடர் - 6 உள்ளத்தை நெறிப்படுத்தும் இறைநினைவு
M. அபூபக்கர் சித்தீக்
இஸ்லாமியக்கல்லூரி நான்காம் ஆண்டு மாணவர்
ரமலான் ஸஹர் நேர சிறப்பு நிகழ்ச்சி - 29.03.2023
உணவளிப்போம் உணவளிக்கத் தூண்டுவோம் முஹம்மது அபூபக்கர் சித்தீக் 28 3 2023 முஸ்லிம்களின் வாழ்வியல் வழிகாட்டி தொடர் - 5
முஸ்லிம்களின் வாழ்வியல் வழிகாட்டி தொடர் - 5
உணவளிப்போம் உணவளிக்கத் தூண்டுவோம்
A. முஹம்மது அபூபக்கர் சித்தீக்
இஸ்லாமியக்கல்லூரி நான்காம் ஆண்டு மாணவர்
ரமலான் ஸஹர் நேர சிறப்பு நிகழ்ச்சி - 28.03.2023
அகிலத்திற்கு ஓர் அருட்கொடை அண்ணல் நபி (ஸல்) ஷம்சுல்லுஹா ரஹ்மானி 29 03 2023 ரமலான் தொடர் - 7
அகிலத்திற்கு ஓர் அருட்கொடை அண்ணல் நபி (ஸல்)
ரமலான் தொடர் - 7
உரை: ஷம்சுல்லுஹா ரஹ்மானி
மேலாண்மைக்குழு தலைவர்,TNTJ
மாநிலத் தலைமையகம் - 29.03.2023
விண்வெளியிலிருந்து இந்தியா பார்க்க எப்படி இருக்கும்? இஸ்ரோ வெளியிட்டுள்ள புதிய செயற்கைக்கோள் படங்கள்
31 3 23
செயற்கைக்கோள் மூலம் எடுக்கப்பட்ட பூமியின் அற்புதமான படங்களை இஸ்ரோ சமீபத்தில் பகிர்ந்துள்ளதோடு, விண்வெளியிலிருந்து இந்தியா பார்க்க எப்படி இருக்கும்? என்பதை விளக்கும் விதமாக சில அரிய போட்டோக்களையும் இஸ்ரோ தற்போது வெளியிட்டுள்ளது.
நவம்பர் 26, 2022 அன்று, பிஎஸ்எல்வி-சி54 திட்டத்தின் ஒரு பகுதியாக ஓஷன்சாட்-3 என்ற நானோ செயற்கைக்கோளை இஸ்ரோ விண்ணில் செலுத்தியது. இது வளிமண்டலம் மற்றும் கடல்சார் ஆய்வுக்கு பயன்படுத்தப்படும் இஸ்ரோ செயற்கைக்கோள்களின் தொகுப்பின் ஒரு அங்கமாகும். ஓஷன் சாட்-3 உடன் ஓஷன் கலர் மானிட்டர் (ஓசிஎம்-3), கடல் மேற்பரப்பு வெப்பநிலை மானிட்டர் (எஸ்எஸ்டிஎம்), கு-பேண்ட் ஸ்கேட்டரோமீட்டர் (எஸ்சிஏடி-3) மற்றும் ஆர்கோஸ் ஆகிய மூன்று முக்கிய சென்சார்கள் ஏவப்பட்டன, இது கிரகத்தை பல்வேறு இடங்களில் கண்காணிக்க அனுமதிக்கிறது.
அந்த வகையில், ஓஷன் சாட்-3 மற்றும் ஓஷன் கலர் மானிட்டர் (ஓசிஎம்-3) மூலம் எடுக்கப்பட்ட பூமியின் கண்கவர் புதிய படங்களை செயற்கைக்கோள் சமீபத்தில் அனுப்பியிருந்தது. இதை இந்திய விண்வெளி ஆராய்ச்சி அமைப்பு (இஸ்ரோ) செயற்கைக்கோளில் இருந்து தேசிய தொலை உணர் மையம் (என்ஆர்எஸ்சி) பெற்ற தரவுகளைப் பயன்படுத்தி படங்களை மொசைக்குகளாக உருமாற்றியது. பின்னர் 300 GB தரவைச் செயலாக்கிய பிறகு, ஒவ்வொரு மொசைக்கும் 2,939 படங்களை இணைத்து. ஒவ்வொரு கண்டத்தையும் உள்ளடக்கிய மிக தெளிவான படங்கள், இந்த ஆண்டு பிப்ரவரி 1 முதல் பிப்ரவரி 15 வரை பூமியில் நடந்த அத்தனை நிகழ்வுகளையும் ஒன்றிணைத்த படமாக தொகுக்கப்பட்டது.
இதில் குறிப்பாக, சுற்றுப்பாதையில் இருந்து எடுக்கப்பட்ட புகைப்பட தொகுப்பில் இந்தியா பிரகாசமாகவும் தெளிவாகவும் ஒளிர்வதை சில புகைப்படங்கள் காட்டியுள்ளது. இந்நிலையில், தற்போது இஸ்ரோ, விண்வெளியிலிருந்து எடுக்கப்பட்ட இந்த புகைப்படங்களை அதன் ட்விட்டர் பக்கத்தில் பகிர்ந்துள்ளது. இந்த ட்விட் போடப்பட்டதிலிருந்தே புகைப்படங்கள் அனைத்தும் வைரலானதோடு, நமது பூமியின், குறிப்பாக நமது இந்தியாவின் மயக்கும் காட்சியைக் கண்டு இணையவாசிகள் ஆச்சரியப்பட்டு வருகின்றனர்.
- பி.ஜேம்ஸ் லிசா
source https://news7tamil.live/what-would-it-be-like-to-see-india-from-space-new-satellite-images-released-by-isro.html
ஆங் சான் சூ கி கட்சி கலைப்பு;
31 3 23
மியான்மரில் பிப்ரவரி 1, 2021-ல் நடந்த ராணுவ சதியின் இரண்டாம் ஆண்டு நிறைவை முன்னிட்டு, ராணுவ ஆதரவு கட்சியான ஐக்கிய ஒற்றுமை மற்றும் அபிவிருத்திக் கட்சியை (யு.எஸ்.டி.பி) நசுக்கி ஜனநாயகத்துக்கான தேசிய லீக் கட்சி (என்.எல்.டி) 2020 தேர்தல் வெற்றியை ரத்து செய்து, இந்த ஆண்டு ஜனவரியில் ராணுவ ஆட்சிக் குழுவின் தேர்தல் பேச்சு தொடங்கியது.
மியான்மரின் முக்கிய அரசியல் கட்சியான ஆங் சான் சூ கி தலைமையிலான ஜனநாயகத்திற்கான தேசிய லீக் (என்.எல்.டி) 1988-ல் அதன் தொடக்கத்தில் இருந்து கலைக்கப்பட்டது. ராணுவம் ஒரு தேர்தல் மூலம் தனது அதிகாரத்தை கைப்பற்ற முற்படுகையில், அது மேலும் உள்நோக்கி இழுத்துச் செல்வதை சமிக்ஞை செய்கிறது.
பிப்ரவரி 1, 2021-ல் நடந்த ராணுவ சதியின் இரண்டாம் ஆண்டு நிறைவை முன்னிட்டு, ராணுவ ஆதரவு ஐக்கிய ஒற்றுமை மற்றும் வளர்ச்சிக் கட்சியை நசுக்கி என்.எல்.டி-ன் 2020 தேர்தல் வெற்றியை ரத்து செய்து இந்த ஆண்டு ஜனவரியில் ராணுவ ஆட்சிக்குழுவின் தேர்தல் பேச்சு தொடங்கியது.
ராணுவத்தால் உருவாக்கப்பட்ட 2008 அரசியலமைப்பின் கீழ், நெருக்கடி நிலையை இரண்டு ஆண்டுகளுக்கு மட்டுமே நடைமுறைப்படுத்த முடியும். அதன் பிறகு, ஆறு மாதங்களுக்குள் தேர்தல் நடத்தப்பட வேண்டும். ஆனால், பிப்ரவரி 1-ம் தேதி வாரியம் நெருக்கடிநிலையை மேலும் 6 மாதங்களுக்கு நீட்டித்தது. இது ஆகஸ்ட் 31-ம் தேதி முடிவடைகிறது. மீண்டும் ஒருமுறை நெருக்கடி நிலை நீட்டிக்க திட்டமிடப்படாவிட்டால் பிப்ரவரி 2024-க்குள் தேர்தல் நடத்தப்படலாம்.
ஜுண்டாவின் ராணுவத்தின் மூத்த தலைமை தளபதி மின் ஆங் ஹ்லேயிங் சுதந்திரமான மற்றும் நியாயமான தேர்தல் நடத்தப்படும் என்று உறுதியளித்தார். ஆனால், ராணுவத்தின் அனுசரணையில் ஒரு தேர்தல் பயிற்சி எப்போதுமே கேள்விக்குரியதாக இருக்கும் என்றால், ஜனவரி பிற்பகுதியில் அறிவிக்கப்பட்ட புதிய தேர்தல் விதிகள், இது ராணுவ ஆட்சிக்குழுவினால் நடத்தப்படும் தேர்தல் என்ற சந்தேகங்களை நீக்கியது.
ஆங் சான் சூ கியின் கட்சி கலைக்கப்பட்டது: மியான்மர் ஆங் சான் சூ கி மணிலாவில் 31வது ஆசியான் உச்சிமாநாட்டின் தொடக்க அமர்வில் கலந்து கொண்டார்.
புதிய தேர்தல் சட்டம்
ராணுவத்தை மிகவும் கவலையடையச் செய்வது ஆங் சான் சூ கியின் அபரிமிதமான புகழ், அவர் விடுதலையாகி 2 ஆண்டுகளுக்குப் பிறகு 2012 இடைத்தேர்தல்களிலும், பின்னர் 2015 மற்றும் 2020 தேர்தல்களிலும் வெற்றி பெற்றார். அவருடைய கட்சி 2020-ல் நாடாளுமன்றத்தில் ஐந்தில் நான்கு பங்கு இடங்களை வென்றது. இது அக்கட்சி 2015-ல் பெற்ற வெற்றியை விட அதிகமாகும். ஆங் சான் சூ கி தனது அறுதிப் பெரும்பான்மையுடன், ராணுவத்தால் உருவாக்கப்பட்ட அரசியல் சட்டத்தை அரசியலில் இருந்து விலக்கிவிடலாம் என்ற அச்சத்தால் ஆட்சிக் கவிழ்க்கப்பட்டது.
ஆட்சிக் கவிழ்க்கப்பட்ட பின்னர் என்.எல்.டி. தலைவர் சிறையில் இருந்தாலும், ராணுவம் வெற்றியைப் பற்றி உறுதி இல்லாமல் இருந்தது. புதிய சட்டங்கள் என்.எல்.டி-யை முழுமையாக அரசியல் கணக்குகளுக்கு வெளியே நிறுத்துவதை நோக்கமாகக் கொண்டதாகத் தெரிகிறது.
அரசியல் கட்சிகள் பதிவுச் சட்டத்தின்கீழ், ஜனவரி 26-ம் தேதி நாட்டின் ராணுவத் தேர்தல் ஆணையத்தால் அறிவிக்கப்பட்ட, தற்போதுள்ள கட்சிகள் மீண்டும் பதிவு செய்ய அல்லது தானாக கலைக்க 60 நாட்கள் அவகாசம் அளிக்கப்பட்டது. தேர்தலில் போட்டியிடப் போவதில்லை என அறிவித்திருந்த என்.எல்.டி., பதிவு செய்யவில்லை. இந்நிலையில், மார்ச் 28ம் தேதி அக்கட்சி கலைக்கப்பட்டது.
ஆட்சிக்கவிழ்ப்புக்கு முன்னர் இருந்த 92 கட்சிகளில் 60-க்கும் குறைவான கட்சிகளே குறிபிட்ட காலக்கெடுவுக்குள் மீண்டும் பதிவு செய்துள்ளன. பதிவு செய்த கட்சிகள் தேர்தலில் போட்டியிட வேண்டும். புதிய சட்டம் தேசிய கட்சிகளுக்கு வேறு கடுமையான நிபந்தனைகளை விதிக்கிறது. பதிவு செய்த 90 நாட்களுக்குள் 1,00,000 கட்சி உறுப்பினர்களைக் காட்ட வேண்டும் இதற்கு முன்னர் 1,000 உறுப்பினர்களைக் காட்டினால் போதுமானதாக இருந்தது. கட்சியின் பதிவு செய்யப்பட்ட வங்கிக் கணக்கில் 100 மில்லியன் கியாட் (அல்லது சுமார் $35,000 அமெரிக்க டாலர்கள்) வைத்திருக்க வேண்டும். அவர்கள் 180 நாட்களுக்குள் 330 நகரங்களில் பாதி அளவு நகரங்களிலாவது கட்சி அலுவலகங்களைத் திறக்க வேண்டும். மேலும், நாடு முழுவதும் குறைந்தது பாதி தொகுதிகளில் போட்டியிட வேண்டும் என்று கூறுகிறது.
33 ஆண்டுகள் சிறை தண்டனை அனுபவித்து வரும் 77 வயதான ஆங் சான் சூ கி உட்பட அவருடைய கட்சியின் 80 தலைவர்கள் சிறையில் இருப்பதால், என்.எல்.டி பதிவு செய்திருந்தாலும், இந்த நிபந்தனைகளில் எதையும் நிறைவேற்றுவது கடினமாக இருந்திருக்கும். மியான்மரின் பெரும்பான்மையான பாமர் ஆதிக்கம் செலுத்தும் பிராந்தியங்களில் முன்னிலையில் உள்ள ஒரே மற்ற கட்சியான யு.எஸ்.டி.பி-க்கு இந்த சட்டம் வெளிப்படையாக ஆதரவளிக்கிறது.
மியான்மரில் பதிவு செய்த பெரும்பாலான கட்சிகள் ஒரு மாநிலத்தில் மட்டுமே போட்டியிடும் இன அரசியல் குழுக்களாகும். அவர்களுக்கான நிபந்தனைகள் அவ்வளவு கண்டிப்பானவை அல்ல – அவர்கள் 1,000 உறுப்பினர்களைக் காட்ட வேண்டும், $3,500 வங்கி இருப்பு, தங்கள் மாநிலம்/பிராந்தியத்தில் ஐந்து கட்சி அலுவலகங்கள் மற்றும் மூன்று இடங்களில் மட்டுமே போட்டியிட வேண்டும்.
விகிதாச்சார பிரதிநிதித்துவ முறைக்கான பிந்தைய முறையை முதன்முதலில் அகற்றுவது பற்றி வாரியம் பேசியது, இது மீண்டும் யு.எஸ்.டி.பி-க்கு சாதகமாக இருக்கும்.
ஆனால் தேர்தலை நடத்த முடியுமா? என்றால், மியான்மரின் தற்போதைய ராணுவ ஆட்சிக் குழு, முந்தைய ராணுவ ஆட்சிகளைப் போல இல்லாமல், நாட்டின் மீது கட்டுப்பாட்டை நிறுவத் தவறிவிட்டது. பாமர் பகுதிகளில் உள்ள பொதுமக்கள் ஆட்சிக்கவிழ்ப்பை எதிர்க்க நூற்றுக்கணக்கான தன்னாட்சி மக்கள் பாதுகாப்புப் படைகளாக (பி.டி.எஃப்) குழுமியுள்ளனர். அவர்கள் சில இன ஆயுத அமைப்புகளின் (இ.ஏ.ஓ) ஆதரவைப் பெற்றுள்ளனர். அவர்கள் பெரும் நிலப்பரப்பைக் கட்டுப்படுத்துகின்றனர், ஆயுதங்களைப் பயன்படுத்துவதில் பொதுமக்களுக்கு பயிற்சி அளித்து வருகின்றனர்.
ராணுவ ஆட்சிக்கு அரசியல் எதிர்ப்பில் நிற்கும் கடந்த தேர்தலில் வெற்றி பெற்ற வேட்பாளர்களை உள்ளடக்கிய தேசிய ஐக்கிய அரசாங்கம், பி.டி.எஃப்-களை தங்கள் ஆயுதப் பிரிவாக அறிவித்தது. அதே நேரத்தில் ஆதரவளிக்கும் இ.ஏ.ஓ-க்கள் ஒரு தளர்வான கூட்டணியில் உள்ளனர். பி.டி.எஃப் மற்றும் இ.ஏ.ஓ ஒன்றாக இணைந்து முன்பைவிட அதிகமான பகுதியைக் கட்டுப்படுத்தலாம். மியான்மர் அவர்கள் அனைவரையும் பயங்கரவாதிகள் என்று முத்திரை குத்தியுள்ளது.
மூத்த ராணுவ தளபதி மின் இந்த வார தொடக்கத்தில் மியான்மர் ஆயுதப்படை தினத்தை கொண்டாடும் ராணுவ அணிவகுப்பில் ராணுவம் எதிர்ப்பிற்கு எதிராக தீர்க்கமான நடவடிக்கையை எடுக்கும் என்று கூறினார்.
மியான்மர், வரும் நாட்களில் மேலும் வன்முறைக்கு தயாராகி வருகிறது. ராணுவ ஆட்சிக்குழு தனது உத்தரவை நிறுவ முயற்சிக்கிறது. ஜனநாயக சார்பு சக்திகள் எதிர்ப்பைத் தெரிவிக்க தயாராக உள்ளன. சில குழுக்கள் முன்பைவிட அதிநவீன ஆயுதங்களுடன் சண்டையிடுகின்றன, இ.ஏ.ஓ-க்களால் அவர்களுக்கு வழங்கப்பட்ட ஆயுதங்கள் அல்லது வளமான கறுப்பு சந்தைகளில் இருந்து வாங்கப்பட்டன.
தேர்தலை நடத்துவதற்கான இராணுவ ஆட்சிக்குழுவின் உறுதிப்பாடு நிலைமையை மேலும் மோசமாக்கும். என்.எல்.டி பங்கேற்பு இல்லாமல், நெருக்கடி கால ஆட்சியைவிட சிறந்த கட்டுப்பாட்டை ஏற்படுத்த தேர்தல் உதவும் என்று ராணுவ ஆட்சிக்குழு நம்புவதாகத் தோன்றினாலும், மியான்மர் மக்கள் மற்றும் சர்வதேச சமூகத்தின் பார்வையில் இந்தத் தேர்தல் ஒரு குறைபாடுள்ள நடைமுறையாகவே இருக்கும்.
ஆனால், ஆப்கானிஸ்தானில் உள்ள தலிபான்களைப் போலவே, மியான்மர் ராணுவமும் சர்வதேச அழுத்தத்திலிருந்து விடுபடுகிறது. தத்மதவ் (Tatmadaw) (ராணுவம்) மீது செல்வாக்கு செலுத்தும் சீனாவும் கூட மட்டுப்படுத்தப்பட்ட கருத்துக்களைக் கொண்டிருப்பதாகத் தெரிகிறது. மியான்மரின் ஆசியான் ஐந்து அம்சத் திட்டம் இதுவரை எந்த முன்னேற்றத்தையும் அளிக்கவில்லை. இருப்பினும், குழுவின் தலைவராக இருக்கும் இந்தோனேசியா சில முயற்சிகளை மேற்கொண்டு வருவதாகக் கூறப்படுகிறது.
என்.எல்.டி-க்கு அடுத்து என்ன?
கட்சி பல சோதனைகளைச் சந்தித்திருந்தாலும், இதுவரை ஒவ்வொரு சோதனைக்குப் பின்னும் வலுப்பெற்று வருகிறது. அது போட்டியிட்டு வெற்றி பெற்ற முதல் தேர்தல் 1990-ம் ஆண்டு தேர்தல். 30 ஆண்டுகளுக்கு பிறகு, ராணுவம் தேர்தல் முடிவுகளை ரத்து செய்து ஆட்சியைப் பிடித்தது. ஆங் சான் சூ கி அடுத்த 20 ஆண்டுகளின் பெரும்பகுதியை வீட்டுக்காவலில் கழித்தார். 2000-களின் மத்தியில் என்.எல்.டி தடை செய்யப்பட்டது. ராணுவ ஆட்சிக்குழு தடையை நீக்கியபோது, அது 2008 அரசியலமைப்பிற்கு சில சட்டபூர்வமான தன்மையை வழங்குவதாக இருந்தது.
ஆங் சான் சூ கி 2010-ல் விடுவிக்கப்பட்டார். ஆனால், என்.எல்.டி தேர்தலைப் புறக்கணித்தது. என்.எல்.டி கட்சி பிளவுபட்டது. பிரிந்து சென்ற குழு தேர்தலில் போட்டியிட்டது, அது தேர்தலில் தோல்வியடைந்தது. 2012 முதல் 2020 வரை, என்.எல்.டி., ராணுவத்தால் மீண்டும் துரத்தப்படும் வரை, மேலும், பலமடைந்தது. என்.எல்.டி.யின் ஆரம்ப கால முடிவில் போட்டியிடுவதில்லை என்ற முடிவில் இருந்து, ஆங் சான் சூ கி இன்னும் கட்சியின் மீது கட்டுப்பாட்டை வைத்திருப்பதாகத் தெரிகிறது. ஆனால், எவ்வளவு காலம் என்பது தெளிவாகத் தெரியவில்லை. அவரது நீண்ட தண்டனை, அவர் வெளியே வருவதற்கு பல ஆண்டுகள் ஆகலாம். அப்போது கட்சியில் தலைமுறைகளுக்கு இடையே ஏற்படும் இடைவெளியைக் குறைக்க முடியாது.
source https://tamil.indianexpress.com/explained/aung-san-suu-kyis-party-dissolved-whats-going-on-myanmar-624147/
கொரோனா தொற்று தமிழகத்தில் அதிகரித்து வருவதால், அரசு மருத்துவமனைகளுக்கு வருபவர்கள் கட்டாயம் முகக் கவசம் அணிய வேண்டும் என்று மக்கள் நல்வாழ்வு துறை அமைச்சர் மா.சுப்பிரமணியம் தெரிவித்துள்ளார்
31 3 2023
கொரோனா தொற்று தமிழகத்தில் அதிகரித்து வருவதால், அரசு மருத்துவமனைகளுக்கு வருபவர்கள் கட்டாயம் முகக் கவசம் அணிய வேண்டும் என்று மக்கள் நல்வாழ்வு துறை அமைச்சர் மா.சுப்பிரமணியம் தெரிவித்துள்ளார்.
கொரோனாவின் 3ம் அலையின் போது, தமிழ்நாட்டில் உருமாறிய ஓமைக்ரான் அதிமாக பரவியது. இந்நிலையில் சில மாதங்களாக தமிழகத்தில் கொரோனா பாதிப்பு அதிகரிக்கவில்லை. இந்நிலையில் இந்த மாதம் தொடக்கத்தில் கொரோனாவால் முதல் மரணம் ஏற்பட்டது. இந்நிலை கடந்த சில நாட்களாக புதிதாக கொரோனா பாதித்தவர்களின் எண்ணிக்கை 100-ஐ தாண்டியது. இந்நிலையில் கொரோனா தொற்றுக்கு சிகிச்சை பெறும் நபர்களின் எண்ணிக்கையும் அதிகரித்துள்ளது. தற்போது பரவிரும் கொரோனா வைரஸ்-யின் பரவவல் வேகம் அதிகமாக இருக்கிறது. ஆனால் நோய் பாதிக்கு குறைவாக இருப்பதாக மருத்துவர்கள் தெரிவித்துள்ளனர்.
இந்நிலையில் தமிழக சுகாதாரத்துறை சார்பில், முக்கிய அறிவிப்பு வெளியாகி உள்ளது. நாளை முதல் தமிழகத்தில் உள்ள அனைத்து அரசு மருத்துவமனைக்கு வருபவர்கள் முகக்கவசம் அணிய வேண்டும் என்று கூறப்பட்டுள்ளது.அரசு மருத்துவமனையில் பணிபுரியும் மருத்துவர்கள், செவிலியர்கள், உள்நோயாளிகள், புற நோயாளிகள் அனைவரும் முகக்கவசம் அணிய வேண்டும் என்று அந்த அறிவிப்பில் குறிப்பிடப்பட்டுள்ளது. இந்நிலையில் முன்னெச்சரிக்கை நடவடிக்கைகாக இந்த அறிவிப்பு வெளியாகி உள்ளது.
source https://tamil.indianexpress.com/tamilnadu/ma-subramanian-new-announcement-government-hospital-mask-must-624556/
பாகிஸ்தானில் தேசத்துரோக சட்டம் ரத்து.. முடிவுக்கு வந்த காலனியாதிக்க நடைமுறை
31 3 23
பாகிஸ்தானின் லாகூர் உயர் நீதிமன்றம் வியாழக்கிழமை (மார்ச் 30) அந்நாட்டின் தண்டனைச் சட்டத்தின் 124A பிரிவின் விதிகளை செல்லாததாக்கியது,
இது “தேசத்துரோகச் சட்டம்” ஆகும். பிரிவு 124A தேசத்துரோகத்தில் ஈடுபடுவது அல்லது அரசாங்கத்திற்கு எதிரான “அதிருப்தியில்” ஈடுபடுவதை குற்றமாக கருதுகிறது.
இந்நிலையில், லாகூர் உயர் நீதிமன்ற நீதிபதி ஷாஹித் கரீம், பிபிசியின் 124 ஏ பிரிவை நீக்கினார்.
பாகிஸ்தானின் தேசத்துரோகச் சட்டம் என்ன?
பாகிஸ்தானின் தண்டனைச் சட்டத்தின் 124A பிரிவு “தேசத்துரோகம்” என வரையறுக்கிறது, இதில், மாகாண அரசாங்கத்தின் மீது வெறுப்பு அல்லது அவமதிப்பு மற்றும் கிளர்ச்சியை தூண்டுதல் உள்ளிட்ட குற்றங்கள் வருகின்றன.
இந்தக் குற்றங்களில் ஈடுபடுவோருக்கு ஆயுள் தண்டனை மற்றும் அபராதம் விதிக்கப்படலாம். அல்லது 3 ஆண்டுகள் சிறைத் தண்டனை மற்றும் அபராதம் விதிக்கப்படலாம்.
தற்போதைய வழக்கில் என்ன நடந்தது?
லாகூர் உயர் நீதிமன்றத்தின் நீதிபதி ஷாஹித் கரீம் அடங்கிய ஒற்றை நீதிபதி அமர்வு, இந்தத் தீர்ப்பை வழங்கியது.
பிரிவு 124A-ஐ எதிர்த்து தாக்கல் செய்யப்பட்ட மனுக்களின் தரப்பில் வாதாடிய வழக்குரைஞர்கள் ஒவ்வொரு குடிமகனுக்கும் பேச்சு மற்றும் கருத்துச் சுதந்திரத்திற்கான உரிமையை அரசியலமைப்பு வழங்குகிறது என்று வாதிட்டனர்.
மேலும், காலனித்துவ தேசத்துரோகச் சட்டம் அரசாங்கத்தை விமர்சிக்கும் சுதந்திரமான பேச்சுக்கு ஆயுள் தண்டனை விதிக்கிறது.
ஹரூன் ஃபாரூக் என்ற குடிமகன் ஒரு மனுவை தாக்கல் செய்தார், அவர் பிபிசியின் 124 ஏ பிரிவு “அரசியலமைப்புச் சட்டத்தின் 8 வது பிரிவு முரண்பாட்டின் அடிப்படையில் தீவிர வைரஸ்கள்” என்று வாதிட்டார்.
இந்தப் பிரிவின் கீழ் அரசியலமைப்பின் பிரிவு 9, 14, 15, 16, 17 மற்றும் 19, 19A ஆகியவை வருகின்றன.
அரசியலமைப்பின் 19 வது பிரிவின் கீழ் வழங்கப்பட்ட சுதந்திரமான பேச்சு உரிமையைத் தடுக்க தேசத்துரோகச் சட்டம் “பொறுப்பற்ற முறையில்” சுரண்டல் கருவியாக பயன்படுத்தப்படுகிறது என்று அவர் வாதிட்டார்.
மற்ற பல்வேறு அரசியலமைப்புச் சுதந்திரங்களின் மீதான “சட்டவிரோத வரம்பு” என்று அந்த மனு வாதிட்டது. தேசத்துரோக குற்றத்திற்காக 23 ஆண்டுகள் சிறைத்தண்டனை விதிக்கப்பட்ட ஜாவேத் ஹஷ்மி போன்ற பத்திரிகையாளர்களின் உதாரணங்களை மேற்கோள் காட்டி, அரசாங்கத்தை அல்லது அதன் நிறுவனங்களை விமர்சிப்பதற்காக இந்த விதியின் கீழ் பத்திரிகையாளர்கள், அரசியல்வாதிகள் மற்றும் ஆர்வலர்கள் எவ்வாறு அதிகளவில் வழக்கு பதிவு செய்யப்படுகிறார்கள் என்பதையும் குறிப்பிட்டார்.
தேசத்துரோகச் சட்டத்தில் இந்தியா</strong>
காலனித்துவ ஆட்சியின் ஒரு விளைபொருளாக, தேசத்துரோகச் சட்டம் இந்தியா மற்றும் பாகிஸ்தான் ஆகிய இரு நாடுகளின் தண்டனை முறைகளால் மரபுரிமை பெற்றது, மேலும் இரண்டு நாடுகளிலும் ஒரே மாதிரியாக உள்ளது.
இந்தியாவின் காலனித்துவ எதிர்ப்புப் போராட்டத்தின் போது அரசியல் எதிர்ப்பைக் கட்டுப்படுத்த இந்த ஏற்பாடு பரவலாகப் பயன்படுத்தப்பட்டது. IPC இன் பிரிவு 124A சம்பந்தப்பட்ட பல சுதந்திரத்திற்கு முந்தைய வழக்குகள், பாலகங்காதர் திலக், அன்னி பெசன்ட், ஷௌகத் மற்றும் முகமது அலி, மௌலானா ஆசாத் மற்றும் மகாத்மா காந்தி உட்பட புகழ்பெற்ற சுதந்திரப் போராட்ட வீரர்களுக்கு எதிராக உள்ளன.
பாகிஸ்தானின் தண்டனைச் சட்டம் பிரிவு 124A இன் கீழ் அதை உள்ளடக்கியது, இந்திய தண்டனைச் சட்டம் (IPC) போன்ற பிரிவு 124A இன் கீழ் வரையறுக்கிறது.
மே 2022 இல், உச்ச நீதிமன்றத்தின் அப்போதைய தலைமை நீதிபதி என்வி ரமணா தலைமையிலான மூன்று நீதிபதிகள் கொண்ட அமர்வு “எஸ்.ஜி. Vombatkere vs Union of India”, தேசத்துரோகக் குற்றத்தைக் கையாளும் இந்திய தண்டனைச் சட்டத்தின் (IPC) பிரிவு 124A-ன் கீழ் கட்டமைக்கப்பட்ட குற்றச்சாட்டு தொடர்பாக நிலுவையில் உள்ள அனைத்து விசாரணைகள், மேல்முறையீடுகள் மற்றும் நடவடிக்கைகள் ஆகியவற்றை நிறுத்தி வைக்குமாறு மத்திய மற்றும் மாநிலங்களுக்கு உத்தரவிட்டது.
மத்திய அரசு முதலில் காலனித்துவ விதியை ஆதரித்தது, ஆனால் பின்னர் அதை மறுபரிசீலனை செய்வதாக உச்ச நீதிமன்றத்தில் தெரிவித்தது. ஏறக்குறைய ஒரு வருடம் கழித்து, ஒரு உறுதியான முடிவு இன்னும் காத்திருக்கிறது.
source https://tamil.indianexpress.com/explained/lahore-high-court-strikes-down-pakistans-sedition-law-the-law-the-case-and-india-parallels-624783/
இ.சி.ஆர்., சுங்கச் சாவடி கட்டணம் உயர்வு: ஏப்ரல் 1 முதல் அமல்
31 3 2023
கிழக்கு கடற்கரை சாலை சுங்கச்சாவடி கட்டணம் ஏப்ரல் 1ம் தேதி முதல் கட்டணம் உயர்த்தப்படும் என்று அறிவிக்கப்பட்டுள்ளது.
சென்னையில் இருந்து மாமல்லபுரம் செல்லும் கிழக்கு கடற்கரை சாலையில் உள்ள உத்தண்டி சுங்கச்சாவடியிலும், திருப்போரூர் மற்றும் கேளம்பாக்கம் பகுதியிலிருந்து கிழக்கு கடற்கரை சாலை சந்திப்பில் உள்ள கோவளம் சுங்கச்சாவடியிலும் நாளை முதல் கட்டண உயர்வு அமலுக்கு வரும் என்று அறிவிக்கப்பட்டுள்ளது
மாமல்லபுரத்திற்கு செல்லும் கார், ஜீப், வேன் மற்றும் 3 சக்கர வாகனங்களுக்கு ஒருவழிப் பயணத்திற்கு ரூ.47, ஒரு நாளில் திரும்ப ரூ.70, பலமுறை பயணம் செய்ய ரூ.128, மற்றும் மாதக் கட்டணம் ரூ. 2,721; இலகுரக வர்த்தக வாகனங்களுக்கு, மினி வேன்களில் பயணம் செய்ய ஒரு வழி பயணத்திற்கு ரூ. 75 மற்றும் ஒரு நாள் திரும்பும் பயணத்திற்கு ரூ.113 கட்டணம் என்ற பட்டியல் அறிவிக்கப்பட்டுள்ளது.
பேருந்துகள் மற்றும் இரு சக்கர சரக்கு வாகனங்களுக்கு ஒருவழிப் பயணத்திற்கு ரூ.157 மற்றும் ஒரு நாளில் திரும்ப ரூ.236 வசூலிக்கப்படும். முச்சக்கர வர்த்தக வாகனங்கள் ஒரு பயணத்திற்கு ரூ.172 மற்றும் அதே நாளில் திரும்புவதற்கு ரூ.258.
4 சக்கர மற்றும் 6 சக்கர சரக்கு வாகனங்களுக்கு ரூ. 247 ஒருவழிப் பயணமும், அதே நாளில் திரும்புவதற்கு 370. கட்டுமானப் பொருட்களை ஏற்றிச் செல்லும் வாகனங்கள் (7 மற்றும் கூடுதல் சக்கர வாகனங்கள்) ஒரு பயணத்திற்கு ரூ.301 மற்றும் ஒரே நாளில் சுற்றுப்பயணத்திற்கு ரூ.451 வசூலிக்கப்படும் என்று அறிவிக்கப்பட்டுள்ளது.
source https://tamil.indianexpress.com/tamilnadu/chennai-ecr-toll-gate-charge-hike-from-april-1st-2023-624716/
வியாழன், 30 மார்ச், 2023
ுடும்ப மகிழ்ச்சிக்கு பெரிதும் காரணம்? பணமா? மனமா? மக்கள் மேடை - ஸஹர் நேர சிறப்பு நிகழ்ச்சி பாகம் - 7
TNTJ-வின் மக்கள் மேடை - ஸஹர் நேர சிறப்பு நிகழ்ச்சி பாகம் - 7
விவாத தலைப்பு:
குடும்ப மகிழ்ச்சிக்கு பெரிதும் காரணம்? பணமா? மனமா?
சென்னை மண்டலம் - 25.03.2023
அகிலத்திற்கு ஓர் அருட்கொடை அண்ணல் நபி (ஸல்) ஷம்சுல்லுஹா ரஹ்மானி 28 3 2023 ரமலான் தொடர் - 6
அகிலத்திற்கு ஓர் அருட்கொடை அண்ணல் நபி (ஸல்)
ரமலான் தொடர் - 6
உரை: ஷம்சுல்லுஹா ரஹ்மானி
மேலாண்மைக்குழு தலைவர்,TNTJ
மாநிலத் தலைமையகம் - 28.03.2023
மத்திய அரசைக் கண்டித்து மம்தா பானர்ஜி 2வது நாளாக தர்ணா போராட்டம்..!
30 03 2023
மேற்கு வங்கத்தின் முக்கிய திட்டங்களுக்கு நிதி ஒதுக்கீடு செய்யாததை கண்டித்து அம்மாநில முதலமைச்சர் மம்தா பானர்ஜி மத்திய அரசை எதிராக 2வது நாளாக தர்ணா போராட்டத்தில் ஈடுபட்டு வருகிறார்.
மேற்கு வங்க முதல் அமைச்சரும் திரிணாமுல் காங்கிரஸ் தலைவருமான மம்தா பானர்ஜி மத்திய அரசுக்கு எதிராக நேற்று தர்ணா போராட்டத்தை துவங்கினார். மொத்தம் 2 நாட்கள் இந்த தர்ணா போராட்டம் நடைபெறும் என திரிணாமுல் காங்கிரஸ் கட்சி தெரிவித்தது.
மேற்கு வங்க மாநிலத்தின் மீது மத்திய அரசு பாரபட்சமாக நடந்து கொள்வதாகவும் உடனடியாக மாநில அரசுக்கு தர வேண்டிய நிதியை தர வேண்டும் எனவும் மம்தா பானர்ஜி இந்த தர்ணா போராட்டத்தை அறிவித்தார்.மேற்கு வங்க தலைநகரான கொல்கத்தாவில் இந்த தர்ணா போராட்டம் நடைபெற்று வருகிறது.
இதனையும் படியுங்கள்: மே 10-ம் தேதி கர்நாடக சட்டமன்றத் தேர்தல்: 13-ந் தேதி வாக்கு எண்ணிக்கை!
தேசிய ஊரக வேலைவாய்ப்பு திட்டம், சாலை மற்றும் வீட்டுவசதித்துறை போன்ற துறைகளுக்கு மத்திய அரசு நிதி வழங்கவில்லை என்று குற்றஞ்சாட்டி மம்தா பானர்ஜி இந்த தர்ணா போராட்டத்தை அறிவித்துள்ளார்.
தர்ணா போராட்டத்தின் இரண்டாவது நாளான இன்றும் தொடர் தர்ணா போராட்டத்தில் ஈடுபட்டு வருகிறார். இன்றைய போராட்டத்தில் மம்தா பானர்ஜி வங்காள மொழிப் பாடலை பாடி தர்ணா போராட்டத்தில் ஈடுபட்டார். ஒரு மாநில முதலமைச்சரே தர்ணா போராட்டத்தில் ஈடுபட்டு வருவதால் மேற்கு வங்க மாநில அரசியலில் பெரும் பரபரப்பு ஏற்பட்டுள்ளது.
source https://news7tamil.live/mamata-banerjees-dharna-protest-for-the-2nd-day-condemning-the-central-government.html
அரிய வகை மருந்துகள் இறக்குமதிக்கு சுங்கவரி ரத்து- மத்திய அரசு அறிவிப்பு
30 3 2023
அரியவகை நோய் சிகிச்சைக்காக தனிப்பட்ட முறையில், இறக்குமதி செய்யப்படும் மருந்துகளுக்கு சுங்க சுங்க வரியிலிருந்து முழு விலக்கு அளிக்கப்பட்டுள்ளதாக மத்திய அரசு அறிவித்துள்ளது.
அரிய வகை நோய்களுக்கான தேசிய கொள்கை 2021-இல் வரையறுக்கப்பட்டுள்ள, அனைத்து அரிய வகை நோய்களின் சிகிச்சைக்காக, தனிநபர் பயன்பாட்டிற்கு இறக்குமதி செய்யப்படும் எல்லா விதமான மருந்துகள் மற்றும் சிறப்பு மருத்துவ தேவைகளுக்கான உணவுகளுக்கு அடிப்படை சுங்க வரியிலிருந்து மத்திய அரசு முழு விலக்கு அளித்துள்ளது. இது தொடர்பான அறிவிப்பு அரசிதழில் வெளியிடப்பட்டுள்ளது.
இந்த சலுகையைப் பெறுவதற்கு சம்பந்தப்பட்ட மாவட்டத்தின் மருத்துவ அதிகாரி அல்லது மத்திய, மாநில சுகாதார சேவை இயக்குநரிடமிருந்து சான்றிதழ் ஒன்றை பொருட்களை இறக்குமதி செய்யும் நபர் சமர்ப்பிக்க வேண்டும். பொதுவாக, மருந்துகளுக்கு 10% சுங்க வரியும், உயிர்காக்கும் மருந்துகள் மற்றும் தடுப்பூசிகளின் ஒரு சில பிரிவுகளுக்கு சலுகையாக 5% அல்லது வரி விலக்கும் அளிக்கப்படும்.
முதுகெலும்பு தசை செயலிழப்பு சிகிச்சைக்கான சிறப்பு மருந்துகளுக்கு ஏற்கனவே விலக்கு அளிக்கப்பட்டுள்ள நிலையில், அரிய வகை நோய்களுக்கான சிகிச்சையில் பயன்படுத்தப்படும் மருந்துகளுக்கும் சுங்க வரி விலக்கு அளிக்க வேண்டும் என்று பல தரப்புகளில் இருந்தும் அரசுக்கு கோரிக்கைகள் வந்துள்ளன. இதுபோன்ற நோய்களுக்கான சிகிச்சையில் பயன்படுத்தப்படும் மருந்துகள் மற்றும் சிறப்பு உணவுகளின் விலை அதிகம் என்பதால் அவற்றை இறக்குமதி செய்ய வேண்டியுள்ளது. 10 கிலோ எடையுள்ள குழந்தைக்கு இது போன்ற அரிய வகை நோய்களுக்கு சிகிச்சை அளிப்பதற்கு வருடந்தோறும் ரூ. 10 லட்சம் முதல் ரூ. 1 கோடி வரை தேவைப்படும்.
தற்போது அறிவிக்கப்பட்டுள்ள வரி விலக்கால் கணிசமான தொகை சேமிக்கப்படுவதோடு, நோயாளிகளுக்கு பெரும் நிவாரணமும் கிடைக்கும் மத்திய அரசு தெரிவித்துள்ளது .
- பி.ஜேம்ஸ் லிசா
source https://news7tamil.live/abolition-of-customs-duty-on-import-of-rare-drugs-central-government-notification.html
ஆதார் அட்டை பயன்படுத்தி நேரில் வராமலே ஓட்டுநர் உரிமம்… இணையதளம் மூலம் 24 சேவைகள் – அமைச்சர் சிவசங்கர்
29 3 2023
தமிழ்நாடு சட்டப்பேரவையில் அமைச்சர் எஸ்.எஸ். சிவசங்கர் போக்குவரத்துத் துறை கொள்கை விளக்க குறிப்பில், ஆதார் அட்டையை பயன்படுத்தி ஆர்.டி.ஓ அலுவலகத்திற்கு வராமலேயே ஓட்டுநர் உரிமம் மற்றும் வாகனப்பதிவு தொடர்பான 42 சேவைகளை இணையதளம் மூலம் பெற்றுக்கொள்ள நடவடிக்கை எடுக்கப்படும் என்று அறிவித்துள்ளார்.
தமிழ்நாடு சட்டப்பேரவையில் 2023-24-ம் நிதியாண்டுக்கான பட்ஜெட் மீதான விவாதம் நடைபெற்று வருகிறது. போக்குவரத்து துறை அமைச்சர் எஸ்.எஸ். சிவசங்கர் இன்று (மார்ச் 29) தமிழ்நாடு போக்குவரத்துத் துறையில் புதிய அறிவிப்புகளை வெளியிட்டார்.
போக்குவரத்துத் துறையின் கொள்கை விளக்கக் குறிப்பில், மக்கள் தங்கள் ஆதார் அட்டையை பயன்படுத்தி ஆர்.டி.ஓ அலுவலகத்திற்கு வராமலேயே ஓட்டுநர் உரிமம் மற்றும் வாகனப்பதிவு தொடர்பான 42 சேவைகளை இணையதளம் மூலம் பெற்றுக்கொள்ள நடவடிக்கை எடுக்கப்படும் என்று அறிவித்துள்ளார்.
இதையடுத்து, மகளிர் கட்டணமில்லா பேருந்துகளில் முன் பக்கமும், பின் பக்கமும் மட்டும் பிங்க் நிறம் வணம் பூசப்பட்டதற்கான காரணத்தைக் கூறி விளக்கமளித்துள்ளார். அப்போது, இந்த பேருந்து ஆண், பெண் இருவரும் பயணிக்கும் பேருந்து எனவும் பேருந்து முழுவதும் பிங்க் நிறம் அடித்தால் அது பெண்கள் மட்டும் பயணிக்கும் பேருந்தாகிவிடும் என்று கூறினார்.
மேலும், அ.தி.மு.க சட்டமன்ற உறுப்பினர் அருண்குமார் போக்குவரத்துத் துறை தனியார் மயமாக்கப்படுமா என்பது குறித்து எழுப்பிய கேள்விக்கு போக்குவரத்து அமைச்சர் சட்டப்பேரவையில் பதில் அளித்தார்
“போக்குவரத்துத் துறையில் தனியார்மயம் கிடையாது. அரசின் வழித்தடத்தில் தனியார் பேருந்து இயக்கப்படுமே தவிர, தனியாருக்கு வழித்தடம் தரப்படவில்லை. உள்ளூர், நகர, கிராம பகுதிகளில் இயக்கப்படும் அரசுப் பேருந்துகளில் நாள் ஒன்றுக்கு 1.70 கோடி மக்கள் பயணம் செய்கிறார்கள்.
தமிழ்நாட்டின் பொதுப் போக்குவரத்தை நாட்டில் முதல் இடத்திற்கு கொண்டு வர முயற்சி நடைபெற்று வருகிறது. கட்டணமில்லா பேருந்து மூலம் பெண் பயணிகள் மாதம் ரூ.888 சேமித்துள்ளனர் என போக்குவரத்துத்துறை கொள்கை விளக்கக் குறிப்பு குறிப்பிட்டுள்ளது.
மாநிலம் முழுவதும் 7,164 சாதாரண நகர பேருந்துகள் இயக்கப்பட்டு வருகிறது. மாற்றுத் திறனாளிகளுக்கான புதிய தாழ்தள சிறப்பு பேருந்துகள் கொள்முதல் செய்ய நடவடிக்கை எடுக்கப்பட்டு வருகிறது.
மின்சார செலவை குறைக்கும் வகையில் போக்குவரத்து கழக வாகனங்களில் சூரிய மின்சக்தி தகடுகள் அமைக்க நடவடிக்கை எடுக்கப்பட்டுள்ளது.
கட்டணமில்லா பேருந்துகள் மூலம் பெண் பயணிகள் பயணம் மேற்கொள்வதன் எண்ணிக்கை 64.65%ஆக உயர்ந்துள்ளது. திருநங்கைகள் 14.66 லட்சம், மாற்றுத்திறனாளிகள் 1.93 கோடி, மாற்றுத்திறனாளிகளின் உதவியாளர்கள் 10.2 லட்சம் பேர் பயணம் மேற்கொண்டுள்ளனர்” என்று கூறினார்.
அரசு விரைவு போக்குவரத்துக் கழக பேருந்துகளில் வழக்கமாக பயணிக்கும் பயணிகளுக்கு சிறப்பு பயணச் சலுகை வழங்கப்படுகிறது. ஒரு காலண்டர் மாதத்தில் 5 முறைக்கு மேல் முன்பதிவு செய்து பயணம் செய்தால், அவர்கள் ஆறாவது பயணம் முதல் 50 சதவீத கட்டண சலுகை வழங்கப்படும். இந்த சலுகை அனைத்து அரசு விரைவு போக்குவரத்து கழக பேருந்துகளுக்கும் பொருந்தும்.
அரசு போக்குவரத்துக் கழக பணிமனைகளில் பணிபுரியும் தொழிலாளர்களின் குழந்தைகளில், 10-ம் வகுப்பு மற்றும் 12-ம் வகுப்பு பள்ளி இறுதி தேர்வில் முதல் மூன்று இடங்களை பிடிக்கும் மாணவ – மாணவிகளுக்கு பரிசுத்தொகை வழங்கப்படும்.
அரசுப் போக்குவரத்துக் கழக தொழிலாளர்களுக்கு மருத்துவ பரிசோதனை மேற்கொள்ளப்படும். பணிமனைகளில் உள்ள உணவகங்களை நடத்த மகளிர் சுய உதவி குழுக்கள் முன்வந்தால் முன்னுரிமை அடிப்படையில் அனுமதி வழங்கப்படும். அரசு விரைவு போக்குவரத்துக் கழக பேருந்துகளில் பெண்களுக்கென பிரத்யேகமாக இருக்கைகள் ஒதுக்கப்படும் என்று அறிவித்தார்
source https://tamil.indianexpress.com/tamilnadu/minister-ss-sivasankar-govt-transport-department-announcement-tn-assembly-623204/
