குரியன் ஜோசப் குழுவை முடக்கும் அரசு:

 source https://tamil.indianexpress.com/tamilnadu/tvk-govt-trying-to-stall-justice-kurian-joseph-committee-alleges-opposition-leader-udhayanidhi-stalin-12537058

 குரியன் ஜோசப் குழு தொடர்ந்து செயல்பட முடியாத சூழலை த.வெ.க அரசு உருவாக்கியுள்ளது என எதிர்க்கட்சி தலைவர் உதயநிதி ஸ்டாலின் விமர்சித்து எக்ஸ் பக்கத்தில் பதிவித்துள்ளார். அந்த பதிவில் அவர் தெரிவித்திருப்பதாவது, " ஓய்வுபெற்ற நீதியரசர் குரியன் ஜோசப் தலைமையில் மத்திய, மாநில அரசுகளுக்கு இடையேயான உறவுகள் குறித்து ஆராய்வதற்காக திமுக தலைவர் ஸ்டாலின் தலைமையிலான அரசால் அமைக்கப்பட்ட உயர்நிலைக்குழுவை முடக்கும் வேலைகளில் ஆளுங்கட்சி இறங்கி இருப்பது கண்டிக்கத்தக்கது.

பணியாளர்கள் பற்றாக்குறையால் இந்தக்குழு தொடர்ந்து செயல்படுவதில் சிக்கல் ஏற்பட்டுள்ளதாக செய்திகள் வெளியாகியுள்ளன. இதனால், மாநில சுயாட்சி குறித்த குழுவின் 2வது ஆய்வு அறிக்கையை தயார் செய்து வந்த ஆய்வாளர்களும், ஆராய்ச்சி மாணவர்களும் தொடர்ந்து செயல்பட முடியாத சூழலை இந்த டம்மி அரசு உருவாக்கி இருக்கிறது.

மாநில உரிமைகள் குறித்து பேசுவதற்கும், போராடுவதற்கும் பயப்படும் தவெக அரசு, அது குறித்து ஆய்வு செய்யவே பயந்து நடுங்கி ஆணையத்தை முடக்குவது வெட்கக்கேடானது. ரீல்ஸ் போட்டால் மட்டும் மாநில சுயாட்சியை நிலைநாட்ட முடியாது என்பதை உணர்ந்து, மத்திய, மாநில அரசுகளின் உறவு பற்றி ஆய்வு செய்யும் உயர்நிலைக்குழு, தொய்வின்றி செயல்படுவதை இந்த அரசு உறுதி செய்ய வேண்டும்." என்று தெரிவித்துள்ளார்.