புயல் கரையை கடக்கும் நேரம் எது? மாமல்லபுரம் பகுதியில் மின்சாரம் நிறுத்தம்

 

Cyclone Fengal: புயல் கரையை கடக்கும் நேரம் எது? மாமல்லபுரம் பகுதியில் மின்சாரம் நிறுத்தம்

நேற்று இரவில் இருந்த வேகத்தை விட காலையில் புயலின் வேகம் குறைந்து இருக்கிறது எனவும் எனவே புயல் கரையை கடக்க தாமதமாகும் என வானிலை ஆர்வலர்கள் கருத்து தெரிவித்து வருகின்றனர்.

தென்மேற்கு வங்க கடலில் உருவாகி உள்ள "ஃபீஞ்சல்"  புயல் இன்று (நவ.30) காரைக்கால் - மாமல்லபுரம் இடையே புதுவை அருகே கரையை கடக்கும் என இந்திய வானிலை மையம் தெரிவித்துள்ளது. 

நேற்றையை விட இன்று மணிக்கு 7 கி.மீ வேகத்தில் மெதுவாக புயல் நகர்ந்து வருவதால் பிற்பகலில் அல்லாமல் இரவு 7 மணி அளவில் புயல் கரையை கடக்கும் என கூறப்பட்டுள்ளது. 

மாமல்லபுரம் இடையே புயல் கரையை கடப்பதால் முன்னெச்சரிக்கை நடவடிக்கையாக 
மாமல்லபுரம் மற்றும் சுற்றுவட்டாரப் பகுதிகளில் மின் விநியோகம் நிறுத்தம் செய்யப்பட்டுள்ளது. அங்கு பலத்த காற்று வீசி வருகிறது. இ.சி.ஆர், ஓ.எம்.ஆர் சாலைகளில் பொது மக்கள் பாதுகாப்பு கருதி பொதுபோக்குவரத்து நிறுத்தம் செய்யப்பட்டுள்ளது. 

30 11 24 

source https://tamil.indianexpress.com/tamilnadu/cyclone-fengal-heavy-rain-wind-power-shudown-in-mamallapuram-area-7659927

Read More

நெருங்கிய ஃபீஞ்சல் புயல்: சென்னை மக்கள் அறிய வேண்டிய 5 முக்கிய அம்சங்கள்

 

வங்க கடலில் உருவாகி உள்ள ஃபீஞ்சல் புயல் இன்று (நவ.30) காரைக்கால் - மாமல்லபுரம் இடையே கரையை கடக்க உள்ளது. கரையை கடக்கும்போது சூறைக்காற்று மணிக்கு 80-90  கி.மீ வரை வீசக்கூடும் என வானிலை மையம் தெரிவித்துள்ளது. 

புயல் காரணமாக சென்னை, செங்கல்பட்டு, காஞ்சிபுரம், திருவள்ளூர், விழுப்புரம், கடலூர், புதுச்சேரி உள்ளிட்ட மாவட்டங்களுக்கு அதிகனமழைக்கான ரெட் அலர்ட் எச்சரிக்கை விடுக்கப்பட்டுள்ளது. புயல்  முன்னெச்சரிக்கை நடவடிக்கையாக இந்த மாவட்டக்ஙளில் பள்ளி, கல்லூரிகளுக்கு விடுமுறை விடுக்கப்பட்டுள்ளது. 

ஐ.டி உள்ளிட்ட பணியாளர்கள் வீட்டில் இருந்து வேலை பார்க்க அரசு அறிவுறுத்தி உள்ளது. 
மக்கள் தேவையின்றி வெளியே செல்வதை தவிக்க வேண்டும் எனவும் கடற்கரை, பொழுதுபோக்கு பூங்காக்கள், கேளிக்கை நிகழ்ச்சிகளுக்கு செல்வததை தவிர்க்குமாறு கூறியுள்ளது.

ஃபீஞ்சல் புயல் முன்னெச்சரிக்கை நடவடிக்கையாக தமிழ்நாடு மற்றும் புதுச்சேரியில் தேசிய பேரிடர் மீட்பு படையின் 11 குழுக்கள் தயார் நிலையில் வைக்கப்பட்டுள்ளன. அதிநவீன மீட்பு உபகரணங்களுடன் ஒவ்வொரு குழுவிலும் 30 வீரர்கள் தயார் நிலையில் உள்ளனர். 

சென்னை மெரினா கடற்கரை சாலை தற்காலிகமாக தடுப்புகள் அமைத்து மூடப்பட்டுள்ளது. அதே நேரம் இ.சி.ஆர், ஓ.எம்.ஆர் சாலைகளில் பொதுமக்கள் நலன்  கருதி பொது போக்குவரத்து தற்காலிகமாக நிறுத்தம் செய்யப்பட்டுள்ளது. 

செம்பரம்பாக்கம் ஏரியின் நீர்ப்பிடிப்பு பகுதியில் கன மழைகாரணமாக ஏரிக்கு நீர்வரத்து அதிகரித்துள்ளது. ஏரிக்கு வினாடிக்கு 449 கன அடி நீர்வரத்து உள்ளது. 

30/11/24

source https://tamil.indianexpress.com/tamilnadu/cyclone-fengal-marina-chembarambakkam-lake-omr-ecr-rain-updates-7659980

Read More

சாதி, குலத்தொழில் முறையை மீண்டும் கொண்டுவரும் விஸ்வகர்மா திட்டத்தை ஏற்க முடியாது” – கனிமொழி எம்பி!

 சாதி அமைப்பையும், குலத்தொழில் முறையையும் மீண்டும் கொண்டுவரும் விஸ்வகர்மா திட்டத்தை ஏற்க முடியாது என கனிமொழி எம்பி தெரிவித்துள்ளார்.

பிரதமரின் விஸ்வகர்மா திட்டம், சாதி அடிப்படையிலான தொழில் முறையை வலுப்படுத்துவதாகவும், தற்போதைய வடிவில் அதனை செயல்படுத்திட இயலாது என்றும், சமூக நீதி அடிப்படையில் தமிழ்நாட்டிலுள்ள கைவினை கலைஞர்களுக்கு அதிகாரம் அளிக்கும் வகையில் விரிவான திட்டம் ஒன்றினை உருவாக்கிட தமிழ்நாடு அரசு முடிவு செய்திருப்பதாகவும் முதலமைச்சர் மு.க.ஸ்டாலின் மத்திய அரசிடம் தெரிவித்தார். இதற்கு தமிழ்நாடு அரசு வேண்டுமென்றே காழ்ப்புணர்ச்சியில் மத்திய அரசின் திட்டத்தை எதிர்ப்பதாக பலரும் குற்றம் சாட்டினர்.

இதனையடுத்து விஸ்வகர்மா திட்டத்தை அதன் வடிவிலேயே தமிழ்நாடு அரசு செயல்படுத்தாதது ஏன் என கனிமொழி என்.வி.என்.சோமு எம்பி விளக்கம் அளித்தார். இந்நிலையில் சாதி அமைப்பையும், குலத்தொழில் முறையையும் மீண்டும் கொண்டுவரும் விஸ்வகர்மா திட்டத்தை ஏற்க முடியாது என கனிமொழி எம்பி தெரிவித்துள்ளார்.

டெல்லியில் இன்று பத்திரிக்கையாளர் சந்திப்பில் பிரதமரின் விஸ்வகர்மா திட்டம் குறித்து, கனிமொழி எம்பி கூறியதாவது;

திமுக விஸ்வகர்மா திட்டத்தை முழுமையாக நிராகரித்துவிட்டது. தமிழ்நாட்டின் முதலமைச்சர், திமுகவின் தலைவர் முக. ஸ்டாலின் விஸ்வகர்மா திட்டத்தை தீவிரமாக எதிர்ப்பதன் காரணத்தை ஏற்கனவே மிகத் தெளிவாக கூறியுள்ளார். எனது நிலைப்பாடும் அதுதான். சாதி அமைப்பையும், பெற்றோர்களின் தொழிலையே குழந்தைகள் ஏற்க வேண்டும் எனும் குலத்தொழில் முறையையும் அத்திட்டம் இங்கு மீண்டும் கொண்டு வருகிறது. அதை நாங்கள் ஏற்கமுடியாது” என தெரிவித்தார்.

source https://news7tamil.live/the-chief-ministers-position-is-my-position-too-vishwakarma-project-cannot-be-accepted-kanimozhi-mp.html

Read More

குளிர்கால கூட்டத்தொடரில் #DMK எம்.பி-க்கள் முன்வைத்த கேள்விகள் மற்றும் கோரிக்கைகள் என்னென்ன?

 

குளிர்கால கூட்டத்தொடரில் திமுக எம்பிக்கள் முன்வைத்த கேள்விகள் மற்றும் கோரிக்கைகள் குறித்து பார்க்கலாம்.

நாடாளுமன்ற குளிர்கால கூட்டத்தொடர் கடந்த 25ம் தேதி தொடங்கியது. இந்தக் கூட்டத்தொடர் டிசம்பர் 20ம் தேதி வரை நடைபெற உள்ளது. நாடாளுமன்றத்தில் நேற்று (நவ.28) நடந்த குளிர்கால கூட்டத்தொடரில், திமுக எம்.பி-க்கள் சில கேள்விகள் மற்றும் கோரிக்கைகளை முன் வைத்தனர். இந்த சூழலில், குளிர்கால கூட்டத்தொடரில் திமுக எம்பிக்கள் முன்வைத்த கேள்விகள் மற்றும் கோரிக்கைகள் குறித்து பார்க்கலாம்.

கிளாம்பாக்கத்திற்கு மெட்ரோ ரயில் எப்போது வரும்? என்பது குறித்து திமுக எம்.பி. P. வில்சன் கேள்வி

மெட்ரோ ரயில் திட்டங்கள் தொடர்பாக மாநிலங்களவையில் திமுக எம்.பி. பி. வில்சன் கீழ்காணும் கேள்விகளை எழுப்பியுள்ளார். சென்னை விமான நிலையம் மற்றும் கிளாம்பாக்கத்தை இணைக்கும் மெட்ரோ வழித்தடத்தின் தற்போதைய நிலை மற்றும் அவ்வழித்தடம் பயன்பாட்டுக்கு வரும் காலம் ஆகிய விவரங்களை தெரிவிக்க வேண்டும்.

அதேபோல் கோயம்புத்தூர் மற்றும் மதுரை மெட்ரோ ரயில் திட்டங்களின் தற்போதைய நிலை என்ன என்பதை தெரியப்படுத்த வேண்டும். தொடர்ந்து தமிழ்நாடு மெட்ரோ ரயில் திட்டங்களுக்கு மட்டும் மிகக் குறைந்த நிதி ஒதுக்கீடு செய்யப்பட்டதற்கான காரணங்கள் மற்றும் கடந்த 5 ஆண்டுகளில் நாட்டில் மெட்ரோ ரயில் திட்டங்களுக்கு ஒதுக்கப்பட்ட மொத்த பட்ஜெட்டின் விவரங்களை மத்திய அரசு வெளியிட வேண்டும்.

பிரதான் மந்திரி ஆவாஸ் யோஜனா (நகர்ப்புற மற்றும் கிராமப்புற) திட்டங்களுக்கு பிரதமரின் பெயரிடப்பட்டுள்ளது. இத்திட்டத்தில் நகர்ப்புறங்களில் மத்திய அரசு ஒரு வீட்டுமனைக்கு ரூ. 1,50,000 மற்றும் கிராமப்புறங்களில் ரூ. 72,000 மட்டுமே வழங்குகிறது. ஆனால் மாநில அரசு நகர்ப்புறங்களில் ரூ.12,14,000 மற்றும் கிராமப்புறங்களில் ரூ.1,68,000 வழங்குகிறது. ஆகவே மத்திய அரசு தனது பங்கை அதிகரிக்க வேண்டும் என்ற மாநிலங்களின் கோரிக்கையின் மீது மத்திய அரசு எடுத்துள்ள முடிவின் விவரங்களை தெரியப்படுத்த வேண்டும்.

விமானக் கட்டணம் தொடர்ந்து அதிகரிப்பது குறித்து திமுக எம்.பி. தயாநிதி மாறன் குற்றச்சாட்டு

கடந்த ஆண்டில் விமானப் பயணச்சீட்டு விலை 40 சதவீதம் அதிகரித்து இருப்பது குறித்து மத்திய அரசிடம் திமுக எம்.பி. தயாநிதி மாறன் மக்களவையில் கேள்வி எழுப்பியுள்ளார். குறிப்பாக அதிக தேவை உள்ள காலங்களில், விமான கட்டணத்திற்கு மத்திய அரசு உச்சவரம்பு நிர்ணயிக்க வேண்டும் என்றும் கூறியுள்ளார்.

இது தொடர்பாக விமான போக்குவரத்து நிறுவனங்களுடன் ஆலோசனைகள் நடத்தவேண்டும் என்றும் தன்னிச்சையாக விலை நிர்ணயம் செய்வதை தடுக்க வெளிப்படைத்தன்மைமுறை அவசியம் என்றும் குறிப்பிட்டுள்ளார். அதேபோல் நியாயமான போட்டியை ஊக்குவிப்பதற்காகவும், விலையை குறைப்பதற்காகவும் பொதுத்துறை நிறுவனங்களை மீண்டும் அறிமுகப்படுத்துவது அவசியம் என்றும் வலியுறுத்தியுள்ளார்.

நிலத்தடி நீர் மாசுக்கான தீர்வு என்ன? என்பது குறித்து திமுக எம்.பி. கனிமொழி கேள்வி

நாடு முழுவதும் நிலத்தடி நீரில் காணப்படும் ஆர்சனிக் மற்றும் ஃப்ளூரைடு மாசுபாட்டை தீவிர பிரச்னையாக எடுத்துக்கொண்டு மத்திய அரசு தீர்வுகாண நடவடிக்கைகள் எடுக்க வேண்டும் என்று மக்களவையில் திமுக நாடளுமன்ற உறுப்பினர் கனிமொழி வலியுறுத்தியுள்ளார். நிலத்தடி நீர் மாசுப்பாட்டினால் பாதிக்கப்பட்ட பகுதி மக்களுக்கு நிரந்தர தீர்வு காணும்வரை உடனடியாக மத்திய அரசு தூய்மையான குடிநீர் வழங்க ஏற்பாடு செய்யவேண்டும் எனவும் குறிப்பிட்டுள்ளார்.

தமிழ்நாட்டில் தேசிய நெடுஞ்சாலை திட்டங்களின் நிலை என்ன? என்பது குறித்து திமுக எம்.பி. அ. மணி கேள்வி

தமிழ்நாட்டில் தற்போது செயல்படுத்தப்பட்டு வரும் தேசிய நெடுஞ்சாலைத் திட்டங்களின் நிலை, அவை முடிவடைய எதிர்பார்க்கப்படும் காலக்கெடு, தமிழ்நாட்டில் தேசிய நெடுஞ்சாலைத் திட்டங்களுக்கு ஒதுக்கப்பட்ட மொத்த நிதி மற்றும் நடப்பு நிதியாண்டில் இதுவரை செலவிடப்பட்ட தொகை மற்றும் தமிழ்நாட்டின் சாலைப் போக்குவரத்து உள்கட்டமைப்பை மேம்படுத்த மத்திய அரசு மேற்கொள்ளவிருக்கும் புதிய திட்டங்கள் குறித்த விவரஙக்ளை வெளியிடுமாறு மத்திய சாலை போக்குவரத்து மற்றும் நெடுஞ்சாலைகள் துறை அமைச்சர் நிதின் கட்கரியிடம் மக்களவையில் திமுக எம்.பி. அ. மணி கேள்வி எழுப்பினார்.

கிராமப்புற வேலைவாய்ப்பை அதிகரிக்க செய்யுமாறு திமுக எம்.பி. கே.ஆர்.என். ராஜேஷ்குமார் வலியுறுத்தல்

நாட்டில் பெண்கள் மற்றும் கிராமப்புற தொழிலாளர்களுக்கு வேலை வாய்ப்புகளை அதிகரிக்க மத்திய அரசு தீவிர நடவடிக்கைகள் எடுக்க வேண்டும் என்று திமுக எம்.பி. ராஜேஷ்குமார் மாநிலங்களவையில் வலியுறுத்தி கேள்வி எழுப்பி உள்ளார். தற்காலிக பணியாளர்கள், தினசரி ஊதியம் பெறுவோர் உட்பட முறைசாரா துறை தொழிலாளர்களின் சமூக பாதுக்காப்பு திட்டங்களை உருவாக்கி அவற்றை சீரிய முறையில் நடைமுறைபடுத்த வேண்டும் என குறிப்பிட்டுள்ளார். மேலும் கிராமப்புறங்களில் போதியளவு உள்ளூர் வேலைவாய்ப்புகளை உருவாக்குவதன் மூலம் கிராமப்புறங்களிலிருந்து நகர்ப்புறங்களுக்கு மக்கள் வேலை நிமித்தமாக இடம்பெயர்வதை குறைக்கமுடியும் என சுட்டிக்காட்டியுள்ளார்.

செயல்பாட்டில் உள்ள அணுமின் திட்டங்கள் குறித்து திமுக எம்.பி, கனிமொழி என்.வி.என். சோமு கேள்வி

தற்போது நாட்டில் செயல்பாட்டில் உள்ள அணு மின் திட்டங்களின் எண்ணிக்கை தொடர்பான புள்ளி விவரங்களை மத்திய அரசு வெளியிடவேண்டும் என்று அத்துறையில் அமைச்சரான பிரதமர் நரேந்திர மோடியிடம் திமுக எம்.பி. கனிமொழி என்.வி.என் சோமு கேள்வி எழுப்பினார். செயல்படும் திட்டங்களில் இருந்து செய்யப்படும் மின் உற்பத்தியின் அளவு அதற்கான செலவு மற்றும் கடந்த ஐந்தாண்டுகளில் அவை ஈட்டிய வருமானம் ஆகியவற்றை வெளியிடுமாறும் தனது அறிக்கையில் கோரியுள்ளார்.

source https://news7tamil.live/what-were-the-questions-and-demands-raised-by-dmk-mps-in-the-winter-session.html

Read More

காசா மீது இஸ்ரேல் நடத்திய தாக்குதலில் 42 பேர் பலி… லெபனானுடனான போர் நிறுத்த ஒப்பந்தமும் மீறல்!

 

லெபனானுடனான போர் ஒப்பந்தத்திற்கு இடையே, காசா மீது இஸ்ரேல் நடத்திய தாக்குதலில் 42 பேர் கொல்லப்பட்டதாக காசா மருத்துவ வட்டாரங்கள் தெரிவித்துள்ளன.

ஏறக்குறைய 14 மாதங்களுக்கு பிறகு ஹிஸ்புல்லா அமைப்பும், இஸ்ரேலும் போர் நிறுத்தத்திற்கு ஒப்புக்கொண்டது லெபனானுக்கு நிம்மதியை அளித்தது. இதனிடையே போர் நிறுத்த ஒப்பந்தத்தை மீறியதாக பரஸ்பரம் இரு நாடுகளும் குற்றம் சாட்டி வருகின்றன. அமெரிக்கா மற்றும் பிரான்ஸ் நாடுகள் மேற்கொண்ட நடவடிக்கை காரணமாக போர் நிறுத்த உடன்படிக்கை மேற்கொள்ளப்பட்டது.

காசா போருக்கு இணையாக நடைபெற்று வரும் இப்போரை முடிவுக்கு கொண்டுவர இந்த ஒப்பந்தம் மேற்கொள்ளப்பட்டது. அதன்படி இரண்டு மாத போர்நிறுத்த காலத்தில், ஹிஸ்புல்லா ஆயுதமேந்திய தனது போராளிகளை தெற்கு லெபனானில் இருந்து திரும்பப் பெற வேண்டும். அதே நேரத்தில் இஸ்ரேலிய படைகள் தங்கள் பக்கம் திரும்ப வேண்டும். எல்லையில் சர்ச்சைக்குரிய பகுதியில், லெபனான் துருப்புக்கள் மற்றும் ஐ.நா. அமைதி காக்கும் படையினர் ரோந்து செல்வர்.

இதனிடையே புதன்கிழமை மேற்கொள்ளப்பட்ட போர் ஒப்பந்தத்திற்கு பிறகு வியாழன்று, தெற்கு லெபனானில் இஸ்ரேல் துப்பாக்கிச்சூடு நடத்தியுள்ளது. இதில் இருவர் காயமடைந்ததாக லெபனான் அரசு ஊடகம் செய்தி வெளியிட்டுள்ளது. இதற்கு, தெற்கு மண்டலத்தில் வாகனங்களில் வந்த “சந்தேக நபர்கள்” மீது துப்பாக்கிச் சூடு நடத்தியதாக இஸ்ரேல் விளக்கம் அளித்தது. தொடர்ந்து வான்வழித் தாக்குதலையும் லெபனான் மீது இஸ்ரேல் நடத்தியது.

ராக்கெட் சேமிப்பு கிடங்கு ஒன்றில் ஹிஸ்புல்லா நடவடிக்கைகளை உறுதிப்படுத்தியதால் தெற்கு லெபனான் மீது தாக்குதல் நடத்தியதாக இஸ்ரேல் ராணுவம் தெரிவித்தது. இரண்டே நாட்களில் பலமுறை போர் நிறுத்த ஒப்பந்தத்தை இஸ்ரேல் மீறியதாக லெபனான் ராணுவம் குற்றம் சாட்டியது. இந்நிலையில் வியாழன் அன்று காசா பகுதி முழுவதும் இஸ்ரேல் நடத்திய தாக்குதலில் குறைந்தது 42 பேர் கொல்லப்பட்டுள்ளனர்.

ஐக்கிய நாடுகளின் பாலஸ்தீனிய அகதிகள் அமைப்பின் (UNRWA) தலைவர் Philippe Lazzarini வியாழனன்று காசாவில் கொல்லப்பட்டவர்களில் குறைந்தது 70 சதவீதம் பேர் பெண்கள் மற்றும் குழந்தைகள் என்று கூறினார். கடந்த ஏழு வாரங்களாக காசாவின் வடக்கு விளிம்பில், இஸ்ரேல் நடத்திய தாக்குதல்களால் 130,000 பேர் இடம்பெயர்ந்துள்ளதாகவும் அவர் கூறினார்.

அக்டோபர் 7, 2023 முதல் இஸ்ரேலிய தாக்குதல்களில் 44,330 பாலஸ்தீனியர்கள் கொல்லப்பட்டனர் மற்றும் 104,933 பேர் காயமடைந்துள்ளனர். இஸ்ரேலில் ஹமாஸ் தலைமையிலான தாக்குதல்களில் 1,139 பேர் கொல்லப்பட்டனர்.

source https://news7tamil.live/42-killed-in-israeli-attack-on-gaza-also-a-violation-of-ceasefire-agreement-with-lebanon.html

29/11/24

Read More

அரிட்டாப்பட்டியில் டங்ஸ்டன் சுரங்கம் அமைக்க எதிர்ப்பு; மேலூரில் இன்று கடையடைப்பு – ஆர்ப்பாட்டம்

 29/11/24

மேலூரில் கடையடைப்பு

அரிட்டாப்பட்டியில் டங்ஸ்டன் சுரங்க திட்டத்திற்கு எதிர்ப்பு தெரிவித்து சட்டசபையில் தீர்மானம் நிறைவேற்ற வேண்டும் என முதலமைச்சருக்கு 50 கிராம மக்கள் வலியுறுத்தியுள்ளனர். இதுதொடர்பாக மேலூரில் இன்று (நவம்பர் 29) கடையடைப்பு மற்றும் ஆர்ப்பாட்டம் நடைபெற உள்ளது.

மதுரை மாவட்டம் மேலூர் அருகே அரிட்டாபட்டி பாதுகாக்கப்பட்ட பல்லுயிர்தளமாக அறிவிக்கப்பட்டுள்ளது. பல்வேறு பெருமைகளையும், வரலாற்று சிறப்புகளையும் தன்னகத்தே கொண்டுள்ள அரிட்டாபட்டி மற்றும் சுற்றுவட்டார கிராமங்களை உள்ளடக்கிய 5 ஆயிரம் ஏக்கரில் டங்ஸ்டன் கனிம சுரங்கம் அமைக்க வேதாந்தா குழுமம் சார்பில் ஏலம் எடுத்திருப்பதாக கூறப்படுகிறது

இதற்கு அந்த பகுதி மக்கள் கடும் எதிர்ப்பு தெரிவித்து வருகிறார்கள். இதற்கு எதிராக மாவட்ட ஆட்சியரிடம் மனு அளிக்கப்பட்டது. இந்த பகுதியில் டங்ஸ்டன் சுரங்கம் அமைக்கப்பட்டால் இயற்கை சூழல், மக்களின் வாழ்வாதாரம் பாதிக்கப்படும். எனவே மாநில அரசு இதற்கு எக்காரணம் கொண்டு அனுமதி வழங்க கூடாது என கிராம மக்கள் வலியுறுத்தி வருகிறார்கள்.

இதற்கிடையே கடந்த 23 ஆம் தேதி அரிட்டாபட்டியில் நடந்த கிராமசபை கூட்டத்தில் அமைச்சர் மூர்த்தி கலந்து கொண்டு டங்ஸ்டன் திட்டத்திற்கு மாநில அரசு அனுமதி வழங்காது என உறுதியுடன் கூறினார்.

இந்த விவகாரம் தொடர்பாக அரிட்டாபட்டி மற்றும் சுற்றுவட்டார கிராம மக்கள் கடந்த ஒரு வாரமாக பல்வேறு கட்ட போராட்டங்களை நடத்தி வருகின்றனர். மேலும் கண்டன கூட்டங்கள் நடத்தி தீர்மானங்களும் நிறைவேற்றி வருகிறார்கள்.

இந்த நிலையில் நேற்று மேலூர் அருகே அ.வல்லாளப்பட்டியில் உள்ள கோவில் முன்பு அரிட்டாபட்டி, மாங்குளம், வல்லாளப்பட்டி, புலிப்பட்டி, நாயக்கர்பட்டி உள்ளிட்ட 50-க்கும் மேற்பட்ட கிராமங்களை சேர்ந்த பெண்கள் உள்பட 3 ஆயிரத்துக்கும் மேற்பட்டோர் திரண்டனர். கிராம அம்பலகாரர்கள் தலைமை தாங்கினர். மேலூர் தொகுதி எம்.எல்.ஏ. பெரிய புள்ளான் மற்றும் விவசாய சங்கத்தினர் டங்ஸ்டன் திட்டத்திற்கு எதிராக பேசினர். 

அப்போது மத்திய அரசு இந்த பகுதியில் டங்ஸ்டன் திட்டத்திற்கு அனுமதித்தால் சுற்றுச்சூழல், வாழ்வாதாரம் பாதிக்கப்படும். எனவே மத்திய அரசு இந்த திட்டத்தை கொண்டு வரக் கூடாது. மாநில அரசு இதனை அனுமதிக்கக் கூடாது என வலியுறுத்தப்பட்டது. 

கூட்டத்தில் நிறைவேற்றப்பட்ட முக்கிய தீர்மானங்கள் வருமாறு;

டங்ஸ்டன் திட்டத்தை செயல்படுத்த தமிழக அரசு அனுமதிக்காது 3 என முதலமைச்சர் உடனே உத்தரவு பிறப்பிக்க வேண்டும்.

தமிழக அரசு உடனடியாக அனைத்து கட்சி கூட்டத்தை கூட்டி எதிர்ப்பை பதிவு செய்ய வேண்டும்.

சட்டமன்றத்தை கூட்டி டங்ஸ்டன் திட்டத்தை எதிர்த்து தீர்மானம் நிறைவேற்றுவதோடு அரசாணையும் பிறப்பிக்க வேண்டும்.

தமிழக எம்.பி.க்கள் நடந்து வரும் குளிர்கால கூட்டத்தொடரில் இதற்கான எதிர்ப்பை பதிவு செய்ய வேண்டும் என்பது உள்ளிட்ட பல்வேறு தீர்மானங்கள் நிறைவேற்றப் பட்டன.

தொடர்ந்து டங்ஸ்டன். திட்டத்திற்கு எதிர்ப்பு தெரிவித்து இன்று (29 ஆம் தேதி) மேலூர் மற்றும் சுற்று வட்டார கிராமங்களில் முழு கடையடைப்பு மற்றும் போராட்டம், ஆர்ப்பாட்டம் நடத்துவது என முடிவு செய்யப்பட்டது. இதற்கு வணிகர்கள், விவசாயிகள், வக்கீல்கள் உள்ளிட்ட சங்கங்கள் ஆதரவு தெரிவித்துள்ளன.

source https://tamil.indianexpress.com/tamilnadu/marurai-villages-announce-protest-against-tungsten-mining-at-arittapatti-7656131

Read More

அரசியலமைப்பு முகவுரையில் சமதர்மம், மதச்சார்பின்மை சேர்க்கப்பட்டது எப்படி? சுப்ரீம் கோர்ட் உறுதி செய்து தீர்ப்பளித்தது ஏன்?

 

அரசியலமைப்பு முகவுரை இந்திய அரசியலமைப்பின் பின்னால் உள்ள வழிகாட்டும் கொள்கைகள் மற்றும் நோக்கத்தை தெளிவுபடுத்தும் ஒரு அறிக்கையாக செயல்படுகிறது. (Photo: Wikimedia Commons)

இந்திய அரசியலமைப்புச் சட்டம் ஏற்கப்பட்டு சரியாக 75 ஆண்டுகள் ஆன நிலையில், ஸ்தாபக ஆவணத்தின் முகப்புரையில் ‘சமதர்மம்’ மற்றும் ‘மதச்சார்பற்ற’ என்ற வார்த்தைகள் சேர்க்கப்பட்டதை உச்ச நீதிமன்றம் திங்கள்கிழமை (நவம்பர் 25) உறுதி செய்தது.

அரசியலமைப்பு நாற்பத்தி இரண்டாவது திருத்தச் சட்டம் 1976 (42-வது திருத்தம்) மூலம், அவசரநிலையின் போது நாடாளுமன்றம் அரசியலமைப்பில் தொடர்ச்சியான திருத்தங்களை இயற்றியது, அதில் ஒன்று இந்தியாவை "இறையாண்மை மிக்க சமதர்ம, மதச்சார்பற்ற ஜனநாயக குடியரசு" என்று முத்திரை குத்தியது.

42-வது திருத்தத்தின் மூலம் அறிமுகப்படுத்தப்பட்ட சில சர்ச்சைக்குரிய மாற்றங்களை உச்ச நீதிமன்றம் தடுத்துள்ள போதிலும், முகவுரையின் சொற்றொடரில் தலையிட மறுத்துவிட்டது.

இன்று நாம் அறிந்திருக்கும் முன்னுரை எவ்வாறு நடைமுறைக்கு வந்தது? அது எப்படி உருவாக்கப்பட்டது என்பதை எதிர்த்த மனுக்களை உச்ச நீதிமன்றம் ஏன் பரிசீலிக்க மறுத்தது? என்பதை இங்கே பார்க்கலாம்.

அரசியலமைப்பு முகவுரையின் வரலாறு

அரசியலமைப்பின் முகவுரை, இந்திய அரசியலமைப்பின் பின்னால் உள்ள வழிகாட்டும் கொள்கைகள் மற்றும் நோக்கத்தை தெளிவுபடுத்தும் ஒரு அறிக்கையாக செயல்படுகிறது. ஜனவரி 26, 1950-ல் அரசியலமைப்பு முதன்முதலில் நடைமுறைக்கு வந்தபோது, ​​முகவுரையில் கூறப்பட்டது: இந்திய மக்களாகிய நாங்கள், இந்தியாவை ஒரு இறையாண்மை மிக்க ஜனநாயகக் குடியரசாக அமைப்பதற்கும், அதன் அனைத்து குடிமக்களுக்கும் பாதுகாப்பளிப்பதற்கும் உறுதியுடன் தீர்மானித்துள்ளோம்:

நீதி, சமுதாய, பொருளியல், அரசியல்;

சுதந்திர சிந்தனை, வெளிப்பாடு, நம்பிக்கை, சமய நம்பிக்கை, வழிபாட்டு உரிமை, சம அந்தஸ்து, சம வாய்ப்பு,  அனைவருக்கும் மத்தியில் வளர்க்கவும் 

சகோதரத்துவம் தனி மனிதனின் கண்ணியத்தையும், தேசத்தின் ஒற்றுமையையும் ஒருமைப்பாட்டையும் உறுதிப்படுத்துகிறது;

1949-ம் ஆண்டு நவம்பர் மாதம் 26-வது நாளில் நமது நாடாளுமன்றத்தில், இந்த அரசியலமைப்பை இயற்றி, ஏற்றுக்கொண்டு நமக்கு நாமே வழங்கிக்கொள்கிறோம்.

டிசம்பர் 13, 1946-ல் அரசியலமைப்புச் சபை விவாதங்களின் முதல் வாரத்தில் முகவுரையின் சொற்றொடரைக் காணலாம். இந்த தேதியில், பிரதமர் ஜவஹர்லால் நேரு குறிக்கோள்கள் தீர்மானத்தை அறிமுகப்படுத்தினார் - இது ஒருமனதாக ஏற்றுக்கொள்ளப்பட்ட 8 அம்ச "உறுதிமொழி" வழிகாட்டுதலை வழங்கியது. அரசியலமைப்பின் வரைவுக்கான கோட்பாடுகள். மற்றவற்றுடன், இந்தியாவை "சுதந்திர இறையாண்மைக் குடியரசு" என்று அறிவிக்கும் அரசியலமைப்புச் சபையின் நோக்கத்தை அது அறிவித்தது, சட்டத்தின் முன் சமத்துவம் மற்றும் சிறுபான்மையினருக்கான பாதுகாப்புகளுக்கு உத்தரவாதம் அளித்தது.

விவாதங்களின் போது, ​​அரசியலமைப்பின் முகப்புரையில்  ‘சோசலிசம்’ அதாவது சமதர்மம் என்ற கருத்தை அறிமுகப்படுத்துவதற்கான ஆரம்ப முயற்சிகள் மேற்கொள்ளப்பட்டன. அக்டோபர் 1949-ல், அரசியலமைப்புச் சபை உறுப்பினர் ஹஸ்ரத் மொஹானி, முகவுரையில் ஒரு திருத்தத்தை முன்வைத்தார், அதற்குப் பதிலாக, "இந்திய மக்களாகிய நாங்கள், இந்தியாவை இந்திய சோசலிச குடியரசுகளின் ஒன்றியமாக யூ.ஐ.எஸ்.ஆர். என்று அமைக்கத் தீர்மானித்துள்ளோம், அதாவது யு.எஸ்.எஸ்.ஆர் (U.S.S.R)-ன் வழியில், இருப்பினும், இந்த திருத்தம் எதிர்மறையாக இருந்தது, இருப்பினும், முகவுரை அன்றே ஏற்றுக்கொள்ளப்பட்டது.

இந்த முயற்சிகள் அரசியலமைப்பு முகவுரையுடன் மட்டும் நின்றுவிடவில்லை. முன்னதாக, நவம்பர் 1948-ல், அரசியல் நிர்ணய சபை உறுப்பினர் பேராசிரியர் கே.டி. ஷா அரசியலமைப்பின் 1(1)-வது பிரிவில் ஒரு திருத்தத்தை முன்வைத்தார். இப்போது இந்தியா, அதாவது பாரதம், மாநிலங்களின் ஒன்றியமாக இருக்கும்" என்று ஷா பரிந்துரைத்தார், அதற்கு பதிலாக "இந்தியா, அதாவது பாரதம், மதச்சார்பற்ற, கூட்டாட்சி, சமதர்ம மாநிலங்களின் ஒன்றியமாக இருக்கும்" என்று கூற வேண்டும். இந்த பிரேரணை இறுதியில் எதிர்மறையானது. ஆனால், அவை உறுப்பினர் எச்.வி.காமத் மதச்சார்பற்ற மற்றும் சோசலிச வார்த்தைகள் "முகவுரையில் மட்டுமே இடம் பெற வேண்டும்" என்று 'சோசலிஸ்ட் (சமதர்ம)' மற்றும் 'மதச்சார்பற்ற' வார்த்தைகள் அறிமுகப்படுத்தப்பட்டது.

இந்திரா காந்தி அரசாங்கம் சிவில் உரிமைகளை முடக்கி, அரசியல் எதிரிகளை சிறையில் அடைத்தபோது, ​​அவசரநிலைக்கு மத்தியில், நாடாளுமன்றம் 42வது திருத்தத்தை இயற்றியது. அறிமுகப்படுத்தப்பட்ட பல மாற்றங்களின் காரணமாக, பெரும்பாலும் 'மினி-அரசியலமைப்பு' என்று குறிப்பிடப்படுகிறது, 42-வது திருத்தம் மத்திய அரசின் அதிகாரங்களை பெரிய அளவில் விரிவுபடுத்தியது.

பல நடவடிக்கைகளுக்கு மத்தியில், அரசியலமைப்பின் எதிர்கால திருத்தங்களை நீதிமன்றத்தில் சவால் செய்யாமல் தடுக்கும் வகையில், சட்டப்பிரிவு 368 (அரசியலமைப்பைத் திருத்துவதற்கான அதிகாரம் மற்றும் நடைமுறை குறித்து) திருத்தம் செய்வதன் மூலம், அரசியலமைப்பின் IV பகுதியின் கொள்கைகள் (பிரிவு 36-51) எந்தவொரு பரந்த கொள்கையையும் செயல்படுத்தும் வகையில் கொள்கைகள் செயல்படுத்தப்படும் வரை, அரசியலமைப்பின் எதிர்காலத் திருத்தங்களை நீதிமன்றத்தில் சவால் செய்யாமல் தடுக்க முயன்றது.

இந்த வியத்தகு மாற்றங்களிலிருந்து அரசியலமைப்பு முகவுரை விடுபடவில்லை. "இறையாண்மை ஜனநாயகக் குடியரசு" என்ற சொற்களுக்குப் பதிலாக "இறையாண்மை சமதர்ம மதச்சார்பற்ற ஜனநாயகக் குடியரசு" என்ற சொற்கள் மாற்றப்படும்" என்று அந்தத் திருத்தம் கூறுகிறது. இந்த மாற்றம் "சமதர்மம் (சோசலிசம்), மதச்சார்பின்மை மற்றும் தேசத்தின் ஒருமைப்பாடு ஆகியவற்றின் உயர்ந்த கொள்கைகளை வெளிப்படையாகக் கூறுவதாகும்.

மினர்வா மில்ஸ் எதிர் யூனியன் ஆஃப் இந்தியா (1980) வழக்கில் உச்ச நீதிமன்றம் மத்திய மற்றும் நாடாளுமன்றத்திற்கு வழங்கப்பட்ட மேற்கூறிய பரந்த அதிகாரங்களை ரத்து செய்தது, மேலும் 43 மற்றும் 44-வது திருத்தங்கள் மேலும் பல திருத்தங்களை மாற்றியது. இருப்பினும், முகவுரையின் உரையில் திருத்தம் இருந்தது, 44 ஆண்டுகளுக்குப் பிறகு 2020-ல் மட்டுமே எதிர்த்து மனுதாக்கல் செய்யப்பட்டது.

அரசியலமைப்பு முகவுரைக்கு எதிராக மனு

ஜூலை 2020-ல், டாக்டர் பல்ராம் சிங் என்ற உச்ச நீதிமன்ற வழக்கறிஞர், அரசியலமைப்பின் முகப்புரையில் ‘சமதர்ம’ (சோசலிஸ்ட்) மற்றும் ‘மதச்சார்பற்ற’ என்கிற வார்த்தைகளைச் சேர்ப்பதை எதிர்த்து மனு தாக்கல் செய்தார். பின்னர், முன்னாள் சட்ட அமைச்சர் சுப்பிரமணியம் சுவாமி மற்றும் வழக்கறிஞர் அஸ்வினி குமார் உபாத்யாய் ஆகியோரும் இதேபோன்ற எதிர்ப்புகளுடன் மனுக்களை தாக்கல் செய்தனர். ‘மதச்சார்பற்ற’ என்ற வார்த்தை அரசியலமைப்பில் இருந்து வேண்டுமென்றே அதை உருவாக்கியவர்களால் விலக்கப்பட்டதாகவும், பொருளாதாரக் கொள்கைகளை உருவாக்கும் போது ‘சோசலிஸ்ட்’ என்ற வார்த்தை மத்திய அரசின் கைகளைக் கட்டிப்போட்டதாகவும் அவர்கள் வாதிட்டனர்.

இருப்பினும், ஒரு குறுகிய 7 பக்க உத்தரவில் நீதிமன்றம் இந்த வாதங்களை நிராகரித்தது, நீதிபதிகள் சஞ்சீவ் கண்ணா மற்றும் பி.வி. சஞ்சய் குமார் ஆகியோர்  “வாதங்களில் உள்ள குறைபாடுகள் மற்றும் பலவீனங்கள் வெளிப்படையானவை மற்றும் வெளிப்படையானவையாகவும் தோற்றமளிக்கிறது” என்று குறிப்பிட்டனர்.

அரசியலமைப்பு உருவாக்கப்படும்போது, ​​மதச்சார்பின்மை என்பது மதத்திற்கு எதிரானது என்று சில அறிஞர்கள் விளக்கியதால், மதச்சார்பின்மை என்ற வார்த்தையின் அர்த்தம் "துல்லியமாக கருதப்படுகிறது" என்று நீதிமன்றம் குறிப்பிட்டது. காலப்போக்கில், "இந்தியா மதச்சார்பின்மை பற்றிய அதன் சொந்த விளக்கத்தை உருவாக்கியுள்ளது, அதில் அரசு எந்த மதத்தையும் ஆதரிக்காது அல்லது எந்த நம்பிக்கையின் தொழில் மற்றும் நடைமுறையையும் தண்டிக்காது. முகவுரையில் கூறப்பட்டுள்ள லட்சியங்கள் - சகோதரத்துவம், சமத்துவம், தனிமனித கண்ணியம் மற்றும் சுதந்திரம் - "இந்த மதச்சார்பற்ற நெறிமுறைகளை பிரதிபலிக்கிறது" என்று உச்ச நீதிமன்றம் கூறியது.

இதேபோல், ‘சமதர்மம்’ (சோசலிசம்) என்ற வார்த்தையும் இந்தியாவில் ஒரு தனித்துவமான பொருளைக் கொண்டதாக உருவாகியுள்ளது என்று உச்ச நீதிமன்றம் கூறியது. சோசலிசம் என்பது "பொருளாதார மற்றும் சமூக நீதியின் கொள்கையைக் குறிக்கிறது, இதில் எந்தவொரு குடிமகனும் பொருளாதார அல்லது சமூக சூழ்நிலைகளால் பின்தங்கியிருப்பதை அரசு உறுதிசெய்கிறது" மற்றும் "வளர்ச்சியடைந்த, விரிவடைந்த, மற்றும் தனியார் துறையின் மீது கட்டுப்பாடுகள் தேவையில்லை. பல ஆண்டுகளாக வளர்ச்சியடைந்து, பல்வேறு வழிகளில் ஒதுக்கப்பட்ட மற்றும் பின்தங்கிய பிரிவினரின் மேம்பாட்டிற்கு குறிப்பிடத்தக்க பங்களிப்பை அளித்தது.

“முகவுரையில் சேர்க்கப்பட்டவை, தேர்ந்தெடுக்கப்பட்ட அரசாங்கங்களால் பின்பற்றப்படும் சட்டங்கள் அல்லது கொள்கைகளை கட்டுப்படுத்தவில்லை அல்லது தடுக்கவில்லை, அத்தகைய நடவடிக்கைகள் அடிப்படை மற்றும் அரசியலமைப்பு உரிமைகளை மீறவில்லை அல்லது அரசியலமைப்பின் அடிப்படை கட்டமைப்பு” மற்றும் 42-வது திருத்தம் நடைமுறைப்படுத்தப்பட்டு கிட்டத்தட்ட 44 ஆண்டுகளுக்குப் பிறகு அதை எதிர்ப்பதில் எந்த நியாயமும் இல்லை என்று உச்ச நீதிமன்றம் கூறியது.

source https://tamil.indianexpress.com/explained/how-socialist-and-secular-were-inserted-in-the-preamble-why-supreme-court-ruled-they-will-stay-7655882

Read More

அரிட்டாபட்டி டங்ஸ்டன் சுரங்க உரிமையை ரத்து செய்க': பிரதமர் க்கு ஸ்டாலின் கடிதம்

 29/11/24

மதுரை மாவட்டத்தில் வேதாந்தா நிறுவனத்தின் துணை நிறுவனமான இந்துஸ்தான் ஜிங்க் நிறுவனத்திற்கு வழங்கப்பட்ட டங்ஸ்டன் சுரங்க உரிமையை உடனடியாக ரத்து செய்யக்கோரி பிரதமர் மோடிக்கு முதலமைச்சர் மு.க.ஸ்டாலின் கடிதம் எழுதியுள்ளார்.

மதுரை மாவட்டம் மேலூர் அருகே அரிட்டாபட்டி பாதுகாக்கப்பட்ட பல்லுயிர்தலமாக அறிவிக்கப்பட்டுள்ளது. பல்வேறு பெருமைகளையும், வரலாற்று சிறப்புகளையும் தன்னகத்தே கொண்டுள்ள அரிட்டாபட்டி மற்றும் சுற்றுவட்டார கிராமங்களை உள்ளடக்கிய 5 ஆயிரம் ஏக்கரில் டங்ஸ்டன் கனிம சுரங்கம் அமைக்க வேதாந்தா குழுமம் சார்பில் ஏலம் எடுத்திருப்பதாக கூறப்படுகிறது

இதற்கு அந்த பகுதி மக்கள் கடும் எதிர்ப்பு தெரிவித்து வருகிறார்கள். இதற்கு எதிராக மாவட்ட ஆட்சியரிடம் மனு அளிக்கப்பட்டது. இந்த பகுதியில் டங்ஸ்டன் சுரங்கம் அமைக்கப்பட்டால் இயற்கை சூழல், மக்களின் வாழ்வாதாரம் பாதிக்கப்படும். எனவே மாநில அரசு இதற்கு எக்காரணம் கொண்டு அனுமதி வழங்க கூடாது என கிராம மக்கள் வலியுறுத்தி வருகிறார்கள்.

இந்த விவகாரம் தொடர்பாக அரிட்டாபட்டி மற்றும் சுற்றுவட்டார கிராம மக்கள் கடந்த ஒரு வாரமாக பல்வேறு கட்ட போராட்டங்களை நடத்தி வருகின்றனர். மேலும் கண்டன கூட்டங்கள் நடத்தி தீர்மானங்களும் நிறைவேற்றி வருகிறார்கள். இன்று வெள்ளிக்கிழமை  மேலூர் பகுதியில் கடையடைப்பு போராட்டம் நடைபெற உள்ளது. 

இதனிடையே, 'சுரங்கத்துக்கு அனுமதி கோரி விண்ணப்பம் வந்தால் ஏற்க மாட்டோம்' என தமிழ்நாடு அரசு ஏற்கனவே தெரிவித்திருந்தது. இதேபோல், கடந்த 23 ஆம் தேதி அரிட்டாபட்டியில் நடந்த கிராமசபை கூட்டத்தில் அமைச்சர் மூர்த்தி கலந்து கொண்டு டங்ஸ்டன் திட்டத்திற்கு மாநில அரசு அனுமதி வழங்காது என உறுதியுடன் கூறினார்.

இந்த நிலையில், மதுரை மாவட்டத்தில் வேதாந்தா நிறுவனத்தின் துணை நிறுவனமான இந்துஸ்தான் ஜிங்க் நிறுவனத்திற்கு வழங்கப்பட்ட டங்ஸ்டன் சுரங்க உரிமையை உடனடியாக ரத்து செய்யக்கோரி பிரதமர் மோடிக்கு முதலமைச்சர் மு.க.ஸ்டாலின் கடிதம் எழுதியுள்ளார். மேலும், சம்பந்தப்பட்ட மாநில அரசின் அனுமதியின்றி சுரங்க உரிம ஏலங்களை மேற்கொள்ளக்கூடாது. இதுபோன்ற சுரங்கத் தொழிலை தமிழ்நாடு அரசு ஒருபோதும் அனுமதிக்காது என்றும் கூறியுள்ளார்.

இது தொடர்பாக வெளியிடப்பட்டுள்ள அறிக்கையில், “மதுரை மாவட்டத்தில் இந்துஸ்தான் ஜிங்க் லிமிடெட் நிறுவனத்திற்கு வழங்கப்பட்ட டங்ஸ்டன் சுரங்க உரிமையை உடனடியாக ரத்து செய்திடவும், சம்பந்தப்பட்ட மாநில அரசின் அனுமதியின்றி சுரங்க உரிம ஏலங்களை மேற்கொள்ளக் கூடாது என்றும் வலியுறுத்தி, தமிழ்நாடு முதலமைச்சர் மு.க. ஸ்டாலின், இந்தியப் பிரதமர் நரேந்திர மோடிக்கு (28-11-2024) அன்று கடிதம் எழுதியுள்ளார்.

முதலமைச்சர் எழுதியுள்ள அக்கடிதத்தில், மதுரை மாவட்டத்தில் டங்ஸ்டன் சுரங்கம் அமைப்பதற்கு மத்திய அரசு உரிமம் வழங்கியதால், அப்பகுதியில் ஏற்பட்டுள்ள பதட்டமான நிலைமையை குறிப்பிட்டு, பிரதமர் மோடி உடனடியாக இவ்விஷயத்தில் தலையிட்டு மத்திய அரசு வழங்கியுள்ள உரிமத்தினை ரத்து செய்திட வேண்டுமெனக் கேட்டுக் கொண்டுள்ளார். 

மேலும், இதுபோன்ற முக்கியமான கனிமங்களின் சுரங்க உரிமங்களை மத்திய அரசு ஏலம் விடுவதால் ஏற்படும் பாதிப்புகள் குறித்த தமிழ்நாடு அரசின் கவலைகளை, நீர்வளத் துறை அமைச்சர் 3-10-2023ஆம் நாளிட்ட கடிதத்தின் மூலமாக ஏற்கெனவே மத்திய அரசுக்குத் தெரிவித்திருந்த நிலையில், துரதிர்ஷ்டவசமாக, மத்திய நாடாளுமன்ற விவகாரங்கள், நிலக்கரி மற்றும் சுரங்கத் துறை அமைச்சர், தனது 2-11-2023 நாளிட்ட கடிதத்தில், நாட்டின் நலன்களுக்காக, சுரங்க அமைச்சகத்தின் முக்கியமான கனிமங்களை ஏலம் விடுவதைத் தடுக்க முடியாது என்று குறிப்பிட்டு, தமிழ்நாடு அரசின் கோரிக்கையை நிராகரித்திருந்தார்" என்று முதலமைச்சர் மு.க.ஸ்டாலின் தனது கடிதத்தில் தெரிவித்துள்ளார்.

source https://tamil.indianexpress.com/tamilnadu/madurai-arittapatti-tungsten-mine-tn-cm-mk-stalin-write-letter-to-pm-modi-tamil-news-7657509

Read More

கணவன் மனைவி பிரச்சனைகளும் தீர்வுகளும்!

கணவன் மனைவி பிரச்சனைகளும் தீர்வுகளும்! செங்கோட்டை N.பைசல் - மாநிலச்செயளாலர்,TNTJ கடையநல்லூர் டவுண் கிளை - தென்காசி மாவட்டம்

Read More

இப்ராஹீம்(அலை): அழைப்புப் பணியின் அழகிய முன்மாதிரி

உலகிற்கு ஓர் அருட்கொடை இப்ராஹீம்(அலை): அழைப்புப் பணியின் அழகிய முன்மாதிரி | பொதுக்கூட்டம் - புதுச்சேரி 📌 இடம்: முஹம்மதியா நகர், புதுச்சேரி 📌 பேச்சாளர்: முஜீபுர் ரஹ்மான் (மாநில பொதுச் செயலாளர், TNTJ) இப்ராஹீம் நபி (அலை) அவர்களின் வாழ்க்கையும், அழைப்புப் பணியின் முறையும் இன்றைய காலத்திற்கும் பிரகாசமான முன்மாதிரியாக விளங்குகின்றது. முஹம்மதியா நகர், புதுச்சேரியில் நடந்த இந்த சிறப்பு பொதுக்கூட்டத்தில் முஜீபுர் ரஹ்மான் (மாநில பொதுச் செயலாளர், TNTJ) அவர்கள், இப்ராஹீம் (அலை) அவர்களின் அழைப்புப் பணியைப் பற்றிய ஆழமான விளக்கத்தையும், நாம் எவ்வாறு அவரின் வழியில் தாவா செய்ய வேண்டும் என்பதைப் பற்றிய பயனுள்ள அறிவுரைகளையும் வழங்குகிறார். இப்ராஹீம் (அலை) அவர்களின் தியாகம், நேர்மை, நம்பிக்கை ஆகியவற்றை எப்படிப் புரிந்து கொண்டு நம் சமூகத்தில் அதனை நடைமுறைப்படுத்துவது என்ற விஷயத்தில் இந்த உரை பலத்த உத்வேகம் தருகிறது. நேரம் பறிக்காத தரமான கருத்துப்படுத்தல் மற்றும் செயல்பாடுகளுக்கான உரை! முழுமையாக கேட்டு பயன் பெறுங்கள். 📌தமிழ்நாடு தவ்ஹீத் ஜமாஅத் (TNTJ) 🎥 முழு வீடியோவை இப்போது காணுங்கள்!

Read More

ஓடுவதும் தேடுவதும்

ஓடுவதும் தேடுவதும் 📌 பேச்சாளர்: எம்.ஐ. சுலைமான் (மேலாண்மைக் குழு உறுப்பினர், TNTJ) 📌ஜுமுஆ உரை - 22.11.2024 📌 இடம்: திருவிதாங்கோடு, குமரி மாவட்டம் இந்நாளைய மனிதர் தன்னுடைய அற்பமான இவ்வுலக வாழ்விற்காக எந்த அளவு முயற்சிக்கின்றனர், அதே சமயம் மறுமைக்கான முயற்சியை எவ்வாறு புறக்கணிக்கின்றனர் என்ற கேள்வியை வலியுறுத்தி, நபிகள் நாயகம் (ஸல்) மற்றும் குர்ஆன் மூலம் கிடைத்த அறிவுரைகளை தெளிவுபடுத்துகிறார். குமரி மாவட்டத்தின் திருவிதாங்கோடு ஜுமுஆ உரையில், TNTJ மேலாண்மைக்குழு உறுப்பினர் எம்.ஐ. சுலைமான் அவர்கள், இவ்வுலக வாழ்க்கையின் தற்காலிகத்தன்மை மற்றும் மறுமையின் நிலைத்தன்மை குறித்து இஸ்லாமிய விளக்கங்களை பேசுகிறார். இந்த உரை, நாம் சென்று கொண்டிருக்கும் பாதையை சிந்திக்க வைக்கும் மகத்தான ஒரு வாய்ப்பு. முழு வீடியோவை காணவும், அரிய கருத்துகளைப் பகிரவும்.

Read More

முஸ்லிம் பெண்கள் ஹிஜாப் ஏன் அணிகிறார்கள்?

முஸ்லிம் பெண்கள் ஹிஜாப் ஏன் அணிகிறார்கள்? இஸ்லாம் ஓர் இனிய மார்க்கம் – 20.10.2024 இடம்: சிவகாசி, விருதுநகர் மாவட்டம் ஏ,முஜிபுர் ரஹ்மான் மாநிலப் பொதுச் செயலாளர்,TNTJ முஸ்லிம் பெண்கள் ஹிஜாப் அணியுவதன் முக்கியத்துவத்தை தெளிவாக விளக்குகிறார் இஸ்லாமிய மார்க்கத்தின் அடிப்படையில் பெண்களின் அணிகலனான ஹிஜாப் குறித்து தெளிவு பெற மற்றும் மனதிற்கு இனிய மார்க்கத்தை புரிந்து கொள்ள, இந்த காணொளியை பார்க்கவும்.

Read More

தீவிரவாதத்தை இஸ்லாம் ஆதரிக்கிறதா?

தீவிரவாதத்தை இஸ்லாம் ஆதரிக்கிறதா? ஏ,முஜிபுர் ரஹ்மான் மாநிலப் பொதுச் செயலாளர். இஸ்லாம் ஓர் இனிய மார்க்கம் -- 2010.2024 சிவகாசி - விருதுநகர்

Read More

மதம் மாறி திருமணம் செய்யலாமா? முஸ்லிம்கள் மற்றும் பிற மத உறவுகள் பற்றிய இஸ்லாத்தின் நிலை | TNTJ

மதம் மாறி திருமணம் செய்யலாமா? முஸ்லிம்கள் மற்றும் பிற மத உறவுகள் பற்றிய இஸ்லாத்தின் நிலை | TNTJ இஸ்லாம் ஓர் இனிய மார்க்கம் – 20.10.2024 இடம்: சிவகாசி, விருதுநகர் ஏ,முஜிபுர் ரஹ்மான் மாநிலப் பொதுச் செயலாளர்,TNTJ இஸ்லாம் ஓர் இனிய மார்க்கம் 20.10.2024 | இடம்: சிவகாசி, விருதுநகர் தமிழ்நாடு தவ்ஹீத் ஜமாஅத்தின் மத நல்லிணக்க நிகழ்ச்சியில், முஸ்லிம் அல்லாத சகோதரர்கள் இஸ்லாத்தை பற்றிய கேள்விகளை கேட்டு தங்களின் சந்தேகங்களை தெளிவுபடுத்திக்கொள்ளும் ஒரு அருமையான வாய்ப்பு. இந்த வீடியோவில் ஒரு முக்கிய கேள்வி: "முஸ்லிம்கள் இந்து மதத்திலிருந்து பெண் எடுப்பதோ கொடுப்பதோ இல்லையே? மதம் விட்டு மதம் திருமணம் செய்வது பற்றி இஸ்லாமின் நிலை என்ன?" இந்த கேள்விக்கு அறிவுப்பூர்வமாக பதிலளிக்கிறார்: ஏ. முஜிபுர் ரஹ்மான், மாநிலப் பொதுச் செயலாளர், TNTJ மத நல்லிணக்கத்தின் பார்வையில், இஸ்லாத்தின் கூர்மையான விளக்கங்களை அறிய, முழு வீடியோவை பார்த்து பயன்பெறுங்கள்.

Read More

இஸ்லாமியர்கள் 786 என்ற எண்ணை பயன்படுதுவது ஏன்? | ஏ.முஜிபுர் ரஹ்மான் | மாநிலப் பொதுச் செயலாளர்,TNTJ

இஸ்லாமியர்கள் 786 என்ற எண்ணை பயன்படுதுவது ஏன்? | ஏ.முஜிபுர் ரஹ்மான் | மாநிலப் பொதுச் செயலாளர்,TNTJ இஸ்லாம் ஓர் இனிய மார்க்கம் – 2010.2024 இடம்: சிவகாசி, விருதுநகர் நவீன காலத்தில் 786 என்ற எண்ணை நியூமராலஜி முறையில் பயன்படுத்துவது இஸ்லாத்திற்கு எதிரான மூடநம்பிக்கையாகும் என்பதை தெளிவுபடுத்துகின்றார் TNTJ,மாநிலப் பொதுச் செயலாளர் ஏ.முஜிபுர் ரஹ்மான் அவர்கள். இஸ்லாமிய மார்க்கத்தில் அனைத்து செயல்களும் பிஸ்மில்லாஹிர்ரஹ்மானிர்ரஹீம் என்று ஆரம்பிக்க வேண்டும் என்ற அடிப்படையை தெளிவுபடுத்தும் உரை! மூடநம்பிக்கைகளை விலக்கி, மார்க்கத்தின் உண்மையான அடிப்படையை புரிந்து கொள்ள, இந்த வீடியோவை பாருங்கள்!

Read More

இஸ்லாம் ஓர் இனிய மார்க்கம் - முன்னுரை

இஸ்லாம் ஓர் இனிய மார்க்கம் - முன்னுரை இஸ்லாம் ஓர் இனிய மார்க்கம் – 20.10.2024 இடம்: சிவகாசி, விருதுநகர் மாவட்டம் ஏ,முஜிபுர் ரஹ்மான் மாநிலப் பொதுச் செயலாளர்,TNTJ

Read More

அல்லாஹ் ஆணா? பெண்ணா? - TNTJ,மாநிலத் தலைவர் ஆர்.அப்துல் கரீம் அவர்கள் பதில்

அல்லாஹ் ஆணா? பெண்ணா? - TNTJ,மாநிலத் தலைவர் ஆர்.அப்துல் கரீம் அவர்கள் பதில் 📌 இடம்: பம்மல், செங்கை மேற்கு மாவட்டம் 📌 நிகழ்ச்சி: இஸ்லாம் ஓர் இனிய மார்க்கம் 📌 பேச்சாளர்: ஆர். அப்துல் கரீம் (மாநிலத் தலைவர், TNTJ) இஸ்லாம் ஓர் இனிய மார்க்கம் மத நல்லிணக்க நிகழ்ச்சி என்பது இஸ்லாத்தை பற்றி பிறமத நண்பர்கள் அறிந்து கொள்ள உருவாக்கப்பட்ட ஒரு அருமையான நிகழ்ச்சி. இந்நிகழ்ச்சியில் TNTJ மாநிலத் தலைவர் ஆர். அப்துல் கரீம் அவர்கள் முஸ்லிம் அல்லாத நண்பர்கள் எழுப்பிய கேள்விகளுக்கு தெளிவான பதில்களை வழங்கியுள்ளார். இந்நிகழ்ச்சியின் முக்கிய கேள்வியாக "அல்லாஹ் ஆணா? பெண்ணா?" என்று ஒரு சகோதரர் கேட்ட போது, அகில உலகையும் படைத்த இறைவன் பாலினங்களுக்கு அப்பார்ப்பட்டவன். பாலினங்களையும் அனைத்து வகையான உயிரினங்களையும் படைத்த அல்லாஹ்வை ஆண் என்றோ பெண் என்றோ பாலினங்களோடு ஒப்பிட முடியாது. நமது மொழியில், ஒரே இறைவன் என்பதை குறிப்பிட ‘ஒருவன்’ என்று குறிப்பிடுகிறோம் என இன்னும பல நுணுக்கமான விளக்கத்தை வழங்கினார். இறைவனின் தன்மையைச் சுற்றி எழும் சந்தேகங்களுக்கு இஸ்லாத்தின் அருமை மற்றும் தெளிவான விளக்கங்கள் இங்கே வழங்கப்பட்டுள்ளன. இந்த விவாதத்தை முழுமையாகப் பாருங்கள், அழகான அறிவுரைகளையும் தெளிவையும் பகிருங்கள்!

Read More

முஸ்லிம்களை தீவிரவாதிகளாக சித்திரிப்பதை எதிர்த்து TNTJ செய்யும் பணிகள் - ஆர். அப்துல் கரீம் விளக்கம்

முஸ்லிம்களை தீவிரவாதிகளாக சித்திரிப்பதை எதிர்த்து TNTJ செய்யும் பணிகள் - ஆர். அப்துல் கரீம் விளக்கம் 📌 இடம்: பம்மல், செங்கை மேற்கு மாவட்டம் 📌 நிகழ்ச்சி: இஸ்லாம் ஓர் இனிய மார்க்கம் 📌 பேச்சாளர்: ஆர். அப்துல் கரீம் (மாநிலத் தலைவர், TNTJ) இந்த வீடியோவில், TNTJ மாநிலத் தலைவர் ஆர். அப்துல் கரீம் அவர்கள் இஸ்லாம் ஓர் இனிய மார்க்கம் நிகழ்ச்சியில், முஸ்லிம்களை தீவிரவாதிகளாக சித்திரித்து, போலியாக சினிமா எடுப்பவர்களுக்கு எதிராக TNTJ என்ன செய்கிறது என்று விளக்குகின்றனர். சினிமாவில் "விஸ்வரூபம்", "துப்பாக்கி", "பம்பாய்", "உயிரே,” ”அமரன்" போன்ற திரைப்படங்களில் முஸ்லிம்களை தீவிரவாதிகளாக காட்டுவது தவறானது என்பதை தெளிவுபடுத்தி, இவ்வாறு சினிமா செய்யும் நடிகர்கள் மற்றும் தயாரிப்பாளர்களின் செயற்பாடுகள் உண்மைக்கு தொடர்பில்லாதவை எனவும் கூறுகின்றனர். TNTJ இஸ்லாத்தை பற்றி விழிப்புணர்வு ஏற்படுத்தும் பணிகள், நல்லிணக்கமான சமூக செயல்கள், சமூகத்திற்கான உதவிகள் என்ற நிலைப்பாட்டில் தொடர்ந்து பல சேவைகள் செய்கின்றது. இதில், வெள்ள நிவாரணம், கொரோனா நிவாரணம், இரத்ததான முகாம்கள் போன்ற சேவைகள் முக்கியமாக உள்ளன. அறிவுரை: சினிமா மூலமாக முஸ்லிம்களை தவறாக காட்டுவது தவறு என்பதை சமூகத்தில் உணர்த்த வேண்டும். இஸ்லாத்தில் தீவிரவாதம் என்ற நோக்கம் எதுவும் இல்லையெனவும், அந்த அடிப்படையில் சினிமா மற்றும் ஊடகங்களில் காட்சிகள் திருத்தப்பட வேண்டும் எனவும் எடுத்துரைத்தார்.

Read More

ஜனாஸா தொழுகையில் இரண்டு பக்கம் ஸலாம் கொடுக்க வேண்டுமா? ஒரு பக்கம் ஸலாம் கொடுக்க வேண்டுமா?

ஜனாஸா தொழுகையில் இரண்டு பக்கம் ஸலாம் கொடுக்க வேண்டுமா? ஒரு பக்கம் ஸலாம் கொடுக்க வேண்டுமா? இஸ்லாம் ஓர் எளிய மார்க்கம் - 19.11.2023 பதிலளிப்பவர்: A.ஹமீதுர் ரஹ்மான் M.I.Sc (பேச்சாளர்,TNTJ) அம்பத்தூர் கிளை - திருவள்ளூர் மேற்கு மாவட்டம்

Read More

வாராந்திர வாட்ஸப் கேள்வி பதில் - 27.11.2024

வாராந்திர வாட்ஸப் கேள்வி பதில் - 27.11.2024 N. தவ்ஹீத் M.I.Sc இஸ்லாமியக் கல்லூரி பேராசிரியர் 1. ஹஜ்,உம்ரா செய்பவர் காஃபாவை பார்த்தவுடன் செய்யக்கூடிய முதல் பிரார்த்தனையை அல்லாஹ் ஏற்றுக்கொள்கிறான் என்ற செய்தி உண்மையா? 2.கோவில் சிலைகளுக்கு படைக்கப்படும் ஆடைகளையும் அணியலாமா? 3.தவ்ஹீத் பள்ளிவாசல்களில் நோயுற்ற பிறமதத்தவர்களுக்கு ஓதிபார்க்கலாமா? 4.பெண்கள் மெஹந்தி, மோதிரம், மூக்குத்தி போன்றவற்றை பயன்படுத்துவது தொடர்பாக மார்க்க விளக்கம் என்ன? 5.ஸஹாபாக்களும், ஸஹாபியப் பெண்களும் தனிமையில் பேசிக்கொள்வார்கள் நபிகளாரை கண்டத்தும் பேச்சை நிறுத்திக்கொள்வார்கள் என்ற கருத்தில் ஹதீஸ் உள்ளதா? 6.இஷா மற்றும் ஃபஜ்ர் தொழுகைகளை ஜமாஅத்தோடு தொழுவதால் இரவு முழுவதும் நின்று தொழுத நன்மை இரண்டாம் ஜமாஅத்திற்கும் உண்டா? 7.பெண்கள் ஆண்களுக்கு மத்தியில் சொற்பொழிவாற்றலாமா?

Read More

ஒலிம்பியாட் மற்றும் NMMS தேர்வுகள்: TNTJ மாணவரணி விளக்கம் - M.R.ஜாவித் அஸ்ரஃப்

ஒலிம்பியாட் மற்றும் NMMS தேர்வுகள்: TNTJ மாணவரணி விளக்கம் - M.R.ஜாவித் அஸ்ரஃப் 📌 M.R.ஜாவித் அஷ்ரஃப் - TNTJ,மாநிலமாணவரணி ஒருங்கிணைப்பாளர் 📌கல்விச் சிந்தனைகள் - 27.11.2024 TNTJ மாநில மாணவரணி ஒருங்கிணைப்பாளர் ஜாவித் அஸ்ரஃப் அவர்கள், கல்விச் சிந்தனைகள் நிகழ்வில், ஒலிம்பியாட் மற்றும் NMMS தேர்வுகள் குறித்து விளக்கம் அளிக்கின்றார். இவைகளை மாணவர்கள் பெறும் நன்மைகள், உயர்வுகளும் சிறப்பாக விளக்கப்பட்டுள்ளன. இந்த தேர்வுகள் மாணவர்களின் அறிவாற்றலையும் அறிவியல், கணிதம், மொழி திறன்களையும் மேம்படுத்தும் அதேசமயம் பொருளாதார உதவியையும் வழங்குகின்றன. தேர்வின் சிறப்பம்சங்கள்: போட்டித்திறன் வளர்ச்சி உலக தரத்துக்கு ஏற்ப மதிப்பீடு செயல் மற்றும் சிந்தனை திறன் மேம்பாடு NMMS தேர்வின் உதவித்தொகை விவரங்கள் இவை பற்றிய முழுமையான விளக்கம் இங்கே!

Read More

வக்பு சட்ட திருத்த மசோதாவை எதிர்ப்பது ஏன்? -

வக்பு சட்ட திருத்த மசோதாவை எதிர்ப்பது ஏன்? - A.K.அப்துல் ரஹீம் (TNTJ மாநில துணைபொதுச்செயலாளர்)

Read More

உ.பி.சம்பலில் ஜமா பள்ளியை அபகரிக்க முயற்சிக்கும் சங்பரிவாரத்தினர்.

உ.பி.சம்பலில் ஜமா பள்ளியை அபகரிக்க முயற்சிக்கும் சங்பரிவாரத்தினர். தமிழ்நாடு தவ்ஹீத் ஜமாஅத் கடும் கண்டனம். உரை:- ஏ.முஜீபுர்ரஹ்மான் மாநிலப் பொதுச் செயலாளர்,TNTJ

Read More

ஹலாலின் பெயரால் பரவும் பொய்கள்!

ஹலாலின் பெயரால் பரவும் பொய்கள்! E.Jஅப்துல் முஹ்ஸின் (மாநிலச் செயலாளர், TNTJ) செய்தியும் சிந்தனையும் - 27.11.2024

Read More

இஸ்லாம் தரும் பொருளாதார பன்மை!

இஸ்லாம் தரும் பொருளாதார பன்மை! TNTJ தலைமையக ஜுமுஆ - 22.11.2024 ஏ.முஜிபுர் ரஹ்மான் மாநிலப் பொதுச் செயலாளர்,TNTJ இஸ்லாத்தின் வழிகாட்டலின் அடிப்படையில் ஹலாலான வருமானத்தின் முக்கியத்துவத்தை விளக்குகிறார் அல்லாஹ்வின் அருளைப் பெற ஹராமை தவிர்த்து, ஹலாலான பொருளாதார நடவடிக்கைகளை மேற்கொள்வது எப்படி என்று அறிந்து கொள்ள, இந்த உரையை கவனமாக கேளுங்கள்!

Read More

பிரார்த்தனையின் மகத்துவமும் ஒழுங்குகளும்

பிரார்த்தனையின் மகத்துவமும் ஒழுங்குகளும் இ. முஹம்மது (மேலாண்மைக்குழு உறுப்பினர்,TNTJ) அமைந்தகரை ஜுமுஆ - 15.11.2024

Read More

வெற்றிக்குத் தடையாகும் பெருமை

வெற்றிக்குத் தடையாகும் பெருமை M.R. ஜாவித் அஷ்ரஃப் - பேச்சாளர், TNTJ அமைந்தகரை ஜுமுஆ - 22.11.2024

Read More

நவாப் குற்றம்சாட்டினாரா? – உண்மை என்ன?

 source https://news7tamil.live/did-the-nawab-of-hyderabad-accuse-muslims-and-communists-of-disturbing-the-peace-of-india-what-is-the-truth.html

உண்மை சரிபார்ப்பு :

சமூக வலைதளங்களில் வைரலான வீடியோவின் கீசுப்ரேம்களின் ரிவர்ஸ் இமேஜ் தேடலுக்கு உட்படுத்தியதில் பிப்ரவரி 16, 2020 அன்று பேஸ்புக் பக்கத்தில் வெளியிடப்பட்ட நீளமான வீடியோ கண்டோம். இது குடியுரிமை திருத்தச் சட்டம் (சிஏஏ) மற்றும் ஓவைசி சகோதரர்களுக்கு எதிராக விஸ்வ ஹிந்து பரிஷத்தின் (விஎச்பி) ஆச்சார்யா தர்மேந்திரா பேசுவதை வீடியோ காட்டுகிறது

வைரலான வீடியோ மற்றும் பேஸ்புக் வீடியோவில் யூத் மீடியா டிவியின் லோகோவை கவனித்தோம். இதனைத் தொடர்ந்து, வீடியோ குறித்த முக்கிய வார்த்தைகளைத் தேடினோம். 2020 ஜனவரி 2 அன்று யூத் மீடியா டிவியின் சரிபார்க்கப்பட்ட YouTube சேனலில் வெளியிடப்பட்ட வீடியோவின் நீட்டிக்கப்பட்ட பதிப்பைக் கண்டறிந்தோம். வீடியோவின் தொடக்கத்தில் வைரல் கிளிப்புகள் தோன்றின.

அந்த நபரின் பெயரை சேனல் குறிப்பிடவில்லை என்றாலும், வீடியோவின் சிறுபடத்தில் உள்ள ஹிந்தி வாசகம் அவரை ‘மகராஜ்’ என்று குறிப்பிடுகிறது. மேற்கு வங்க முதல்வர் மம்தா பானர்ஜி மற்றும் ஹைதராபாத் ஓவைசி சகோதரர்கள் போன்ற முஸ்லிம்கள், கம்யூனிஸ்டுகள் மற்றும் தலைவர்களுக்கு எதிராக அவர் பேசுவதை வீடியோ காட்டுகிறது. ஃபேஸ்புக் மற்றும் யூடியூப்பில் வீடியோ வெளியிடப்பட்ட தேதி குறைந்தது 2020 ஆம் ஆண்டிலிருந்து என்பதை உறுதிப்படுத்தியது. இணையத்தில் கிடைக்கும் ஆச்சார்யா தர்மேந்திராவின் படத்தை வைரல் வீடியோவின் ஸ்கிரீன் கிராப்புடன் ஒப்பிட்டுப் பார்த்தோம்.

இந்தியாவின் அமைதியையும் முன்னேற்றத்தையும் சீர்குலைக்க முஸ்லிம்களும் , கம்யூனிஸ்டுகளும் சதி செய்வதாக முதியவர் ஒருவர் குற்றம் சாட்டிய வீடியோ ஒன்று சமூக வலைதளங்களில் வைரலானது. அந்த வீடியோவில் அவர் தன்னை நவாப் என்றும் முஸ்லிம் என்றும் அடையாளப்படுகிறார். உண்மைச் சரிபார்ப்பில் அந்த முதியவர் விஷ்வ ஹிந்து பரிசத் அமைப்பைச் சார்ந்த தர்மேந்திர ஆச்சார்யா என்றும் தெரியவந்துள்ளது. அவர் 2020ல் காலமானார் என்பதும் குறிப்பிடத்தக்கது.

Read More