பணப்பட்டுவாடா புகார்; முக்கிய நிர்வாகி அறையில் இருந்து ரூ.10 லட்சம் பணம் சிக்கியது

 

மகாராஷ்டிராவில் நாளை (நவ.20) வாக்குப் பதிவு நடைபெற உள்ளது. இந்நிலையில் பா.ஜ.க தேசிய பொதுச் செயலாளர் வினோத் தாவ்டே வாக்காளர்களுக்கு பணப்பட்டுவாடா செய்ததாக புகார் எழுந்துள்ளது. இதனால் அங்கு அரசியல் பதட்டங்கள் அதிகரித்துள்ள.

தவ்டேவின் ஹோட்டல் அறைகளில் இருந்து 9.93 லட்சம் ரூபாய் பறிமுதல் செய்யப்பட்டுள்ளது" என்று தேர்தல் கமிஷன் (EC) அதிகாரி ஒருவர் தெரிவித்தார்.

மூன்று மணி நேர சலசலப்புக்குப் பிறகு, ஹோட்டலில் ஹிதேந்திரா தாக்கூர், அவரது மகன் க்ஷிதிஜ், வினோத் தாவ்டே மற்றும் பாஜக வேட்பாளர் ராஜன் நாயக் ஆகியோரின் கூட்டுப் பத்திரிகையாளர் சந்திப்பு நடத்த முடிவு செய்யப்பட்டது. ஆனால், செய்தியாளர் சந்திப்பு தொடங்கியதும், செய்தியாளர் சந்திப்பு நடத்துவது சட்டவிரோதம் என்று தேர்தல் ஆணைய அதிகாரிகள் கூறி நிறுத்தினர். இந்த விவகாரத்தில் போலீசார் எப்ஐஆர் பதிவு செய்துள்ளனர்.

 ரூ.15 கோடி பணப்பட்டுவாடா? 

விராரில் உள்ள ஒரு ஹோட்டலில் நடந்த சம்பவத்தில், தாவ்டே பணத்துடன் கையும் களவுமாக பிடிபட்டதாக BVA தொண்டர்கள் கூறினர்.  BVA கூற்றுப் படி, தாவ்டே வைத்திருந்த ஒரு பையில் 15 கோடி ரூபாய்  பணப்பட்டுவாடா செய்யப்பட்டதாக குறிப்பு இருந்தது.

5 கோடி பணத்துடன் தாவ்டே வந்ததாக வசாய்-விரார் தொகுதியின் பிவிஏ எம்எல்ஏ ஹிதேந்திரா தாக்கூர் குற்றம் சாட்டினார்.

நளசோபராவின் தற்போதைய எம்.எல்.ஏ.வும், ஹிதேந்திர தாக்கூரின் மகனுமான க்ஷிதிஜ் தாக்கூர், பண விநியோகம் செய்யப்பட்டதாகக் கூறப்படும் விவரங்கள் அடங்கிய டைரியைப் பறித்ததாகக் கூறப்பட்டதால், நிலைமை தீவிரமடைந்தது. திங்கட்கிழமை மாலை அதிகாரப்பூர்வமாக பிரச்சாரம் முடிவடைந்த பின்னர், விரரில் தாவ்டேவின் இருப்பை அவர் கேள்வி எழுப்பினார்.

பாஜகவின் பதில்

பாஜக இந்த குற்றச்சாட்டுகளை நிராகரித்தது, அவை ஆதாரமற்றவை என்றும் அரசியல் உள்நோக்கம் கொண்டது என்றும் கூறியது. பாஜக மூத்த தலைவர் சுதிர் முங்கந்திவார் குற்றச்சாட்டுகளை கேலி செய்து, “வினோத் தாவ்டே ஒரு தேசிய பொதுச் செயலாளர். வார்டு அளவில் பணம் விநியோகிக்கப் போகிறாரா? இத்தகைய கூற்றுக்கள் அபத்தமானது என்றார். 

source https://tamil.indianexpress.com/india/maharashtra-elections-bjps-vinod-tawde-rs-10-lakh-found-7592709