டிட்வா புயல் தாக்கம்: தமிழகத்தில் 3 பேர் பலி, 56,000 ஹெக்டேர் நிலங்கள் நீரில் மூழ்கின - கே.கே.எஸ்.எஸ்.ஆர். தகவல்

 

வங்கக்கடலில் உருவாகி வலுப்பெற்று வரும் 'டிட்வா' புயல், தற்போது சென்னைக்கு தென்கிழக்கே சுமார் 220 கிலோமீட்டர் தூரத்தில் மையம் கொண்டுள்ளது. இந்தப் புயலின் தாக்கத்தால் தமிழகத்தின் கிழக்கு கடலோரப் பகுதிகளில் தொடர்ந்து மழை பெய்து வருகிறது. குறிப்பாக டெல்டா மாவட்டங்களில் பெய்து வரும் கனமழையால் சில தாழ்வான பகுதிகள் வெள்ளத்தில் மூழ்கியுள்ளன.

இந்தச் சூழ்நிலையில், தமிழக வருவாய் துறை அமைச்சர் கே.கே.எஸ்.எஸ்.ஆர். ராமச்சந்திரன், சென்னை எழிலகத்தில் அமைந்துள்ள மாநில பேரிடர் மேலாண்மை கட்டுப்பாட்டு மையத்தில் இன்று (நவம்பர் 30) நேரடியாக ஆய்வு மேற்கொண்டார். அங்கு அதிகாரிகளிடம் நிலைமைகள் குறித்து விசாரித்த அவர், பின்னர் செய்தியாளர்களைச் சந்தித்து தற்போதைய சூழ்நிலை மற்றும் அரசின் நடவடிக்கைகள் குறித்து விரிவாக விளக்கினார்.

செய்தியாளர்களிடம் பேசிய அமைச்சர், தமிழ்நாட்டில் மழை காரணமாக இன்று 3 பேர் உயிரிழந்துள்ளனர். தூத்துக்குடி மற்றும் தஞ்சாவூரில் சுவர் இடிந்து விழுந்ததில் தலா ஒருவர் உயிரிழந்துள்ளனர். மயிலாடுதுறையில் 20 வயது இளைஞர் ஒருவர் மின்சாரம் தாக்கி உயிரிழந்துள்ளார் என்று கூறினார். மேலும் புயல் மற்றும் மழையால் 149 கால்நடைகள் உயிரிழந்துள்ளன. கனமழை மற்றும் சூறைக்காற்று காரணமாக 234 குடிசைகள் மற்றும் வீடுகள் சேதம் அடைந்துள்ளன என்று தெரிவித்தார்.

டிட்வா புயல் கனமழையால் சுமார் 56,000 ஹெக்டேர் நிலங்கள் மழைநீரில் மூழ்கியுள்ளன. குறிப்பாக நாகை, திருவாரூர், மயிலாடுதுறை மாவட்டங்களில் விவசாய நிலங்கள் நீரில் மூழ்கியுள்ளன. விவசாய நிலங்களுக்கான நிவாரணம் குறித்து முதலமைச்சர் முடிவெடுப்பார் என்றும் அமைச்சர் தெரிவித்தார்.

30 11 2025 

source https://tamil.indianexpress.com/tamilnadu/3-dead-kkssr-press-meet-about-ditwh-cyclone-10825102

Read More

டெல்டா மாவட்டங்களில் மழை சேதத்தை ஆய்வு செய்ய ஸ்டாலின் செல்ல வாய்ப்பு: உதயநிதி பேட்டி

 

டித்வா புயல் காரணமாக பல்வேறு மாவட்டங்களில் கனமழை பெய்து வருகிறது. மேலும், கனமழையால் பயிர்கள் மூழ்கி சேதமடைந்துள்ளது. சென்னையில் இன்றும், நாளையும் கனமழை பெய்யும் என்று கூறப்படுகிறது. இந்நிலையில், துணை முதலமைச்சர் உதயநிதி ஸ்டாலின், ரிப்பன் மாளிகையில் உள்ள கட்டுப்பாட்டு மையத்தில் ஆய்வு மேற்கொண்டார்.

தொடர்ந்து செய்தியாளர்களிடம் பேசிய அவர், டித்வா புயல் சென்னைக்கு தென் கிழக்கே நிலைக் கொண்டுள்ளது. அது தமிழ்நாட்டின் கடலோர மாவட்டங்கள் வழியாக நகரக் கூடும் என்று வானிலை ஆய்வு மையம் தெரிவித்துள்ளது. இதனால் தமிழ்நாட்டின் வட மாவட்டங்களில் கனமழை பெய்யக் கூடும் என்று எதிர்பார்க்கப்படுகிறது. நாகை மாவட்டத்தில் இதுவரை 30 செ.மீ மழை பதிவாகியுள்ளது. 

கனமழையின் காரணமாக மீட்பு பணிக்காக மாநில பேரிடர் மீட்பு பணி 16 குழுக்களும் தேசிய பேரிடர் மீட்பு பணியின் 12 குழுக்களும் கடலோர மாவட்டங்களுக்கு அனுப்பி வைக்கப்பட்டுள்ளனர். மேலும், கூடுதலாக 10 தேசிய பேரிடர் மீட்பு குழுவினர்  வரவழைக்க ஏற்பாடு செய்யப்பட்டுள்ளது. மீட்பு பணிகளுக்காக 1,185 படகுகள் தயார் நிலையில் வைக்கப்பட்டுள்ளது. தற்போது வரை பெய்த கனமழையால் சுமார் 20,000  ஹெக்டர் பயிர்கள் நீரில் மூழ்கியுள்ளது. இது தொடர்பான கணக்கெடுப்பு வெள்ளம் வடிந்ததும் நடத்தப்படும்.

 கனமழையின் காரணமாக அதிக மழையை எதிர்கொண்ட மாவட்டங்களில் 26 முகாம்கள் அமைக்கப்பட்டுள்ளன. தமிழ்நாட்டின் வடமாவட்டங்களில் கனமழை பெய்யக் கூடும் என்று எதிர்பார்க்கப்படுகிறது. இத்னால் மக்கள் வீட்டை விட்டு வெளியே வரவேண்டாம் என்று அரசு கேட்டுக்கொள்ளப்படுகிறது. டெல்டா மாவட்டங்களில் சூழலை பொருத்து முதலமைச்சர் மு.க.ஸ்டாலின் அவரே செல்வார் இல்லையென்றால் அமைச்சர்களை அனுப்பி வைப்பார். நிச்சயமாக ஓரிரு நாட்களில் டெல்டா பகுதிகளுக்கு சென்று நாங்கள் ஆய்வு செய்வோம் என்றார்.

source https://tamil.indianexpress.com/tamilnadu/deputy-cm-udhayanidhi-stalin-press-meet-10824810

Read More

 

இரவில் நடந்த திடீர் மாற்றம்; உலர்ந்த காற்றுடன் கடலில் காணாமல் போன டித்வா; ஆனா மழை நிச்சயம்

வங்கக் கடலில் உருவாகி தமிழகத்தை நோக்கி நகர்ந்து வந்த டிட்வா புயல், யாரும் எதிர்பாராத வகையில் கடலிலேயே தனது வலிமையை இழந்து காணாமல் போயுள்ளது. இருப்பினும், தமிழகத்தின் பல பகுதிகளில் கனமழை உறுதியாக பெய்யும் என தனியார் வானிலை ஆய்வாளர் பிரதீப் ஜான் கூறியுள்ளார். இதுகுறித்து அவர் தனது ஃபேஸ்புக் பக்கத்தில் பதிவிட்டுள்ளார்.

கடந்த சில நாட்களாக தமிழ்நாட்டு வானிலை ஆய்வாளர்கள் உன்னிப்பாக கவனித்து வந்த 'டிட்வா' புயல், இரவில் திடீரெனத் திசைமாறி, தனது பலத்தை இழந்துள்ளது. இந்த மாற்றத்திற்குக் காரணம், உலர்ந்த காற்று மற்றும் செங்குத்து காற்று வெட்டு ஆகிய இரண்டு காரணிகள் தான் என்று அவர் தெரிவித்துள்ளார்.

இந்த புயல் அமைப்புக்குத் தேவையான ஈரப்பதத்தை உறிஞ்சிக் கொண்டதால், மேகங்கள் உருவாகும் வாய்ப்பு குறைந்தது.காற்றின் திசை மற்றும் வேகத்தில் ஏற்பட்ட வேறுபாடு காரணமாக, புயலின் மைய அமைப்பு சிதைக்கப்பட்டது. இதன் விளைவாக, புயல் டிட்வா தற்போது வெறும் வெப்ப மண்டல காற்றழுத்த தாழ்வு மண்டலமாக மாறியுள்ளது. இது மேகங்கள் அற்ற, ஒரு 'வெற்று ஷெல்' போல கடலில் மிதப்பதாக வானிலை ஆய்வாளர் பிரதீப் ஜான் தெரிவித்துள்ளார்.

புயலின் நகர்வில் ஏற்பட்ட மாற்றம் ஒருபுறம் இருக்க, அதன் தாக்கத்தால் தமிழகத்தின் பல பகுதிகளில் ஏற்கெனவே கனமழை பதிவாகியுள்ளது. மயிலாடுதுறையில் மிக அதிகபட்சமாக 140 மி.மீ முதல் 220 மி.மீ வரை மிகக் கனமழை கொட்டித் தீர்த்துள்ளது. தஞ்சாவூர் மற்றும் திருவாரூர் உட்பட மற்ற டெல்டா மாவட்டங்களிலும் நல்ல மழை பதிவாகியுள்ளது. தென் மாவட்டங்களான சிவகங்கை மற்றும் ராமநாதபுரம் பகுதிகளிலும் குறிப்பிடத்தக்க மழை கிடைத்துள்ளது.

காற்றழுத்த தாழ்வு மண்டலமாகச் சுருங்கிவிட்ட அமைப்பில் தற்போது மேகங்கள் இல்லை என்றாலும், அடுத்த 24 மணி நேரத்தில் வட தமிழகத்தில் மீண்டும் மேகமூட்டம் திரள வாய்ப்புள்ளதாக வானிலை மாதிரிகள் கணிக்கின்றன. இன்று பிற்பகலுக்குப் பிறகு வேலூர், ராணிப்பேட்டை உள்ளிட்ட வட தமிழகத்தின் மையப் பகுதிகளில் மேகங்கள் மீண்டும் உருவாகும் என எதிர்பார்க்கப்படுகிறது. இந்த காற்றழுத்த தாழ்வு மண்டலம்  சென்னையை நெருங்கி வர வாய்ப்புள்ளது. டித்வா புயல் காணாமல் போனாலும், அதன் தாக்கத்தால் வட தமிழகம் உட்பட பல பகுதிகளில் நல்ல மழைக்கான வாய்ப்பு நீடிப்பதால், பொதுமக்கள் அதற்கேற்ப தயாராக இருக்க அறிவுறுத்தப்படுகிறார்கள்.

source https://tamil.indianexpress.com/tamilnadu/pradeep-john-updates-about-ditwah-cyclone-10824699

Read More

ஊழல் உச்சம்

 

Read More

ஊடுருவல்காரர்கள் ஊடுருவி ஆதார் கார்டு எடுக்கும் வரை உள்துறை அமைச்சகம், மற்றும் Raw, IB உளவு அமைப்புகள் என்ன செய்து கொண்டு இருந்தது.. !!?🤔🤔

 

Read More

#ஓட்டுத்திருட்டு செய்ய... செம்ம மாஸ்டர் பிளான்யா இது...

நவம்பர் 4ஆம் தேதியே அறிவிக்காமல்...

BLO மற்றும் BLA உள்ளிட்ட அனைத்து தமிழர்களையயும்... 2002 / 2005 தகவல்களை தேடி எடுக்கும்படி மிகவும் வாட்டி வதைத்து கஷ்டப்படுத்தி விட்டு...

இப்போது கடைசி நேரத்தில் "அது தேவை இல்லை" என்று வெளியிட என்ன காரணம்...?!

கடந்த சில ஆண்டுகளாக தமிழ்நாட்டுக்குள் ஊடுருவி... 2021 மற்றும் 2024 வாக்காளர் பட்டியலில் இடம்பிடித்த...

பாஜகவின் ஓட்டு வங்கியான...

அந்த 11% அந்நியர்கள் எல்லாரையும்... தமிழ்நாட்டின் 2025 SIR பட்டியலில் சேர்க்க வேண்டும் என்றால்...

"அந்த 2002 / 2005 விபரங்கள் வேண்டாம்"

என்று சொன்னால்தானே சாத்தியம்... என்பதை எவராலும் புரிந்து கொள்ள முடியுமல்லவா..?!

27 11 2025

#ஓட்டுத்திருட்டு செய்ய...

செம்ம மாஸ்டர் பிளான்யா இது...

#பாஜகவின்_திருட்டுத்_தேர்தல்_ஆணையம் .

source Sun news & FB Page Yahiya Khan

Read More

எஸ்.ஐ.ஆர் படிவத்தில் உறவினர் பெயர் கட்டாயமில்லை: தமிழக தலைமைத் தேர்தல் அதிகாரி விளக்கம்

 

எஸ்.ஐ.ஆர் படிவத்தில் உறவினர் பெயர் கட்டாயமில்லை: தமிழக தலைமைத் தேர்தல் அதிகாரி விளக்கம்

தமிழகத்தில் நடைபெற்று வரும் சிறப்பு வாக்காளர் பட்டியல் திருத்தப் பணிக்கான கணக்கீட்டு படிவங்களை பூர்த்தி செய்து சமர்ப்பிக்க டிசம்பர் 4-ம்தேதி வரை மட்டுமே கால அவகாசம் உள்ளது என்றும், அதற்குள் படிவத்தை சமர்ப்பிக்காதவர்களின் பெயர்கள் வரைவு வாக்காளர் பட்டியலில் இடம்பெறாது என்றும் தமிழக தலைமை தேர்தல் அதிகாரி அர்ச்சனா பட்நாயக் எச்சரித்துள்ளார். செய்தியாளர் சந்திப்பில் அவர் வெளியிட்ட முக்கிய அறிவிப்புகள் பற்றி இங்கு பார்ப்போம்.

சிறப்புத் தீவிர திருத்தப் பணியை வெற்றிகரமாக முடிப்பதற்காக 38 மாவட்ட தேர்தல் அதிகாரிகள், 234 வாக்காளர் பதிவு அலுவலர்கள் மற்றும் 68,467 வாக்குச்சாவடி நிலை அலுவலர்கள் எனத் தேர்தல் துறை முழு வீச்சில் களமிறங்கியுள்ளது. தமிழகத்தில் உள்ள 6.41 கோடி வாக்காளர்களில், இதுவரை 6.23 கோடி வாக்காளர்களுக்குக் கணக்கீட்டு படிவங்கள் விநியோகிக்கப்பட்டுள்ளன.

வாக்காளர்களுக்கு முக்கிய அறிவுறுத்தல்கள்:

கணக்கீட்டு படிவங்களைப் பெற்ற வாக்காளர்கள் கடைசி நேர நெரிசலைத் தவிர்க்க, டிச.4 வரை காத்திருக்காமல் உடனடியாகப் பூர்த்தி செய்து வாக்குச்சாவடி நிலை அலுவலர், உதவி மையங்களில் சமர்ப்பிக்க வேண்டும். டிசம்பர் 4-ம் தேதிக்குள் கணக்கீட்டு படிவத்தைச் சமர்ப்பிக்காத வாக்காளர்களின் பெயர்கள், டிச.9 அன்று வெளியிடப்படவுள்ள வரைவு வாக்காளர் பட்டியலில் இடம்பெறாது.

3 முறை அதிகாரிகள் வீடு தேடிச் சென்றும் கணக்கீட்டு படிவம் வழங்க முடியாத வாக்காளர்களின் பெயர்களும் வரைவுப் பட்டியலில் இடம்பெறாது எனத் தெரிவிக்கப்பட்டுள்ளது.

பெயர் விடுபட்டால் என்ன செய்வது?

வரைவுப் பட்டியலில் பெயர் இல்லை என்றால், படிவம் 6-உடன் உறுதிமொழிப் படிவத்தை இணைத்துப் புதிதாக விண்ணப்பிக்கலாம். 2002/2005 வாக்காளர் பட்டியலில் தங்கள் பெயரையோ, உறவினர் பெயரையோ கண்டறிய முடியாதவர்கள், பிற விவரங்களை நிரப்பி டிசம்பர் 4-க்குள் படிவத்தை ஒப்படைத்தால், அவர்களது பெயர் வரைவுப் பட்டியலில் சேர்க்கப்படும்.

அங்கீகரிக்கப்பட்ட 12 அரசியல் கட்சிகளைச் சேர்ந்த 2,44,685 வாக்குச்சாவடி நிலை முகவர்கள் இப்பணியில் ஈடுபட்டுள்ளனர். ஒரு முகவர் ஒரு நாளைக்கு அதிகபட்சம் 50 கணக்கீட்டு படிவங்களை மட்டுமே உறுதிமொழியுடன் அதிகாரிகளிடம் சமர்ப்பிக்க அனுமதிக்கப்படுவர்.

முக்கியத் தேதிகள் (Timeline)

வரைவு வாக்காளர் பட்டியல் வெளியீடு: 09.12.2025

பெயர் சேர்த்தல்/நீக்கல்/திருத்தம் (Claims and Objections): 09.12.2025 முதல் 08.01.2026 வரை.

விசாரணை காலம் (Notice Phase): 09.12.2025 முதல் 31.01.2026 வரை.

இறுதி வாக்காளர் பட்டியல் வெளியீடு: 07.02.2026.

வாக்காளர்கள் முழு ஒத்துழைப்பு அளித்து, இந்த ஜனநாயகக் கடமையை நிறைவேற்றுமாறு தலைமை தேர்தல் அதிகாரி கேட்டுக்கொண்டு உள்ளார்

source https://tamil.indianexpress.com/tamilnadu/deadline-alert-submit-voter-verification-forms-by-dec-4-or-risk-name-deletion-tn-chief-electoral-officer-announcements-special-summary-revision-timeline-key-instructions-10818751

Read More

சம்பளம் பெறும் ஊழியர்கள் தெரிந்துகொள்ள வேண்டியது கட்டாயம்; கிராஜுவிட்டி விதிகளில் 5 முக்கிய மாற்றங்கள்

 

கிராஜுவிட்டி விதிகள் மாற்றம் 2025: சம்பளம் பெறும் அனைத்து ஊழியர்களுக்கும் 5 முக்கியப் புதுப்பிப்புகள்

இந்தியாவின் புதிய தொழிலாளர் சட்ட விதிகள் நவம்பர் 2025-ல் அமல்படுத்தப்பட்டதன் மூலம், கிராஜுவிட்டி விதிகளில் கடந்த பல தசாப்தங்களில் இல்லாத மிகப்பெரிய மாற்றம் ஏற்பட்டுள்ளது. நிலையான கால ஊழியர்களுக்கான தகுதிக் காலம் குறைக்கப்பட்டது முதல், கணக்கீட்டிற்காக அதிக ஊதியக் கூறுகள் சேர்க்கப்படுவது வரை, புதிய அமைப்பு அதிகத் தொகை வழங்கலையும், பரந்த கவரேஜையும் உறுதி செய்கிறது. 2025-ல் சம்பளம் பெறும் ஒவ்வொரு ஊழியரும் தெரிந்து கொள்ள வேண்டிய கிராஜுவிட்டி விதிகளில் உள்ள மிக முக்கியமான ஐந்து மாற்றங்கள் இங்கே கொடுக்கப்பட்டுள்ளன.

கிராஜுவிட்டி விதிகள் மாற்றம் 2025: சம்பளம் பெறும் அனைத்து ஊழியர்களுக்கும் 5 முக்கியப் புதுப்பிப்புகள்

கடினமான துறைகளில் பணிபுரியும் கோடிக்கணக்கான தொழிலாளர்களின் வாழ்க்கைத் தரத்தை உறுதி செய்வதற்காக, அரசாங்கம் தொடர்ந்து தொழிலாளர் சட்டங்களைச் சீர்திருத்தி வருகிறது. 

கடந்த ஐந்து ஆண்டுகளில் ஓய்வூதியம் மற்றும் ஊதியச் சீர்திருத்தங்கள் என்று வரும்போது, கிராஜுவிட்டி என்பது குறைவாகக் கவனம் செலுத்தப்பட்ட ஒரு பகுதியாகும். கடைசியாக 2018-ல் கிராஜுவிட்டி விதியில் பெரிய மாற்றம் கொண்டு வரப்பட்டது, அப்போது வரி விலக்கு அளிக்கப்பட்ட கிராஜுவிட்டி உச்சவரம்பு ரூ.10 லட்சத்திலிருந்து ரூ.20 லட்சமாக உயர்த்தப்பட்டது.

கடந்த 6 ஆண்டுகளாக, இந்தியாவில் தனியார் துறை ஊழியர்களுக்கான கிராஜுவிட்டி விதிகள் ஏறக்குறைய அப்படியே இருந்தன. ஆனால், நவம்பர் 21, 2025 முதல் புதிய தொழிலாளர் குறியீடுகள் அமல்படுத்தப்பட்டதன் காரணமாக, கிராஜுவிட்டி சட்டங்களில் பல தசாப்தங்களில் இல்லாத மிகப்பெரிய மாற்றத்தை 2025 குறிக்கிறது.

இந்தச் சீர்திருத்தங்கள் கிராஜுவிட்டிக்கு யார் தகுதியுடையவர்கள் என்பதை விரிவுபடுத்துவது மட்டுமல்லாமல், அது எவ்வாறு கணக்கிடப்படுகிறது, வரி விதிக்கப்படுகிறது மற்றும் கணக்கிடப்படுகிறது என்பதையும் மறுவரையறை செய்துள்ளன. நிலையான கால ஊழியர்கள் (Fixed-term employees) வெறும் ஓராண்டில் தகுதி பெறுவது முதல், கணக்கீட்டிற்கான "ஊதியம்" என்ற வரையறை விரிவுபடுத்தப்பட்டது வரை, ஊழியர்கள் மற்றும் முதலாளிகள் இருவருக்கும் நிலைமை கணிசமாக மாறிவிட்டது.

2025-ல் சம்பளம் பெறும் ஒவ்வொரு ஊழியரும் கட்டாயம் தெரிந்து கொள்ள வேண்டிய ஐந்து பெரிய கிராஜுவிட்டி விதி மாற்றங்கள் இங்கே கொடுக்கப்பட்டுள்ளன.

1. நிலையான கால மற்றும் ஒப்பந்த ஊழியர்கள் இனி 1 வருட சேவைக்குப் பிறகு கிராஜுவிட்டி பெறுவார்கள்

முன்பு, பணம் செலுத்துதல் கிராஜுவிட்டி சட்டம், 1972-ன் கீழ் கிராஜுவிட்டி பெற ஐந்து ஆண்டுகள் தொடர்ச்சியான சேவை தேவைப்பட்டது. இதன் பொருள், திட்ட அடிப்படையில் பணிபுரியும் ஊழியர்கள், ஒப்பந்த ஊழியர்கள் மற்றும் நிலையான கால ஊழியர்கள் - அவர்கள் 4 ஆண்டுகளுக்கும் மேலாகப் பணிபுரிந்திருந்தாலும் - கிராஜுவிட்டி பெறுவது அரிது.

இது இப்போது மாறிவிட்டது. புதிய தொழிலாளர் குறியீடுகளின் கீழ், நிலையான கால ஊழியர்களும் (FTEs) நிரந்தர ஊழியர்களைப் போலவே, ஓராண்டு சேவைக்குப் பிறகு கிராஜுவிட்டி பெறத் தகுதியுடையவர்கள் ஆவார்கள்.

இது ஊழியர்களுக்கு மிகவும் சாதகமான சீர்திருத்தங்களில் ஒன்றாகும். குறிப்பாக ஐ.டி. சேவைகள், ஊடகங்கள், உற்பத்தி மற்றும் கட்டுமானம் போன்ற ஒப்பந்தப் பணி பொதுவான துறைகளில் இது பெரிய மாற்றத்தை ஏற்படுத்தும். இந்த மாற்றத்தின் மூலம், மில்லியன் கணக்கான தொழிலாளர்கள், அவர்களின் ஒப்பந்தம் ஐந்து ஆண்டு காலத்திற்கு முன்பே முடிவடைவதால், சலுகைகளை இழக்க மாட்டார்கள்.

2. "ஊதியம்" என்ற விரிவாக்கப்பட்ட வரையறை கிராஜுவிட்டி தொகையை அதிகரிக்கும் வாய்ப்பு

மிகவும் தாக்கத்தை ஏற்படுத்தக்கூடிய சீர்திருத்தங்களில் ஒன்று, "ஊதியம்" என்பதற்கான புதிய, விரிவாக்கப்பட்ட வரையறை ஆகும். பழைய அமைப்பின் கீழ், கிராஜுவிட்டி பெரும்பாலும் அடிப்படைச் சம்பளத்தின் அடிப்படையில் கணக்கிடப்பட்டது. இதனால் இறுதித் தொகை குறைவாக இருந்தது. புதிய தொழிலாளர் குறியீடுகள் ஒரு சீரான ஊதிய அமைப்பை அறிமுகப்படுத்துகின்றன. இதில் பல ஊதியக் கூறுகள் "ஊதியத்தின்" கீழ் வருகின்றன, மேலும் கொடுப்பனவுகள் (Allowances) மொத்த இழப்பீட்டில் 50%க்கு மிகாமல் இருக்க வேண்டும். இதன் பொருள், கிராஜுவிட்டி உட்பட ஓய்வூதியம் மற்றும் பிற ஓய்வுக் காலப் பலன்கள் மொத்த ஊதியத்தில் 50% அடிப்படையில் கணக்கிடப்படும். இருப்பினும், கிராஜுவிட்டி கணக்கீட்டு சூத்திரம் அப்படியே இருக்கும்.

இதன் பொருள்: கிராஜுவிட்டி கணக்கீடு ஒரு பரந்த சம்பள அடிப்படையின் அடிப்படையில் இருக்கும். மேலும், இறுதி கிராஜுவிட்டி வழங்கல் பல ஊழியர்களுக்கு 25% முதல் 50% வரை உயரக்கூடும். நீண்ட கால ஊழியர்களுக்கு, இது ஓய்வுக் கால நிதியை கணிசமாக அதிகரிக்கலாம்.

3. வரி விலக்கு அளிக்கப்பட்ட கிராஜுவிட்டி வரம்புகள் தெளிவுபடுத்தல் அல்லது மேம்பாடு

தனியார் துறை ஊழியர்களுக்கான வரி விலக்கு அளிக்கப்பட்ட கிராஜுவிட்டி உச்சவரம்பு ரூ.20 லட்சமாக இருக்கும் நிலையில், மத்திய அரசு ஊழியர்கள் போன்ற சில பிரிவுகளுக்கு இப்போது ரூ.25 லட்சம் என்ற உயர் வரம்பு உள்ளது என்று அரசாங்கம் தெளிவுபடுத்தியுள்ளது.

முன்னர் அறிமுகப்படுத்தப்பட்டு, இப்போது புதிய கட்டமைப்பின் கீழ் மீண்டும் உறுதிப்படுத்தப்பட்டுள்ள இந்தத் திருத்தத்தில், தனியார் துறை ஊழியர்கள் கிராஜுவிட்டிக்கு ரூ.20 லட்சம் என்ற வரி விலக்கு வரம்பைத் தொடர்ந்து பெறுவார்கள். மத்திய அரசு ஊழியர்களைப் பொறுத்தவரை, இந்த வரி விலக்கு அளிக்கப்பட்ட கிராஜுவிட்டி வரம்பு ரூ.25 லட்சமாக நீடிக்கும்.

4. நிரந்தர ஊழியர்களுக்கு மட்டுமல்லாமல், அதிகமான தொழிலாளர்களுக்கு கிராஜுவிட்டி கவரேஜ் நீட்டிப்பு

2025 தொழிலாளர் சீர்திருத்தங்கள் கிராஜுவிட்டி உரிமைகளை பல வகைகளுக்கும் விரிவுபடுத்தியுள்ளன: நிலையான கால ஊழியர்கள், ஒப்பந்த ஊழியர்கள், பருவகால ஊழியர்கள் (விகிதாசார கிராஜுவிட்டி), மற்றும் திட்டம் அல்லது பணி அடிப்படையிலான பணிகளில் பணிபுரியும் ஊழியர்கள்.

இந்த விரிவாக்கம், இந்தியாவில் உள்ள சங்கடமான வேலைவாய்ப்புகளில் கிட்டத்தட்ட உலகளாவிய கிராஜுவிட்டி கவரேஜை வழங்குகிறது. இது உலகளாவிய தொழிலாளர் தரங்களுக்கு இந்தியாவைக் கொண்டு செல்கிறது.

அதிக ஊழியர்கள் விலகும் அல்லது திட்ட சுழற்சிகளைக் கொண்ட தொழில்களுக்கு, இந்தச் சீர்திருத்தம் ஊழியர்களைத் தக்கவைத்துக்கொள்வதையும், தொழிலாளர்களின் மன உறுதியையும் கணிசமாக மேம்படுத்துகிறது.

5. நிதிநிலை அறிக்கைகளில் கிராஜுவிட்டி பொறுப்பை நிறுவனங்கள் மிகவும் வெளிப்படையாக அங்கீகரிக்க வேண்டும்

புதிய விதிகளின்படி, முதலாளிகள் Ind AS 19 / AS 15-க்கு இணங்க கிராஜுவிட்டி கடமைகளை நிதிநிலை அறிக்கைகளில் கணக்கில் காட்ட வேண்டும்.

இதன் பொருள்:

நிறுவனங்கள் கிராஜுவிட்டி பொறுப்புகளை மிகவும் தெளிவாக வெளிப்படுத்த வேண்டும்.

அதிக கிராஜுவிட்டி வழங்கல்கள் (ஊதிய வரையறை மாற்றங்கள் காரணமாக) நிறுவனத்தின் இருப்புநிலைக் குறிப்புகளைப் பாதிக்கும்.

எதிர்கால பொறுப்புகளை நிர்வகிக்க மனிதவளக் குழுக்கள் இழப்பீட்டு அமைப்பை மறுசீரமைக்கலாம்.

இது முதலாளிகளுக்கு இணக்க அழுத்தத்தைச் சேர்த்தாலும், இது மறைமுகமாக ஊழியர்களுக்குப் பயனளிக்கிறது — வெளிப்படைத்தன்மை என்றால், சரியான நேரத்தில் கிராஜுவிட்டி செலுத்துவதற்கு நிறுவனங்கள் அதிகப் பொறுப்பேற்க வேண்டும்.

என்ன மாறவில்லை?

பெரிய கட்டமைப்பு மாற்றங்கள் இருந்தபோதிலும், சில அடிப்படைகள் அப்படியே இருக்கின்றன:

கிராஜுவிட்டி சூத்திரம் தொடர்கிறது: 15/26 × கடைசியாகப் பெற்ற ஊதியம் × சேவை ஆண்டுகள்.

ஓய்வு, இராஜினாமா, பணி நீக்கம் (பல சந்தர்ப்பங்களில்), இறப்பு அல்லது இயலாமை (குறைந்தபட்ச சேவை தேவையில்லை) ஆகியவற்றின் போது கிராஜுவிட்டி செலுத்தப்படும்.

நிரந்தர ஊழியர்களுக்கு, புதிய குறியீட்டின் கீழ் வரும் நிலையான கால ஒப்பந்தப் பிரிவில் இல்லாவிட்டால், 5 ஆண்டுகள் குறைந்தபட்ச சேவை விதி இன்னும் பொருந்தும்.

2025 சீர்திருத்தங்கள், இந்தியா தொழிலாளர் பலன்களைக் கையாளும் விதத்தில் ஒரு கட்டமைப்பு மாற்றத்தைக் குறிக்கின்றன:

அதிக தொழிலாளர்கள் உள்ளடக்கப்படுகிறார்கள்.

அதிக வழங்கல்கள் எதிர்பார்க்கப்படுகின்றன.

சிறந்த வரி தெளிவு.

பல ஊழியர்களுக்கு விரைவான தகுதி.

வேலை மாறுதல், ஒப்பந்தப் பணிகள் மற்றும் குறுகிய கால வேலைகள் பெருகி வரும் ஒரு நாட்டில், இந்த மாற்றங்கள் நவீன பணியாளர்களுக்கு அதிக நேர்மையையும் நிதிப் பாதுகாப்பையும் கொண்டு வருகின்றன.

அதே நேரத்தில், ஊழியர்கள் தங்கள் மொத்த இழப்பீட்டுப் பிரிவுகள் (CTC breakup), வேலைவாய்ப்புப் பிரிவு மற்றும் மனிதவளக் கொள்கைப் புதுப்பிப்புகளைக் கூர்ந்து ஆராய வேண்டும் - ஏனெனில் இந்த மாற்றங்கள் அவர்களின் கிராஜுவிட்டி உரிமையைத் நேரடியாகப் பாதிக்கலாம்.

source https://tamil.indianexpress.com/business/five-big-gratuity-rule-changes-every-salaried-employee-must-know-in-2025-10818934

Read More

ஆன்லைன் உள்ளடக்கத்திற்கு கடுமையான விதிகள் சுப்ரீம் கோர்ட் பரிந்துரை: ஆதார் மூலம் வயது சரிபார்ப்புக்கு யோசனை

 

“நீங்கள் பார்க்க வேண்டாம் என்று முடிவு செய்வதற்குள், நிகழ்ச்சி தொடங்கிவிடுகிறது. எச்சரிக்கை சில வினாடிகளுக்கு இருக்கலாம்... பின்னர், உங்கள் ஆதார் அட்டை போன்றவற்றைச் சரிபார்க்கக் கேட்கலாம்” என்று நீதிபதி பாக்ஜி கூறினார்.

சமூக ஊடகங்களில் உள்ளடக்கத்தைக் கண்காணிக்க ஒரு சுயாதீன அமைப்பு தேவை என்று உச்ச நீதிமன்றம் வியாழக்கிழமை கூறியதுடன், “சுயமாக உருவாக்கப்பட்ட” வழிமுறைகள் போதாது என்று கவலை தெரிவித்தது. அத்துடன், ஆன்லைன் உள்ளடக்கங்களை அணுகுவதற்கு ஒரு நபரின் ஆதார் எண்ணைப் பயன்படுத்தி அவர்களின் வயதைச் சரிபார்க்க முடியுமா என்றும் நீதிமன்றம் கேள்வி எழுப்பியது.

தலைமை நீதிபதி சூர்ய காந்த் மற்றும் நீதிபதி ஜோய்மல்யா பாக்ஜி ஆகியோர் அடங்கிய அமர்வு, யூடியூபர் ரன்வீர் அல்லாஹ்பாடியா மற்றும் சமைய் ரைனாவின் 'இந்தியாஸ் காட் லேட்டன்ட்' நிகழ்ச்சியில் ஆபாசமான கருத்துகளைத் தெரிவித்ததாகக் கூறப்படும் எஃப்.ஐ.ஆர்-களை எதிர்த்துத் தாக்கல் செய்த மனுக்களை விசாரித்தபோது இந்தக் கருத்தைத் தெரிவித்தனர்.

மத்திய அரசின் சார்பில் ஆஜரான சொலிசிட்டர் ஜெனரல் துஷார் மேத்தா, “நாம் ஆபாசத்துடன் மட்டுமல்லாமல், அதிகப்படியான வக்கிரத்தன்மையுடனும் கையாள்கிறோம்... ஏதோ ஒன்று செய்யப்பட வேண்டும். பயனர் உருவாக்கும் உள்ளடக்கம் என்று அழைக்கப்படுவதில் சில குறைபாடுகள் உள்ளன. நான் எனது சொந்த யூடியூப் சேனலை உருவாக்கலாம், எனது சொந்த நிகழ்ச்சியை நடத்தலாம். நான் எந்தச் சட்டப்பூர்வ விதிகளாலோ அல்லது சுய-விதிகளாலோ கட்டுப்படுத்தப்படுவதில்லை” என்றார்.

மத்திய அரசு சில புதிய வழிகாட்டுதல்களை முன்மொழிந்ததாக அட்டர்னி ஜெனரல் ஆர். வெங்கடரமணி தெரிவித்தார்.

இந்த விவகாரத்தில் பேச்சு சுதந்திரம் குறித்த கேள்விகள் எழுவதால், இறுதி செய்வதற்கு முன் பரவலான பொது ஆலோசனைகள் நடத்தப்பட வேண்டும் என்று தலையிடுபவர் சார்பில் ஆஜரான வழக்கறிஞர் பிரசாந்த் பூஷன் கூறினார். இதற்கு தொடர்புடைய தரப்புகளுடன் கலந்தாலோசனை இருக்கும் என்று வெங்கடரமணி உறுதியளித்தார்.

இந்திய ஒலிபரப்பு மற்றும் டிஜிட்டல் அறக்கட்டளை சார்பில் ஆஜரான மூத்த வழக்கறிஞர் அமித் சிபல், தகவல் தொழில்நுட்ப இடைநிலை வழிகாட்டுதல்கள் மற்றும் டிஜிட்டல் மீடியா நெறிமுறைகள் குறியீடு விதிகள் 2021 என்ற வடிவத்தில் ஏற்கனவே ஒழுங்குமுறை இருப்பதாகக் கூறினார். இந்த விதிகள் டெல்லி உயர் நீதிமன்றத்தில் சவாலுக்கு உள்ளாகியுள்ளது என்றும் அவர் கூறினார்.

சில விதிகள் நிறுத்தி வைக்கப்பட்டிருந்தாலும், நெட்ஃபிக்ஸ் போன்ற ஓ.டி.டி தளங்கள் தாமாகவே முன்வந்து இந்தக் குறியீட்டைப் பின்பற்றுகின்றன என்று சிபல் கூறினார். புகார்களைக் கையாள்வதற்காக நீதிபதி (ஓய்வு பெற்ற) கீதா மிட்டல் தலைமையில் ஒரு பொறிமுறையும் இருப்பதாகவும் அவர் மேலும் கூறினார்.

‘நாம் ஒரு பொறுப்பான சமூகத்தை உருவாக்க வேண்டும்’

சுய-ஒழுங்குமுறை இந்தச் சிக்கலைத் தீர்க்க எவ்வளவு பயனுள்ளதாக இருக்கிறது என்று தலைமை நீதிபதி சூர்ய காந்த் ஆச்சரியம் தெரிவித்தார். அது உண்மையில் வேலை செய்கிறது என்றால், ஏன் இத்தகைய நிகழ்வுகள் மீண்டும் மீண்டும் நிகழ்கின்றன என்று அவர் கேள்வி எழுப்பினார். அவர் ஒரு சுயாதீன பொறிமுறையின் தேவையை வலியுறுத்தினார். “சுயமாக உருவாக்கப்பட்ட அமைப்புகள் உதவாது... இதைப் பயன்படுத்துபவர்களின் ஆதிக்கத்திலிருந்தும், அரசின் ஆதிக்கத்திலிருந்தும் விடுபட்ட ஒரு நடுநிலையான, சுயாதீன அமைப்பு ஒரு ஒழுங்குமுறை நடவடிக்கையாகத் தேவை” என்று தலைமை நீதிபதி கூறினார்.

உள்ளடக்கத்தில் ஆபாசம் மட்டுமல்ல, வக்கிரத்தன்மையும் அதிகம் இருப்பதாக சொலிசிட்டர் ஜெனரல் துஷார் மேத்தா சமர்ப்பித்ததை அடுத்து, ஒரு முன்கூட்டிய எச்சரிக்கை இருக்கலாம் என்று தலைமை நீதிபதி சூர்ய காந்த் கூறினார்.

“பேச்சுரிமை மதிக்கப்பட வேண்டும், ஒரு நிகழ்ச்சி உள்ளது என்று வைத்துக்கொள்வோம், அதில் பெரியவர்களுக்கான உள்ளடக்கம் இருந்தால், முன்கூட்டியே சில எச்சரிக்கைகள் இருக்க வேண்டும்” என்று தலைமை நீதிபதி சூர்ய காந்த் கூறினார். “பேச்சுரிமை பாதுகாக்கப்பட வேண்டும், ஆனால் அது ஏற்படுத்தும் தாக்கத்தைப் பாருங்கள்... தடுப்பு நடவடிக்கைகள் இருக்க வேண்டும்” என்று நீதிபதி பாக்ஜி கூறினார்.

பின்னர் நீதிபதி பாக்ஜி பேசியபோது, “சிக்கல் என்னவென்றால், ஒரு எச்சரிக்கை கொடுக்கப்படுகிறது, பின்னர் நிகழ்ச்சி தொடங்குகிறது. ஆனால் நீங்கள் பார்க்க வேண்டாம் என்று முடிவு செய்வதற்குள், அது தொடங்கிவிடுகிறது. எச்சரிக்கை சில வினாடிகளுக்கு இருக்கலாம்... பின்னர், உங்கள் வயதைச் சரிபார்ப்பதற்காக உங்கள் ஆதார் அட்டை போன்றவற்றைச் சரிபார்க்கக் கேட்கலாம், அதன் பிறகு நிகழ்ச்சி தொடங்கலாம்” என்று யோசனை தெரிவித்தார்.

இது ஒரு எடுத்துக்காட்டுக்கான பரிந்துரை மட்டுமே என்று தலைமை நீதிபதி காந்த் கூறினார். “ஒரு சோதனை அடிப்படையில் ஏதாவது வரட்டும், அது பேச்சு மற்றும் கருத்துச் சுதந்திரத்தைத் தடை செய்தால், அதை அப்போது பார்க்கலாம். நாம் ஒரு பொறுப்பான சமூகத்தை உருவாக்க வேண்டும், அது நடந்தால், பெரும்பாலான சிக்கல்கள் தீர்க்கப்படும்” என்று தலைமை நீதிபதி மேலும் கூறினார்.

சில வழக்கறிஞர்கள் பேச்சு சுதந்திரம் குறித்துக் கவலை எழுப்பியபோது, “யாரையும் வாய்மூடச் செய்யும் எதற்கும் நாங்கள் ஆதரவாக இல்லை” என்று அமர்வு கூறியது. “நீங்கள் அனைவரும் ஒரு நடவடிக்கையுடன் வந்தால், நாங்கள் ஒழுங்குமுறை நடவடிக்கைகளைப் பரிந்துரைக்க மாட்டோம். நீங்கள் அனைவரும் இதுபோன்ற மற்றும் பிற சங்கங்கள் உள்ளன என்று கூறுகிறீர்கள்... அப்படியானால் ஏன் இத்தகைய நிகழ்வுகள் நிகழ்கின்றன?” என்று தலைமை நீதிபதி சூர்ய காந்த் கேள்வி எழுப்பினார்.

மேலும், மாற்றுத் திறனாளிகள் பற்றி கேலிப் பேச்சுகள் பேசியதாகக் கூறி சமைய் ரைனா, விபுன் கோயல், பல்ராஜ் பரம்ஜீத் சிங் காய், சோனாலி தக்கார் மற்றும் நிஷாந்த் ஜகதீஷ் தன்வார் ஆகிய நகைச்சுவையாளர்களை குற்றம் சாட்டி எம்/எஸ் எஸ்.எம்.ஏ (Spinal Muscular Atrophy) க்யூர் அறக்கட்டளை தாக்கல் செய்த மனுவையும் நீதிமன்றம் விசாரித்தது. மாற்றுத் திறனாளி நபர்கள் மீதான இத்தகைய அணுகுமுறைகளைக் கையாள, பட்டியலின/பழங்குடியின சட்டங்களுக்கு (SC/ST Act) இணையாகச் சட்டங்கள் இருக்க வேண்டுமா என்றும் நீதிமன்றம் கேள்வி எழுப்பியது.

“பட்டியலின/பழங்குடியின சட்டங்களுக்கு இணையாக மிகவும் கடுமையான ஒரு சட்டம் பற்றி ஏன் சிந்திக்கக் கூடாது... நீங்கள் அவர்களை இழிவுபடுத்தினால் தண்டனை இருக்கும். அதே அடிப்படையில்” என்று தலைமை நீதிபதி எஸ்ஜி மேத்தாவிடம் கூறினார். அதற்கு, நகைச்சுவை மற்றவர்களின் கண்ணியத்தின் விலையில் இருக்கக்கூடாது என்று அவர் ஒப்புக்கொண்டார்.

source https://tamil.indianexpress.com/india/supreme-court-suggests-tougher-rules-for-online-content-suggests-aadhaar-age-checks-and-sg-arguments-10818911

Read More

அதையே இப்பதான் கண்டுபிடிக்கிறீர்களா

 

Read More

கைபேசியில் அகப்பட்ட தலைமுறை!!

கைபேசியில் அகப்பட்ட தலைமுறை!! சகோ.ஷமீம் அப்துல் காதர் மாநில மாணவரணி ஒருங்கிணைப்பாளர்,TNTJ மாநிலத் தர்பியா - (15,16.11.2025) பொள்ளாச்சி

Read More

இறைநெருக்கம் பெற்றுதரும் நேசம்!

இறைநெருக்கம் பெற்றுதரும் நேசம்! E.பாரூக் (தணிக்கைக்குழு உறுப்பினர்,TNTJ) அமைந்தகரை ஜுமுஆ - 14.11.2025

Read More

ஐந்து தூண்களும் சமுதாய நலன்களும்

ஐந்து தூண்களும் சமுதாய நலன்களும் N.தவ்ஹீத் (பேச்சாளர், TNTJ) TNTJ தலைமையகம் ஜுமுஆ உரை - 21.11.2025

Read More

S.I.R வாக்குரிமை சோதனையல்ல! வாழ்வுரிமை சோதனை!

S.I.R வாக்குரிமை சோதனையல்ல! வாழ்வுரிமை சோதனை! M.ஷம்சுல்லுஹா ரஹ்மானி (மேலாண்மைக்குழு தலைவர்,TNTJ) மஸ்ஜிதுல் அக்ஸா - மேலப்பாளையம் ஜுமுஆ இரண்டாம் உரை - 21.11.25

Read More

முஸ்லிம் சிறைவாசிகள் விடுதலை - தமிழக அரசிற்கு TNTJ கோரிக்கை...

முஸ்லிம் சிறைவாசிகள் விடுதலை - தமிழக அரசிற்கு TNTJ கோரிக்கை... 22.11.25 காஞ்சி A.இப்ராஹீம் (மாநிலப் பொருளாளர்,TNTJ)

Read More

SIR தற்கொலைகள்..

SIR தற்கொலைகள்.. E.J முஹ்சின் மாநிலச் செயளாலர் TNTJ செய்தியும் சிந்தனையும் - 21.11.2025

Read More

நிதிஷை முழுமையாக விழுங்கும்

நிதிஷை முழுமையாக விழுங்கும் பாஜக! E.J.முஹ்சின் மாநிலச் செயளாலர் TNTJ செய்தியும் சிந்தனையும் - 25.11.25

Read More

 

ராணுவத்திற்கு பொருத்தமற்றவர்'... சர்வ தர்ம ஸ்தலத்திற்கு செல்ல மறுத்த கிறிஸ்தவ ராணுவ அதிகாரியின் பணிநீக்கம் சரி - சுப்ரீம்கோர்ட்

25 11 2025 

'ராணுவத்திற்கு பொருத்தமற்றவர்'... சர்வ தர்ம ஸ்தலத்திற்கு செல்ல மறுத்த கிறிஸ்தவ ராணுவ அதிகாரியின் பணிநீக்கம் சரி - சுப்ரீம்கோர்ட்

இந்திய ராணுவத்தில் அனைத்து மதங்களையும் குறிக்கும் அடையாளமாகத் திகழும் ‘சர்வ தர்ம ஸ்தலத்திற்கு’ (Sarva Dharma Sthal) செல்ல மறுத்த கிறிஸ்தவ ராணுவ அதிகாரி ஒருவரின் பணிநீக்கத்தை உச்ச நீதிமன்றம் உறுதி செய்தது. தனது மத நம்பிக்கை இறைவனை மட்டுமே வழிபடுவது என்பதால், மற்ற மத அடையாளங்கள் உள்ள இடத்திற்குச் செல்ல முடியாது என அந்த அதிகாரி மறுப்பு தெரிவித்திருந்தார்.

வழக்கின் பின்னணி:

சாமுவேல் கமலேசன் என்ற அந்த அதிகாரி, மேலதிகாரியின் உத்தரவை மீறி, மதத்தைக் காரணம் காட்டி சர்வ தர்ம ஸ்தலத்திற்குச் செல்ல மறுத்ததால் ராணுவத்திலிருந்து பணிநீக்கம் செய்யப்பட்டார். இதை எதிர்த்து அவர் தொடர்ந்த வழக்கில், மே 30-ம் தேதி டெல்லி உயர் நீதிமன்றம், "சட்டப்பூர்வமான ராணுவ உத்தரவை விட மதத்தை உயர்வாகக் கருதுவது தெளிவான ஒழுங்கீனம்" எனக் கூறி பணிநீக்கத்தை உறுதி செய்தது. இதை எதிர்த்து அவர் உச்ச நீதிமன்றத்தில் மேல்முறையீடு செய்தார்.

உச்ச நீதிமன்றத்தின் கடுமையான விமர்சனம்:

இந்த மனுவை விசாரித்தத் தலைமை நீதிபதி சூர்யகாந்த் மற்றும் நீதிபதி ஜாய்மாலா பாக்ச்சி அடங்கிய அமர்வு, அதிகாரியின் இச்செயலை "மிக மோசமான ஒழுங்கீனம்" என கடுமையாக விமர்சித்தது. அவர் மற்ற விஷயங்களில் வேண்டுமானால் சிறந்த அதிகாரியாக இருக்கலாம். ஆனால், ஒழுக்கத்திற்கும் மதச்சார்பின்மைக்கும் பெயர் பெற்ற இந்திய ராணுவத்திற்கு அவர் முற்றிலும் பொருத்தமற்றவர்" என்று நீதிபதிகள் தெரிவித்தனர். மேலும், டெல்லி உயர் நீதிமன்றத்தின் தீர்ப்பில் தலையிட மறுத்து, மனுவைத் தள்ளுபடி செய்தனர்.

வாதமும் - எதிர்வாதமும்:

அதிகாரி தரப்பில் ஆஜரான மூத்த வழக்கறிஞர் கோபால் சங்கரநாராயணன் வாதிடுகையில், "அதிகாரி சர்வ தர்ம ஸ்தலத்திற்குச் செல்ல மறுக்க வில்லை. பஞ்சாபில் அவர் பணியில் இருந்த இடத்தில் சர்வ தர்ம ஸ்தலம் இல்லை, மாறாக ஒரு கோவில் மற்றும் குருத்வாரா மட்டுமே இருந்தது. அவரை கருவறைக்குள் சென்று பூஜை செய்யவும், தட்டில் ஆரத்தி எடுக்கவும் வற்புறுத்தினர். ஒரே இறைவனை வழிபடும் கிறிஸ்தவ நம்பிக்கை கொண்டவர் என்பதால், மாற்று மதச் சடங்குகளைச் செய்ய மட்டுமே அவர் மறுத்தார். இது அரசியலமைப்பு அவருக்கு வழங்கிய உரிமை," என்று கூறினார்.

வீரர்களை அவமதிக்கிறீர்கள்":

இதனை ஏற்க மறுத்த நீதிபதிகள், நீங்க ஒரு குழுவின் தலைவர். உங்க படையில் சீக்கிய வீரர்கள் உள்ளனர். அவர்களுக்காக குருத்வாரா உள்ளது. மதச்சார்பற்ற இடங்களில் ஒன்றான அங்கு செல்ல மறுப்பதன் மூலம், சொந்த வீரர்களையே நீங்க அவமதிக்கிறீர்கள் என்று சாடினர். மேலும், ஒரு கிறிஸ்தவ பாதிரியாரே (Pastor) இதில் தவறில்லை என்றும், சர்வ தர்ம ஸ்தலத்திற்குச் செல்வது கிறிஸ்தவ மதத்தின் அடிப்படை கொள்கைகளைப் பாதிக்காது என்றும் உங்களுக்கு அறிவுரை வழங்கியுள்ளார். ஆனால், மதத் தலைவரின் பேச்சைக் கூட கேட்காமல், உங்க சொந்த விளக்கத்தை வைத்துக்கொண்டு செயல்படுவது ஏற்கத்தக்கதல்ல என்று நீதிபதிகள் சுட்டிக்காட்டினர். வேற்று மத ஆலயங்களுக்குச் செல்வதைக் கிறிஸ்தவ மதம் தடை செய்யவில்லை என்று கூறிய நீதிபதிகள், ராணுவத்தில் தனிப்பட்ட மத உணர்வுகளை விட, கூட்டுக்கட்டளை, ஒழுக்கமே முக்கியம் எனக் கூறி அதிகாரியின் வாதத்தை நிராகரித்தனர்.

source https://tamil.indianexpress.com/india/definitely-a-misfit-supreme-court-upholds-dismissal-of-christian-army-officer-for-refusal-to-enter-sarva-dharma-sthal-10811946

Read More

இந்திய அரசியலமைப்பு தினம் 2025: நீதி, சுதந்திரம், சமத்துவத்தை போற்றுவதற்கான நாள்

 

Indian Constitution Day History: இந்திய அரசியலமைப்புச் சட்டம் தினம், அல்லது சம்விதான் திவஸ் என்று அழைக்கப்படும் இந்த நாள், இந்தியக் குடிமக்களால் ஒவ்வொரு ஆண்டும் கொண்டாடப்படும் ஒரு முக்கியமான நாளாகும். இது 1949 ஆம் ஆண்டு இந்திய அரசியலமைப்புச் சட்டம் ஏற்றுக்கொள்ளப்பட்டதைக் குறிக்கும் விதமாக கொண்டாடப்படுகிறது, மேலும் இது இந்தியாவை ஒரு இறையாண்மை, மக்களாட்சி குடியரசாக நிலைநாட்டியது. நீதி, சுதந்திரம், சமத்துவம் மற்றும் சகோதரத்துவம் ஆகிய அரசியலமைப்பில் பொதிந்துள்ள விழுமியங்களை கௌரவிக்கும் விதமாக, இந்த நாள் 2015 ஆம் ஆண்டு அதிகாரப்பூர்வமாக அறிவிக்கப்பட்டது.

இந்திய அரசியலமைப்பின் "தலைமைச் சிற்பி" அல்லது "தந்தை" என்று பரவலாகக் கருதப்படும் டாக்டர் பி.ஆர். அம்பேத்கர் ஒருமுறை, “அரசியலமைப்பு ஒரு வெறுமனே வழக்கறிஞரின் ஆவணம் அல்ல; அது ஒரு வாழ்வின் வாகனம், அதன் உணர்வு எப்போதும் காலத்தின் உணர்வாகவே இருக்கும்,” என்று பிரபலமாகக் கூறினார். இந்திய அரசியலமைப்புச் சட்டத்தின் தினத்தை நாம் இன்று நினைவுகூரும் வேளையில், அதன் தேதி முதல் வரலாறு, முக்கியத்துவம் மற்றும் பலவற்றை இங்கே காணலாம்.

இந்திய அரசியலமைப்புச் சட்டம் தினம் 2024: தேதியும் வரலாறும்

இந்திய அரசியலமைப்புச் சட்டம் தினம் ஆண்டுதோறும் இந்தியாவில் கொண்டாடப்படுகிறது. இது நவம்பர் 26, 1949 அன்று இந்திய அரசியலமைப்புச் சட்டம் அரசியலமைப்புச் சபையால் ஏற்றுக்கொள்ளப்பட்டதைக் குறிக்கிறது. இந்தச் சட்டம் ஜனவரி 26, 1950 அன்று நடைமுறைக்கு வந்தது, இந்த நாள் குடியரசு தினமாக கொண்டாடப்படுகிறது. 

இதன் விளைவாக, சம்விதான் திவஸ் ஆண்டுதோறும் நவம்பர் 26 அன்று அனுசரிக்கப்படுகிறது; இந்த 2025 ஆம் ஆண்டில், இது புதன்கிழமை வருகிறது. டாக்டர் பி.ஆர். அம்பேத்கரின் தலைமையின் கீழ் உருவாக்கப்பட்ட இந்த அரசியலமைப்பு, அனைத்து இந்தியக் குடிமக்களுக்கும் நீதி, சுதந்திரம், சமத்துவம் மற்றும் சகோதரத்துவம் ஆகியவற்றை உறுதி செய்வதை நோக்கமாகக் கொண்டது.

2015 ஆம் ஆண்டில், சமூக நீதி மற்றும் அதிகாரமளித்தல் அமைச்சகத்தின் கீழ், அரசியலமைப்பு விழுமியங்களை ஊக்குவிக்கும் வகையிலும், அம்பேத்கரின் 125வது பிறந்தநாளுடன் ஒத்துப்போகும் வகையிலும், நவம்பர் 26 ஐ அரசியலமைப்புச் சட்டம் தினமாக அரசாங்கம் அறிவித்தது. இதற்கு முன்னர், இந்த நாள் சட்ட நாளாக கொண்டாடப்பட்டது.

இந்திய அரசியலமைப்புச் சட்டம் தினம் 2024: முக்கியத்துவம்

இந்திய அரசியலமைப்புச் சட்டம் தினம், அரசியலமைப்புச் சட்டத்தின் கொள்கைகள், உரிமைகள் மற்றும் பொறுப்புகள் குறித்த விழிப்புணர்வை ஏற்படுத்தி, நீதி, சுதந்திரம், சமத்துவம் மற்றும் சகோதரத்துவத்தை வலியுறுத்தி, தேசிய ஒருமைப்பாட்டை வளர்க்கிறது.

இந்தியாவின் மாற்றத்திற்கான பயணத்தை பிரதிபலிக்கும் இந்த நாள், இறையாண்மை, சோசலிஸ்ட், மதச்சார்பற்ற மற்றும் மக்களாட்சிக் குடியரசின் அடித்தளத்தை அமைத்த அரசியலமைப்புச் சபையின் தொலைநோக்குப் பார்வையையும் முயற்சிகளையும் கௌரவிக்கிறது.

அரசியலமைப்புச் சட்டம் தினம் சுறுசுறுப்பான குடிமைப் பங்களிப்பு மற்றும் பொறுப்புணர்வை ஊக்குவிக்கிறது, அத்துடன் ஒரு முற்போக்கான, அனைவரையும் உள்ளடக்கிய, மற்றும் சமத்துவ சமுதாயத்தை உருவாக்குவதற்கான அதன் உறுதிப்பாட்டை இந்தியாவிற்கு நினைவூட்டுகிறது.

source https://tamil.indianexpress.com/india/history-and-origination-of-indian-constitution-10812564

Read More

ஜன.6 முதல் காலவரையற்ற வேலை நிறுத்தம்: ஜாக்டோ-ஜியோ அதிகாரப்பூர்வ அறிவிப்பு

 

ஜன.6 முதல் காலவரையற்ற வேலை நிறுத்தம்: ஜாக்டோ-ஜியோ அதிகாரப்பூர்வ அறிவிப்பு

சென்னையில் இன்று ஜாக்டோ-ஜியோ அமைப்பின் மாநில ஒருங்கிணைப்பாளர்களின் உயர்நிலை குழுக்கூட்டம் நடைபெற்றது. ஒருங்கிணைப்பாளர்கள் பிரபாகரன், தியோடர் ராபின்சன் மற்றும் பாஸ்கரன் ஆகியோர் தலைமையில் நடைபெற்ற இக்கூட்டத்தில், அரசு ஊழியர்கள் மற்றும் ஆசிரியர்களின் நீண்டகாலக் கோரிக்கைகள் குறித்து விவாதிக்கப்பட்டது. கூட்டத்தின் முடிவில், அரசுக்கு அழுத்தம் கொடுக்கும் வகையில் தொடர் போராட்டங்களை முன்னெடுப்பது எனத் தீர்மானிக்கப்பட்டது.

அரசு ஊழியர்கள் மற்றும் ஆசிரியர்களுக்கு பழைய ஓய்வூதியத் திட்டத்தை (OPS) மீண்டும் அமல்படுத்த வேண்டும். அரசுத் துறைகளில் காலியாக உள்ள லட்சக்கணக்கான பணியிடங்களை உடனடியாக நிரப்ப வேண்டும். சிறப்பு காலமுறை ஊதியம், தொகுப்பூதியம் மற்றும் மதிப்பூதியத்தில் பணியாற்றும் ஊழியர்களுக்குக் காலமுறை ஊதியம் மற்றும் சட்டப்பூர்வ ஓய்வூதியம் வழங்க வேண்டும்.

கோரிக்கைகளை அரசு நிறைவேற்றாத பட்சத்தில், கீழ்க்கண்டவாறு போராட்டங்களை நடத்தத் திட்டமிடப்பட்டுள்ளது. டிசம்பர் 11 & 12 மாவட்டத் தலைநகரங்களில் 'உரிமை மீட்பு முழக்கப் போராட்டம்' நடைபெறும். டிசம்பர் 27 மாவட்ட அளவில் வேலைநிறுத்த ஆயத்த மாநாடு நடத்தப்படும். ஜனவரி 6, 2026 மாநிலம் தழுவிய காலவரையற்ற வேலைநிறுத்தப் போராட்டம் தொடங்கும்.

முன்னதாக, இந்தக் கோரிக்கைகளை வலியுறுத்தி கடந்த 18-ஆம் தேதி ஜாக்டோ-ஜியோ சார்பில் ஒருநாள் அடையாள வேலைநிறுத்தம் நடைபெற்றது. அரசின் எச்சரிக்கையையும் மீறி, இதில் 49,000-க்கும் மேற்பட்ட ஆசிரியர்கள் மற்றும் அரசு ஊழியர்கள் பங்கேற்றனர்.

இந்நிலையில், கடந்த 18-ம் தேதி போராட்டத்தில் ஈடுபட்ட அனைவருக்கும் ஒருநாள் சம்பளம் பிடித்தம் செய்யப்படும் எனப் பள்ளிக்கல்வித் துறை உத்தரவிட்டுள்ளது குறிப்பிடத்தக்கது. இருப்பினும், கோரிக்கைகள் நிறைவேறும் வரை போராட்டத்தைத் தீவிரப்படுத்தப் போவதாக ஜாக்டோ-ஜியோ அறிவித்துள்ளது.

source https://tamil.indianexpress.com/tamilnadu/jacto-geo-announces-indefinite-strike-from-jan-6-over-old-pension-scheme-10812025

Read More

100 பொறியியல் கல்லூரிகளில் ‘குவாண்டம் கற்பித்தல் ஆய்வகங்கள்’; பாடத்திட்டத்தை வடிவமைக்க ஒரு கல்லூரிக்கு ரூ.1 கோடி நிதி

 

குவாண்டம் தொழில்நுட்பத் துறையில் ஆர்வத்தை உருவாக்குவதற்காக, நாடு முழுவதும் 100 பொறியியல் கல்லூரிகளில் ‘குவாண்டம் கற்பித்தல் ஆய்வகங்கள்’ அமைக்கப்பட உள்ளன. அத்தகைய ஆய்வகத்தை அமைப்பதற்காகத் தேர்ந்தெடுக்கப்படும் ஒவ்வொரு கல்லூரிக்கும், பி.டெக் அளவில் கற்பிக்கக்கூடிய குவாண்டம் தொழில்நுட்பப் பாடத்திட்டத்தை வடிவமைப்பதற்கும், ஆசிரிய மேம்பாட்டிற்கும் ஆதரவாக ரூ.1 கோடி நிதி வழங்கப்படும்.

குவாண்டம் தொழில்நுட்பத் துறையில் கற்பித்தல் மற்றும் கற்றலை மேம்படுத்துவதற்காக, அறிவியல் மற்றும் தொழில்நுட்பத் துறை (டி.எஸ்.டி) அகில இந்தியத் தொழில்நுட்பக் கல்வி கவுன்சிலுடன் (ஏ.ஐ.சி.டி.இ) இணைந்து இந்தத் திட்டத்தைத் தொடங்கியுள்ளது. டி.எஸ்.டி-ன் செயலாளர், பேராசிரியர் அபய் கரண்டிகர், "இவை ஆராய்ச்சி ஆய்வகங்களாக இருக்காது, மாறாக, குறிப்பாக இளங்கலை மாணவர்களுக்கான கற்பித்தல் ஆய்வகங்களாக இருக்கும். இதில் பி.டெக் அளவில் குவாண்டம் தொழில்நுட்பத்தில் மைனர் படிப்புகளை வழங்குவதும் அடங்கும்" என்று கூறினார்.

மத்திய அரசின் தேசிய குவாண்டம் மிஷனின் கீழ், ரூ.720 கோடி மொத்த முதலீட்டில் குவாண்டம் தொழில்நுட்பப் புத்தாக்கத்திற்கான அதிநவீன புனைவு மற்றும் மைய வசதிகளை மத்திய அமைச்சர் ஜிதேந்திர சிங் ஐஐடி பாம்பேயில் தொடங்கி வைத்தபோது கரண்டிகர் பேசினார்.

தேசிய குவாண்டம் மிஷனின் கீழ், அறிவியல் மற்றும் தொழில்நுட்ப அமைச்சகம் மூன்று துறைகளில் ஆராய்ச்சியைத் துரிதப்படுத்த பணியாற்றி வருகிறது: குவாண்டம் கம்ப்யூட்டிங், குவாண்டம் தகவல் தொடர்பு, மற்றும் குவாண்டம் சென்சார்கள். மும்பை ஐ.ஐ.டி, சென்னை ஐ.ஐ.டி, டெல்லி ஐ.ஐ.டி மற்றும் ஐ.ஐ.எஸ்.சி பெங்களூரு ஆகிய இடங்களில் பெரிய அளவிலான ஆராய்ச்சி ஏற்கனவே நடந்து வருகிறது.

குவாண்டம் தொழில்நுட்பத்தில் இந்தியா உலகளாவிய தலைவராக மாறுவதற்கான பாதையில் உள்ளது என்பதை வலியுறுத்திய சிங், அதிநவீன புனைவு மைய வசதிகளைத் தொடங்கி வைத்ததற்காகப் பாராட்டினார்.

அதே திட்டத்தின் ஒரு பகுதியாக, குவாண்டம் கற்பித்தல் ஆய்வகங்கள் அல்லது குவாண்டம் பயிற்சி ஆய்வகங்கள் இப்போது 100 பொறியியல் கல்லூரிகளில் நிறுவப்படும். கரண்டிகர் கூறுகையில், "இத்தகைய ஆய்வகங்களைத் தொடங்கத் தயாராக இருக்கும் பொறியியல் கல்லூரிகளிடமிருந்து கிட்டத்தட்ட 500 விண்ணப்பங்களைப் பெற்றுள்ளோம். 

அவற்றில், 100 திறமையான கல்லூரிகள் தேர்ந்தெடுக்கப்பட்டு, ஒவ்வொன்றுக்கும் ரூ.1 கோடி ஆதரவு வழங்கப்படும். அடுத்த கட்டத்தில், இந்த ஆதரவு அதிகரிக்கலாம், ஆனால் இந்த நிலையில் நாங்கள் அதை ரூ.100 கோடியாக மட்டுப்படுத்துகிறோம்” என்றும் கூறினார். இந்தக் களத்தில் ஏற்கனவே எட்டு ஸ்டார்ட்அப்கள் உருவாகியுள்ளன என்றும், அவர்களுக்கு ஆதரவளிக்க முயற்சிகள் மேற்கொள்ளப்பட்டு வருகின்றன என்றும் கரண்டிகர் குறிப்பிட்டார்.

குவாண்டம் தொழில்நுட்பத்தில் உள்ள கண்டுபிடிப்புகள் மற்றும் புத்தாக்கங்கள், குறிப்பாக மருத்துவத் துறையில் அதன் அதிநவீன பயன்பாட்டின் மூலம், பிணைச் சேதங்களின் மேலாண்மையை எளிதாக்கும் என்று மேலும் குறிப்பிட்ட சிங், உயர்கல்வி நிறுவனங்களில் பல்துறை அமைப்புமுறையின் முக்கியத்துவத்தை வலியுறுத்தினார். எனவே, குவாண்டம் தொழில்நுட்பத்தில் உள்ள புத்தாக்கங்கள் தனித்து இருக்கக்கூடாது என்று குறிப்பிட்ட சிங், "பல்துறை அமைப்பு ஒரு அத்தியாவசிய அங்கமாக மாறி, இனிமேல் ஒரு தேர்வாக இருக்காது என்பதே படிப்படியாக வழக்கமாக மாறும் என்று நான் நினைக்கிறேன்" என்று கூறினார்.

source https://tamil.indianexpress.com/education-jobs/quantum-teaching-labs-to-be-set-up-in-100-engineering-colleges-each-institute-to-get-rs-1-crore-to-design-course-10812353

Read More

மேனேஜ்மெண்ட் கோட்டா அட்மிஷன்; தமிழக டாப் இன்ஜினியரிங் கல்லூரிகள் லிஸ்ட் இதோ…

 

பொறியியல் மாணவர் சேர்க்கைக்கான நுழைவுத் தேர்வுக்கான விண்ணப்பப் பதிவுகள் தொடங்கியுள்ள நிலையிலும், மேனேஜ்மெண்ட் கோட்டாவுக்கான பதிவுகள் தொடங்கியுள்ள நிலையிலும், மாணவர் சேர்க்கை என்ன செய்ய வேண்டும்? தமிழகத்தில் உள்ள டாப் கல்லூரிகள் எவை என்பது குறித்து இப்போது பார்ப்போம்.

இதுகுறித்து கல்வி ஆலோசகர் தினேஷ் பிரபு தனது யூடியூப் வீடியோவில் தெரிவித்துள்ளதன்படி, 

பொறியியல் மாணவர் சேர்க்கையை பொறுத்தவரை பல்வேறு வழிகளில் நடைபெறுகிறது. ஐ.ஐ.டி, என்.ஐ.டி போன்ற மத்திய அரசு நிறுவனங்களில் சேர்க்கை பெற ஜே.இ.இ தேர்வு எழுத வேண்டும். தமிழ்நாடு உள்பட பல்வேறு மாநிலங்களில் உள்ள சில தனியார் நிறுவனங்களில் சேர்க்கைப் பெற அந்தந்த நிறுவனங்கள் நடத்தும் நுழைவுத் தேர்வுகளில் சேர்க்கை பெற வேண்டும். 

தமிழகத்தில் அண்ணா பல்கலைக்கழகத்தின் கீழ் உள்ள 400க்கும் மேற்பட்ட பொறியியல் கல்லூரிகளில் சேர்க்கை பெற தமிழ்நாடு பொறியியல் சேர்க்கை நடத்தும் கலந்தாய்வில் கலந்துக் கொள்ள வேண்டும். இது 12 ஆம் வகுப்பு மதிப்பெண்கள் அடிப்படையில் நடத்தப்படும்.

இதில் தனியார் கல்லூரிகளில் 60% இடங்கள் அரசு கலந்தாய்வு அடிப்படையிலும், 40% இடங்கள் மேனேஜ்மெண்ட் கோட்டா அடிப்படையிலும் நிரப்பப்படும். இதில் தற்போது முன்னணி தனியார் நிறுவனங்களில் மேனேஜ்மெண்ட் கோட்டாவுக்கான சேர்க்கை தொடங்கியுள்ளது.

மேனேஜ்மெண்ட் கோட்டாவுக்கு டாப் பொறியியல் கல்லூரிகள்

அரசு உதவிப்பெறும் கல்லூரிகள்

1). பி.எஸ்.ஜி காலேஜ் ஆஃப் டெக்னாலஜி, கோவை

2). கோயம்புத்தூர் தொழில்நுட்ப நிறுவனம், கோவை

3) தியாகராஜர் பொறியியல் கல்லூரி, மதுரை

தனியார் கல்லூரிகள்

1). சென்னை இன்ஸ்டிடியூட் ஆஃப் டெக்னாலஜி, காஞ்சிபுரம் 

2). பி.எஸ்.ஜி இன்ஸ்டிடியூட் ஆஃப் டெக்னாலஜி அண்ட் அப்ளைடு ரிசர்ச், கோவை

3). ராஜலெட்சுமி இன்ஜினியரிங் காலேஜ், சென்னை 

4). ராஜலெட்சுமி இன்ஸ்டிடியூட் ஆஃப் டெக்னாலஜி, சென்னை 

5). எஸ்.ஆர்.எம் ஈஸ்வரி இன்ஜினியரிங் காலேஜ், சென்னை

6). குமரகுரு காலேஜ் ஆஃப் டெக்னாலஜி, கோவை

7). ஸ்ரீ ஈஸ்வர் காலேஜ் ஆஃப் இன்ஜினியரிங், கோவை

8). ஸ்ரீ கிருஷ்ணா காலேஜ் ஆஃப் இன்ஜினியரிங் அண்ட் டெக்னாலஜி, கோவை

9). கலைஞர் கருணாநிதி இன்ஸ்டிடியூட் ஆஃப் டெக்னாலஜி, கோவை

10). சவீதா இன்ஜினியரிங் காலேஜ், சென்னை

11). கே.பி.ஆர் இன்ஸ்டிடியூட் ஆஃப் இன்ஜினியரிங் அண்ட் டெக்னாலஜி, கோவை

12). வி.எஸ்.பி இன்ஜினியரிங் காலேஜ், கோவை

13). பி.எஸ்.என்.ஏ காலேஜ் ஆஃப் இன்ஜினியரிங் அண்ட் டெக்னாலஜி, திண்டுக்கல்

14). பண்ணாரி அம்மன் இன்ஸ்டிடியூட் ஆஃப் டெக்னாலஜி, ஈரோடு

15). கொங்கு இன்ஜினியரிங் காலேஜ், ஈரோடு

16). ஸ்ரீ வெங்கடேஸ்வரா காலேஜ் ஆஃப் இன்ஜினியரிங், காஞ்சிபுரம்

17). பிரின்ஸ் ஸ்ரீ வெங்கடேஸ்வரா பத்மாவதி இன்ஜினியரிங் காலேஜ், சென்னை

source https://tamil.indianexpress.com/education-jobs/tamil-nadu-engineeing-admission-top-colleges-anna-university-placements-high-cut-off-management-quota-10808984

Read More