போட்டித் தேர்வுகளில் தமிழ் மொழித்தாள்; தமிழக அரசின் அரசாணையை உறுதி செய்தது உயர்நீதிமன்றம்!

 

போட்டித்தேர்வுகளில் தமிழ் மொழித்தாள் கட்டாயமாக்கப்படுவதற்கான அரசாணையை உறுதி செய்து உயர் நீதிமன்றம் உத்தரவிட்டுள்ளது. 

தமிழக அரசு பணிகளுக்கான போட்டித்தேர்வுகளில் தமிழ் மொழித்தாள் கட்டாயமாக்கப்படுவதற்கான அரசாணையை 2021 ஆம் ஆண்டு தமிழ்நாடு அரசு வெளியிட்டது.

தமிழக அரசின் அரசாணையில் கூறப்பட்டிருந்ததாவது:

அனைத்து போட்டித் தேர்வுகளிலும் தமிழ் மொழி பாடத்தாள் கட்டாயம். தற்போது நடைமுறையிலுள்ள பொதுத்தமிழ், பொது ஆங்கிலம் உள்ள தேர்வுகளில், பொது ஆங்கிலத்தாள் நீக்கப்பட்டு, பொது தமிழ் தாள் மட்டுமே மதிப்பீட்டுத் தேர்வாக அமைக்கப்படும். தமிழ் மொழித் தகுதித் தேர்வுக்கான பாடத்திட்டம் பத்தாம் வகுப்பு தரத்தில் நிர்ணயம் செய்யப்படுகிறது. கட்டாய தமிழ்மொழித் தாளில் குறைந்தபட்சம் 40 சதவீத மதிப்பெண் தேர்ச்சி கட்டாயமாக்கப்படுகிறது. தமிழில் தேர்ச்சி பெறாதவர்களின் இதர தேர்வுத்தாள் மதிப்பீடு செய்யப்படமாட்டாது. இவ்வாறு அதில் கூறப்பட்டுள்ளது.

தமிழக அரசின் இந்த அரசாணையை எதிர்த்து சென்னை உயர்நீதிமன்றத்தில் வழக்கு தொடரப்பட்டது. அந்த வழக்கின் விசாரணையில், “விண்ணப்பதாரர்களுக்கான கல்வித் தகுதியை நிர்ணயிக்க அரசுக்கு அதிகாரம் உள்ளது. குரூப் 4 பதவிகளை வகிப்பவர்கள், மக்களுடன் நேரடியாக தொடர்பு கொள்ள தமிழ் மொழியில் புலமை பெற்றிருப்பது அவசியம் என்ற அரசு வாதம் சரியானது தான்.

தமிழ் மொழித் தாள் தேர்வில் 40 சதவீத மதிப்பெண்கள் பெற்று தேர்ச்சி பெற்றிருக்க வேண்டும் என்று மட்டுமே அரசு கூறுகிறதே தவிர, நூறு சதவீத மதிப்பெண்கள் பெற வேண்டும் என வற்புறுத்தவில்லை. அரசின் கொள்கை முடிவில் தலையிட முடியாது” என்று கூறி தமிழ்நாடு அரசின் அரசாணையை உயர் நீதிமன்றம் உறுதி செய்தது.

source https://news7tamil.live/tamil-language-paper-in-competitive-examinations-the-high-court-upheld-the-decree-of-the-tamil-nadu-government.html

Read More

தமிழ்நாட்டில் 18 இடங்களில் சதமடித்த வெயில்! அதிகபட்சமாக திருத்தணியில் 108.5 டிகிரி வெப்பம் பதிவு!

 

தமிழகம் முழுவதும் இன்று 18 இடங்களில் வெயில் சதம் அடித்தது. அதிகபட்சமாக திருத்தணியில் 108.5 டிகிரி வெயில் கொளுத்தியது.

ஏப்ரல் மாதம் தொடங்கியதில் இருந்து வெயிலின் தாக்கம் மேலும் அதிகரித்தது. இந்தியாவில் பல்வேறு இடங்களில் வெப்ப அலை வீசியது இதனையடுத்து தமிழகத்தில் மே மாதத்தில் பல்வேறு இடங்களில் கோடை மழை பொழிந்தது. இதனால் தமிழ்நாட்டில் வெப்பநிலை குறைந்து குளிர்ச்சி நிலவியது.

இந்நிலையில் மீண்டும் இந்தியாவில் வெப்ப அலை வீச தொடங்கியுள்ளது. வடஇந்தியாவில் கடும் வெயில் கொளுத்தி வருகிறது. இனிவரும் நாட்களில் தமிழகத்தில் வெப்பநிலை 2-3 டிகிரி அதிகரிக்கும் என்று வானிலை மையம் தெரிவித்துள்ளது.

இந்நிலையில், தமிழ்நாட்டில் 100 டிகிரிக்கு மேல் வெப்பம் பதிவான இடங்கள் திருத்தணி – 108.5, மீனம்பாக்கம் – 107, வேலூர் – 107, மதுரை விமான நிலையம் – 104, நுங்கம்பாக்கம் – 104, பரங்கிப்பேட்டை – 104, மதுரை நகரம் – 104, புதுச்சேரி – 104, ஈரோடு – 104, நாகப்பட்டினம் – 103, கடலூர் – 103, திருச்சி – 102, தஞ்சாவூர் – 102, தொண்டி – 101, திருப்பத்தூர் – 101, காரைக்கால் – 101, கரூர் பரமத்தி – 100, தூத்துக்குடி – 100 டிகிரி வெப்பம் பதிவாகியுள்ளது.

சுற்றுலா தளங்களில் பதிவான வெப்பநிலை விவரங்கள் பின்வருமாறு:- குன்னூர் – 76.64, கொடைக்கானல் – 71.6, ஊட்டி – 72, வால்பாறை – 78 டிகிரி வெப்பம் பதிவாகியுள்ளது.

30 05 2024 

source https://news7tamil.live/in-18-places-in-tamil-nadu-the-sun-hit-a-hundred-108-5-degree-heat-record-in-thiruthani-maximum.html

Read More

ஒரு சமூகத்திலிருந்து மற்றொரு சமூகத்தை வேறுபடுத்தியது இல்லை’

 

நாட்டின் செல்வத்தில் முஸ்லிம்களுக்கு முதல் உரிமை உண்டு என்று மன்மோகன் சிங் கூறியதாக பிரதமர் நரேந்திர மோடி குற்றம் சாட்டிய சில வாரங்களுக்குப் பிறகு, முன்னாள் பிரதமர் மன்மோகன் சிங்,  “ஒரு சமூகத்திலிருந்து மற்றொரு சமூகத்தை வேறுபடுத்தவில்லை” என்று மறைமுகமாகக் குறிப்பிட்டு பதிலளித்துள்ளார்.

மக்களவைத் தேர்தல் கடைசிக்கட்ட வாக்குப்பதிவுக்கு முன்னால், நாட்டு மக்களுக்கு எழுதியுள்ள கடிதத்தில் முன்னாள் பிரதமர் மன்மோகன் சிங் வியாழக்கிழை கூறியிருப்பதாவது: “தேர்தல் பிரச்சார காலகட்டத்தில் நான் மிகவும் எச்சரிக்கையுடன் அரசியல் விவாதங்களை கவனித்து வருகிறேன். மோடி இழிவான வெறுப்புப் பேச்சுகளில் ஈடுபட்டுள்ளார், அவை முற்றிலும் பிரிவினையை ஏற்படுத்தும். பிரதமர் பதவியின் கண்ணியத்தையும், அதன் மூலம் பிரதமர் அலுவலகத்தின் தீவிரத்தையும் குறைத்த முதல் பிரதமர் மோடி. ஒரு குறிப்பிட்ட பிரிவினரையோ அல்லது எதிர்க்கட்சியையோ குறிவைக்க முந்தைய பிரதமர்கள் இதுபோன்ற கீழ்த்தரமான, நாகரீகமற்ற மற்றும் கீழ்த்தரமான மொழியைப் பயன்படுத்தவில்லை. அவர்கள் என்னிடம் சில தவறான அறிக்கைகளையும் கொடுத்துள்ளனர். நான் என் வாழ்நாளில் ஒரு சமூகத்தை இன்னொரு சமூகத்தையும் வேறுபடுத்திப் பார்த்ததில்லை. வேறுபடித்திப் பார்ப்பது பா.ஜ.க-வின் சிறப்பு உரிமை, பா.ஜ.க-வின் பழக்கம்.” என்று சாடியுள்ளார்.

அமைதி மற்றும் நல்லிணக்கத்திற்காக வேண்டுகோள் விடுத்துள்ள முன்னாள் பிரதமர் மன்மோகன் சிங் மேலும் கூறியதாவது: பஞ்சாபின் ஒவ்வொரு வாக்காளரும் வளர்ச்சி மற்றும் ஒருங்கிணைந்த முன்னேற்றத்திற்காக வாக்களிக்குமாறு கேட்டுக்கொள்கிறேன். அனைத்து இளைஞர்களும் கவனமாக வாக்களித்து, எதிர்காலத்திற்காக வாக்களிக்குமாறு கேட்டுக்கொள்கிறேன். ஜனநாயகம் மற்றும் அரசியலமைப்புச் சட்டம் பாதுகாக்கப்படும் வளர்ச்சியை வழிநடத்தும் முற்போக்கான எதிர்காலத்திற்கு காங்கிரஸ் மட்டுமே உத்தரவாதம் அளிக்க முடியும்.” என்று தெரிவித்துள்ளார்.

கடந்த மாதம், ராஜஸ்தானில் பிரசாரத்தில் ஈடுபட்டிருந்த பிரதமர் மோடி, “காங்கிரஸின் தேர்தல் அறிக்கை, தாய்மார்கள் மற்றும் மகள்களிடம் உள்ள தங்கத்தை கணக்கிட்டு, அந்த செல்வத்தை பங்கீடு செய்வோம் என்று கூறுகிறது. மன்மோகன் சிங் தலைமையிலான அரசு, முஸ்லிம்களுக்கு செல்வத்தில் முதல் உரிமை உண்டு என்று கூறியது. சகோதர சகோதரிகளே, இந்த நகர்ப்புற நக்சல் சிந்தனை எனது தாய் மற்றும் சகோதரிகளின் தாலியைக்கூட விட்டுவைக்காது.” என்று கூறினார்.

டிசம்பர் 2006-ல் நடந்த தேசிய வளர்ச்சிக் கவுன்சில் கூட்டத்தில் பேசிய மன்மோகன் சிங், ”வளங்களை நியாயமான முறையில் பயன்படுத்த வேண்டியதன் அவசியத்தைக் குறிப்பிட்டார்.  “நம்முடைய கூட்டு முன்னுரிமைகள் தெளிவாக உள்ளன என்று நான் நம்புகிறேன். விவசாயம், நீர்ப்பாசனம் மற்றும் நீர் ஆதாரங்கள், சுகாதாரம், கல்வி, கிராமப்புற உள்கட்டமைப்பில் முக்கியமான முதலீடு மற்றும் பொது உள்கட்டமைப்பின் அத்தியாவசிய பொது முதலீட்டுத் தேவைகள், எஸ்சி, எஸ்டி-க்கள், பிற பிற்படுத்தப்பட்ட வகுப்பினர், சிறுபான்மையினர் மற்றும் பெண்கள் மற்றும் குழந்தைகளின் மேம்பாட்டிற்கான திட்டங்களுடன். பட்டியல் சாதிகள் மற்றும் பழங்குடியினருக்கான உட்கூறு திட்டங்கள் புத்துயிர் பெற வேண்டும். சிறுபான்மையினர், குறிப்பாக முஸ்லிம் சிறுபான்மையினர், வளர்ச்சியின் பலன்களில் சமமாகப் பங்குபெறும் அதிகாரத்தைப் பெறுவதை உறுதிசெய்ய, புதுமையான திட்டங்களை நாம் வகுக்க வேண்டும். வளங்கள் மீதான முதல் உரிமையை அவர்கள் பெற்றிருக்க வேண்டும்” என்று அவர் கூறியிருந்தார். அடுத்த நாள், பிரதமர் அலுவலகம் மன்மோகன் சிங்கின் ‘வளங்கள் மீதான முதல் உரிமைகோரல்’ “எஸ்சிக்கள், எஸ்டிகள், ஓபிசிக்கள், பெண்கள் மற்றும் குழந்தைகள் மற்றும் சிறுபான்மையினரின் முன்னேற்றத்திற்கான திட்டங்கள் உட்பட அனைத்து ‘முன்னுரிமை’ பகுதிகளையும் குறிக்கிறது…” என்று தெளிவுபடுத்தியது.

முன்னாள் பிரதமர் மன்மோகன் சிங் வியாழக்கிழமை எழுதியுள்ள கடிதத்தில், நாட்டின் பொருளாதாரம் குறித்து பா.ஜ.க-வைத் தாக்கினார். “கடந்த பத்து ஆண்டுகளில், நாட்டின் பொருளாதாரம் மிகப்பெரிய பிரச்னையைச் சந்தித்துள்ளது. பணமதிப்பு நீக்கம், தவறாக நடைமுறைப்படுத்தப்பட்ட ஜி.எஸ்.டி மற்றும் கோவிட்-19 தொற்றுநோய்களின் போது மோசமான நிர்வாகம் ஆகியவை மோசமான நிலைமைகளை உருவாக்கியுள்ளன. சராசரிக்கும் கீழே 6-7 சதவீத ஜி.டி.பி வளர்ச்சி சாதாரணமாகிவிட்டது. பா.ஜ.க ஆட்சியில் ஆண்டு மொத்த உள்நாட்டு உற்பத்தி வளர்ச்சி 6 சதவீதத்திற்கும் குறைவாகவும், காங்கிரஸ்-யு.பி.ஏ ஆட்சியின் போது 8 சதவீதமாக இருந்தது” என்று கூறியுள்ளார்.

மேலும், மன்மோகன் சிங் கூறியிருப்பதாவது: “காங்கிரஸ் - யு.பி.ஏ ஆட்சியின்போது, சவால்கள் இருந்தபோதிலும், நமது மக்களின் வாங்கும் சக்தியை தொடர்ந்து அதிகரித்தாலும், பா.ஜ.க அரசாங்கத்தின் தவறான நிர்வாகம் குடும்ப சேமிப்புகளை 47 ஆண்டுகளில் இல்லாத அளவிற்கு குறைத்துள்ளது.” என்று சாடியுள்ளார்.

source https://tamil.indianexpress.com/india/manmohan-singh-dig-pm-modi-lok-sabha-polls-4716050

Read More

நாடு முழுவதும் 108940 எம்.பி.பி.எஸ் இடங்கள்; அரசு மருத்துவக் கல்லூரிகளில் தமிழ்நாடு டாப்

 இளங்கலை மருத்துவம், இளங்கலை அறுவை சிகிச்சை எனப்படும் எம்.பி.பி.எஸ் (MBBS) மிகவும் விரும்பப்படும் படிப்புகளில் ஒன்றாகும், மேலும் கடந்த 10 ஆண்டுகளில் மருத்துவக் கல்லூரிகள் மற்றும் எம்.பி.பி.எஸ் இடங்களின் எண்ணிக்கையை அரசாங்கம் கணிசமாக அதிகரித்துள்ளது. மக்களவையில் சமீபத்தில் அளித்த பதிலில், சுகாதாரம் மற்றும் குடும்ப நலத்துறை அமைச்சர், 2014-க்கு முன் இருந்த 51,348 எம்.பி.பி.எஸ் இடங்கள் 112% அதிகரித்து, தற்போது 1,08,940 ஆக உயர்த்தப்பட்டுள்ளன என்று கூறினார்.

தேசிய தகுதி மற்றும் நுழைவுத் தேர்வு இளங்கலை (NEET UG 2024) என்பது அரசு மருத்துவக் கல்லூரிகள் மற்றும் தனியார் மருத்துவ கல்லூரிகள் மற்றும் சுயநிதி பல்கலைக்கழகங்களில் எம்.பி.பி.எஸ் இடங்களுக்குச் சேர்வதற்கான நுழைவுத் தேர்வாகும். தேசிய தேர்வு முகமை (NTA), மே 5 அன்று நீட் தேர்வை நடத்தியது. 24 லட்சத்துக்கும் அதிகமான விண்ணப்பதாரர்கள் நீட் தேர்வை எழுதியுள்ளனர். தேசிய தேர்வு முகமை அறிவித்த அட்டவணையின்படி, நீட் தேர்வு முடிவுகள் 2024 ஜூன் 14 அன்று அதிகாரப்பூர்வ இணையதளமான exams.nta.ac.in/NEET/ இல் அறிவிக்கப்படும். 

மக்களவையில் கேள்வி ஒன்றுக்கு பதிலளித்த மத்திய சுகாதாரத்துறை அமைச்சர் மன்சுக் மாண்டவியா, 2014ஆம் ஆண்டுக்கு முன்பு 387 ஆக இருந்த மருத்துவக் கல்லூரிகள் தற்போது 706 ஆக, அதாவது 82% அதிகரித்து இருப்பதாக தெரிவித்தார். மேலும், கடந்த ஐந்து ஆண்டுகளில், 2018-19ல் 499 ஆக இருந்த மருத்துவக் கல்லூரிகளின் எண்ணிக்கை 2022-23ல் 648 ஆகவும், 2018-19ல் 70012 இடங்களாக இருந்த எம்.பி.பி.எஸ் இடங்கள் 2022-23ல் 96077 இடங்களாகவும் அதிகரிக்கப்பட்டுள்ளன, என்றும் அமைச்சர் தெரிவித்தார்.

சுகாதார அமைச்சகம் பகிர்ந்துள்ள தரவுகளின்படி, நாடு முழுவதும் இந்த ஆண்டு 1,08,940 எம்.பி.பி.எஸ் இடங்கள் உள்ளன. இதில் தமிழக அரசு மருத்துவக் கல்லூரிகளில் அதிகபட்சமாக 5,275 எம்.பி.பி.எஸ் இடங்களும், மகாராஷ்டிரா அரசு மருத்துவக் கல்லூரிகளில் 5,125 இடங்களும் உள்ளன. தனியார் மருத்துவக் கல்லூரிகள் பிரிவில், கர்நாடகாவில் அதிகபட்சமாக 7,995 எம்.பி.பி.எஸ் இடங்களும், தமிழகத்தில் 6,375 எம்.பி.பி.எஸ் இடங்களும்ம் உள்ளன

source https://tamil.indianexpress.com/education-jobs/neet-ug-2024-india-has-more-than-one-lakh-mbbs-seats-tamil-nadu-top-in-govt-medical-colleges-4729468

Read More

காசா – எகிப்து எல்லையை

 

காசா – எகிப்து எல்லைப் பகுதி முழுவதையும் தங்கள் கட்டுப்பாட்டில் கொண்டுவந்திருப்பதாக இஸ்ரேல் பாதுகாப்புப் படை தெரிவித்துள்ளது. 

இஸ்ரேல் மீது ஹமாஸ் அமைப்பினர் கடந்த ஆண்டு அக்டோபர் 7-ஆம் தேதி ஏவுகணைத் தாக்குதல் நடத்தினர். இதனையடுத்து காசா மீது இஸ்ரேல் தாக்குதல் நடத்தியது. தொடர்ந்து இரு தரப்பினரும் போரை துவங்கினர். இதில் ஏராளமான ராணுவ வீரர்களும், பொதுமக்களும் உயிரிழந்தனர். இதனிடையே, கடந்த ஆண்டு இறுதியில் காசாவில் தற்காலிக போர் நிறுத்தம் கொண்டுவரப்பட்டது.

இந்த தற்காலிக போர் நிறுத்தமும் டிசம்பர் 1-ம் தேதி முடிவுக்கு வந்தது. இதனையடுத்து காசா மீதான தாக்குதலை இஸ்ரேல் மீண்டும் தொடங்கியது. வான்வழி, தரைவழி தாக்குதல்களை இஸ்ரேல் மேற்கொண்டு வருகிறது. இதனால் மீண்டும் ஆயிரக்கணக்கான மக்கள் உயிரிழந்து வருகின்றனர். இரு நாடுகளுக்கு இடையேயான போருக்கு பல நாடுகள் கண்டனம் தெரிவித்தும் இரு நாடுகளும் போரை கைவிடவில்லை. இஸ்ரேலுக்கு ஆதரவான அமெரிக்கா கூட, முக்கிய வெடி குண்டுகளை இனி வழங்க மாட்டோம் என்று கூறிவிட்டது.

இருப்பினும் போர் தொடர்ந்து வருகிறது.  இந்தத் தாக்குதல்களில்  உயிரிழந்தவா்களின் எண்ணிக்கை 36 ஆயிரத்தைக் கடந்துள்ளது.  இஸ்ரேல் தற்போது ரஃபா நகரை சுற்றி வளைத்து தாக்குதல் நடத்தி வருகிறது.  இந்த நிலையில், காசா – எகிப்து எல்லைப் பகுதி முழுவதையும் தங்கள் கட்டுப்பாட்டில் கொண்டுவந்திருப்பதாக இஸ்ரேல் பாதுகாப்புப் படை தெரிவித்துள்ளது.

14 கிமீ தூரம் கொண்ட இந்தப் பகுதி பிலடெல்பி காரிடார் என்று அழைக்கப்படுகிறது.  மேலும், எகிப்திய சினாய்க்கு செல்லும் 20 சுரங்கப்பாதைகளை இதுவரை கண்டுபிடித்துள்ளதாகவும் இஸ்ரேல் பாதுகாப்புப் படை தெரிவித்துள்ளது. எல்லையில் ஹமாஸால் வைக்கப்பட்டுள்ள டஜன் கணக்கான ராக்கெட் லாஞ்சர்கள் கண்டறியப்பட்டுள்ளதாகவும் கூறப்படுகிறது.

source https://news7tamil.live/the-israeli-army-captured-the-entire-gaza-egypt-border-area.html

Read More

இந்திய வரலாற்றிலேயே அதிகபட்ச வெயில்.. டெல்லியில் வெப்பம் தகித்தது ஏன்? இந்திய வானிலை மையத்தின் விளக்கம் என்ன?

 

இந்திய வரலாற்றிலேயே அதிகபட்ச வெயில்.. டெல்லியில் வெப்பம் தகித்தது ஏன்? இந்திய வானிலை மையத்தின் விளக்கம் என்ன? 29 05 2024 

தலைநகர் டெல்லியில் இந்திய வரலாற்றிலேயே அதிகபட்ச வெயில் பதிவானதால் மக்கள் மிகுந்த இன்னலுக்கு ஆளாகினர். 

காலநிலை மாற்றத்தால் உலகம் முழுவதும் ஏற்படத் தொடங்கியிருக்கும் அசாதாரணமான பருவநிலை இந்தியாவிலும் கடும் தாக்கத்தை ஏற்படுத்திவருகிறது. இயல்பாகவே அதீத காலநிலை நிலவும் இந்தியாவின் தலைநகரமான டெல்லியில் கடுமையான வெயில் வாட்டி வதைக்கத் தொடங்கியுள்ளது. இதனால் நகரம் முழுவதும் ஏற்பட்டுள்ள தண்ணீர் பஞ்சத்தால் மக்கள் கடும் அவதிக்கு உள்ளாகி வருகின்றனர்.

இந்நிலையில் வரலாறு காணாத வகையில் இந்தியாவில் இதுவரை பதிவான அதிகபட்ச வெப்பநிலை டெல்லியில் இன்று (மே 29) பதிவாகியுள்ளது. அதன்படி டெல்லியின் முன்கேஸ்பூர் பகுதியில் இன்று சுமார் 52.3 டிகிரி செல்ஸியஸ் வெப்பம் பதிவாகியுள்ளதாக இந்திய வானிலை மையம் தெரிவித்துள்ளது.

இது குறித்து விளக்கம் அளித்துள்ள இந்திய வானிலை மைய வட்டார இயக்குனர் குல்தீப் ஸ்ரீவத்சவா, ராஜஸ்தானில் இருந்துவீசும் வெப்பக் காற்றானது டெல்லியின் புறநகர் பகுதிகளை முதலில் தாக்குவதால் ஏற்கனவே நகரத்தில் நிலவி வரும் அதீத வெப்பநிலையுடன் வெளியில் இருந்து வரும் இந்த வெப்பக் காற்றானது இணைந்ததில் வரலாறு காணாத வெப்பநிலை பதிவாகியுள்ளதாக தெரிவித்தார்.

52.3 டிகிரி செல்ஸியஸ் என்பது டெல்லியில் இன்று சராசரியாக கணிக்கப்பட்ட வெப்பநிலையை விட 9 டிகிரி அதிகமாக பதிவாகியுள்ளது. கடைசியாக கடந்த 2002 ஆம் ஆண்டு பதிவான 49.2 டிகிரி செல்ஸியஸ் என்பதே அதிகபட்சமாக வெப்பநிலையாக இருந்தது.

சுமார் 30 மில்லியன் மக்கள் வாழும் டெல்லியில் தற்போது ஏற்பட்டுள்ள இந்த கால நிலை மாற்றத்தின் தாக்கம் விபரீத விளைவுகளை ஏற்படுத்தும் என்று அஞ்சப்படுகிறது. ஹீட் ஸ்டார்க் உள்ளிட்ட வெப்ப பாதிப்புளில் இருந்து மக்கள் தங்களை பாதுகாத்துக்கொள்ள வேண்டும் என்று இந்திய வானிலை ஆய்வு மையம் எச்சரிக்கை விடுத்துள்ளது.

டெல்லி தவிர்த்து இன்று ராஜஸ்தானில் 51 டிகிரி செல்சியஸும், அரியானாவில் 50.3 டிகிரி செல்சியஸும் அதிகபட்ச வெப்பநிலையாக பதிவாகியுள்ளது. இதற்கிடையில் கடும் வெப்பத்துக்கு மத்தியிலும் இன்று மாலை வேலையில் டெல்லியின் ஓரிரு பகுதிகளில் லேசான மழை பெய்துள்ளதால் மக்கள் சற்று ஆசுவாசம் அடைந்துள்ளனர்.

source https://news7tamil.live/the-highest-heat-in-the-history-of-india-why-is-it-hot-in-delhi-what-is-the-definition-of-india-meteorological-centre.html

Read More

ஆண்டுக்கு ரூ.1 லட்சம் – பெங்களூருவில் சேமிப்பு கணக்கு தொடங்க தபால் அலுவலகங்களில் குவியும் பெண்கள்!

 

பெங்களூருவில் காங்கிரஸ் அறிவித்த 1 லட்சம் ரூபாயை பெறுவதற்கு புதிய சேமிப்புக் கணக்கை தொடங்க பெண்கள் தபால் அலுவலகங்களில் குவிந்து வருகின்றனர். 

நடைபெறும் நாடாளுமன்ற தேர்தலில் காங்கிரஸ் வெளியிட்ட தேர்தல் அறிக்கை அனைவரிடத்திலும் வரவேற்பைப் பெற்றது.  அதற்கு காரணம் காங்கிரஸ் அறிவித்த திட்டங்கள்.  அதில் ஒன்று வருடத்திற்கு ஏழைப் பெண்களுக்கு ஒரு லட்சம்.

நடைபெறும் நாடாளுமன்ற தேர்தலில் வெற்றிப் பெற்றால் ஏழைப் பெண்களுக்கு ஆண்டுக்கு ஒரு லட்சம் வழங்கப்படும் என காங்கிரஸ் தனது தேர்தல் அறிக்கையில் குறிப்பிட்டது.  இது சாத்தியமாகுமா? என பல கேள்விகளும் எழுந்தன. இந்நிலையில் பெங்களூருவின் சில பகுதிகளில் காங்கிரஸின் அறிவிப்பின்படி மாதம் ரூ.8500 வழங்கப்பட உள்ளதாக வதந்திகள் பரவியுள்ளன.

இந்த தகவலை அறிந்த பெண்கள், பெங்களூரு கப்பன் பார்க் பகுதியில் உள்ள தபால் அலுவலகத்தில் குவிந்து வருகின்றனர். அங்கு புதிய கணக்கை துவங்கி வருகின்றனர். கடந்த 15 நாட்களாக இது நடந்து வருகிறது. நாளுக்கு நாள் கூட்டம் இன்னும் கூடுவதால் அலுவலக பணியாளர்கள் திணறி வருகின்றனர். இதனால் இதற்கென சிறப்பு கவுண்ட்டரும் திறந்துள்ளனர்.

புதிய கணக்கை துவங்குவதற்காக நாளுக்கு நாள் பெண்கள் கூட்டம் அதிகமாக வருவதால், அலுவலக பணியை பாதிப்பின்றி தொடர புதிய கவுண்ட்டரை திறந்துள்ளனர். அந்த கவுண்டருக்கும் தனியாக தபால் அலுவலர்கள் நியமிக்கப்பட்டுள்ளனர். அதிகாலை 4 மணியிலிருந்தே பெண்கள் வரத்தொடங்குவதாக அலுவல பணியாளர்கள் தெரிவிக்கின்றனர். அவர்களுக்கு டோக்கன் வழங்கப்பட்டு, அதன்படி வரிசையில் நின்று கணக்கு துவங்கி வருகின்றனர்.

இதுகுறித்து அங்கு வரும் பெண்கள் கூறுவதாவது,

“மாதந்தோறும் பணம் வரவுள்ளதாகவும், அதற்காக புதிதாக வங்கி கணக்கு தொடங்க வேண்டும் எனவும் எங்கள் பகுதியில் சிலர் தெரிவித்தனர். அதனால்தான் தபால் சேமிப்பு கணக்கு தொடங்க இங்கு வந்தோம். ஒரு நாள் முழுவதும் காத்திருக்க வேண்டியுள்ளது. இங்கு வருவபவர்கள் அனைவருமே நடுத்தர குடும்பத்தை சார்ந்தவர்கள். ராகுல் காந்தி அறிவித்த அந்த தொகை எங்களுக்கு பயனுள்ளதாக இருக்கும்” என தெரிவிக்கின்றனர்.

“நாங்கள் சேமிப்புக் கணக்கை தொடங்கி தருகிறோம். ஆனால் பணம் வருமா என்பதை எங்களால் உறுதியாக சொல்ல முடியாது” என அலுவலக ஊழியர்கள் தெரிவிக்கின்றனர்.

source https://news7tamil.live/one-lakh-per-year-women-throng-to-post-office-to-open-savings-account-in-bengaluru.html

Read More

கொள்கை உறுதி!

கொள்கை உறுதி! A.சபீர் அலி M.I.Sc மாநிலச் செயலாளார்,TNTJ 24வது மாநிலப் பொதுக்குழு ஈரோடு - 27.05.2024

Read More

வரதட்சணை பெருகுவதற்கு பெரிதும் காரணம் ஆலிம்களா? சமூகமா?

வரதட்சணை பெருகுவதற்கு பெரிதும் காரணம் ஆலிம்களா? சமூகமா? பட்டிமன்ற நடுவர்: எம்.எஸ்.சையது இப்ராஹீம் ஆலிம்களே! A.தீன் முஹம்மது A.ஷாஜ் சமூகமே! K.அஸ்ரஃப் அலி M.A.கமால்தீன் ஆம்புலன்ஸ் அர்பணிப்பு நிகழ்ச்சி -25.02.2024 மதுரை மாவட்டம்

Read More

குடும்பத்துடன் சுவனம் செல்வோம்!

குடும்பத்துடன் சுவனம் செல்வோம்! பேச்சாளார்,TNTJ பஹ்ரைன் - 2023

Read More

அல்லாஹ்வின் உதவி அருகிலே!

அல்லாஹ்வின் உதவி அருகிலே! K.சுஜா அலி M.I.Sc TNTJ, பேச்சாளார் தலைமையக ஜுமுஆ உரை - 24.05.2024

Read More

முதுமை பலவீனம் காரணமாக வணக்கவழிபாடுகளில் குறை ஏற்படுகிறது மார்க்கத்தில் சலுகை உண்டா ?

முதுமை பலவீனம் காரணமாக வணக்கவழிபாடுகளில் குறை ஏற்படுகிறது மார்க்கத்தில் சலுகை உண்டா ? செ.அ. முஹம்மது ஒலி TNTJ,மாநிலச்செயலாளர் திருவள்ளூர் மேற்கு மாவட்டம் - அரக்கோணம் கிளை

Read More

வட்டிக்கு வாங்கி நடத்தப்படும் ஆடம்பர திருமண விருந்தை நமது வீட்டிற்கு கொண்டு வந்து தந்தால் நாம் சாப்பிடலாமா?

வட்டிக்கு வாங்கி நடத்தப்படும் ஆடம்பர திருமண விருந்தை நமது வீட்டிற்கு கொண்டு வந்து தந்தால் நாம் சாப்பிடலாமா? செ.அ. முஹம்மது ஒலி TNTJ,மாநிலச்செயலாளர் அரக்கோணம் கிளை - திருவள்ளூர் மேற்கு மாவட்டம்

Read More

இஸ்ரேல் பொருட்களை புறக்கணிக்கலாமே

இஸ்ரேல் பொருட்களை புறக்கணிக்கலாமே இஸ்லாம் ஓர் எளிய மார்க்கம் - 19.11.2023 பதிலளிப்பவர்: A.ஹமீதுர் ரஹ்மான் M.I.Sc (பேச்சாளர்,TNTJ) அம்பத்தூர் கிளை - திருவள்ளூர் மேற்கு மாவட்டம்

Read More

வரம்பு மீறிய பேச்சும், தேர்தல் ஆணையத்தின் நோட்டீஸும்

வரம்பு மீறிய பேச்சும், தேர்தல் ஆணையத்தின் நோட்டீஸும் காஞ்சி ஏ.இப்ராஹிம் - மாநிலப் பொருளாளர்,TNTJ செய்தியும் சிந்தனையும் - 23.05.2024

Read More

கலைஞரின் கனவு இல்லம் திட்டம்

கலைஞரின் கனவு இல்லம் திட்டத்தில் ரூ.3100 கோடியில் ஒரு லட்சம் வீடுகள் கட்டுவதற்கான வழிகாட்டு நெறிமுறைகளை தமிழ்நாடு அரசு வெளியிடப்பட்டுள்ளது. 

கடந்த பிப்.19ம் தேதி சட்டப்பேரவையில்,  நிதியமைச்சர் தங்கம் தென்னரசு,  கலைஞரின் கனவு இல்லம் திட்டம் தொடர்பான அறிவிப்பை வெளியிட்டார். 

இந்நிலையில்,  இத்திட்டத்தை செயல்படுத்துவது தொடர்பான வழிகாட்டுதல்களை ஊரக வளர்ச்சித்துறை இயக்குநர் பி.பொன்னையா வெளியிட்டு,  பல்வேறு அறிவுறுத்தல்களை மாவட்ட ஆட்சியர்களுக்கு வழங்கியுள்ளார்.

தமிழகத்தில் கலைஞரின் கனவு இல்லம் திட்டத்தின்கீழ்,  இந்த 2024-25ம் நிதியாண்டில் ஒரு வீட்டுக்கு ரூ.3.10 லட்சம் என்ற அளவில், ஒரு லட்சம் வீடுகள் கட்ட ரூ.3100 கோடி நிதி ஒதுக்கி, வழிகாட்டுதல்கள் வெளியிடப்பட்டுள்ளன.

கண்டிப்பாக பின்பற்றப்பட வேண்டும் என்கிற உத்தரவோடு,  வெளியிடப்பட்டுள்ள வழிகாட்டுதல்கள் பின்வருமாறு:

• வீடுகள் அனைத்தும் 360 சதுரடி அளவில் சமையலறையுடன் இருக்க வேண்டும்.  இதில் 300 சதுரடி ஆர்சிசி கூரையுடனும்,  மீதமுள்ள 60 சதுரடிக்கு தீப்பிடிக்காத பொருளில் அமைக்கப்பட்ட கூரையாக,  பயனாளிகளின் விருப்பத்துக்கேற்ப அமைக்கப்பட வேண்டும்.
• ஓலை அல்லது அஸ்பெஸ்டாஸ் கூரைகள் அமைக்கப்படக்கூடாது.
• ஒரு வீட்டுக்கான தொகை அனைத்தையும் சேர்த்து ரூ.3.50 லட்சத்துக்குள் இருக்க வேண்டும்.  வீட்டின் சுவர்கள் செங்கல்,  இன்டர்லாக் பிரிக்,  ஏஏசி பிளாக் உள்ளிட்டவற்றால் கட்டப்பட்டிருக்க வேண்டும்.
• மண்ணால் கட்டப்படும் சுவர்கள் கூடாது.  செலவை குறைக்கும் தொழில்நுட்பங்கள், விரைவான கட்டுமானம் போன்றவை அனுமதிக்கப்படுகிறது.
• குடிசையில் வாழ்பவர்கள்,  கேவிவிடி மறு சர்வே பட்டியலில் உள்ளவர்கள் அனைவருக்கும் வீடு சர்வே பட்டியலில் உள்ள குடிசை வீட்டு பயனாளிகள் இதில் தேர்வு செய்யப்பட வேண்டும்.
• மேலும்,  கேவிவிடி சர்வே மற்றும் புதிய குடிசைகள் சர்வே விவரங்கள்,  வரும் 31-ம் தேதிக்குள் ஊரக வளர்ச்சித்துறை இணையதளத்தில் பதிவேற்றம் செய்யப்பட வேண்டும்.
• இத்திட்டத்துக்கான தகுதியான பயனாளிகள்,  கிராம ஊராட்சி தலைவர்,  கிராம ஊராட்சி உதவி பொறியாளர் அல்லது வட்டார பொறியாளர்,  மண்டல துணை வட்டார வளர்ச்சி அலுவலர்,  வார்டு உறுப்பினர்,  ஊராட்சி மேற்பார்வையாளர் ஆகியோர் அடங்கிய குழு தகுதியான பயனாளியை தேர்வு செய்ய வேண்டும்.
• இந்த குழு அனைத்து குடிசைகளையும் ஆய்வு செய்து,  தகுதிகள் அடிப்படையில் பயனாளிகளை தேர்வு செய்ய வேண்டும்.  தகுதியானவர்கள் பட்டியலில் விடுபட்டிருந்தால் அவர்களே சேர்க்க வேண்டும்.  விடுபட்டவர்கள் பட்டியலுக்கு மாவட்ட ஆட்சியரிடம் அனுமதி பெற வேண்டும்.  அதன்பின், பயனாளிகள் பட்டியலில் சேர்க்க வேண்டும்.
• மேலும்,  பிரதமரின் வீடுகட்டும் திட்டத்தில் (ஊரகம்) 25 முதல் 50 வீடுகள் நிலுவையில் இருந்தால் அந்த ஊராட்சி இந்த ஆண்டுக்கான கலைஞரின் கனவு இல்ல திட்ட ஒதுக்கீட்டில் சேர்க்கப்படாது.
• அதே போல்,  எந்த ஒரு ஊராட்சியில் 50க்கு மேற்பட்ட வீடுகள் ஊரக வீடுகள் திட்டத்தின் கீழ் பழுதுபார்ப்புக்கு எடுக்கப்பட்டிருந்தால் அந்த ஊராட்சிகளும் இதில் சேர்க்கப்பட வேண்டியதில்லை.
• அந்த அடிப்படையில், வீடுகள் ஒதுக்கீடு தொடர்பான விவரங்களை வட்டம் மற்றும் கிராம அடிப்படையில் தயாரித்து ஊரக வளர்ச்சி இயக்குனரகத்துக்கு அனுப்ப வேண்டும். இவ்வாறு அந்த அறிவிப்பில் கூறப்பட்டுள்ளது.

source https://news7tamil.live/artists-dream-home-project-release-of-guidelines-for-construction-of-one-lakh-houses-at-rs-3100-crore.html

Read More

நாட்டிலேயே கல்லீரல் மாற்று அறுவை சிகிச்சையில் தமிழ்நாடு முதலிடம்!

 

சென்னை ராஜீவ் காந்தி அரசு பொது மருத்துவமனை 15 மாதங்களில் 11 கல்லீரல் மாற்று அறுவை சிகிச்சைகள் செய்து சாதனை படைத்துள்ளது. 

சென்னை ராஜீவ்காந்தி அரசு பொது மருத்துவமனையில் கடந்த 25ஆம் தேதி 40 வயது பெண்ணுக்கு கல்லீரல் அறுவைசிகிச்சை நடைபெற்றது.  இது அந்த மருத்துவமனையின் 11வது கல்லீரல் அறுவை சிகிச்சையாகும்.  இதன்மூலம் 15 மாதங்களில் 11 கல்லீரல் மாற்று அறுவை சிகிச்சை செய்து சாதனை படைத்துள்ளது.  மேலும் இந்த அறுவைசிகிச்சையின் மூலம் நாட்டிலேயே தமிழ்நாடு,  கல்லீரல் மாற்று அறுவை சிகிச்சையில் முதலிடம் பெற்றுள்ளது.

இதுதொடர்பாக கல்லீரல் மருத்துவத்துறை இயக்குநர் கே.பிரேம்குமார் கூறுகையில், “சென்னை ராஜீவ்காந்தி அரசு பொது மருத்துவமனையில் கடந்த 2023-ம் ஆண்டு பிப்ரவரி 10-ம் தேதி முதல் கல்லீரல் மாற்று அறுவை சிகிச்சை நடைபெற்றது.  தற்போது 11-வது கல்லீரல் மாற்று அறுவை சிகிச்சை மேற்கொள்ளப்பட்டுள்ளது.  அனைவரும் தொடர் மருத்துவ கண்காணிப்புடன் நலமாக உள்ளனர்.

தனியார் மருத்துவமனையில் ரூ.35 லட்சம் வரை செலவாகும் கல்லீரல் மாற்று அறுவை சிகிச்சை முதலமைச்சரின் விரிவான மருத்துவக் காப்பீட்டுத் திட்டத்தில் கட்டணமின்றி மேற்கொள்ளப்பட்டுள்ளது” என்றார்.

source https://news7tamil.live/tamil-nadu-is-the-first-in-liver-transplantation-in-india.html

Read More

ஏடிஹெச்டி பிரச்னை என்றால் என்ன? இது சரி செய்யக்கூடியதா?

 

ஏடிஹெச்டி பிரச்சனை சரிசெய்யக்கூடியதா? மருத்துவர்கள் என்ன சொல்கிறார்கள்? பார்க்கலாம்.

குழந்தைகளிடமோ அல்லது பெரியவர்களிடமோ ஏடிஹெச்டி பிரச்சனை இருந்தால் சரிசெய்ய முடியாது. தொடர் மருத்துவ சிகிச்சைகள் மற்றும் தெரபி மூலம் பிரச்சனை வீரியமாகாமல் பார்த்துக்கொள்ள முடியும் என்று மருத்துவர்கள் தரப்பில் கூறப்படுகிறது.

ஏடிஹெச்டி என்பது குறிப்பாக மூளையின் கட்டுப்பாடோடு தொடர்புடைய பிரச்னை. இதை டெவெலப்மென்டல் கண்டிஷன் (Developmental Condition) என்போம். பொதுவாகவே பிறந்ததிலிருந்தே இந்தப் பிரச்னை இருக்கும். AD என்பது கவனக்குறைவு (Attention Deficit); HD என்பது ஹைப்பர் ஆக்டிவிட்டி டிஸ்ஆர்டர் (Hyperactivity disorder).

ஏடிஹெச்டி பாதிப்புள்ளவர்களுக்குக் கவனக் குறைவு இருக்கும். இவர்கள் எளிதாக டிஸ்ட்ராக்ட் ஆவதோடு, துறுதுறுவென இருப்பார்கள். இவர்களுக்கு ஹைப்பர் ஆக்டிவிட்டி அதிகமாக இருக்கும். இந்த பாதிப்பு பொதுவாக குழந்தைகளுக்கு இருக்கும். ஆனால், பெரியவர்களையும் பாதிக்கலாம்.

நேஷனல் இன்ஸ்டிடியூட் ஆஃப் மென்டல் ஹெல்த் வரையறையின் படி, ‘ஏடிஹெச்டி என்பது, கவனக்குறைவு, ஹெபர் ஆக்டிவ் பிரச்சனையால் ஒரு மனிதரின் வளர்ச்சியில் தடை ஏற்படும்’ என்று தெரிவிக்கிறது.

இதனை மருத்துவத்தில் நரம்பியல் தொடர்பான பாதிப்பு (neurodivergence) என்கிறார்கள். அதாவது ஏடிஹெச்டியால் பாதிக்கப்பட்ட நபர்களின் மூளையானது மற்றவர்களை விட வித்தியாசமாக செயல்படக்கூடிய தன்மையில் இயங்கும். உதாரணமாக இவர்களால் ஒரு வேலையை கவனமாக குறித்த நேரத்தில் முடிக்க முடியாது, சில சமயங்களில் எதையும் சிந்திக்காமல் சுய கட்டுப்பாட்டை இழந்து செயல்படுவார்கள்.

இந்தியாவில் இந்த பிரச்சனை பற்றி சரியான புரிதல் இல்லாததால், ஏடிஹெச்டியால் பாதிக்கப்பட்டவர்களை சோம்பேறிகள், நேர்மையற்றவர்கள் என்று முத்திரை குத்துகிறார்கள் என்று தெரிவிக்கிறார்கள்.

source https://news7tamil.live/what-is-adhd-is-it-fixable.html

Read More

உலகில் அடுத்த பெருந்தொற்று தவிர்க்கமுடியாதது” – பிரிட்டன் விஞ்ஞானி எச்சரிக்கை!

 

உலகில் அடுத்து நிகழப்போகும் பேரிடர் நிச்சயம் தவிர்க்கமுடியாததாக இருக்கும் என பிரிட்டன் நாட்டின் முன்னாள் அறிவியல் ஆலோசகர் சர் பாட்ரிக் வல்லான்ஸ் தெரிவித்துள்ளார்.

கொரோனா பெருந்தொற்றில் இருந்து நாம் மீண்டு வரவே பெரும் சிரமத்தை எதிர் கொண்ட நிலையில்,  அடுத்து பெருந்தொற்று நம்மைத் தாக்கத் தயாராக உள்ளதாக இங்கிலாந்தின் முன்னாள் தலைமை அறிவியல் ஆலோசகர் சர் பேட்ரிக் வாலன்ஸ் தெரிவித்துள்ளார்.

அந்நாட்டில் நடைபெற்ற விழா ஒன்றில் பேசிய அவர் கூறியதாவது:

“உலகில் அடுத்த பெருந்தொற்று வருவது உறுதி.  பெருந்தொற்றை கண்காணித்து முன்கூட்டியே கண்டறிவது தான் இதில் ரொம்பவே முக்கியமானது.  எனவே,  சிறந்த கண்காணிப்பு அமைப்பை உருவாக்க வேண்டியது முக்கியம்.  மேலும்,  புதிய பெருந்தொற்று பரவினால் அதைத் தடுக்க உடனடியாக நாம் நடவடிக்கை எடுக்க வேண்டாம்.  எந்த விதத்திலும் தாமதிக்கக்கூடாது.

பெருந்தொற்றை கண்டறியும் முறையை உருவாக்குவது,  தடுப்பூசிகள்,  சிகிச்சை முறை ஆகியவை நம்மிடம் தயாராக இருந்திருந்தால் கொரோனா தொற்றின் பாதிப்பை வெகுவாக குறைத்து இருக்கும்.  இவற்றை நம்மால் உருவாக்கிவிட முடியும் என்றாலும் சர்வதேச ஒருங்கிணைப்பு தேவைப்படுகிறது.  கொரோனா தொற்று ஏற்பட்ட சமயத்தில் அடுத்த பெருந்தொற்றை தடுக்க ஒத்துழைப்போம் என்று ஜி7 நாடுகள் உறுதியேற்றனர். ஆனால்,  இப்போது அவர்கள் மறந்துவிட்டனர்.

ஒரு நாட்டில் ராணுவம் எப்போதும் தயார் நிலையில் இருக்க வேண்டும்.  அதற்காக ஆண்டு முழுக்க போர் இருக்கும் என்று அர்த்தம் இல்லை.  ஆனால், ஒரு தேசமாக ராணுவம் நமக்கு முக்கியமாகத் தேவை என்பது அனைவருக்கும் தெரியும்.  பெருந்தொற்றையும் இதுபோலத் தான் நாம் பார்க்க வேண்டும். எப்போதும் ஆயுத்தமாக இருக்க வேண்டும்.

பெருந்தொற்று காலத்தில் மட்டும் கவனம் செலுத்திவிட்டு பிறகு கண்டுகொள்ளாமல் இருப்பது தவறான போக்கு.  பெருந்தொற்றுக்கான அறிகுறி இல்லை என்று இதில் நாம் நடவடிக்கை எடுக்காமல் இருந்தால் அடுத்த முறை பெருந்தொற்று தாக்கும் போது மிகப் பெரிய பேரழிவை ஏற்படுத்தும்.

பெருந்தொற்றை கையாள்வது தொடர்பாக உலக சுகாதார அமைப்பு ஒரு சர்வதேச ஒப்பந்தத்தைக் கொண்டு வர வேண்டும்.  இது தொற்றுநோய் ஏற்படும் போது உலக நாடுகள் தயார்நிலையில் இருப்பதை முன்மொழியும் ஒப்பந்தமாக இருக்க வேண்டும். இருப்பினும்,  இந்த விவகாரத்தில் நாம் போதிய கவனம் செலுத்துவதாகத் தெரியவில்லை” என தெரிவித்துள்ளார்.

source https://news7tamil.live/the-next-great-epidemic-in-the-world-is-certain-british-scientist-warning.html

Read More