மார்ச் 2010 முதல் மே 2012 வரை மேற்கு வங்க அரசு இயற்றிய தொடர்ச்சியான உத்தரவுகளை கொல்கத்தா உயர் நீதிமன்றம் நிராகரித்துள்ளது. அரசு உத்தரவில் 77 சமூகங்களில் (வகுப்புகள்), அதில் 75 பிரிவு முஸ்லிம்களுக்கு, இதர பிற்படுத்தப்பட்டோர் (OBC) பிரிவின் கீழ் இடஒதுக்கீடு வழங்கப்பட்டது. இந்த உத்தரவுகளை நீதிமன்றம் ரத்து செய்துள்ளது.
25 5 2024
நீதிபதிகள் தபபிரதா சக்ரவர்த்தி மற்றும் ராஜசேகர் மந்தா ஆகியோர் அடங்கிய டிவிஷன் பெஞ்ச், மேற்கு வங்க பிற்படுத்தப்பட்டோர் ஆணையம் மற்றும் மாநில அரசு இடஒதுக்கீடு வழங்குவதற்கு மதம் மட்டுமே "ஒரே" அடிப்படையாக இருந்தது என்று கண்டறிந்தது, இது அரசியலமைப்பு மற்றும் நீதிமன்ற உத்தரவுகளால் தடைசெய்யப்பட்டுள்ளது.
முஸ்லீம்களுக்கான இடஒதுக்கீடு ஒரு முக்கிய பிரச்சனையாக இருக்கும் தேர்தல் பிரச்சாரத்தின் நடுவில் உயர்நீதிமன்றத்தின் உத்தரவு வருகிறது. இந்துக்களிடமிருந்து இடஒதுக்கீடு மற்றும் பிற சலுகைகளை பறித்து முஸ்லிம்களுக்கு வழங்க எதிர்க்கட்சிகள் முயல்வதாக பிரதமர் தலைமையிலான பா.ஜ.க குற்றச்சாட்டி வருகிறது.
41 முஸ்லீம் வகுப்புகள் உட்பட 42 பயனாளி வகுப்புகள் மேற்கு வங்கத்தின் முந்தைய இடது முன்னணி அரசாங்கத்தால் 2010-ல் வழங்கப்பட்டன; 2012-ல் திரிணாமுல் காங்கிரஸ் ஆட்சிக்கு வந்த பிறகு (2011-ல்) 34 முஸ்லிம் வகுப்புகள் உட்பட மீதமுள்ள 35 பேருக்கு இடஒதுக்கீடு வழங்கப்பட்டது.
வழக்கு என்ன?
மே 22 அன்று வழங்கிய தீர்ப்பில், மார்ச் 5 மற்றும் செப்டம்பர் 24, 2010 க்கு இடையில், மேற்கு வங்க அரசு இதே போன்ற வார்த்தைகளைக் கொண்ட பல அறிவிப்புகளை வெளியிட்டது, அதில் “42 வகுப்புகள், அதில் 41 பேர் முஸ்லிம் சமூகத்தைச் சேர்ந்தவர்கள், ஓபிசிக்கள், அரசியலமைப்பின் 16(4) பிரிவின் கீழ் அவர்களுக்கு அரசு வேலைவாய்ப்பில் இடஒதுக்கீடு மற்றும் பிரதிநிதித்துவம் பெறுவதற்கு உரிமையளித்து…”.
மேலும், அந்த ஆண்டு செப்டம்பர் 24 அன்று, மாநிலத்தில் அடையாளம் காணப்பட்ட 108 OBC களை (66 ஏற்கனவே உள்ளவர்கள் மற்றும் 42 புதிதாக அடையாளம் காணப்பட்டவர்கள்) 56 "OBC-A (பிற்படுத்தப்பட்டோர்)" மற்றும் 52 "OBC-B" (பிற்படுத்தப்பட்டோர்) என துணை வகைகளாகப் பிரித்து ஆணை வெளியிடப்பட்டது.
2011 ஆம் ஆண்டு இதை எதிர்த்து உயர்நீதிமன்றத்தில் தாக்கல் செய்யப்பட்ட முதல் வழக்கில், "42 வகுப்புகளை ஓபிசிகளாக அறிவித்தது... முற்றிலும் மதத்தை அடிப்படையாகக் கொண்டது" என்றும், "வகைப்படுத்தல் ஏற்றுக்கொள்ளக்கூடிய தரவுகளின் அடிப்படையில் இல்லை என்றும், ஆணையத்தால் நடத்தப்பட்ட கணக்கெடுப்பு அறிவியலற்றதாக இருந்தது.
மே 2012-ல், மம்தா பானர்ஜி அரசாங்கம் மேலும் 35 வகுப்புகளை OBC என வகைப்படுத்தியது, அவர்களில் 34 பேர் முஸ்லிம் சமூகத்தைச் சேர்ந்தவர்கள். இதையும் எதிர்த்து உயர்நீதிமன்றத்தில் வழக்கு தொடரப்பட்டது.
மார்ச் 2013 இல், மேற்கு வங்கத்தில் பிற்படுத்தப்பட்ட வகுப்பினர் (பட்டியலிடப்பட்ட சாதிகள் மற்றும் பழங்குடியினர் தவிர) (காலியிடங்கள் மற்றும் பதவிகள் இட ஒதுக்கீடு) சட்டம், 2012, அறிவிக்கப்பட்டது. அனைத்து 77 (42+35) புதிய OBCகளும் சட்டத்தின் அட்டவணை I இல் சேர்க்கப்பட்டனர். இந்த சட்டத்தை எதிர்த்து இரண்டு மனுக்கள் தாக்கல் செய்யப்பட்டன.
மதம் மட்டும் அல்ல
இடஒதுக்கீடு எதிர்த்து மனுத் தாக்கல் செய்யப்பட்ட பெரும்பாலான வழக்குகளைப் போலவே, இந்திரா சாவ்னி v யூனியன் ஆஃப் இந்தியா (மண்டல் தீர்ப்பு) உச்ச நீதிமன்றத்தின் தீர்ப்பை உயர் நீதிமன்றம் பெரிதும் நம்பியுள்ளது.
9 நீதிபதிகள் கொண்ட பெஞ்ச் 1992 இல் OBC களை அடையாளம் கண்டு மதத்தின் அடிப்படையில் மட்டும் இடஒதுக்கீடு வழங்க முடியாது என்று கூறியது. மாநில ஓபிசி பட்டியலில் சேர்ப்பதற்கும் விலக்குவதற்கும் குடிமக்களின் வகுப்புகளைக் கண்டறிந்து பரிந்துரைக்க அனைத்து மாநிலங்களும் பிற்படுத்தப்பட்டோர் ஆணையத்தை நிறுவ வேண்டும் என்றும் நீதிமன்றம் கூறியது.
தற்போதைய வழக்கில், குடிமக்களிடமிருந்து பெறப்பட்ட விண்ணப்பங்களின் அடிப்படையில் கமிஷன் 77 வகுப்புகளை அடையாளம் கண்டுள்ளது என்று ஆணையமும் அரசாங்கமும் சமர்ப்பித்து, பின்னர் அவற்றைச் சேர்க்க அரசுக்கு பரிந்துரைத்தது.
இந்த வகுப்புகளின் பின்தங்கிய நிலையைத் தீர்மானிக்க எந்த ஒரு "புறநிலை அளவுகோல்களையும்" பயன்படுத்தாமல், அப்போதைய முதலமைச்சர் (பிப்ரவரி 2010 இல்) முஸ்லிம்களுக்கான இடஒதுக்கீட்டை பகிரங்கமாக அறிவித்த பிறகு, ஆணையத்தின் பரிந்துரை "மின்னல் வேகத்தில்" செய்யப்பட்டது என்று உயர்நீதிமன்றம் குறிப்பிட்டது.
"இந்த சமூகங்களை ஓபிசிகளாக அறிவிப்பதற்கான ஒரே அளவுகோலாக மதம் இருப்பதாகத் தோன்றுகிறது", மேலும் ஆணையம் சமர்ப்பித்த அறிக்கைகள் "அத்தகைய மதம் சார்ந்த பரிந்துரைகளைத் திரையிட்டு மறைப்பதற்காக மட்டுமே" என்று நீதிமன்றம் கூறியது.
ஓபிசி துணை வகைப்பாடு
மேற்கு வங்காளத்தின் 2012 சட்டத்தின் சில பகுதிகளையும் நீதிமன்றம் ரத்து செய்தது, இதில் (i) மாநில அரசு OBC இடஒதுக்கீடுகளை OBC-A மற்றும் OBC-B வகைகளில் "அதிக பிற்படுத்தப்பட்ட" மற்றும் "பிற்படுத்தப்பட்ட" வகுப்பினருக்கு "துணை-வகைப்படுத்த" அனுமதித்தது. முறையே, மற்றும் (ii) OBC களின் பட்டியலில் சேர்க்க 2012 சட்டத்தின் அட்டவணையைத் திருத்துவதற்கு மாநிலத்தை அனுமதிக்கும் விதி.
துணை வகைப்பாடு உட்பட நியாயமான மற்றும் பாரபட்சமற்ற வகைப்பாட்டை உருவாக்க மாநில அரசு ஆணையத்தை கலந்தாலோசிக்க வேண்டும் என்று நீதிமன்றம் கூறியது.
துணை வகைப்பாடு என்பது வெவ்வேறு சமூகங்கள் எதிர்கொள்ளும் பல்வேறு நிலை இழப்புகளை நிவர்த்தி செய்வதாகும், இது ஆணையத்தால் சேகரிக்கப்பட்ட பொருட்களைக் குறிப்பிடுவதன் மூலம் மட்டுமே செய்ய முடியும் என்று நீதிமன்றம் கூறியது.
source https://tamil.indianexpress.com/explained/why-calcutta-hc-quashed-obc-quota-for-muslims-4605941
