ஏ.கே.ராஜன் அறிக்கையில் இடம்பெற்றுள்ள தகவல் என்ன?

 

14.07.2021 ஏ.கே.ராஜன் தலைமையிலான குழு, தமிழ்நாடு அரசிடம் இன்று காலை வழங்கிய அறிக்கையில் என்னென்ன அம்சங்கள் இடம்பெற்றுள்ளன என்பது குறித்த தகவல் வெளியாகியுள்ளது.

ஏ.கே.ராஜன் தாக்கல் செய்த அறிக்கையில், இணையதளம் மற்றும் நேரடியாக பொதுமக்களிடம் இருந்து 86,462 மனுக்கள் பெறப்பட்டுள்ளதாக தகவல் வெளியாகியுள்ளது. இதில், 85 ஆயிரத்துக்கும் அதிகமானோர் நீட் தேர்வு வேண்டாம் என கருத்து தெரிவித்துள்ளதாக கூறப்பட்டுள்ளது.

2007ஆம் ஆண்டு, திமுக அரசு 12ஆம் வகுப்பு மதிப்பெண் அடிப்படையிலேயே பொறியியல் மற்றும் மருத்துவ மாணவர் சேர்க்கையை நடத்த வேண்டும் என்பதற்காக தொழிற்கல்வி நுழைவுத்தேர்வு தடை சட்டத்தை இயற்றியுள்ளதாக குறிப்பிட்ட ஏ.கே.ராஜன் குழு, இந்த சட்டம் மூலமாகவே நீட் தேர்வில் இருந்து தமிழ்நாட்டிற்கு விலக்கு பெற முடியும் என குறிப்பிட்டுள்ளதாக தெரிகிறது.

இதன்மூலம், உச்ச நீதிமன்றத்தில் முறையிட்டு நீட் தேர்வில் இருந்து தமிழ்நாட்டிற்கு விலக்கு பெற்றுக் கொள்ளலாம் என தெரிவிக்கப்பட்டுள்ளதாகவும் தகவல் வெளியாகியுள்ளது.

source https://news7tamil.live/what-are-the-uggestions-in-ak-rajans-report.html