அமெரிக்காவின் அயோவா பகுதியில் எண்ணெய் சுத்திகரிப்பு தளத்தில் ஏற்பட்ட வெடிப்பு சம்பவத்தில் தீயணைப்பு வீரர் ஒருவர் பலத்த காயமடைந்துள்ளதாக உள்ளூர் ஊடகம் ஒன்று அறிக்கையிட்டுள்ளது.
மத்திய நகரில் அமைந்துள்ள அயோவா சுற்றுச்சூழல் சேவைகள் நிறுவனத்தின் எண்ணெய் சுத்திகரிப்பு தளத்தில் நேற்று வியாழக்கிழமை காலை இந்த வெடிப்பு சம்பவம் இடம்பெற்றுள்ளது.
இதனையடுத்து சம்பவ இடத்திற்கு வரவழைக்கப்பட்ட தீயணைப்பு வீரர்களின் தீயை கட்டுப்படுத்தும் சிலமணிநேர போராட்டத்தின் போதே வீரர் ஒருவர் பலத்த காயங்களுக்கு உள்ளானதாக தெரிவிக்கப்படுகின்றது.
எனினும் அருகிலுள்ள குடியிருப்பாளர்கள் தமது வீட்டின் கதவுகள் மற்றும் ஜன்னல்களை பூட்டி வீட்டினுள்ளேயே இருக்குமாறு அறிவுறுத்தப்பட்டிருந்த நிலையில் குடியிருப்பாளர்கள் எவருக்கும் பாதிப்பு ஏற்படவில்லை என்றும் தெரிவிக்கப்படுகின்றது.
விபத்துக்கான காரணம் குறித்து விசாரணைகள் இடம்பெற்று வருகின்றது.