முதுகலை மருத்துவ படிப்புகளை படிக்க விரும்பும் எம்.பி.பி.எஸ் மாணவர்களின் பெரு விருப்பமாக பொது மருத்துவம் மற்றும் ரேடியோ நோயறிதல் படிப்புகள் உள்ளன.
எம்.பி.பி.எஸ் படித்து முடிக்கும் பெரும்பாலான மாணவர்கள் தங்கள் ஒரு வருட கட்டாய பயிற்சிக்குப் பிறகு முதுகலை படிக்க விரும்புகின்றனர். சிலர் வேலைக்குச் சென்றாலும், அடுத்தடுத்து முதுகலை படிப்புகளை படிக்க விரும்புகின்றனர். இதில் டாப் ரேங்க் மாணவர்கள் முதல் அனைவரின் விருப்பமாக பொது மருத்துவம் மற்றும் ரேடியோ நோயறிதல் படிப்புகளே உள்ளன.
இந்த ஆண்டு, MD/MS சேர்க்கைக்கான முதல் அகில இந்திய ஒதுக்கீடு பட்டியலில் முதல் 100 விண்ணப்பதாரர்களில் 53 பேர் பொது மருத்துவத்தையும், 35 பேர் ரேடியோ நோயறிதலையும் தேர்வு செய்துள்ளனர். 2020 இல் இந்த எண்ணிக்கை முறையே 47 மற்றும் 32 ஆக இருந்தது. மீதமுள்ள சிலர் தோல் மருத்துவம், மகளிர் மருத்துவம் மற்றும் அறுவை சிகிச்சையைத் தேர்ந்தெடுத்தனர்.
ஒரு காலத்தில் பிரபலமான படிப்பாக இருந்த, பொது அறுவை சிகிச்சைக்கு முதல் 100 பட்டியலில் நான்கு பேர் மட்டுமே இருந்தனர். ஆனால் மருத்துவத் துறையில் உள்ள பலருக்கும், இந்தப் பட்டியல் ஆச்சரியத்தை தரவில்லை. ஏனெனில் கார்டியாலஜி, நெப்ராலஜி மற்றும் காஸ்ட்ரோஎன்டாலஜி போன்ற சூப்பர் ஸ்பெஷாலிட்டி பிரிவுகளில் நிபுணத்துவம் பெறுவதற்கு பொது மருத்துவம் வழி வகுக்கிறது, இதற்கு குறைந்த முதலீடு தேவைப்படுகிறது மற்றும் மருத்துவர்களுக்கு ஆரம்ப நிலைத்தன்மையைக் கொண்டுவருகிறது.
அதேசமயம் அறுவை சிகிச்சை படிப்புக்கு அதிக ஆண்டுகள், அதிக உழைப்பு, அதிக பயிற்சி, அதிக அர்ப்பணிப்பு மற்றும் அதிக முதலீடு தேவைப்படுகிறது. மூன்று ஆண்டுகளுக்கு முன்பு, குழந்தை மருத்துவம் படிப்பை முதல் 100 இடங்களில் உள்ள ஐந்து பேர் தேர்ந்தெடுத்தனர், ஆனால் இந்த ஆண்டு யாரும் இல்லை.
மருத்துவ ஆலோசனைக் குழுவின் முதல் பட்டியலின் தரவுகள் முதுகலை படிப்புகளுக்கு மற்ற மாநிலங்களை விட பலர் டெல்லியை விரும்புகிறார்கள் என்பதைக் காட்டுகிறது. டெல்லி கல்வி நிறுவனங்களுக்கு எந்த சான்றிதழும் தேவையில்லை, மலிவானது மற்றும் முதுகலை மருத்துவம் படிப்பவர்களுக்கு அதிக ஊதியம் வழங்கப்படுகிறது என்று மருத்துவர்கள் கூறுகின்றனர்.
ரேடியோ நோயறிதல் சில காலமாக பிரபலமாக உள்ளது. இந்த நாட்களில் மாணவர்கள் அறுவை சிகிச்சையை விட ஆரம்பகால வருமான நிலைத்தன்மையை வழங்கும் மருத்துவ சூப்பர் ஸ்பெஷாலிட்டி பகுதிகளுக்கு சாத்தியமுள்ள பொது மருத்துவ படிப்புகளை விரும்புகிறார்கள். அதாவது தோல் மருத்துவம், கதிரியக்கவியல் போன்றவை. ஒரு கட்டத்தில் மிகவும் விரும்பப்பட்ட படிப்பாக இருந்த அறுவை சிகிச்சைக்கு அதிக அர்ப்பணிப்பு, அதிக நேரம் தேவைப்படுகிறது மற்றும் மருத்துவர்கள் இறுதியில் தீர்வு காண வேண்டும். யாராவது தனியாக பயிற்சியைத் தொடங்க விரும்பினால், அறுவை சிகிச்சைக்கு அதிக முதலீடு தேவைப்படுகிறது. இதேபோல், மகளிர் நலம் மற்றும் மகப்பேறு மருத்துவ படிப்புக்கும் அதிக நேரம் மற்றும் அர்ப்பணிப்பு தேவைப்படும். மாணவர்கள் தங்கள் மூத்தவர்கள் மற்றும் சக ஊழியர்களின் கருத்துகளின் அடிப்படையில் சிறந்த தேர்வுகளை செய்கிறார்கள். என்று மருத்துவ கல்வியாளர்கள் கூறுகின்றனர்.
இருப்பினும், முதுகலை அளவில் அறுவை சிகிச்சைக்கான இடங்கள் காலியாக உள்ளன என்று அர்த்தமல்ல. முதல் தரவரிசையாளர்கள் பொது மருத்துவம் மற்றும் ரேடியோ நோயறிதலைத் தேர்வு செய்கிறார்கள், ஆனால் நடுத்தர தரவரிசையில் உள்ளவர்கள் மற்ற பாடப்பிரிவுகளை கலவையாக தேர்வு செய்கின்றனர். இப்போது அறுவை சிகிச்சையில் வெறும் பட்டம் என்பது சாதாரண MBBS போன்றது மற்றும் சூப்பர் ஸ்பெஷாலிட்டி இல்லாமல் எதையும் குறிக்காது. வரையறுக்கப்பட்ட இடங்கள் மற்றும் கடுமையான போட்டியைக் கொண்டுள்ளது. மேலும் ஒரு போட்டித் தேர்வில் கலந்துகொள்வது பலருக்கு தடையாக உள்ளது, என்று கல்வியாளர்கள் கூறுகின்றனர்.
source https://tamil.indianexpress.com/education-jobs/neet-pg-counselling-2023-top-mbbs-rankers-choose-general-medicine-specialty-738500/
