3 2 23
வாழைப்பழத் தோல், கொலாஜன் உற்பத்திக்கு உதவும் சிலிக்காவைக் கொண்டுள்ளது, இது சருமத்தை ஆரோக்கியமாக வைத்திருக்க உதவுகிறது. இது ஆண்டிமைக்ரோபியல் பண்புகளைக் கொண்ட பீனாலிக்ஸையும் கொண்டுள்ளது.
எனவே கொலாஜன் உற்பத்தியை அதிகரிக்கவும், உங்கள் முகத்தில் பிக்மென்ட் மற்றும் முகப்பரு தழும்புகளை குறைக்கவும் வாழைப்பழத் தோலைப் பயன்படுத்துங்கள். வாழைப்பழத்தோலின் உட்புறத்தை (வெள்ளை பகுதி) உங்கள் முகத்தில் மெதுவாக தேய்க்கவும். சுமார் 15 நிமிடங்கள் அப்படியே வைத்து, பின்னர் குளிர்ந்த நீரில் கழுவுங்கள் என்று பாலிவுட் நடிகை பாக்யஸ்ரீ கூறினார்.
முகத்தில் உள்ள கரும்புள்ளிகள் மற்றும் முகப்பரு வடுக்களை நீக்க வாழைப்பழத் தோலை முகத்தில் தேய்ப்பது பொதுவாக நம்பப்படும் தோல் பராமரிப்பு தீர்வாகத் தெரிகிறது. ஆனால் இது உண்மையில் வேலை செய்கிறதா?
பரவலாக நம்பப்படும் இந்த அழகு குறிப்பில், ஏதேனும் உண்மை இருக்கிறதா இல்லையா என்பதைப் புரிந்துகொள்ள நிபுணர்களை அணுகினோம். தெரிந்து கொள்ள தொடர்ந்து படியுங்கள்.
ஹெல்த்லைன் படி, வாழைப்பழத்தோல், ஆக்ஸிஜனேற்றிகள், நார்ச்சத்து மற்றும் அத்தியாவசிய ஊட்டச்சத்துக்கள் நிறைந்தது, சருமத்தை பிரகாசமாக்குகிறது மற்றும் சுருக்கங்களை குறைக்க உதவுகிறது. இது ஒரு மாய்ஸ்சரைசராகவும் செயல்படுகிறது, சருமத்தை ஈரப்பதமாக்க உதவுகிறது. பல ஆய்வுகள் வாழைப்பழத் தோலுக்கும் பழத்தைப் போலவே அழற்சி எதிர்ப்பு பண்புகளும் இருப்பதாகக் கண்டறிந்துள்ளன.
ஆனால் நிபுணர்கள் ஒப்புக் கொள்கிறார்களா?
டாக்டர் அக்ரிதி குப்தாவின் கூற்றுப்படி, உங்கள் முகத்தில் வாழைப்பழத் தோலைத் தேய்ப்பது நல்ல பலன்களை கொடுக்கும் என்பதற்கு எந்த அறிவியல் ஆதாரமும் இல்லை. வாழைப்பழத்தில் ஆக்ஸிஜனேற்றங்கள் உள்ளன, அவை சுருக்கங்கள், தோல் தொய்வு போன்றவற்றை ஏற்படுத்தும் சூரிய ஒளி, மாசுபாடு அல்லது புகையால் ஏற்படும் ஆக்ஸிஜனேற்ற அழுத்தத்தைக் குறைக்க உதவுகின்றன.
ஆக்ஸிஜனேற்றங்கள் ஃப்ரீ ரேடிக்கல்களை எதிர்த்துப் போராடுவதால் இது உதவியாக இருக்கும், இது ஆக்ஸிஜனேற்ற அழுத்தத்தைக் குறைக்கிறது. இது அவற்றை ஒரு முக்கியமான தோல் பராமரிப்பு மூலப்பொருளாக ஆக்குகிறது – ஆனால் வாழைப்பழத் தோலில் இருந்து நீங்கள் அவற்றைப் பெற முடியாது, அது எவ்வளவு பழுத்ததாக இருந்தாலும் சரி.
டாக்டர் ஜெய்ஸ்ரீ ஷரத் இதை ஒப்புக்கொண்டார், மேலும் வாழைப்பழத் தோலில் டானின் உள்ளது, இது ஒரு ஆக்ஸிஜனேற்றியாகும். இது சருமத்தை தற்காலிகமாக பிரகாசமாக மாற்றினாலும், முகப்பரு தழும்புகள் அல்லது குழிகளை வாழைப்பழத்தோலால் குறைக்க முடியாது, என்று அவர் கூறினார்.
source https://tamil.indianexpress.com/lifestyle/beauty-tips-banana-peel-for-skincare-banana-peel-benefits-587502/
