ஆளுநர் க்கு எதிராக தமிழ்நாடு அரசு உச்சநீதிமன்றத்தில் வழக்கு!

 

தமிழ்நாடு அரசு சார்பில் ஆளுநர் ஆர்.என். ரவிக்கு எதிராக உச்சநீதிமன்றத்தில் வழக்கு தாக்கல் செய்யப்பட்டுள்ளது.

தமிழ்நாடு அரசு சார்பில் அனுப்பப்பட்டுள்ள மசோதாக்களைக் கிடப்பில் வைத்திருக்கும் ஆளுநர் ஆர்.என். ரவியின் செயல்பாட்டிற்கு எதிராகவும், கிடப்பில் வைத்திருக்கும் மசோதாக்களுக்கு ஒப்புதல் அளிக்க ஆளுநருக்கு உடனே உத்தரவிடக் கோரியும் உச்சநீதிமன்றத்தில் அவசர வழக்காகத் தாக்கல் செய்யப்பட்டுள்ளது.

உச்சநீதிமன்றத்தில் தமிழ்நாடு அரசு சார்பில் தாக்கல் செய்யப்பட்டுள்ள மனுவில், “தமிழ்நாடு சட்டப் பேரவையில் நிறைவேற்றி ஆளுநருக்கு சபை அனுப்பிய மசோதாக்கள் மற்றும் அரசு உத்தரவுகளை நிறைவேற்ற ஒப்புதல் அளிக்காமல் ஆளுநர் ஆர்.என்.ரவி கிடப்பில் வைத்துள்ளார். சட்டமன்றத்தால் நிறைவேற்றப்பட்டு மசோதாக்களை ஆளுநர்கள் பரிசீலிப்பதற்கான கால வரம்பை நிர்ணயிக்கும் வழிகாட்டுதல்களை வகுக்க வேண்டும். ஆளுநர்களுக்கு என்று குறிப்பிட்ட காலக்கெடு விதிக்க வேண்டும்” எனத் தெரிவிக்கப்பட்டுள்ளது. 

source https://news7tamil.live/tamil-nadu-government-filed-a-case-in-the-supreme-court-against-governor-rn-ravi.html

Read More

மாநிலங்களை ஒழிக்க நினைக்கிறது

 

முதலமைச்சராக இருந்தபோது மாநில உரிமை பற்றி பேசிய மோடி, பிரதமரான பின் மாநில உரிமைகளை பறிக்கிறார் என்று முதல்.வர் ஸ்டாலின் பேசி உள்ளார்.

ஸ்பீக்கிங் ஃபார் இந்தியா பாட்காஸ்டில் 3வது ஆடியோ இன்று வெளியானது. அதில் முதலமைச்சர் மு.க.ஸ்டாலின்  பேசியதாவது: ”இந்தியா என்பது கூட்டாட்சி தன்மை கொண்ட நாடு. பல்வேறு அழகிய மலர்கள் நிறைந்த அற்புதமான  பூந்தோட்டம். அதை சிதைக்க பா.ஜ.க முயற்சிக்கிறது.

முதலமைச்சராக மாநில உரிமை பற்றி பேசிய மோடி, பிரதமராகி மாநில உரிமைகளை பறிக்கிறார். மாநில அரசின் திட்டத்தை நிறைவேற்ற மத்திய அரசின் வாசலில் காத்திருக்கும் நிலையை உருவாக்கி விட்டார் மோடி.

தி.மு.க.வின் முக்கிய கொள்கையில் ஒன்று மாநில சுயாட்சி. மாநிலங்களை ஒழிக்க வேண்டும் என பா.ஜ.க  அரசு நினைக்கிறது. மாநில சுயாட்சி கொள்கை  வெல்லும் வகையில் இந்தியா கூட்டணி ஆட்சிக்கு  வர வேண்டும். இந்தியாவை இந்தியா கூட்டணியிடம் ஒப்படைக்க வேண்டும். இந்தியா கூட்டணி ஆட்சிக்கு வர வேண்டும் ” என்று அவர் பேசியுள்ளார்.  

source https://tamil.indianexpress.com/tamilnadu/podcast-cm-stalin-says-bjp-want-to-destroy-states-idea-1678250

Read More

விஷம் உள்ளவர்கள், விஷத்தை தான் கக்குவார்கள்!” மத்திய அமைச்சர் கருத்துக்கு கேரள முதலமைச்சர் பினராயி விஜயன் கடும் கண்டனம்!

 

கேரள குண்டு வெடிப்பில் ஹமாஸ் அமைப்பை இணைத்து பேசிய மத்திய அமைச்சர் ராஜீவ் சந்திரசேகருக்கு கேரள முதலமைச்சர் பினராயி விஜயன் கடும் கண்டனம் தெரிவித்துள்ளார். 

கேரளா மாநிலம் எர்ணாகுளம் அருகே உள்ள களமசேரி பகுதியில் கிறிஸ்தவ பிரார்த்தனை கூட்டத்தில் திடீரென பயங்கர சத்தத்துடன் குண்டு வெடித்ததாக கூறப்படுகிறது. இந்த குண்டு வெடிப்பு சம்பவத்தில் இரண்டு பேர் உயிரிழந்தனர் மற்றும் 30க்கும் மேற்பட்டோர் படுகாயம் அடைந்துள்ளனர்.

சுமார் 2000 பேர் கலந்து கொண்ட இந்த கூட்டத்தில், பயங்கர சத்தத்துடன் அடுத்தடுத்து 3 முறை குண்டுகள் வெடித்ததாக தகவல் வெளியானது. குண்டு வெடித்த பின்பு, தீ பற்றி எரிய தொடங்கியுள்ளது. தகவலறிந்த பின், தீயணைப்பு மீட்புக் குழுவினரும், காவல்துறையினரும் சம்பவ இடத்திற்கு விரைந்து மீட்பு பணிகளை தவிரப்படுத்தினர். விசாரணையில், களமசேரியில் நடைபெற்ற குண்டு வெடிப்பில் IED(Improvised Explosive Device) ரக குண்டு பயன்படுத்தப்பட்டது உறுதி செய்யப்பட்டுள்ளது. ஒரு டிபன் பாக்ஸில் IED வைத்திருக்கலாம் என்பதற்கான அறிகுறிகள் உள்ளன என கேரள டிஜிபி தெரிவித்துள்ளார்.

இந்நிலையில், கேரளாவில் உள்ள ரயில் நிலையங்கள், விமான நிலையங்கள் உள்பட மக்கள் அதிகமாகக் கூடும் இடங்கள் அனைத்திலும் போலீசார் தீவிர கண்காணிப்பில் ஈடுபட்டுள்ளனர். இந்த நிலையில், இவ்வழக்கு தேசிய புலனாய்வு முகமைக்கு (NIA) மாற்றப்பட்டுள்ளது. இதனால் விசாரணை மேலும் தீவிரம் அடைந்துள்ளது.

இதனிடையே இந்த விவகாரம் குறித்து, மத்திய அமைச்சர் ராஜீவ் சந்திரசேகர் தனது X தள பக்கத்தில் பதிவொன்றை வெளியிட்டிருந்தார். அதில் கூறப்பட்டுள்ளதாவது:

“காங்கிரஸ் மற்றும் சிபிஎம் கட்சிகளின் சமாதான அரசியலின் விலையை சமூகத்தின் அப்பாவி மக்களே சுமக்க வேண்டியுள்ளது. வரலாறு அதை தான் நமக்கு கற்று கொடுத்திருக்கிறது. வெட்கக்கேடான அரசியல் – காங்கிரஸ்/சிபிஎம்/ஐக்கிய கூட்டணி/ INDIA கட்சிகள், ஹமாஸ் அமைப்புக்கு ஆதரவாக கேரளாவில் வெறுப்பை பரப்புகின்றன. பொறுப்பற்ற முட்டாள்தனமான அரசியல்” இவ்வாறு மத்திய அமைச்சர் ராஜீவ் சந்திரசேகர் குற்றம் சாட்டியிருந்தார்.

இந்நிலையில், மத்திய அமைச்சர் ராஜீவ் சந்திரசேகர் தெரிவித்த கருத்துகளுக்கு கேரள முதலமைச்சர் பினராயி விஜயன் கடும் கண்டனம் தெரிவித்துள்ளார்.

இது தொடர்பாக செய்தியாளர்களை சந்தித்த கேரள முதலமைச்சர் பினராயி விஜயன் பேசியதாவது:

“விஷம் உள்ளவர்கள், விஷத்தை தான் கக்குவார்கள்… நான் மோசமான அரசியல் செய்கின்றேன் என்றும், இஸ்ரேலுக்கு எதிராக போராட்டம் நடத்துகிறேன் என்றும் மத்திய அமைச்சர் ஒருவர் கூறுகிறார். விசாரணை நடந்து கொண்டிருக்கிறது… அவர் ஒரு மந்திரி என்பதால், விசாரணை நிறுவனங்களுக்கு குறைந்தபட்ச மரியாதை கொடுக்க வேண்டும். இது போன்ற ஒரு தீவிரமான சம்பவத்தின் போது, ஆரம்ப கட்டத்திலேயே, ஒரு சிலரை குறிவைத்து இதுபோன்ற அறிக்கைகளை வெளியிடுகிறார். இது அவர்களின் வகுப்புவாத கொள்கையை வெளிப்படையாக காட்டுகிறது. ஆனால் கேரளாவில் அத்தகைய வகுப்புவாத பிரிவினை இல்லை. கேரளா எப்போதுமே வகுப்புவாதத்திற்கு எதிராக நிற்கிறது… இவர்கள் எந்த அடிப்படையில் ஒரு சமூகத்தை குறிவைத்து தவறான கோணத்தில் விமர்சிக்கிறார்கள்? இவ்வளவு பொறுப்பான பதவியில் அமர்ந்து கொண்டு, எந்த அடிப்படையில் அவர்  இப்படி ஒரு அறிக்கையை வெளியிடுகிறார். இவ்வாறு பினராயி விஜயன் கேட்டமாக கேள்விகளை முன்வைத்தார்.

source https://news7tamil.live/poisonous-people-spew-venom-kerala-chief-minister-pinarayi-vijayan-strongly-condemned-the-union-ministers-comment.html

Read More

விவசாயிகள் மகிழ்ந்தால் நாடே மகிழ்ச்சியாக இருக்கும்: ராகுல் காந்தி

 

விவசாயிகள் மகிழ்ச்சியாக இருந்தால் நாடே மகிழ்ச்சியாக இருக்கும் என்று காங்கிரஸ் எம்.பி. ராகுல் காந்தி தெரிவித்துள்ளாா்.

சத்தீஸ்கா் சட்டப்பேரவைத் தோ்தல் நவம்பர்  7,  நவம்பர் 17-ஆம் தேதிகளில் இரண்டு கட்டங்களாக நடைபெற உள்ளது.  இதையொட்டி அங்கு அரசியல் கட்சிகள் பிரசாரத்தில் ஈடுபட்டு வருகின்றன.

இந்நிலையில், அந்த மாநிலத் தலைநகா் ராய்பூா் அருகே உள்ள கதியா கிராமத்துக்கு காங்கிரஸ் எம்.பி. ராகுல் காந்தி நேற்று சென்றாா்.  அங்கு அவா் விவசாயிகளுடன் கலந்துரையாடினாா்.  மேலும், அவா்கள் நெல் அறுவடை செய்யவும் உதவினாா்.

ராகுல் காந்தியுடன் சத்தீஸ்கா் முதலமைச்சர் பூபேஷ் பகேல்,  துணை முதல்வா் டி.எஸ்.சிங் தேவ் ஆகியோா் உடன் சென்றிருந்தனா்.

இது தொடா்பாக ராகுல் ‘எக்ஸ்’ தளத்தில் வெளியிட்ட பதிவு:

• நெல்லுக்கான குறைந்தபட்ச ஆதரவு விலை குவிண்டாலுக்கு ரூ.2,640
• 26 லட்சம் விவசாயிகளுக்கு ரூ.23,000 கோடி விவசாய இடுபொருள்கள் மானியம்
• 19 லட்சம் விவசாயிகளின் ரூ.10,000 கோடி கடன் தள்ளுபடி
• மின்சார கட்டணம் பாதியாக குறைப்பு
• 5 லட்சம் விவசாயத் தொழிலாளா்களுக்கு ஆண்டுதோறும் ரூ.7,000

ஆகிய 5 நற்பணிகளை சத்தீஸ்கா் விவசாயிகளுக்காக மாநில அரசு மேற்கொண்டது.  இது அந்த மாநில விவசாயிகளை நாட்டிலேயே மிகுந்த மகிழ்ச்சி கொண்டவா்களாக்கியது. இத்தகைய நடவடிக்கையை நாடு முழுவதும் விவசாயிகளுக்காக காங்கிரஸ் மேற்கொள்ளும்.  விவசாயிகள் மகிழ்ச்சியாக இருந்தால் நாடே மகிழ்ச்சியாக இருக்கும் என்று குறிப்பிட்டுள்ளார்.

தொடர்ந்து சத்தீஸ்கரில் உள்ள ராஜ்நாந்த்காவ்,  கவா்தா தொகுதிகளில் காங்கிரஸின் தோ்தல் பொதுக்கூட்டங்கள் நடைபெற்றன.  அவற்றில் ராகுல் காந்தி பங்கேற்றுப் பேசியதாவது:

எதையெல்லாம் பிரதமா் மோடியும் பாஜகவினரும் பாா்க்கிறாா்களோ,  அவற்றையெல்லாம் அவா்கள் தனியாா்மயமாக்குகின்றனா்.  மருத்துவமனைகள், பள்ளிகள் மற்றும் கல்லூரிகளைத் தனியாா்மயமாக்கி,  அவற்றை பெரும் பணக்காரா்களிடம் அவா்கள் ஒப்படைகின்றனா்.  எல்லாவற்றையும் தனியாா்மயமாக்கும் நாடு நமக்கு வேண்டாம்.

ஏழைகள்,  தொழிலாளா்கள்,  விவசாயிகள்,  பிற்படுத்தப்பட்ட மக்கள்,  பழங்குடியினா் மற்றும் தலித்துகளின் நலனுக்காக காங்கிரஸ் பணியாற்றுகிறது.

மத்தியிலும்,  மாநிலத்திலும் காங்கிரஸ் மீண்டும் ஆட்சியமைத்த பிறகு ஜாதிவாரி கணக்கெடுப்பு மேற்கொள்ளப்படும்.  அதன் பின்னா் பிற்படுத்தப்பட்ட மக்கள்,  தலித்துகள், பழங்குடியினரின் புதிய அத்தியாயம் எழுதப்படும்.  அவா்களின் முன்னேற்றம் மற்றும் வளா்ச்சிக்கு வரலாற்று முக்கியத்துவம் வாய்ந்த பணிகள் மேற்கொள்ளப்படும் என்று ராகுல்காந்தி பேசினார்.

source https://news7tamil.live/if-the-farmers-are-happy-the-country-will-be-happy-rahul-gandhi.html

Read More

ஒரு காலத்தில், இந்தியா, இலங்கையை நெருக்கமாக்கிய ரயில் சேவை

 

ஒரு காலத்தில், இந்தியா, இலங்கையை நெருக்கமாக்கிய ரயில் சேவை

இந்தியாவையும் இலங்கையையும் இணைக்கும் புதிய படகு, எச்.எஸ்.சி செரியபாணியின் திறப்பு விழா, தனுஷ்கோடி வழியாக மெட்ராஸ் மற்றும் கொழும்பை இணைக்கும் பழைய போட் மெயில், விரைவு ரயில் மற்றும் படகு சேவையின் நினைவுகளை மீண்டும் கொண்டு வந்தது. போட் மெயிலின் கலாச்சார மரபு மற்றும் புதிய படகு சேவையின் பொருளாதார மற்றும் அரசியல் முக்கியத்துவத்தை அருப் கே சாட்டர்ஜி திரும்பிப் பார்க்கிறார்.

புகழ்பெற்ற வரலாற்றாசிரியர் ரொமிலா தாப்பர் ஒருமுறை கூறியது போல், வரலாறு கடந்த காலத்தைப் பற்றிய ஒரு ‘புரிதல்’. அதன்படி, நாகப்பட்டினம் (இந்தியா) மற்றும் காங்கேசன்துறை (இலங்கை) இடையேயான படகுப் பாதையின் திறப்பு விழா, ஒரு காலத்தில் மெட்ராஸையும் கொழும்பையும் இணைக்கும் ஒரு விரைவு ரயிலான போட் மெயிலின் நினைவுக்கு ஒரு ஏக்கத்தைத் நினைவுகூர்வதைவிட அதிகமாக புரிந்து கொள்ளக் கோருகிறது. (முதலில் தூத்துக்குடி வழியாகவும் பின்னர் தனுஷ்கோடி வழியாகவும்).

பிரதமர் நரேந்திர மோடி மற்றும் இலங்கை அதிபர் ரணில் விக்கிரமசிங்க ஆகியோரிடமிருந்து படகுப் பாதைக்கு கிடைத்துள்ள பாராட்டப்பட்ட ஒப்புதல்களின் அடிப்படையில், அதன் வரலாறு மற்றும் நிகழ்கால மாற்றங்களில் கண்ணுக்குத் தெரியாததை விட அதிகமாக உள்ளது. சிறிய உள்கட்டமைப்பு நகர்வு, அதிவேகக் கப்பலின் பின்பகுதியில், ‘எச்.எஸ்.சி. செரியபாணி’ என்று பெயரிடப்பட்டது, இருதரப்பு வர்த்தகம் மற்றும் போக்குவரத்து உறவுகளை மறுசீரமைப்பதை மட்டும் குறிக்கவில்லை. இது அண்டை நாடுகளுக்கிடையே பரஸ்பரம் சாதகமான கலாச்சார நல்லிணக்கத்தை பிரதிபலிக்கிறது, அதே நேரத்தில் உலகளாவிய புவிசார் அரசியல் கணிக்க முடியாத நிழல்கள் இந்தியப் பெருங்கடல் பிராந்தியத்தில் பெரியதாக உள்ளது.

போட் மெயிலின் கலாச்சார பாரம்பரியம்

1960-களின் பிற்பகுதியில், இந்திய-இலங்கை உறவுகள் 2008-09-ல் இலங்கை உள்நாட்டுப் போர் முடிவுக்கு வரும் வரை (முக்கியமாக தமிழர் பிரச்சினையை விட) மோசமடைந்தது. இதற்கு நேர்மாறாக, இந்த போட் மெயில், இந்திய மற்றும் சிங்கள மரபுகள் பன்மைத்துவ நல்லிணக்கத்தை அனுபவித்த காலங்களைச் சேர்ந்தது. 

1880 களில் - இந்திய மற்றும் இலங்கை தேயிலைகளின் ஒருங்கிணைந்த ஏற்றுமதி பிரிட்டனுக்கான சீன தேயிலை ஏற்றுமதியை முறியடித்தபோது, லிப்டன் போன்ற தேயிலை நிறுவனங்கள் இலங்கை தோட்டங்களை வாங்குவதற்கும் இந்திய தமிழர் தொழிலாளர்களை வேலைக்கு அமர்த்துவதற்கும் முன் இரண்டு நிர்வாகங்களுக்கிடையிலான தொடர்புகள் - தென்னிந்திய ரயில்வே மற்றும் இலங்கை அரசாங்க ரயில்வே ஆகியவை  ரயில்வேயை மேம்படுத்த ஆர்வமாக இருந்தன. 

ஜனவரி 1, 1880 அன்று, மெட்ராஸ் மற்றும் தூத்துக்குடி இடையே ஒரு புதிய ரயில் (22 மணி நேரத்திற்கும் குறைவான பயணம்) - இன்றைய பேர்ல் சிட்டி எக்ஸ்பிரஸ் பாதையில் - கொழும்பிற்கு ஒரு நாள் நீராவி இணைப்புடன் திறக்கப்பட்டது. பிப்ரவரி 1914-ல், அமெரிக்க பொறியியலாளர் வில்லியம் ஷெர்ஸரால் வடிவமைக்கப்பட்ட பாம்பன் பாலம் திறக்கப்பட்டது. இதைத் தொடர்ந்து, சென்னையிலிருந்து தனுஷ்கோடிக்கு புதிய ரயில் பாதை தொடங்கப்பட்டது, தனுஷ்கோடியை தலைமன்னாருடன் இணைக்கும் 22 மைல் படகுப் பாதை, இதனால் சிலோன் இந்தியா போட் மெயில் எக்ஸ்பிரஸ் பிறக்க வழிவகுத்தது. தி பாஸ்டன் ஈவினிங் டிரான்ஸ்கிரிப்ட்டின் படி, இது ‘கொழும்பிற்கும் தூத்துக்குடிக்கும் இடையிலான நீண்ட கடல் பயணத்தின் துயரம் மற்றும் கடல் நோய்க்கு’ முற்றுப்புள்ளி வைத்தது. 

மூன்று பிரிட்டிஷ் வைஸ்ராய்கள் (கர்சன், எல்ஜின் மற்றும் ஹார்டிங்) பெயரிடப்பட்டு, ஏப்ரல் 1914-ல் மெட்ராஸ் கவர்னர் பெட்லேண்ட் பிரபுவால் திறந்து வைக்கப்பட்டது. போட் மெயில் ஆடம்ஸ் பாலத்தின் குறுக்கே கட்டப்பட்ட காலனித்துவ ரயில்வே பாலத்திற்கு முன்னோடியாக இருந்தது. இந்த திட்டமிடல், ஒருபோதும் செயல்படுத்த முடியவில்லை.

இருந்தபோதிலும், 1964 வரை, போட் மெயில் இந்திய-இலங்கை பாரம்பரியம் மற்றும் இந்து-பௌத்த ஒற்றுமையின் முக்கிய நினைவூட்டலாகத் தொடர்ந்தது. அதன் டிக்கெட்டுகளில் தமிழ், சிங்களம் மற்றும் ஆங்கில எழுத்துக்கள் பயன்படுத்தப்பட்டன. மேலும் ரயிலில் துறவிகளுக்காக ஒதுக்கப்பட்ட சிறப்பு வண்டிகள் பயன்படுத்தப்பட்டன. இது புத்த கயா, சாரநாத், ராமேஸ்வரம் மற்றும் யாழ்ப்பாணம் போன்ற புனிதத் தலங்களை இரு தேசங்கள் மற்றும் மதப் பிரிவைச் சேர்ந்த யாத்ரீகர்களுக்கு நெருக்கமாக இருந்தது.

தமிழ்நாடு மாவட்ட அரசிதழில் (1972) குறிப்பிட்டுள்ளபடி, தனுஷ்கோடி, ஒரு காலத்தில் தெற்கு ரயில்வேயின் முனையமாக அமைந்தது, இது இந்தியாவில் இருந்து இலங்கைக்கான நுழைவாயில் ஆகும். வர்த்தக இறக்குமதியின் முக்கிய பொருட்கள் அரிக்கா கொட்டைகள், சர்க்கரை, தேங்காய், இயந்திரங்கள், தேயிலை, மூல தோல்கள் மற்றும் தோல்கள், மசாலா பொருட்கள், வெற்று சணல் கன்னி பைகள் மற்றும் எண்ணெய் விதைகள் வெங்காயம், பருத்தி துண்டு பொருட்கள், உப்பு மீன், தேநீர், காபி, எண்ணெய் கேக்குகள், எலும்புகள் மற்றும் எலும்பு உணவு, காய்கறிகள் மற்றும் மீன் உரம் மற்றும் ஏற்றுமதி வர்த்தகத்தின் பெரும்பகுதி அரிசியை உள்ளடக்கி இருந்தது.

சென்னைக்கும் ராமேஸ்வரத்திற்கும் இடையே போட் மெயில் இன்னும் இயங்கினாலும், அதன் பன்முக கலாச்சார மரபு முதலில் 1964 ராமேஸ்வரம்-தனுஷ்கோடி சூறாவளி (பாம்பன் பாலம் மற்றும் தனுஷ்கோடியை அதன் ரயில் நிலையம் உட்பட அழித்தது), பின்னர் தமிழீழ விடுதலைப் புலிகளுக்கு எதிராக 1983-ல் இலங்கை உள்நாட்டுப் போர் வெடித்தது. 

சேதுசமுத்திரம் திட்டம் ஒரு மறு சிந்தனை

தமிழ்நாட்டின் நாகப்பட்டினத்திற்கும் யாழ்ப்பாணத்தின் காங்கேசன்துறைக்கும் இடையிலான 64 கடல் மைல் நீளமான படகுப் பாதையை (74 மைல்) விடப் போட் மெயில் மிகப் பெரியதாக இருந்தது. இருந்தாலும்கூட, முந்தைய பெருமையை நினைவுபடுத்துவதைத் தவிர, பிந்தையது பெரும் கடல் மற்றும் அரசியல் நன்மைகளை உள்ளடக்கியது.

ஒன்று, 2011-ம் ஆண்டு தூத்துக்குடிக்கும் கொழும்புக்கும் இடையில் ஆரம்பிக்கப்பட்ட ஸ்கொடியா பிரின்ஸ் சொகுசுக் கப்பலுக்கு மேல் செரியபாணி படகு சேவையானது, டிக்கெட் எடுப்பவர்கள் இல்லாத காரணத்தால் காலவரையின்றி நிறுத்தி வைக்கப்பட்டது. ஒரு வழி டிக்கெட்டுக்கு 95 அமெரிக்க டாலர் (சுமார் ரூ. 7,600)க்கும் குறைவான விலையில் விற்பனை செய்யப்பட்டது. நாகப்பட்டினம்-காங்கேசன்துறை படகுப் பயணம் இரண்டு துறைமுகங்களுக்கிடையில் சுமார் 740 மைல்கள் மற்றும் 40 மணி நேரத்திற்கும் மேலாக சேமிக்கிறது - தற்போதுள்ள கடல்வழிப் பாதையானது, துறைமுகங்கள் வழியாக நடைமுறையில் இலங்கையைச் சுற்றி வருவதைக் குறிக்கிறது. திரிகோணமலை, மட்டக்களப்பு, கல்லி, கொழும்பு, பின்னர் உள்நாட்டு நகரமான தம்புலா மற்றும் அனுராதபுரம் வழியாக. தமிழ்நாடு மற்றும் யாழ்ப்பாணம் இடையே உள்ள ஆழமற்ற கடற்பகுதியை - அதன் அருகில் உள்ள சேதுசமுத்திரப் பகுதியுடன் பாக் ஜலசந்தி என்றும் அறியப்படுகிறது - இந்திய-இலங்கை போக்குவரத்துடன், ஜலசந்தியின் இருபுறமும் உள்ள தமிழர்களுக்கான அதிக இணைப்புக்கான தமிழக அரசாங்கத்தின் கோரிக்கைகளை ஓரளவு பூர்த்தி செய்ய முடியும். சிறந்த முறையில் நிர்வகிக்கப்பட்டால், அதன் சுற்றுலாத் திறன் மிகைப்படுத்தப்பட்ட தமிழ் மீனவ சமூகங்களுக்கு வேலை வாய்ப்புகளை பன்முகப்படுத்தலாம். நாகப்பட்டினமும் யாழ்ப்பாணமும் பழங்கால கலாச்சார உறவுகளைப் பகிர்ந்துகொள்வதால், ‘நாகா’ மக்களின் வசிப்பிடங்களைக் கொண்டிருப்பதாக புராணமாக நம்பப்படுகிறது - சமஸ்கிருதம், பாலி, தமிழ், புராணம் மற்றும் பௌத்த இலக்கியங்களின்படி - புதிய பாதை நாகரீக நினைவுகளையும் மேம்படுத்த முடியும். வேளாங்கனி மைனர் பசிலிக்கா (நாகப்பட்டினத்திற்கு அருகில்) மற்றும் நாகப்பட்டினத்தின் நாகூர் தர்கா (பதினாறாம் நூற்றாண்டு சூஃபி துறவி சையத் ஷாகுல் ஹமீதுக்கு பிறகு கட்டப்பட்ட அவரது முஸ்லிம் மற்றும் இந்து பக்தர்களால் கட்டப்பட்ட கத்தோலிக்க மற்றும் முஸ்லீம் புனித யாத்திரைகளுக்கு இந்த பாதை நிலையான வாய்ப்பாக இருக்கும் என்றும் உறுதியளிக்கிறது. )

போட் மெயில் மற்றும் எச்.எம்.எஸ் செரியபாணி தனுஷ்கோடி (இடது) வழியாக சென்னை மற்றும் இலங்கையில் தலைமன்னாரை இணைக்கும் போட் மெயில் மற்றும் தமிழ்நாட்டில் நாகப்பட்டினம் மற்றும் இலங்கையின் காங்கேசன்துறை (வலது) ஆகியவற்றை இணைக்கும் எச்.எம்.எஸ் செரியபாணி.

இறுதியாக, அனேகமாக மிக முக்கியமாக, படகுப் பாதையானது இரண்டு அண்டை நாடுகளுக்கிடையிலான பெருகிவரும் கடல்சார் ஒத்துழைப்பின் முக்கிய மைல் கல்லாக இருக்கலாம். இது ஆடம்ஸ் பாலத்தின் ஆழமற்ற நீரில் சேதுசமுத்திரம் கப்பல் கால்வாயின் அரசியல் தமிழ்க் கனவை மாற்றக்கூடியது - இது புவி சார் உத்தி அரசியல் முக்கியத்துவம் வாய்ந்த ஒரு கால்வாய். ஆக்ரோஷமான ஆசிய வீரர்களின் வளர்ந்து வரும் கடற்படை இருப்பை எதிர்கொள்வதில் சிறிய விளக்கம் தேவை.

2011 ஆம் ஆண்டு முதல், இந்திய மற்றும் இலங்கை நடிகர்கள் படகு சேவைகளில் விளையாடி வருகின்றனர், அதே நேரத்தில் இரு நாடுகளின் நிர்வாகங்களும் கடல்சார் வர்த்தகம், சுற்றுச்சூழல் ராஜதந்திரம் மற்றும் பொருளாதார உறவுகள் தொடர்பாக இருதரப்பு உரையாடல்களில் தீவிரமாக ஈடுபட்டுள்ளன - இலங்கை துயரத்தின் போது இந்தியாவின் நிபந்தனையற்ற பண உதவியைக் குறிப்பிடவில்லை. இந்திய-இலங்கை கடற்பரப்பு முக்கியமான உள்கட்டமைப்பின் விரிவாக்கம் என செரியபாணி படகு சேவையை டிகோட் செய்வது மிகைப்படுத்தலாகும். இருப்பினும், சமீபத்திய மோதல்களில் (உக்ரைனுக்கு எதிராக ரஷ்யாவிற்கு எதிராக) கடற்பரப்பு உள்கட்டமைப்பின் முக்கியத்துவத்தின் மறுமலர்ச்சியின் அடிப்படையில், இந்திய-இலங்கை கூட்டாளிகள் சேதுசமுத்திரம் பகுதியை இரு நாடுகளுக்கும் ஆயிரம் ஆண்டுகள் இயற்கையான முக்கியமான கடற்பரப்பு சொத்து மரபுகளின் தளமாக ஒப்புக்கொள்ள கடமைப்பட்டுள்ளனர். 

இலங்கை வரலாற்றாசிரியர் முதலியார் சி. ராசநாயகம் பண்டைய யாழ்ப்பாணத்தில் (1926) குறிப்பிட்டது போல், நெடிய வரலாற்றுக் காலத்தில், ஆசியாவின் ஒரு பாதியிலிருந்து மறுபாதி வரையிலான கடற்கரை வர்த்தகம் ஆதாம் பாலம் அல்லது மன்னார் ஜலசந்தியின் ஆழமான பாதைகள் வழியாக சென்றிருக்க வேண்டும். அதன் விளைவாக, இலங்கையின் வடமேற்கு கடற்கரையில் ஒரு பெரிய துறைமுகம் எழுந்திருக்க வேண்டும். செரியபாணி ஒரு வரலாற்று நிகழ்வை குறிக்கிறதா இல்லையா என்பதைப் பார்க்க வேண்டும். எவ்வாறாயினும், சந்தேகத்திற்கு இடமின்றி, தெற்காசிய கடற்பகுதியில் அதன் வருகை இந்திய-இலங்கை கடல்சார் மரபுகளின் வரலாறு புதிதாகப் புரிந்து கொள்ளப்படும் நேரத்தில் வருகிறது.

இலங்கை வரலாற்றாசிரியர் முதலியார் சி. இராசநாயகம் பண்டைய யாழ்ப்பாணத்தில் (1926) குறிப்பிட்டது போல், "தொலைதூர பழங்காலத்தில், ஆசியாவின் ஒரு பாதியிலிருந்து மறுபாதி வரையிலான கடற்கரை வர்த்தகம் ஆதாம் பாலம் அல்லது மன்னார் ஜலசந்தியின் ஆழமான பாதைகள் வழியாக சென்றிருக்க வேண்டும். அதன் விளைவாக, இலங்கையின் வடமேற்கு கடற்கரையில் ஒரு பெரிய துறைமுகம் எழுந்திருக்க வேண்டும். செரியபாணி ஒரு வரலாற்று நிகழ்வை குறிக்கிறாரா இல்லையா என்பதைப் பார்க்க வேண்டும். எவ்வாறாயினும், சந்தேகத்திற்கு இடமின்றி, தெற்காசிய கடற்பகுதியில் அதன் வருகை இந்திய-இலங்கை கடல்சார் மரபுகளின் வரலாறு புதிதாகப் புரிந்து கொள்ளப்படும் நேரத்தில் வருகிறது.

Read More

ஆந்திராவில் 2 ரயில்கள் மோதி விபத்து: 19 பேர் உயிரிழப்பு

 

தற்போது பேரிடர் மீட்புக் குழுவினர் மற்றும் உள்ளூர் நிர்வாகி அதிகாரிகள் விபத்து நடந்த இடத்தில் மீட்புப் பணிகளில் ஈடுபட்டுவருகின்றனர்.

ஆந்திராவில் இரு ரயில்கள் மோதி விபத்துக்குள்ளாகின. இந்த விபத்தில் 19 பயணிகள் உயிரிழந்தனர். இந்த விபத்தில் “விசாகப்பட்டினம்-பலாசா பயணிகள் ரயில் மற்றும் விசாகப்பட்டினம் ராயகுடா பயணிகள் ரயில்” சிக்கியதாக தென்னக கடற்கரை ரயில்வே மண்டல அதிகாரி தெரிவித்துள்ளார்.

எனினும், இந்த விபத்தில் சில உயிரிழப்புகள் ஏற்பட்டிருக்கலாம் என சந்தேகிக்கப்படுகிறது என்று அதிகாரி ஒருவர் தெரிவித்தார் ஆனால் உடனடியாக தகவலை உறுதிப்படுத்த முடியவில்லை.

தற்போது பேரிடர் மீட்புக் குழுவினர் மற்றும் உள்ளூர் நிர்வாகி அதிகாரிகள் விபத்து நடந்த இடத்தில் மீட்புப் பணிகளில் ஈடுபட்டுவருகின்றனர். விபத்தில் 30க்கும் மேற்பட்டவர்கள் காயமடைந்துள்ளனர் எனக் கூறப்படுகிறது.

ஆங்கிலத்தில் வாசிக்க : Two trains collide in Andhra Pradesh’s Vizianagaram, several injured

மேலும் உதவி எண்களும் அறிவிக்கப்பட்டுள்ளன. விபத்தானது விஜயநகரம் கந்தகப்பள்ளி அருகே ஏற்பட்டுள்ளது. இது குறித்து அறிந்ததும், “விபத்தில் சிக்கியவர்களுக்கு முதல் உதவிகளை உறுதிசெய்யுமாறு அதிகாரிகளுக்கு முதலமைச்சர் ஜெகன் மோகன் ரெட்டி உத்தரவிட்டார்.

தொடர்ந்து, அருகில் உள்ள தாலுகா மற்றும் மாவட்டங்களில் இருந்து போதுமான அளவு ஆம்புலன்ஸ்கள் சம்பவ இடத்துக்கு விரைவதையும் உறுதி செய்யுமாறு கேட்டுக்கொண்டார்.

விபத்தில் சிக்கிய நபர்களுக்கு அனகபள்ளியில் உள்ள மருத்துவமனைகளில் சிகிச்சை அளிக்கப்ப்டடுவருகிறது. அவர்களுக்கு உரிய சிகிச்சை அளிப்பதுடன் உடனுக்குடன் தகவல்கள் தெரிவிக்க வேண்டும் என்றும் முதலமைச்சர் அறிக்கையில் தெரிவிக்கப்பட்டுள்ளது.

source https://tamil.indianexpress.com/india/two-trains-collide-in-andhra-pradeshs-vizianagaram-several-injured-1676697

Read More

இஸ்ரேல் – ஹமாஸ் போர்: காஸாவில் இதுவரை 8,000 பேர் பலி!

 

இஸ்ரேல் தாக்குதலால் காஸாவில் இதுவரை 8 ஆயிரம் பேர் உயிரிழந்ததாக காஸா சுகாதாரத் துறை அமைச்சர் தெரிவித்துள்ளார். இதில் பாதிக்கும் மேற்பட்டோர் பெண்கள் – குழந்தைகள் எனவும் குறிப்பிட்டுள்ளார்.

அக்டோபர் 7 அன்று,  ஹமாஸ் போராளிகள் இஸ்ரேலிய எல்லையைக் கடந்து பேரழிவைச் செய்தனர்.  இதில் சுமார் 1,400 பேர் கொல்லப்பட்டனர். நூற்றுக்கணக்கான இஸ்ரேலிய குடிமக்கள் காயமடைந்தனர். ஹமாஸ் இஸ்ரேலிய பிரதேசத்தை தாக்கி 229 பேரை பணயக்கைதிகளாக பிடித்து வைத்துள்ளது.

3 வாரங்களைக் கடந்து நீடித்துவரும் இப்போரில் இஸ்ரேல் படையினர் காஸா எல்லைக்குள் தரை வழியாக நுழைந்துள்ளனர். வான் வழி, கடல் வழி தாக்குதல்களைத் தொடர்ந்து தரை வழியாக நடத்தப்படும் இந்தத் தாக்குதலை இஸ்ரேல் – ஹமாஸ் போரின் 2ம் கட்டம் என இஸ்ரேல் பிரதமர் பெஞ்சமின் நெதன்யாகு குறிப்பிட்டுள்ளார்.

தரை மார்க்கமாக நுழைந்து காஸா பரப்புக்கு மேலேயும், காஸா பதுக்குக் குழிக்குள்ளும் தாக்குதல் நடத்த இஸ்ரேல் திட்டமிட்டுள்ளது. இந்தப் போர் நீடிக்கும் சூழலே இருப்பதாகவும் நெதன்யாகு தெரிவிக்கிறார்.

இந்நிலையில், காஸாவில் மட்டும் 7,703 பேர் வரை இறந்துள்ளதாக அந்நாட்டு சுகாதாரத் துறை தெரிவித்துள்ளது. இதில் அதிகமானோர் பெண்கள், குழந்தைகள். காஸாவில் நிலைமை மோசமடைந்து வருகிறது எனக் குறிப்பிட்டார்.

source https://news7tamil.live/israel-hamas-war-8000-people-have-died-in-gaza-so-far.html

Read More

இஸ்லாமியர்கள் குறித்து டிரம்ப் சர்ச்சை பேச்சு: வெள்ளை மாளிகை கண்டனம்!

 

அமெரிக்க முன்னாள் அதிபர் டொனால்ட் டிரம்ப், தான் மீண்டும் தேர்ந்தெடுக்கப்பட்டால் இஸ்லாமியர்களுக்கு தடை விதிப்பதாக சர்ச்சைக்குரிய வகையில் பேசியதற்கு உடனடியாக வெள்ளை மாளிகை எதிர்ப்பு தெரிவித்தது.

குடியரசுக் கட்சி யூதக் கூட்டணியின் வருடாந்திர உச்சிமாநாட்டு நேற்று நடைபெற்றது. இதில் பேசிய டிரம்ப் இஸ்லாமியர்களுக்கான பயணத்தடையை மீண்டும் கொண்டுவருவேன் என்று சர்ச்சைக்குரிய வகையில் பேசினார். அவரது ஆட்சியின் போது விதிக்கப்பட்ட இஸ்லாமியர்களுக்கான பயணத் தடை மிகப்பெரிய வெற்றியடைந்தது என்று கூறிய டிரம்ப், கடந்த நான்கு ஆண்டுகளில் எந்த அசம்பாவித சம்பவங்களும் நடக்கவில்லை, ஏனென்றால் மோசமானவர்களை நாட்டிலிருந்து வெளியேற்றியதே அதற்கு காரணம என்று பேசினார்.

டிரம்பின் இந்தப் பேச்சுக்கு வெள்ளை மாளிகை உடனடியாக கண்டனம் தெரிவித்தது. அரேபிய அமெரிக்கர்கள் மற்றும் முஸ்லீம் சமூகத்திற்கு எதிரான இந்த அவமானகரமான தாக்குதல்கள் ஜனநாயகத்திற்கு நேர்மாறானவை. மேலும் இஸ்லாமோபோபியாவால் பாதிக்கப்பட்ட இதுபோன்ற நபர்களின் பேச்சுகள் ஜனாதிபதி ஜோ பைடனைப் போலவே மனித மாண்பில் நம்பிக்கை கொண்ட அனைத்து அமெரிக்கர்களாலும் கண்டிக்கப்படக் கூடியது என தெரிவித்துள்ளது.

கடந்த 2017-ம் ஆண்டில், டிரம்ப் அதிபராக பதவியேற்ற தொடக்கத்தில் ஈரான், லிபியா, சோமாலியா, சிரியா, ஏமன், ஈராக் மற்றும் சூடான் ஆகிய நாடுகளில் இருந்து வரும் பயணிகளின் நுழைவுக்கு அவர் கடுமையான கட்டுப்பாடுகளை விதித்தார்.

source https://news7tamil.live/trumps-controversial-speech-on-muslims-white-house-condemns.html

Read More

மணிப்பூர் மோதல் தொடங்கி 6 மாதங்கள்: திருடப்பட்ட ஆயுதங்களில் 25% மட்டுமே மீட்பு

 

மணிப்பூரில் வன்முறை வெடித்து கிட்டத்தட்ட 6 மாதங்கள் ஆகியுள்ள நிலையில், மே மாதம் வன்முறையின் உச்சக்கட்டத்தின் போது கொள்ளையடிக்கப்பட்ட ஆயுதங்களில் கால் பகுதியும், 5 சதவீதத்திற்கும் குறைவான வெடிமருந்துகளையும் மட்டுமே மாநில அரசாங்கத்தால் தற்போது வரை மீட்க முடிந்தது என்று இந்தியன் எக்ஸ்பிரஸ் கண்டறிந்துள்ளது. 

கொள்ளையடிக்கப்பட்ட சுமார் 5,600 ஆயுதங்களில், தோராயமாக 1,500 மீட்கப்பட்டுள்ளன, மேலும் காணாமல் போன சுமார் 6.5 லட்சம் வெடிமருந்துகளில், 20,000 பொருட்கள் காவல்துறை மீட்டுள்ளதாக ஆதாரங்கள் தெரிவிக்கின்றன. சட்டவிரோத ஆயுதங்கள் வைத்திருப்பவர்கள் மீது கடுமையான நடவடிக்கை எடுக்கப்படும் என முதல்வர் பிரேன் சிங் பலமுறை எச்சரிக்கை விடுத்திருந்தார். 

மே மாத தொடக்கத்தில் இருந்து மெய்தி மற்றும் குக்கி சமூகங்களுக்கு இடையிலான இன மோதல்களை அடுத்து, காவல்துறை மற்றும் அரசு ஆயுதக் களஞ்சியங்களில் இருந்து திருடப்பட்ட ஆயுதங்கள் மற்றும் வெடிமருந்துகளை மீட்டெடுப்பது குறித்த நிலை அறிக்கையை செப்டம்பர் மாதத்திலும் மாநில அரசு சமர்ப்பித்துள்ளது.

கிட்டத்தட்ட 80%  ஆயுதங்கள் இம்பால் கிழக்கு, சுராசந்த்பூர் மற்றும் பிஷ்ணுபூர் ஆகிய மூன்று மாவட்டங்களில் அமைந்துள்ள காவல்துறை மற்றும் அரசு ஆயுதக் களஞ்சியங்களில் இருந்து கொள்ளையடிக்கப்பட்டன. 

இந்த மூன்று மாவட்டங்களுக்கிடையில், இம்பால் கிழக்கு 3,500 க்கும் மேற்பட்ட திருடப்பட்ட ஆயுதங்களுடன் (மொத்தம் சுமார் 5,600 இல்) மற்றும் கிட்டத்தட்ட 4 லட்சம் கொள்ளையடிக்கப்பட்ட வெடிமருந்துகளுடன் (தோராயமாக 6.5 லட்சத்தில்) முன்னணியில் உள்ளது. மணிப்பூர் ரைபிள்ஸின் 7வது பட்டாலியன்களின் வளாகங்கள், 8வது இந்திய ரிசர்வ் பட்டாலியன் (இரண்டும் கபீசோய் கிராமத்தில்) மற்றும் மணிப்பூர் போலீஸ் பயிற்சிக் கல்லூரி (பாங்கேய் கிராமத்தில்) ஆகியவை இம்பால் கிழக்கு மாவட்டத்தில் அமைந்துள்ளன.

பிஷ்ணுபூர் மற்றும் சுராசந்த்பூர் மாவட்டங்களில் உள்ள ஆயுதக் களஞ்சியங்களில் இருந்து தோராயமாக 1,000 ஆயுதங்கள் (5,600 இல்) திருடப்பட்டன.

கொள்ளையடிக்கப்பட்ட ஆயுதங்களில் பெரும்பாலானவை இம்பால் கிழக்கிலிருந்து வந்தவை என்பதால், இன்று வரை மீட்கப்பட்ட ஆயுதங்களில் பெரும்பாலானவை இம்பால் கிழக்கு மாவட்டத்தைச் சேர்ந்தவை (650 க்கும் மேற்பட்டவை). ஆதாரங்களின்படி, வன்முறை உச்சக்கட்டத்தை அடைந்த மே மாதத்தில் ஆயுதங்கள் மற்றும் வெடிமருந்துகள் கொள்ளையடிக்கப்பட்டது. "ஒரு சில தவறான சம்பவங்களைத் தவிர, மே மாதத்திற்குப் பிறகு எந்த கொள்ளையும் நடக்கவில்லை" என்று ஒரு வட்டாரம் தெரிவித்துள்ளது. 

கொள்ளை சம்பவத்தையடுத்து, அனைத்து ஆயுதக் கிடங்குகளையும் பாதுகாக்க மத்திய ரிசர்வ் போலீஸ் படை (சிஆர்பிஎஃப்) மூலம் மாநில அரசு பணியாளர்களை நியமித்துள்ளது. "சிஆர்பிஎஃப் வீரர்களை நியமிக்க முடியாத நெருக்கடியான மற்றும் பதட்டமான பகுதிகளில் அமைந்துள்ள ஆயுதக் களஞ்சியங்களில், ஆயுதங்கள் முழுமையாக அகற்றப்பட்டுள்ளன" என்று வட்டாரங்கள் தெரிவித்தன.

மணிப்பூரில் கடந்த மே 3-ம் தேதி அனைத்து பழங்குடியின மாணவர் சங்கம் போராட்டத்திற்கு அழைப்பு விடுத்திருந்த நிலையில், அங்கு இரு சமூகங்களிடையே மோதல் வெடித்தது. மணிப்பூரின் பெரும்பான்மை சமூகத்தினரான மெய்தி சமூகத்தினர் தங்களை பழங்குடியின பட்டியலில் சேர்க்க வலியுறுத்தினர். இதற்கு குக்கி சமூகத்தினர் கடும் எதிர்ப்பு தெரிவித்தனர். தொடர்ந்து மணிப்பூர் நீதிமன்றம் மெய்தி  சமூகத்திற்கு பழங்குடியின அந்தஸ்து வழங்குவதற்கான பரிந்துரையை மத்திய அரசுக்கு சமர்ப்பிக்குமாறு மாநில அரசுக்கு உத்தரவிட்ட நிலையில் அங்கு வன்முறை வெடித்தது. 

source https://tamil.indianexpress.com/india/manipur-clash-6-months-only-25-percent-of-looted-arms-found-1676042

Read More

கேரளா: கிறிஸ்தவ கூட்டரங்களில் குண்டுவெடிப்பு; பெண் உயிரிழப்பு, 25 பேர் காயம்

 

சம்பவ பகுதியில் தீவிரவாத தடுப்பு போலீசார் விசாரணை நடத்திவருகின்றனர்.

கேரள மாநிலம் கொச்சி களமசேரியில் உள்ள யெகோவா விட்னஸ் ஸம்ரா கிறிஸ்தவ கூட்டரங்கில் இன்று காலை ஞாயிற்றுக்கிழமை பிரார்த்தனை நடந்துகொண்டிருந்தது.

அப்போது பலத்த சப்தத்துடன் குண்டு ஒன்று வெடித்தது.

தொடர்ந்து, அந்த இடமே சிதறி தீப்பற்றி எரிந்தது. மேலும், இரண்டு குண்டுகள் வரை வெடித்த சப்தம் கேட்டதாக பிரார்த்தனையில் கலந்துகொண்ட வயதான பெண்மணி ஒருவர் தெரிவித்தார்.

சம்பவ பகுதியில் தீவிரவாத தடுப்பு போலீசார் விசாரணை நடத்திவருகின்றனர். இந்தச் சம்பவம் இன்று (அக்.29) காலை 9.30 மணிக்கு நடந்துள்ளது.

இந்தச் சம்பவம் தொடர்பாக விரிவான விசாரணை நடத்தி விரைவான நடவடிக்கை எடுக்கப்படும் என தொழில்துறை அமைச்சர் பி ராஜிவ் கூறினார்.

மேலும் பாதிக்கப்பட்ட மக்களை சந்தித்து சுகாதாரத் துறை அமைச்சர் வீணா ஜார்ஜ் ஆறுதல் கூறினார்.

சசி தரூர் அதிர்ச்சி

இந்தச் சம்பவம் குறித்து அதிர்ச்சி தெரிவித்துள்ள காங்கிரஸ் திருவனந்தபுரம் மக்களவை எம்.பி. சசி தரூர் ட்விட்டர் எக்ஸ் சமூக வலைதளத்தில், “இத்தகைய காட்டுமிராண்டித்தனத்தைக் கண்டிப்பதில் அனைத்து மதத் தலைவர்களும் ஒன்றுபட வேண்டும் என்று நான் கேட்டுக்கொள்கிறேன்” எனத் தெரிவித்துள்ளார்.

இந்தக் குண்டுவெடிப்பை தொடர்ந்து, கொச்சியின் களமசேரியில் உள்ள யெகோவா தேவாலயத்திற்கு பயங்கரவாத எதிர்ப்புப் படைகள் மற்றும் தேசிய பாதுகாப்புப் படையினர் பாதுகாப்பு போடப்பட்டுள்ளது. குண்டு வெடிப்பு சம்பவம் நடந்தபோது தேவாலயத்தில் 2500க்கும் மேற்பட்டோர் இருந்துள்ளனர்.

இந்த குண்டு வெடிப்பில் பெண் ஒருவர் உயிரிழந்துள்ளார். 25க்கும் மேற்பட்டவர்கள் மருத்துவமனையில் அனுமதிக்கப்பட்டுள்ளனர்.

source https://tamil.indianexpress.com/india/one-killed-and-20-injured-at-blast-at-convention-centre-in-kerala-1676137

Read More

தள்ளிப்போகும் கிளாம்பாக்கம் பேருந்து நிலையம் திறப்பு விழா: பொங்கலுக்குள் திறக்கப்படுமா?

 

கிளாம்பாக்கம் பேருந்து நிலையத்தில் இணைப்பு சாலைகள், மழை நீர் வடிகால் பணிகளை நவம்பர் 15-க்குள் முடித்து ஒப்படைக்க, ஒப்பந்ததாரர்களுக்கு அறிவுறுத்தப்பட்டுள்ளது என்று அமைச்சர் சேகர் பாபு தெரிவித்துள்ளார்.  

போக்குவரத்து நெரிசலை சென்னையில் குறைப்பதற்காக, கிளாம்பாக்கத்தில், 40 ஏக்கர் நிலத்தில் ரூ. 400 கோடி செலவில் புதிய பேருந்து நிலையம் அமைக்கப்பட்டுள்ளது. இதற்கான இணைப்பு சாலைகள், வடிகால் அமைக்கும் பணிகள் முடிவடையாததால், திட்டமிட்டபடி, தீபாவளி பண்டிகைக்குள் திறக்க முடியவில்லை. இதுபோல 2022ம் ஆண்டு தீபாவளி பண்டிகைக்குள் திறக்கவும் தீர்மானிக்கப்பட்டதாகவும் கூறப்படுகிறது. அப்போதும் பணிகள் முடியவில்லை என்றும் கூறப்படுகிறது.

இந்நிலையில் அமைச்சர் சேகர் பாபு கூறுகையில், “ கிளாம்பாக்கம் பேருந்தநிலைய முகப்பில், ஜி.எஸ்.டி சாலையின் குறுக்காக  மழைநீர் வடிகால் அமைக்கும் பணிகள், 90% முடிந்துவிட்டன. இன்னும் 10% பணிகள், விரைவில் முடிக்கப்படும். அய்ஞ்சேரி இணைப்பு சாலை, நல்லம்பாக்கம் இணைப்பு சாலை பணிகளும், 90 % முடிக்கப்பட்டுள்ளன. எஞ்சிய பணிகளை முடித்து, வரும் நவம்பர் 15க்குள் ஒப்படைக்க வேண்டும் என்று ஒப்பந்ததாரர்களுக்கு  உத்தரவிட்டு  இருக்கிறோம். இறுதிகட்ட கட்டுமான பணிகளை தினசரி அடிப்படையில் கண்காணித்து வருகிறோம்” என்று கூறினார்.

இதனால் அடுத்த வருடம் பொங்கல் பண்டிகையின்போது, பேருந்து நிலையம் மக்கள் பயன்பாட்டுக்கு வரும் என்று எதிர்பார்க்கப்படுகிறது.

source https://tamil.indianexpress.com/tamilnadu/kelambakkam-new-bus-stan-will-open-next-year-pongal-1676001

Read More

பிரதமர் ஆகும் ஆசை உள்ளதா? கேள்விக்கு எதிர்பார்க்காத பதில் அளித்த முதல்வர் ஸ்டாலின்

 

முதலமைச்சர் ஸ்டாலினிடம் பிரதமர் ஆகும் எண்ணம் இருக்கிறா? என்ற கேள்வி கேட்கப்பட்டது. இதற்கு  முக்கியமான பதிலை அவர் வழங்கி உள்ளார்.

தனியார் செய்தி நிறுவனத்திற்கு முதலமைச்சர் ஸ்டாலின்  அளித்துள்ள பேட்டியில் அவரிடம் முக்கிய கேள்விகள் கேட்கப்பட்டது. அதற்கு அவர் பதிலளித்துள்ளார். தமிழகத்தில் பல்வேறு  நல திட்டங்களை செயல்படுத்தி வருவதால் மாநில  அரசுகளுக்கு பெரும் பொருட்செலவாகிறது. இதனை எப்படி பார்க்கிறீர்கள் ? என்ற கேள்வி கேட்கப்பட்டது.

இதற்கு பதில் அளித்த ஸ்டாலின் “ கலைஞர் மகளிர் உரிமைத் திட்டமாக  இருந்தாலும் சரி, எந்தவொரு மக்கள் நல திட்டமும், எவ்வளவு  சவால்கள் நிரம்பிய திட்டமானாலும் சரி மக்களுக்கான திட்டங்களை செயல்படுத்தும் போது, ஏற்படும் சவால்களை சமாளிக்க வேண்டும். அதிமுக ஆட்சியின் 10 ஆண்டு காலத்தில் உருவாக்கப்பட்ட கடன் சுமை நிதிப் பற்றாக்குறை, நிர்வாகச் சீர்கேடு போன்றவற்றைச் சமாளித்து  பல்வேறு திட்டங்கள் செயல்படுத்தப்பட்டுள்ளது. மேலும் ஒன்றிய அரசின் பாரபட்சமான நிதி ஒதுக்கீட்டு அணுகுமுறை போன்ற சவால்களை தாண்டி சிறப்பாக செய்து வருகிறோம் “ என்று கூறினார்.

எதிர்காலத்தில் பிரதமர் ஆகும் எண்ணம் உள்ளதா? என்று கேள்விக்கு ஸ்டாலின் “ தேசிய அரசியலில் திமுக 3வது பெரிய கட்சியாக இருக்கிறது. கிட்டதட்ட  கடந்த 40 ஆண்டுகளுக்கும் மேலாக ஆழந்த முத்திரையை பதித்துள்ளது. பிரதமர் இந்திரா காந்தி முதல் மன்மோகன் சிங் ஆட்சி என பல முக்கிய தருணங்களில் திமுக உறுதுணையாக இருந்துள்ளது. நெருக்கடி நிலைக் காலத்தில் இந்தியாவின் எந்த மாநிலமும் முன்னெடுக்காத ஜனநாயக  உரிமைக் குரலை முன்னெடுத்து, வட இந்திய அரசியல்  தலைவர்களும்  சுதந்திரக் காற்றைச் சுவாசிக்கத் தமிழ்நாட்டில் களம் அமைத்துக் கொடுத்தவர்  கலைஞர். சமூகநீதிக் காவலர் வி.பி.சிங் தலைமையிலான  தேசிய முன்னணி அரசின்  முதுகெலும்பாக இருந்தது திமுக. குடியரசுத் தலைவர்  தேர்தலில் திமுகவின் நிலைப்பாடுகள் தேசிய அளவில்  கவனம் பெற்று, வெற்றிகரமாக அமைந்துள்ளன.

கலைஞரின் வழியில் நாட்டின் இன்றையக் சூழலையும், சமூக வலைத்தளங்கள் உள்ளிட்ட தகவல் தொழில்நுட்ப வளர்ச்சியைக் கருத்தில்கொண்டும் இந்தியா கூட்டணியின் செயல்பாட்டில் தி.மு.க தன் பங்களிப்பை விரிவுபடுத்தி உள்ளது. என் உயரம் எனகுத் தெரியும் என்று சொல்வார் தலைவர் கலைஞர். மு.க.ஸ்டாலினுக்கும் தன் உயரம் நன்றாகத் தெரியும்” என்று கூறியுள்ளார்.  

source https://tamil.indianexpress.com/tamilnadu/cm-stalin-reply-to-question-to-become-prime-minister-in-future-1676273

Read More

வாராந்திர கேள்வி பதில் - 13.09.2023

இஸ்லாம் சார்ந்த வாராந்திர கேள்வி பதில் - 25.10.2023 பதிலளிப்பவர் : ஏ. அபூபக்கர் M.I.Sc குனூத் நாஸிலா எவ்வாறு செய்ய வேண்டும்? விளக்கம் தரவும் ஆலு இம்ரான் அத்தியாயத்தின் 108வது வசனம் அருளப்பட்டதின் பின்னணி என்ன? ஆன்லைனில் விளம்பரங்களை பார்ப்பதன் மூலமாக வருமானம் ஈட்டுகின்றனர் இது இஸ்லாத்தில் கூடுமா? ஆடையில் ஆண் குழந்தையோ, பெண் குழந்தையோ சிறுநீர் கழித்தால் சுத்தம் செய்யும் சட்டம் எந்த வயது வரை பொருந்தும்?

மருத்துவ காப்பீடுக்காக நாம் செலுத்தும் தொகை வட்டித் தொழிலுக்கு பயன்படுத்துவது போலவும் சூதாட்டம் போலவும் தெரிகிறதே? வாராந்திர கேள்வி பதில் - 13.09.2023 பதிலளிப்பவர்: எஸ். ஹஃபீஸ் எம்.ஐ.எஸ்.ஸி

கற்பினிகளுக்கும் பாலூட்டும் பெண்களுக்கும் வேறு காலங்களில் நோன்பு நோற்கும் சலுகை உண்டு. ஆனால் அவர்கள் விடுபட்ட நோன்புகள் அதிகமாக தேங்கி நிற்கும் நிலையில் நோன்பை நோற்காமல் மரணித்துவிட்டால் அவர்கள் மீது அல்லாஹ் குற்றம்பிடிப்பானா? பதிலளிப்பவர்: எஸ். ஹஃபீஸ் எம்.ஐ.எஸ்.ஸி

Read More

75,00,00,00,00,000 கோடி ஊழல்!!தண்டிக்கப்படும் அதிகாரிகள்

பாஜக வின் 75,00,00,00,00,000 கோடி ஊழல்!!தண்டிக்கப்படும் அதிகாரிகள் சையத் முஹம்மது - மாநிலச்செயலாளர், TNTJ செய்தியும் சிந்தனையும் - 20.10.2023

Read More

இந்திய பாலஸ்தீன உறவு ? ஏமாற்றுகிறதா அரசு ?

இந்திய பாலஸ்தீன உறவு ? ஏமாற்றுகிறதா அரசு ? உரை: S.முஹம்மது யாஸிர் மாநிலச் செயலாளர்,TNTJ செய்தியும் சிந்தனையும் 24.10.2023

Read More

BPO - EPUBLISHING , துறையில் வேலைவாய்ப்புகள்

BPO - EPUBLISHING , துறையில் வேலைவாய்ப்புகள் A. முஹம்மது இப்ராஹிம் B.E. கல்விச் சிந்தனைகள் - 25.10.2023

Read More

இந்திய கம்யூனிஸ்ட் கட்சி தலைமை அலுவலகம் மீது கல்வீச்சு தாக்குதல் ஏன்?-வெளியான அதிர்ச்சி தகவல்!

 

இந்திய கம்யூனிஸ்ட் கட்சி தலைமை அலுவலகத்தில் கல்வீச்சு சம்பவத்தில் 4 பேரை
போலீசார் கைது செய்தனர்.  கம்பளி பூச்சி பிரச்சினையால், கற்களை வீசியதாக விசாரணையில் தெரிய வந்துள்ளது.

சென்னை தியாகராய நகர் செவாலியே சிவாஜி கணேசன் சாலையில் அமைந்துள்ள இந்திய கம்யூனிஸ்ட் கட்சியின் தலைமை அலுவலகமான பாலன் இல்லத்தில் நேற்று இரவு அடையாளம் தெரியாத நபர்கள் சிலர் அலுவலகத்தின் வளாகத்திற்குள் 6 க்கும் மேற்பட்ட பீர் பாட்டில்கள் மற்றும் கற்களை வீசி சென்றதால் பரபரப்பு ஏற்பட்டது.  அந்த சமயம் கட்சி அலுவலகத்துக்குள் யாரும் இல்லாத காரணத்தால் யாருக்கும் எந்தவித பாதிப்பும் ஏற்படவில்லை.

மேலும் இது தொடர்பாக மாம்பலம் போலீசார் சம்பவ இடத்திற்கு சென்று விசாரணை
நடத்தினர்.  அப்பகுதியில் பொருத்தப்பட்டுள்ள சிசிடிவி காட்சிகளை அடிப்படையாகக்
கொண்டு பாட்டில்கள் மற்றும் கற்களை வீசி சென்ற நபர்களை தேடி வருவதாகவும்,
மேலும் அலுவலகத்திற்கு காவல் பாதுகாப்பு போடப்பட்டுள்ளதாகவும் காவல்துறை
தரப்பில் தெரிவிக்கப்பட்டுள்ளது.  இந்த சம்பவம் அறிந்து இந்திய கம்யூனிஸ்ட்
நிர்வாகிகள் சுமார் 50க்கும் மேற்பட்டோர் நள்ளிரவில் அங்கு கூடியதால் சிறிது நேரம்
பரபரப்பு ஏற்பட்டது.

இந்த சம்பவம் தொடர்பாக இந்திய கம்யூனிஸ்ட் கட்சியின் தென்சென்னை மாவட்ட
செயலாளர் சிவா,  மாம்பலம் காவல் நிலையத்தில் புகார் அளித்துள்ளார்.  அதில், இரவு எட்டு மணிக்கு அலுவலகத்தின் பின்புறத்தில் இருந்து சிலர் மது பாட்டில்களையும் கற்களையும் வீசியதாகவும் , அலுவலகத்தில் ஊழியர்கள் மீது தாக்குதல் நடத்தியதாகவும் புகாரில் தெரிவித்துள்ளார். மேலும்,  ரோந்து போலீசார் வந்து விசாரித்து கொண்டிருந்த போது சிலர் அலுவலக வளாகத்திற்குள் மது பாட்டில்களை வீசினர்.  இது திட்டமிட்ட சம்பவம்,  காவல் துறை உரிய விசாரணை நடத்த வேண்டும் என்று சிவா புகாரில் தெரிவித்துள்ளார்.

போலீஸ் விசாரணையில்,  அலுவலகத்தில் கற்கள், மது பாட்டில்களை வீசியது தேனாம்பேட்டையைச் சேர்ந்த கல்லூரி மாணவர் அலெக்ஸ், பாரதி, அருண்குமார், பார்த்திபன்  ஆகிய நான்கு பேர் என்பது தெரிந்தது.  இதனைத்தொடர்ந்து போலீசார் அவர்களை கைது செய்தனர்.

மதுபோதையில் கட்சி அலுவலகத்திற்குள் அத்துமீறி நுழைந்து, காவலாளி சுதாகருடன்
தகராறில் ஈடுபட்டதுடன்,  கட்சி அலுவலகத்திற்குள் கற்கள் மற்றும் காலி
மதுபாட்டில்களை வீசியுள்ளனர்.  இதனை விசாரித்ததில், கட்சி அலுவலகத்திற்குள் இருந்த மரத்தில் இருந்து கம்பளி பூச்சிகள் இவர்கள் வசித்து வந்த வீடுகளின் மேல் விழுந்துள்ளது. இதனால் பிரச்னை இருந்து வந்துள்ளது.  இதன் காரணமாக கற்கள், மது பாட்டில்கள் வீசப்பட்டுள்ளதாக போலீசார் தெரிவித்துள்ளனர்.

source https://news7tamil.live/why-was-the-stone-pelting-attack-on-the-communist-party-of-india-headquarters-shocking-information-revealed.html

Read More