முஸ்லிம் சிறைவாசிகள் குறித்து தமிழக அரசியலில் எழுந்த புதிய சர்ச்சைமுஸ்லிம் சிறைவாசிகள் குறித்து தமிழக அரசியலில் எழுந்த புதிய சர்ச்சை

 

பா.ஜ.க கூட்டணியில் இருந்து விலகிய அ.தி.மு.க, கோவை குண்டுவெடிப்பு வழக்கில் சிறையில் உள்ள முஸ்லிம் சிறைவாசிகளை விடுதலை செய்ய வேண்டும் என கோரிக்கை வைத்துள்ளது. இஸ்லாமியர்கள் மீது அ.தி.மு.க-வுக்கு ஏன் இந்த திடீர் அக்கறை என்று தி.மு.க சாடுகிறது என்றால், பயங்கரவாதிகளுக்கு விடுதலை அளிப்பதை பா.ஜ.க எச்சரிக்கிறது.

தமிழகத்தில் முஸ்லிம் வாக்குகள் மீதான மோதல் கூர்மையடைந்துள்ளது, பா.ஜ.க-வுடன் கூட்டணியில் இருந்து வெளியேறிய பிறகு, அ.தி.மு.க முஸ்லிம் வாக்குகளைத் மீண்டும் கவர முயற்சி செய்கிறது.

1998 கோயம்புத்தூர் குண்டுவெடிப்பைத் தொடர்ந்து கைது செய்யப்பட்டவர்கள் உட்பட மாநிலத்தில் முஸ்லிம் சிறைவாசிகளை விடுதலை செய்ய அ.தி.மு.க முயன்றபோது, நடந்துகொண்டிருக்கும் சட்டமன்றக் கூட்டத்தொடரில் செவ்வாய்கிழமை அரசியல் விளையாடியது, இதில் பா.ஜ.க மூத்த தலைவர் எல்.கே. அத்வானி குறி வைக்கப்பட்டார்.

தி.மு.க தலைவரும், தமிழக முதல்வருமான மு.க. ஸ்டாலின், முஸ்லிம் சிறைவாசிகள் மீது அ.தி.மு.க-வின் இந்த திடீர் அக்கறை குறித்து கேள்வி கேட்டு, ஆட்சியில் இருந்தபோது அவர்களுக்காக ஏன் எந்த நடவடிக்கையும் எடுக்கவில்லை என்று கேள்வி எழுப்பினார்.

பாஜக மாநிலத் தலைவர் அண்ணாமலை, கோயம்புத்தூர் குண்டுவெடிப்பை சுட்டிக் காட்டி, பயங்கரவாதிகள் முன்கூட்டியே விடுவிக்கப்படுவதைக் குறித்து எச்சரித்தார். “யாரும் விடுதலை செய்யப்படமாட்டார்கள் என்று நாங்கள் நம்புகிறோம். நான் அவர்களை முஸ்லிம்கள் என்று சொல்ல விரும்பவில்லை. அவர்கள் பயங்கரவாதிகள்” என்று அண்ணாமலை கூறினார்.

தற்செயலாக, 2021-ம் ஆண்டு ஆட்சிக்கு வந்தவுடன், நீண்ட காலமாக சிறையில் இருக்கும் சிறைவாசிகளை விடுவிப்பதற்கான வழிமுறையை தி.மு.க அரசு ஏற்படுத்தியது. அந்த ஆண்டு டிசம்பரில், 20 ஆண்டுகள் சிறையில் உள்ள சிறைவாசிகள், முதியவர்கள் அல்லது ஊனமுற்றோர் அல்லது நாட்பட்ட நோய்களால் பாதிக்கப்பட்ட சிறைவாசிகளின் கோரிக்கைகளை பரிசீலிக்க, ஓய்வு பெற்ற உயர் நீதிமன்ற நீதிபதி என். ஆதிநாதன் தலைமையில் 6 பேர் கொண்ட குழுவை அமைத்தது.

கடந்த இரண்டு ஆண்டுகளில், இந்த குழு 264 ஆயுள் தண்டனை கைதிகளை முன்கூட்டியே விடுதலை செய்ய பரிந்துரை செய்துள்ளது, அவர்களில் முஸ்லிம்கள் உட்பட 49 பேரை அரசாங்கம் தேர்வு செய்துள்ளது. ஆனால், இவர்களை விடுவிப்பதற்கான பரிந்துரை, ஸ்டாலின் அரசுடன் முரண்படும் கவர்னர் ஆர்.என். ரவியிடம் ஒப்புதலுக்காக நிலுவையில் உள்ளது.

சட்டப்பேரவையில் முஸ்லிம் சிறைவாசிகள் தொடர்பான கோரிக்கையை அ.தி.மு.க பொதுச் செயலாளரும், எதிர்க்கட்சித் தலைவருமான எடப்பாடி பழனிசாமி செவ்வாய்க்கிழமை எழுப்பினார்.

அவரை எதிர்க்கும் வகையில், முன்னாள் முதல்வர் சி.என். அண்ணாதுரையின் பிறந்தநாளில் செப்டம்பர் 2021-ல் அவரது அரசாங்கம் “ஒன்பது முஸ்லிம் சிறைவாசிகள்” உட்பட 335 ஆயுள் தண்டனை கைதிகளை விடுவித்தது குறித்து பேசினார். (இது ஆதிநாதன் கமிட்டியின் பரிந்துரைகளில் இருந்து வேறுபட்டது.)

2011 முதல் 2021 வரையிலான 10 ஆண்டு கால ஆட்சியில் நீண்டகாலமாக சிறையில் வாடும் கைதிகளின் விடுதலைக்கு எந்த நடவடிக்கையும் எடுக்காத அ.தி.மு.க-வினரைத் தாக்கிய ஸ்டாலின், அதற்குப் பதிலாக தருமபுரி பேருந்து எரிப்பு சம்பவத்தில் 3 பெண்கள் கொல்லப்பட்ட வழக்கில் தண்டனை பெற்றவர்களை விடுதலை செய்ததாகக் கூறினார். இது அ.தி.மு.க-வினர் கல்லூரி பேருந்தை எரித்ததில் மாணவர்கள் உயிரிழந்த வழக்கு.

மத்திய அரசின் சர்ச்சைக்குரிய குடியுரிமை திருத்தச் சட்டம் மற்றும் தேசிய குடிமக்கள் பதிவேடுக்கான அதன் திட்டங்களுக்கு அ.தி.மு.க-வின் ஆதரவு குறித்தும் முதல்வர் மு.க. ஸ்டாலின் கேள்வி எழுப்பினார். இவை இரண்டும் அவர்களுக்கு எதிராக இயக்கப்பட்டதாக முஸ்லிம் சமூகத்தால் பார்க்கப்படுகிறது.

அப்போது, முன்னாள் பிரதமர் ராஜீவ் காந்தி கொலை வழக்கில் தண்டனை பெற்ற 7 பேரின் விடுதலை அ.தி.மு.க ஆட்சிக் காலத்தில் எடுக்கப்பட்ட முடிவுகள்தான் என்று பழனிசாமி வாதிட்டார்.

தமிழ்நாட்டின் மக்கள் தொகையில் சுமார் 6% முஸ்லிம்கள் உள்ளனர். 2017-ல் பா.ஜ.க-வுடன் கூட்டணி வைத்ததில் இருந்து அ.தி.மு.க முஸ்லிம்கள் மத்தியில் தனது ஆதரவை இழந்திருந்தாலும் ஜெயலலிதாவின் மறைவுக்குப் பிறகு, தி.மு.க முஸ்லிம் சமூகத்தின் மீதான தனது பிடியைத் தக்க வைத்துக் கொள்ள முயற்சி செய்கிறது.

சட்டப்பேரவையில் நடந்த விவாதத்துக்குப் பிறகு, பா.ஜ.க மாநிலத் தலைவர் அண்ணாமலை, தி.மு.க தலைமையிலான அரசு முஸ்லிம்களைக் கவரை அவர்களைத் திருப்திப்படுத்தும் அரசியல் செய்வதாகக் குற்றம் சாட்டினார். சமூக ஊடக பதிவுகளில்,  தீவிர இஸ்லாமிய அடிப்படைவாதிகளை சிறையில் இருந்து விடுவிக்கும் அவரது தவறான சாகசத்தை நிறுத்துமாறு ஸ்டாலினை அவர் வலியுறுத்தினார். அ.தி.மு.க., கோரிக்கையை எழுப்பியதற்காக அவர் அமைதியாக இருந்தார் என்பது குறிப்பிடத்தக்கது. அ.தி.மு.க.வுக்கு எதிரான அண்ணாமலையின் பேச்சுகள் இறுதியில் இரு கட்சிகளும் பிரிந்து செல்ல வழிவகுத்தது.

கோவையைச் சேர்ந்த பா.ஜ.க எம்.எல்.ஏ-வும் மூத்த தலைவருமான வானதி சீனிவாசனும் முஸ்லிம் கைதிகளை விடுவிக்கும் கோரிக்கையை எதிர்த்தார்.  “அவர்களில் 1998-ம் ஆண்டு கோவை குண்டுவெடிப்பு சம்பவத்தில் 58 பேர் உயிர் இழந்த வழக்கில் பலர் குற்றவாளிகள். சட்டமன்ற விவாதம் பாதிக்கப்பட்டவர்களின் குடும்பங்களை குழப்பத்தில் ஆழ்த்தியுள்ளது, அரசாங்கத்தின் நோக்கங்கள் உண்மையான மனிதாபிமானமா அல்லது வாக்காளர்களை கவரும் ஒரு அரசியல் உத்தியா என்ற கேள்விகளை எழுப்புகிறது” என்று அவர் கூறினார்.

அதே நேரத்தில்,  ‘முஸ்லீம் சிறைவாசிகளை’ விடுதலை செய்ய வேண்டும் என்ற கோரிக்கையை முதலில் தி.மு.க கூட்டணிக் கட்சியான வி.சி.க-வால் வைக்கப்பட்டது. 25 ஆண்டுகளுக்கும் மேலாக சிறையில் வாடும் முஸ்லிம் சமூகத்தைச் சேர்ந்த ஆயுள் தண்டனைக் கைதிகள் 37 பேரை விடுதலை செய்ய வேண்டும் என்று வி.சி.க தலைவர் தொல். திருமாவளவன் கடந்த ஒரு மாதத்துக்கு முன்பு கூறியிருந்தார். முஸ்லிம் சமூகம் மட்டுமல்ல, அனைத்து ஜனநாயக சக்திகளும் அவர்களின் விடுதலையை ஆதரிப்பதாக அவர் கூறினார்.

தமிழ்நாட்டில் தலித்துகளின் முக்கிய கட்சியான திருமாவளவன் தலைமையிலான வி.சி.க, முஸ்லிம்கள் உட்பட அனைத்து பிற்படுத்தப்பட்ட சமூகத்தினரின் குரலாக உருவெடுக்க முயற்சி செய்து வருகிறது. சமீபத்திய ஆண்டுகளில், பெரும்பான்மை இந்துத்துவாவின் எழுச்சி அத்தகைய குழுக்களுக்கு தீங்கு விளைவிக்கும் என்று வாதிடுகிறது.

source https://tamil.indianexpress.com/tamilnadu/aiadmk-dmk-muslim-inmates-release-demand-tamil-nadu-assembly-1521255