/indian-express-tamil/media/media_files/YVtb9gfsiWCxs4IkarYG.jpg)
தமிழகத்தில் 2024-25ம் கல்வியாண்டிற்கான 10, 11, 12-ம் வகுப்பு பொதுத்தேர்வு அட்டவணை வெளியிடப்பட்டுள்ளது. பொதுத்தேர்வு அட்டவணையை கோவை மாவட்ட ஆட்சியர் அலுவலகத்தில் வைத்து பள்ளிக்கல்வித்துறை அமைச்சர் அன்பில் மகேஷ் வெளியிட்டார்.
அதன்படி, 12 ஆம் வகுப்பு செய்முறை தேர்வு பிப்ரவரி 7-ம் தேதி தொடங்கி 14-ம் தேதி வரை நடைபெற உள்ளது. இதேபோல், 11 ஆம் வகுப்பு செய்முறை தேர்வு பிப்ரவரி 15-ஆம் தேதி தொடங்கி 21- ஆம் தேதி வரை நடைபெற உள்ளது. பத்தாம் வகுப்பு செய்முறை தேர்வு பிப்ரவரி 22-ஆம் தேதி தொடங்கி 28 ஆம் தேதி வரை நடைபெற உள்ளது.
இதனைத் தொடர்ந்து, 12 ஆம் வகுப்புக்கான பொதுத்தேர்வு மார்ச் 3 ஆம் தேதி தொடங்கி 25 ஆம் தேதி வரை நடைபெற உள்ளது. 11 ஆம் வகுப்புக்கான பொதுத்தேர்வு மார்ச் 5 ஆம் தேதி தொடங்கி 27 ஆம் தேதி வரை நடைபெற உள்ளது. பத்தாம் வகுப்புக்கான பொதுத்தேர்வு மார்ச் 28 ஆம் தேதி தொடங்கி ஏப்ரல் 15 ஆம் தேதி வரை நடைபெற உள்ளது என்று அமைச்சர் அன்பில் மகேஷ் தெரிவித்துள்ளார்.
source https://tamil.indianexpress.com/education-jobs/tn-board-exam-date-2025-tamil-nadu-class-10th-12th-sslc-hse-plus-1-and-plus-2-time-table-public-exam-minster-anbil-mahesh-tamil-news-7312292
