வங்கி செல்லத் தேவையில்லை; ஆன்லைனில் KYC அப்டேட் செய்வது எப்படி?

 வங்கி வாடிக்கையாளர்கள் தங்களது வங்கிக்கு சென்று KYC விவரங்களை அப்டேட் செய்யாமல் சுலபமாக வீட்டில் இருந்த படியே அப்டேட் செய்வது எப்படி என்று பார்ப்போம். இந்திய ரிசர்வ் வங்கி (ஆர்பிஐ) பயனர்கள் தங்கள் கே.ஒய்.சி விவரங்களைத் தொடர்ந்து அப்டேட் செய்வதை கட்டாயமாக்கியுள்ளது. அந்த வகையில் ஆன்லைனில் KYC அப்டேட் செய்வது குறித்துப் பார்ப்போம். 

இந்தச் செயல்முறையை எளிதாக்க, RBI ஆனது, ஏற்கனவே சரியான ஆவணங்களைச் சமர்ப்பித்த மற்றும் தங்களது முகவரியை மாற்றாத பயனர்களுக்கு ஆன்லைனில் KYC புதுப்பிப்புகளை வழங்கியுள்ளது.

கடந்த ஆண்டு வரை, KYC ஐப் புதுப்பிக்க ஒரு கிளைக்குச் செல்ல வேண்டியிருந்தது. இருப்பினும், ஜனவரி 5, 2023 தேதியிட்ட சுற்றறிக்கையில், இந்திய ரிசர்வ் வங்கி (RBI) KYC தகவலில் எந்த மாற்றமும் இல்லை என்றால், பயனர்கள் தங்கள் இ-மெயில் மூலம், பதிவு செய்யப்பட்ட மொபைல் எண், ஏடிஎம்கள் அல்லது இன்டர்நெட் பேங்கிங் மூலம் அறிவிப்பைச் சமர்ப்பிக்கலாம் என்று அறிவித்தது. டிஜிட்டல் சேனல்கள். சுற்றறிக்கையில், KYC தகவலில் எந்த மாற்றமும் இல்லை என்றால், தனிப்பட்ட வாடிக்கையாளரின் சுய-அறிக்கை மறு-KYC செயல்முறையை முடிக்க போதுமானது என்று கூறியது. 

ஆன்லைனில் KYC அப்டேட் செய்வது எப்படி? 

1. உங்கள் வங்கியின் ஆன்லைன் வங்கி போர்ட்டலை ஓபன் செய்யவும்.

2. 'KYC' டேப் பக்கம் சென்று கிளிக் செய்யவும்.

3. இப்போது அதில் வரும் வழிமுறைகளைப் பின்பற்றி, உங்கள் பெயர், முகவரி மற்றும் பிறந்த தேதி உள்ளிட்ட விவரங்களை வழங்கவும்.

4. ஆதார், பான் மற்றும் தேவையான ஆவணங்களின் ஸ்கேன் செய்யப்பட்ட நகல்களைப் பதிவேற்றவும். இந்த அடையாள அட்டைகளின் இருபுறமும் ஸ்கேன் செய்வதை உறுதிசெய்யவும்.

5. இப்போது 'Submit' பட்டன் கொடுக்கவும். உங்களுக்கு service request number அனுப்பபடும். இது குறித்து வங்கி உங்களது இ-மெயில், எஸ்.எம்.எஸ் மூலமாக தகவல் அனுப்பும். 

வாடிக்கையாளர்கள் KYC அப்டேட் செய்வது அவசியமாகிறது. மேலும், உங்கள் வங்கி சேவைகளை தவறாக பயன்படுத்துவதை தடுப்பதில் KYC செயல்முறை முக்கிய பங்கு வகிக்கிறது.

 

source https://tamil.indianexpress.com/technology/how-to-update-kyc-online-2026196