யூ.பி.ஐ சேவைகள் / பயன்பாடுகள் - மத்திய அரசு அளித்த முக்கிய விளக்கம்

 

யூ.பி.ஐ பயன்படுத்த இனி கட்டணமா? மத்திய அரசு அளித்த முக்கிய விளக்கம்

யூ.பி.ஐ (UPI) மூலம் பணம் செலுத்தும் பயனர்களுக்கு எந்தவொரு கட்டணமும் வசூலிக்கப்படாது என்று மத்திய நிதியமைச்சகம் சனிக்கிழமை வெளியிட்டுள்ள அறிக்கையில் தெரிவித்துள்ளது. மேலும், குறிப்பிட்ட வரம்பிற்கு மேல் உள்ள வணிகர்களுக்கு மட்டுமே, டெபிட் அல்லது கிரெடிட் கார்டுகளுக்கான 'வர்த்தகர் தள்ளுபடி விகிதத்தை' (MDR - Merchant Discount Rate) விட குறைந்தபட்ச எம்.டி.ஆர் கட்டணம் எதிர்காலத்தில் அறிமுகப்படுத்தப்படும்போது விதிக்கப்படலாம் என்றும் தெரிவிக்கப்பட்டுள்ளது.

நபர்களுக்கு இடையிலான (P2P) அனைத்து பரிவர்த்தனைகள் தொடர்ந்து கட்டணமின்றி இலவசமாகவே இருக்கும் என்றும், வணிகர்களுக்கான பெரும்பாலான பரிவர்த்தனைகளுக்கு கட்டணம் எதுவும் இருக்காது என்றும் நிதியமைச்சகம் திட்டவட்டமாகத் தெரிவித்துள்ளது. மேலும், கட்டணம் எதுவும் நிர்ணயிக்கப்பட்டால், அது குறித்து தேசிய செலுத்துதல்கள் கழகத்தின் (NPCI) கீழ் செயல்படும் 'யூபிஐ மற்றும் சேவைகள் வழிநடத்தல் குழு' முடிவெடுக்கும். தற்போது, கிரெடிட் கார்டுகளுக்கு 1% முதல் 3% வரையிலும், டெபிட் கார்டுகளுக்கு பரிவர்த்தனை மதிப்பில் 0.9% v

நாடாளுமன்றத்தின் மக்களவையில் வியாழக்கிழமை நிறைவேற்றப்பட்ட 'வரிவிதிப்பு & பிற சட்டங்கள் (திருத்த) மசோதா, 2026' அறிமுகப்படுத்தப்பட்டதைத் தொடர்ந்து, யூபிஐ பரிவர்த்தனைகளுக்கு கட்டணம் விதிக்கப்படலாம் என்ற விவாதம் எழுந்தது. இந்த மசோதா 'செலுத்துதல் & தீர்வு அமைப்புகள் சட்டம், 2007'-இல் மாற்றங்களை முன்மொழிகிறது. இதன் மூலம் வங்கிகள் மற்றும் பணப்பரிவர்த்தனை சேவை நிறுவனங்கள், யூபிஐ மற்றும் ரூபே டெபிட் கார்டு பரிவர்த்தனைகளுக்கு கட்டணம் வசூலிக்க வழிவகை செய்யப்பட்டுள்ளது.

source https://tamil.indianexpress.com/business/upi-free-for-citizens-merchants-may-face-nominal-fee-government-12243346