முழு முகத்தை மறைக்க எதிர்ப்பு: சுவிஸ் மக்களின் வாக்கு முஸ்லிம்களுக்கு எதிரானதா?

 What Swiss vote against full face covering means Tamil News : கடந்த ஞாயிற்றுக்கிழமை சுவிஸ் வாக்காளர்கள், பொது இடங்களில் “முழு முகத்தை” மூடுவதைத் தடை செய்வதற்கான ஒரு பொது வாக்கெடுப்பில் வாக்களித்தனர். இது வலதுசாரி சுவிஸ் மக்கள் கட்சிக்கான (Swiss People’s Party – SVP) வெற்றியைக் குறிக்கும் விதமாகப் பார்க்கப்பட்டது. இந்தத் தடைக்கு, 51.2% ஆதரவையும், 48.8% எதிர்ப்பையும் இந்த வாக்கெடுப்புப் பதிவு செய்துள்ளது. இந்நிலையில், இந்த தேர்தல் தீர்ப்பு சுவிஸ் அரசாங்கத்தின் நிலைப்பாட்டிற்கு எதிராக மாறியது. மக்கள் என்ன அணிய வேண்டும் என்பதில் அரசு முடிவெடுக்கக்கூடாது என்று வாதிட்டனர்.

வாக்கெடுப்பு

சுவிட்சர்லாந்தின் நேரடி ஜனநாயக முறையின் கீழ், தேசிய மற்றும் பிராந்திய நிலைகளில் பிரபலமான வாக்கெடுப்புகளில் உள்ள பிரச்சினைகள் குறித்து மக்கள் நேரடியாக வாக்களிக்க அனுமதிக்கப்படுகிறார்கள். 86 லட்சம் பேர் கொண்ட நாட்டில் 1 லட்சம் கையொப்பங்களை சேகரிக்க முடிந்தால் ஒரு தலைப்பை தேசிய வாக்கெடுப்புக்கு வைக்கலாம். ஓ முன்முயற்சி அங்கீகரிக்கப்படுவதற்கு, நாடு முழுவதிலுமிருந்து பெரும்பான்மையான வாக்காளர்களும், நாட்டின் 26 பிராந்தியங்களில் பெரும்பான்மையினரும் அதை ஆதரிக்க வேண்டும்.

கடந்த ஞாயிற்றுக்கிழமை ஒப்புதல் அளித்த திட்டத்தின் படி, கடைகள் மற்றும் உணவகங்களுக்குச் செல்லும்போது, பொதுப் போக்குவரத்தைப் பயன்படுத்தும்போது அல்லது நடைபாதையில் நடந்து செல்வது உட்பட யாரும் தங்கள் முகத்தை முழுமையாக பொதுவில் மறைக்க அனுமதிக்க மாட்டார்கள் என்று குறிப்பிடப்பட்டது. இதன் விதிவிலக்குகளில், வழிபாட்டுத் தலங்கள் மற்றும் கோவிட் -19 முகமூடிகள் போன்ற பாதுகாப்பு மற்றும் சுகாதார காரணங்களுக்காக முகமூடிகளைப் பயன்படுத்துதல் ஆகியவை அடங்கும். சுவிட்சர்லாந்தில் இரண்டு பிராந்தியங்களில் ஏற்கனவே இதுபோன்ற தடைகள் உள்ளன.

ஞாயிற்றுக்கிழமை வாக்கெடுப்பு இஸ்லாம் மதத்தை நேரடியாகக் குறிப்பிடவில்லை என்றாலும், வன்முறை வீதி ஆர்ப்பாட்டக்காரர்கள் அணிந்த முகமூடிகள் உட்பட, அனைத்து முக மறைப்புகளையும் நோக்கமாகக் கொண்டது. மொத்தத்தில் இது ஒரு “புர்கா தடை” என்று பரவலாகப் புரிந்து கொள்ளப்பட்டது. ‘ஆம்’ போராட்டக்காரர்களின் இலக்கியங்களும் சுவரொட்டிகளும்தான் இதற்குக் காரணம். அதில், “தீவிரவாதத்தை நிறுத்து” என்ற சொற்களுக்கு மேலே வைக்கப்பட்டுள்ள நிகாப் அணிந்த கோபமுள்ள பெண்களின் கேலிச்சித்திரங்கள் இடம்பெற்றிருந்தன.

இந்தத் தடை திட்டம் பல ஆண்டுகளாக விவாதிக்கப்பட்டு, மற்ற ஐரோப்பிய நாடுகளான பிரான்ஸ், நெதர்லாந்து மற்றும் பெல்ஜியம் போன்றவற்றின் முன்மாதிரியைப் பின்பற்றுகிறது.

வெவ்வேறு பகுதிகளிலிருந்து எதிர்வினைகள்

முஸ்லீம் அமைப்புகள் இந்த வாக்கெடுப்பு முடிவைக் கண்டித்தன. மத்திய முஸ்லீம் கவுன்சில் குழு அதை சமூகத்திற்கு “ஒரு இருண்ட நாள்” என்று அழைத்தது. மேலும், “இன்றைய முடிவு பழைய காயங்களைத் திறக்கிறது. சட்ட சமத்துவமின்மையின் கொள்கையை மேலும் விரிவுபடுத்துகிறது. முஸ்லிம் சிறுபான்மையினருக்கு விலக்கப்படுவதற்கான தெளிவான சைகை இது” என ஒரு அறிக்கையில் தெரிவிக்கப்பட்டது.

சுவிஸ் அரசாங்கம் முகம் மறைப்புகளை ஒரு “மார்ஜினல் நிகழ்வு” என்று அழைத்தது. மேலும், இந்தத் தடை நாட்டின் சுற்றுலாத் துறையை பாதிக்கும் என்று வாதிட்டது. ஏனெனில், இது முஸ்லீம் நாடுகளிலிருந்து சுவிட்சர்லாந்திற்கு வருபவர்களைத் தடுக்கும். விரிவான சட்டத்தை உருவாக்க இப்போது இரண்டு ஆண்டுகள் உள்ளன.

அம்னஸ்டி இன்டர்நேஷனல் முன்மொழியப்பட்ட இந்தத் தடையை விமர்சித்தது. மேலும் இது “கருத்து சுதந்திரம் மற்றும் மதம் உட்படப் பெண்களின் உரிமைகளை மீறும் ஆபத்தான கொள்கை” என்றும் கூறியது. சுவிஸ் பெண்ணியவாதிகள் இந்த விவகாரத்தில் தெளிவற்றவர்களாகக் காணப்பட்டனர். பலர் புர்கா மற்றும் நிகாப் பெண்களை அடக்குவதாக வர்ணித்தனர். ஆனால், அதே நேரத்தில் பெண்கள் அணிய வேண்டியவற்றை ஆணையிடும் சட்டங்களை எதிர்க்கவும் செய்தனர்.

தங்கள் பங்கில், இந்த நடவடிக்கையை ஆதரித்தவர்கள், சுதந்திர சமுதாயத்தின் கொள்கைகளை நிலைநிறுத்துவதாக முடிவைக் கொண்டாடுகிறார்கள். சிலர் அதை இஸ்லாம் அரசியலுக்கு எதிரான வெற்றியாகப் பாராட்டுகிறார்கள்.

சுவிட்சர்லாந்தின் 86 லட்சம் மக்களில், சுமார் 5% முஸ்லிம்கள். இவர்கள் பெரும்பாலும் துருக்கி மற்றும் முன்னாள் யூகோஸ்லாவியாவிலிருந்து வந்தவர்கள். லூசெர்ன் பல்கலைக்கழகத்தின் ஒரு ஆய்வில், இஸ்லாமிய நிகாப் அல்லது முக்காடு இந்த நாட்டில் அரிதாகத்தான் அணியப்படுகிறது. என்று குறிப்பிடுகிறது.

சுவிட்சர்லாந்தில் வாக்கு என்றால் என்ன?

2009-ம் ஆண்டில், இதுபோன்ற மற்றொரு வாக்கெடுப்பு, அரசாங்கத்தின் நிலைக்கு எதிராகச் சென்றது. வாக்காளர்கள் நாட்டில் மினாரெட்டுகள் கட்ட தடை விதிக்க முடிவு செய்தனர். பின்னர், இந்த நடவடிக்கை எஸ்.வி.பி-யாழ் ஆதரிக்கப்பட்டது. இது, மினாரெட்டுகள் இஸ்லாமியமாக்கலின் அடையாளம் என்று கூறியது. எப்படி இருந்தாலும், இத்தகைய நடவடிக்கைகளின் புகழ் குறைந்து வந்தது. குறைவான சுவிஸ் மக்கள் மட்டுமே குடியேற்றம் உள்ளிட்ட கட்டுப்பாடுகள் போன்ற வலதுசாரிக் கொள்கைகளை ஆதரிக்கின்றனர் என்று பிபிசி தெரிவித்துள்ளது.

source https://tamil.indianexpress.com/explained/what-swiss-vote-against-full-face-covering-means-for-the-country-its-muslims-tamil-news-251496/