ஹார்முஸ் ஜலசந்தியில் பாதுகாப்பான பயணம் - 20 நாடுகள் ரெடி

source https://tamil.indianexpress.com/international/us-israel-vs-iran-war-news-live-updates-tehran-strikes-netanyahu-ground-invasion-nowruz-11249652

அமெரிக்கா – இஸ்ரேல் ஈரான் இடையேயான போர் நாளுக்கு நாள் தீவிரமடைந்து வரும் நிலையில், இவர்களின் தாக்குதல்களுக்கு ஈரானும் பதிலடி கொடுத்து வருகிறது. இதனிடையே, ஈரான் கடல் மார்க்கமாக அனுப்பியுள்ள எண்ணெயை விற்பனை செய்வதற்கு டிரம்ப் நிர்வாகம் நேற்று (மார்ச் 20) இரவு "தற்காலிக உரிமம்" வழங்கியுள்ளது. கடுமையான எண்ணெய் தட்டுப்பாட்டை எதிர்கொள்ளும் நட்பு நாடுகளுக்கு, இந்த சரக்குகளை வாங்குவதற்கு இந்த நடவடிக்கை உதவும் என்று எதிர்பார்க்கப்படுகிறது. 

தனித்தே தாக்குதல் நடத்திய இஸ்ரேல்

போரின் நிழலில் பொதுமக்கள் ஈத் (Eid) பண்டிகையைக் கொண்டாடி வரும் வேளையிலும், ஜெருசலேம் மற்றும் தெஹ்ரான் வான்பரப்பில் வெடிப்புச் சத்தங்கள் கேட்டது. பல முனைகளிலும் இரவு நேரத் தாக்குதல்கள் தொடர்ந்த நிலையில், ஈரானிய ஏவுகணைகள் அடுத்தடுத்து ஏவப்பட்டதால் ஜெருசலேமில் விமானப்படை அபாயச் சங்கு (Siren) ஒலிக்கப்பட்டது. சவுதி அரேபியா மற்றும் பஹ்ரைன் உள்ளிட்ட பல வளைகுடா நாடுகள் தங்கள் பகுதிக்குள் வந்த ட்ரோன்களை இடைமறித்து அழித்ததாகத் தெரிவித்துள்ளன.

இப்பகுதி முழுவதும் முக்கியமான எரிசக்தி உள்கட்டமைப்புகள் பெரும் சேதத்தைச் சந்தித்து வரும் நிலையில், ஈரானின் தெற்கு பார்ஸ் (South Pars) எரிவாயு வயல் மீது இஸ்ரேல் தனித்தே தாக்குதல் நடத்தியதாக பிரதமர் பெஞ்சமின் நெதன்யாகு தெரிவித்துள்ளார்.

21 03 2026