21 12 2022
நாடாளுமன்ற குளிர்கால கூட்டத்தொடரை முன்கூட்டியே முடித்துக்கொள்ள திட்டமிடப்பட்டுள்ளது.
ஆண்டுதோறும் நவம்பர் மாதத்தில் தொடங்கும் நாடாளுமன்ற குளிர்கால கூட்டத்தொடர் இந்த ஆண்டு சற்று தாமதமாக டிசம்பர் 7-ம் தேதி தொடங்கியது. இந்த கூட்டத்தொடர் டிசம்பர் 29-ம் தேதி வரை நடத்த திட்டமிடப்பட்டிருந்தது.
இந்நிலையில், நாடாளுமன்றக் கூட்டத் தொடரை முன்கூட்டியே முடித்துக்கொள்வது தொடர்பாக, அலுவலக பரிந்துரை குழு ஆலோசனை மேற்கொண்டது. இதில், நாளை மறுநாளுடன் கூட்டத் தொடரை முடித்துக்கொள்வது என ஒருமனதாக முடிவெடுக்கப்பட்டுள்ளது.
இந்திய – சீன ராணுவ வீரர்களுக்கு இடையே நிகழ்ந்த மோதல் விவகாரம் தொடர்பாக விவாதிக்க எதிர்க்கட்சிகள் தொடர்ந்து வலியுறுத்திவரும் நிலையில், கூட்டத்தொடர் முன்கூட்டியே நிறைவடைய உள்ளது.
source https://news7tamil.live/the-winter-session-of-parliament-will-conclude-on-dec-23.html
