இங்கிலாந்தில் உள்ள ஹரே கிருஷ்ணா, ஹரே ராமா அமைப்பு மாட்டு சிறுநீரை பாட்டிலில் அடைத்து விற்பனைக்கு விடுகிறது.
இதற்காக மாட்டு பண்ணை ஒன்றையும் இந்த இயக்கம் நடத்தி வருகிறது. இந்த சிறுநீர் பாட்டில்கள் லண்டன் உள்ளிட்ட பல்வேறு நகரங்களில் உள்ள சூப்பர் மார்க்கெட்டில் விற்கப்படுகின்றன. உணவு பொருட்களுடன் இதையும் அடுக்கி வைத்து விற்பனை செய்கிறார்கள்.
இந்நிலையில் மாட்டு சிறுநீரை சூப்பர் மார்க்கெட்டில் வைத்து விற்பதால் அவை அருகில் உள்ள உணவு பொருட்களில் பரவி சுகாதார பாதிப்புகளை ஏற்படுத்தலாம் என சுகாதார அமைப்புகள் எதிர்ப்பு தெரிவித்து உள்ளன. மேலும் இங்கிலாந்தில் மாட்டு சிறுநீர் விற்பனை செய்வது சட்ட விரோதம் என்றும் அவர்கள் கூறி உள்ளனர்.