5 12 2022
ஜி 20 மாநாடு இந்தியா தலைமை வகிப்பது பா.ஜ.கவின் திறமையால் கிடைத்தது என்பது பொய் பிரச்சாரம் என காங்கிரஸ் எம்.பி கார்த்தி சிதம்பரம் பேசியுள்ளார்.
சிவகங்கை மேலூர் சாலையில் செயல்பட்டுவரும் அரசு பெண்கள் மேல்நிலைப்பள்ளியில்
நாடாளுமன்ற தொகுதி மேம்பாட்டு நிதியிலிருந்து கட்டப்படவுள்ள வகுப்பறை
கட்டிடத்திற்கு பூமி பூஜை நடைபெற்றது. இதில் காங்கிரஸ் எம்.பி கார்த்தி சிதம்பரம் பங்கேற்று அங்கிருந்த மாணவிகளிடம் கலந்துரையாடினர். இந்த நிகழ்ச்சியில் ஏராளமான காங்கிரஸ் நிர்வாகிகள் உடனிருந்தனர்.
பின்னர் செய்தியாளர்களை சந்தித்த அவர், ஜி 20 மாநாட்டிற்கு இந்தியா தலைமை ஏற்பது என்பது சுழற்சி முறையிலேயே கிடைத்துள்ளது என கூறினார்.
மேலும், இது ஏதோ பா.ஜ.கவின் திறமைக்காக கிடைத்தது என்பது பொய்
பிரச்சாரம் என்று தெரிவித்தார்.
காங்கிரஸ் தலைவர்கள் மாற்றம் குறித்த கேள்விக்கு தமிழக காங்கிரஸில் 5 ஆண்டுகள்
பதவியில் இருந்தவர்களுக்கு மீண்டும் வாய்ப்பிருக்காது என தற்காலிக தலைவர்
அறிவித்துள்ளார். அதன்படி மீண்டும் பழைய ஆட்களுக்கு வாய்ப்பிருக்காது என
தெரிவித்தார்.
source https://news7tamil.live/bjps-claim-that-india-will-chair-the-g20-summit-is-a-lie-karti-chidambaram-mp.html
