தமிழகம் மற்றும் புதுவையில் இடியுடன் கூடிய மழைக்கு வாய்ப்பு October 03, 2017

வளிமண்டல மேலடுக்கு சுழற்சி காரணமாக வட தமிழகம் மற்றும் புதுவையில் இடியுடன் கூடிய மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

இது தொடர்பாக வானிலை ஆய்வு மையம் வெளியிட்டுள்ள அறிவிப்பில் ஆந்திர மாநிலம் ராயலசீமா பகுதியில் இருந்து கடலோர கர்நாடகா வரை வளிமண்டல மேலடுக்கு சுழற்சி ஏற்பட்டுள்ளதாக தெரிவிக்கப்பட்டுள்ளது. 

இதன் காரணமாக வட தமிழகம் மற்றும் புதுவையில் மழையோ, இடியுடன் கூடிய மழையோ பெய்ய வாய்ப்புள்ளதாக வானிலை ஆய்வு மையம் தெரிவித்துள்ளது. 

சென்னையை பொறுத்தவரை மாலை அல்லது இரவு நேரங்களில் மழை பெய்யக்கூடும் எனவும் வானிலை ஆய்வு மையம் குறிப்பிட்டுள்ளது.