நீட் தேர்வு விவகாரத்தில் மத்திய அரசையும், ஆளுநரையும் கண்டித்து திமுக சார்பில் இன்று உண்ணாவிரத போராட்டம் நடைபெறவுள்ளது.
தமிழ்நாட்டு மாணவர்களின் மருத்துவராகும் கனவை சிதைக்கும் நீட் தேர்வை திரும்ப பெற வலியுறுத்தி, திமுக இளைஞரணி, மாணவரணி, மருத்துவ அணி ஆகிய மூன்று அணிகளின் சார்பில் அனைத்து மாவட்ட தலைநகரங்களிலும் இன்று உண்ணாவிரதப் போராட்டம் நடைபெறவுள்ளது.
சென்னையில் நடைபெறும் போராட்டத்தில் அமைச்சர் உதயநிதி ஸ்டாலின் பங்கேற்கவுள்ளார். கட்சியின் பொதுச்செயலாளரும், மூத்த அமைச்சருமான துரைமுருகன் போராட்டத்தை துவக்கி வைக்கஉள்ளார். மதுரையில் அதிமுக மாநாடு நடைபெறுவதையொட்டி, அங்கு மட்டும் வரும் 23ம் தேதி உண்ணாவிரத போராட்டம் நடைபெறும் என அறிவிக்கப்பட்டுள்ளது.
source https://news7tamil.live/neet-exam-issue-fasting-today-on-behalf-of-dmk.html
