Coronavirus vaccine on March 1 Tamil News : கோவிட் -19 தடுப்பூசி இயக்கத்தின் இரண்டாம் கட்டம் மார்ச் 1 முதல் தொடங்கும் என்று மத்திய அரசு கடந்த புதன்கிழமை கூறியது. இது குறிப்பாக 60 வயதுக்கு மேற்பட்ட அனைத்து குடிமக்களுக்கும் மற்றும் உடலில் ஒன்றுக்கும் மேற்பட்ட நோய் உள்ள 45 வயதுக்கு மேற்பட்டவர்களுக்கு இது போடப்படும் என்று அறிவித்திருந்தது.
10,000 அரசு சுகாதார மையங்களில் இந்தத் தடுப்பூசி இலவசமாகக் கிடைக்கும். பயனாளிகள் மதிப்பிடப்பட்ட 20,000 தனியார் வசதிகளில் செலுத்த வேண்டும்.
அமைச்சரவையின் இந்த முடிவை அறிவித்த மத்திய தகவல் மற்றும் ஒளிபரப்பு அமைச்சர் பிரகாஷ் ஜவடேகர், “தனியார் துறையில் தடுப்பூசி போடுவதற்கான செலவு அடுத்த இரண்டு-மூன்று நாட்களில் மத்திய சுகாதார அமைச்சகத்தால் அறிவிக்கப்படும். நாங்கள் தனியார் மருத்துவமனைகளுடன் கலந்துரையாடி வருகிறோம்” என்று தெரிவித்தார்.
“நாங்கள் கோவிட் -19 தடுப்பூசி இயக்கத்தை ஜனவரி 16-ம் தேதி தொடங்கினோம். இதுவரை 1.07 கோடி தடுப்பூசிகளை வழங்கியுள்ளோம். இந்த சாதனையை எட்டிய வேகமான நாடுகளில் நாம் ஒருவராக இருக்கிறோம். மிகக் குறைவான கடுமையான பாதகமான நிகழ்வுகளையும் நாங்கள் தெரிவித்தோம். மேலும், 14 லட்சம் பயனாளிகள் ஏற்கெனவே இரண்டாவது டோஸைப் பெற்றுள்ளனர். சுகாதார மற்றும் முன்னணி தொழிலாளர்களுக்கு இலவசமாகத் தடுப்பூசி போடப்பட்டது. அடுத்த கட்டம், மார்ச் 1 முதல் தொடங்கும் என்று அரசாங்கம் முடிவு செய்துள்ளது” என்று ஜவடேகர் கூறினார்.
60 வயதுக்கு மேற்பட்டவர்களின் மக்கள் தொகை 10 கோடிக்கு மேல் உள்ளது என மதிப்பிடப்பட்டுள்ளது.
As of February 24, according to the Health Ministry, the vaccination coverage stood at 1,23,66,633முன்னதாக, கோவிட் -19-க்கான தடுப்பூசி நிர்வாகம் குறித்த தேசிய நிபுணர் குழு, 50 வயதுக்கு மேற்பட்டவர்களின் கூட்டு மக்கள்தொகை மற்றும் 50 வயதிற்கு குறைவானவர்கள் ஒன்றுக்கு மேற்பட்ட நோய்களுடன் சுமார் 27 கோடி இருக்கின்றனர் என்று கூறியிருந்தது.
தடுப்பூசி இயக்கத்தின் முதல் கட்டமாக, சுகாதார மற்றும் முன்னணி ஊழியர்களுக்காக சுமார் 10,000 மருத்துவமனைகளில் – சுமார் 2,000 மருத்துவமனைகள் மட்டுமே தனியார் வசதிகளை கொண்டுள்ளது. இருப்பினும், அடுத்த கட்டத்தில் தனியார் துறை பெரிய பங்கை வகிக்கும்.
ஆயுஷ்மான் பாரதத்தின் கீழ் சேர்க்கப்பட்ட சுமார் 12,000 தனியார் மருத்துவமனைகள் மற்றும் முதன்மை திட்டத்தின் ஒரு பகுதியாக இல்லாத பெரிய மருத்துவமனை சங்கிலிகள், தடுப்பூசி இயக்கத்தில் தீவிரமாக பங்கேற்கும் என்று அரசாங்க வட்டாரங்கள் தி இந்தியன் எக்ஸ்பிரஸ்ஸிடம் தெரிவித்தன.
இரண்டாம் கட்டத்தின் அறிவிப்பு பல மாநிலங்களில் பதிவாகியுள்ள வழக்குகளின் பின்னணியில் வருகிறது. மகாராஷ்டிரா, கேரளா, சத்தீஸ்கர், மத்தியப் பிரதேசம், குஜராத், பஞ்சாப், கர்நாடகா, தமிழ்நாடு, மேற்கு வங்கம், மற்றும் ஜம்மு-காஷ்மீர் ஆகிய மாநிலங்களுக்கு பல உயர்மட்ட குழுக்கள் அனுப்பப்பட்டுள்ளதாக மத்திய சுகாதார அமைச்சகம் புதன்கிழமை தெரிவித்துள்ளது.
மகாராஷ்டிரா, கேரளா, சத்தீஸ்கர், மத்தியப் பிரதேசம், குஜராத், பஞ்சாப், மற்றும் ஜம்மு-காஷ்மீர் ஆகிய மாநிலங்களில் ஆர்டி-பி.சி.ஆர் பரிசோதனையை அதிகரிக்க மத்திய சுகாதார செயலாளர் ராஜேஷ் பூஷண் கேட்டுக் கொண்டார். “அனைத்து நேர்மறையான நபர்களும் உடனடியாக தனிமைப்படுத்தப்பட வேண்டும் / மருத்துவமனையில் சேர்க்கப்பட வேண்டும். அவர்களின் நெருங்கிய தொடர்புகள் அனைத்தும் கண்டறியப்பட வேண்டும். மேலும், தாமதமின்றி சோதிக்கப்பட வேண்டும்” என்று பூஷண் கூறினார்.
கோவிட் -19 தடுப்பூசிக்கு ரூ.35,000 கோடி ஒதுக்கப்பட்டுள்ளதாக மத்திய பட்ஜெட் அறிவிப்பைத் தொடர்ந்து அடுத்த முன்னுரிமை குழுவிற்கு அரசாங்க வசதிகளில் இலவசமாக தடுப்பூசி போடுவதற்கான முடிவு எடுக்கப்பட்டுள்ளது. மத்திய நிதியமைச்சர் நிர்மலா சீதாராமன், “தேவைப்பட்டால் மேலும் நிதியை வழங்க மையம் உறுதிபூண்டுள்ளது” என்று கோடிட்டுக் காட்டினார்.
பிப்ரவரி 24-ம் தேதி நிலவரப்படி, தடுப்பூசி பாதுகாப்பு 1,23,66,633 ஆக உள்ளது. இதில் 65,24,726 சுகாதாரப் பணியாளர்கள் (1 வது டோஸ்), 14,81,754 சுகாதாரப் பணியாளர்கள் (2 வது டோஸ்), மற்றும் 43,60,153 முன்னணி தொழிலாளர்கள் (1 வது டோஸ்) என பிரிக்கப்பட்டுள்ளனர்.
தனியார் வசதிகளில் தடுப்பூசி போடுவதற்கான செலவை அரசாங்கம் இன்னும் அறிவிக்கவில்லை என்றாலும், விப்ரோ நிறுவனர் அசிம் பிரேம்ஜி முன்னதாக ஒரு பயனாளிக்கு இரண்டு டோஸுக்கு ரூ.800 விலை என மதிப்பிட்டிருந்தார்.
60 நாட்களுக்குள் 500 மில்லியனுக்கும் அதிகமான தொகையை அடைய தனியார் துறையை அதிக அளவில் ஈடுபடுத்துமாறு அரசாங்கத்தை வலியுறுத்திய அவர், “சீரம் நிறுவனம் தடுப்பூசிகளை ஒரு ஷாட்டுக்கு சுமார் 300 ரூபாய்க்கு வழங்குவதற்கான வாய்ப்பு உள்ளது. மருத்துவமனைகள், தனியார் நர்சிங் ஹோம்ஸ் இதை ஒரு ஷாட் ரூ.100 செலவில் நிர்வகிக்கலாம். எனவே, ஒரு ஷாட்டுக்கு ரூ.400 இருந்தால், வெகுஜன மக்களுக்கு தடுப்பூசி போடமுடியும்” என்று கூறினார்.
source https://tamil.indianexpress.com/india/coronavirus-vaccine-on-march-1-all-above-60-45-plus-with-comorbidities-tamil-news-249392/
