3 1 2023
உக்ரைன் நடத்திய ராக்கெட் தாக்குதலில் 63 ரஷ்ய வீரர்கள் உயிரிழந்ததாக தகவல் வெளியாகியுள்ளது.
உக்ரைன் மீதான ரஷ்யாவின் போர் 313-வது நாளை எட்டியுள்ள நிலையில், இந்த போரில் ஆயிரக்கணக்கானோர் உயிரிழந்துள்ளனர். போரை நிறுத்திவிட்டு இருநாடுகளும் அமைதி பேச்சுவார்த்தைக்கு திரும்ப வேண்டும் என்று இந்தியா உள்ளிட்ட நாடுகள் வலியுறுத்தி வரும் நிலையில், அமெரிக்கா, ஐரோப்பிய நாடுகளின் ஆயுத உதவியால், இந்த போர் பல மாதங்களாக நீடித்து வருகிறது.
இந்நிலையில், உக்ரைன் நடத்திய ராக்கெட் தாக்குதலில் 63 ரஷ்ய வீரர்கள் உயிரிழந்துள்ளதாகவும், ரஷ்யாவின் கட்டுப்பாட்டில் டோனெட்க்ஸ் மாகாணத்தில் உள்ள தற்காலிக ராணுவ தளத்தில் உக்ரைன் தாக்குதல் நடத்தியதாகவும் தெரிவிக்கப்பட்டுள்ளது. இதனிடையே, உக்ரைன் ராணுவ வீரர் ஒருவர், ஹெலிகாப்டரில் இருந்து தாக்குதல் நடத்தும் வீடியோ வெளியாகி உள்ளது.
மேலும், ரஷ்யாவின் பிரையன்ஸ்க் மாகாணத்தில் உள்ள எரிசக்தி கட்டமைப்புகள் மீது உக்ரைன் ராணுவம் ட்ரோன் தாக்குதல் நடத்தியதாக கூறப்பட்டுள்ளது. இந்த தாக்குதலால் மின்சார சேவை பாதிக்கப்பட்டதாகவும், உயிர்சேதம் ஏற்படவில்லை என்றும் ரஷ்யா தரப்பில் தெரிவிக்கப்பட்டுள்ளது.
source https://news7tamil.live/63-russian-soldiers-killed-in-ukraine-rocket-attack.html
