2 6 23
பாஜகவிற்கு எதிராக எதிர்க்கட்சிகளின் கூட்டணி வலுவாக அமையும் என்று காங்கிரஸ் முன்னாள் தலைவர் ராகுல் காந்தி நம்பிக்கை தெரிவித்துள்ளார்.
அமெரிக்காவுக்கு சென்றுள்ள காங்கிரஸ் முன்னாள் தலைவர் ராகுல் காந்தி, தொடர்ந்து பாஜகவுக்கு எதிராகவும், ஆர்.எஸ்.எஸ் இயக்கத்திற்கு எதிராகவும் பல்வேறு கருத்துக்களையும், விமர்சனங்களையும் தெரிவித்து வருகிறார். இதற்கு பாஜகவினரும் பதில் கொடுத்து வருகின்றனர்.
இந்நிலையில், அமெரிக்காவின் வாஷிங்டன் நகரில் ராகுல்காந்தி செய்தியாளர்களை சந்தித்தார். அப்போது பேசிய அவர், பாஜகவிற்கு எதிராக எதிர்க்கட்சிகள் ஒன்றுபட்டுள்ளதாகவும், மேலும் மேலும் எதிர்க்கட்சிகள் ஒன்றிணைந்து வருகின்றன என்றும் தெரிவித்தார்.
அனைத்து எதிர்க்கட்சிகளுடனும் காங்கிரஸ் கட்சி பேச்சுவார்த்தை நடத்தி வருவதாக குறிப்பிட்ட அவர், எதிர்க்கட்சிகளுடன் போட்டியிடும் இடங்கள் இருப்பதால் கூட்டணிக்காக கொடுக்கல் வாங்கல் தேவை என்றும் கூறினார். இந்தியாவில் எதிர்க்கட்சிகள் ஜனநாயகத்திற்காக போராடி வருவதாகவும் ராகுல்காந்தி தெரிவித்தார்.
பாஜகவிற்கு எதிராக எதிர்க்கட்சிகளின் கூட்டணி வலுவாக அமையும் என்று நம்பிக்கை தெரிவித்த ராகுல் காந்தி, எதிர்வரும் நாடாளுமன்ற தேர்தலில் பல ஆச்சரியங்கள் காத்திருப்பதாக கூறினார்.
source https://news7tamil.live/opposition-alliance-against-bjp-will-be-strong-rahul-gandhi-confident.html
