முஸ்லீம்களுக்கு தரப்படும் சலுகைகளை இந்துக்களுக்கும் வழங்க வேண்டும். இல்லையேல் முஸ்லீம்களுக்கான சலுகைகளை நிறுத்த வேண்டும் என விஷ்வ ஹிந்து பரிஷத் அமைப்பின் தலைவர் பிரவீன் தொகாடியா தெரிவித்துள்ளார்.
குஜராத் மாநிலம் அகமதாபாத் நகரில் நடந்த நிகழ்ச்சியில் கலந்துகொண்டு ஏழை இந்துக்களுக்கு உணவு தானியங்களை நன்கொடையாக வழங்கும் ஏக் முத்தி அன்ஜ் என்ற திட்டத்தை தொடங்கி வைத்துப் பேசிய விஷ்வ ஹிந்து பரிஷத் அமைப்பின் தலைவர் பிரவீன் தொகாடியா, இந்துக்கள் கட்டும் வரிப்பணத்திலிருந்து முஸ்லீம்கள் சலுகைகளைப் பெறும்போது படேல், தாக்கூர், கோலி இன மக்கள் ஏன் சலுகைகளைப் பெறக்கூடாது என பேசினார்.
இதேபோல், முஸ்லீம்களுக்கு புனிதப்பயணம் செய்யவும் கல்வி நிறுவனங்கள் நடத்தவும் மானியங்கள் அளிக்கும் அரசு, இந்துக்களுக்கு அதுபோன்ற மானியங்களை வழங்குவதில்லை என குற்றம்சாட்டினார்.
எனவே முஸ்லீம்களுக்கு தரப்படும் சலுகைகளை நிறுத்தவேண்டும், அல்லது அதே சலுகைகளை இந்துக்களுக்கும் வழங்க வேண்டும் எனவும் பேசினார்.
http://kaalaimalar.net/bjp-praveen-togadia-hindu-muslim-bjp-congress/
