22 11 2022
இன்று அர்ஜென்டினா, சவுதி அரேபியா இடையே நடைபெற்ற ஆட்டத்தில் 2-1 என சவுதி அரேபியா அணி வெற்றி பெற்றது.
22-வது உலக கோப்பை கால்பந்து போட்டி கத்தாரில் நடைபெற்று வருகிறது. இந்தத்தொடரில் இன்று 4 ஆட்டங்கள் நடைபெறுகிறது. இந்தத்தொடரில் இன்று நடைபெற்ற ஆட்டத்தில் அர்ஜென்டினா, சவுதி அரேபியா அணிகள் மோதின.
அட்டத்தின் தொடக்கத்தில் ஆதிக்கம் செலுத்திய அர்ஜென்டினா அணியினர் மிக சிறப்பாக விளையாடினர். பின் அர்ஜென்டினா அணிக்கு ஆட்டத்தின் 10 வது நிமிடத்தில் பெனால்டி கிடைத்தது. இந்த பெனால்டியை சரியாகப் பயன்படுத்திய அணியின் கேப்டன் மெஸ்ஸி கோல் அடித்து அசத்தினார். இதன் பின் சவுதி அரேபியா அணி வீரர்கள் பதிலடி கொடுக்க முயன்றும் கோல் அடிக்க முடியவில்லை.
இதனால் ஆட்டத்தின் முதல் பாதி 1-0 என அர்ஜென்டினா அணி முன்னிலை வகித்தது. அதன் பின் நடைபெற்ற 2வது பாதி ஆட்டத்தில் சவுதி அரேபியா அணியினர் ஆதிக்கம் செலித்தி அணியின் சலே அல்ஷெரி 48வது நிமிடத்திலும் ,சலேம் அல்தாவசாரி 53வது நிமிடத்திலும் கோல் அடித்தனர். இவர்களின் இந்த கோல், ஆட்டத்தைச் சூடுபிடிக்கச் செய்தது.
இதற்கு அர்ஜென்டினா அணி எவ்வளவு போராடியும் கோல் ஏதுவும் அடிக்க முடியவில்லை.இதனால் ஆட்ட முடிவில் முடிவில் 2-1 என சவுதி அரேபியா அணி வெற்றி பெற்றது.
source https://news7tamil.live/world-cup-football-argentina-shock-saudi-arabia-2-1.html
