11 11 2022
திண்டுக்கல்லில் உள்ள காந்தி கிராம பல்கலைகழக பட்டமளிப்பு விழாவில் பங்கேற்க தமிழகம் வந்துள்ள பிரதமர் மோடிக்கு உற்சாக வரவேற்பு அளிக்கப்பட்ட நிலையில், முதல்வர் ஸ்டாலின் நேரில் சென்று வரவேற்பு அளித்தார்.
பட்டமளிப்பு விழாவில் 2314 மாணவர்களுக்கு பிரதமர் மோடி பட்டம் வழங்கினார். இந்த நிகழ்ச்சியில் பிரதமர் மோடி, முதல்வர் ஸ்டாலின் ஆகியோருடன் தமிழக ஆளுனர் ஆர்.என.ரவி, மற்றும் அமைச்சர்கள் பலரும் பங்கேற்றனர். நிகழ்ச்சியில்பேசிய முதல்வர் ஸ்டாலின், உயர்கல்வியில் சிறந்து விளங்கும் தமிழகத்தின் அரசு கட்டுப்பாட்டில் 22 பல்கலை கழகங்கள் இயங்கி வருகிறது.
தமிழகத்தின் கல்வித்திட்டங்கள் அனைத்து மாநிலங்களும் கவனிக்கும் வகையில் உள்ளது. பெண்களின் உயர்கல்வியை ஊக்குவிக்கும் வகையில், புதுமைபெண் திட்டம் செயல்படுத்தப்பட்டு வருகிறது. காந்தி கூறிய கொள்கைகள் இந்தியாவை ஒழுங்குபடுத்தும் விழுமியங்களாக உள்ளன என்று பேசினார்.
source https://tamil.indianexpress.com/tamilnadu/pm-modi-smile-talking-with-cm-stalin-in-dindugal-gandhigram-university-convocation-539958/
