உலகின் தலைசிறந்த இயற்பியல் விஞ்ஞானிகளில் ஒருவரான பிரிட்டனைச் சேர்ந்த ஸ்டீபன் ஹாக்கிங் உடல் நலக்குறைவால் கேம்பிரிட்ஜ்ஜில் உள்ள அவரது இல்லத்தில் இன்று காலமானார். அவருக்கு வயது 76.
- 1942-ஆம் ஆண்டு ஜனவரி 8-ஆம் தேதி இங்கிலாந்தில் உள்ள ஆக்ஸ்ஃபோர்டில் பிறந்த ஸ்டீபன் ஹாக்கிங், தனது 76-ஆவது வயதில் இன்று மரணமடைந்துள்ளார். இரண்டு திருமணங்கள் செய்துகொண்ட ஹாக்கிங்கிற்கு மூன்று குழந்தைகள் உள்ளனர்.
- 1959-ஆம் ஆண்டு ஆக்ஸ்போர்டு பல்கலைக்கழகத்தில் இயற்கை அறிவியலில் பி.ஏ. பட்டமும், அதையடுத்து கேம்பிரிட்ஜ் பல்கலைக்கழகத்தில் ஆராய்ச்சியையும் தொடர்ந்தார்.
- 1960-களில் ஸ்டீபன் ஹாக்கிங் பல்கலைக்கழகத்தில் படித்துக்கொண்டிருந்தபோது motor neurone என்ற நரம்பியல் நோயால் பாதிக்கப்பட்டார், இதனால் அவரது உடல் உறுப்புகள் செயலிழக்கத் தொடங்கின.
- ஒரு கட்டத்தில் பெரும்பாலான உறுப்புகள் செயலிழந்துவிட்ட நிலையில், ஈக்வலைஸர் என்ற கம்ப்யூட்டர் புரோகிராம் உதவியுடன் கன்னத் தசைகளின் அசைவுடன் கம்ப்யூட்டர் குரலில் பேசத் தொடங்கினார் ஹாக்கின்ஸ்.
- சக்கர நாற்காலியில் அமர்ந்து கொண்டு அண்டம் தொடர்பான ஆராய்ச்சியில் பல மைல்கல் சாதனைகளை புரிந்தவர் ஸ்டீபன் ஹாக்கிங்.
- டைம் மெஷின், பிளாக் ஹோல், ஏலியன், பிக்பேங் தியரி உள்ளிட்ட அண்டம் தொடர்பான ஆராய்ச்சிகளை மேற்கொண்ட இவரை உலகே திரும்பிப் பார்த்தது.
- இமேஜினரி டைம் என்ற கோட்பாட்டின் அடிப்படையில் இவர் எழுதிய A BRIEF HISTORY OF TIME என்ற புத்தகம் தமிழ் உள்பட 35 உலக மொழிகளில் மொழிபெயர்க்கப்பட்டுள்ளது.
- THE UNIVERSE IN A NUT SHELL, MY BRIEF HISTORY உள்ளிட்ட பல்வேறு புத்தகங்களை எழுதியுள்ள ஹாக்கிங்கின் கோட்பாடுகளை தழுவி பல ஹாலிவுட் படங்கள் எடுக்கப்பட்டுள்ளன.
- மாபெரும் விஞ்ஞான ஆராய்ச்சியின் மூலம் அடையாளம் காணப்பட்டுவரும் கடவுள் துகள் எனப்படும் “ஹிக்ஸ் போஸான்” இந்த பிரபஞ்சத்தையே அழிக்கும் பயங்கர ஆற்றல் கொண்டது என கடந்த 2014-ஆம் ஆண்டு ஸ்டீபன் ஹாக்கிங் எச்சரித்தார்.
- மாற்று கிரகத்தைத் தேடி மனித இனம் நகர வேண்டிய கால கட்டம் இது எனக் கூறிய ஹாக்கிங், பூமியில் மனித இனம் தொடர தன் ஆராய்ச்சியில் வெற்றி பெறுவேன் என கூறினார்.
