தமிழகத்தில் வேலூர், கிருஷ்ணகிரி, பெரம்பலூர், திருச்சி மாவட்டங்களில் 107 டிகிரி பாரன்ஹிட் வரை வெயில் சுட்டெரிக்கும் என்று சென்னை வானிலை ஆய்வு மையம் எச்சரித்துள்ளது.
நுங்கம்பாக்கத்தில் செய்தியாளர்களைச் சந்தித்த வானிலை ஆய்வு மைய இயக்குநர் பாலச்சந்திரன், கடந்த 24 மணி நேரத்தில் வேலூர் மற்றும் திருத்தணியில் 107 டிகிரி வெப்பம் பதிவானதாகக் கூறினார்.
வெப்பச்சலனம் காரணமாக அடுத்த 24 மணி நேரத்தில் வேலூர், கிருஷ்ணகிரி, சேலம், தருமபுரி, நாமக்கல் மாவட்டங்களில் இடியுடன் கூடிய மழைக்கு வாய்ப்புள்ளதாகக் கூறினார்.
சென்னையை பொறுத்தவரை 38 டிகிரி செல்சியஸ் வரை வெப்பம் பதிவாக வாய்ப்புள்ளது என்று பாலசந்திரன் தெரிவித்தார்
வேலூர், திருச்சியில் வெயில் சுட்டெரிக்கும்
தமிழக உள் மாவட்டங்களில் மழைக்கு வாய்ப்பு
