கொரோனா காரணமாக மாவட்ட நீதிமன்றங்கள் திறக்கப்படாமல், காணொலி மூலம் வழக்குகள் விசாரிக்கப்பட்டு வருகின்றன.
இதனிடையே தமிழகத்தில் உள்ள கோவை, மதுரை, தஞ்சை உள்ளிட்ட 10 மாவட்டங்களிலும், புதுச்சேரியிலும் உள்ள நீதிமன்றங்களையும் ஜூன் 22 முதல் திறக்க அனுமதி அளிக்கப்பட்டுள்ளது. சென்னை உயர் நீதிமன்ற தலைமை நீதிபதி ஏ.பி.சாஹி தலைமையிலான நிர்வாக குழு, மாவட்ட முதன்மை நீதிபதிகளுடன் நடத்திய ஆலோசனைக்கு பிறகு இந்த முடிவு எடுக்கப்பட்டுள்ளது.
திறக்கப்படும் நீதிமன்றங்களில் 50% ஊழியர்களுக்கு மிகாமல் பணி ஒதுக்க வேண்டும் என மாவட்ட நீதிபதிகளுக்கு அறிவுத்தப்பட்டுள்ளது. நீதிமன்றத்திற்கு வர விரும்பாத வழக்கறிஞர்கள் காணொலி மூலம் வழக்கில் ஆஜராகவும் அனுமதி அளிக்கப்பட்டுள்ளது.
