6 7 23
சந்திரயான் – 3 விண்கலம் வரும் 14-ம் தேதி விண்ணில் ஏவப்பட உள்ளதாக இஸ்ரோ அறிவித்துள்ளது.
இந்திய விண்வெளி ஆய்வு நிறுவனமான இஸ்ரோ நிலவை ஆய்வு செய்ய 2008-ல் சந்திரயான்-1 விண்கலத்தை அனுப்பியது. அந்த சோதனை நிலவில் தண்ணீர் இருப்பதற்கான ஆதாரங்களை உறுதி செய்தது. இதையடுத்து, நிலவில் தரையிறங்கி ஆய்வு செய்யும் விதமாக சந்திரயான்-2 விண்கலம் நவீன வசதிகளுடன் உருவாக்கப்பட்டது.
இந்த சந்திரயான்-2 விண்கலம் ஜிஎஸ்எல்வி மார்க்-3 ராக்கெட் மூலம் 2019 ஜூலை 22-ம் தேதி விண்ணில் ஏவப்பட்டு, 2019 செப்டம்பர் மாதம் நிலவின் சுற்றுப்பாதையை சென்றடைந்தது. எனினும், தொழில்நுட்பக் கோளாறு காரணமாக திட்டமிட்டபடி லேண்டர் கலன் தரையிறங்காமல் நிலவில் மோதி செயலிழந்தது.
அதேநேரம், விண்கலத்தின் மற்றொரு பகுதியான ஆர்பிட்டர், நிலவின் சுற்றுப்பாதையில் வெற்றிகரமாக நிலை நிறுத்தப்பட்டது. இந்நிலையில், தற்போது மீண்டும் தென் துருவ பகுதியை ஆய்வு செய்ய சந்திரயான் – 3 விண்கலம், 615 கோடி ரூபாய் செலவில் தயாராகி உள்ளது. ஜிஎஸ்எல்வி மார்க் 3 ராக்கெட் மூலம் இந்த சந்திரயான்-3 விண்கலம் அனுப்பப்பட உள்ளது. சந்திரயான் – 3 விண்கலம், ஆந்திர மாநிலம் ஸ்ரீஹரிஹோட்டாவில் உள்ள சதீஷ் தவான் ஏவுதளத்தில் இருந்து, வரும் 14-ம் தேதி பிற்பகல் 2.35 மணிக்கு விண்ணில் ஏவப்பட உள்ளதாக அறிவிக்கப்பட்டுள்ளது.
source https://news7tamil.live/chandrayaan-3-will-launch-on-14th-isro-announcement.html
