புறம்போக்கு என்ற வார்த்தை அரசாங்க கெஜட்டிலேயே இருப்பதாக திமுக செயல் தலைவர் ஸ்டாலின் தெரிவித்துள்ளார்.
சென்னை தேனாம்பேட்டையில் நடைபெற்ற திருமண விழாவில் கலந்து கொண்ட ஸ்டாலின், பின்னர் அங்கிருந்தவர்கள் மத்தியில் உரையாற்றினார். அப்போது, தனக்கு அய்யாதுரை என்று பெயர் வைக்கவே கருணாநிதி முதலில் திட்டமிட்டிருந்ததாகவும், ஆனால், காரணப் பெயர் என்ற வகையில் தமக்கு ஸ்டாலின் என பெயர் சூட்டியதாகவும் தெரிவித்தார். ஆனால், ஸ்டாலின் என்ற பெயர் வைக்கப்பட்டதால், சென்னை சர்ச் பார்க் பள்ளியில் தனக்கு அனுமதி மறுக்கப்பட்டதை நினைவு கூர்ந்த ஸ்டாலின், அந்தப் பள்ளியில் சேர முடியாமல் போனதற்காக இப்போது மகிழ்ச்சியடைவதாக குறிப்பிட்டார். மொழிப்போர் தியாகிகள் தினத்தன்று தாம் பேசிய போது புறம்போக்கு என்று குறிப்பிட்டது சர்ச்சையாக்கப்பட்டதாக தெரிவித்த ஸ்டாலின், புறம்போக்கு என்ற வார்த்தை அரசாங்க கெஜட்டிலேயே இருப்பதாக விளக்கினார்.
களவாணி என்று சொல்லலாமா என கேட்கிறார்கள். திருடன் என்று சொல்வதை களவாணி என்று கூறலாம். ஜெயலலிதா களவாணி என்று பேசியது சட்டமன்றத்திலே பதிவாகியுள்ளது புறம்போக்கு என்பது அரசாங்க கெசட்டிலேயே உள்ளது
