05.06.2021 இது தொடர்பாக முதலமைச்சர் வெளியிட்டுள்ள செய்தி குறிப்பில் கூறியிருப்பதாவது, “கொரோனா வைரஸ் நோய்த் தொற்று பரவலைத் தடுப்பதற்காக இந்திய அரசின் வழிகாட்டுதலின்படி தமிழ்நாட்டில் கடந்த ஆண்டு மார்ச் மாதம் 25-ம் தேதி முதல் ஊரடங்கு உத்தரவு குறிப்பிட்ட சில தளர்வுகளுடன் அமலிலிருந்து வருகிறது.
இந்திய அரசின் உள்துறை அமைச்சகம் வெளியிட்ட அரசாணையில் கொரோனா நோய்த் தடுப்பு நடவடிக்கைகள் ஜூன் மாத இறுதி வரை தொடர்ந்து அமலில் இருக்கும் என ஆணையிடப்பட்டுள்ளது.
நோய்த் தொற்று பரவலைத் தடுக்கும் பொருட்டு கடந்த மே மாதம் 24- ம் தேதி முதல் தளர்வுகளற்ற முழு ஊரடங்கு தமிழ்நாட்டில் நடைமுறைப்படுத்தப்பட்டுவருகிறது. இந்த ஊரடங்கு நாளை மறுநாள் காலை 6 மணிக்கு முடிவுக்கு வருகிறது.
இந்நிலையில் தமிழ்நாட்டில் கொரோனா நோய்த் தொற்றின் தன்மையினை மாவட்ட வாரியாக ஆய்வு செய்தும், நோய்த் தொற்று பரவாமல் தடுத்து, மக்களின் விலைமதிப்பற்ற உயிர்களைக் காக்கும் நோக்கத்திலும் இந்த முழு ஊரடங்கு , வரும் 7ஆம் தேதி முதல் 14ம் தேதி காலை 6 மணிவரை சில தளர்வுகளுடன் மேலும் ஒரு வார காலத்திற்கு நீட்டிக்கப்படுகிறது.
கொரோனா நோய்த் தொற்று அதிகமாக உள்ள கோவை, நீலகிரி, திருப்பூர், ஈரோடு, சேலம், கரூர், நாமக்கல், தஞ்சாவூர், திருவாரூர், நாகப்பட்டினம் மற்றும் மயிலாடுதுறை உள்ளிட்ட 11 மாவட்டங்களுக்கு அத்தியாவசிய செயல்பாடுகளுக்கு மட்டும் கட்டுப்பாடுகளுடன் அனுமதி அளிக்கப்படுகிறது.
கொரோனா நோய்த் தொற்று குறைந்த மற்ற மாவட்டங்களுக்கு ஏற்கனவே அனுமதிக்கப்பட்டுள்ள தளர்வுகளுடன் கூடுதல் செயல்பாடுகளுக்கு அனுமதி அளிக்கப்பட்டுள்ளது” என முதலமைச்சர் மு.க. ஸ்டாலின் வெளியிட்ட செய்தி குறிப்பில் கூறப்பட்டுள்ளது.
* தமிழகத்தில் தளர்வுகளுடன் மேலும் ஒரு வாரத்திற்கு ஊரடங்கு நீட்டிப்பு” - முதலமைச்சர் மு.க.ஸ்டாலின்
* தொற்று அதிகமுள்ள மாவட்டங்கள், தொற்று குறைந்த மாவட்டங்கள் என இரண்டாக பிரித்து ஊரடங்கு தளர்வுகள் அறிவிப்பு!
* கோவை, திருப்பூர், நீலகிரி, ஈரோடு, சேலம், கரூர், நாமக்கல், தஞ்சாவூர், திருவாரூர், நாகை, மயிலாடுதுறை ஆகிய மாவட்டங்கள் தொற்று அதிகமுள்ள மாவட்டங்களாக அறிவிக்கப்பட்டுள்ளது!
*தளர்வுகளுடன் கூடிய ஊரடங்கில் அரசு அலுவலகங்கள் 30 சதவீத ஊழியர்களுடன் செயல்பட அனுமதி”
* தமிழகத்தில் மளிகை, பழக்கடை, பூக்கடை, நடைபாதை கடைகள் காலை 6 மணி முதல், மாலை 4 மணி வரை செயல்படலாம்” -
*கொரோனா தொற்று குறைந்த மாவட்டங்களில் பல்புகள் உள்ளிட்ட மின் பொருட்கள் விற்பனை கடைகள், ஹார்டுவேர் கடைகள் காலை 6 மணி முதல் மாலை 5 மணி வரை செயல்படலாம்
* கொரோனா தொற்று அதிகம் உள்ள 11 மாவட்டங்களில், சார்பதிவாளர் அலுவலகங்கள் நாளொன்றுக்கு 50% டோக்கன்கள் மட்டுமே பத்திரப்பதிவு செய்ய அனுமதி
* “வழிபாட்டுத் தலங்களுக்கு பக்தர்கள் செல்ல தொடர்ந்து தடை நீட்டிப்பு”
* கொரோனா தொற்று குறைந்த மாவட்டங்களில் மின் பணியாளர், பிளம்பர், கணினி மற்றும் இயந்திர பழுதுநீக்குபவர், தச்சர் போன்ற சுயதொழிலுக்கு இ-பதிவுடன் அனுமதி
*“தளர்வுகளுடன் கூடிய ஊரடங்கில், 10 சதவீத பணியாளர்களுடன் ஏற்றுமதி நிறுவனங்கள், ஏற்றுமதி இடுபொருள் தயாரிப்பு நிறுவனங்கள் செயல்படலாம்”
* கொரோனா தொற்று குறைந்த மாவட்டங்களில் வீட்டின் அருகில் உள்ள கடைகளுக்கு நடந்து சென்று பொருட்களை வாங்க வேண்டும்” -
source https://news7tamil.live/tn-lockdown-extension-cm-stalin-corona-2.html
