கொரோனா வைரஸால் அதிக பாதிப்பை சந்தித்த 25 நாடுகள்!

உலகம் முழுவதும் வேகமாக பரவி வரும் கொரோனா வைரஸ், தற்போது வரை சுமார் 130 நாடுகளில், 1.45 லட்சத்திற்கும் மேற்பட்டவர்களை பாதித்துள்ள நிலையில் 5,400 பேருக்கு மேல் இதுவரை பலியாகியிருக்கின்றனர்.

ஐரோப்பிய கண்டத்தில் உள்ள அனைத்து நாடுகளிலும் இந்த வைரஸ் தீயாய் பரவி வருகிறது. ஈரானில் இந்த வைரஸை கட்டுப்படுத்த இயலாமல் அந்நாட்டு அரசுத்துறையினர் ஸ்தம்பித்து போயுள்ளனர்.

கடந்த ஆண்டு டிசம்பர் இறுதியில், சீனாவின் வுஹான் நகரில் பரவத் தொடங்கிய கொரோனா வைரஸின் புதிய மையமாக ஐரோப்பிய கண்டம் உருவெடுத்திருப்பதாக உலக சுகாதார நிறுவனம் அறிவித்துள்ளது, மேலும் கொரோனாவை ‘கொள்ளை’ (Pandamic) நோயாகவும் அறிவித்துள்ளது உலக சுகாதார நிறுவனம்.

உலக நாடுகளின் ஒட்டுமொத்த பொருளாதாரம், கல்வி, சுற்றுலா, விமான போக்குவரத்து, ஏற்றுமதி - இறக்குமதி, விளையாட்டு நிகழ்ச்சிகள், மக்கள் கூடும் நிகழ்வுகள், அரசு நிகழ்ச்சிகள், சந்திப்புகள், கலாச்சார - இறை வழிபாட்டு நிகழ்வுகள் என அனைத்து செயல்பாடுகளும் தடைபட்டுக்கிடக்கின்றன.

கொரோனா அச்சுறுத்தல் காரணமாக தேசிய அவசர நிலையை அமெரிக்க அரசு பிரகடனப்படுத்தியுள்ளது. இந்தியாவிலும் இது பேரிடராக அறிவிக்கப்பட்டு உயிரிழந்தவர்களுக்கு இழப்பீடு அறிவிக்கப்பட்டுள்ளது.

கொரோனா வைரஸ் தாக்குதலால் அதிகம் பாதிக்கப்பட்ட 25 நாடுகள்:
 

S.No	நாடுகள்	பாதிக்கப்பட்டவர்கள்	உயிரிழப்பு
1	சீனா		3,189
2	இத்தாலி	17660	1266
3	ஈரான்	12729	611
4	தென் கொரியா	8086	72
5	ஸ்பெயின்	5945	140
6	ஜெர்மனி	3953	8
7	பிரான்ஸ்	3661	79
8	அமெரிக்கா	2340	50
9	ஸ்விட்சர்லாந்து	1375	13
10	நார்வே	1033	1
11	ஸ்வீடன்	847	2
12	நெதர்லாந்து	804	10
13	டென்மார்க்	827	-
14	இங்கிலாந்து	798	11
15	ஜப்பான்	754	21
16	ஜப்பான் கடலில் நிறுத்தப்பட்டுள்ள சொகுசு கப்பல்	696	7
17	பெல்ஜியம்	689	4
18	ஆஸ்திரியா	602	1
19	கத்தார்	337	-
20	ஆஸ்திரேலியா	248	3
21	சிங்கப்பூர்	200	-
22	மலேசியா	238	-
23	கனடா	200	2
24	கிரீஸ்	190	3
25	பஹ்ரைன்	211	-

( Johns Hopkins University (JHU) உட்பட பல்வேறு ஆதாரங்களின் அடிப்படையில் மேற்கண்ட தகவல்கள் தொகுக்கப்பட்டுள்ளன..)

credit ns7.tv