கற்றாழையை ஜூஸ்:

 

சின்னத்திரையில் பிரபலமான நடிகை லாவண்யா, தனது ஆரோக்கியம் மற்றும் அழகுக்கான ரகசியங்களைப் பகிர்ந்து கொள்ளும்போது, கற்றாழையின் பயன்பாடு குறித்து பல மேஜிக் டிப்ஸ்களை அளித்துள்ளார். குறிப்பாக, பெண்கள் எதிர்கொள்ளும் மாதவிடாய் பிரச்சனைகளுக்கு கற்றாழையை எப்படி உட்கொள்வது என்பதை கலாட்டா பிங்கிற்கு அளித்த பேட்டியில் அவர் விளக்கமாகக் கூறியுள்ளார்.

நடிகை லாவண்யா, தன் அன்றாட உணவில் கற்றாழையை அதிக அளவில் எடுத்துக்கொள்வதாகக் குறிப்பிட்டுள்ளார். கற்றாழையைச் சாப்பிடுவதால் இளமையுடன் இருக்கலாம் என்று கூறுவதோடு, ஒழுங்கற்ற மாதவிடாய் மற்றும் வயிற்று வலி போன்ற பிரச்சனைகள் உள்ளவர்கள் இதைத் தொடர்ந்து எடுத்துக்கொண்டால் இந்தப் பிரச்சனைகள் அனைத்தும் சரியாகிவிடும் என்றும் அவர் உறுதி அளிக்கிறார்.

கற்றாழை ஜூஸ் சாப்பிடும் முறை:

கற்றாழையைச் சமைத்து அல்லது ஜூஸாகக் குடிப்பதற்கு முன்னர் அதைச் சுத்தம் செய்வதே மிக முக்கியமான படிநிலையாகும். ற்றாழையின் தோலை நீக்கிய பிறகு அதன் ஜெல்லை உட்கொள்ளும் முறையை நடிகை லாவண்யா கூறியுள்ளார்.

ற்றாழையின் மடலை எடுத்து, அதன் வெளிப்புறப் பச்சைத் தோலை கவனமாக நீக்க வேண்டும். தோலை நீக்கிய பிறகு உள்ளே இருக்கும் தெளிவான ஜெல்லை, தண்ணீரில் குறைந்தது 7 முதல் 8 முறை நன்றாகக் கழுவ வேண்டும். இவ்வாறு கழுவுவதன் மூலம் கற்றாழை ஜெல்லில் இயற்கையாக உள்ள கசப்பு அல்லது துவர்ப்புச் சுவையை ஏற்படுத்தும் மஞ்சள் நிற திரவம் முழுமையாக நீக்கப்படும். இது ஜூஸைச் சுவையாகவும், உடல்நலத்திற்குக் கேடு விளைவிக்காமல் இருக்கவும் உதவுகிறது.

சாப்பிடும் இரண்டு முறைகள்: கழுவிய கற்றாழை ஜெல்லில் உள்ள கசப்பு நீங்கிய பிறகு, இதை இரண்டு விதமாக உட்கொள்ளலாம் என லாவண்யா கூறுகிறார்.

1. நன்கு கழுவிய கற்றாழை ஜெல்லின் ஒரு பகுதியை அப்படியே மென்று சாப்பிடலாம்.

2. கழுவி சுத்தம் செய்த கற்றாழை ஜெல்லுடன், சிறிதளவு சீரகம் (Cumin) மற்றும் குறுமிளகு (Black Pepper) சேர்த்து நன்றாக அரைக்க வேண்டும். அதன்பிறகு அதை வடிகட்டி, அதனுடன் தயிர் (Curd/Yogurt) சேர்த்து கலந்து குடிக்கலாம். இது சுவையாகவும் ஊட்டச்சத்து நிறைந்ததாகவும் இருக்கும். ஒழுங்கற்ற மாதவிடாய் மற்றும் வயிற்று வலியால் அவதிப்படுபவர்கள், இந்த முறைகளில் கற்றாழையைத் தொடர்ந்து எடுத்துக்கொள்வது சிறந்த பலனைத் தரும் என்பது நடிகை லாவண்யா கூறுகிறார்.

பொறுப்பு துறப்பு: இந்தக் கட்டுரை பொது தளத்தில்/ நாங்கள் தொடர்பு கொண்டு பேசிய நிபுணர்களிடம் இருந்து பெறப்பட்ட தகவல் அடிப்படையில் எழுதப்பட்டுள்ளது. இக்கட்டுரையில் குறிப்பிட்டு இருப்பதை நீங்கள் கடைபிடிக்கும் முன், உங்கள் குடும்ப மருத்துவர் அல்லது உங்கள் உடல்நலப் பயிற்சியாளரை அணுகும்படி கேட்டுக் கொள்கிறோம்.

source https://tamil.indianexpress.com/food/actress-lavanya-tips-for-get-rid-of-periods-pain-12027058