அருகி வரும் பென்குயின் இனமான ஆப்ரிக்க பென்குயின்களின், உயிரணுக்களை சேகரித்து வைக்கும் வங்கி, தென்ஆப்ரிக்காவில் உருவாக்கப்பட்டுள்ளது.
ஆப்பிரிக்காவில் இந்த வகை பென்குயின்கள் மிகவும் குறைவாக இருப்பதால், அடுத்த 10 ஆண்டுகளில், இவை அழியும் ஆபத்து உள்ளதாக, உயிரின ஆராய்ச்சியாளர்கள் கருத்து தெரிவித்துள்ளனர். இந்நிலையில், அழிவில் இருந்து ஆப்ரிக்க பென்குயின்களைக் காக்கும் நோக்கில், அவற்றின் உயிரணுக்களை சேகரிக்கும் வங்கி அங்கு தொடங்கப்பட்டுள்ளது.
இதன் மூலம், இந்த இனம் தொடர்ந்து பாதுகாக்கப்படும் என ஆராய்ச்சியாளர்கள் கூறுகின்றனர். இது எந்த வகையில் ஒரு இனத்தின் அழிவைத் தடுக்கும் என்பதனை பொறுத்திருந்து தான் பார்க்க வேண்டும். இது வெற்றியடையும் பட்சத்தில் பல்வேறு உயிரினங்கள் அழிந்து போகாமல் தடுக்க முடியும் உயிரியல் ஆர்வலர்கள் கூறுகின்றனர்.
http://ns7.tv/ta/tamil-news/world-editors-pick-newsslider/27/1/2019/bank-collects-cells-save-penguins