வேலை நிறுத்தப் போராட்டத்தில் ஈடுபட்டுள்ள ஆசிரியர்களுக்கு அரசு விதித்த கெடு முடிவடைந்த நிலையில், 97 சதவீத உயர்நிலை மற்றும் மேல்நிலைப்பள்ளி ஆசிரியர்கள் பணிக்கு திரும்பியுள்ளதாக பள்ளி கல்வித்துறை தெரிவித்துள்ளது.
தமிழகம் முழுவதும் 9 அம்ச கோரிக்கைகளை வலியுறுத்தி ஜாக்டோ-ஜியோ அமைப்பினர் போராட்டத்தில் ஈடுபட்டுள்ளனர். குறிப்பாக கடந்த 7 நாட்களாக அரசுப்பள்ளி ஆசிரியர்களும் இப்போராட்டத்தில் பங்கேற்றனர். இந்நிலையில் இன்று காலை 9 மணிக்குள் ஆசிரியர்கள் பணிக்கு திரும்ப வேண்டும் எனவும், இல்லையெனில் கடும் நடவடிக்கை எடுக்கப்படும் என்றும் அரசு எச்சரித்தது.
அரசு விதித்த கெடு முடிவடைந்த நிலையில், 76 சதவீத தொடக்கப்பள்ளி ஆசிரியர்கள் பணிக்கு திரும்பியுள்ளதாக தெரிவிக்கப்பட்டுள்ளது. பணிக்கு திரும்பிய இடைநிலை ஆசிரியர்கள் விவரம் சேகரிக்கப்பட்டு வருவதாகவும் பள்ளி கல்வித்துறை தெரிவித்துள்ளது.
source: ns7.tv
